Post: #1
Title: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 12:41 PM
Parent: #0
بسم الله نبدأ الرحلة من جوار نفق برى و ستتواصل الى اماكن متفرقة بالخرطوم
 
|
Post: #2
Title: Re: جولة تحت المطر .....صور و صور و صور ( جنس صور )
Author: عبدالله شمس الدين مصطفى
Date: 08-26-2009, 12:48 PM
Parent: #1
حقاً هى بِركة كما تقول بذلك اللآفتة أعلى المزلقان.
شكراً يا أنور هذه النفحة من خريف بلادى.
رمضان كريم لك
|
Post: #3
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 01:49 PM
Parent: #2
يلا نجى على شارع البلدية جوار سودانير - صينية التاكسى التعاونى زمان
|
Post: #4
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 01:52 PM
Parent: #3
اللقطات هنا جوار السكة حديد جنوب مستشفى الشعب
|
Post: #5
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 01:57 PM
Parent: #4
و نتحرك الى الخرطوم 2 جوار مطعم الواجهة و شرق خديقة اشراقة التيجانى يوسف بشير
|
Post: #6
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 02:01 PM
Parent: #5
اللقطات التالية من شارع واحد بالعمارات جنوب نادى الخرطوم
|
Post: #7
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 02:06 PM
Parent: #6
و من هناك ناحد اللفة على شارع الملك عبد العزيز ( شارع السفارة السعودية )
|
Post: #8
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 02:14 PM
Parent: #7
لو سمحتو ...
اجر نفسى .. و اخد نومة صغيرة فى الهمبريب العسل ده ...
انتظرونى جاييكم بى صور نفق عفراء ...
اتخيلو حفروهو تحت الواطة بدون يفكروا فى التصريف ، بقوا يفرغوهو بالفنطازات
|
Post: #9
Title: Re: جولة تحت المطر .....صور و صور و صور ( جنس صور )
Author: Mashaier Ahmed
Date: 08-26-2009, 05:36 PM
Parent: #8
السلام عليكم أخ أنور التكينة
ورمضان كريم
بالرغم من أن الأمطار من نعم الله على العباد ولكن هذه الصور محزنة بجد
عدم تصريف مياه الأمطار بهذا المستوى تتبعه كارثة بيئية لا محالة
يا ترى ما هو موقف المسؤلين من هذا الكم الهائل من المياه في الشوارع وما هي مبرراتهم في عدم تصريفها
لك الله يا وطني
وربنا يحفظ أهلنا الطيبين في هذا البلد
تحياتي
مشاعر
|
Post: #10
Title: Re: جولة تحت المطر .....صور و صور و صور ( جنس صور )
Author: esam gabralla
Date: 08-26-2009, 05:44 PM
Parent: #9
| Quote: حقاً هى بِركة كما تقول بذلك اللآفتة أعلى المزلقان. |
يا عبدالله انا متحير في قصة خير و بركة دى من قبيل , لكن بعد قريت كلامك فهمت المقصود
الناس حقو تدعو الله انو في "مدن" زى الخرطوم دى اصلو ما ينزل مطر , يرسل طراوة و همبريب بس , رافة بالبشر
|
Post: #11
Title: Re: جولة تحت المطر .....صور و صور و صور ( جنس صور )
Author: NEWSUDANI
Date: 08-26-2009, 06:13 PM
Parent: #10
هو لو داير يرأف بيهم كان خلقهم ديل خالقهم يعذبهم بس من حكومة بليدة لحكومة جاهلة
وكيف يكون الحال لو ما كنت سوداني ؟؟؟
|
Post: #12
Title: Re: جولة تحت المطر .....صور و صور و صور ( جنس صور )
Author: وجن
Date: 08-26-2009, 06:19 PM
Parent: #10
تصوير ممتاز جداً
وتصوير لمواقع لها في القلب مواضع
بس في نفس الوقت صور محزنة جداً
الناس البتركب مواصلات بتقدر تصل كيف لمواقع عمله أو دراسته
المشكلة الكبرى والمؤسفة أننا ما بنقدر نعمل حاجة عاجزين تماما
الا من دعوات ندعوا الله أن يستجيبها
شكرا أستاذ أنور
ورمضان كريم
|
Post: #13
Title: Re: جولة تحت المطر .....صور و صور و صور ( جنس صور )
Author: نوفل عبد الرحيم حسن
Date: 08-26-2009, 06:30 PM
Parent: #12
تصوير ذكي جدا
عجبتني لقطة نفق بري واللافته من فوق ( بركه ) وكأنها بركه بكسر الباء
ثم صينية التاكسي التعاوني وصورة التاكسي عليها
والاكثر عجبا صورة البشير علي العربيه وهو يغرق في شبر مويه
شكرا استاذ انور
|
Post: #14
Title: Re: جولة تحت المطر .....صور و صور و صور ( جنس صور )
Author: خالد العطا
Date: 08-26-2009, 07:13 PM
Parent: #13
| Quote: جولة تحت المطر .....صور و صور و صور ( جنس صور ) |
الحبيب انور
صور ابداع
بس
قليلة شوية الفلم كلم يا عمك ولا شنو
|
Post: #15
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 07:49 PM
Parent: #14
الاخوة و الاخوات المتداخلون ...
لكم جميعا عميق شكرى للاطراء ، و الود ان ارد عليكم فردا فردا .. لكن ...
ما زالت الكثير من صور المواقع المهمة فى الانتظار ..
لذا ...استميحكم ان ادخر الدقائق لرفع الصور ...
لكم محبتى ...
