سؤ الظن بالاخرين علامة مميزه لهذا المنبر " كل زول يجيب مثاله بنفسه "

فتحت بوست محدد ولا اريد ان ارفق الرابط لان هذا البوست فينظري انتهي غرضه بالنسبه لي ,
فوجدت غمز ولمز ومن اخ كريم كنت ولا زلت احتفظ له بود خاص ويقين بسعة صدره وحسن فهمه ,,
فهل اصبح الشك وسؤ الظن مسيطرا علينا في هذا المنبر ؟؟
واين اجعل لاخيك تسعه وتسعين عذرا وان لم تجد في هذه الاعذار فقل لعل له سببا لا اعلمه ,,
اين نحن من حسن الظن بالناس ؟
بصراحه شديده لا اريد ان اتفاجات وحسب بل اندهشت دهشه كبيره ,,
وارجو ان اكون حسن الظن بالناس وان يكونوا هم كذلك ,, والا ناؤل حديث اح قبل ان نفهم مقصده ,

اخونا المسلمي
لا احد يطَلع على النوايا
واقع الحال قد يوحي لكل فرد بما يروق له من "ظنون"

_
يا حبيب ماكان في داعي للبوست ده
عتاب الاخوان والاخوات محبة

Quote: عتاب الاخوان والاخوات محبة

شكرا حيدر للمرور والتعليق ,, ويشهد مالك الملك انني ما دخلت هذا المنبر هازلا او منتقصا من قدر احد ,,
بل دخلته حبا فيمن فيه من الاخوان والاخوات ولا اكن الا الخير للجميع ,,
ورمضان كريم

معليش طول بالك الموضوع سوء فهم لا أكتر

Quote: معليش طول بالك الموضوع سوء فهم لا أكتر

شكرا اخي كمال عباس ,, وما اغضبني هو التلميح بانني اشتت جهود !! وهل اشتت جهود تخص اخي وصديقي ؟؟؟
بالتاكيد الغضب من الذين تظن فيهم الخير اكبر من شخص تتوقع اساءته في كل حين ,,
علي كل حال مابيني والاخ عادل كل احترام وتقدير وعلي الاقل من ناحيتي تجاهه ,,

Quote: ارجو من جميع من يهتم بأمر عبد المجيد عدم التداخل في هذا البوست المشتت للجهد .

ده كلام اخونا عادل عبدالعاطي في البوست الذي اشرت اليه ,,

هل هناك بوست يشتت جهد اناس يبحثون عن صديق مختطف ؟؟؟
ومن اعطي الحق لاخي عادل ان يفسر هذا البوست بانه مشتت للجهد ؟؟
وهل تعتقد اخي عادل انك الاقرب مننا للاخ عبد المجيد ؟؟؟
ايا كانت علاقتك به فانا اعتبره اخي بل واعتبره شقيقي ان لم يكن نسبا فهو اخاء في الله بما يقوم به الاخ مجيد من جليل اعمال ,,

العوض



انا ماعارفة البوست المقصود هو شنو لكن على اي حال وفيما يبدو ان الموضوع سوء فهم ليس الا ، وربما راي حاد شويا


ولا داعي للزعل في هذا الشهر الفضيل وجعلها الله امطار خير وبركة

اضحك ياخ

أخوى العوض

رمضان كريم

و الله إنا نحسن الظن بك و بكل من فى هذا المنبر و نظن فيه غير ذلك أبتعدنا عنه و تجنبنا ما يكتب من بوستات .

ايوة يا عمك داير تعملا لي حسن ظن وما عارف شنو .. يا اخي الليلة رمضان ده بالغ عدييل كده .. سخانة الف .. عطش جوع .. عدم مطرة ..

بس عليك الله زي الايام دي ابعد من الكيبورد ..



باندويث ياخ ..

شكرا معتصم علي هذه النصائح ,,
شايفك مشتت شمل رمضان بالسفر !!

الاخ \ العوض المسلمي ,,, سلامات ورمضان كريم


يا اخوي اهم حاجة انه ظننا فيك خير والحمد لله


وانت زول بركة وصاحب واجب , والبقول غير كده


اتلووووووووووووووووووووووووووووووووووووم


معزتي با حبيب

لو سمحت يا استاذ العوض
انا برضو إتداخلت في البوست الانت ذكرته -ورفضت تجيب رابطه-
وهسة فتشت عليهو البورد كله مالقيتو
مشى وين؟
ولا فتحت بدله دا؟

Quote: فتحت بوست محدد ولا اريد ان ارفق الرابط لان هذا البوست فينظري انتهي غرضه بالنسبه لي , فوجدت غمز ولمز ومن اخ كريم كنت ولا زلت احتفظ له بود خاص ويقين بسعة صدره وحسن فهمه ,, فهل اصبح الشك وسؤ الظن مسيطرا علينا في هذا المنبر ؟؟

عارف البوست بتاعك إنتهى غرضو ليه يا العوض ياخوي؟
لأنك فتحتو بدون تريث متسائلاً عن صحة وتأكيد خبر
ما بيتحمل إجابة أكتر من نعم أو لا
سألت سؤالك داك في البوست العرفت منو المعلومة
وعادل أكد ليك الخبر يبقى نفهم شنو من إعادة التساؤل في بوست منفصل؟
كعضو في الليبرالي خليني أقول ليك يا العوض أنو الخبر دا من أمبارح نحن عارفينو
ولكن لم يتم نشره في البورد إلا بعد التأكد منه
طبعاً لك مطلق الحرية في فتح بوستات لكن المفروض تطول بالك بعد داك لكافة التفاسير


