فضيحة ..افطار الصحفيين برعاية (زين) غدا الاثنين بدار الصحفيين!!

الاعلان ضد الحرية هل قرا احدكم اى مادة صحفية ضد شركات الاتصالات او اى جهة معلنة ؟؟؟

عمار بعد اذنك طبعا نضع الاخلاقي APME* Statement of Ethical Principles وزكز علي الفقر التانية

Quote: INDEPENDENCE The newspaper and its staff should be free of obligations to news sources and newsmakers. Even the appearance of obligation or conflict of interest should be avoided. Newspapers should accept nothing of value from news sources or others outside the profession. Gifts and free or reduced-rate travel, entertainment, products and lodging should not be accepted. Expenses in connection with news reporting should be paid by the newspaper. Special favors and special treatment for members of the press should be avoided. Journalists are encouraged to be involved in their communities, to the extent that such activities do not create conflicts of interest. Involvement in politics, demonstrations and social causes that would cause a conflict of interest, or the appearance of such conflict, should be avoided. Work by staff members for the people or institutions they cover also should be avoided. Financial investments by staff members or other outside business interests that could create the impression of a conflict of interest should be avoided. Stories should not be written or edited primarily for the purpose of winning awards and prizes. Self-serving journalism contests and awards that reflect unfavorably on the newspaper or the profession should be avoided.

المصدر http://asne.org/index.cfm?ID=388

ــــــــــــــــــــــــــــــــــــــــــــــــــــــــــــــ
Associated Press Managing Editors:APME*

Quote: الاعلان ضد الحرية هل قرا احدكم اى مادة صحفية ضد شركات الاتصالات او اى جهة معلنة ؟؟؟

ياراجل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!







رمضان كريم

الاعلانات ومصالح الناشرين هى الطابع الذى يطبع الصحافة السودانية حتى انه كادت الا تكون هنالك صحافة سودانية فى هذ1 العهد مجموع ما يوزع الان من الصحف لا يساوى توزيع صحيفة واحدة فى السابق!!!!!!!!!!!!!

شوهد صاحب البوست عمار محمد آدم قبل قليل في دار اتحاد الصحفيين
يستمتع بالافطار الذي قامت برعايته شركة زين للاتصالات
وقد رصدته (العيون) في حديث (باسم) مع الفريق الفاتح عروة العضو المنتدب لشركة زين !!!
ربما استفسره حول (الفضيحة) التي ذكرها عمار في هذا البوست


الشاهد ان عمار (لم يقاطع) الافطار
كما أن وجوده في الاتحاد يؤكد انه (لم يعتزل) الصحافة !!!!

Quote: شوهد صاحب البوست عمار محمد آدم قبل قليل في دار اتحاد الصحفيين يستمتع بالافطار الذي قامت برعايته شركة زين للاتصالات

غريبة .!!!!!

Quote: شوهد صاحب البوست عمار محمد آدم قبل قليل في دار اتحاد الصحفيين يستمتع بالافطار الذي قامت برعايته شركة زين للاتصالات

حتى ولو شوهد عمّار حاملاً لإعلان لشركة زين يظل كلامه في هذا البوست ونقطته التي يطرحها صحيحة مليون في المية...

Quote: وقد رصدته (العيون)

العيون دي...مالها عميانة من شكاوي المستخدمين المتكررة من رداءة الخدمات التي يدفعون نظيرها؟؟؟؟

Quote: الشاهد ان عمار (لم يقاطع) الافطار

لو قاطع عمّار الإفطار...لما سمعنا عنه هنا...عبرك يا صحفي!!!، أو لسمعنا مدحاً يليق بمقام الراعي حينها!

Quote: كما أن وجوده في الاتحاد يؤكد انه (لم يعتزل) الصحافة !!!!

يعتزل أم لا يعتزل ليس المهم...
المهم المصداقية والإستقلالية التي تدعم ذلك...

الصحافة لديها هدف ودور محدد بطبيعتها...ولا يجب أن ترتهن لجهة ما....

مع إستثناء(كم) بالطبع!

سلام عبود ..

Quote: الشاهد ان عمار (لم يقاطع) الافطار كما أن وجوده في الاتحاد يؤكد انه (لم يعتزل) الصحافة !!!!