( بالمناسبة .. جميع الصور بالموبايل ، و لاختفاء كاميرتى الديجتال قصة حزينة
سأرويها فى بوست منفصل..)
|
Post: #16
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 08:18 PM
Parent: #15
دخلنا شارع المطار فى طريقنا الى نفق عفراء مول
هكذا امتلأ النفق الذى لم تنفذ به مصارف للمياه
حمسة تناكر تنزل للنفق لسحب المياه و الخروج بها
|
Post: #17
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-26-2009, 08:26 PM
Parent: #16
|
Post: #18
Title: Re: جولة تحت المطر .....صور و صور و صور ( جنس صور )
Author: سيف النصر محي الدين محمد أحمد
Date: 08-27-2009, 02:33 AM
Parent: #17
شكرا يا تكينة.
|
Post: #19
Title: Re: جولة تحت المطر .....صور و صور و صور ( جنس صور )
Author: حبيب نورة
Date: 08-27-2009, 03:18 AM
Parent: #18
حاجة جميلة
الله ينعل ابو الغربة
|
Post: #20
Title: Re: جولة تحت المطر .....صور و صور و صور ( جنس صور )
Author: صديق الموج
Date: 08-27-2009, 03:45 AM
Parent: #19
يفيض النيل نحيض نحن....
نموت من كترت المويه ومن قلتا
مخير الله،،،
|
Post: #21
Title: Re: جولة تحت المطر .....صور و صور و صور ( جنس صور )
Author: وجن
Date: 08-27-2009, 10:16 AM
Parent: #20
Shimos Alameen الذين يرفعون شعار سير سير يالبشير..اتمني فعلا من كل قلبي تحقيق هذا الشعار..فقط اليوم..اتمني من الرئيس وكل المسئولين ان يحاولوا السير في شوارع الخرطوم علي اقدامهم بعيدا عن عرباتهم الفارهة نصيحة احذروا الطريق به منازل كاملة مهدمة الرجاء ملاحظة الا يخدش حجر ارجلكم المباركة
منذ 11 ساعة · تعليق · إلغاء إعجابي
أنت، Shimos Alameen، Mober Mahmoud، Mohamed Ahmed Abdallah و 13 آخرين آخرين معجبين بهذا .
Aboud Khalafallaابدعت فيها لكن ....
انشاء الله يا شموس
منذ 11 ساعة
Shimos Alameenاخطرني الصديق بدر ان وزير البني التحتية صرح لقناة الشروق ان سبب الانهيارات هو تعدي المواطنين عليها
والله محن بس
منذ 11 ساعة
Adil Mukhtarنظام عشوائى ليس لاهله اية تخطيط و لا يحزنون .. ماشة معاهم ضربة حظ .. ربنا يريحنا منهم قريبا ان شاء الله ببركة هذا الشهر العظيم
منذ 11 ساعة
Sufyan Ahmedمامعنى هذا الصمت الذي لا ينتهي وبرغم حوجتنا للصراااااااخ
منذ 11 ساعة
Shimos Alameenوالله ماخسرانين شئ ياعادل
الابراج الاسمنتية بتاعتم بتحميهم من مطر الله ومطر الزمن
كان الكرسي اتحول منهم
منذ 11 ساعة
Rughem Osman Karfisمن ينتظر من هذا النظام ان يستشعر مسؤلايته تجاه مواطنيه
ابشره بإن إنتظاره سيطول
منذ 11 ساعة
Shimos Alameenسفيان علي قول احمد مطر
نزعم أننا بشر
لكننا خراف!
ليس تماماً.. إنما
في ظاهر الأوصاف.
نُقاد مثلها؟ نعم.
نُذعن مثلها؟ نعم.
نُذبح مثلها؟ نعم.
تلك طبيعة الغنم.
لكنْ.. يظل بيننا وبينها اختلاف.
نحن بلا أردِية..
وهي طوال عمرها ترفل بالأصواف!
نحن بلا أحذية
وهي بكل موسم تستبدل الأظلاف!
وهي لقاء ذلها.. تـثغـو ولا تخاف.
ونحن حتى صمتنا من صوته يخاف!
وهي قُبيل ذبحها
تفوز بالأعلاف.
ونحن حتى جوعنا
يحيا على ا لكفا ف!
هل نستحق، يا ترى، تسمية الخراف؟!
منذ 10 ساعات
Shimos Alameenعبود الابداع كملتو حكومة السجم دي
الخرطوم بقت زي اللوحة التجريدية مابتفهم منها شئ
شوية اشكال واطلال هلامية
منذ 10 ساعات
Aboud Khalafallaكيف يا .... ديل بيعملوا في لوحه الخريف التجريديه ....
منذ 10 ساعات
Mober Mahmoudعلّمتنا يا أيها الوطنُ الصباحْ
فنّ النّهوضِ من الجراحْ
منذ 10 ساعات
Omer Alhagمصيبة كبيرة ان يكون الزول مسئول عن ناس و ما جايب خبرهم يركب العربات الفارهات يسكن القصور الفخمة ويجلس في المكاتب المكيفة يغلق حتى موبايلو من استقبال مواطنيه، كيف سيقابل الله يوم القيامة وقد تولى أمرهم ولم يكن بقدر هذه المسئولية ، شكيناهم لي الله
منذ 10 ساعات
Saboha Aburaidaالله الله يا وطن
منذ 10 ساعات
Shimos Alameenمبر المؤسف ان الوطن اليوم
ينهض من الجراح ليقع في غرغرينا لاينفع معها الا الاجتثاث والبتر
=
عمر انت مالك مستغرب
ما اصلو الحكومة جات عشان كدا... لمعرفة المزيد
منذ 10 ساعات
Saboha Aburaidaنعيب اوطاننا والعيب فينا ما لاوطاننا عيب سوانا
منذ 10 ساعات
Aboud Khalafallaاسي عيبنا شنو ....يا سبونا!!!!!!
