Post: #1 Title: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 09:24 PM Parent: #0
ذهبت خلال اجازتي السنوية لقرية البردانة بريفي الدندر ووجدت تغيير واضح في معالم القرية - فالطريق الترابي الذي كان يربطنا بالظلت تمت ردميته لحدي خشم بيتي - خلال خمسة ايام فقط - وصار جاهز لطبقة الاسفلت . ووقفت بنفسي على معسكر العاملين سودانيين وصينيين ووجدت ابراجا عالية مضاءة بالكهرباء ( يعني الفسحة القدام زريبة بقراتي صارت تتلألأ بالانوار الملونة )
لبست الجلابية السمحة والطاقية الما خمج واتعطرت بعطر كالفور وطوالي اتكاملت مهندسي الرق( الحفار) وقلت ليهم القيامة القائمة قدام بيتي دا شنو ؟ قالوا لي اسكت ساكت اتاريك الزمن ده كلو تتجدع في الصقيعة دى ساااااااى وما عارف تحتها بحر بترول ؟ قلت ليهم هو صحي تحتها بترول ؟ قالوا لي اصبر وحتشوف نحن الان وصلنا في الحفر 2000 متر ودلائل البترول كلها قدامنا والان غيرنا اتجاه الحفر ليكون دايقونال digonal - اها قلت ليهم دايقونال يعني شنو؟ قالوا لي يعني اتوجهنا بالحفر على بيتك ساااااااى لكن بعمق 2000 متر ما تخاف بيتك ما بقع فيك الشئ دا بعيد .
رجعت البيت وفرشوا لي السرير بررررررررة للهمبريب وقلت انوم نومة طولت منها - فعلا نمت وبعد شوية اسمع ليك الكركبة بدت اتاري الحفار بيحفر بالليل وحاة النبي ما قدرت انوم من هدير الحفارة وهي بتحفر في الواطة . الصباح مشيت للجماعة تاني قلت ليهم النوم غلبني قالوا ساهر ساى سهر عديلك .
اها الاجازة انتهت وقررت ارجع الخليج وبالفعل وصلت لكن ظللت باتصال بالاهل لمعرفة التطورات . قالوا لي الناس ديل لسع بيحفروا تجاوزوا 2100 متر وماشين بهمة عالية .
يلا يا اخوانا البتعرفوا البترول دحين تعب الناس ده بيكون في فارغة ولا مليانة؟
قبل قليل عدت من نادي الجالية بمسقط واخبرنى احد المتابعين لقناة الشروق بتصريح من وزير النفط يؤكد فيه وجود البترول بوفرة في منطقة الدندر .
تعالوا شوفوا الدندر والبردانة على القوقل ايرث هنا:-
Post: #2 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 09:34 PM Parent: #1
الصحافة العدد رقم: الاربعاء 9170 2008-07-29
وصول شركات إستثمارية فى مجال البترول إلى مربع (8) بالدندر بدأت بشائر البترول تلوح فى الافق بمحلية الدندر مما انعكس ايجاباً على حركة المجتمع بالمحلية التى تشهد هذه الايام حركة نشطة فى المسح الزلزالى داخل مربع (8) اضافة إلى وصول عدد من الشركات الاستثمارية العاملة فى مجال الطرق لتنفيذ طريق الدندر الشرقى المؤدى إلى محمية الدندر القومية ومناطق الانتاج الزراعى ومكان تواجد الثروة الحيوانية وحقول البترول وفى ذات الاطار دشن الناظر احمد محمد المنصور العجب معتمد محلية الدندر مخيم العيون بمستشفى الدندر الذى تقوم بتنفيذه شركة النيل الابيض لعمليات البترول بالتعاون مع مؤسسة البصر الخيرية العالمية ومستشفى مكه لطب العيون حيث استهدف المخيم الذى انطلق امس (5000) مريض واجراء (500) عملية للعيون وتوزيع نظارات طبية وادوية مجانية و ثمن جهود شركة النيل الأبيض العاملة فى مجال تنقيب البترول بمربع (8) ودورها فى دعم وتأهيل الخدمات التعليمية والصحية وحركة المجتمع وأكد أن المحلية سوف تشهد نقلة نوعية كبرى من خلال الاستثمار الزراعى والحيوانى والسياحى الذى تزخر به محلية الدندر. من جانبه أكد مدير قسم تنمية المجتمع مضي الشركة فى تقديم الخدمات وتنمية المجتمع مشيراً إلى برامج الشركة الداعمة لحركة المجتمع فى الفترة القادمة.
Post: #3 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Alshafea Ibrahim Date: 08-31-2009, 09:36 PM Parent: #1
ودشيقوق سلام يغشاك ورمضان كريم عليكم وكل اهلنا بالدندر .. نتمناه عام رخاء عليهم بترول ومطر وخيرات في خيرات مبروووووووووووووووك وعجبنا ليكم ونحن والعول والسعية في ضيافتكم وكرمكم معززين مكرمين وتقبل تحياتي الشفيع ابراهيم
Post: #4 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 09:42 PM Parent: #3
الشفيع اخوى كيفنك
Quote: نتمناه عام رخاء عليهم بترول ومطر وخيرات في خيرات
وحاة الله المطر ما نزل لهسع والبهائم نفقت كلها و اهلنا الايام دى قالوا البرج العالي بتاح البترول العلقوهو ليهم قدام الحلة دا زى حنبل المطر كلما تجي سحابة منقلة من قدام وتقاصد الحلة البرج بلحسها كلها.
سعية شنو تاني ؟ تاني تملا جيبك فلوس وتتكامل كالفور البردانة وتجر ليك درداقة قدامك تترسها حاجا وحليب المراعي وترجع متكامل عولك - لا علوق ولا سرحة ولا عقارب ولا ثعابين .
Post: #5 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Ahmed Abdallah Date: 08-31-2009, 09:44 PM Parent: #3
Quote: بتصريح من وزير النفط يؤكد فيه وجود البترول بوفرة في منطقة الدندر .
اتمنى ان لا يصبح نقمة عليكم ويوجه لتطوير قراكم ورفاهية انسانكـم وليس كسابقة من الذي عاد وبالا على اهل ارضه
Post: #6 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 09:50 PM Parent: #5
الاخ احمد عبد الله
مساؤك خير يا الحبيب
ان شاء الله يعم الخير جميع اهلنا في السودان
Post: #7 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: elsharief Date: 08-31-2009, 09:56 PM Parent: #6
الاخ الطيب رمضان كريم
الدندر مليئه بالخيرات لو وجدت الاهتمام من قبل الحكومات المتعاقبة
Post: #8 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:02 PM Parent: #6
سالت احد مهندسي الحفر عن الاسم المقترح لهذه البئر قال لي الاسم حدد من المركز وهو ( ادهم) زعلت شديد كنت متوقع اكرام قريتنا البردانة بان يطلق اسم البئر باسمها او ان تسمى بئر شيقوق - المهندس قال لي ممكن يسمى احد الحقول مستقبلا حقل البردانة او شيقوق .
شوفوا الناس ديل من هسع انكرونا حتى الاسم ايه بالكم في تعويضاتنا في حال تقرر ترحيل اهلنا من ديارهم .