أها ....

وموضوع سفرة القرير البقى عليها شنو ؟!!

Quote: غريبة .!!!!!

مزمل؟؟؟
قال ليك الزول قال كلامه ده ومشي وكان بتكلم الفاتح عروة ذاتو
اها قال ليكم في افطار بورداب الخرطوم انتو بتلموا الشير زي بتاع بنات الجامعة
يعني في افطار البورداب حيجي يقعد خالف رجل مع المسلمي ويرسل الناس يجيبوا ليه موية
والبفتح خشمه بتططق




الحمدلله الطلعنا فجتيريال ساي

Quote: الحمدلله الطلعنا فجتيريال ساي

صِحافِيون بلا عيوب وحُكومات بلا قُلوب .. بقلم : فتحي الضَّـو

طيب اسمعوا الحصل مشيت الفطور لكى اسمع صوتى الذى ارتفع عاليا مقاطعا لتيتاوى الاعلان ضد الحرية لن تحكمنا شركة زين .

الفاتح عروة بعد ان انتهى من كلمته اقترب من مقعدى محييا ووقفت لتحيته يبدو ان هذا كان مقلبا حين ظل يقبض احدى يدى بالتحية ويضع الاخرى على كتفى وهو مستغرق فى الضحك كعادته ليوهم الاخرين ان بينى وبينه حديث خاص لم يكن يتحدث فى اى موضوع .

Quote: فى هذ1 العهد مجموع ما يوزع الان من الصحف لا يساوى توزيع صحيفة واحدة فى السابق!!!!!!!!!!!!![/

B]
الاخ عمار
لوقت قريب كنت اعتقد بأنك تكتب بكامل وعيك

كلاكيت آخر مرة(الزمان: رمضان قبل الماضي):

الاول (بكل عقيرته يصرخ وسط الضيوف): لاحرية مع الاعلان
التفت الجمهور الحاضر بكلياته الى مصدر الصوت (الاول).

الثاني (متحفزا لاسكات الاول ) : اصمت .. اجلس.. لماذا اتيت مادامت هذه نظرتك.

شرح: الاول : عمار
الثاني : عبود عبد الرحيم

زين للإتصالات تواصل سخافاتها وعدم إحترامها لعملائها ..!!

عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر.

هذا الباهت الهزيل لا لون له ولا رائحة ولا طعم وهو جبان سيكون لى شان معه .

كلاكيت آخر مرة(الزمان: رمضان قبل الماضي):

الاول (بكل عقيرته يصرخ وسط الضيوف): لاحرية مع الاعلان
التفت الجمهور الحاضر بكلياته الى مصدر الصوت (الاول).

الثاني (متحفزا لاسكات الاول ) : اصمت .. اجلس.. لماذا اتيت مادامت هذه نظرتك.

شرح: الاول : عمار
الثاني : عبود عبد الرحيم
____________________________________________________________________________

عمار ..كل سنة وانت طيب

والله حالتكم تحنن
رمضان وعبدالرحمن البومة وراشد عبد الرحيم؟؟؟؟
التلاته عليكم
والله حاله اخير منها الموت
اعزذ بالله،،،،،

انت يا ود الموج الزومة سويتها البومة مالك عليها سوتلك شنو اى عبد الرحمن يطير بس الزومى ما بنرضى فيها.

بعدين منو قاليكم انا جاييى فطوركم انا نا قص .

عمار انا عازمك فطور البورداب
تعال نمش سوا
فيها شنو ؟ نفرق شوية و نقابل الناس البنقابلهم اسفيريا على الطبيعة ...
خليك من ناس التحاريش ديل

كدى ياخوان خلونا فى المهم الفاتح عروة حضر الفطور ده اليوم , لانو فى ناس مغروضين فيهو مشو السكرتارية قالو ليهم الزول ده فى امريكا ليهو اسبوعين ادونا الاكيده عشان باكر دغش يمشو عليهو

Quote: انت يا ود الموج الزومة سويتها البومة مالك عليها سوتلك شنو اى عبد الرحمن يطير بس الزومى ما بنرضى فيها.