بقينا ما بنسمع الكلام ..ولا طلعنا في المطره
منذ 10 ساعات
Shimos Alameenعليك نوووور ياصبوحة
وحات كتاب الدين عيب شدييييد
انحنا ناس بس كلام ساكت
هسي بتاع المرور يشيل رخستك ويدفعك قروش وانت مدنقر/ة وفي الشغل يخلوك تطلع المسيرة جبر
وتسمع الهتاف والطربانات القيقمية القميئة وانت ساكت /ة
والعيش كل يوم زايد والناس ساكتة
منذ 10 ساعات
Shimos Alameenههههههه
عبود تلامذة الروضة بس صحي بقينا
منذ 10 ساعات
Saboha Aburaidaلا بعربيه لا بارجل تقدر تسير
عندي سؤال محيييرني جدا
لمن يعملو شارع ليه بينسو يعملو تصريف لموية المطه واحنا في بلد ممطر صيفاً
منذ 10 ساعات
Saboha Aburaidaاجاوبكم بالانابه
لان كمية القروش التي تنهب في الشارع اكبر من تلك التي ستنهب في مصاريف الامطار حيث ان تكلفه المصارف لا تتقارب مع تكلفة الشوارع الباهظه (ملحوظه: باهظة في بلادي فقط)ودمتم سالمين
منذ 10 ساعات
Omer Alhagيا صبوحة عشان اللبعة تكون كبيرة بقوموا يختصرو المواصفات وما بضمنو الحاجات دي في العطاء .
منذ 9 ساعات
Saboha Aburaidaبيختصرو المواصفات لدرجة تجريد العمل من اصلو فيصبح لوحة باهتة الالوان
يا حليلك يا بلد
كان الناس بيحلفو بشرف السوداني ونخوتو
يا حليلك يا بلد
اصبحنا فرجة
يا حللك يا بلد
منذ 9 ساعات
Alaa Okashaالناس ديل بقولو بيعملو الظلط قدر قروشنا
منذ 9 ساعات
Fayad Mgzob Albashirمالو ياخي نبقي الشعار
عوم عوم يا البشير
المهم يتحرك ويصلح الوضع دا
لانو لو جا غيرو برضو ما نافع
والريس التعرفو اخير من الريس اللى ما تعرفوش
وللا ما كدا يا شموس
منذ 9 ساعات
عبد الله معاويةياشموس
الشوارع مزدحمة بسكان الطين الذي راح في حق الله
والمصارف مقفولة
والباعوض مالي الحتة
كيف يمشوا بس
دا كلام ليك
منذ 8 ساعات
عبد الله معاويةفياض
لوووووول
التسوي بايدك يغلب اجاويدك
منذ 8 ساعات
Osama Aliرحم الله عمر بن الخطاب وعمر بن عبد العزيز
منذ 8 ساعات
عبد الله معاويةفياض دعي بالبقاء لعمر بن البشير ايضا
لوووووول يا اسامة
منذ 8 ساعات
Fayad Mgzob Albashirشوف يا عبد الله
هو كدا كدا احسن منو مافي
وانا دايما بذكر بكلام الرسول
كما تكونو يولى عليكم
نحنا جايبنو اعاره يعني ما ياهو مننا وفينا ويوم كان بقول نفس كلامنا دا في زول تاني
وان الله لايغير ما بقوم حتى يغيرو ما بانفسهم
الواحد يصلح نفسو بعدين يصلح الحكام
منذ 8 ساعات
منقول
|
Post: #22
Title: Re: جولة تحت المطر .....صور و صور و صور ( جنس صور )
Author: elfadl abdellatif
Date: 08-27-2009, 10:45 AM
Parent: #21
الاخ انور
بعد السلام والاحترام
وكل عام وانتم بخير
والله ما قصرت تب الله يديك العافية .. وربنا يجعلها امطار خير وبركة وينفع بها العباد والبلاد ..
بس عندي سؤال محيرني اذا كان دي الخرطوم شرق والعمارات .. ناس امبدة والثورات .. والحاج يوسف وناس السلمة حالتهم كيف? شفناهم في التلفزيون امس .. والله مأساة .. يعني بدل الكباري دي (كل 500 متر كوبري) .. كان يعملو مجاري .. وبدل الصريف كان يعملو تصريف
وطبعا الناس بطلت تفطر في الشارع .. واتمنى انو في البيوت يقدرو يفطرو ..
تصدق يا انور ياخوي في الهند شهر 8 دة كلو كان امطار .. واخر مطرة كانت 74 مم .. لكن بعد المطرة وحتى اثناء المطرة ممكن تمشي عادي في الشوارع .. بس محتاج شمسية
تقبل الله صيامكم وربنا يعظم الاجر
تخريمة: ناس (بركة) ديل مدفوعة الاجر وللا اجر وعافية?
|
Post: #23
Title: Re: جولة تحت المطر .....صور و صور و صور ( جنس صور )
Author: البدري عبد الله
Date: 08-27-2009, 10:56 AM
Parent: #22
|
Post: #24
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-27-2009, 01:05 PM
Parent: #23
الاخت وجن
تحياتى
و الله جننت البوست و جننتينى ...
سوق ام دفسو ده نقلتيهو من وين ؟؟؟
الاخ المصور الفنان الفضل عبد اللطيف
مشتاقون يا حبيب ...
قلت لى داير صور ام بده و الحاج يوسف ؟
يا اخى ما عصرت على شديد ؟؟؟
ما عندك مشكلة ..
