Post: #1
Title: بوست للتعارف.... والكل يجمع هنا
Author: Siddig A. Omer
Date: 08-26-2009, 01:20 PM
Parent: #0
صدقونى سوف تجدون انفسكم فى هذأ البيت و سوف تسعدون بمعرفة بعضكم البعض و ربما تجدون اصدقاء دراسة أو عمل أو جيرة او حتى اعداء الطفولة.
اعرفكم بنفسى:
الاسم: صديق عبدالمنعم عمر الحسين الرباطابى العمر: 46 سنة و من مواليد المدينة عرب (ريفى مدنى) 1963 الاقامة الان: دولة قطر العنوان الحالى: شركة راس لفان للغاز الطبيعى المسأل المحدودة العنوان فى السودان: بحرى الصافية....جوار طلمبة آجب (سابقاً) و جنب الشعبية و شمبات. الحالة الاجتماعية: متزوج و لدى خمسة من الاطفال (ثلاثة بنات و ولدين) ماجدة،سارة، مريم و ياسين وامين.
المدارس:
الابتدائية: اولى و تانية ابتدائي (العزبة 2) بحرى تالتة ورابعة وخامسة ونص سادسة فى مدرسة سنار الغربية الابتدائية ثم الموردة الابتدائية و ذلك فى الفترة من 1969 حتى العام 1976
الثانوية العامة: اولى و تانية فى ام درمان الاميرية و تالتة فى الدويم الريفية و ذلك فى الفترة من 1977 حتى 1979.
الثانوى العالى: النيل الابيض الثانوية (اولى و تانية) و تالتة فى المقرن الثانوية1980-1982.
الجامعة: معهد الكليات التكنولوجية، كلية الدراسات التجارية، قسم البنوك و التصدير فى الفترة من 1983 و حتى نوفمبر 1987.
العمل: عملته فى ديوان الضرائب 1988 - 1989، ثم الارتحال و التشرد، ليبيا، مصر، السودان، قطر، السودان، المنظمات الطوعية السودانية، مجموعة حماية الموارد الطبيعية (صادرتها الحكومة)، التشرد الثانى، ثم الهروب الكبير فى يوم 24.02.1997 الى دولة قطر.
العمل الان: أعمل الان كبير محللى نظام الساب للعقود و المواد بشركة راس لفان للغاز الطبيعى المسأل المحدودة. Senior SAP System Analyst - MM/ESM. و اعيش مع اسرتى بمدينة الخور بدولة قطر
الاهل والاصل فى السودان: انا اصلاً من رباطاب سنجة عبدالله واسرتى لها فرعان فى سنجة، عائلة الرباطابى و عائلة أبو حاج و عائلة الحسين رحمة الرباطابى. و بقية أهلى الاصل فى ام درمان حى العرضة.
الهوايات: الكمبيوتر، المطالعة و التعارف و بعضاً من كرة قدم وسباحة.
التلفون (موبايل): مرحب بيكم فى اى وقت تشرفونا فى قطر والبيت بيتكم: +974-5872612
الايميل: [B][email protected]
أتمنى أن يكون هذأ البوست ملتقى تعارف و صداقة للجميع و بالجميع.....الى الامام
صديق - الدوحة
|
Post: #2
Title: Re: بوست للتعارف.... والكل يجمع هنا
Author: Siddig A. Omer
Date: 08-26-2009, 03:50 PM
Parent: #1
يا جماعة اذا خائفين من ذكر اعماركم ما ضرورى تزكروها و خاصة الناس الشايفين نفسهم "صغار".
بس الموضوع دها جادى بالله عليكم.
صديق
|
Post: #3
Title: Re: بوست للتعارف.... والكل يجمع هنا
Author: عزام حسن فرح
Date: 08-26-2009, 08:51 PM
Parent: #2
عزام / بحري الشعبية / محسي / الأهل فوق المُستوطنات العاصمِية (الكلاكلات/الشجرة/العزوزاب/الدروشاب) أها تاني شنو؟ كفاك
|
Post: #4
Title: Re: بوست للتعارف.... والكل يجمع هنا
Author: Mohamed Foto7li
Date: 08-26-2009, 11:34 PM
Parent: #3
سلام
Quote: الاهل والاصل فى السودان: انا اصلاً من رباطاب سنجة عبدالله واسرتى لها فرعان فى سنجة، عائلة الرباطابى و عائلة أبو حاج و عائلة الحسين رحمة الرباطابى. و بقية أهلى الاصل فى ام درمان حى العرضة |
وانا رباطابي من حي البوسته جنوب ود التيمان
|
Post: #6
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 12:22 PM
Parent: #4
Quote: وانا رباطابي من حي البوسته جنوب ود التيمان |
الاخ العزيز محمد،،،
اذاً انت ابن عمى او عمتى من جهة والدى عبد المنعم عمر الحسين رحمة. و عمر الحسين رحمة و هو جدى وابن عم كل من الجنيد عثمان رحمة و النفراوى عثمان رحمة (التيمان) و هم من اعيان الرباطاب و امدرمان و السودان و هم مؤسسى محلات التيمان الشهيرة فى ربوع السودان و الى الان.
و لسع حا اواصل معاك يا محمد و لدى الكثير من آهلنا الرباطاب هنا فى الدوحة و سوف اتيئك باسماءهم و ربما تفتقد احدهم.
صديق - الدوحة
|
Post: #7
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 12:50 PM
Parent: #6
يا محمد فو الدوحة (من الذاكرة):
- احمد صالح عبدالكريم رحمة (ابن عمى) - خليل سيد - كل النفراويات و منهم النفراوى سلمان الحسين (ناس ابونعامة) - اولاد حاجة بت النفراوى... - النفراوى محمد يوسف
شلة جائييك باساءهم جميعاً انشاء الله و رمضان كريم.
صديق - الدوحة
|
Post: #40
Title: Re: بوست للتعارف.... والكل يجمع هنا
Author: محمد عمر جبريل
Date: 08-29-2009, 02:51 PM
Parent: #6
سلام صديق .. فكرة ربطنة البوست دي عجبتني .. محمد عمر جبريل رباطابي من الجزيرة مقرات .. رمضانك كريم ..!
|
Post: #107
Title: Re: بوست للتعارف.... والكل يجمع هنا
Author: Siddig A. Omer
Date: 09-14-2009, 12:21 PM
Parent: #40
الاخ افاضل محمد عمر جبريل لك كل التحايا و الاحترام و ارجو عذرى لردى المتاخر. اتمنى ان نكون اهل واقرباء.....فمن اين انت من رباطاب أمدرمان....هل لك جزور بينهم.
المهم لنا تواصل انشاء الله.
اللقب: محمد عمر جبريل : .
عدد البوستات: 142 تاريخ التسجيل: 27-08-2009 محل الاقامة: شرق النيل : Not shown عنوان مكتبتى بسودانيزاونلاين دوت كم : اكلات مفضلة: كبسولات (أنتي هنقر) الاسم الحقيقى: محمد عمر جبريل التلفون: الجامعة/المعهد: الحالة الاجتماعية: Married العنوان الدائم: الفنان المفضل: اللون السياسى: حمبزازي مايل للغروب النوع: Male الهوايات المفضلة: الوظيفة: تاريخ الميلاد: 8 فبراير 1978 درست المرحلة الابتدائية فى ......و سنة....: KSA درست المرحلة الثانوية فى ......و سنة....: علي السيد علي درست المرحلة المتوسطة فى ......و سنة....: KSA شاعرك المفضل: عدد الاطفال: مازن معلومات اضافية: مكان العمل: مكان الميلاد فى السودان: KSA
|
Post: #5
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 12:15 PM
Parent: #3
عزام حسن فرح... و الله ، بى شنباتك ديل انا قائليك كباشى و لا جموعى....طلعت "محسى"....لا لا كان كدها الجموعية و الشكرية امتنعوا...