عمار...سلام
ياخى الزومه برية عليك الله عشان بنات عوض خوجلى
ديل الزول ما بكرمها؟؟
خلى انا نص معارفى من الزومة...
لكن البومة دى صفه لما سبقها من اسم،،،،

يا جماعة ما تظلمو الزول ساي ، انا شاكي انو الزول المشا الفطور ده هو الهاكر وليس صاحب البوست

أكلوا توركم،
وأدوا زولكم...

Quote: عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر.

عبود
عمار ده ما تقعد تهابش فيه
لحدي ما حايحكها معاك كده

امام الجميع وبالصوت العالى هاجمت بيع موبيتل الى الكويت وسالتهم هل توجد كلمة واحدة فى انتقاد اى جهة معلنة اذن فان الاعلان رشوة مغلفة

يا جماعة ما تظلمو الزول ساي ، انا شاكي انو الزول المشا الفطور ده هو الهاكر وليس صاحب البوست
_______________________________________________________________________________

دى حلوة اهنيك

الاخ عمار ..
انت راجع ممتع .. منذ مغادرتي الصفوف الابتدائية كنت بفتكري انه رربنا حرمني من فقرة الارقوز ..
الله يخليك لي حبيبي .. !!

Quote: منذ مغادرتي الصفوف الابتدائية كنت بفتكري انه رربنا حرمني من فقرة الارقوز

لالا يا حميده بالغت


صلاح غريبه والله ما قصر معاكم الفترة الفاتت كلها

Quote: يا جماعة ما تظلمو الزول ساي ، انا شاكي انو الزول المشا الفطور ده هو الهاكر وليس صاحب البوست _______________________________________________________________________________ دى حلوة اهنيك

عمار كيف الحال ورمضان كريم ..

يا ريت ما تكون زعلت ، احيانا بحب امزح شوية بس ما عارف الناس بتقبل ولا لأ ..

عموماً لو في أي حاجة بقول ليك لك العتبى .





تقبل تحياتي

سلام للاخ عمار
وسلام للجميع هنا
ورمضان كريم

عانينا في مكاتب الصحيفة من عطل في الانترنت منذ الصباح
وبذلك فانني لم أتمكن من دخول المنبر الا (الآن)
وفوجئت حقيقة بما أورده الاخ عمار في هذا البوست
حيث أن مشاركتي التي كتبتها هنا بالامس وبعد العودة من الافطار
لم تتجاوز المداعبة والمزاح في تقديري

Quote: شوهد صاحب البوست عمار محمد آدم قبل قليل في دار اتحاد الصحفيين يستمتع بالافطار الذي قامت برعايته شركة زين للاتصالات وقد رصدته (العيون) في حديث (باسم) مع الفريق الفاتح عروة العضو المنتدب لشركة زين !!! ربما استفسره حول (الفضيحة) التي ذكرها عمار في هذا البوست الشاهد ان عمار (لم يقاطع) الافطار كما أن وجوده في الاتحاد يؤكد انه (لم يعتزل) الصحافة !!!!

غير أن الاخ عمار أخذها بجديتها
فكانت ردوده (مفاجاة) لي شخصيا
حيث كتب :

Quote: عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر.

Quote: هذا الباهت الهزيل لا لون له ولا رائحة ولا طعم وهو جبان سيكون لى شان معه

علي العموم يا أخ عمار محمد آدم
لن أجاريك فيما ذهبت اليه بالرد عليك
وأترك لك المجال واسعا لتكتب ما تشاء
فقط أقول:

اني صائم
اني صائم
اني صائم
وحسبي الله ونعم الوكيل

اللهم انى صائم !!صائم على شنو وانت بى نفسيتك المريضة تحاول ان تشوه سمعة الناس وتطعن فى مصداقيتهم..هى دى جريدة شنو البتشغل زيك انت علاقتك شنو بالصحافة كل من هب ودب عامل فيها صحفى اصضبحت مخنة من لا مهنة له انت عاوز تعمل ليك وضعية على حسابى ..

