Post: #1
Title: يا ود البشير الموبايلات والسكاكين عدمت السودانيين نفاخ النار وامن وشرطة وجيش ومطافئ حارسنك براك
Author: jini
Date: 08-31-2009, 12:07 PM
الواحد عشان يسرق ليهو موبايل يفتح ليهو بطن واحد بى سكين!
يا امنعوا السكاكين يا الموبايلات!
بالعدم ارفعوا اسعار السكاكين وحفضوا اسعار الموبايلات!
برضة ممكن يضربونا بالموبايلات ويسرقوا مننا السكاكين لكن برضو حمى خفيفة!
الحرامية بقوا ما بسرقوا الملابس حتى لوبدلة موهير اواسموكنج ما شغالين بيها الشغلة يعنى دايرين ما خف وزنه وغلا ثمنه!
الواحد يسرق الموبايل ويستعمل الشريحة حقة صاحب الموبايل وبعد دا ما يتقبض بتتبع الارقام التى اتصل بها !!وبعد د!ويبيعو على عينك يا تاجر فى سوق الله اكبر لافاتورة شراء لا كرت ضمان بالرقم المتسلسل للجوال والذى يثبت ملكية الجوال والقوات النظامية بما فيها الجمارك وحرس الصيد حارسنك من اوكامبو حتى قوش الكان حارسك لمن شكيت فيهو ركبتو التونسية ونحن لينا الله وعيشة السوق!
الرقم المتسلسل دا عملوهوا لاعتبارات امنية للتعقب ويمكن لصاحب الجوال بابلاغ شركات الاتصالات فى السودان لايقاف الجوال من العمل وبعد داك الحرامى الا يبيعو اسبيرات!
ودا بقلل السرقة! ما تقول لى ما عارف الخدمة دى زى الطيارات الجات من بربر وضربت مصنع الشفا! انا متاكد ان المهندس عبدالرحيم وزير الدفاع ما عارف الخدمة دى!
البلد كلها لابسة حجاب فى ضراعها اليمين وسكين فى ضراعها اليسار وانت ما هماك عشان بتاع السكين ناسك بلحقوهو امات طه قبل ما يرفع كم جلابيتو!!
البلد الوحديد الذى تصنع فيه السكين ذات الحدين هو السودان سوست اللوارى والعربات كلها عملوها سكاكين وفارشنها زى الامشاط فى الشارع!
السكين ذات الحدين سلاح ابيض وممنوع صنعها أ دخولها من المنافذ الجمركية او بيعها فى الاسواق اواقتنائها لانها قاتلة ويصعب مقاومة صاحبها واقتلاعها منه!يا ود البشير اتق الله فى اهل السودان انت جيت تنقذهم ولا تبيدهم!
لو دامت لغيرك لما آلت اليك والحكم آخره ندامة!
والعاقل من تدبر واتعظ
جنى
|
Post: #2
Title: Re: يا ود البشير الموبايلات والسكاكين عدمت السودانيين نفاخ النار وامن وشرطة وجيش ومطافئ حارسنك
Author: dardiri satti
Date: 08-31-2009, 12:34 PM
Parent: #1
Quote: والحكم آخره ندامة!
|
وآخر البليلة.... حصحــــــاص!!!
والعاقل من تدبر واتعظ.
تحياتي
|
Post: #3
Title: Re: يا ود البشير الموبايلات والسكاكين عدمت السودانيين نفاخ النار وامن وشرطة وجيش ومطافئ حارسنك
Author: jini
Date: 08-31-2009, 12:57 PM
Parent: #2
يا درديرى أخوى
البلد كلو واحد دارع ليهو سكين فى ضراعو تقول عنده ضبيحة!
والعسكرى كان سأله يقول ليهو ما بلقى لى واحدة زيها!
جنى
|
|