Post: #9 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:08 PM Parent: #8
الاخ الشريف
كيفك يا اخي مشتاقون
انت ما بجيبك الا اسم الدندر زورنا وارجع
بالمناسبة الناس ديل عسكروا امام قرية اورا وحفروا كتير ويقال واجهتهم صخور وتركوها واتوا للبردانة
حظك ابراهيم اخوك دخل التعويضات
Post: #10 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:12 PM Parent: #9
Post: #11 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:17 PM Parent: #10
Quote: محلية الدندر بشرى سارة لمواطني الدندر: ترتيبات لحفر بئرين للبترول خلال شهرين وصول الكتاب المدرسي وإجلاس تلاميذ مرحلة الأساس بالمحلية بنسبة «100%» الدندر: عثمان عيسى يقع مربع «8» في مساحة كبيرة من ولاية سنار، وتتوسط محلية الدندر هذا المربع وقد انتهت الدراسات الزلزالية التي تبشر بنتائج ايجابية، وهناك ترتيبات تجري الآن حيث من المؤكد حفر بئرين للبترول بالدندر خلال الشهرين القادمين وهذه بشرى سارة لمواطني المحلية. أكد ذلك لـ «الصحافة» الاستاذ السماني المكي علي معتمد محلية الدندر، وقال: نسأل الله رب العالمين ان يوفق شركة بتروناس الماليزية من الحصول على البترول في المنطقة، مشيراً الى أن البترول ليس غاية بل وسيلة تدعم تأهيل بنياتنا الأساسية، مضيفاً أن البترول الحقيقي يكمن في الانتاج الزراعي الى جانب الثروة الحيوانية الضخمة.
Post: #13 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الشفيع محمد صادق Date: 08-31-2009, 10:33 PM Parent: #12
أستاذ شيقوق ... رمضان كريم وكل سنة وأهلنا في الدندر وكل السودان بخير ..أها يا أستاذ أنا علي البشت والعقال الماخمج .. بس تكفلنا بالله.. ما تمشي تجيب ليك بنقال وكدا مبروك البترول رغم إنو الواحد بقي ..... من التفاؤل ذاتو... تحياتي
Post: #14 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:39 PM Parent: #13
الاخ الشفيع محمد الصادق
كتر خيرك عارفك ما بتقصر طاب -
لا لا هنود بس - تبقى انت الملك وتناضم الهندي يلولح ليك عنقرتو ويقضى ليك غرضك
أسد يهاجم فريق عمل تلفزيون السودان في حظيرة الدندر يوجد (فيديو)
Post: #15 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف الدولة كامل Date: 08-31-2009, 10:41 PM Parent: #13
المسنوح ,,,, رجعت لي هضربتك
كنا فاكرينك تجيب لينا قزازة
قززوتين من بترول البردانه,
جيتنا بي صمة خشمك ومعاها هضربه.
Post: #16 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: احمد محمد بشير Date: 08-31-2009, 10:48 PM Parent: #15
يا خسااااره كانو يكتشفو البير دي بعد ما الكيزان الحرمية ديل يتخارجو... السع عائدات البير دي حتروع للاموال المنهوبه من قبل جماعة المنفقين الكيزان.
رمضان كريم يا الاخو كونت وين..؟؟ *****
Post: #17 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:52 PM Parent: #15
الكامل المسنوح
كيف عامل مع رمضان ؟
Quote: قزازة
هسع المواعين الخلقا الله دى كلها ما ملت عينك علا المبيريكة دى ؟
اظنك بتلعب باك يمين وشائل قزازة الموية في طرفك زى حكم بلوروسيا دا
Post: #18 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 10:59 PM Parent: #17
الاخ احمد محمد بشير
ات عارف عربنا ديل مسانيح من اول يوم بدأ الحفر كلهم عملوا دقون قالوا لو حصل اى تلاعب بدكوها كلها
Post: #26 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: علاء الدين صالح Date: 08-31-2009, 11:56 PM Parent: #18
حقل البردانة لو طلَّع 750 ألف برميل راح نسميك مولانا هادِم الهرمين ود شيقوق..
معاً من أجل "حلفنة" 50% من الوظائف في الدندر
Post: #19 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: أيمن دياب Date: 08-31-2009, 11:04 PM Parent: #15
مبروك يا شيقا ظهور البترول في البردانة.. يعني نتوقع تاني كلامك كلو ومفرداتك من شاكلة: الأوبك.. سعر البرميل.. سعر التركيز.. المنتجات الفرعية.. مصفاة البردانة.. خط أنابيب سنجة..
Post: #20 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: محمد المرتضى حامد Date: 08-31-2009, 11:15 PM Parent: #19
طمني ، إنشالله الحمى نزلت يا روكفلر.
Post: #21 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 11:17 PM Parent: #19
ايمن ود دياب
وينك يا وجيه رمضان كريم
Quote: يعني نتوقع تاني كلامك كلو ومفرداتك من شاكلة: الأوبك.. سعر البرميل.. سعر التركيز.. المنتجات الفرعية.. مصفاة البردانة.. خط أنابيب سنجة..
لا المفردات دى انتهت وحلت محلها مفردات جديدة مثل المؤشرات والمشتقات والخيارات وعيييييييييييييك
يعني توقع البردانة مع برنت ونيكاى
Post: #22 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 08-31-2009, 11:22 PM Parent: #21
المرتضى
Quote: طمني ، إنشالله الحمى نزلت يا روكفلر.
ات قائلني بلعب ؟ ال 800 الف برميل بتاعة السلطنة دى انا لقيتها نازة تحت هبابي
Post: #23 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فيصل محمد خليل Date: 08-31-2009, 11:26 PM Parent: #21
مولانا الشيخ شيقااااااا سلامات
فى طريقة نحت الشيب ده عندكم؟؟؟؟؟؟؟؟؟
عمك كمــال
Post: #24 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Adam Omer Date: 08-31-2009, 11:34 PM Parent: #23
Quote: ومشاگل التعويضات انتهت
الاخ الكريم صيامك مبارك.
أول حاجة نوم على مشكلة التعويضات وختها تحت أباطك
حتى بعدين جر هبابك فى الهمبريب
ومالو سهر الجداد ولا نومة طالما هناك بترول!
Post: #25 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب رحمه قريمان Date: 08-31-2009, 11:46 PM Parent: #24
يا سمى
أنا و عولى جاينكم عديل و نسكن جواركم ممكن بركات البترول دى يكون لينا منها نصيب !!!
بس ابعد لينا ناسك ابهات دقون "الحرامية .
و ان شاء الله ما يكون عندكم واحد اسمه الجاز ؟!!!
Post: #27 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: طارق جبريل Date: 09-01-2009, 01:31 AM Parent: #25
شقي الحال شوفلنا قطعي ألت ارض جنبك
Post: #28 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف الدولة كامل Date: 09-01-2009, 02:10 AM Parent: #27
المسنوح ,,, كيفينك ,, ان شاء الله صايم
اها هسع كان قلت ليك كم برميل بترول
بطلعني زول مريسه سااااااااااااااكت
اسوي معاك شنو يا مسنوح ماك ودالمويه
ما بتتمسك يا اخوي,
Post: #29 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:24 AM Parent: #28
علاء الدين صالح - ود الشيوخ
Quote: حقل البردانة لو طلَّع 750 ألف برميل راح نسميك مولانا هادِم الهرمين ود شيقوق..
معاً من أجل "حلفنة" 50% من الوظائف في الدن
هسع يا ود صالح اكان سعلوك ساى قالوا ليك الدندر بوين تحك راسك وتقول جيهة الحواتة - ولو قالوا ليك البردانة وين تقول البردانة جهة سواكن . لكن يا سجم الرماد بعد البترول ده تاني بتعرفها كنجة كنجة .
جهز ورقك بس -
Your C.V must be in both arabic and english languages
Post: #30 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:27 AM Parent: #28
عمو كمال
Quote: مولانا الشيخ شيقااااااا سلامات
فى طريقة نحت الشيب ده عندكم؟؟؟؟؟؟؟؟؟
عمك كمــال
بتبادلوا؟ انا بدى واحدة من عولكم طبيخها طاااااااااااااعم ومبروك
Post: #31 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:33 AM Parent: #30
ADAM OMER
Quote: الاخ الكريم صيامك مبارك.