Quote: اصضبحت مخنة من لا مهنة له

دا كلام يامرسى .؟؟

Quote: اللهم انى صائم !!صائم على شنو وانت بى نفسيتك المريضة تحاول ان تشوه سمعة الناس وتطعن فى مصداقيتهم..هى دى جريدة شنو البتشغل زيك انت علاقتك شنو بالصحافة كل من هب ودب عامل فيها صحفى اصضبحت مخنة من لا مهنة له انت عاوز تعمل ليك وضعية على حسابى ..

.

الاخ العزيز عمار

السلام عليكم..
يا أخي والله بالغت في إساءتك للاخ الزميل عبود الخليفة..وما ذكره لا يستحق منك كل هذه الإساءة..نعم أنا اختلف معه سياسياً لكنني احترمه فيه حق الزمالة وفوق على ذلك عبود صحفي مهني وذو كفاءة صحفية اعرفها جيداً وله خبرة طويلة في العمل الصحفي من محرر صغير أو أن وصل رئيس قسم شئون الولايات.
إذا لديكم معه اي خلاف فهذا لا يعني ان تسئ له..أرجو أن تضع الحروف في اماكنها الصحيحة..
ودمت أخاً كريماً..

Quote: يا أخي والله بالغت في إساءتك للاخ الزميل عبود الخليفة..وما ذكره لا يستحق منك كل هذه الإساءة..نعم أنا اختلف معه سياسياً لكنني احترمه فيه حق الزمالة وفوق على ذلك عبود صحفي مهني وذو كفاءة صحفية اعرفها جيداً وله خبرة طويلة في العمل الصحفي من محرر صغير أو أن وصل رئيس قسم شئون الولايات. إذا لديكم معه اي خلاف فهذا لا يعني ان تسئ له..أرجو أن تضع الحروف في اماكنها الصحيحة..

انت كدة..

عمار ...

رمضان كريم ...

Quote: عبود ليس امينا واعرفه منذ ان كان موظف فى شركة اقرا

بتصدِقو يا ناس شرِكة إقرأ دي أكانت بتَوزِع المِجلات + البيض (الجنى جِداد) والله والله
وكان في قانون في بِداية الإنقاذ فحواهو أي مزرعة بِتنتِج بيض أو دِجاج لازِم تورِدا
لِشرِكة إقرأ وهي تقوم بِتوزيعها على العاصِمة المُثلثة ... وكان عِندي مُناسبة مشيت
أخدت تصريح مِن شرِكة إقرأ علشان يِدوني بيض ... مِح ... جنى جِداد ... وأكان مُديرا
سِر (قريب) عُمر البشير والموظفين مِن أهلو حتو ... معقوووول يا عبود ...

Quote: معقوووول يا عبود

البورد ده يوم بكتل ليهو زول بمساككتكم دي!

عزام يا تقليدي انت دقة قديمة دي سياسة بناء العقول والجسوم اصلو الناس دي لما جو لقو في ناس بياكلو ورق بس فحبو يزودوكم بما يحتاج له جسمكم المهكع دا هسي تجي انت تبشع بيهم كدا

محمد إبراهيم علي

Quote: عزام يا تقليدي انت دقة قديمة دي سياسة بناء العقول والجسوم اصلو الناس دي لما جو لقو في ناس بياكلو ورق بس فحبو يزودوكم بما يحتاج له جسمكم المهكع دا هسي تجي انت تبشع بيهم كدا

والله يا مؤمِن يا مُصدِق أنا زمن الإنقاذ ده كلو حاجتين بس مُمحنَني
(1) كيجاب لامِن إترشح قُصاد عُمر البشير ... بتذكر أكان ناس التلِفزيون بِتيحو لِلمُرشحين زي نُص ساعة
كِده يِناضمو مع البشر فوق برنامجُم ... أها كيجاب جا وقنب يتحدث في الحاله الدايِر يِصلِحا ... أكان
نسمع الزول قال [ والحله دي بصلِحا ليكُم تمام ] بس الناس تسمعا واااااي أيوه ولد دا وررررررك
صلِح الحِلل ... ناس الليل هاجو تقول رِكب فيهم جان ... وحبيبي كيجاب أكان قصدو [ القُفه ] البِقت
مُصطلح بِعنو بيهو إقتِصاد اليوم هيل البِيوت زولنا نِسا بدل يِقول [ القُفه ] قال [ الحله ] مِن ديك
وحاتك السودان بِقا راجِع لِورا

