Post: #1
Title: ياازهري م موسى ارفع يدك عن رمضان احمد السيد ...!!!
Author: الرفاعي عبدالعاطي حجر
Date: 08-31-2009, 12:43 PM
عودنا المريخي الاخ ازهري محمد موسى وكلما سمع باسم الاستاذ الصحفي رمضان احمد السيد الهلالي بالفطرة السليمة , ما أن يرد
اسمه ولو في الونسة العامة يُطلق عليه أخطاء كل يــوم فيا ازهري ارفع يدك عن رمضان احمد السيد الهلالي الغيور والصحافي
القوي وصاحب اعلى نسبة توزيع لصحيفته الرياضية الواسعةالإنتشار قووووووووووووووووووووووون ... وعلى اقل تقدير رمضان احمد
السيد دا كان من احسن الذين تم استضافتهم في برنامج هجمة مرتدة في النيل الازرق لمقدمته ميرفت حسين تقريباً ... رمضان احمد
السيد زول وااااضح حسب انطباعي التلفزيوني .
.............................................................................حجر.
|
Post: #2
Title: Re: ياازهري م موسى ارفع يدك عن رمضان احمد السيد ...!!!
Author: الشفيع رمزي
Date: 08-31-2009, 01:15 PM
Parent: #1
الرفاعي حجر ارفع يدك عن الاستاذازهري موسى فهو مريخابي بالفطرة وعاشق للمريخ وله مبادراته تجاه النادي العظيم وهو كذلك شخصية مؤثرة في الوسط الجداوي ورغم ان الاستاذ ازهري لم يتم استضافته في اي نوع من البرامج التلفزيونية الى ان الرجل له قدرة عظيمة على قراءة وتحليل ونقد االصحافة الرياضة السودانية تؤهله لان يقل كلمته في اي صحفي رياضي , خليك من رمضان ..
الرفاعي حجر ارفع يدك عن صديقي ازهري موسى وهاردلك ياصاحب .
|
Post: #3
Title: Re: ياازهري م موسى ارفع يدك عن رمضان احمد السيد ...!!!
Author: الرفاعي عبدالعاطي حجر
Date: 08-31-2009, 01:21 PM
Parent: #2
Quote: الرفاعي حجر ارفع يدك عن الاستاذازهري موسى فهو مريخابي بالفطرة وعاشق للمريخ وله مبادراته تجاه النادي العظيم وهو كذلك شخصية مؤثرة في الوسط الجداوي ورغم ان الاستاذ ازهري لم يتم استضافته في اي نوع من البرامج التلفزيونية الى ان الرجل له قدرة عظيمة على قراءة وتحليل ونقد االصحافة الرياضة السودانية تؤهله لان يقل كلمته في اي صحفي رياضي , خليك من رمضان ..
الرفاعي حجر ارفع يدك عن صديقي ازهري موسى وهاردلك ياصاحب |
... والله لو عارف البوست دا بجيبك كان فتحتو زماااااااااان ... مرحب يا صهاينة تعالوا جاي .إنت عاااارف ازهري دا بيحلل المريخ بس ودي مشكلة ابوالزهور ماسايف حاجة تانية المريخ وبس يعني اتجاه واحد برغم ان الشاعر قال والضدُ يُظهر حُسنه الضدُ... هو شايف حاجة عشان يحللها ؟؟؟!!! هاهاهاهاها .
..........................................................................................حجر.
|
Post: #4
Title: Re: ياازهري م موسى ارفع يدك عن رمضان احمد السيد ...!!!
Author: Azhari Mohamed
Date: 08-31-2009, 02:34 PM
Parent: #3
| Quote: رمضان احمد السيد زول وااااضح حسب انطباعي التلفزيوني . |
أولا
شكرا يا زول يا جميل يا الشفيع ود رمزي ( ما قدر دا كله )
ثانيا
العزيز الرفاعي ...أولا ليست صحيفة قون هي الاكثر توزيعا وحتي حسب الاحصاءات ..(كل واحد بيقول انا الاعلي توزيعا)
رمضان احمد السيد له عمود اسمه ( عمود كل يوم ) ولكثرة الأخطاء سمي أخطاء كل يوم وليس أنا من اطلق عليه هذا الاسم (لكن عاجبني)
وبدلا من أن يسميه (عمود كل يوم )كان مفروض وحسب ما يورده في هذا العمود اليومي يسميه (مريخ كل يوم ) لأنه يتناول فيه المريخ أكثر من الهلال نفسه
الرفاعي قال حسب انطباعي التلفزيوني ...
لا تعليق لدي سوي انه انطباع تلفزيوني ................وكفي
|
Post: #5
Title: Re: ياازهري م موسى ارفع يدك عن رمضان احمد السيد ...!!!
Author: الرفاعي عبدالعاطي حجر
Date: 08-31-2009, 02:50 PM
Parent: #4
العزيز ازهري
صحيفة قووون الأكثر إنتشاراً , احصاءات وحاجات دقيقة دي ما بنعرفها , ولم نطّلع اونُطلع عليها ... لكن في محلات الجرائد
لن تجدها وغالباً ما تخلص مجرد توزيعها وسمعت الاستاذ رمضان يقول انهم يطبعون مابين 60- 70 الف نسخة ودا رقم اعتقد
كبير ... ياابوالزهور نحن نعشق كلما هو أزرق لكن ليس لحد العصبية ونقبل بالحقائق متى وردت فهل هناك صحيفة أكثر انتشاراً
وتوزيعاً من قوووون (صحيفة رياضية) ... التحية لك يامريخابي ياصاحب ونعم هو إنطباعي فلا اعرف رمضان احمد السيد معرفة قريبة
لكنني اعرفه فقط كاسم رياضي هلالي لامع .
.............................................................................حجر.
|
Post: #6
Title: Re: ياازهري م موسى ارفع يدك عن رمضان احمد السيد ...!!!
Author: يوسف محمد يوسف
Date: 08-31-2009, 04:20 PM
Parent: #5
الرفاعى ..
كيف حالك ..
ياخوى انت بقيت بتاع كورة .. ولا شنو ؟
رمضان كريم
|
|