الشك وسوء الظن ليس مسيطراً على المنبر
ولو كان كذلك لإعتبرنا ذلك البوست أيضاً شكاً وسوء ظن وغمزاً ولمزاً

ولا ما كدا؟

Quote: ومن اعطي الحق لاخي عادل ان يفسر هذا البوست بانه مشتت للجهد ؟؟ وهل تعتقد اخي عادل انك الاقرب مننا للاخ عبد المجيد ؟؟؟

أجي يا بري ؟

نقدر علاقتك وإهتمامك بعبدالمجيد ولكن في الحقيقة عادل أقرب منك لعبدالمجيد
وعادل هو من فتح بوستاً حول إعتقال عبدالمجيد
وأنت فتحت بوستاً "ظاهره" تشكيك في صحة الخبر

يعني مثلاً لمن أنا أجي أقول فاز العوض المسلمي بمليون دولار والناس تجي تهني
يقوم واحد يجي يقول هل تأكد فوز العوض بالمليون دولار تلقائياً مصداقية البوست الأولاني حتتأثر
ودا تكنيك إخباري شائع جداً لمن يريد إضعاف خبر ما والتشويش عليه
وأنا واثقة أن هذا لم يكن مقصدك وإن كان ظاهره كذلك !

مرحبا بالاستاذه تيسير عووضه ورمضان كريم

Quote: عارف البوست بتاعك إنتهى غرضو ليه يا العوض ياخوي؟ لأنك فتحتو بدون تريث متسائلاً عن صحة وتأكيد خبر ما بيتحمل إجابة أكتر من نعم أو لا سألت سؤالك داك في البوست العرفت منو المعلومة وعادل أكد ليك الخبر يبقى نفهم شنو من إعادة التساؤل في بوست منفصل؟

رديت علي هذا الحديث في ذلك البوست المسحوب ,, ولا امانع في الرد مره اخري وهو انني اردت الاجابه مباشره من الاخ عادل
لثقتي فيما يقول ولخوفي من ان يكون هذا الخبر من شاكلة تلك الاخبار الكاذبه التي علميها سواء بالتعجل او بتهكير المنبر ,
وعندما تاكد لي الخبر من الاخ عادل تداخلت في البوست وطلبت عدم التداخل فيه لانتهاء غرضه ,,
وماذا يعني بوست منفصل ؟؟ وانتي ست العارفين ان الموضوع الواحد تفتح له عشرات البوستات ولم يستنكر احد ذلك , فاذا وضعتي
في الاعتبار ان اي بوست يفتح عن اختطاف او اعتقال اخونا مجيد هو اعلام للجميع وتوسيع في دائرة نشر الخبر ومن ثم توسيع دائرة البحث .
رغم انني قصدت فقط التوثيق من الخبر ,,

Quote: طبعاً لك مطلق الحرية في فتح بوستات لكن المفروض تطول بالك بعد داك لكافة التفاسير

وهانذا اطول بالي باكثر مما تتوقعين ,, ومن يعرف مجيد حقيقة لايظن بان هناك احد يتمني له غير الخير ,,,

Quote: نقدر علاقتك وإهتمامك بعبدالمجيد ولكن في الحقيقة عادل أقرب منك لعبدالمجيد وعادل هو من فتح بوستاً حول إعتقال عبدالمجيد

عندما فتحت بوست لعبد المجيد صالح كان يمشي بيننا واتذكر ان الاخ عادل شارك فيه ,, وايا كان الامر فانا لا اكره عبد المجيد هذا اذا انكرتم حبي له !!! وعندما نفرح بعودته سياتي هنا وهو ادري باصدقائه من الجميع ,,

Quote: وأنا واثقة أن هذا لم يكن مقصدك وإن كان ظاهره كذلك !

شكرا لك وانتي تقولين كلمة الحق هذه ,, وشكرا لك وانت توضحين بعض ما لبس ,,

ورمضان كريم علي الجميع ,,
ونسال الله ان يفك اسر اخانا عبدالمجيد صالح وان يعود الينا والي اسرته وحزبه ومحبيه بكل خير والا يصاب باذي او ضرر ’,’

الاستاذه راويه رمضان كريم وشار تواصلك

Quote: انا برضو إتداخلت في البوست الانت ذكرته -ورفضت تجيب رابطه-

وانا رديت عليك فيه ,, وما وضعت الرابط لانه في راي وكتبت الكلام ده هناك ان البوست استنفد اغراضه ,,

Quote: وهسة فتشت عليهو البورد كله مالقيتو مشى وين؟

ودي دائره سؤال ؟؟ البوست البكون ما موجود بيكون بكري سحبه !! ولا سؤالك عنده معني اخر وانا ما فهمت ,,؟؟؟

شكرا سيف الدوله علي حسن الظن والمداخله

الاستاذ الطيب مرحبا بك ورمضان كريم ,,
وسعدت بمشاركتك ,,

ابنتي شمائل رمضان كريم

ومتي نضحك اذا ظن بك من تحن الظن فيه سؤ الظن !!!

العوض المسلمي - اخو الاخوان
يا اخوي قول يا لطيييف ..
ورمضان كريم عليك ..
وعتاب الاخوان حلوه .. بس كان تآخده على جنبه كده ..
الموضوع ما بستحق .. وتاني بقول ليك تصوم وتفطر على خير ..

حا تقول :- ( دي منو دي كمان وجايه من وين ..؟؟)
بقول ليك :-( دي برلوووومة لنج .. ومن المتابعين .. والمعرفة سابقة اسفيرياً)
ابقى عافية ...



بت الصادق

لا تستغرب انه عادل عبد العاطي

مالك يا ريس