مرحب بالصديق عزام و شكراً للمبادرة فى تشجيعى فى المواصلة فى هذأ البوست الهادف للتاصيل للجميع هنا.
صديق القاعد بعيد
|
Post: #8
Title: Re: بوست للتعارف.... والكل يجمع هنا
Author: عبدالله ود البوش
Date: 08-27-2009, 01:08 PM
Parent: #5
صديق يا لذيذ يارايق يا رباطابي يامرطب في رمضان الحار دا الان ظهرت فكرة البوست وهدفه في البداية كان من الصعب على الناس تجي داخلة وتربع ايديها وتقول اخوكن فلان الفلاني والان عند دخول اي زميل وتبادل بعض الكلمات تظهر المعرفة وربما القرابة
عبدالله محمد عبدالله أحمد ( ودالبوش ) العتامنة محلية طابت محافظة الحصاحيصا وبعد كدا انط واحد من الجماعة القاعدين واقول ايوااااااااا بتعرف حيدر ود الكريل ... يازووووووول كيف دا امو بت خال ابوي عديل كدا وهذا لحدي ما نلقى اخونا بكري الراح من زمااااااااااااان
فكرة البوست رائعة يا الصديق بس دايرة صبر وكل مرة اديهو قلة لفوق ولك تقديري واحترامي
|
Post: #9
Title: Re: بوست للتعارف.... والكل يجمع هنا
Author: معتز القريش
Date: 08-27-2009, 01:19 PM
Parent: #8
الخيل والليل والبيداء تعرفني والسيف والرمح والقرطاس والقلم
|
Post: #10
Title: Re: بوست للتعارف.... والكل يجمع هنا
Author: عبدالله ود البوش
Date: 08-27-2009, 01:26 PM
Parent: #9
Quote: الخيل والليل والبيداء تعرفني والسيف والرمح والقرطاس والقلم
|
لام
لاتشتري العبد الا والعصا معه ان العبيد لانجاس مناكيد داد اوعى تقول درير معتز تحيات عطرات ورمضان كريم واصل يا الصديق
|
Post: #18
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 04:05 PM
Parent: #9
Quote: الخيل والليل والبيداء تعرفني والسيف والرمح والقرطاس والقلم |
إنت قائل نفسك "عنتر" داخل ساحات الوغى و الا أبو الطيب المتنبى.
ياخى ياك الزول الظلامى واخوى المجنون المعتز بالله بن خلف الله القريش ود الدويم....الظلامى الذى ينور الحوارين...ويتمتع بوجوده السمار.
بالمناسبة انا و معتز اتربينا مع بعض منذ ان كنا زغبٌ حواصل فى حوارى الدويم و مابين مقهى غانم الشهير بوسط الدويم وبقالة تومالا.
ابناء عمته جمال و غاندى امام ابراهيم و اخوانه السموؤل و الفرزدق والازهرى و النابغة واخرون.... وهم من الاسر الكبيرة فى الدويم و كان لى شرف الدراسة فى صفوف الريفية العامة والنيل الابيض الثانوية.
وشرفى الذى اعتز به بأن الدويم تضم قبر ابى يرحمه الله.
صديق القاعد بعيد
|
Post: #12
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 01:56 PM
Parent: #8
يا مان تشرف " ود العتامنة".... و فى اللغة "عتام" بوزن قتام.... يعنى زول قتامى...
مرحب بعبد الله أخوى ود أمى وأبوى...اها رايك شنو فى الهمزات دى....
وينو..."سيبويه"؟
و الله اكون رمضان منسى ليم "اسموا"....الحمد لله ارتحنا "شوية"
صديق ود سنجة عبد الله
مش قلتليك "شلكاوى/فلاتى/رباطابى/افريقى/سودانى"
|
Post: #11
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 01:39 PM
Parent: #1
يا جماعة اذا خائفين من ذكر اعماركم ما ضرورى تزكروها و خاصة الناس الشايفين نفسهم "صغار".
بس الموضوع دها جادى بالله عليكم.
صديق
|
Post: #13
Title: Re: بوست للتعارف.... والكل يجمع هنا
Author: عبدالله ود البوش
Date: 08-27-2009, 02:12 PM
Parent: #11
قال ليك يا الصديق بعد ان وقفت الحرب في الجنوب الجماعة جوا داخلين من كينيا وتنزانيا وبدون اي اوراق ثبوتية ( كانوا في حالة حرب ) اها بدأ التحري عشان الدخول انت اسمك مين؟ اسمي بعشوم كور شول جنسك شنو؟ انا دينكا دينكا وين ؟ دينكا استوائية اها انت اسمك منو ؟ دينق شول لول جنسك شنو ؟ انا دينكا دينكا وين ؟ دينكا اعالي النيل وفي حبشي واقف في اخر الصف اسمع في الجماعة وداير اقول زيهم اها انت اسمك منو ؟ اسمي تسفاي لول جنسنك شنو انا دينكا وطبعا بلغة الحبش العجيبة ديك دينكا وين يا حبشي والله الاظيم دينكا هساهيسا
|
Post: #14
Title: Re: بوست للتعارف.... والكل يجمع هنا
Author: بابكر التوم
Date: 08-27-2009, 02:13 PM
Parent: #11
صديق القاعد - بعيد
رمضان كريم
اها نحن قاعدين ابعد منك بالدوحة (دخان) 39سنة من قرية مويس ريفى شندى كل مراحل التعليم الابتدائى بمدارس امتداد الدرجة الثالثة بالخرطوم الثانوى بمدرسة على السيد بالصحافة + جمال عبد الناصر (مصرية) بالجنبة كدا لزوم دخول جامعة القاهرة فرع الخرطوم وقد كان كلية التجارة لكن زول امتحانات بس (90- 94) . جامعة امدرمان الاهلية اداب لغة انجليزية (91-) * اعمل بوزارة الداخلية القطرية بدخان منذ 97 * متزوج من رباطابية من اهلك من جزيرة مقراد ولدى 3 صبيان أحمد ، اواب ، جاسم الايميل [email protected] ت 009743154123
|
Post: #19
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 04:29 PM
Parent: #14
تحادثنا وتناغمنا..وفى التلفون ساعة الا ربع وطلعنا اهل هو معرس "رباطابية" وأنا معرس "جعلتية".
و اول كلمة قالة لى نحنا ما اهل....اى والله السودانيين ديل كلهم اهل واقارب واحباب.
طبعاً العلاقة ممتدة... واتمنى ان اجد فيكم الكثير من الاهل والاصدقاء الذين افتقدهم عنا وهناك.
صديق القاعد بعيد
|
Post: #15
Title: Re: بوست للتعارف.... والكل يجمع هنا
Author: محمد البشرى الخضر
Date: 08-27-2009, 02:29 PM
Parent: #11
بسم الله و الحمد لله أخوكم في الله محمد البشرى الأصل من امدرمان بيت المال وود أرو من جهة الوالد و حي السوق و بانت من جهة الوالدة السكن الصحافة ثم اركويت اب لطفلين تاني شنو ؟ الباقي في البروفايل
Quote: للمبادرة فى تشيعى فى المواصلة فى هذأ البوست الهادف للتاصيل للجميع هناز |
سعد زغلول قال " مافيش فايدة يا صفية " ومات
|
Post: #16
Title: Re: بوست للتعارف.... والكل يجمع هنا
Author: Mohamed Foto7li
Date: 08-27-2009, 02:55 PM
Parent: #15
Quote: اذاً انت ابن عمى او عمتى من جهة والدى عبد المنعم عمر الحسين رحمة. و عمر الحسين رحمة و هو جدى وابن عم كل من الجنيد عثمان رحمة و النفراوى عثمان رحمة (التيمان) و هم من اعيان الرباطاب و امدرمان و السودان و هم مؤسسى محلات التيمان الشهيرة فى ربوع السودان و الى الان |
سلام
والله طلعت قريبي سبحان الله صدفه ايوه في الدوحه في رباطاب ومنهم اولاد عمتي
------------------------------------------------------------------ محمد عصام الدين علي عثمان رحمه الرباطابي
|
Post: #17
Title: Re: بوست للتعارف.... والكل يجمع هنا
Author: عبود عبد الرحيم
Date: 08-27-2009, 03:21 PM
Parent: #16
شنو ياعمك عملتو البوست ملتقي رباطاب
نطلع منو نحن ؟؟!!!