(2) كَونو شرِكة مِتِل [ إقرأ ] إندرعت سلبطه في المِجلات وقنبت توزِعا ، تقوم تندرِع كمان في تَوزيع
البيض على بقالات العاصِمة المُثلثة (مُدير إقرأ والمُوظفين جت مِن بطُن بيت واحِد ، كُلهُم أولاد عم عُمر البشير)

دقيقة في شيتًا تالِت أكان مِمحِني تُرعتي كِنانة والرهد الشاليها عُمر البشير وحكومتو كم واسوق وكوريك
وملود واقِف وملود قاعِد وجابوهُم فوق التلِفزيون وهُم بِبحِتو في اللرِض دايرين يِحفرو ليهُم تُرعه كمين
كيلو ... بعد هيصا وظمبليطا تشكيل اللِجان واللِجان الإنبثقت ، إنتهى موضوع تُرعتي كِنانة والرهد على
مافيش ... ولِهسِع لا حِس ولا خبر ...

مُمكِن أضيف مِحنه تانِية ... معليش ... طَولت عليك ... المِحنه الرابعة مشروع سُندُس الزِراعي ...
المُهندِس الصافي جعفر لقط قِريشات المُغترِبين مِن عام 1990م وعامن أول يا دوب دشن المشروع وقنب
يِقلع مِن الناس المُتأخرين في سداد القِسط والقِسطين اللرِض ... (19) سنة الناس بِتساكِك فوقو مره
يِدرعا في الطُلمبات مره في الصينِيين مره في طبيعة اللرِض ومره في إنو السودان مُستهدف مِن قوى
الإستِكبار وبين المرات دي كُلها كُل جمعة يِنُط لينا في التلِفزيون قُبال الصلاة ويِقرا لينا شِعرو
"أنفاس العشية"
ألا ما أجمل الدنيا إذا ما سرت في صحبي
تداولنا حديث الله حلواً سائغ الشـــرب
وأشتات من التفكير في تاريخنا الكـــرب
فتشجيني التباريح وحب في ثرى القـلب

أديك مِحنه تانِية ... كفاك ... قتْ كدي ... سمِح

يا خوانا: الا توجد صور؟؟

اضحك الله سنك
ونحن في الجامعة في اوائل ايام حكومة المحن دي قاموا يا مؤمن غيرو كل مديري الجماعت الكانت موجودة الوكت داك جامعة الخرطوم مدثر التنقاري خريج بيطرة معهد الكليات التكنولوجية احمد الأمين عبدالرحمن برضو خريج بيطرة جامعة الجزيرة التجاني باقي اسمو نسيتو برضو خريج بيطرة استاذنا عليه الرحمة صلاح بشير يمتاز بالطرافة كان تعليقو علي المصادفة دي انو (الحكومة انتهت من اسلمة النظام المصرفي قبلت علي حيونة التعليم العالي )
وقد كان فهم من بدأ مشروع تعريب التعليم الجامعي

من تقاليد الصحافة المحترمة في أي مكان

الإستقلالية

والبعد عن موائد الحكام

وشبهة هداياهم


أنظروا في تاريخ آباء الصحافة السودانية

حتى جيل محجوب محمد صالح

وعودوا لأمثال بشير محمد سعيد ومن قبلهم

هل رأيتوهم يتهافتون على موائد الحكام؟

يسجل التاريخ أن الحكام كانوا يلهثون لنيل رضائهم

ولا يثنيهم ذلك لحظة عن توجيه ما يرونه من نقد

لأعلى السلطات في البلد


إيها الصحفيون

أحترموا أنفسكم



الباقر موسى

تجربه عادل الباز والصحافه سابقا والاحداث حاليا مع شركات الاتصلات تعزز ما يرمى اليه عمار عن طريق هذا البوست

عمار خلنا من قصة زين كدي احكي لينا قصة الاسلاميين الاتلاقو وسألو بعض يا ربي وصلنا وين من سوفات الاستاذ محمود السبعة عارفك كان ما كنت حاضر النقاش المقصود دة بتقدر تبحت بحيت شديد وتجيبلينا شمارو وفى دي سرك باتع يلا دور مسجات ومس كولات وورنا الحاصل

Quote: اللهم انى صائم !!صائم على شنو وانت بى نفسيتك المريضة تحاول ان تشوه سمعة الناس وتطعن فى مصداقيتهم..هى دى جريدة شنو البتشغل زيك انت علاقتك شنو بالصحافة كل من هب ودب عامل فيها صحفى اصضبحت مخنة من لا مهنة له انت عاوز تعمل ليك وضعية على حسابى ..