أول حاجة نوم على مشكلة التعويضات وختها تحت أباطك
حتى بعدين جر هبابك فى الهمبريب
ومالو سهر الجداد ولا نومة طالما هناك بترول!
هسع يا ادم اخوى تفتكر هم ما متابعين البوست ده؟ - هو دا ما ياهو ذاتو سهر الجداد
وحياتك شلت ابريقى مع الصباح وغشيتهم لزوم اسلم عليهم وحياتك لقيتم ليك موصلين ال ADSL في حدبتنا الكان بقوم فيها الموشروم بروس - دحين بتعرف المشروم ؟ ولا عندكم وعند ناس ود الكامل ليهو اسما تاني ؟
Post: #32 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:43 AM Parent: #31
قريمان
Quote: يا سمى
أنا و عولى جاينكم عديل و نسكن جواركم ممكن بركات البترول دى يكون لينا منها نصيب !!!
بس ابعد لينا ناسك ابهات دقون "الحرامية .
و ان شاء الله ما يكون عندكم واحد اسمه الجاز ؟!!!
اها اقول ليك كلام يا طيوبا سكر الكوبا - والله البير دى متلببنها 10 الف نسمة ... راجل واحد وهو جدك شيقوق ووالله كلهم انقلبوا دقون وكلهم انقلبوا الجاز .
فيصل وعمو كمال المسنوحان متابعان ؟
Post: #33 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:55 AM Parent: #32
الكامل المسنوح
Quote: اها هسع كان قلت ليك كم برميل بترول
بطلعني زول مريسه سااااااااااااااكت
اسوي معاك شنو يا مسنوح ماك ودالمويه
ما بتتمسك يا اخوي,
لا والله عين تكرم الف عين المرة دى بطلعك زول موليتة وعتّي ومزامز .
لقيتني كيف؟
Post: #34 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 07:09 AM Parent: #33
ود جبريل المسنوح
Quote: شقي الحال شوفلنا قطعي ألت ارض جنبك
تشمها قدحة يا المشوطن
Post: #35 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 07:46 AM Parent: #34
اها يا الكامل رمضان الليلة كيف معاك؟
Post: #36 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Ahmed Yousif Abu Harira Date: 09-01-2009, 08:51 AM Parent: #35
Quote: هسع المواعين الخلقا الله دى كلها ما ملت عينك علا المبيريكة دى ؟
اللهم اني صائم
Quote: دحين بتعرف المشروم ؟ ولا عندكم وعند ناس ود الكامل ليهو اسما تاني ؟
قهرتك بي الله آآآ الطيب، يعني انتو بتسمو المشروم ؟
Post: #37 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: dardiri satti Date: 09-01-2009, 08:55 AM Parent: #36
2000 ألفين متر والبترول لسع ما طلع؟؟
با خوي أكان كدي قوم شوق ليك شغلة ساكت !!
تحياتي
Post: #38 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فيصل محمد خليل Date: 09-01-2009, 09:06 AM Parent: #37
Quote: 2000
ألفين متر والبترول لسع ما طلع؟؟
يا الدرديري هم عاوزين يقدوا
الكرة الارضية و يختو في الفتحة التحت
براميل
و البترول يتدفق طوالي في البرميل
و لا شفاطاط و لا يحزنون
ال بترول ال
Post: #39 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 09:33 AM Parent: #38
احمد ابو حريرة
كيفك يا اخي ومبروكة العروس عليكم
وحاة النبي في ناس جو ساهكين ليك مشروم دى سااااى غيرك يا مقطوع الطارئ مافي شيطانا مسنوح وقف عندها
الاستاذ الدرديري ساتي
والعالم فيسل محمد هليل
بطللوا الحسادة يا مسانيح اصلو عين السخط تبدي المساويا
Post: #40 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 10:12 AM Parent: #39
جاييكم
Post: #41 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Hamid Elsawi Date: 09-01-2009, 10:31 AM Parent: #39
العزيز الطيب, تحياتي لك و لضيوفك الكرام و رمضان كريم
من خلال دراستي للبترول اولاً مسافة 2 كلم من المنطقة السكنية هي مسافة غير قانونية حسب قوانين كندا التي درستها. ثانياً قبل بدء الحفر هناك اجراءات قانونية كثيرة يجب اتباعها مع سكان المنطقة و المناطق القريبة اقلها انهم لهم حق الامتياز في توفير كل الاحتياجات للعاملين في المنطقة من ماكولات و مشروبات و كل الخدمات اللازمة حتي يشعروا حقيقة بأن هناك تغيير في شكل حياتهم بتوفير و ظائف و غيره. الخدمات الصحية التي توفرها الدولة للعاملين في الحقول يجب ان لا تقل عن تلك التي تتوفر لهم اي سكان المنطقة. مخلفات البترول يجب التخلص منها بصورة تحترم البيئة و لا تؤثر علي الانسان و الحيوان او النبات ( و ده ما قاعد يحصل في السودان للاسف الشديد و حتي التكنلوجيا المستخدمة عمرها قصير و لو صرفوا قروش اكثر البئر ممكن يكون عمرها يتضاعف و انتاجها يتضاعف اكثر من مرة) فرص أو منح دراسية في البترول لابناء المنطقة المؤهلين لذلك.
و كثير من الاجراءات القانونية التي تحترم اهل المنطقة و هناك مناطق كثيرة في كندا استمرت هذه الاتفاقيات سنين.
تصدق عندما درسنا مادة الحفر(Drilling) الاربع محاضرات الاولي كانت قانون.
اتمني أن أجد وقت و ارجع للمحاضرات و احدثكم عنها شوية
بالمناسبة,السكان لهم سطح الارض اما ما تحت الارض هو ملك للدولة
دمت علي أحسن حال
Post: #42 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 10:54 AM Parent: #41
لاخ الباشمهندس حامد الصاوي
تحية لك وكل عام وانت بخير
Quote: من خلال دراستي للبترول اولاً مسافة 2 كلم من المنطقة السكنية هي مسافة غير قانونية حسب قوانين كندا التي درستها. ثانياً قبل بدء الحفر هناك اجراءات قانونية كثيرة يجب اتباعها مع سكان المنطقة و المناطق القريبة اقلها انهم لهم حق الامتياز في توفير كل الاحتياجات للعاملين في المنطقة من ماكولات و مشروبات و كل الخدمات اللازمة حتي يشعروا حقيقة بأن هناك تغيير في شكل حياتهم بتوفير و ظائف و غيره. الخدمات الصحية التي توفرها الدولة للعاملين في الحقول يجب ان لا تقل عن تلك التي تتوفر لهم اي سكان المنطقة. مخلفات البترول يجب التخلص منها بصورة تحترم البيئة و لا تؤثر علي الانسان و الحيوان او النبات ( و ده ما قاعد يحصل في السودان للاسف الشديد و حتي التكنلوجيا المستخدمة عمرها قصير و لو صرفوا قروش اكثر البئر ممكن يكون عمرها يتضاعف و انتاجها يتضاعف اكثر من مرة) فرص أو منح دراسية في البترول لابناء المنطقة المؤهلين لذلك.
و كثير من الاجراءات القانونية التي تحترم اهل المنطقة و هناك مناطق كثيرة في كندا استمرت هذه الاتفاقيات سنين.
تصدق عندما درسنا مادة الحفر(Drilling) الاربع محاضرات الاولي كانت قانون.
اتمني أن أجد وقت و ارجع للمحاضرات و احدثكم عنها شوية
بالمناسبة,السكان لهم سطح الارض اما ما تحت الارض هو ملك للدولة
يا شكرا للمداخلة الطيبة وبالفعل انا عملت هذا البوست لاستطلاع اراء الخبراء حول السيناريوهات المتوقعة .
