اطلب دعم محاميين فى قضية ضد الطيب مصطفى يتهمنى بالعمالة لاستلامى ظرف من احدى السفارات!!

Quote: و الله عمار دا من اول يوم مصنف زول ما مؤاخذ .. الجربدندية و الفكاكين و العبطة الماسكين في طرف البوكس ديل شنو ..

Quote: الانتباهة امس 1سبتمبر 200م عمود الطيب مصطفى داخل العمود

أركز يا اخونا.........
عشان نفهم الحاصل شنو !!!!!!!!!
شنو كله عمود في عمود
الفطور قرب عموما

(يا مزمل خيري الوشوش بتاعتك دي بتنزلها كيف .... اكسب في اختك ميادة ثواب ووريني اياها
ويابكري ابو بكر الفيك اتعرفت ما تشغل لينا الوشوش ياااااخ)

Quote: يا مزمل خيري الوشوش بتاعتك دي بتنزلها كيف .... اكسب في اختك ميادة ثواب ووريني اياها

ميادة
مسكاقمى ،، رمضنانقون آجا نلا ..
والله نحن تعبنا تعب شديد عشان نعرف الوشوش دى بتجى كيف ،، شئ تحانيس وشئ ماسنجرات مع زول
السعودية الطواالى ضاحك داك لحدى مااتعلمناها.. انت قايلاها ساااهلة كدة .؟
غايتو عملا لى الله بشرحها ليك لمن نتلاقى فى افطار البورداب يوم الجمعة الجاية
ماتنسى تجيبى معاك كراس هندسة وقلم رصاص واستيكة ..

يا مزمل يا مزمل
بالله انت من عندينا ورطاني كمان

حتى في الرسومات بتتعصبوا يا جماعة متخلوا حركاتكم دي الزول العاوز يستفيد ومابقدر يجي فطوركم دا ولا رطاني
يعمل شنو ياخ علمونا خلو ثقالاتكم دي صور برفائل زاتو ماقدرت ارفعه ورونا ياخ ينوبكم ثواب ولا لا زم اقول ليكم كمبو سرناقمي

Quote: حتى في الرسومات بتتعصبوا يا جماعة متخلوا حركاتكم دي الزول العاوز يستفيد ومابقدر يجي فطوركم دا ولا رطاني يعمل شنو ياخ علمونا خلو ثقالاتكم دي صور برفائل زاتو ماقدرت ارفعه ورونا ياخ ينوبكم ثواب ولا لا زم اقول ليكم كمبو سرناقمي

الحبيبة وجن
مافي تعصب ولا حاجة
انا زاتي زيييك ما حامشي افطار البورداب .... واصبري حيجيوا يشرحوا لينا هنا
ونصيحة تابعي بوستات المايسترو معاوية حسين
جد حستستفيدي منه

شكرا يا ميادة على النصيحة وانا بمزح معاكم ساي عشان تردوا على الرد الحلو دا وبرضو منتظرة الشرح

بالله يا عمار وقف الزول في حدوا
بس انا خايف و بعد التضامن الكبير ده يجوك ناس باركوها
تقوم تبارك انت و تضيع الناس ديل

Quote: في محامي شاطر جداً، ولحسن الحظ هو عضو معانا في البورد إسمه معاويّة عوض الكريم..

ياسر اب تفه كيفك ياخ

وما جيتنا بي جاي

نفتح صفحه جديدة بمناسبة هذا الشهر الكريم

الاستاذ معاوية هل توافق ان اوكل لك القضية...مع تحياتى

عمار قضيتك دي ما حتمشي لقدام لانو ما ذكر اسمك في المقال بس يمكن تخليهو يكذب نهار رمضان لو وقفتو في المحكمة ودي ما اظن القضية تصل يها لانو وكيل النيابة حيشطب البلاغ للسبب عاليه
صلي ليك ركعتين وادعو عليه عالم النوايا وحقك ما بضيع

عمار خلنا من قصة الطيب مصطفى يتهمنى كدي احكي لينا قصة الاسلاميين الاتلاقو وسألو بعض يا ربي وصلنا وين من سوفات الاستاذ محمود السبعة عارفك كان ما كنت حاضر النقاش المقصود دة بتقدر تبحت بحيت شديد وتجيبلينا شمارو وفى دي سرك باتع يلا دور مسجات ومس كولات وورنا الحاصل