رمضان كريم
|
Post: #21
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 04:42 PM
Parent: #17
Quote: شنو ياعمك عملتو البوست ملتقي رباطاب
نطلع منو نحن ؟؟!!!
|
عبود عبدالرحيم....
كلامك دها يوحى بانك "دنقلاوى"....
كدى ادينا السيرة الذاتية هنا و خلينا نطلع اولاد عم...انشاء الله....
ومرحب.....
صديق
|
Post: #23
Title: Re: بوست للتعارف.... والكل يجمع هنا
Author: عبود عبد الرحيم
Date: 08-27-2009, 04:51 PM
Parent: #21
صديق سلام تاني
Quote: عبود عبدالرحيم....
كلامك دها يوحى بانك "دنقلاوى"....
كدى ادينا السيرة الذاتية هنا و خلينا نطلع اولاد عم...انشاء الله....
ومرحب.....
صديق |
كرهتي في الدنيا التصنيف علي اساس القبيلة
بس ان كان لابد من ذلك في هذا البوست فأول حاجة ارجو منك رد الحق لـ (بنت عمي دي )
Quote: وأنا معرس "جعلتية". |
(جعلية) وليس (جعلتية)
وبجيك برواقة لكامل السيرة الذاتية ولحدي الوقت داك ارجو ان تنقل سلامي وتحياتي لاولاد وبنات اختي الجعلية
كل سنة وانت طيب
|
Post: #22
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 04:45 PM
Parent: #16
Quote: محمد عصام الدين علي عثمان رحمه الرباطابي |
يازول نحنا اهل تب وعلى واحمد عثمان رحمة جدودى لزم و نحنا اولاد عم.
خليك هنا لمن اجيب ليك اخبار الجماعة كلهم واحد واحد.
صديق
|
Post: #108
Title: Re: بوست للتعارف.... والكل يجمع هنا
Author: Siddig A. Omer
Date: 09-14-2009, 01:04 PM
Parent: #16
محمد عصام الدين على عثمان الرباطابى
و عمك سراج و جدك على عثمان علم على راسه نار فى جموع امدرمان
و انت ود عمى لزم.
صديق عبدالمنعم عمر الحسين الرباطابى
________________________________________________________________ اللقب: Mohamed Foto7li : . عدد البوستات: 987 تاريخ التسجيل: 27-02-2008 محل الاقامة: VA : عنوان مكتبتى بسودانيزاونلاين دوت كم : اكلات مفضلة: الاسم الحقيقى: Mohamed التلفون: الجامعة/المعهد: Southern Illinois University الحالة الاجتماعية: Engaged العنوان الدائم: USA الفنان المفضل: Zidan Abrahim اللون السياسى: النوع: Male الهوايات المفضلة: Soccer الوظيفة: Data Admin تاريخ الميلاد: 1977 درست المرحلة الابتدائية فى ......و سنة....: oumdurman درست المرحلة الثانوية فى ......و سنة....: oumdurman درست المرحلة المتوسطة فى ......و سنة....: أبوكدوك المتوسطة شاعرك المفضل: Asmail Hassn عدد الاطفال: معلومات اضافية: مكان العمل: Global Wirless Solutions مكان الميلاد فى السودان: Khartoum, Sudan
|
Post: #20
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 04:39 PM
Parent: #15
Quote: سعد زغلول قال " مافيش فايدة يا صفية " ومات |
انشاء الله لا تموت و لاتفوت.....يا سيبويه....
صديقى محمد البشرى الخضر....
Quote: الأصل من امدرمان بيت المال وود أرو من جهة الوالد و حي السوق و بانت من جهة الوالدة السكن الصحافة ثم اركويت |
ياخى ود "درو" و لا ود "ارو"؟..اذا من ود درو انت من اهلى النصرى و محمد امين النصرى...كمال و عادل و محمد سالم...و لى فى ود درو كثير من الاهل و الاصدقاء.
اما "بانت" فجزءاً اصيلاً من اهلى الرباطاب..."هسع" تلقاك "شايقى"..اكيد..
مرحب بمحمد و كل الاحباب و الاصدقاء.
|
Post: #24
Title: Re: بوست للتعارف.... والكل يجمع هنا
Author: shahto
Date: 08-27-2009, 05:04 PM
Parent: #20
عمك الشحتو ابكر كوكو كبشكبش منقوسوتوبوتاليزي
العمر سنت حليمة كبشور سافت الشفة عتريس
كل عام و انت بخير
نسا البلد النحنا فيها يؤمنون يحماية الداتا الشخصية
|
Post: #29
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 10:30 AM
Parent: #24
Quote: عمك الشحتو ابكر كوكو كبشكبش منقوسوتوبوتاليزي
العمر سنت حليمة كبشور سافت الشفة عتريس
كل عام و انت بخير
نسا البلد النحنا فيها يؤمنون يحماية الداتا الشخصية |
المبدع عبدالباقى "كبشكبش"
التقينا أنا و عبدالباقى فى معهد الكليات التكنولوجية فى العام 1983 و منئذ نحنا اصدقاء بالقلب. عبد الباقى تزمانا بمدرسة النيل الابيض الثانوية و لكنه كان من "السناير" و نحنا برالمة لم نتعارف.
عبد الباقى من اسرة كبيرة فى الدويم و له كثير من الامتدادت فى جوانب حياته الاسرية و المهنية... و شخص سودانى مهموم بالشأن العام و يعيش بسويسرا منذ العام 1997.
كثيرون اختلفوا معه و كثيرون اتفقوا معه لكنه يظل شخص متمكن مما يجمع و هو فنه الاصيل و قد تخرج من كلية الفنون الجميلة و التطبيقية كما تخرج من جامعة القاهرة فرع الخرطوم و نأل دبلوم عالى فى العلاقات الدولية من معهد الدراسات الافرواسيوية و له كثير من المعارض بدءاً من السودان و حتى كل دول العالم.
ياخى خلى الكسل بتاعك دها و خت ال CV هنا.......
سؤال "برى" أنتوا فى سويسرا دى ما عندكم "انفولونزا خنازير" و لاشنو....يا كافى البلاء ما سمعنا و لا واحد جاتو H1N1 فى سويسرا.....
"و الله تلقاكم اكلتوها كلها"
أخوك،،،،،
منقوسوتو بوتاليزى كبشكبش
تخريمة:
الخرتوم غرقت فى شبر موية
لسان حالك يقول"...مالك يا منقوسوتو ياخى "ماهى اصلاً غرقانة فى الوحل"
|
Post: #25
Title: Re: بوست للتعارف.... والكل يجمع هنا
Author: نصار
Date: 08-27-2009, 05:10 PM
Parent: #20
صديق رمضان كريم فكرة حمية خاص اني زول مقصر في التواصل الخاص مع الاصدقاء هنا لاني بعتبر الجميع اخوة و اخوات كرام لا احب التمييز بينهم يمكن الرسالة ما وصلت للغالبية و اعتبروا الشغلانة جفا او عدم اهتمام و دا بتشوفوا في قلة تداخل الناس معي حتي البعتبرهم اصدقاء حميمين المهم انظر البروفايل تجد معلومات كاملة نضيف ليها انه الاعمار بيد الله و كمدخن قريت خبر اليوم يقول انه المدخنين يفقدون 15 عام من اعمارهم عشان كدا ما عارف نديك يا عمر عاين لصورتي، قدر لي عمر و اخصم منه 15 تصل لعمري العلمي و اضافة تانية اني قريب كمال سالم يعني الدي ان اي و كدا ممكن تاخدها منه لووول
|
Post: #26
Title: Re: بوست للتعارف.... والكل يجمع هنا
Author: Siddig A. Omer
Date: 08-27-2009, 10:38 PM
Parent: #25
العزبز الصديق الاديب نصار....
