Post: #1
Title: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 08-31-2009, 07:12 PM
Parent: #0
أنا كمهاجر وبعيد عن وطنه أحب متابعة هذه القناة
والتي أعتبرها جسر تواصل بيني وبين الوطن..
مشكلة إنو الصوت يعلا ويوطا دي غلبني حلها عديل كده
يعني لازم الريموت يكون في يدك علي طول الوقت..
عشان ترفع وتنزل حسب إنخفاضه وإرتفاعه..
مرات الشفع بتخلعوا ويقوموا ناطين
خصوصا مع موسيقي النشرات الإخبارية
والتي يرتفع فيها الصوت بطريقة فجائية مرعبة..
ياخي بس نفسي أعرف
مافي مهندسن صوت في القناة دي ولا الحاصل شنو؟
|
Post: #2
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 08-31-2009, 07:31 PM
Parent: #1
كل أملي
أن يقع هذا البوست في عين أحد العاملين
في القناة الفضائية السودانية
وأن تصل المعلومة
والتي أظن قد لاحظها كثيرين غيري
مودتي
سيف اليزل-بوسطون
|
Post: #3
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 08-31-2009, 09:18 PM
Parent: #2
up
|
Post: #4
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: Mohd Ibrahim
Date: 08-31-2009, 09:49 PM
Parent: #3
سيف اليزل,
تعرف كدا رفعت ليهم روحهم المعنوية..لانو مااظن في زول قعد يشوفها
خاصة الاطفال..عندي واحدة قريبتي شافعها مجننة جن مابخليها تفتح السودان اصلو.....
مرة خلتو ينوم وفتحتها بعد شوية جا الشافع مابين نايم وصاحي غير القناة ورجع نام.....
عودة لموضوع بوستاك ..في واحد قبل تلاتة اربعة سنة عمل بوست كدا لكن طبعا لاحياة لمن تنادي...
|
Post: #5
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-01-2009, 02:42 AM
Parent: #4
الاخ محمد ابراهيم
شكرا علي المرور والقصة التي لاحظتها في بنتي لينا وعمرها سنتين
لكنها مكجنة القناة السودانية
وانا فارضها عليها
ولمن اشغلها تقعد تبكي لمن نغيرها
لذلك انتهز فترات نومها لكي اتابع برامج معينة
لكن الصوت شغال عالي واطي
كانو مافي زول مسئول منه
حاجة تحير
مودتي
سيف
|
Post: #6
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل جعفر عبد الرحمن
Date: 09-01-2009, 03:05 AM
Parent: #5
تيست تيست
تيست ون
تيست ون
مهمندس الصوت ما عمل كده
لو كان عمل كده كنت سمعت كويس
تيست تيست
|
Post: #7
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: عبدالأله زمراوي
Date: 09-01-2009, 08:14 AM
Parent: #6
Quote:
مرات الشفع بتخلعوا ويقوموا ناطين
خصوصا مع موسيقي النشرات الإخبارية
|
رمضان كريم
هددني ولدي الصغير (10) سنة بأن يخرج
من البيت إذا لم أُغير القناة السودانية
في الحال. بيني وبينك خفت، فهربت لقناة
أخرى وانا اردد:
(الخوّاف ربى عيالو)...
غايتو لو وددت رؤية سوءات الإنقاذ على الهواء وقبح هذا النظام الكهفي، فجالس
تلفزيون الإنقاذ!
وحّد الله وأقرأ هذا الخيط:
دعوة لحملة شعواء ضد تلفزيون الأنقاذ القمىء!
|
Post: #8
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: عبدالأله زمراوي
Date: 09-01-2009, 08:21 AM
Parent: #7
معليهش يا سيف فأنا ممكون:
Quote: سيداتي سادتي..
ليس بمقدوري أن أحتمل هذا الغثاء الذي يخرج علينا بكلكله من تلفزيون الأنقاذ! ما من مرة وددت ان أرى تلفزيون أهلي الغبش وانا في صقيع كندا، الا وتقتلني الحسرة على موت الأبداع في بلدي. بلد السيف عند جبانه والمال عند بخيله. الجبان الذي بيده تلفزيون الإنقاذ والسيف وبلد البخيل الذي يكتنز المال لمثل هذا اليوم!.