قال رسول الله صلي الله عليه وسلم ( إذا أصبح أحدكم يوما صائما فلا يرفث ولا يجهل ، فإن امرؤ شاتمه أو قاتله فليقل : إني صائم . . إني صائم ) .


اني صائم
اني صائم
اني صائم

الاخ عزام
رمضان كريم

Quote: : عبود ليس امينا واعرفه منذ ان كان موظف فى شركة اقرا بتصدِقو يا ناس شرِكة إقرأ دي أكانت بتَوزِع المِجلات + البيض (الجنى جِداد) والله والله وكان في قانون في بِداية الإنقاذ فحواهو أي مزرعة بِتنتِج بيض أو دِجاج لازِم تورِدا لِشرِكة إقرأ وهي تقوم بِتوزيعها على العاصِمة المُثلثة ... وكان عِندي مُناسبة مشيت أخدت تصريح مِن شرِكة إقرأ علشان يِدوني بيض ... مِح ... جنى جِداد ... وأكان مُديرا سِر (قريب) عُمر البشير والموظفين مِن أهلو حتو ... معقوووول يا عبود ...

الاخ عزام
اما أنك تعرف معلومات حول الفرق بين (شركة اقرأ) لتوزيع الصحف (وشركة الخيرات) للدواجن
وبذلك فانت لم تنشر الحقيقة كاملة
او انك تجهل وجود شركة الخيرات للدواجن
وبالتالي فانك تكتب ما لاتعرف
وفي الحالتين فانني التمس لك العذر

والحقيقة أن شركة (اقرأ) للتوزيع عملت فيها منذ بدايات تاسيسها
بعد انتفاضة ابريل واستمريت فيها عدة سنوات حتي تكرم علي الاستاذ الجليل أحمد البلال الطيب
بان أخذني معه الي العمل في صحيفة (الدار) وكان قبل ذلك قد اتفق مع الاخوة في دار اقرأ ان اكون ممثلا له في استلام محاسبة مجلة عمار التي كان يتم توزيعها عبر شركتنا
وعندما طلب مني الانتقال للعمل معه كانت فكرته أن أعمل معه في ادارة التوزيع التي كان يسعي لتأسيسها قبل اصدار صحيفة (الدار) الرياضية في ذلك الوقت
ولكنني اعتذرت له وقلت له ان رغبتي في العمل الصحفي
فاستجاب لي مشكورا وعملت معه ومع اخي الاستاذ مبارك البلال الذي كان الاقرب الي العمل الرياضي
ولم استعجل الكتابة الصحفية فبدأت بالرد علي الهواتف واستلام الاخبار من الصحفيين عبر الهاتف
وقد أسعدني الحظ بان اكون قريبا من كبار الصحفيين الرياضيين منذ ذلك الوقت (ولا أدعي انني عملت معهم ولكني استفدت كثيرا من أن أكون جوارهم) ومن بينهم الاستاذ ميرغني ابوشنب / ابراهيم عوض / عوض احمد عمر/ مزمل ابوالقاسم/ خالد عز الدين/ مأمون ابوشيبة / الراحل صلاح سعيد / بجانب رؤوساء التحرير الذين تعاقبوا عليها وقد عاصرت منهم استاذنا الراحل مصطفي سند والاستاذ عبد المطلب الفحل
وأذكر ان اول مرة أكتب خبرا في الصحيفة باسمي كان عند احتفال نادي الهلال باستقبال اللاعبين الجدد
واخذت تصريحات من طارق احمد ادم ومنصور بشير تنقا ... فاحتفي استاذي احمد البلال بالتغطية الصحفية واجري بعض التتعديلات علي الخبر ثم شرفني بكتابة اسمي عليه .
وفي مرحلة لاحقة اصطحبني استاذي احمد البلال معه الي صحيفة اخبار اليوم عند تاسيسها في 1994 وسالني ان كنت قرأت الجامعة فقلت له انني توقفت عند المرحلة الثانوية في الابيض فقال لي اسعي لمزيد من التاهيل الاكاديمي .... فسمعت بافتتاح قسم الدراسات الاضافية لكلية الاعلام والعلاقات العامة بجامعة السودان فابلغته بذلك وتكرم مشكورا بدفع تكاليف الدراسة التي استمرت لعامين حصلت بعدها علي الدبلوم وقد تلقيت محاضراتي في الكلية علي يدي عدد من الاساتذة من بينهم (مادة العلاقات العامة)الاستاذ النور جادين قبل تسجيله لحزب الامة والاستاذ ماهر العبيد (للتحرير الصحفي) والاستاذ سيف الدين العوض وهو الآن بوردابي هنا في هذا المنبر ... وآخرين من الاساتذة الكرام لهم مني جميعا التقدير والاحترام .
اذا ليس في سيرتي ما أخجل من ذكره ولا يسيئني ابدا القول انني عملت في التوزيع بشركة اقرا ومع مدير له خبراته وامكانياته مثل الاستاذ ابوالقاسم حسن صديق .
ولعلمك فان شركة الخيرات التي حصلت علي امتياز وكالة توزيع الدواجن هي (ولدت من ارباح شركة اقرا) وهي ايضا حصلت علي توكيل الشركة السعودية للتوزيع والتي كانت توزع صحيفة الشرق الاوسط ومطبوعاتها من المجلات .
وأزيدك من البيت شعر ... فانني ومنذ اكتمال دراستي للثانوي العالي عملت في مكتبة البلاغ بمدينة الابيض وهناك تعلق قلبي بالعمل في مجال الصحف توزيعا وانتظرت عشرة سنوات قبل الانتقال الي العمل في الصحف تحريرا بعد التاهيل الاكاديمي وبدعم وسند ورعاية مباشرة من استاذي الكريم والفاضل الذي ادين له بالكثير استاذي احمد البلال الطيب