طبعاً كمال سالم و محمد وعادل اخوانى لزم كما انت.
نشتاق لكم فى الدوحة.... ومكانك و كل مبدعى بلادى محفوظ و لك دعوة مفتوحة مع المجنون الآخر الصديق الاستاذ عصام عيسى ود رجب... و الترتيبات جاهزة الف و منتدى الحروف ونادى اصدقاء البيئة و القلب مفتوح لكم فى اى تاريخ تقدرونه والسعودية قريبة من القلب المشتاق لكم و لابداعاتكم الجديدة و القديمة.
ياخى ذكرتنى ايام معهد الكليات ليتها تعود ونفرح بكم و بى ابداعاتكم و يفرح بكم كل اهل السودان...نسمع عنكم كل خير و تقدم و امنياتنا بالتوفيق و السداد بركة الشهر الكريم.
صديق - الدوحة
|
Post: #27
Title: Re: بوست للتعارف.... والكل يجمع هنا
Author: ذواليد سليمان مصطفى
Date: 08-28-2009, 00:19 AM
Parent: #26
الفكرة جيدة وممتازة
ولكن مثل هذه البوستات توثق لتاريخ السودان
الا بس شئ واحد جعل البوست اشطر
وهذا عيب السودانين وانتمأتهم القبلية
نعم لكل فرد انتماء قبلي
ولكن هذه القبلية اجعلوها في صون التاريخ
والمحافظة الارث ،حتى لاتضيع مكارم القبيلة
(ومن هنا ارفض البوست العنصري)
بدل ان نتوحد نتشتت ونتسب الى الجهوية العمياء
ــــــــــــــــــــــــــ
الاسم/ذواليد سليمان مصطفى
مكان الميلاد/السودان-ولاية شمال دارفور-كتم
الدراسة/اقليم دارفور الكبري وما جاورها ولاية الخرطوم الثانوي والجامعة والماجستير
السكن/ولاية الخرطوم-امدرمان المدينة التى كانت عاصمة المهدية
الاقامة حالياً/جمهورية مصر العربية-القاهرة-مدينة عين شمس-شارع احمد عصمت تقاطع شارع حنا نميري
تلفون/0020195674054
القبيلة/ســـــــــــــــــــــودانـــــي(ابحث عن الوطنية السودانية)
|
Post: #28
Title: Re: بوست للتعارف.... والكل يجمع هنا
Author: متوكل بحر
Date: 08-28-2009, 00:25 AM
Parent: #27
صديق سلامات رمضان كريم
|
Post: #31
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 11:30 AM
Parent: #28
Quote: صديق سلامات رمضان كريم |
متوكل ود البحر،،،
كيفنك و كيف اهلنا الطيبين من ابناء الدويم فى امريكا وكندا و "الشتات"، طبعا الافكار كثيرة لكن التواصل مهم و اصبح الان اكثر "حوجة" و الحاح و خاصة نحنا بقينا "شعب مشرد". والله العظيم يا متوكل عندى اولاد اخت ما شفتهم لى هسع و عايشين فى كل بقاع العالم الحر.
ياخى مالك خليت الكتابة السمحة المليئة برائحة الدعاش و طيبة اهلنا فى الدويم و جبنة الدويحى، و باسطة غانم و زجاجات لبنه المشهور بزكاوته و طيبه.
ثم دعنا نذهب الى بقالة "تومالا" و حى البحر و اصدقاء طفولة و الريفية و حى السباعاب، البطارنة الكرام و دار الرياضة و المقابر.... وتلال من الذكريات فى بخت الرضا و النيل الابيض و شندى فوق و "رتو" وجنوباً حيثما اعتصرت "حمارة ود الطيب..اخر قطرات حمار "ود البكاى" و صاح به صاحبه "الحق يا ود البكاى" والله حمارة ود الطيب قتلت حمارك و خلتو ذى الورقة"....
حكيتها و نحنا نتعارف هاهنا قبل سنوات تأكلت من عمر وقلب ملئ بالحب الى المكان والى من سكنه...ثم تؤاليتم...انت و معروف سند و صديقى فى القلب النصرى امين و كثيرون ترحيباً بانسان جديد الى فضاءات التشتت يجمعنا هذأ الآلق "سودانيزونلاين"، و الان فتقت براسى أن نلتقى مرة اخرى و هنا ايضاً يا صديقاً لم اراه أو يرانى!!!!!
اسميها.....قبيلة الاسفير التى تحميها الدواخل....مرتبة مما قمنا من "تاتاى" حتى الى القبر نتمسك بها و هى "محنة اهلنا الطيبين فى كل السودان و الدويم بلدنا مثالاً"
اخوك لزم،،،،
صديق - الدوحة
|
Post: #30
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 11:06 AM
Parent: #27
Quote: وهذا عيب السودانين وانتمأتهم القبلية
نعم لكل فرد انتماء قبلي
ولكن هذه القبلية اجعلوها في صون التاريخ
|
انا قصدت من هذأ البوست أن نتعارف، و المعرفة تتم بالانتماء الى القبيلة و الجهوية أو حتى الحى و المكان والزمان... وافتخر كثيراً باننى امتلك كل قبائل السودان فى اسرتى و اتحدى اى واحد لا يمتلك هذأ التبائن الجميل فى ثقافته و تصرفاته و اخلاقه وتربيته.
اما قصة عنصرية و لا دينية و ثقافات القبيلة و الآخر فلا يوجد لها مكان فى هذأ الموضوع و لا تثيروه اى ثائرة.
نعم نحكى عن الامكنة و القبلية و المهنة و الدراسة و الاهل و الاحباب و نحكى عن بعضنا كما لا نحكى من قبل فى زمن....تذهب الاخت الى امريكا و تعيش هناك و تتزوج وتلد و تربى و تنجح و لا تراه الا بعد 15 سنة او عشرون....ثم تاتئ بفهم القبلية و الجهوية التى ماتت منذ أن حفروا البحر لتقول لى اننا قوم قبلئون؟؟؟؟؟
البوست دها للتعارف بالقبيلة و العرق و الجنس لان الهدف منه التعارف و الآلفة و التواصل بين اهلنا جميعا بداية من القبيلة و نهائية بالمهجرين و المشتتين فى كل بقاع الآرض التى لم تبقى فيها قبيلة أو عرق أو حتى "دين"...
قال قبيلتى تبقى "سر" ..مالك خجلان منها بل بالعكس يجب أن تفخر بها و ترفع راسك عالياً إذا كنت تبحث عن اصلك و معارفك واهلك....
بالمناسبة انا عندى اهل كثيرين فى منطقة دارفور و كردفان.....كما عديد منهم يزوروننا و نزورهم هذأ هو السودان...
خليك عافية و صحة.... وشكرا للمشاركة التى اتمنى أن تستمر...بالقبيلة و الاهل والاحباب الى الامام.