لست بأعلامي جهبذ ولست بناقد درس علوم النقد في المدارس. لكنني كلما شاهدت فضائيتنا وبرامجها، أحس ان شعب السودان يتقدم على فضائيته بألف سنة ضوئية.
لماذا أجبر انا وأولادي على مشاهدة مهرجانات الدفاع الشعبي وأغنيات الجهاد والمدائح التي تم أبتذالها وبيعها والآتجار بها ليل نهار؟ لماذا لا نرى الا برنامجين أو ثلاثة أستثناء من هذا الغثاء؟؟
أين فر مبدعو السودان الذين نشروا الوعي في كل ربوع بلاد العرب؟ أين تراثنا وتأريخناالملىء بالعبر حتى يستفيد منه أبناؤنا في فضائية الأنقاذ؟ أين قيم التسامح وروح الوطنية في خارطة هذه الفضائية الكهفية النتخلفة؟
من هم هؤلاء الخفافيش الذين يتسترون من خلف الكاميرات ليقدموا لنا هذا الترياق؟ من أين جاء هؤلاء الأوباش الذين بدأوا بكتابة تأريخ السودان عندما أظلم ليله؟
هل نرفع أكفنا للعلي القدير ونردد خلف وردي:
أثقلت كفي الضراعات
الضراعات أثقلت كفي!
وندعو بأن يأتينا الموت بغتة حتى لا نرى الوطن وفضائيته ينزلقان لهذا الدرك من الأنحطاط وهذا الدرك من الأسفاف؟
أم ماذا نحن فاعلون..
ماذا أقول لجدتي،
يبست ضراعاتي
وكفي ما يزال على الجدار؟؟
هل هناك من معجزة سماوية تأخذ بالقائمين على تلفزيون الأنقاذ على طبق طائر لأقاصي الدنيا ليروا بأم أعينهم كيف تجاوز البشر ثقافة الأنكفاء وتوحدوا تحت كون واحد؟؟؟
أين نحن مما يجري؟؟؟؟؟؟؟؟؟ |
|
Post: #9
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: abubakr
Date: 09-01-2009, 08:51 AM
Parent: #8
منذ بداية البث في منتصف التسعينات فلقد فشل القائمون علي امر هذه الفضائية الرسمية من ان يجعلو منها واجهة اعلامية تستقطب المشاهديين لا تنفرهم منها ...كان بناتنا وابناؤنا اطفالا حين بدءت القناة فحاولنا جاهديين في غربة ممتدة ان نشدهم اليها وسط زحمة فضائيات كانت في بدايتها .. فشلت الفضائية السودانية خلال عقد ونصف كبر فيها الابناء والبنات في ان تشدهم ولو هامشيا اليها ...افشلت القناة كل محاولاتنا بسبب بؤس الاعداد والاخراج والتصويير والصوت والديكور ونمطية المذيعيين وقلة خبرة وموهبة وانعدام افق... واضافة الي افشالنا في جذب اطفالنا وابناءنا اليها ساهمت وباصرار مستميتة لتعطي صور باهتة وبائسة عن بلادنا .. فالفضائيات الرسمية هي واجهة اعلامية قوية التاثير وتدخل الي كل غرفة وبيت ودكان وبالتالي لها دور اجتماعي واقتصادي وترويجي للبلاد التي تمثلها والفضائية السودانية هي اسوء ممثل لنا ولبلادنا ...
|
Post: #10
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: ذواليد سليمان مصطفى
Date: 09-01-2009, 09:19 AM
Parent: #9
الحكايةدي ما عندكم براكم
حتى فى مصر والدول الاخري
ولكن اوجه الدعوة
الى عضؤ البورد
محي الدين جبريل
بتوصيل هذه الرسالة
الاعلامي بالهئية القومية للتلفزيون
|
Post: #11
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: elfadl abdellatif
Date: 09-01-2009, 09:59 AM
Parent: #10
الاخ سيف اليزل
رمضان مبارك
والله يا اخ سيف انا من زمن كنت داير اكتب لبرنامج عزيزي المشاهد بخصوص هذه المشكلة التي ارقت منامي حقيقة وليس مجازا .. ولكن تجربتي مع التواصل مع هذا البرنامج جعلتني اعدل عن فكرتي
هناك فعلا مشكلة في هندسة الصوت .. وحتى لما يكون الريموت في ايدك فانت لا تستطيع ان تتنبأ بدرجة الصوت وفجأتن وبينما انت تستمع الى مذيع الربط بصوته المنخفض يتفجر في اذنيك دوي شعار التلفزيون .. وبينما انت تسمع الاخبار يقوم فجأة يخش ليك خطاب الرئيس بقوة 1000 ديسيبل ..