عذرا للزملاء علي الطالة ... ولكنها كانت فرصة جيدة لمنح بعض ذوي الفضل علي شخصي الضعيف حقهم .



تعديل خطأ املائي في كلمة عذرا (آخر سطر)

الاخ كمال ادريس
رمضان كريم

Quote: كلاكيت آخر مرة(الزمان: رمضان قبل الماضي): الاول (بكل عقيرته يصرخ وسط الضيوف): لاحرية مع الاعلان التفت الجمهور الحاضر بكلياته الى مصدر الصوت (الاول). الثاني (متحفزا لاسكات الاول ) : اصمت .. اجلس.. لماذا اتيت مادامت هذه نظرتك. شرح: الاول : عمار الثاني : عبود عبد الرحيم

عفوا يا كمال ..
العبارة كانت : (اجلس فانت لست صحفيا)
وعندما اقتربت منه قلت له: انت لا تملك الحق في الحديث باسم الصحفيين

Quote: الضحك كعادته ليوهم الاخرين ان بينى وبينه حديث خاص لم يكن يتحدث فى اى موضوع

المس نرجسية زائفه في هذا الحديث




يا استاذ عمار ...



الفريق الفاتح عروة شخصية عامة لها دور مؤثر وقديم ومعروف مهاما اختلف المختلفون او اتفق المتفقون على ذلك الدور

ولكن يا سيد عمار ما هو وجه المقارنة بين شخصيتك وشخصية الجنرال عروة وما هو وضعك في ميزان المقارنة من حيث النفوذ والتأثير













........

حذيفة
رمضان كريم

Quote: عمار ما هو وجه المقارنة بين شخصيتك وشخصية الجنرال عروة وما هو وضعك في ميزان المقارنة من حيث النفوذ والتأثير

مقارنة شنو ياالحبيب .؟؟..

