توقعات الطقس لليوم -الجمعة- ويوم غد بإذن الله ، أمطار نهارية و ..... وتوجد مفاجأة

بعد جولة استطلاعية لعدد من مواقع الWeather Forcast خلصت للآتي:

1- اليوم الجمعة ان شاء الله أمطار من الساعة الثالثة وحتى الخامسة مساء وهي أمطار خفيفة- يسود الهدوء ليلا مع سحب خفيفة حتى الصباح.

2- بكره ان شاء الله الجو صحو ولكن يبدأ تكاثف السحب منذ التاسعة صباحاً وتبدأ الأمطار في الهطول من الساعة 12:00 وحتى الخامسة مساء نفس اليوم وربما تكون غزيرة احياناً ، وبرضو بالليل هدوء ولا توجد امطار .

الولاية الشمالية ربما تتفاجأ بأمطار غزيرة تبدأ من السادسة مساء اليوم وحتى 12:00 ، بقية الولايات أمطار كالعادة ما عدا الولايات الشرقية .

هذا والله اعلم..

المفاجأة هي أن الأمطار في هذا العام جاءت في موسم الخريف! ولا زالت الدهشة تعقد السنتنا من هذه الظاهرة الكونية الغريبة التي يشاهدها الجميع للمرة الأولى في التاريخ!!

الاخ محمد عبد الله مختار


تحية طيبه


هسي البعرف بكره وبعد بكره ده مش الله

لكن العلم الان اصبح يعرف بكره وبعد بكره

وبفضل العلم وبفضل الله اي حاجه بتبقي

بس كيف ينفتح عقل المسلم للعلم


شكرا يا محمد والعلم الان يعلم الاجنه في الارحام اذكر ام انثي ؟؟

الماسوني صبري الشريف ..

السلام على من اتبع الهدى.

ولا تزعل يا زول ، هسي ناسك بتاعين العلم قالوا المطرة حاتنزل في الخرطوم اليوم الساعة 3 بدون ما يقولوا ان شاء الله ، هسي 3 الا 5 دقايق! عشان كده الناس بتكتب (الله أعلم) و (إن شاء الله) ، والعلم البتتكلم عنو ده من رب العالمين (علم الإنسان ما لم يعلم) ، وعشان الإنسان ما يفرح بالعلم العندو ويفتكر انو ليهو التصرف من دون الله عز وجل بقا في نسبة خطأ في كل ما يسمى بالعلم الدنيوي .

التنؤ بما في الغد من احوال جوية هو عبارة عن (محاولة) لمعرفة ما يمكن أن يكون بالإستفادة من معلومات متاحة عبر الأقمار الإصطناعية وغيرها من أجهزة الرصد ، وكثراً ما يظهر خطأ هذه التنبؤات ودونك الآن الساعة 3 ولا توجد سوى بعض السحب التي يمكن رؤيتها من على البعد.

ممكن معرفة ما في بطن الأم بعد تشكل العضو التناسلي للذكر وبعد ده في نسبة خط ، رايك شنو يا صبري تخلي ناس العلم بتاعينك ديل يجيبو احدث الاجهزة العندهم ويجيبو إمرأة حامل ليها 120 يوم وخليهم يعرفوا الجنين ده ذكر ولا انثى ، روى البخاري ومسلم وغيرهما أن ابن مسعود قال: حَدَّثَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ وَهُوَ الصَّادِقُ الْمَصْدُوقُ قَالَ إِنَّ أَحَدَكُمْ يُجْمَعُ خَلْقُهُ فِي بَطْنِ أُمِّهِ أَرْبَعِينَ يَوْمًا ثُمَّ يَكُونُ عَلَقَةً مِثْلَ ذَلِكَ ثُمَّ يَكُونُ مُضْغَةً مِثْلَ ذَلِكَ ثُمَّ يَبْعَثُ اللَّهُ مَلَكًا فَيُؤْمَرُ بِأَرْبَعِ كَلِمَاتٍ وَيُقَالُ لَهُ اكْتُبْ عَمَلَهُ وَرِزْقَهُ وَأَجَلَهُ وَشَقِيٌّ أَوْ سَعِيدٌ ثُمَّ يُنْفَخُ فِيهِ الرُّوحُ....



الله عز جل يأمر الملك بنفخ الروح في الجنين وهو في عمر 120 يوم ويكتب ليهو عملو ورزقو واجلو وشقي ام سعيد ، كدي خليك من الحاجات الكبيرة دي ، خلي العلماء بتاعينك ديل يورونا ذكر ولا انثى في عمر 120 يوم .. في انتظارك.

الرسول صلى الله عليه وسلم قام بنقل احداث غزوة مؤتة (نقل مباشر) دون اجهزة ولا غيرو، اتحدي اي عالم من بتاعين العلم الحديث ديل يورينا الحاصل شنو في اي حته تانية بدون الاستعانة باأجهزة .

البوست يتحدث عن الأحوال الجوية فرجاء لا تحرف البوست عن غرضه الأساسي .

http://weather.naseej.com/Desc.asp?CID=197
.
.
.
.
.
غايتو كل زول يجهز ليهو برميل مفتوح بدل مركب

طلال كيف الحال ورمضان كريم.

المشكلة في اسر كبيرة ما شاء الله فيهم 12 أو 13 زول ! زي ديل براميل السوق ما بتكفيهم.

البركه فيك يا صبرى الشريف . تتقدم الإكتشافات ومع ذلك
( وما أتيتم من العلم إلا قليلا)

صابر الشريف دا انا ما عـارف الحـصل لـيهو شـنوا...
*
*
رضان كريم ليكم كلكم و أمطار خير اذا هطلت بمشيئة الله.
**