صديق الشلكاوى
|
Post: #32
Title: Re: بوست للتعارف.... والكل يجمع هنا
Author: haroon diyab
Date: 08-29-2009, 12:08 PM
Parent: #30
هارون دياب ياعمكـ عارف ديم كوريا....؟ في بورسودان جنب راس الشيطان عديييييييييل العمر : امنية عمره 14 سنة وقس علي ذلك عارفني زي جوع بطنك قاعد معاك في الدوحة متسيك في قبول ضحية قبل يومين....!!!! وجاي الخور نهاية الاسبوع ومادنقلاوي.....!!!! اها كده كويس......؟
|
Post: #33
Title: Re: بوست للتعارف.... والكل يجمع هنا
Author: النصرى أمين
Date: 08-29-2009, 12:16 PM
Parent: #32
النصرى امين النصرى مواليد بيت المال (دكاكين الطاهر) او حى الكراكسه 1962 بيت المال الابتدائيه والعامه ثم المؤتمر امدرمان معهد الكليات التكنلوجية 1987 تخصص محاسبه متزوج مهاجر لكندا 1993
تانى شنو؟
هلالابى مرضان
كراهتى الجندب والقعونج احب سلطة الاسود اسمع مصطفى سيداحمد واحمد المصطفى زول مسكين ومسالم امنيتى الفنيه اتخارج من مرضه سودانييزانلاين
|
Post: #38
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 02:38 PM
Parent: #33
النصرى امين النصرى....المرتـــــاح
النصرى عرفته فى البرليم فى معهد الكليات فى العام 1983...هو هو....يلاقاك هاشاً باشاً لا تهمه الحياة و لا ماذا سيحدث غداً. جاء الى الدوحة لعله يجد له مكاناً....لقى القصة ما ياها...الجماعة ديل بساهروأ معاى لغاية الساعة 2 و 3 بالليل و بقوم الصباح القاهم كلهم قائمين سدارى.. و قال لا..لا البلد دى ما تنفع معاى و انا زول مرتاح فى كندا..اشتغل يوم و انوم يومين و لا "كفيل" و لا "بطيخ"... بعدين ياخى الوظيفة واحدة تلقاهم بتقاتلوأ عليهل عشرة...انا هناك ادوير ليك فى اى لحظة القى لى وظيفة و من غير "كفيل كمان" ....المهم فتح ليك لى الليلة ما بنسمع منه الا فى البورد.
يحب الاكل و الماكل النظيفة و لا يدخن و لا يشرب و يجالس السمار و كانه اسكرهم ثم ينوم اولهم... فهذأ حبه الاخر و لا يعطى للحياة اى قيمة بل يسخر منها كانه لا يعيشها الا فى نفسه.
نقئ السر و السريرة يضحكك، يصادقك و من اول لقاء ترتاح له.....
النصرى يا مرتـــــاح ...نحن زاتنا مرتاحـــــين و بقينا زيك "الرهيفة انشاء الله تنقد اريتها ما تتبتق"
و انا زاتى بقيت زيك بس أنا بحب النوم بعيد عن الاكل و السفسفة.
صديق منجييغا - الدوحة
|
Post: #35
Title: Re: بوست للتعارف.... والكل يجمع هنا
Author: طارق الكوتش
Date: 08-29-2009, 12:21 PM
Parent: #32
فكرة البوست رائعه وخصوصا ده الحته البتميزنا نحن كسودانيين التعارف و البحث عن الاصدقاء و الجيران و الاهل ............
ارجعوا للبروفايل سوف تجدونى ...........................
احتراماتى للجميع
|
Post: #39
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 02:47 PM
Parent: #35
Quote: فكرة البوست رائعه وخصوصا ده الحته البتميزنا نحن كسودانيين التعارف و البحث عن الاصدقاء و الجيران و الاهل ............
ارجعوا للبروفايل سوف تجدونى ...........................
|
طارق الكوتش
عليك الله ابذل معانا شوية مجهود... ودى المحرية فيك و لا داير الجماعة يقولوا ن"نحنا شعب كسول" و كدها.
المرة دى انا حا انقل البروفائل بتاعك لكن عليك الله المرة الجاية فتش لينا عن صحبانك هنا وهناك.
بس لنت من وين اتربيت وين احتمال تبقى من عندينا "ياخى"
____________________________________________________________________________
الملف الشخصي ل طارق الكوتش اللقب: طارق الكوتش : .
عدد البوستات: 2249 تاريخ التسجيل: 01-07-2008 محل الاقامة: الامارات العربيه المتحده : Not shown اكلات مفضلة: شية الضان الاسم الحقيقى: طارق احمد عبد الحفيظ التلفون: 00971504853878 الجامعة/المعهد: الخرطوم - كلية الهندسة الحالة الاجتماعية: Married العنوان الدائم: [email protected] الفنان المفضل: محمد وردى اللون السياسى: السودان النوع: Male الهوايات المفضلة: مشاهدة مباريات كرة القدم الوظيفة: مهندس مساحه تاريخ الميلاد: 18 / 1 / 1968 درست المرحلة الابتدائية فى ......و سنة....: أمبده درست المرحلة الثانوية فى ......و سنة....: وادى سيدنا درست المرحلة المتوسطة فى ......و سنة....: أمبده شاعرك المفضل: ايليا ابو ماضى عدد الاطفال: 1 معلومات اضافية: قال الليالى جرعتنى علقما قلت ابتسم و لئن جرعت العلقما ... فلعل غيرك ان رآك مرنما ترك الكآبة جانبا و ترنما مكان العمل: الهيئه الاتحاديه للكهرباء و الماء - دبى- رئيس و مشرف نظم المعلومات الجغرافيه و المساحه مكان الميلاد فى السودان: مدنى
صورتى: صورتك الخائف عليها (من عندينا)
_____________________________________________________
بالمناسبة نقل البرفائل لم ياخذ من وقتى اكثر من دقيقة و ذادنى علماً مممكن "افرش ليك البروفائلات دى كلها هنا"
صديق القاعد بعيد
تخريمة:
و الله على ما اقول شهيد "نحنا شعب نشيط لكن بس محتاجين لشوية "دفرة"
|
Post: #37
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 02:25 PM
Parent: #32
هارون دياب "ودكوريا" و بورتسودان الحبيبة.
طبعاً حكيت ليك بايامى فى بورتسودان وانا اعمل مساعد مفتش فى ديوان الضرائب فى العام الذى وئيدت فيه الديمقراطية الثالثة وكان من سوء حظى أن يحدث ذلك وانا فى بورتسودان وشهدت "حلوها" "ومرها".
اعرفها بورتسودان الجميلة و اهلها الطيبين وقد استقر بى المقام الى ستة اشهر فزرتها من طوكر الى عروس و من الجبال الى "سنغنقيب" و غطست فى توراتيت" و اكلت "المخبازة" فى ديم سواكن و "الشية" فى ديم عرب و مطاعم الكورنيش فى ميناء بورتسودان.
وفى الميرغنية وديم جابر و ديم مدينة وسلالاب و ترب هدل انتميت الى تراب البحر المبلل بخمرة اهلى البجا.
و الله لولا الانقلاب لكنت الى الآن أعيش فى بورتسودان.
صديق القاعد بعيد
|
Post: #34
Title: Re: بوست للتعارف.... والكل يجمع هنا
Author: عبود عبد الرحيم
Date: 08-29-2009, 12:17 PM
Parent: #30
أها يا صديق أخوي أولا : سلام عليكم وعلي أفراد الاسرة وكل عام وأنتم بخير
ثانيا : رغم ان كثير من المعلومات في الملف الشخصي لكن أزيد من الشعر بيت (!!!) مش بيقولوا كدا
الاسم : عبود عبد الرحيم محمد الخليفة جذور العائلة أرض الجعليين في ولاية نهر النيل (الزيداب / الجبلاب) الميلاد: الابيض الدراسة : بين مدينة الفولة والابيض ثم جامعة السودان (دبلوم اعلام) السكن الآن : الخرطوم بحري ، حلة خوجلي ، جوار مسجد الشيخ خوجلي أبوالجاز متزوج من (محسية) الاعلامية (صحفية ومقدمة برامج في قناة هارموني) لبني خيري احمد خيري لدينا ابن واحد هو محمد (ربنا يحفظه) العمل : صحفي بدأت بصحيفة (الدار) في أواخر العام 90 م عندما كانت رياضية وقبل تحولها للاجتماعية ثم صحيفة (أخباراليوم) السياسية منذ تأسيسها في 1994 م وحتي مايو 2009 م الآن سكرتير التحرير في صحيفة (الحرة) منذ عددها الاول في 5 مايو 2009 م تاني شنو ؟؟؟ يتيم الاب والام ( ربنا يتقبلهما)
وهــــلالابـــــي ولله الحمد ربنا ينصر الهلال غدا الأحد( بالفوز او التعادل ) كلنا نقول : آمين التعديل لاضافة اللون الرياضي الازرق سيد البلد
|
Post: #42
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 02:58 PM
Parent: #34
Quote: يتيم الاب والام ( ربنا يتقبلهما)
|
بركة الشهر العظيم اسال الله لهم و لكل المسلمين الرحمة و المغفرة و أن يجعلهم من اصحاب اليمين ...آمين.