لما اعمل تراكتور بمشى اصورهم ليك ...
|
Post: #25
Title: Re: جولة تحت المطر .....صور و صور و صور ( جنس صور )
Author: almogira alemam
Date: 08-27-2009, 01:36 PM
Parent: #24
انا المحيرنى يا التكينة الله يسالك الجو ده جو لحم ده شنو ياخى
|
Post: #26
Title: Re: جولة تحت المطر .....صور و صور و صور ( جنس صور )
Author: ايهاب الطيب بله
Date: 08-27-2009, 01:58 PM
Parent: #25
شكرا
التكينه
شرق النيل
كانت اخطر
ربنا يشوف الشعب الطيب ده
المطر رحمة لاشك في ذلك
ولكن عدم التصريف كارثه وربنا يستر بعد ايام من الملاريا ----------------
|
Post: #27
Title: Re: جولة تحت المطر .....صور و صور و صور ( جنس صور )
Author: حيدر حسن ميرغني
Date: 08-27-2009, 02:07 PM
Parent: #26
انور رمضانك كريم
بالجد ما عاوز اسحر ليك كاميرة الجوال
بخَرو عديل - صور روعة جد
_
الماركة شنو
|
Post: #28
Title: Re: جولة تحت المطر .....صور و صور و صور ( جنس صور )
Author: Siddig A. Omer
Date: 08-27-2009, 04:53 PM
Parent: #27
ذكرتنى قصة الامطار دى الحلفاوى الجابوه من وادى حلفا لى حلفا الجديدة....واول خريف ضربت الرعده فرفع راسه الى السماء و قال: ياخى ما تهظر"
يفيض النيل
نحيض نحنا
و يظل حال البلد واقف
تتطل محنة
ربنا يرفع بيدكم و يجنبكم المها و يكفيكم شرها و يجعلها امطار خير و بركة على الجميع انشاء الله.
صديق
|
Post: #29
Title: Re: جولة تحت المطر .....صور و صور و صور ( جنس صور )
Author: بخاري عثمان الامين
Date: 08-27-2009, 05:40 PM
Parent: #19
Quote: حاجة جميلة
الله ينعل ابو الغربة |
حبيب نورة رمضان كريم .. بالغت معانا
هسه الجمال زاد بعد يوم واحد علي انغام البعوض
واصوات الضفادع و ( كلكلات ) الذباب وبعد اسبوعين
يا زول سنسكر حتي الثمالة بحمي الملاريا .. قمة الجمال
اللهم ابعدنا عن الغربة
|
Post: #30
Title: Re: جولة تحت المطر .....صور و صور و صور ( جنس صور )
Author: وجن
Date: 08-27-2009, 06:10 PM
Parent: #29
سوق أم دفسو عجبك بالله
شفتك خاتي ليك صورة فيها مكرفونات كتيرة
قلت يمكن تقدر توصل أصوات الغلابة ديل
ربنا يلطف بعبيدو
غايتو زي ماخلقم مابضيعم
لكن ماشاء الله تبارك الله على صور الجوال شديدة
والله قايلاها كاميرا دجتال
وكمرتك ربنا يعوضك فيها
|
Post: #31
Title: Re: جولة تحت المطر .....صور و صور و صور ( جنس صور )
Author: عماد الشبلي
Date: 08-27-2009, 06:33 PM
Parent: #30
شكرا ياتكينة علي جنس الصور
انا مرقت منها بيومين بس
الهم اجعلها خيرا
|
Post: #32
Title: Re: جولة تحت المطر .....صور و صور و صور ( جنس صور )
Author: عشة بت فاطنة
Date: 08-27-2009, 07:05 PM
Parent: #31
| Quote: والاكثر عجبا صورة البشير علي العربيه وهو يغرق في شبر مويه |
حلوة شبر موية دي .....والصورة لوووووووول معبرة للطيش
صور مووووووزرنة والتكوين مبالغة بالله دا موبايل
نرمي كاميراتنا بعد دا ...
رغم الماسي شوقتونا للمطرة والهمبريب
ودغسة العنقريب في ضهر البيت
|
Post: #34
Title: Re: جولة تحت المطر .....صور و صور و صور ( جنس صور )
Author: لطفي علي لطفي
Date: 08-27-2009, 10:07 PM
Parent: #33
بختكم بقيتوا في البندقية المدينة العائمة
لطفي
|
Post: #35
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-28-2009, 00:13 AM
Parent: #34
المياه تحاصر القوات الدولية فى الخرطوم ( يا ربى المطرة دى تنظيم قاعدة و لا شنو ؟ )
|
Post: #36
Title: Re: جولة تحت المطر .....صور و صور و صور ( جنس صور )
Author: MAHJOOP ALI
Date: 08-28-2009, 02:44 AM
Parent: #35
الاخ انور
السودان سلة غذاء العالم
رجاء رخاء العالم
اصبح اليوم واحة من الجوع
اذا قل الماء ذهبنا متسولين
واذا كثر الماء ذهبنا متسولين
نشكو من قلة الماء
ومن كثرة الماء
لاهل الصحاري الجافة
الكلام اعلاه للدكتور الترابي!!!!!!!!!!!!!!!!!!!!
|
Post: #37
Title: Re: جولة تحت المطر .....صور و صور و صور ( جنس صور )
Author: أمين محمد سليمان
Date: 08-28-2009, 04:32 AM
Parent: #36
الله يديك العافيه يا تكينه ، والله كانو الواحد غرقان معاكم !
الصور دي جاتني بالايميل ، و برضو من نفق عفراء :
|
Post: #38
Title: Re: جولة تحت المطر .....صور و صور و صور ( جنس صور )
Author: أمين محمد سليمان
Date: 08-28-2009, 04:34 AM
Parent: #37
|
Post: #39
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-28-2009, 08:59 AM
Parent: #38
Quote: بالجد ما عاوز اسحر ليك كاميرة الجوال
بخَرو عديل - صور روعة جد
_
الماركة شنو |
شكرا جزيلا ...
