Post: #1
Title: سمحة ونقية-الشاعر الأمدرماني محمد الفاتح خالد
Author: سيف اليزل برعي البدوي
Date: 09-02-2009, 04:04 AM
Parent: #0
سمحة ونقية
مرقت جاتني من ضي الافق
سمحة ونقية
مارقة تتناثر الق
جارية قدامي الشقية
فوق راسها ختت
شوقي طاقية وصفق
تجري وتنتتط في التراب
قلبي من شافها ابتهج
ودع طشاش مدن الزهج
فرهد شدر ارض اليباب
الف حروف اسمك كتاب
اتمطي نجمك ب الوهج
فارق ملامح الاكتئاب
شتت الورد السحاب
اتمدي موجك في البحر
بي جيتك الحزن انتحر
انخفض ضو المكان
من طلتك
من طلعتك
لهبة وحنان
لهفة وشهيق
ومن توهج نجمة اذدادت بريق
داعبت ليل العواتم
كمنجة في اخر الفريق
لاحت معالم خطوتك
سطوتك
صحوة الحلم العميق
داعبت اوتاري فكرة
ماعوتي حكرة
ولا رفيق
يا الزمانك جاي من الماضي بكرة
من يوم اشتياقك اتنحت في خاطري جوا
واشعلتي في اعماقي قوة
اذدتي روعة واكتمال
اذدنتي لوعة
ميل عليك حزن الجبال
وشك اتوهج بريق
اه أنا من حبك أوعي
قبلما وعيك يفيق
ويطفي جواي الحريق
فرقت لقاك
فرقت نخيلك لي السبيط
فرقة لقاك
نجمة صفاك
ما فيها لمعة
زحمة رحيلك
حرقة قتيلك
البيني بينك
بقي هيلي وببقي هيلك
ما بروي عطشك إلا نيلك والسراب
مرقت نجومك ل السحاب
صرخة نجاك
رحلة دماك
في كلي حتة وفي سماك العالي ملتا
بسمتك طفحت اصيل
بسمتك فتحت كتاب عمري والزمن الجميل
الجيتي منو علي مهل
ركض الغياب فوق المحل
اشتدي التهاب الجرح جمبك للوجيع
طفحت ملارية شوقنا للزول الرحل
كيف تقدر مشاعري بلاك تواجه الاحتمال
كيف تقدر تواجه المحتمل
يا الجيتي جبتي معاك فرح
نورتي دنياي بي المرح
فتحتي ابواب المعتقل
وفتحتي ابواب البرج
فتشتا عنك في القصايد في الدرج
عاينت لي سكة نقد
يا ضلام الهم مفارق وبكرة تحلمي يا العوينات السقد
يا شجيرة النيم ابوركي فوق بابنا اتحتي السنط
يا بنية البامية بي المفراك افوركي
الغني اليابس محنط
الغني المهزوم وبنزف
وانتي في صاجك تكردي
فتشتا عنك في مسام قمر القوافي الانبسط
في اللحظة ديك اشتدي وهج النجمة جمبك واشتعل
إذدادت بريق
اذدتي روعة
اه انا من حبك اوعي
قبلما وعيك يفيق
تذداني لوعة
وتطفي جواي الحريق
محمد الفاتح خالد
[email protected]
|
Post: #2
Title: Re: سمحة ونقية-الشاعر الأمدرماني محمد الفاتح خالد
Author: خالد العبيد
Date: 09-02-2009, 04:49 AM
Parent: #1
يا سلام يا سيف
هذا الشاب كتاااب وكتابتو طاعمة
مبدع حقيقي
حاولت ان اقتطع "كوتيشن" جميل
لم استطع لان القصيدة كلها رائعة
تحياتي ليه
|
Post: #3
Title: Re: سمحة ونقية-الشاعر الأمدرماني محمد الفاتح خالد
Author: Safa Fagiri
Date: 09-03-2009, 10:13 AM
Parent: #2
مرحبا بالشاعر
الأمدرماني الرائع
المهذب الأنيق
محمدالفاتح قريب الله.
وأمدرمان مدينة الروعة
والشعر والغناء
والمسايد والحضارة.
شكرا لك الرائع
سيف اليزل.