أضم صوتي الى صوتك .. وأدعو ادارة التلفزيون الى معالجة هذه المشكلة التي تنفر المشاهد .. مش كفاية البرامج المنفرة .. كمان دايرين يقدو لينا طبلة اضاننا?
..
مع خالص الود والتقدير
|
Post: #12
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-01-2009, 03:08 PM
Parent: #11
Thanks all, i will be back
seif
|
Post: #13
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: Mohamed Foto7li
Date: 09-01-2009, 03:33 PM
Parent: #12
| Quote: عشان ترفع وتنزل حسب إنخفاضه وإرتفاعه.. |
والله ضحكتني
الله يديك العافيه
|
Post: #17
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-02-2009, 03:14 PM
Parent: #13
mohamed Foto7li
كيف يا مان
والله فعلا هي حاجة تضحك
القناة رغم إنو بدأ أدائه في التحسن قليلا
إلا أن هناك أشياء مهمة ما قادرين عليها
منها مسألة الصوت
والذ بسببه تكون قناة مزعجة جدا جدا
مش كفاية عليك الله درامتهم الكلها نهير دي
دمت بخير
مودتي
سيف
|
Post: #16
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-02-2009, 03:09 PM
Parent: #9
الأخ أبوبكر
ما قلته عين الصواب
وكل أملنا ان ترتقي القناة بأدائها
لكي نستطيع أن نربط أولادنا بالوطن
يا ربي هم ما شايفين العالم من حولهم؟
مودتي
سيف
|
Post: #15
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-02-2009, 03:06 PM
Parent: #7
عبد الإله
شايفك متوجع زينا
يعني كلنا في الهم شرق
لكن عملت كويس فالخواف ربي عياله فعلا
شكرا علي مساهمتك الضافية
مودتي
سيف
|
Post: #14
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-02-2009, 03:04 PM
Parent: #6
أبو السيوف
كيفك مع رمضان
والله ذكرتنا الحفلات والساوند
يا حليل أيامها
مودتي
سيف
|
Post: #18
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-02-2009, 09:49 PM
Parent: #14
up
|
Post: #19
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سامى عتبانى
Date: 09-02-2009, 10:33 PM
Parent: #18
سيف اليزل
كيفنك يا صديقى
الغريبه ياسيف
انا عندى الفضائيه السودانيه وقناة النيل الازرق
والصوت ميه ميه
انت حاول غير الولات بتاعت الريسيفر يعنى ما تشغلو
بوصلةRF شغلو بوصلة منفصلة
الصوت براهو الصوره براها وشوف النتيجه
|
Post: #20
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: فتحي الصديق
Date: 09-03-2009, 10:23 AM
Parent: #19
نعم يا سيف ..الارتفاع والانخفاض بالصوت بالفضائية السودانية أمر مزعج جدا ..وانا زمان لما كنت بتفرج عليها لاحظتو كتير جدا...أضافة ل(التختخة) خاصة في الأغاني القديمة...
لو كان هنالك من يتابع بث الفضائية السودانية من مسؤوليها للاحظ الأمر وحاول علاجه..لكن يبدو لي أنهم يتابعون القنوات الأخرى فقط..
هذا عن الصوت..أما عن مضمون ما يقدم ..قتلك مأساة أخرى يجدر فتح بوستات متعددة لها..
كل رمضان وانت بخير يا سيدي.
|
Post: #22
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-03-2009, 09:58 PM
Parent: #20
فتحي الصديق
يعني كلنا في الوجع والهم شرق
شكرا لضمك صوتك الي صوتنا
ومعا من اجل تلفزيون قومي مريح
وصوت هادئ
مش انفجار الصوت زي القنبلة
دمت بخير
مودتي
سيف
|
Post: #21
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-03-2009, 09:55 PM
Parent: #19
سامي عتباني
المشكلة منهم
وهي مستفحلة
الحكاية ما من الريسيفر
وحتي الناس في السودان بيعانوا منها
مودتي
سيف
|
Post: #23
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-05-2009, 01:26 AM
Parent: #21
فوق
|
Post: #24
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: Mahmoud Mustafa Mahmoud
Date: 09-05-2009, 09:30 AM
Parent: #23
هارموني نفس الورطة..