عمار كيفك ياخ

من غرائب الصدف ان تكون الصحيفة التى ذكرتها بحوزتى

ويقول فيها كاتب المقال : حكى لى من اثق في صدقه ثقتى في نفسي ان احدهم ممن يحدثون جلبه وضوضاء كبيرة

من حين لاخر كان يرتدي جلبابا احمر عند اعقاد مؤتمر الحزب الشيوعى الخامس بالرغم من انه نشأ اسلاميا ... الخ

ورأيى القانونى في ذلك وكما قال لك الاخ محمد ابراهيم بعاليه ، لا اظن ان المسأله ستستمر وتدين كاتب المقال .

عموما نحن مع الحق اينما كان ، وان كنت متواجدا بالخرطوم سنلتقى باذن الله .. خاصة في الافطار بعد غد .

لك ودي

عمار سلام

ياخى كمال الجزولى ومجموعتو لو ما اتولو قضيتك دى

تانى لو عملوا مؤتمرن قدام بيتكم ما تمشى ليهم.

ورأيى القانونى في ذلك وكما قال لك الاخ محمد ابراهيم بعاليه ، لا اظن ان المسأله ستستمر وتدين كاتب المقال .

عموما نحن مع الحق اينما كان ، وان كنت متواجدا بالخرطوم سنلتقى باذن الله .. خاصة في الافطار بعد غد .


شكرا استاذنا معاوية..

عمار يعني قضيتك راحت شمار في مرقة حسب افادة

استاذنا معاوية..

انت الظرف ما كان ( تقمطو) يا القميميط ... وجه ( مفرشخ ) من الضحك ..

Quote: انت الظرف ما كان ( تقمطو) يا القميميط ... وجه ( مفرشخ ) من الضحك ..

أمسِك عندّك يا عمار، دي قضيَّة تانيَّة، لو معاويَّة ما مسكها وطلعها ليك شمار في مرقة زي الأولى، أنا بمسكها ليك..
___
وعشان تتأكد من كلامي إنو دي قضيَّة مضمونة، أنظر للكيبورد لحرفي الميم والنون، تجدهم متجاورين، وطالما زميلنا ود الباوقة زول حكومة ويعتبر خصم لك، أظن -آثماً- إنه يقصد النون، فلو وضعت النون مكان الميم في ماتحته خط، يتبيّن لك أنه نال منك أكثر من صاحب الإنتباهة..

طيفور يا مصيبة انت ما صايم ولا شنو؟

عمار
انا ما محامي لكن دي قضية فارغة لانه لم يذكر اسمك ولا وصفك وما بتقدر تثبت عليه انه يعنيك.

لكن زي ما قال طيفور والله تباري ود الباوقة اكان ما قلعت الكامري الكانت رايحة انت في وانا في.

الاخ العزيز عمار
حسب خبرتي المتواضعة في محاكم الصحافة وقد شهدت مئات القضايا ، اتوقع ان العقوبة، حتى في حالة الادانة ستكون التعويض بما لا يزيد عن ثلاثين جنيه بالجديد لان التعويض في القانونين الفرنسي والانجليزي ، وعن الفرنسي اخذت معظم القوانين العربية التي عالجت جرائم النشر ، يقاس بنوع التهمة وحجم الانتشار ومدى تحديد اسم وصفة الشخص الذي تعرض للاعتداء ، وكون المدعي لبس ثوبا احمرا او انه كان في مؤتمر الحزب الشيوعي فهذا يعني ان من يعرفون المجني عليه لا يتعدون اصابع اليد الواحدة ولذلك من عندي اقول لك حجم التعويصض في هذه الحالة سيكون في حدود خمسين جنيه بالجديد اذا ما اخذت المحكمة بالحد الاعلى للعقوبة ، ولا ننسى ان الحيثيات سوف تتعرض الى ان المدعي هل حدث ان استلم ظروفافي حياته ام لا وهل ان استلام الظروف من السفارات عمالة ام لا وكلها حيثيات لا تفيد في سير القضية 00 والله اعلم .

انا حا اوصل القانون حدو..اى نفرين يشهدوا انو فهموا من المقال المقصود انا خلاص.تقول لى خمسين جنيه انت ما شفت قضية الحاج وراق مع لام اكول .

.

القضية مسكها المحامى معاوية خضر.