ماركة الجوال نوكيا6220
عدستو 5 ميقابيكسل
وسعرو فى الخرطوم 600 جنيه
|
Post: #40
Title: Re: جولة تحت المطر .....صور و صور و صور ( جنس صور )
Author: خلف الله عبود
Date: 08-28-2009, 09:43 AM
Parent: #39
اللهم إنا لا نسألك رد القضاء ولكن نسألك اللطف فيه .
اللهم جنب الخرطوم غضبك وتسليطك عليها مترفيها الفاسقين من أهل ( الإنقاذ) الذين فسقوا بتركهم للناس في مستنقعات بلا تصريف ... اللهم أنقدنا من أهل ( الإنقاذ) إنك رحيم كريم
اللهم أرفع سخطك وغضبك عنا .
آمين
وشكرا لك أخي التكينة على رفع الصور ، وباقيلنا رفع المعاناه ، ودي مافيها أمل ، بعد الشفناه في العشرين سنة من الإنقاذ ...
لو دا الإنقاذ ، كيف بيكون عدم الإنقاذ ؟
|
Post: #41
Title: Re: جولة تحت المطر .....صور و صور و صور ( جنس صور )
Author: elfadl abdellatif
Date: 08-28-2009, 11:29 AM
Parent: #40
Quote: قلت لى داير صور ام بده و الحاج يوسف ؟
يا اخى ما عصرت على شديد ؟؟؟
ما عندك مشكلة ..
لما اعمل تراكتور بمشى اصورهم ليك ... |
الحكاية يا انور ما دايرة تراكتور .. دايرة هيليكوبتر .. ولو انت ما قدرت تمشي .. ناس شالكا قاعدين يسوو في شنو? على كل حال نحن شفناها في التلفزيون .. اولاد المصارين البيض البركبو الهليكوبتر .. مش زيكم انتو الصحفيين التعبانين ديل .. بالله الجريدة ما عندها تراكتور? ولا حتى للتوزيع?
وبعدين حكاية نفق عفراء دي شنو .. حتى الصور الجاتني بالايميل كلها نفق عفراء..
الامطار نعمة وهي تذكرنا دائما بحكمة الله واياته (ان مع العسر يسرا).. وحتى الزلازل والبراكين تدمر ولكن على المدى الطويل هي خير وبركة للارض واسألو علماء الجيولوجيا
|
Post: #42
Title: Re: جولة تحت المطر .....صور و صور و صور ( جنس صور )
Author: رامي إبراهيم أحمد
Date: 08-28-2009, 12:25 PM
Parent: #41
شكراً على الصور أخ نور .. نالت الخرطوم بجدارة لقب (بندقية إفريقيا) ..
في الصورة رقم (10) لفتت نظري السيارة الماروتي (Maruti) ، صغيرة نعم ولكنها صامدة ..
| Quote: اتخيلو حفروهو تحت الواطة بدون يفكروا فى التصريف ، بقوا يفرغوهو بالفنطازات |
عملت في الشركة المنفذة لمدة ثمانية شهور صادفت بداية العمل بالنفق، أؤكد أنه ليس بالنفق عيبٌ من ناحية التصميم أو التنفيذ.
ملحق بالنفق طلمبات تعمل بالكهرباء لسحب المياه ودفعها لشبكة المجاري مباشرة كمالم يفت عن الشركة المنفذة أن توصل الطلمبات بمولد إحتياطي في حالة إنقطاع الكهرباء. إتصلت بالأمس بالسيد المدير الإداري للشركة الذي علل ما حدث بسببين:
أولاً : إنقطعت الكهرباء عند هطول الأمطار ولم يكن العامل المكلف بتشغيل المولد حاضراً ..
ثانيا: إنسداد قنوات المجاري بالقاذورات ..
.
|
Post: #43
Title: Re: جولة تحت المطر .....صور و صور و صور ( جنس صور )
Author: عادل عبدالعزيز عبد الرحيم
Date: 08-28-2009, 12:45 PM
Parent: #42
| Quote: حمسة تناكر تنزل للنفق لسحب المياه و الخروج بها |
خمسة تناكر وتيس ما كفن
هم بيكونوا عملو النفق مخصوص كده
عشان شركة التناكر دى تشتغل
وما بعيد تكون حقة اخو او ولد او قريب الوالى السابق المتعافى
جنس محن بس ربى يهون
|
Post: #44
Title: Re: جولة تحت المطر .....صور و صور و صور ( جنس صور )
Author: رامي إبراهيم أحمد
Date: 08-28-2009, 01:46 PM
Parent: #43
نفق السويدي بالعاصمة السعودية الرياض ..
نفس الملامح والشبه ..
|
Post: #46
Title: Re: جولة تحت المطر .....صور و صور و صور ( جنس صور )
Author: بخاري عثمان الامين
Date: 08-28-2009, 02:02 PM
Parent: #44
Quote: نفق السويدي بالعاصمة السعودية الرياض ..
نفس الملامح والشبه .. |
سيد رامي من كلامك نفهم انه ما في مشكلة وبتحصل
في ارقي العائلات وكده !!!!!!
|
Post: #48
Title: Re: جولة تحت المطر .....صور و صور و صور ( جنس صور )
Author: محمد عبد الماجد الصايم
Date: 08-28-2009, 02:18 PM
Parent: #46
Quote: سيد رامي من كلامك نفهم انه ما في مشكلة وبتحصل
في ارقي العائلات وكده !!!!!! |
بخاري يا عمكـ
نفق السويدي دا طارت فيهو مناصب
الخرطوم كلها بقت نفق هسي!
