Post: #1
Title: الهلال يفوز 3/2 ،المريخ مهزوم فارحموا عزيز قوم ذل وبلاش شماتة
Author: محمد عمر الفكي
Date: 08-30-2009, 01:04 PM
حلمت امس بفوز الهلال علي كانو 3/2 والمريخ مهزوم لكن كم ما عارف علماً بانه امس نمت بدون سحور.
اخواني المريخاب
اتوجه اليكم اليوم في هذا اليوم الحزين الذي سيشهد خروج المريخ من المنافسة ويصبح بالفعل كوبري لمرور العربات الخفيفة والمتوسطة والثقيلة في طريقها الى وجهتها النهائية، اخاطبكم فا اقول انفضوا الغبار عن انفسكم وصارحوا انفسكم بان هذه الدلاقين لا تمثل المريخ بل تمثل به وان هولاء العواجيز والمواسير لايمكن ان يحرزوا بطولة ولو اقيمت من اجلهم خصيصاً سيكافامثلاً.
عليه ان الشماتة ستبلغ مداها اليوم وارجو الا ننصرف الي الكلام الفارغ والرد على التفاهات القادمة بل الالتفات الى مستقبل الفريق وماذا يمكن ان نفعل من اجله.
نريد ان نصنع فريقاً خالياً ممن تعدوا سن اليأس وخالياً من كل المواسير الداخلية والخارجية وخالياً من مازدا ومشكلة.
ومن هسي يا اخوان مافي زول يغش نفسه ويخادعها ويعشم، والله الزول يعشم في مدة البخيل ما يعشم في فوز يجيبوه الرواكيب ديل الذين ما عودونا الا علي جلب الهزائم الجالبة لكل امراض العصر الحديث لجمهور النادي ومشجعيه.
هاردلك مقدماًوخيرها في غيرها.
اما الجماعة الزرق فعليكم الله من هسي خلونا ماتبقوا علينا انتوا ورمضان.
خوفي الاكبر انه الهلال دا يشيل الكاس الفطيسة دي والله تبقي مصيبة يفتحوا ليها صيوان عديل
|
Post: #2
Title: Re: الهلال يفوز 3/2 ،المريخ مهزوم فارحموا عزيز قوم ذل وبلاش شماتة
Author: محمد عمر الفكي
Date: 08-30-2009, 07:18 PM
Parent: #1
يا هلالاب
معليش زي ما قلت لكم حلم زول ما اتسحر.
اها بعد كدي رابطوا في استاد (الكوبري) يمكن قلبنا يحن عليكم.
نحن تاهلنا مش محتاج لمعجزة محتاج لما هو اكبر من المعجزة ما عارف بيسموها ماوراء الميتافيزيقا ولا شنو ما عارف لكن انتوا تاهلكم في ايدين وكرعين (العولق) الشفتوهم ديل.
|
Post: #3
Title: Re: الهلال يفوز 3/2 ،المريخ مهزوم فارحموا عزيز قوم ذل وبلاش شماتة
Author: وليد محمد المبارك
Date: 08-30-2009, 07:23 PM
Parent: #2
عليك الله
احلم لينا طواااااااالي
|
Post: #4
Title: Re: الهلال يفوز 3/2 ،المريخ مهزوم فارحموا عزيز قوم ذل وبلاش شماتة
Author: عمران حسن صالح
Date: 08-30-2009, 07:45 PM
Parent: #3
ود الفكي ..
والله بصراحة الصيام والحر والأجواء الأفريقية الغريبة (ناس غالبين ويفلعوا) ... كانت سبباً للفريقين
المريخ مواسيروا كترت ... والتجديد واجب .. لاعب بقامة العجب لا بد من وجوده في المريخ وإلا فالمصائب جاية ..
الهلال أفرحنا طوال شوط المباراة الأول وبعد داكـ العطش عمل عمايلوا ...
كنا في أشد الحاجو لنقطة لا معليش جيرها في غيره ( يعني المقبرة إلا تجو محوطنها ) ... 
لا تجعل روحكـ انهزامية يا مان ..
رمضان كريم ...
|
Post: #5
Title: Re: الهلال يفوز 3/2 ،المريخ مهزوم فارحموا عزيز قوم ذل وبلاش شماتة
Author: محمد عمر الفكي
Date: 08-30-2009, 08:17 PM
Parent: #4
ولي
عليك الله
احلم لينا طواااااااالي
قصدك شنو ما نتسحر يعني؟
ابو محمد
والله روحي ما انهزامية لكن دي واقعية ومن هسي اؤكد لك الاتنين طايرين وبراك بتشوف.
|
|