Post: #1 Title: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:04 PM
هاتفني المهندس الصديق عمر الحبر اليوم من السودان
وقد نبهني الي ان الهدف الثاني لفريق كانو
تدخلت فيه ايدي خفية وادخلته المرمي
حيث ان الكرة ذهبت خارج القائم لمسافة نصف متر وعادت ودخلت المرمي
وجهجهت ولدنا خليفة
رايكم شنو
Post: #2 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:05 PM Parent: #1
نرجو منكم عرض الهدف الثاني لفريق كانو
للتاكد من هذه المعلومة
Post: #3 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:12 PM Parent: #2
حقيقة لم اجد الهدف في موقع اليو تيوب
Post: #4 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:21 PM Parent: #3
عمر بوب
رقم صفر
معاوية حسين
ساعدونا بعرض الهدف الثاني لو سمحتو
Post: #5 Title: Re: هل تدخل السحر النيجيري في الهدف الثاني لفريق كانو Author: طلحة عبدالله Date: 08-31-2009, 10:33 PM Parent: #1
Quote: الهدف الثاني لفريق كانو
تدخلت فيه ايدي خفية وادخلته المرمي
حيث ان الكرة ذهبت خارج القائم لمسافة نصف متر وعادت ودخلت المرمي
على كدا يا اخونا خليل المفروض النيجيريين ديل يلموا اية بطولة وكاس لافي في العالم .
Post: #6 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:34 PM Parent: #5
Quote: على كدا يا اخونا خليل المفروض النيجيريين ديل يلموا اية بطولة وكاس لافي في العالم .
كاس العالم صعب الحواطة فيه
لانو الجماعة (جنب)
Post: #7 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:38 PM Parent: #6
Quote: اية بطولة وكاس لافي في العالم .
طلحة الشفيف
بعد ان يتم عرض الهدف الثاني سنتاكد من هذه الشعوذة
Post: #8 Title: Re: هل تدخل السحر النيجيري في الهدف الثاني لفريق كانو Author: طلحة عبدالله Date: 08-31-2009, 10:41 PM Parent: #7
ياخليل خليهو كاس العالم لماذا لم يفوز النيجيرين دائما ببطولات افريقيا سوي على مستوي الاندية او المنتخبات طالما انو عندهم سحر نافذ لدرجة انو يجيب الكورة من المدرجات ويدخلا قون زي ما قلت فوق . اظنك والله اعلم انت عامل البوست دا لزوم طق الحنك ساي يا خوي
Post: #9 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 10:43 PM Parent: #8
Quote: الكورة من المدرجات ويدخلا قون زي ما قلت فوق . اظنك والله اعلم انت عامل البوست دا لزوم طق الحنك ساي يا خوي
طلحة الشفيف
بعد عرض الهدف الثاني نتناقش
صبر رفيق
صبر رفيق
Post: #10 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:07 PM Parent: #9
ساعدونا يا جماعة
جيبو القون التاني
Post: #11 Title: Re: هل تدخل السحر النيجيري في الهدف الثاني لفريق كانو Author: أيمن دياب Date: 08-31-2009, 11:07 PM Parent: #9
Post: #21 Title: Re: هل تدخل السحر النيجيري في الهدف الثاني لفريق كانو Author: حسين محي الدين Date: 08-31-2009, 11:24 PM Parent: #14
Quote: الكرة بقوانين الفيزياء لا تدخل لا تدخل
سلامتك ياخلي الكورة ضربت في القائم ده الانترنت الكتير خلي شوفك يجلي
اسمع المعلق بقول في شنو
Post: #23 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:28 PM Parent: #21
Quote: سلامتك ياخلي الكورة ضربت في القائم ده الانترنت الكتير خلي شوفك يجلي
اسمع المعلق بقول في شنو
حسين صديقي المريخابي
انسي المذيع
الكرة دي فيها سر