والشروق على العكس.. صوتها منفخض..
يعني تعلي الصوت عشان تسمع حاجة في الشروق..
(عندي السودان رقم واحد..والنيل الأزرق اتنين..والشروق تلاتة ..وهارموني أربعة..وهكذا) زي كل السودانيين..
أها لما تزهج من الشروق لأي سبب ، تمشي هارموني... وتنسى (توطي) الصوت...
وهاك يا صراخ وخلعة من الشافعة الصغيرة بتاعتي دي..
لو فرضنا إنه (معتصم الجعيلي) ما عندو قروش يجيب مهندسين صوت..
تلفزيون السودان عندو إدارة هندسية وميزانية متلتة وكورسات تدريبية وتأهيل على أعلى مستوى..
الناس دي بتمشي الكورسات دي (تطشم) ولا شنو؟؟؟
إنا لله
|
Post: #25
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-10-2009, 05:39 AM
Parent: #24
الاخ محمود
شكرا لمداخلتك الواقعية جدا والمفيدة
في أول أيامي في امريكا سألت واحد لي به معرفة وثيقة وعلاقة نسب
وقلت ليه:إنت ناس المرور ديل ما حصل واحد جابو كورس البلد دي شاف الحاصل
فشرح لي انو الناس ديل بجوا لكن بكونوا مشغولين بحاجات تانية كتيرة بعيدة عن التاهيل بتاعهم
لانو صراحة كده هنا توجد افكار ما محتاجة لامكانيات
حتي لا يتعللوا بشماعة الامكانيات
فالكورسات وحدها ما كافية
الناس دي محتاجة همة وروح ابتكار ومحاولة لتطوير ما يقدمون
وكمان برضو لازم يستمعوا النصح,وتكون الرقابة موجودة
والوطنية لو موجودة دي تكون احلي حاجة
لانهم كده حيكونوا دايرين ينافسوا عشان بلدهم
تظهر باروع شكل
وربنا يسهل الامور
ويقوم وينهض الوطن
مودتي
سيف
|
Post: #26
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: فاروق أبوحوه
Date: 09-10-2009, 05:43 AM
Parent: #25
ديل ما عايزين مهندس صوت
عايزين مهندس سوط
Quote: مرات الشفع بتخلعوا ويقوموا ناطين
|
قرقرقرقرقرقرقر
|
Post: #27
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: Deng
Date: 09-10-2009, 06:53 AM
Parent: #26
الاخ سيف.
ياخ دي قناة حزب الاخوان المسلمين (المؤتمر الوطني) العاوز يضحك على دجل الاخوان المسلمين في السودان فعليه بمشاهدة هذه القناة التي تعبر عن وجهة نظر الكيزان تماما. أما موضوع الصوت ده فهو فضيحة عديل كده، فمثلا لو عاوز تحول من القناة دي لي قناة تانية مثل الجزيرة أو البي بي سي فلازم توطي الصوت ولمن ترجع لازم تعلي. بعدين أنت ما شفته صراخ المسئولين الاتقاذين في هذا القناة عندما يخاطبون مؤتمراتهم؟
|
Post: #28
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: محمد الأمين موسى
Date: 09-10-2009, 07:25 AM
Parent: #27
عندهم مهندسي سوط يجلدون به سمع المشاهدين وبصرهم!
|
Post: #29
Title: Re: يا أخوانا إنتو ناس القناة الفضائية السودانية ديل ما عندهم مهندسين صوت؟...
Author: سيف اليزل برعي البدوي
Date: 09-10-2009, 11:46 AM
Parent: #27
الأخ دينق سلام
وبرضو الامر والادهي والأنكي إنو حركة الشفاه بتجي بعد وصول الصوت,يعني لو كنت خبير في قراءة الشفاه
ممكن تكون عرفت الحاصل شنو,وهذا لعمري يفقدك المتعة اذا كان في برنامج ممتع,فيا عالم أرحمونا نحن
المهاجرين الذين نود الارتباط ببلدنا ورائحتها.
وشكرا دينق علي المداخلة
مودتي
سيف
|
|