فقط اصحح معلومة وهي ان اقرب منزل من القرية لها على بعد 50 متر فقط .
كلامك يا استاذ الصاوي يتفق مع توصيات ورشة العمل التي عقدت لتحكي عن الخدمات الاجتماعية التي ينبغي ان تقدمها شركات النفط لاهالي مناطق الانتاج وتشمل هذه الخدمات حتى الخدمات البستانية ( شوف الدلع كيف اكان بطلوا الحسادة ).
في انتظار الجانب القانوني يا استاذ الصاوي
اطيب امنياتي
Post: #43 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 11:18 AM Parent: #42
الاستاذ الصاوي
هل يمكن ان تحفر 2000 متر بدون التاكد مسبقا من جدوى الحفر؟
Post: #44 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-01-2009, 11:37 AM Parent: #43
المستشار
سنتفق مع مصنع كناف ابو نعامة لإستيراد الشماخات والعقالات... لكن أولا:
بير بترول علاقتها شنو كمان بالدقون..
الله أكبر على من تدَقين.. وخسئ كل من تّلحى!!
Post: #45 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عبدالكريم الامين احمد Date: 09-01-2009, 11:41 AM Parent: #44
اها يا شيقوق حفرتو البترول خلاص اذن جابين عدتنا وجاييين ناس طرق وكباري ومجاري سااااااكت
Post: #46 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: مجدي عبدالرحيم فضل Date: 09-01-2009, 11:52 AM Parent: #45
ود شيقوق
رمضان كريم وتصوم وتفطر علي خير .
يازول بترول شنو! أنت داير ليك بطانية جيش الزمان ديك مامصنوعة من البترول وفيها خيش يدفيك من برد البردانة ذاتو.
تعرف ياشيقا لو السودان ده جري فيهو بترول في كل الشوارع يبقي هو السودان اليوم لا تغير ولا يحزنون بالله خلونا في غربتنا دي نمعط في .
شيبات الرأس الأتملا ده ودي ومحبتي شيقا يعني الرطانة الزينا ديل يجيبوا جركاناتم ويجوا البردانة من بكره.
شايف طارق جبريل أخد ليهو ناصيِ في مربوعكم .
،،،،أبوقصي،،،،
Post: #48 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 01:09 PM Parent: #45
عبد الكريم
Quote: اها يا شيقوق حفرتو البترول خلاص اذن جابين عدتنا وجاييين ناس طرق وكباري ومجاري سااااااكت
حدك 15 سبتمبر بس و وبعد داك اكان جيت شايل ليك ظلت في عنقرتك بنرجعك
Post: #47 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 01:05 PM Parent: #44
عزو
Quote: سنتفق مع مصنع كناف ابو نعامة لإستيراد الشماخات والعقالات... لكن أولا:
بير بترول علاقتها شنو كمان بالدقون..
الله أكبر على من تدَقين.. وخسئ كل من تّلحى!!
وحاة النبي ما تتدقن تشمها قدحة يا سجم الرماد - ات فارق معاك شنو؟ تكوزن شكلا وتجدع موضوعا
Post: #49 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فيصل محمد خليل Date: 09-01-2009, 01:15 PM Parent: #47
كتب شيقا
Quote: هل يمكن ان تحفر 2000 متر بدون التاكد مسبقا من جدوى الحفر؟
لو ما لقيتو بترول اعملوها حفرة دخان
Post: #50 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 01:19 PM Parent: #47
الاخ مجدى ابو قصي
كيفك يا العزيز - الشوق ليك بحور ورمضان كريم
Quote: تعرف ياشيقا لو السودان ده جري فيهو بترول في كل الشوارع يبقي هو السودان اليوم لا تغير ولا يحزنون بالله خلونا في غربتنا دي نمعط في شيبات الرأس الأتملا ده.
يا زول مالك علينا نحن متفائلون ليش كدا تعمل لينا احباط - هسع الناس داخلون وخارجون حتى الجكس جايين يباركو
Quote: ودي ومحبتي شيقا يعني الرطانة الزينا ديل يجيبوا جركاناتم ويجوا البردانة من بكره.
كدى يا مجدى اخوى ارخي لي اضانك . دحين هسع لوفتشنا رطانتكم كلهم بنلقى لينا عندهم جركانة فاضية!!؟
Quote: شايف طارق جبريل أخد ليهو ناصيِ في مربوعكم
حاري ليهو خميشة من التعويض الجاى
Post: #51 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 02:33 PM Parent: #1
رمضان كريم
Post: #52 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 02:33 PM Parent: #1
رمضان كريم
Post: #53 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف الدولة كامل Date: 09-01-2009, 02:44 PM Parent: #52
لقيتك مسنوح,,, في شيتن غير كده.
رمضان اليومين ديل عسل درجة الحراره
دون ال60 فهرنهايت,, منقة بس ربنا يتقبل.
والله بت الهنا بتسلم عليك وبتسال عن صحة الولد.
Post: #54 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 02:52 PM Parent: #53
ود الكامل
Quote: والله بت الهنا بتسلم عليك وبتسال عن صحة الولد.
يا اخي والله بت الهنا انسانة صبورة وصالحة والحمدالله ربنا صرف عنها البلاء - وشكرا على سؤالها عن الولد وحياتك يا كامل السمان ونصاح ما طارينو
Post: #55 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عبد الرحيم حسب الرسول Date: 09-01-2009, 03:02 PM Parent: #53
يا شيقوق ياحلو يا طويل العمر انشاء الله ما يلقوه في البردانة دي كلها إلا تحت سريرك يا الطيب آل شيقوق رعاك الله عشان تتجدع وتطالب بتعويض وممكن تطالب بوزارة الطاقة يعني هم المسكوها كانوا أحسن منك؟
تحياتي لكل أهل الدندر
Post: #56 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 05:42 PM
الشيخ - عبد الرحيم حسب الرسول
رمضان كريم
Quote: انشاء الله ما يلقوه في البردانة دي كلها إلا تحت سريرك يا الطيب آل شيقوق رعاك الله عشان تتجدع وتطالب بتعويض وممكن تطالب بوزارة الطاقة يعني هم المسكوها كانوا أحسن منك؟
وحاة النبي يا عبد الرحيم من يوم الصينيين علقوا حديدهم للحفر ام اولادي عينها ما غمضت عرفت الشئ بجيب تعويضات والتعويضات بتجيب ليها جكسوية . انا هسع متمنى البترول يجي نابل وهي متمنياهو يطلع فشنق ساى .
Post: #57 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-01-2009, 06:09 PM Parent: #56
تتدقن.......... والبيرقص ما بغطي..........................
Quote: وحاة النبي ما تتدقن تشمها قدحة يا سجم الرماد - ات فارق معاك شنو؟ تكوزن شكلا وتجدع موضوعا
شايف يا عمو كمال!!!
أقول شنو للمسنوح ده!!!!
Post: #58 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عماد الشبلي Date: 09-01-2009, 06:21 PM Parent: #57
ود شيقوق رمضان كريم
عقبال تصل متر واحد
بس ماتنس ود خالي ود الخضر من صالح البترول ..