Post: #19 Title: Re: هل تدخل السحر النيجيري في الهدف الثاني لفريق كانو Author: عبدالوهاب علي الحاج Date: 08-31-2009, 11:23 PM Parent: #13
مكرر
Post: #22 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:26 PM Parent: #19
Quote: الكورة لمن دقت في العراضة كانت في حالة Spinning ولما نزلت الارض دقت ولسة في حالة Spinning حاجة كدا اشبه بحالة القوة الكامنة او ما شاكل ذلك (ما قادر اعبّر) فلفت ودخلت عادي يعني
وهبة يا صديقي
نفس الكلام قالو عمر بوب ولكن من المفترض ان تكون فقدت جزء من طاقة الوضع
وتتحرك قليلا وتثبت
بعدين يا وهبة الكرة ضربت في القائم من الخارج
Post: #26 Title: Re: هل تدخل السحر النيجيري في الهدف الثاني لفريق كانو Author: عبدالوهاب علي الحاج Date: 08-31-2009, 11:42 PM Parent: #22
Quote: المفترض ان تكون فقدت جزء من طاقة الوضع وتتحرك قليلا وتثبت بعدين يا وهبة الكرة ضربت في القائم من الخارج
ياجماعة انا كان عندي مداخلتين مكررات مسحت واحدة والتانية مشت وين ؟ يكونوا النيجيريين لحسوها هسه دا كان واحد من المناضلين كان فتح بيها بوست لووووووووووووول يا خليل الكورة كانت سريعة والضربة قوية عشان كدا طاقة الوضع ما بتقدر تعتمد عليها الا تقيس : 1- قوة الضربة 2- رد الفعل عند ملاقاة العراضة 3- رد الفعل لحظة ضرب الكرة للارض وقياس قوة الاحتكاك 4- قياس شدة الرياح دي كلها عوامل منطقية جدا بتخلي انو الموضوع ممكن الحدوث وليس مستحيل وان كان نادر انت قايل سموها مستديرة لشنو ؟
Post: #24 Title: Re: هل تدخل السحر النيجيري في الهدف الثاني لفريق كانو Author: طلحة عبدالله Date: 08-31-2009, 11:28 PM Parent: #19
خليل ما ح اذهب بعيدا انت فقط جاوبني اذا كان النيجيريين ديل فازوا بالسحر زي ما قلت 1- لشنو ما فازوا علي الهلال في امدرمان ... 2- لشنو ما فازوا تلاتة او اربعة او خمسة وكيف الهلال جاب فيهم قون من الاول ..؟؟ والاهم: لشنو ما قاعدين يشيلو البطولات الافريقية ..؟؟؟؟؟ لوجاوبتني على الاسئلة دي اوعد انو ما ح اذهب بعيدا
Post: #25 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:31 PM Parent: #24
Quote: لشنو ما قاعدين يشيلو البطولات الافريقية ..؟؟؟؟؟ لوجاوبتني على الاسئلة دي اوعد انو ما ح اذهب بعيدا
لما تشرح لي كيف دخلت الكرة الشباك
اشرح ليك لماذا لم تفز فرق نيجريا
ببساطة يمكن افساد السحر
Post: #27 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:46 PM Parent: #25
Quote: دي كلها عوامل منطقية جدا بتخلي انو الموضوع ممكن الحدوث وليس مستحيل وان كان نادر انت قايل سموها مستديرة لشنو ؟
طيب يا وهبة
الكرة لما ضربت القائم مشت في اتجاه قطري وفي منطقة معينة رجعت عشان تخش
مش كان مفروض تمشي اسرع من كدة وبعد ان تتجاوز القائم الثاني تتخارج اوت مثلا
Post: #30 Title: Re: هل تدخل السحر النيجيري في الهدف الثاني لفريق كانو Author: عبدالوهاب علي الحاج Date: 08-31-2009, 11:53 PM Parent: #27
Quote: الكرة لما ضربت القائم مشت في اتجاه قطري وفي منطقة معينة رجعت عشان تخش مش كان مفروض تمشي اسرع من كدة وبعد ان تتجاوز القائم الثاني تتخارج اوت مثلا
انت عارف يا خليل انا مشكلتي ما قادر اعبر ليك يعني اغلب المصطلحات طارت من الراس شوف اقول ليك بالدارجي كدا : الكورة طلعت من راس المهاجم لافة او مدورة .. كويس معاك خبطت العراضة وهي لسه مدورة سبننق يعني ونزلت الواطه وبطاقة الوضع او القوة الكامنة ما عارف احتكت بالارض ومشت في الاتجاه المعاكس ودخلت الضربة لو كانت اقوى من كدا كان الكورة طلعت آوت قدر بس نقول شنو ؟ لكن ما سحر يمكن تفسيرها وكدي استنى للصباح نشوف راي عمر بوب وود البشرى شنو ؟ وتصبح على خير