في كرسي طار؟
|
Post: #50
Title: Re: جولة تحت المطر .....صور و صور و صور ( جنس صور )
Author: بخاري عثمان الامين
Date: 08-28-2009, 03:19 PM
Parent: #48
Quote: الخرطوم كلها بقت نفق هسي!
|
يا عمك المطرة جات قبل زمنها!!!!!
وهي امطار خير وبركة ( عندك رأي )
| Quote: نفق السويدي دا طارت فيهو مناصب |
رامي كان مفروض بايراد خبر السويدي طوالي يقول:
وقد استقال او اقيل بعدها المسئول الفلاني لكن ايراده
للخبر بتلك الطريقة ( يفهم ) منه : السعودية ذاتها بحصل
فيها كده والموضوع عادي ..
|
Post: #49
Title: Re: جولة تحت المطر .....صور و صور و صور ( جنس صور )
Author: رامي إبراهيم أحمد
Date: 08-28-2009, 02:49 PM
Parent: #46
Quote: سيد رامي من كلامك نفهم انه ما في مشكلة وبتحصل
في ارقي العائلات وكده !!!!!! |
بل هناك مشاكل لا تخفى على ذي عينين يا سيّد بخاري ، مشاكل كثيرة ليس أقلها الغفلة وعدم الإتعاظ من تجارب الآخرين ..
|
Post: #45
Title: Re: جولة تحت المطر .....صور و صور و صور ( جنس صور )
Author: ابراهيم بقال سراج
Date: 08-28-2009, 01:49 PM
Parent: #43
انور
سلامات
ماعندك غشوة علي اتجاهات ( مايو , السلمة , سوبا الاراضي الحلة ) وغشوة تانية
علي امبدات والثورات والفتيحاب
؟؟؟؟؟؟؟؟؟؟؟؟؟؟
عايزين نعرف احوالهم
|
Post: #47
Title: Re: جولة تحت المطر .....صور و صور و صور ( جنس صور )
Author: آدم صيام
Date: 08-28-2009, 02:18 PM
Parent: #45
Quote: عملت في الشركة المنفذة لمدة ثمانية شهور صادفت بداية العمل بالنفق، أؤكد أنه ليس بالنفق عيبٌ من ناحية التصميم أو التنفيذ.
ملحق بالنفق طلمبات تعمل بالكهرباء لسحب المياه ودفعها لشبكة المجاري مباشرة كمالم يفت عن الشركة المنفذة أن توصل الطلمبات بمولد إحتياطي في حالة إنقطاع الكهرباء. إتصلت بالأمس بالسيد المدير الإداري للشركة الذي علل ما حدث بسببين:
أولاً : إنقطعت الكهرباء عند هطول الأمطار ولم يكن العامل المكلف بتشغيل المولد حاضراً ..
ثانيا: إنسداد قنوات المجاري بالقاذورات .. |
الأخ رامي تحياتي
جيت تكحلها عميتها
ما دام مصمم النفق أو القائمون لا يحسبون لانقطاع الكهرباء في واشنطون دي سي
و المولد الكهربائي لا يعمل أتوماتيكياُ بمجرد علمه بنزول المطر
وأن مجاري العاصمة المتلتلة لا تنعم بنظافة دورية مستمرة
تبقى العقلية السودانية، كما كنت مكانك سر!
|
Post: #51
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-28-2009, 07:04 PM
Parent: #47
الامطار تواصل هطولها مساء اليوم الجمعة 28/8/2009 لليوم الثالث على التوالى ...
شوفو جنس الامواج دى ...
غايتو ربكم يستر الاسبوع ده كلو يكون
اجازة ، طبعا اجازة المطر ابداع جديد للعقلية السودانية ..
عرفنا التلاميذ و صغر سنهم و احتمالات سقوط الفصول ... اها الموظفون فى الارض مالهم ؟؟؟
|
Post: #52
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-28-2009, 07:05 PM
Parent: #47
الامطار تواصل هطولها مساء اليوم الجمعة 28/8/2009 لليوم الثالث على التوالى ...
شوفو جنس الامواج دى ...
غايتو ربكم يستر الاسبوع ده كلو يكون
اجازة ، طبعا اجازة المطر ابداع جديد للعقلية السودانية ..
عرفنا التلاميذ و صغر سنهم و احتمالات سقوط الفصول ... اها الموظفون فى الارض مالهم ؟؟؟
|
Post: #53
Title: Re: جولة تحت المطر .....صور و صور و صور ( جنس صور )
Author: MOHAMMED ELSHEIKH
Date: 08-28-2009, 07:20 PM
Parent: #52
| Quote: وسعرو فى الخرطوم 600 جنيه |
بالجديد و لا القديم
شايف الدهب ذاتو اليومين ديل بقو عندكم بالطن
و الكهرباء بالقيقاواط
و برضو ماعارف قديم و لا جديد
|
Post: #54
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-28-2009, 07:28 PM
Parent: #53
| Quote: بالجديد و لا القديم |
قديم بتاع ايه يا عمك ؟؟؟
انت من اهل الكهف و لا شنو ؟؟؟؟
هاك صورة الموبايل :
|
Post: #55
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-28-2009, 08:15 PM
Parent: #54
النشرة الجوية فى العاشرة مساء الجمعة :
____________________________________
توقف مؤقت للمطر و السماء ما زالت ملبدة بالغيوم
|
Post: #56
Title: Re: جولة تحت المطر .....صور و صور و صور ( جنس صور )
Author: dardiri satti
Date: 08-29-2009, 07:41 AM
Parent: #55
Quote: حمسة تناكر تنزل للنفق لسحب المياه و الخروج بها
|
ولو المطرة صبت تانيييييييييييييييييييييييييييي؟؟؟؟؟
فضيحة!!