الاخ عبود لك كل الشكر و انت تحكى عن نفسك و عن اسرتك الطيبة و تعكس دواخلك المحبة للاخر و للتواصل معه و كلامك جميل و حنين و يدخل فى القلب و يحسسك بالآلفة التى افتقدناها منذ زمن بعيد فلك كل الود و الاماني الطيبة فى شهر رمضان و للاعلامية الاستاذة لبني خيري احمد خيري و ابنكم محمد كل الامنيات الطيبات و أسال الله لكم التوفيق و السداد ومزيداً من الآلق و النجاح و التقدم.
طبعا اعرف شخص عزيز علىَ و قد تربينا معاً الى أن فرقتنا الدروب و التشتت وكان يعمل معكم فى الدار قبل ان ينتقل الى السياسة ، مديراً للمكتب الفنى، ثم انقطعنا عن السودان و انقطعت اخباره، وهو اخوى لقمان عبدالله دفع الله و هو من ابناء مدنى.
كما لنا عدد كبير من احبابنا الذين تعانوا او عملوا بجريدة الدار فى بداية صدورها.
بيننا لقاء و تحادث انشاء الله و انا سعيد لهذأ التؤثيق بكم و لكم انشاء اللهز
صديق - الدوحة
|
Post: #36
Title: Re: بوست للتعارف.... والكل يجمع هنا
Author: abdalla osman
Date: 08-29-2009, 12:51 PM
Parent: #30
دقايق يا القاعد بعيد
|
Post: #44
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 03:08 PM
Parent: #41
الاستاذ الدكتور الصادق يحيى عبدالله،،،،،،
ياخى مجرد مرورك و اثناءك على الفكرة دفعنى الى الامام و اعطانى الآمل باننا ما زلنا اسرة واحدة و شعب واحد و هدفى من هذأ البوست هو لقلء المراحيل و ضمهم الى الاسرة الكبيرة و التواصل ثم التؤثيق الى كل اهل "الحارة" و وهذا الهدف و القصد.
من واقع معلوماتك الفى البروفائل و راجع ليك ..انشاء الله:
للقب: Al-Sadig Yahya Abdall عدد البوستات: 468 تاريخ التسجيل: 01-05-2006 محل الاقامة: ٍKhartoum : عنوان مكتبتى بسودانيزاونلاين دوت كم : اكلات مفضلة: اسداي و لا اسيداي الاسم الحقيقى: الصادق يحيى عبدالله التلفون: الجامعة/المعهد: الحالة الاجتماعية: Married العنوان الدائم: " منها خلقناكم و فيها نعيدكم و منها نخرجكم تارة اخرى" الفنان المفضل: محمد وردي اللون السياسى: blank النوع: Female الهوايات المفضلة: الوظيفة: تاريخ الميلاد: 1966 درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: 3 معلومات اضافية: مكان العمل: جامعة الملك سعود مكان الميلاد فى السودان: Nyala صورتى: ________________________
صديق - الدوحة
ملاحظة:
لم اورد السيرة الذاتية الغنية بالمعرفة و الخبرة حتى اترجمها للفائدة العامة.
شكراً للفت نظرى للاستاذ و الاخ الصديق أنور
|
Post: #43
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 03:03 PM
Parent: #36
الدكتور عبد الله عثمان.....
لك كل التحايا و الاحترام و مجرد مرورك من هنا لن يتركك فنحن نبحث و ندقق فى كل ما يؤثق لاهل هذأ البراح فى زمن اصبحنا فيه لا ندرى اين نعيش و اين نموت....نضرب فى ارض الله الواسعة نبتقى السترة و الكرامة لاولادنا و لمستقبلهم.
استمحيك عذراً فقد غزوت بروفائلك و اتيت بالاتئ: اللقب: abdalla osman : .
عدد البوستات: 397 تاريخ التسجيل: 27-11-2008 محل الاقامة: : Not shown عنوان مكتبتى بسودانيزاونلاين دوت كم : اكلات مفضلة: الاسم الحقيقى: عبدالله عثمان التلفون: كلية الطب جامعة الخرطوم الجامعة/المعهد: الحالة الاجتماعية: Married العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: اختصاصي باطنية
تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: د.عبدالله عثمان اختصاصي الطب الباطني مكان العمل: مكان الميلاد فى السودان: صورتى
صديق القاعد بعيد
|
Post: #45
Title: Re: بوست للتعارف.... والكل يجمع هنا
Author: عبود عبد الرحيم
Date: 08-29-2009, 03:26 PM
Parent: #43
Quote: وهو اخوى لقمان عبدالله دفع الله و هو من ابناء مدنى. |
الاخ الكريم صديق سلام وكل عام وانتم بخير
لو أنك لم تعرف أحد من من أعرفهم الا الاخ (لقمان) لكفاك ذلك قربا مني اخي وقريبي وصديقي لقمان عبدالله دفع الله واحد من افضل من عمل في المكاتب الفنية للصحف السودانية وهو الآن المدير الفني لصحيفة (حكايات) التي يراس تحريرها زميلنا في البورد الاخ الاستاذ وجدي الكردي
ولقمان أخو أخوان ... عملنا معا وعشنا معا في مسكن واحد خلال عملنا في صحيفة أخبار اليوم
يا سلااااام ياصديق ياخ كفاية انك بتعرف (لقمان) لتدخل قلوبنا من أوسع أبوابها
عبود
|
Post: #46
Title: Re: بوست للتعارف.... والكل يجمع هنا
Author: Nasor Abdelgalil
Date: 08-29-2009, 04:01 PM
Parent: #45
نصر عوض عبدالجليل مكان الميلاد جزيرة بدين- شبة- محسي المرحلة الابتدائية - جزيرة بدين المرحلة الثانوية - حفيرمشو/المقرن 1984 جامعة الخرطوم إقتصاد 1989 Univ of Texas at Dallas, Masters - 2000
مكان الاقامة الولايات المتحدة Lansdowne PA الوظيفة نظم معلومات Software Engineer متزوج 3 أطفال إتصل [email protected]
|
Post: #58
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 10:39 PM
Parent: #46
الاخ الباشمهندس نصر لك كل التحايا و لاهلى فى جزيرة بدين الجميلة كل الخير و جائيك بالسؤال عن كل الاخوان الذين اعرفهم من بدين و اهلنا المحس انشاء الله.
ربنا يوفقك وها هنا فى الدوحة لقيت ليك اخو و صديق ويعمل فى مجالك فانا اعمل فى ال SAP وتخصصت فى تطبيقين هما ادارة المواد و ادارة العقود بشركة راس لفان للغاز الطبيعى المسأل وهى من اكبر شركات الغاز الطبيعى المسأل فى العالم وكما تعلم فان قطر هى من اكبر الدول المصدرة للغاز الطبيعى فى العالم.
اتمنى ان تفكر قى ان تقصر المسافة و الحضور الينا فى الخليج و الفرصة كبيرة و خاصة للاختصاصين امثالك و للفائدة الرجاء مراجعة المواقع ادناه للتنوير عن ماهية الشركات التى اتحدث عنها:
WWW.RasGas.com
www.qatarGas.com
وسوف اتئ بالمزيد انشاء الله....