Post: #31 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:55 PM Parent: #30
Quote: قدر بس نقول شنو ؟ لكن ما سحر يمكن تفسيرها وكدي استنى للصباح نشوف راي عمر بوب وود البشرى شنو ؟ وتصبح على خير
شكرا يا وهبة
عشان كدا انا قلت (هل) ولم نجزم بان السحر تدخل
Post: #28 Title: Re: هل تدخل السحر النيجيري في الهدف الثاني لفريق كانو Author: طلحة عبدالله Date: 08-31-2009, 11:50 PM Parent: #25
Quote: ببساطة يمكن افساد السحر
اها طيب يا خليل الهلال جاب في كانو القون الاول فهل افسد السحر ..؟ واذا افسد السحر فكيف اذا جاب كانو قونين بعد كدا ..؟ واللا الهلال كان شايل ليهو فساد سحر قدر البجيب بيهو قون واحد بس ؟؟ يا خليل يا خوي غير الموضوع دا ما جايب حقو
Post: #29 Title: Re: هل تدخل السحر النيجيري في الهدف الثاني لفريق كانو Author: khaleel Date: 08-31-2009, 11:53 PM Parent: #28
Quote: واللا الهلال كان شايل ليهو فساد سحر قدر البجيب بيهو قون واحد بس ؟؟ يا خليل يا خوي غير الموضوع دا ما جايب حقو
طلحة ساغير الموضوع
اذا حلفت بالله والدنيا رمضان
ان هذا الهدف طبيعي
Post: #32 Title: Re: هل تدخل السحر النيجيري في الهدف الثاني لفريق كانو Author: طلحة عبدالله Date: 09-01-2009, 00:07 AM Parent: #29
خليل اخوي انا ما بحلف وانت ما تغير الموضوع بس تعال وريني السحر القلتو دا كان وين لما الهلال جاب القون الاول ولشنو كانو ما جاب تاني قون او اتنين خاصة وانو كان مزنوق والهلال كان ممكن يجيب التعادل في اية لحظة والاهم من كدا نتيحة 2-1 ما في صالح كانو لانو الهلال فايز في ام درمان 2-0 . وين السحر دا في المعمعة دي كلها .
Post: #33 Title: Re: هل تدخل السحر النيجيري في الهدف الثاني لفريق كانو Author: منزر احمد بابكر Date: 09-01-2009, 00:31 AM Parent: #32
السلام عليكم لو سمحتم لي بالمشاركه معكم التفسير الوحيد وبي لغة الكورة:
كلنا نعرف المصطلح " الكورة صرّجت " المره دى بدل تصرّجت من اللاعب ، صرّجت من القائمة والله اعلم
Post: #39 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-01-2009, 11:25 AM Parent: #33
Quote: كلنا نعرف المصطلح " الكورة صرّجت " المره دى بدل تصرّجت من اللاعب ، صرّجت من القائمة والله اعلم
منزر
طيب ما تصرج وتتطلع برة الجابها شنو في القون
Post: #34 Title: Re: هل تدخل السحر النيجيري في الهدف الثاني لفريق كانو Author: yasir Abdelgadir Date: 09-01-2009, 00:36 AM Parent: #32
سلام
علقت أمس أثناء المباراة لمن كان معي بأن ملامسة الكرة للارض كانت داخل الملعب وليست علي خط المرمي حتي فيبقي من الطبيعي الا تدخل ولكن يبدو عدم استواء سطح الملعب (بفعل النجيل الصناعي ربما) هو من تسبب في إعادة الكرة للشباك ...يعني لو الملعب عادي كان ممكن نقول ضربت في حجر او حفرة
قدر بس
عموما كنا بنقول دائما عايزين نتائج بس ما ضروري اداء اها الان لقينا الاداء بس مالقينا النتيجة
فأيهما أفضل؟؟؟؟
هاردلك
والقادم احلي
بأذن الله
Post: #35 Title: Re: هل تدخل السحر النيجيري في الهدف الثاني لفريق كانو Author: محمد عبدالرحمن Date: 09-01-2009, 06:33 AM Parent: #34
ياخليل ...