محبتي وإحترامي.
|
Post: #5
Title: Re: سمحة ونقية-الشاعر الأمدرماني محمد الفاتح خالد
Author: سيف اليزل برعي البدوي
Date: 09-04-2009, 02:42 AM
Parent: #3
الأديبة صفاء فقيري
شكرا علي المرور والقراءة بتمعن
محمد زول كتاب لكنه مقل
وبعيد عن الاضواء
لكنه اخيرا سيخرج للفضاء الفسيح
فامدرمان تسكنه وهو يسكنها
وبها لمحات من شعره
شكرا يا صفاء
مودتي
سيف
|
Post: #7
Title: Re: سمحة ونقية-الشاعر الأمدرماني محمد الفاتح خالد
Author: محمد الفاتح خالد حسون
Date: 09-04-2009, 04:03 PM
Parent: #3
السلام عليكم
الاخت صفاء فقيري
لقد حضرتي .. وتركتي عطرك في المكان
وما زال المكان معبق برايحة زكية
و ما وما زال مضي
صفاء شكرا علي المرور ... وأنا ما تعطرت إلا .. للبنفسج
حينما أعتصم الفراش علي جدار الورد..حفظا للرحيق وذداد توهج
شكرا لللاضاءة
اللهم تقبل منا صيامنا رحماك رب العرش العظيم
محمد الفاتح خالد
|
Post: #4
Title: Re: سمحة ونقية-الشاعر الأمدرماني محمد الفاتح خالد
Author: سيف اليزل برعي البدوي
Date: 09-04-2009, 02:38 AM
Parent: #2
خالد العبيد
رمضان كريم وكلو عام وانتم بخير
أمبارح كنت انا والشاعر محمد سويا
وأبلغته تحياتك
وهو يهديك تحاياه أيضا
وسلام الي كل بورداب استراليا بدون فرز
مودتي
سيف
|
Post: #6
Title: Re: سمحة ونقية-الشاعر الأمدرماني محمد الفاتح خالد
Author: محمد الفاتح خالد حسون
Date: 09-04-2009, 03:52 PM
Parent: #2
السلام عليكم ورمضان كريم
الاخ خالد العبيد
شكرا علي الشحنة دي ومشكور ومقدر . حا اتواصل معاك
والشحنة دي ...انشاء الله ماتكون الاخيرة
محمد الفاتح خالد
وربنا يتقبل صيامك
|
Post: #8
Title: Re: سمحة ونقية-الشاعر الأمدرماني محمد الفاتح خالد
Author: Mohamed Yassin Khalifa
Date: 09-04-2009, 06:09 PM
Parent: #6
رائع يا محمد يا فاتح... رائع!
حمدالله على السلامة... وإنشاء الله نحمدل ليك السلامة في الشفاء الكامل والمشي بأتنين بس
وقول يارب...
______________________
سيف الويك إند ده أخوك فاطر في نيويورك
بالله ما تكملو حلو مر جمال الأمين كله
ويا سيدي إنشاء الله لمة طيبة وفطور هنيئ
وأتحفنا بالله عليك بالصور
تقبل الله صيامكم وقيامكم...
|
Post: #9
Title: Re: سمحة ونقية-الشاعر الأمدرماني محمد الفاتح خالد
Author: محمد الفاتح خالد حسون
Date: 09-04-2009, 08:06 PM
Parent: #8
السلام عليكم ... يا رب
أخوي محمد ياسين بي الشيخ ارباب العقايد
أنا .. رائع ... وانتا فطورك الجاي في نيويورك
نحنا دي ما بنمشي ليها إلا ما يكونوا جايين
ناس الاراضي والاراضي كمان تكون في العيلفون
شكرا الصحة تمام وفي تحسن بي الذات ابو عوه
جمال الامين واسامة دنقلا واسماعيل تبيدي .. ماسكين
الفطور بتاع بوسطن ..قف .. ورينا ناس نيويورك فطورهم كيف
ذي كورتهم؟ الحلوة ديك ..
متابعك واسلوبك جميل واصل .
ونحنا في انتظارك
اتقبل صيامك
محمد الفاتح
محمد الفاتح خالد
|
|