عمار خلنا من قصة زين كدي احكي لينا قصة الاسلاميين الاتلاقو وسألو بعض يا ربي وصلنا وين من سوفات الاستاذ محمود السبعة عارفك كان ما كنت حاضر النقاش المقصود دة بتقدر تبحت بحيت شديد وتجيبلينا شمارو وفى دي سرك باتع يلا دور مسجات ومس كولات وورنا الحاصل

محمد عبد الله مختار وعبود عبد الرحيم
إنتو وكت بتكتبوا كلام ما تبقوا قدرو

عبود ده شكلو زول مسكين حننى عفيتك لى الله والرسول.

Quote: عبود ده شكلو زول مسكين حننى عفيتك لى الله والرسول.

اني صائم
اني صائم
اني صائم

Quote: عبود ده شكلو زول مسكين حننى عفيتك لى الله والرسول

ما جبت حاجة جديدة
المشلكة ما انو عبود شكلوا زول مسكين
المشكلة
في عصر تمكين اخوانك
المساكين دول هم بقوا
الصحافيين
الوزراء
الولاة
المحافظين
السفراء
المربين
.
.
.
.
دولة المشروع الحضاري
يحكمها المساكين

الأخ / عبود عبدالرحيم

Quote: الاخ عزام اما أنك تعرف معلومات حول الفرق بين (شركة اقرأ) لتوزيع الصحف (وشركة الخيرات) للدواجن وبذلك فانت لم تنشر الحقيقة كاملة او انك تجهل وجود شركة الخيرات للدواجن وبالتالي فانك تكتب ما لاتعرف وفي الحالتين فانني التمس لك العذر

شركة الخيرات دي ماني عارِفة عِلا (شركة إقرأ) الكانت بِتَوزِع المِجلات وأكانت بِتَوزِع البيض
والجِداد ... وقُلت ليك أنا شخصِيًا إتعاملت معاهُم وإستلمت (بيض) مِنهُم وقريت مِجلات كتيييره
أكانت مَردَمه في رُدهات الشرِكة ... وأكان ما عيب كُنت ذكرت أسماء مُوظفين الشرِكة أولاد عم
عُمر البشير والساكنين بحري ناس دُفعة وإتربينا سوا ولِعبنا في فريق واحِد يا زول حتو كُنا
بِنلعب حرِب حرِب ... حرم أُمهُم الله يِطَول عُمُرا بعرِفا مِتِل ما بعرِف أُمهاتي ... أها شِنْ قولك؟

الاخ عزام
سلام وتحية

Quote: شركة الخيرات دي ماني عارِفة عِلا (شركة إقرأ) الكانت بِتَوزِع المِجلات وأكانت بِتَوزِع البيض والجِداد ... وقُلت ليك أنا شخصِيًا إتعاملت معاهُم وإستلمت (بيض) مِنهُم وقريت مِجلات كتيييره أكانت مَردَمه في رُدهات الشرِكة ... وأكان ما عيب كُنت ذكرت أسماء مُوظفين الشرِكة أولاد عم عُمر البشير والساكنين بحري ناس دُفعة وإتربينا سوا ولِعبنا في فريق واحِد يا زول حتو كُنا بِنلعب حرِب حرِب ... حرم أُمهُم الله يِطَول عُمُرا بعرِفا مِتِل ما بعرِف أُمهاتي ... أها شِنْ قولك؟

مرة أخري أؤكد لك ان شركة توزيع الدواجن والبيض هي شركة الخيرات
أما ان كان أحد العاملين فيها قد أكرمك بالبقاء في موقع شركة اقرأ
ليسلمك ما تطلب ، فذلك قد يكون بسبب معرفتك بهم والعلاقة التي أوضحتها
او لتسهيل الامر عليك ... حيث أن موقع شركة الخيرات كان معروفا في الخرطوم جنوب
جوار السوق المركزي
بينما موقع شركة اقرا في الخرطوم2
كما أنه وبمثلما قلت لك سابقا
فان شركة الخيرات (مولود شرعي) لشركة اقرأ
وادارتها العامة مشتركة
لذلك ليس غريبا ان تكون مكاتب أقرا
موقعا لتسليم منتجات الدواجن
للمعارف والجيران فهو حال الترابط الاجتماعي المعروف في السودان

عموما ليس هذا موضوع البوست
وليس لدي الرغبة في المضي اكثر من ذلك

واللهم اني صائم