اعتقد أن الكورة (اتشاتت) (لافة) فعندما ضربت رجعت مرة اخرى للمرمى ..عموما صعب (جدا) قبول تاويل استخدام السحر فى هذه الكورة ...لكن (غايتو) قوون اوانطه وحظ (ساكت )
Post: #36 Title: Re: هل تدخل السحر النيجيري في الهدف الثاني لفريق كانو Author: نادر الفضلى Date: 09-01-2009, 08:54 AM Parent: #35
Quote: ان هذا الهدف طبيعي
يا خليل .. الهدف دا طبيعى فقط بمفهوم قد تجد تفسير علمى فيزيائى لمسار الكرة من حيث قوتها وسرعتها و ضربتها فى القائم و دورانها حول نفسها .. ووا .. وشغل البلياردو .. لكن برضو فيها إننه!
ضربتها الأخيرة فى الأرض و تحولها داخل المرمى فهى بفعل فاعل .. و بمهارة شديدة .. وإذا سلمنا بهذا .. فيمتد التأويل ان هنالك صراع غير مرئى بين طرفين. وإحتمال من الأول تسبب فى ضربة الرأس بدل ما تتوجه للمرمى ضربت فى الأرض ثم القائم و لم تدخل و رجعت، فإضطر الطرف الأخر بالتدخل بطريقة إجتهد فى إخفائها فلم يستطع .. واالباص العالى الضرب فى الأرض و تعدى العملاق دمبا .. يعنى فى تمريرات ( ساحرة) .. تغلب فيها الساحر النيجيرى على الساحر السودانى .. اللاعبين الما مرئيين محتاجين تدريب! .. خاصة فى غياب اللاعبين المرئيين الإضافيين (الحكام)
أما كرة وارقو الما دخلت المسكين تجمع عليه السحر النيجيرى والسودانى!
مع تحياتى
والسحر حرام .. والخدام ديل رمضان ما بكتفهم .. !
Post: #37 Title: Re: هل تدخل السحر النيجيري في الهدف الثاني لفريق كانو Author: البدري عبد الله Date: 09-01-2009, 09:30 AM Parent: #36
Quote:
Quote: على كدا يا اخونا خليل المفروض النيجيريين ديل يلموا اية بطولة وكاس لافي في العالم .
..............
كاس العالم صعب الحواطة فيه
لانو الجماعة (جنب)
Post: #40 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-01-2009, 11:27 AM Parent: #36
Quote: أما كرة وارقو الما دخلت المسكين تجمع عليه السحر النيجيرى والسودانى!
نادر الفضلي
وارغو اشتر براهو ما محتاج سحر
Post: #47 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-01-2009, 07:22 PM Parent: #35
Quote: اعتقد أن الكورة (اتشاتت) (لافة) فعندما ضربت رجعت مرة اخرى للمرمى ..عموما صعب (جدا) قبول تاويل استخدام السحر فى هذه الكورة ...لكن (غايتو) قوون اوانطه وحظ (ساكت )
طيب يا محمد
هل رايت بعض الجماهير النيجرية وهي تقوم بحركات غريبة
وكان هناك دخان طالعا في المدرجات
Post: #38 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-01-2009, 11:22 AM Parent: #32
Quote: وين السحر دا في المعمعة دي كلها
طلحة خلاص لما تحلف نتفاهم
Post: #41 Title: Re: هل تدخل السحر النيجيري في الهدف الثاني لفريق كانو Author: رقم صفر Date: 09-01-2009, 12:01 PM Parent: #38
يا خلي
القون قوون ، والعز هو الغلطان ، الساحر الاذانا هو المعز ،،،
خليني ارجع البيت واشوف اليوتيوب بمزاج
Post: #42 Title: Re: هل تدخل السحر النيجيري في الهدف الثاني لفريق كانو Author: صبري طه Date: 09-01-2009, 12:53 PM Parent: #41
Quote: خليل ما ح اذهب بعيدا انت فقط جاوبني اذا كان النيجيريين ديل فازوا بالسحر زي ما قلت 1- لشنو ما فازوا علي الهلال في امدرمان ... 2- لشنو ما فازوا تلاتة او اربعة او خمسة وكيف الهلال جاب فيهم قون من الاول ..؟؟ والاهم: لشنو ما قاعدين يشيلو البطولات الافريقية ..؟؟؟؟؟ لوجاوبتني على الاسئلة دي اوعد انو ما ح اذهب بعيدا
طلحة أخوي ...