تحياتي
|
Post: #57
Title: Re: جولة تحت المطر .....صور و صور و صور ( جنس صور )
Author: dardiri satti
Date: 08-29-2009, 07:49 AM
Quote: إنقطعت الكهرباء عند هطول الأمطار ولم يكن العامل المكلف بتشغيل المولد حاضراً ..
|
العذر الأقبح من الذنب!!
خيبة الله تغشاكم يا شيخ!!
تحياتي
|
Post: #58
Title: Re: جولة تحت المطر .....صور و صور و صور ( جنس صور )
Author: abdulhalim altilib
Date: 08-29-2009, 08:50 AM
Parent: #57
الأخ العزيز / أنور التكينة
تحياتي
وشهر مبارك عليك
وتصوم وتفطر على خير
بصراحة صور واضحة ونظيفة توضح سوء
التخطيط الذي صار ملازماً لنا في كل
إنجاز نفرح به .
وهذا أول امتحان للوالي الجديد الدكتور
عبدالرحمن الخضر ، والذي سوف يتعب كثيراً
في معالجة كثير من سلبيات مجموعة سلفه
الوالي السابق د. المتعافي ، وليس اقلها
العبارة الشائعة (فاجأنا الخريف هذا العام)؟؟!!
اللهم ارفع مقتك وغضبك عنا يا كريم
واجعلها اللهم أمطار خيرٍ وبركة .
شكراً أخي التكينة لهذه الصور المعبرة
ويسلم جوالك الخطير من عين الحسود .
مودتي ،
( ليمو )
|
Post: #59
Title: Re: جولة تحت المطر .....صور و صور و صور ( جنس صور )
Author: elfadl abdellatif
Date: 08-29-2009, 09:02 AM
Parent: #57
الاخ انور
سلاااااااااام
كل يوم بفتح البوست بتاعك عشان (اشوف) اخبار المطر
Quote: طبعا اجازة المطر ابداع جديد للعقلية السودانية ..
عرفنا التلاميذ و صغر سنهم و احتمالات سقوط الفصول ... اها الموظفون فى الارض مالهم ؟؟؟
|
كيف يا انور ما سمعت بي اجازة المطر .. في السودان مفروض تكون عندنا اجازة للخريف تبدا من شهر 6 عشان الناس تستعد للامطار ..
في السودان الناس بتأجز عشان الامطار بتقفل الطرق وبتكسر البيوت والمدارس .. لكن عندنا شفع بقروا في السعودية .. في يوم الصباح صبت مطرة زي بتاعت الخميس .. الشفع مبسوطيييييييييين قايلين المدارس حتأجز!! وخليك من الشفع .. واحد بيدرس في لندن لما شاف السما شايلة تقيل .. ما مشى الجامعة .. سألوه قال المطر
|
Post: #60
Title: Re: جولة تحت المطر .....صور و صور و صور ( جنس صور )
Author: Abdlaziz Eisa
Date: 08-29-2009, 09:25 AM
Parent: #59
الأخ التكينة
رمضان كريم
صورك نقلت من غابات الأسمنت..
كيف حال بيوت البسكويت.. بيوت الغبش في الهوامش..
شكرا على هذا المجهود الكبير..
|
Post: #61
Title: Re: جولة تحت المطر .....صور و صور و صور ( جنس صور )
Author: Dr.Mohammed Ali Elmusharaf
Date: 08-29-2009, 09:50 AM
Parent: #59
Quote: عملت في الشركة المنفذة لمدة ثمانية شهور صادفت بداية العمل بالنفق، أؤكد أنه ليس بالنفق عيبٌ من ناحية التصميم أو التنفيذ.
ملحق بالنفق طلمبات تعمل بالكهرباء لسحب المياه ودفعها لشبكة المجاري مباشرة كمالم يفت عن الشركة المنفذة أن توصل الطلمبات بمولد إحتياطي في حالة إنقطاع الكهرباء. إتصلت بالأمس بالسيد المدير الإداري للشركة الذي علل ما حدث بسببين:
أولاً : إنقطعت الكهرباء عند هطول الأمطار ولم يكن العامل المكلف بتشغيل المولد حاضراً ..
ثانيا: إنسداد قنوات المجاري بالقاذورات ..
|
عجبي
شكرا انور
|
Post: #62
Title: Re: جولة تحت المطر .....صور و صور و صور ( جنس صور )
Author: رامي إبراهيم أحمد
Date: 08-29-2009, 10:01 AM
Parent: #57
| Quote: خيبة الله تغشاكم يا شيخ!! |
نحن منو ؟!!
|
Post: #63
Title: Re: جولة تحت المطر .....صور و صور و صور ( جنس صور )
Author: الرفاعي عبدالعاطي حجر
Date: 08-29-2009, 10:32 AM
Parent: #62
بكون الزول دا شاف المطرة دي ؟؟؟
المتعافي وانجازاته في ولاية الخرطوم !!!
رقاب شنو التطير هنا ... هنا كلما يسرق واحد تتم ترقيته ...
نحن في دولة المجاملات بين اللصوص واعانة اللص على الشيطان ... !!!
..............................................................................حجر.
|
Post: #64
Title: Re: جولة تحت المطر .....صور و صور و صور ( جنس صور )
Author: Yassir Tayfour
Date: 08-29-2009, 11:17 AM
Parent: #63
يا التكينة!
التناكر (البتستقرّغ) في حمولتها المائيَّة دي بتودي وين؟؟؟ ما تكون زي ساقيَّة جِحا، تشيل من النفق وترجِّع في النفّق..
حل جزئي -جاد جداً- لمشكلة النفّق العفراوي، أن تقوم الجهة المسؤولة عن الطرق والكباري بولايَّة الخرطوم بعمل "مظلّة" أي "راكوبة" بإمتداد النفق، حتى لا تتجمّع المياه تحته، طلما تكلفة التصريف أكبر وأضخّم، وترتبط بشبكة العاصمة "للحجز السِحي"، وهي تحتاج لبلايين الدولارات لكي تصبح شبكة صرف صحي..