اخوك
صديق - الدوحة
|
Post: #47
Title: Re: بوست للتعارف.... والكل يجمع هنا
Author: Nasor Abdelgalil
Date: 08-29-2009, 04:11 PM
Parent: #45
الاخ عبود لبني خيري دي بنت خالتي أنا هنامع اختها نجوي
|
Post: #48
Title: Re: بوست للتعارف.... والكل يجمع هنا
Author: متوكل بحر
Date: 08-29-2009, 04:19 PM
Parent: #47
الاخ العزيز صديق للمذيد من التواصل والقرب
[email protected] 01-443-523-3860
|
Post: #49
Title: Re: بوست للتعارف.... والكل يجمع هنا
Author: د.نجاة محمود
Date: 08-29-2009, 04:46 PM
Parent: #48
مولودة في عطبرة وعشت في كل من الدلنج الخرطوم بيروت شندي الدويم الدامر بربر الدامر تاني الخرطوم
قريت في معهد المزيكا والمسرح تخرجت سنة 1985 المفروض اتخرج سنة قبلها كان عندنا اضراب
متزوجة عندي 3 بنات وولد . اشتغلت فترة في التدريس ثم تركته والان عندي شركة خدمات تعليمية واعيش في ماليزيا...
وبديرية القبيلة من قرية اسمها مورا مركز مروي واتمنى لو اجد صديقاتي واصدقائي
meena4me1#hotmail.com وشكرا يا صديق لو لقيت اي صاحب وصاحبة ليك بياض
|
Post: #50
Title: Re: بوست للتعارف.... والكل يجمع هنا
Author: Abdelmuhsin Said
Date: 08-29-2009, 05:05 PM
Parent: #49
Quote: الدلنج الخرطوم بيروت شندي الدويم الدامر بربر الدامر |
هسع الله يسألك بيروت دى زنبها شنو تحشريها وسطهم .
Quote: وبديرية القبيلة من قرية اسمها مورا مركز مروي
|
يطرشنى ما سمعتا بيها
|
Post: #53
Title: Re: بوست للتعارف.... والكل يجمع هنا
Author: نصار
Date: 08-29-2009, 05:25 PM
Parent: #50
يا صديق ياخي انا ما نصار الحاج من 2002 الناس بتخلط بيناتنا في البروفايل اسمي مكتوب علاءالدين نصار
دكتورة نحاة الشكالة دي ذاتها قريبتي و مورا ياها عاصمتنا الروحية المبارك شيخ الظهر شوفني جنيت ولا دستر
|
Post: #61
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 11:01 PM
Parent: #53
Quote: يا صديق ياخي انا ما نصار الحاج من 2002 الناس بتخلط بيناتنا في البروفايل اسمي مكتوب علاءالدين نصار
دكتورة نحاة الشكالة دي ذاتها قريبتي و مورا ياها عاصمتنا الروحية المبارك شيخ الظهر شوفني جنيت ولا دستر |
و الله انا اسف على الخلط لكن انتوا الاتنين ماسكين فى اسم نصار و الاتنين اصليين و طيبين طيبة اهلى البتعرفهم و البنعرفوهم....لك العتبى حتى ترضى و لى الشرف بوجودك معى و اها دها بروفائلك عشان الناس ما يختلطوا:
اللقب: نصار
عدد البوستات: 8938 تاريخ التسجيل: 17-09-2002 محل الاقامة: المانيا : عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=187 اكلات مفضلة: الاسم الحقيقى: علاء الدين نصار التلفون: 004915209951388-0049160431020 الجامعة/المعهد: بكالريوس اقتصاد الحالة الاجتماعية: Married العنوان الدائم: الفنان المفضل: مصطفى سيد احمد اللون السياسى: عضو تنظيم القوى المستقلة الحرة النوع: Male الهوايات المفضلة: الوظيفة: تاريخ الميلاد: 14.12 في عام ما من القرن السابق درست المرحلة الابتدائية فى ......و سنة....: عامان بمدرسة منصوركتي_ نصف عام مدرسة المناقل الشرقية_ النصف الاخر بمدرسة العقدة ريفي المناقل وكذا نصف العام التالي...... درست المرحلة الثانوية فى ......و سنة....: مدرسة السني الثانوية بواد مدني درست المرحلة المتوسطة فى ......و سنة....: السنة الاولي مدرسة المناقل الحكومية 2 و الباقي المؤتمر المتوسطة واد مدني شاعرك المفضل: عدد الاطفال: معلومات اضافية: مكان العمل: مكان الميلاد فى السودان: راجا
صديق
|
Post: #60
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 10:55 PM
Parent: #50
الاخ عبد المحسن... لك كل الاحترام و التقدير،،،،
اتمنى ان نواصل فى السياق العام لهذا البوست و الذى اتمنى من كل المتداخلون و المتداخلات ابعاده بقدر الامكان عن كل التنافرات، اذا كانت سياسية و لاغيرها، فنحن نؤثق لكم و بكم وهو للتعارف و الاجتماع كما هو لاعادة اللحمة و فالاختلاف لا يفسد للود قضية...اظنهم هكذا يقولون و لا لا....
من واقع بروفائلك:
اللقب: Abdelmuhsin Said : .
عدد البوستات: 1453 تاريخ التسجيل: 10-10-2006 محل الاقامة: الخرطوم : Not shown عنوان مكتبتى بسودانيزاونلاين دوت كم : اكلات مفضلة: الاسم الحقيقى: Abdelmuhsin said Ahmed التلفون: 0912301100 الجامعة/المعهد: جامعة الخرطوم الحالة الاجتماعية: Married العنوان الدائم: sudan khartoum P.o box 1412 الفنان المفضل: عبدالكريم الكابلى اللون السياسى: النوع: Male الهوايات المفضلة: الوظيفة: اقتصاد الان بالمعاش تاريخ الميلاد: 14-8-1948 درست المرحلة الابتدائية فى ......و سنة....: حجر الطير الابتدائيه واحد درست المرحلة الثانوية فى ......و سنة....: الكرمك الثانويه درست المرحلة المتوسطة فى ......و سنة....: حجر العسل المتوسطه شاعرك المفضل: الحاردلو عدد الاطفال: احمدالله اربعه معلومات اضافية: مكان العمل: سك العمله الان بالمعاش مكان الميلاد فى السودان: قرية شلعوها الخوالده (الجزيره) _________________________________________________________
لك كل الود و الاحترام وانت مريت بالكرمك بلد جدودى اهل الانقسنا وقيسان الجميلة.
صديق
|
Post: #63
Title: Re: بوست للتعارف.... والكل يجمع هنا
Author: د.نجاة محمود
Date: 08-29-2009, 11:03 PM
Parent: #50
Quote: يطرشنى ما سمعتا بيها |
القبيلة ولا مورا؟
|
Post: #51
Title: Re: بوست للتعارف.... والكل يجمع هنا
Author: MOHAMMED ELSHEIKH
Date: 08-29-2009, 05:13 PM
Parent: #49
التشجيع: الصفوة ناس هارون دياب وكدي. الطول: 187 سم اي اوصاف أخرى: انظر الصورة
|
Post: #52
Title: Re: بوست للتعارف.... والكل يجمع هنا
Author: PLAYER
Date: 08-29-2009, 05:25 PM
Parent: #51
طـــيب بكري متــــعب روحوا وصارف البندوثات بتاتوا وعامل حتة البروفايلات لشنو ........ما تقولوا ليهوا يضيف ليكم حتة للقبيلة والدول او المدن اللفيتها............ حكمة اليوم ناس البورد في شنو ورباطاب البورد في شنو
|
Post: #65
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 11:20 PM
Parent: #52
الاخ العزيز عادل المهدى...لعلك لم تقرأ ما كتبته عن هذا الموضوع و الهدف منه و ربما لم تقرا العنوان، لكن للتنوير الموضوع خاص بالتعارف و لم الشمل للناس المشتتين فى كل بقاع الارض و السماء، ثم اننى لا اقصد الجهوية بقصد ما اصبو الى اجمع كثير من اهل القبيلة و المنطقة و المديرية و المحافظة ثم نجتمع فى السودان الكبير كاصدقاء و معارف لا يفرقنا الا ما يجمعنا انشاء الله: سيرتك الذاتية:
اللقب: PLAYER : .