Post: #59 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: ثروت سوار الدهب Date: 09-01-2009, 06:27 PM Parent: #57
لاحظ دا بترول غير العاز الطبيعي dry Gas في نفس الحقل يعني لميتو السعودية على قطر في الحقل 8
ود شيقوق اها انا مو قريبك؟ انا سالت اهلي و قالو ود شيقوق دا في الحسبة ودعمك طوالي
يلا ما تعمل نايم
تحاياي
Post: #60 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Osman Musa Date: 09-01-2009, 06:31 PM Parent: #57
العزيز شيقوق رمضان كريم عليك وعموم أهالى البرادنة . قالوا قرية البرادنة دى هيلنا تب. قالوا حقت جدنا عبدالله الخامس وعبدالله الخامس ده هاجر منها سنة الجراد . اها دحين يا شيقوق . بندور نرفع قضية ادينا الورق والتوكيل لصاحبك الدغور عشان يتابع الموضوع . يازول ده بترول تقيل . دحين يا حقنا دولارين على كل برميل يا بنخلى عجاج البرادنة فى السماء . ( وأنت عارف صاحبك الدغور وكتين يعكلت فى المحاكم )
Post: #61 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:43 PM Parent: #60
Quote: أقول شنو للمسنوح ده!!!!
قول ليهو جدودنا زمان وصونا على الدقون يا سجم الرماد الماك مواكب مقتضيات الثراء العصرية
انت بنياتك التحتية جاهزة فاقدة جزاك الله خير بس معاها ملفحة من بيوت الكلاوي ومحل رهيفة تنقد
قال اقول شنو المسنووووووووووووووح
Post: #62 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 06:48 PM Parent: #61
الشبلي كاميرات
Quote: ود شيقوق رمضان كريم
عقبال تصل متر واحد
بس ماتنس ود خالي ود الخضر من صالح البترول ..
حرم علا يشوف لي واحدة اناسبكم بيها وابقى مشنق الطاقية في الهامة ومتجدع وسط السناجك واكسر ليك الحروف الاخيرة كسرييييييي ومويييييييييي وكاميريييييي
Post: #63 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-01-2009, 06:58 PM Parent: #62
Quote: قول ليهو جدودنا زمان وصونا على الدقون يا سجم الرماد الماك مواكب مقتضيات الثراء العصرية
يحرفون الكلم عن موضعه!!!
ودي انت شايلها بالليزر!!!!!!!!!!!!
Post: #64 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 09:01 PM Parent: #63
الشبلي
رمضان كريم
ات عارف بكري ده ضرانا ضرر من قبيل عايز ارد على مداخلتك وعبد العزيز وعثمان موسى جاني واحد نضام واتحكر لي في العنقريب وصار يلولو في الكلام وانا بالي معاكم هنا كلما احاول اصرف زولي ده يصلح القعدة يفتح موضوع تاني وحاة النبي وقت قال ماشي قلت اححححححححح الحمد لله ربنا صرفو وجيت ليك جاري على المنبر .
لقيتوني كيف كدا ؟
Post: #65 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 09:15 PM Parent: #64
عثمان ود موسى
حبابك عشرة ورمضان كريم
Quote: رمضان كريم عليك وعموم أهالى البرادنة . قالوا قرية البرادنة دى هيلنا تب. قالوا حقت جدنا عبدالله الخامس وعبدالله الخامس ده هاجر منها سنة الجراد . اها دحين يا شيقوق . بندور نرفع قضية ادينا الورق والتوكيل لصاحبك الدغور عشان يتابع الموضوع . يازول ده بترول تقيل . دحين يا حقنا دولارين على كل برميل يا بنخلى عجاج البرادنة فى السماء . ( وأنت عارف صاحبك الدغور وكتين يعكلت فى المحاكم )
جبت لبطك من هسع يا مسنوح؟
هسع دحين الدغور ده ما ممكن امسكو ليك قضية التعويضات دى يا عثمان اخوي
Post: #66 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عروة علي موسى Date: 09-01-2009, 09:15 PM Parent: #64
العم العزيز الطيب شيقوق سلام ومحبة وحمد لله على السلامة والله ده كلام طيب وخبر خطير .. موضوع البترول الجاكم دا طبعاً نحن أهلكم ناس ود النور ما تنسونا من صالح النفطيات .. وخلي ولدنا عبد الحميد إكون المنسق بينا وسعدت جداً بتصويرك الرائع عبر الحروف لرحلة الذهاب إلى مضارب الأهل الطيبيين وكن دوماً بخير ،،،
Post: #67 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 09:24 PM Parent: #66
الابن عروة موسى
Quote: والله ده كلام طيب وخبر خطير .. موضوع البترول الجاكم دا طبعاً نحن أهلكم ناس ود النور ما تنسونا من صالح النفطيات .. وخلي ولدنا عبد الحميد إكون المنسق بينا وسعدت جداً بتصويرك الرائع عبر الحروف لرحلة الذهاب إلى مضارب الأهل الطيبيين
والله سعيد جدا ان تطل علينا هذا المساء عبر هذه النافذة وعبرك انقل تحاياي لكل الاهل بود النور - الحاج زرقان وصديق بولادي ورضوان ومحمد عبد الله والحسنين وتمتد اشواقي لتغمر اهلي بقرية المسلمية مناه ، عبد الرحمن الخليفة وحسن وعباس والوالدة امنةوبابكر الحسن وبابكر ادريس وحيدر والتيمان وجميع الاهل .
طبعا منزل الاخ عبد الحميد على بعد امتار من البئر وهو باتصال يوميا معي لاعلامي بكل التطورات حولها .
طبعا رضوان ومحمد (ابو رويس) ، كما يحلو لي تسميته، الان يبحثون عن العقالات .
لك ولجميع الاهل اطيب الاماني
Post: #68 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عروة علي موسى Date: 09-01-2009, 09:37 PM Parent: #67
العم العزيز تسلم ... وجزيل الشكر على تحياتك النواضر لأناس هم ملء البال والقلب .. وعين القبيلة.. وربنا احقق المقاصد وكان الموضوع بقى على رضوان ما في مشكلة بس ربنا استرنا مع عبد الحميد وتقبل ودي وتقديري ،،،
Post: #69 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-01-2009, 09:42 PM Parent: #68
Quote: بس ربنا استرنا مع عبد الحميد
اكان على دا امره ساهل _ لو عمل اى سيك ميك عمك بلعبو ليكم صفا وانتباه
Post: #70 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-01-2009, 11:12 PM Parent: #69
Quote: قال ماشي قلت اححححححححح الحمد لله ربنا صرفو
لو كت أصيل كان ضبحت ليهو كمبيوترك!!! وين كرم البرادنــــــــــــــــــــة!!
Post: #71 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 06:14 AM Parent: #70
عزو
Quote: لو كت أصيل كان ضبحت ليهو كمبيوترك!!! وين كرم البرادنــــــــــــــــــــة!!
الله يلعن بكري ابو بكر المسنوح - انا اكان لقيت طريقة كان كفيت الضيف ذاتو وشخ طبحتو
Post: #72 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: حسن طه محمد Date: 09-02-2009, 06:46 AM Parent: #71
شيقا
كنت في طريقي لتكوين فريق سودانيز اونلاين لكرة القدم.
وكان شخصكم الكريم ومعكم العزيز ود الموج في مقدمة المرشحين لملئ خانتي الباك الرايت والجناح اللفت.
وكانت عقود التسجيل جاهزة لكم ... و باقيام تفوق قيمة تعاقد كريستيانو رونالدو مع ريال مدريد
والآن ... بعد اكتشافات البردانة
سيكون شيقا هو مالك ورئيس نادي سودانيز اونلاين لكرة القدم مثله مثل برلسكوني رئيس ايه سي ميلان.
ولكن .... يا شيقا لا تحلم برئاسة مجلس الوزراء ( مثل برلسكوني )
فهذا كما تعلم محجوز محجوز.