لكم أن تتخيلوا، لو أن بالسودان مترو أنفاق، ماذا يكون الحال؟؟ أحمدوا الله أن جعلكم فوق ظاهر الأرض لا تحتها؛ ونفق عفرا خيراً إن كنتم لاتعلمون، فطالما عفراء وما حولها من منشآت هي محاولة لجعل الخرطوم تتشبّه بنظيراتها من المدن والعواصِم، ممكن أن نجعل من نفّق عفرا مكاناً لللهوِ والتزلُق، وعسى أن تكرهو شيئاً وهو خيرٌ لكم..
|
Post: #65
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-29-2009, 12:05 PM
Parent: #64
Quote: لكم أن تتخيلوا، لو أن بالسودان مترو أنفاق، ماذا يكون الحال؟؟
أحمدوا الله أن جعلكم فوق ظاهر الأرض لا تحتها؛ |
ياسر طيفور حبابك
يا أخى شرفتنى و شرفت البوست ...
ما مشكلة ... العقلية الابداعية عندنا ممكن تعمل مراكب انفاق ...
يغنى تاخد المعدية بى النفق المائى من وسط الخرطوم الى الكلاكلة
و لو عندك لفة على المنطقة الصناعية تعرج بى ركشة مائية عن طريق
خور المنطقة الشهير ...
أوعى تنسى الكمامات
|
Post: #66
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-29-2009, 09:22 PM
Parent: #65
Quote:
الأخ التكينة
رمضان كريم
صورك نقلت من غابات الأسمنت..
كيف حال بيوت البسكويت.. بيوت الغبش في الهوامش..
شكرا على هذا المجهود الكبير.. |
الاخ عبد العزيز عيسى
تحياتى
المطرة الجاية الصور من الهامش
شايف الوالى ادى المدارس اسبوع اجازة
اكيد ناس الارصاد قالوا حاجة
يا ساتر
|
Post: #67
Title: Re: جولة تحت المطر .....صور و صور و صور ( جنس صور )
Author: جمال الباقر
Date: 08-29-2009, 10:09 PM
Parent: #66
التناكر البيضاء النضييييييييييييييييييفة دي جابوها من وين ؟؟؟؟؟
|
Post: #68
Title: Re: جولة تحت المطر .....صور و صور و صور ( جنس صور )
Author: الامين موسى البشاري
Date: 08-29-2009, 10:21 PM
Parent: #67
الاخ أنـــــور التكينة
شكراً على الصــــور... ابـــــداع عديل والله
خليتنا نعيش معاكم في الجـــــــو الجميل ده
مشـــــــــكور يا حبيب
|
Post: #69
Title: Re: جولة تحت المطر .....صور و صور و صور ( جنس صور )
Author: انور التكينة
Date: 08-29-2009, 11:46 PM
Parent: #68
| Quote: مشـــــــــكور يا حبيب |
الله يديك العافية اخى الامبن
|
Post: #70
Title: Re: جولة تحت المطر .....صور و صور و صور ( جنس صور )
Author: Abdlaziz Eisa
Date: 08-30-2009, 08:29 AM
Parent: #69
Quote:
المطرة الجاية الصور من الهامش
شايف الوالى ادى المدارس اسبوع اجازة
اكيد ناس الارصاد قالوا حاجة
يا ساتر |
الأخ/ التكينة
سلام
لسه عندكم نية لمطرة جديدة!!!
الناس دي في الصقيعة بعد انهيار بيوتهم..
قناة الجزيرة مشكورة نقلت الجانب المأساوي لمعاناة الناس والذي يغفله الوالي..
اسبوع اجازة للمدارس.. هل يفيد في شئ اذا الوالي غارق نومه والسيول تهدم في البيوت!!
تحياتي
عبدالعزيز
|
Post: #71
Title: Re: جولة تحت المطر .....صور و صور و صور ( جنس صور )
Author: Yousif A Abusinina
Date: 08-30-2009, 09:55 AM
Parent: #70
الاخ العزيز انور التكينة
لك من الشكر اجزلة لهذة الصور المعبرة
من جد ربنا يخليك ويحفظ جوالك من الخاطفين
والينا الا ان نتضرع لله ان يرفع المحن عن اهلنا الطيبين .
والله استر عليهم ويغطى عليهم ما عندهم الا الله وهو قادر على كل شى .
بعد الراجل صاحب اللاندكروزر القديم ومعلق صورة الرئيس شنو الانتخابات بدأت او شنو الحاصل .
بعدين يا انور الرئيس ملآ البلد كلها سيارات فاخرة وفخمة شنو صورتوا على سيارة من عهد فرعون ما يصح الكلام ناس الحكومة غافلين من كل شى حتى صورة الرئيس غافلين منها والله حكم !!!! .
والله محن ؟؟؟؟؟؟
|
Post: #72
Title: Re: جولة تحت المطر .....صور و صور و صور ( جنس صور )
Author: الطيب عبد الرحيم خلف الله
Date: 09-09-2009, 12:57 PM
Parent: #71
 " /> ">
|
Post: #73
Title: Re: جولة تحت المطر .....صور و صور و صور ( جنس صور )
Author: الطيب عبد الرحيم خلف الله
Date: 09-09-2009, 12:58 PM
Parent: #72
|
Post: #74
Title: Re: جولة تحت المطر .....صور و صور و صور ( جنس صور )
Author: الطيب عبد الرحيم خلف الله
Date: 09-09-2009, 12:59 PM
Parent: #72
|
|