أنا حأجاوبك وبعد الإجابة حأحكي ليك موقف مرّ بي شخصياً حيخلي راسك قايم شوك شوك ...
بالنسبة لأسئلتك يا غالي أسأل سؤال: هل تعتقد أن الكجور في هذه الحالة استخدمه كانو فقط فلماذا لا يكون الهلال أيضاً قد استخدمه ...
بمعنى الغلبة في الميدان لصاحب الكجور الأقوى والسحر يستخدم حتى في البرازيل وغيرها أما وجوده من عدمه فالدين قد بيّن ذلك وأكد وجوده ...
بالنسبة للحكاية الخاصة بي: كنت ألعب في أحد الأندية وكانت لنا مباراة مصيرية لا بد من الفوز فيها فقال لي صديقي وزميلي في نفس الفريق رأيك شنو نمشي نعمل ليها كجور
قلت له: ياخي قوم لف بلا كجور بلا فول سادة !!!
قال لي: بس إنت تعال معاي وشوف بكرة الكورة حتكون كيف ؟!
أها مشيت معه لزوم الشمار وبس ؟!
صديقي قال لشيخ الكجور: الزول دة قال ما بقتنع بكجورك وقال كلام فاضي ...
ابتسم شيخ الكجور ونظر لي وقال: غداً ستفوزون 2 مقابل 1 وستحرز هدفاً وسترتكب معك ضربة جزاء ...
وهذا ما حصل بالكربون ...
السؤال: إذا كان إحرازي للهدف بدافع نفسي وهو أنني لا بد أن أحرز هذا الهدف ... فكيف ارتكبت معي ضربة الجزاء ؟!
ولك ودي ،،،
Post: #43 Title: Re: هل تدخل السحر النيجيري في الهدف الثاني لفريق كانو Author: طلحة عبدالله Date: 09-01-2009, 06:02 PM Parent: #42
هلا يا كابتن صبري طه رمضان كريم يا زول
Quote: هل تعتقد أن الكجور في هذه الحالة استخدمه كانو فقط فلماذا لا يكون الهلال أيضاً قد استخدمه ...
بمعنى الغلبة في الميدان لصاحب الكجور الأقوى والسحر يستخدم حتى في البرازيل وغيرها أما وجوده من عدمه فالدين قد بيّن ذلك وأكد وجوده ...
طيب اذا كان الهلال برضو استخدم السحر وكان سحرو اقوي فلماذا لم ينتصر في المباراة او يطلع متعادل على الاقل ثم اذا كان اصلا استخدام السحر دا فعال في الكورة فالغلبة دائما بتكون للناس الاكثر معرفة للسحر بحيث انهم يكوشوا دائما على البطولات . الواقع ان البطولات الافريقية تحديدا ظلت متداولة بين الاندية والمنتخبات بما ينفي ان يكون هناك استخدام للسحر في المباريات . بالنسبة لقصتك فعندي برضو واحدة في هذا المقام : قالوا رئيس نادي قمة احتار جدا في الهزيمة التى ظل يتعرض لها فريقه من الفريق الند، وقد اشار له احدهم باللجوء لفكي كارب يفيم بنواحي سنار فذهب له هذا الرئيس في الصباح الباكر وجابو معاهو وجاء وفي المغرب دعي اعضاء مجلس الادارة وعزمهم شاي بي لبن وخلال الجلسة طلب الرئيس من الفكي الكارب انو يقنع ليهو اعضاء المجلس بحركة من حركاتو السحرية اها قالوا ليك الفكي دا شال كباية الشاي وزيييييييييظ جر اللبن وخلي الشاي احمر سادة اها في واحد من الجماعة قاعد جنبو فتح خشمو مترين وقعد يعاين ليهو مستغرب الفكي قال ليهو : وه مالو تعايني لي كدا والله هسع دا كان ما مصدقاني ناكلي كوباية دا ونخلي شاي واقف براهو الله ورخبتو ( رقبتو) .