تخريمة:
ليه سموها البردانة وليست الحرانة ؟؟
دمتم شيقا وصحبه،،
Post: #73 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-02-2009, 06:59 AM Parent: #72
Quote: في مقدمة المرشحين لملئ خانتي الباك الرايت والجناح اللفت
الأخ/ حسن طه
حياك الله
بالشئ الأنا عارفو.. ما يكون في كشف طبي!! الركب.. البلالي.. و وو لا تنفع حتى بمواصفات مشجع
Post: #74 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 07:01 AM Parent: #72
خالي حسن طه - ود البوب
Quote: وكان شخصكم الكريم ومعكم العزيز ود الموج في مقدمة المرشحين لملئ خانتي الباك الرايت والجناح اللفت.
يا خال وليش ود الموج بالتحديد مع زخم معجبي ومكسري افراح؟ يا عمو تورياتك حلوة ومقصاتك بعيدة - قولها بالعديل فالريدة والرهف الحسي تهم لا ننكرها وشرف لا ندعيه
Quote: ليه سموها البردانة وليست الحرانة ؟؟
والله عندكم جنس اسئلة والله حاقرين باسم البردانة بس ؟
طبتم يا الحبيب وطابت ايامكم
مع تحيات الزعيم
لقيتني كيف؟ ولا مستحي انادي ليك ود الكامل يفك الشفرات
Post: #75 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: nabielo Date: 09-02-2009, 08:24 AM Parent: #74
يا شيخ العرب قلت لي 2000 متر ؟ اوع تطلعوا بي غادي و تسرقوا بترول فنزويلا و شافيز يخلي الامريكان و يدور فيكم
انت عارف مناطقنا في الشمال مليانة بترول بس الجماعة حسادة منهم ما دايرين يطلعوها
Post: #76 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: كمال حامد Date: 09-02-2009, 09:30 AM Parent: #75
مبروك إن شاء الله بترول الدندر الخارطة للعلم
Post: #77 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 10:08 AM Parent: #75
نابيلو
كيفك
Quote: اوع تطلعوا بي غادي و تسرقوا بترول فنزويلا و شافيز يخلي الامريكان و يدور فيكم
انت عارف مناطقنا في الشمال مليانة بترول بس الجماعة حسادة منهم ما دايرين يطلعوها
ضحكتني يا مسنوح قلت لي حسادة ساى؟
Post: #78 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 10:36 AM Parent: #77
الاخ الاستاذ كمال حامد
شكرا يا عظيم على هذا الجهد الطيب ونأمل ان توافينا بمزيد من التفاصيل
Post: #79 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف بخيت موسي Date: 09-02-2009, 12:21 PM Parent: #78
Quote: رجعت البيت وفرشوا لي السرير بررررررررة للهمبريب وقلت انوم نومة طولت منها - فعلا نمت وبعد شوية اسمع ليك الكركبة بدت اتاري الحفار بيحفر بالليل وحاة النبي ما قدرت انوم من هدير الحفارة وهي بتحفر في الواطة . الصباح مشيت للجماعة تاني قلت ليهم النوم غلبني قالوا ساهر ساى سهر عديلك .
عمنا ود شيقوق
حمد على السلامة
لكن وحياتك بعد السمعتوا من ناس كدا تخسس بترول ( دربك مرق طاب)
ماتنسانا من صالح الدولارات
منتظرين عودتك البترولية ، إمكن ننجم من وراك
سلام لجنابوا الطيب والجميع
رمضان كريم
Post: #80 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 12:42 PM Parent: #79
سيف ود البخيت
Quote: لكن وحياتك بعد السمعتوا من ناس كدا تخسس بترول ( دربك مرق طاب)
شوف الدنيا لما تنتكي فيك بخيراتها يعنى لا محتاجة لغور gower ولا فازديف ولا مونتسكيو ولا دايسي ولا قلتهل ولا زهراء ادم عمر ولا نفيسة دفع الله ولا حتى تعب وراء عمك محمد الحسن هاشم الزول الخمش خزنة نويلا وجاء ملهمها عمك عابدين اسماعيل عشان يوريه انو هجم لو على خزنة وعايز من عمك عابدين يوريهو كيف التصرف في المال المسروق وعيييييييييييك علقت فينا نحن الطلبة المساكين بقينا نبحث عن الفواصل بين ماهو محصن من الاقوال وماهو جائز البوح به امام المحاكم .
Quote: ماتنسانا من صالح الدولارات
حرم ااجرك ونيس ساى تشبعني ونسة في القانون عشان تاني انا ما بقلب صفحة
Post: #81 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: حسن طه محمد Date: 09-02-2009, 01:32 PM Parent: #80
Quote: بالشئ الأنا عارفو.. ما يكون في كشف طبي!! الركب.. البلالي.. و وو لا تنفع حتى بمواصفات مشجع
أستاذ عبد العزيز عيسي
حرم مع قروش بترول البردانة الكشف الطبي يجيه لييييي بيته في الدندر.
والركب مع شوية بلالي من اليونسكو وشوية صنفرة من الاسكا وشوية كريمات من النوع اياه وعناية خاصة من الفريق الطبي المتفرغ لسموه ..... يبقي أحسن لاعـــــــــــــــــــــــــــب !!!!!!!!!!
غايتو شوية حاجات كدا محتاجة ليها صاحبي ود الموج .
مش يا شيقا؟؟
جاييك راجع يا شيقا بس كنت مستعجل لكن قلت اخوي عبد العزيز عيسي لازم اجامله واقول ليه مع شوية بلالي .... وانت يا شيقا اصلك ما محتاج طبعا..
دمتم جميعا،،
ود البوب
Post: #82 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 01:52 PM Parent: #81
عزو
ود البوب
Quote: حرم مع قروش بترول البردانة الكشف الطبي يجيه لييييي بيته في الدندر.
والركب مع شوية بلالي من اليونسكو وشوية صنفرة من الاسكا وشوية كريمات من النوع اياه وعناية خاصة من الفريق الطبي المتفرغ لسموه ..... يبقي أحسن لاعـــــــــــــــــــــــــــب !!!!!!!!!!
غايتو شوية حاجات كدا محتاجة ليها صاحبي ود الموج .
مش يا شيقا؟؟
جاييك راجع يا شيقا بس كنت مستعجل لكن قلت اخوي عبد العزيز عيسي لازم اجامله واقول ليه مع شوية بلالي .... وانت يا شيقا اصلك ما محتاج طبعا..
هييييييييييييع ده الشغل ولا بلاش عافي منك دنيا واخرة يا الخال وربنا ينعم عليك بج....سوية قول امين
تاني نشوف مسنوح يجي مباري بهنا
Post: #83 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 02:08 PM Parent: #82
Post: #86 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 02:32 PM Parent: #85
يزدان السودان اكبر أقطار إفريقيا مساحة بالعديد من الحيوانات البرية والطيور التى ينفرد بها ، ومحمية الدندر الاتحادية وغيرها من المحميات تقوم بحفظ هذه الثروة القومية وتتيح للسياح أجمل لحظات الدهشة والمتعة بإستكشاف اعظم مملكة للحيوانات والطيور فى أفريقيا شمال خط الاستواء . تم اعلان محمية الدندر كمحمية قومية فى بواكير 1935 ، وتقدر مساحتها ب 3500 ميلاً مربعاً . وتبعد المحمية عن الخرطوم مسافة 300 ميل ، ويمكن للزائر الوصول اليها براً . وتستغرق الرحلة بالعربات ثمانية ساعات حتى محطة القويسى ، ومن ثم مواصلة الرحلة للمحمية لفترة لا تزيد عن الاربع ساعات.
وتعتبر الفترة من يناير حتى ابريل من افضل الفترات لزيارة المحمية ذات الموقع الفريد حيث تغطيها السهول ذات الحشائش والنباتات والادغال ، بجانب البرك والبحيرات وملتقيات الانهار ، مما يخلق مناخاً مناسباً لتكاثر الحيوانات . وإتاحة الفرصة للسياح لاكتشاف ثراء الطبيعة البكر.