عدد البوستات: 5308 تاريخ التسجيل: 23-04-2002 محل الاقامة: HOUSTON/TEXAS/USA : عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=282 اكلات مفضلة: الاسم الحقيقى: ADIL P T ELMHADI التلفون: 7134781871 الجامعة/المعهد: collage الحالة الاجتماعية: Single العنوان الدائم: USA الفنان المفضل: اللون السياسى: DEMOCRAT النوع: Male الهوايات المفضلة: travel, music,dance,movies الوظيفة: working studant تاريخ الميلاد: AUG14 درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: 0 معلومات اضافية: مكان العمل: مكان الميلاد فى السودان: الديوم/بحري ______________________________________________
مكان الميلاد فى السودان: الديوم/بحري
ما هو طلعتها من عندينا.......
صديق
|
Post: #64
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 11:11 PM
Parent: #51
Quote: التشجيع: الصفوة ناس هارون دياب وكدي.
|
ياخى ديل كلهم صهاينة و مضروبين طوالى
الاخ محمد الشيخ محمد الأمين
لك الاتحاياالعطرة بوجودك معى فى هذا التؤثيق ومنها استمديت قوتى لاجمع اكبر قدر من الاخوان و الاصدقاء و استميحك عذراً فى نقلى الى كل المعلومات الواردة ادناه من بروفائلك و التى احبذ أن اطلق عليها سيرتك الذاتية و اتمنى ان تجد كثير من معارفك و اصدقاءك القريبين و البعيدين.
ربما لك بعض الاصدقاء فى الدوحة فكثير من مهندسى الكهرباء فى هذا البلد من خريجى جامعة الخرطوم و يعملون فى كل المجالات و خاصى فى قطاع النفط والغاز و سوف اتئيك ببعض اسمائمهم متى ما اتيحت لى الفرصة انشاء الله:
اللقب: MOHAMMED ELSHEIKH : .
عدد البوستات: 847 تاريخ التسجيل: 21-03-2008 محل الاقامة: ابها- المملكة السعودية : عنوان مكتبتى بسودانيزاونلاين دوت كم : اكلات مفضلة: فطير باللبن الرايب الاسم الحقيقى: محمد الشيخ محمد الأمين التلفون: 966562002162+ الجامعة/المعهد: جامعة الخرطوم/الهندسةالميكانيكية الحالة الاجتماعية: Married العنوان الدائم: السودان -الباوقة فتوار الفنان المفضل: سيف الجامعة اللون السياسى: الأتحادي الديمقراطي النوع: Male الهوايات المفضلة: الموسيقى-كرة القدم الوظيفة: مهندس توليد كهربائي تاريخ الميلاد: درست المرحلة الابتدائية فى ......و سنة....: فتوار درست المرحلة الثانوية فى ......و سنة....: الدامر درست المرحلة المتوسطة فى ......و سنة....: الباوقة شاعرك المفضل: عمر الشاعر عدد الاطفال: 3 أولاد و لين معلومات اضافية: مكان العمل: ابها-الشركة السعودية للكهرباء مكان الميلاد فى السودان: فتوار ________________________________________
اخوك صديق
|
Post: #59
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 10:48 PM
Parent: #49
د.نجاة محمود....علم على راسه نار.
انتى ياكى من عطبرة و منها اكتسبتى المصادمة وادب المقاومة....
نعم فرحنا بيك وبزيارتك لنا فى الدوحة والتقيناك..... وكنت خير من قابلنا و اتمنى ان تزورينا مرات ومرات و انشاء الله بهذا البوست ، بركة الشهر الكريم، ان تجتمعى بكل ابناء و بنات دفعتك و اصدقاء لك لم تلتقيهم.
فرحى و اعتزازى ليست لهما حدود بوجودك معنا فى هذأ التؤثيق.
اخوك صديق
|
Post: #73
Title: Re: بوست للتعارف.... والكل يجمع هنا
Author: عبود عبد الرحيم
Date: 08-30-2009, 09:51 AM
Parent: #47
Quote: الاخ عبود لبني خيري دي بنت خالتي أنا هنامع اختها نجوي |
مرحب حبابك يا نصر رمضان كريم وكل سنة وانت طيب
التحايا لك وللاخت نجوي ولكل الاهل معكم
وتحية مستحقة للاخ د.صديق لهذا البوست الرائع
|
Post: #57
Title: Re: بوست للتعارف.... والكل يجمع هنا
Author: Siddig A. Omer
Date: 08-29-2009, 10:30 PM
Parent: #45
Quote: يا سلااااام ياصديق ياخ كفاية انك بتعرف (لقمان) لتدخل قلوبنا من أوسع أبوابها |
الحبيب عبود...هذا ما ابحث عنه فى هذا البوست الممتع بوجودكم معى و سندى فى ان اجد و ابحث لعلى انجح كما نجحت انت فى عبور اخبار اخوى لقمان الانسان و ربنا يطمئنك و عليك الله رسل لى تلفونو على المسنجر او على الابميل فانا اشتاق لسماع صوته و الاطمئنان عليه وعلى اسرته.
[email protected]
و اكون ممتناً لك و شاكراً الله الكريم فى الشهر الكريم بان جمعنى باخوة مثلكم.
صديق
|
Post: #72
Title: Re: بوست للتعارف.... والكل يجمع هنا
Author: عبود عبد الرحيم
Date: 08-30-2009, 09:20 AM
Parent: #57
الاخ الكريم صديق سلام
راجع البريد الالكتروني
وكل سنة وانت طيب
|
Post: #89
Title: Re: بوست للتعارف.... والكل يجمع هنا
Author: صديق عيسى صالح
Date: 09-03-2009, 11:07 AM
Parent: #26
يلا صديق سجل عندك الاسم صديق عيسى من مواليد مدينة المجلد الابتدائى المتوسطه بالمجلد الثانوى حنتوب الثانويه الجامعه الخرطوم حاليا مقيم فى السعوديه متزوج واب لمحمد عايز حاجه اكتر من كده؟
|
Post: #91
Title: Re: بوست للتعارف.... والكل يجمع هنا
Author: Siddig A. Omer
Date: 09-03-2009, 01:32 PM
Parent: #89
Quote: عايز حاجه اكتر من كده؟ |
يكفينى انك منى و انا منك... وإسمك....صديق...مرحب يا صديقى و الف مرحب....و خليك معانا هنا صديقان فى البوست الهيلكم.
_______________________________________
الاسم صديق عيسى من مواليد مدينة المجلد الابتدائى المتوسطه بالمجلد الثانوى حنتوب الثانويه الجامعه الخرطوم حاليا مقيم فى السعوديه متزوج واب لمحمد
اللقب: صديق عيسى صالح : .
عدد البوستات: 56 تاريخ التسجيل: 26-08-2009 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: د/صديق عيسى صالح التلفون: الجامعة/المعهد: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:
صديق القاعد بعيد
|
Post: #98
Title: Re: بوست للتعارف.... والكل يجمع هنا
Author: صديق عيسى صالح
Date: 09-04-2009, 10:05 PM
Parent: #91
[QUOTEد]و خليك معانا هنا صديقان فى البوست الهيلكم |
ابو الصدق سلامات اكيد سوف نكون صديقان وبالجمعنا كتير يكفى الاسم مشترك فقط وانا دائما بتفائل باسماء لها علاقه بالصدق مثل الصادق والصديق ولنا عود صديق
|