Post: #44 Title: Re: هل تدخل السحر النيجيري في الهدف الثاني لفريق كانو Author: عبد الحميد عوض Date: 09-01-2009, 06:23 PM Parent: #43
طيب يا هلالاب بدل ما تسجلو سولي شريف وايفوسا وكلتشي وقودوين احسن تكلموا وكيل سحر في نيجيريا يسجل ليكم ساحر كبيييييييييييير يطلع وينزل معاكم لحدي ما كدي يعني يفتح ليكم بكاس جوية تحل كافة العقد المستوطنة .
Post: #46 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-01-2009, 07:20 PM Parent: #44
Quote: طيب يا هلالاب بدل ما تسجلو سولي شريف وايفوسا وكلتشي وقودوين احسن تكلموا وكيل سحر في نيجيريا يسجل ليكم ساحر كبيييييييييييير يطلع وينزل معاكم لحدي ما كدي يعني يفتح ليكم بكاس جوية تحل كافة العقد المستوطنة .
عبد الحميد يا صديقي
الكجور مستعملة بكثرة في مالي والسنغال ونيجريا وهي حقيقة لا ينكرها الا مكابر
Post: #48 Title: Re: هل تدخل السحر النيجيري في الهدف الثاني لفريق كانو Author: عبدالعزيز الفاضلابى Date: 09-01-2009, 08:12 PM Parent: #44
Quote: عموما كنا بنقول دائما عايزين نتائج بس ما ضروري اداء اها الان لقينا الاداء بس مالقينا النتيجة
ودعمى رمضان كريم ,, الكلام المقتبس ده بذكرنى مقولة فهم السؤال نصف الإجابة: اها كان فاهم السؤال وماعارف الإجابة?? غايتوا ياودعمى عليك جنس لولوة طيب هاك القون ده وبرضك قول لى البرازيليين مكجرين الكورة.
Post: #45 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-01-2009, 07:17 PM Parent: #41
Quote: القون قوون ، والعز هو الغلطان ، الساحر الاذانا هو المعز ،،،
لا يا رقم صفر
قوي الشر هي التي (شفطت ) الكرة للداخل بعد خروجها
Post: #49 Title: Re: هل تدخل السحر النيجيري في الهدف الثاني لفريق كانو Author: حسين محي الدين Date: 09-01-2009, 08:21 PM Parent: #45
خلي وهبة قوانين الفيزياء دي يوم 11 سبتمبر اطبقت زي ما قال الكتاب غايتو الله يكضب الشينة...
اها صايمين ولا زي السنة الفاتت
Post: #50 Title: Re: هل تدخل السحر النيجيري في الهدف الثاني لفريق كانو Author: عبدالعزيز الفاضلابى Date: 09-02-2009, 04:01 PM Parent: #49
فوق عشان تشوف القون ده ياودعمى,, رمضانك كريم.
Post: #52 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-02-2009, 05:20 PM Parent: #50
Quote: فوق عشان تشوف القون ده ياودعمى,, رمضانك كريم.
ود عمي
رمضان كريم
طبعا كارلوس دا قطع شك رجله الشمال فيها شيطان عشان كدا
كورتو لفت ولفت ودخلت
Post: #51 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-02-2009, 05:16 PM Parent: #49
Quote: قوانين الفيزياء دي يوم 11 سبتمبر اطبقت زي ما قال الكتاب غايتو الله يكضب الشينة...
حسين يوم 11 سبتمبر نضربكم ضرب القاعدة للبرجين
Post: #53 Title: Re: هل تدخل السحر النيجيري في الهدف الثاني لفريق كانو Author: khaleel Date: 09-03-2009, 11:37 AM Parent: #51
الكجور لا يمنح النصر لان النصر من عند الله
لذا لم تفز دول الكجور بكاس العالم لان سنن الله تمشي في الخلق والبقاء للاقوي
ولكنه قد يكون عامل مساعد ويقدم مساعدات في بعض مراحل المباراة
هسه دا كان واحد من المناضلين كان فتح بيها بوست لووووووووووووول