ومن اهم الحيوانات التى توجد بمحمية الدندر : الجاموس الافريقى ، وحيد القرن ،الافيال ، ظبى القصب ، البشمات ، ظبى الماء ، الكتمبور ، الزراف ، التيتل النلت ، الاسود ، الضباع ، النمور، الحلوف ، ابو شوك ، القط ابو ريشات ، النسانيس والغزلان وغيرها من الحيوانات الصغيرة.
اما فيما يتعلق بالطيور فإن السودان به اكثر من 983 نوعاً من الطيور من اهم الانواع التى توجد بمحمية الدندر : دجاج الوادى ، نقار الخشب ، البجع الابيض ، ابو سعن ، الغرنوق ، الرهو ، النعام وغيرها .
Post: #87 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فيصل محمد خليل Date: 09-02-2009, 02:53 PM Parent: #86
لا تحاول البحث عن حلم خذلك
حاول ان تجعل من حالة الانكسار
بداية حلم جديد يا شيقا
سهلبيسة هلاهلا على البعليصة
Post: #88 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 03:07 PM Parent: #87
Quote: لا تحاول البحث عن حلم خذلك
حاول ان تجعل من حالة الانكسار
بداية حلم جديد يا شيقا
والله يا فيسل لم يكن حلمي تحقيق رفاهية على المستوى الشخصي وانما حلمي ان يعم الخير بلادناكلها ونعود للعمل فيها بدلا عن عذابات الغربة .
Post: #89 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 06:14 PM Parent: #88
مع عمكم السر احمد قدور
العيووووووووووووووون
Post: #90 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فيصل محمد خليل Date: 09-02-2009, 06:25 PM Parent: #89
Post: #91 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 06:26 PM Parent: #90
Post: #92 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف بخيت موسي Date: 09-02-2009, 08:15 PM Parent: #91
Quote: حرم ااجرك ونيس ساى تشبعني ونسة في القانون عشان تاني انا ما بقلب صفحة
كل بثوابه ، الله قادر وكريم
مساءك خير
Post: #93 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عشة بت فاطنة Date: 09-02-2009, 08:24 PM Parent: #92
ودشيقوق دحين ما تديني كم متر كدي وهبية ومعاهم بقرة وعتوت امكن اعوضووني معاك وانشالله بقاسمك من نصيبي كم متركدي من حرم بيتك ضهر البيت يعني ... واختك عربية شت دي ما شات الة العرب البحبو البهايم بعرفوا السعية والمحويب ... في انتظار الرد
Post: #94 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 09:41 PM Parent: #93
عشة بت فاطنة
Quote: ودشيقوق دحين ما تديني كم متر كدي وهبية ومعاهم بقرة وعتوت امكن اعوضووني معاك وانشالله بقاسمك من نصيبي كم متركدي من حرم بيتك ضهر البيت يعني ... واختك عربية شت دي ما شات الة العرب البحبو البهايم بعرفوا السعية والمحويب ... في انتظار الرد
وحاة النبي كلامك سمح سماحة - دحين ده منك ولا اتصلت بصديق من ناس البطانة؟
اكان منك انت مؤهلة تماما لاستحواذ جدعة كاملة تتجدعي فيها زى ما دايرة يمين وشمال .
سيف
انت معانا ولا سارح؟
Post: #95 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-02-2009, 10:09 PM Parent: #94
Quote: حرم مع قروش بترول البردانة الكشف الطبي يجيه لييييي بيته في الدندر.
ود البوب
سلامات
لقد اصدرنا قرارا بالحجز على أية اكتشافات نفطية لتكون مخزون استراتيجي للقرن القادم.. وعليه فعلي كل المنتفعين من هلوسة النفط تحويل اوراقهم باسم احفادهم..
اها بعد ده.. الكركعوب شيقا ده يلعب وين!!
Post: #96 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-02-2009, 10:38 PM Parent: #95
Quote: اها بعد ده.. الكركعوب شيقا ده يلعب وين!!
وسوف تنأي خطايا عن بلد في حماهو النفط محتكروووووووووووووو
Post: #97 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-02-2009, 10:59 PM Parent: #96
قدلة... ان شاء الله ولو إلى لاهاي...
Post: #98 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-03-2009, 07:21 AM Parent: #97
Quote: قدلة... ان شاء الله ولو إلى لاهاي...
ومحل رهيفة تنقد يطول عمرك يا العشاء
Post: #99 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: wadismail Date: 09-03-2009, 08:51 AM Parent: #98
سلام عمنا الطيب
بس داير أعلق على حاجة بسيطة لكن جوهرية
Quote: هل يمكن ان تحفر 2000 متر بدون التاكد مسبقا من جدوى الحفر؟
دي الفيصل ، ببساطة أسأل ناس الحفر ديل (بالمناسبة هم من ياتو شركة) عن نوع البير
Is it Exploratory well or Development well ?
عادي جدا الناس بتحفر عشرات الآبار و لعمق أكبر من كدا و تطلع ......
بالمناسبة عندي أهل في العمارة و الدقاق إن شاء الله الخير دا عليهم برضو :)
Post: #100 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: Abdlaziz Eisa Date: 09-03-2009, 10:56 AM Parent: #99
Quote: ومحل رهيفة تنقد يطول عمرك يا العشاء
تنقد!!! كدا خليها بعد الرمضان...
Post: #101 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-03-2009, 12:57 PM Parent: #100
ود اسماعيل
يا مرحب بيك يا العزيز وقريب
Quote: دي الفيصل ، ببساطة أسأل ناس الحفر ديل (بالمناسبة هم من ياتو شركة) عن نوع البير
Is it Exploratory well or Development well ?
الشركة هي white Nile petroleum والحفر ما قادر اكيفه هل استكشافي ام تطويري لكن استطيع القول انا هنالك مجموعة ابار حفرت في مربع 8 ولم يعلن عن نتيجة الحفر يعني غطغطوها كويس ومشوا منها باستثناء بئر واحدة بالسوكي استطاعوا ان يستخرجوا عينة من النفط .
الجديد هنا هو الصرف على الطريق وحفر ابار ماء ومطار وخدمات للقرية وهمة عالية جدا كلها لم يحدث ان عملت في الابار السابقة . ويقال الحفر صار دايقونال تجاه بيتي .
Quote: عادي جدا الناس بتحفر عشرات الآبار و لعمق أكبر من كدا و تطلع ......
الله يكضب الشينة
Quote: بالمناسبة عندي أهل في العمارة و الدقاق إن شاء الله الخير دا عليهم برضو :)
ديل منو يا العشاء ؟ يمكن انت ذاتك قريبي - البترول اصلا في خط اهلك ديل العمارة والدقاق وود دودة وحتى التكمبري .
Post: #102 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: wadismail Date: 09-03-2009, 01:20 PM Parent: #101
Quote: الشركة هي white Nile petroleum
شركة النيل الأبيض لعمليات البترول دي الشركة العندها حق الإمتياز لمربع 8 و بسموها لاحقا
الشركة المالكة ، لكن ما هي البتتولى عمليات الحفر ، بكون في شركة متخصصة في الحفر و عندها
آليات الحفر (رقات) و غالبا ما تكون صينية دي البتعمل الشغل الحالي و بعدها برفعوا النتائج و
التقارير للشركة المالكة و مفروض ترفعا لوزارة الطاقة عشان يحددوا يواصلوا في الحفر في
مواقع تانية و للا يقيفوا .... عادة -لأسباب سياسية- بتكتموا على الداتا و ما تكون متاحة للناس
على الأقل في الوقت دا ..... عشان كدا بدري شديد على الفرحة يا عمنا :)
-----
أهلي ناس الشيخ عائس في العمارة و خليفتو الحالي الشيخ السر ديل جدودي من جهة أمي ، معا لإقتسام
الثروة القادمة !
Post: #103 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-03-2009, 02:05 PM Parent: #102
Quote: شركة النيل الأبيض لعمليات البترول دي الشركة العندها حق الإمتياز لمربع 8 و بسموها لاحقا
الشركة المالكة ، لكن ما هي البتتولى عمليات الحفر ، بكون في شركة متخصصة في الحفر و عندها
آليات الحفر (رقات) و غالبا ما تكون صينية دي البتعمل الشغل الحالي و بعدها برفعوا النتائج و
التقارير للشركة المالكة و مفروض ترفعا لوزارة الطاقة عشان يحددوا يواصلوا في الحفر في
مواقع تانية و للا يقيفوا .... عادة -لأسباب سياسية- بتكتموا على الداتا و ما تكون متاحة للناس
على الأقل في الوقت دا ..... عشان كدا بدري شديد على الفرحة يا عمنا :)
اها يا سيدي كلامك صاح اما الشركة التي تتولي الحفر في مربع 8 اعتقادي بتروناس الماليزية - توجد خارطة بيانية اعلاه تكرم بها احد الزملاء يمكن مراجعتها - -----
Quote: أهلي ناس الشيخ عائس في العمارة و خليفتو الحالي الشيخ السر ديل جدودي من جهة أمي ، معا لإقتسام
الثروة القادمة !
اها اقول ليك انت صرت لحمة ودم عديل كدا - الابيضاب شيوخنا كلنا والبير دى مسافة كيلوين فقط من المسيد والشيخ السر متزوج ابنة خالتي ابوها الشريف محمود ود الكاب .
انت غالبا يكونوا اهلك ناس الشيخ عبد القادر من الدقاق واهلنا ناس خريف ديمة ومحمد الشيخ وكيل نيابة الدندر
تحياتي
Post: #104 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فاروق أبوحوه Date: 09-03-2009, 02:18 PM Parent: #52
يا مسنوح ..
نحن بترول البلد (جت) بصفوهو جمبنا حرم نشم في ريحة الجاز..
وقطره تولع اللمبه أم خيت ما عندنا..
قال بترول قال ..
_________________ أسمع:بتدوني شكريه في البردانه؟
Post: #105 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-03-2009, 02:50 PM Parent: #104
ابو حوة
Quote: نحن بترول البلد (جت) بصفوهو جمبنا حرم نشم في ريحة الجاز..
Post: #106 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فاروق أبوحوه Date: 09-03-2009, 02:59 PM Parent: #105
اسمع أيها المدعو شيقوق:
حرم (أخرِتَه) بي ضراعي ساكت.
هيييع نحن أولادك يالمك.
دباس الشكريه كيف يا مسنوح..
أطمن ان شاء الله تغرقوا في الجاز لمن نعرفكم من ريحتكم يعني لو لاقيت واحد في امريكا ريحتو جاز طوالي تسألو:
- انت من البردانه؟ أها ود شيقوق ببقالك شنو؟
_____________ قمريه والله حموريه برقوطيه..
Post: #107 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-03-2009, 05:28 PM Parent: #106
Quote: حرم (أخرِتَه) بي ضراعي ساكت.
هيييع نحن أولادك يالمك.
والله إت بتسويها يا مسنوح
Post: #108 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: عبدالكريم أحمد الامين Date: 09-03-2009, 06:03 PM Parent: #107
## الشيخ ود شيقوق ** مساءك خير.. ** جهزنا ليك العراريق والسروايل وتياب السُرتى الماخمج مع عمم التوتال ,, بالنسبه للمُنتجعات الفيلا فى ماربيلا جاهزه والروزرويس تمت صيانتها ,, فيلا الريف الانجليزى تحتاج الى صيانه للتكرم بالتحويل لإجراء اللازم .. الطائره رابطه بمطار دبى وتم سداد الرسوم للطيران المدنى وغيرنا الطيار الانجايزى بطيار خليجى فهو أقل تكلفةً... ** أفادنا قسم الحسابات بأن البئر رقم 14/مربع/8 ب. توجد به مُشكله وأن تكلفة عملية التشغيل تفوق العائد وقد أمرنا بإغلاقه - للعلم.. ** الرصيد الفى دبى وماليزيا حولناهو سويسرا وإسبانيا.. ## وفجأةً صحيت من النوم بعد أن منيت نفسى بأن أكون مدير أعمال لاحد شيوخ النفط. (ودام الود بيننا) (ابو محمد فؤاد)
Post: #109 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-03-2009, 06:26 PM Parent: #108
ودام الود - محمد ابو فؤاد
Quote: جهزنا ليك العراريق والسروايل وتياب السُرتى الماخمج مع عمم التوتال ,, بالنسبه للمُنتجعات الفيلا فى ماربيلا جاهزه والروزرويس تمت صيانتها ,, فيلا الريف الانجليزى تحتاج الى صيانه للتكرم بالتحويل لإجراء اللازم .. الطائره رابطه بمطار دبى وتم سداد الرسوم للطيران المدنى وغيرنا الطيار الانجايزى بطيار خليجى فهو أقل تكلفةً...
نسيت يا اللخو الصندلية والريحة اليابسة وجميع مستلزمات رمضان!!!!!!!
Quote: ** أفادنا قسم الحسابات بأن البئر رقم 14/مربع/8 ب. توجد به مُشكله وأن تكلفة عملية التشغيل تفوق العائد وقد أمرنا بإغلاقه - للعلم.. ** الرصيد الفى دبى وماليزيا حولناهو سويسرا وإسبانيا.. ## وفجأةً صحيت من النوم بعد أن منيت نفسى بأن أكون مدير أعمال لاحد شيوخ النفط.
لا يا اللخو التقارير العندنا اكان ام دلدم ختت البترول هنا ما بختااااااااااااا طول بالك وخليك متعشم بالحيل والزارعها الله بتقوم في الحجر .
Post: #110 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: فيصل محمد خليل Date: 09-04-2009, 01:55 PM Parent: #109
كلاكلة لفة لفة لفا
OOH YEEH
برادنة فانتاستيك
Post: #111 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-04-2009, 02:05 PM Parent: #110
Quote: برادنة فانتاستيك
انتظر حتسمع لقاءات قناة الجزيرة من داخل البردانة وحتشوف نسرين سوركتي داخل البردانة وحتشوف افراح تغني جوة البردانة وحتشوف وحتشوف يا مسنوح
Post: #112 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-04-2009, 05:36 PM Parent: #111
سافر شال منامي وشـن بلاهو منامي وكان صادتني غفوة بشوفو في أحلامي قربو سبب سعادتي وبعدو سر آلامـي يا مولاي سألتـك زيـدو مـن أيامي
Post: #113 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-04-2009, 07:35 PM Parent: #112
لا حولا واحد خبير نفطي قال مويتنا البنشرب فيها الان حتتلوث بالمواد الكيمائية المصاحبة لعمليات استخراج النفط
اوع نكون بنشرب في قطران
ايواااااا دا سبب وجيه للمطالبة بمزيد من التعويضات
Post: #114 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف الدولة كامل Date: 09-04-2009, 10:31 PM Parent: #113
ما تنسي العشرة بعدين يا شقا
Post: #115 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: الطيب شيقوق Date: 09-04-2009, 10:55 PM Parent: #114
Quote: ما تنسي العشرة بعدين يا شقا
علا اكون مشغول ساى يا اللخو
Post: #116 Title: Re: هلا هلا /عمليات حفر البترول وصلت 2000 متر على بعد 200 متر من بيتي بقرية البردانة - الدندر Author: سيف الدولة كامل Date: 09-04-2009, 10:58 PM Parent: #115
اللهم اني صائم
