البوني دقس ..

و كامل إدريس – ذاتو – دقس ..

زول بدوام من اللعوتة
يجي الصباح ويرجع آخر اليوم
لازم يدقس


















ملاسي
رمضان كريم

قول البوني دقس عشان من اللعوتة .. كامل إدريس سببو شنو

الدكنور البوني بعد العمر ده ويوميا من اللعوته الي الخرطوم وبالعكس يدقس غريبه
لكن كامل داك بسسببوه

ورينا يهون

Quote: الدكنور البوني بعد العمر ده ويوميا من اللعوته الي الخرطوم وبالعكس يدقس غريبه لكن كامل داك بسسببوه ورينا يهون

ما فهمنا حاجة والله يا شيخ إيهاب ..

ملاسي في شنو؟؟

يا صلاح .. من الله خلقك .. شفت ليك زول يخلي مئات الآلاف
من القراء و يمشي لجريدة بتوزع أقل من الفين و شوية عدد.

البوني إسم ، وله قراء ومعجبين ، ويبدو أن الجريدة الجديدة
ارادت الاستفادة من إسمه في رفع نسبة مبيعاتها
فقدمت له إغراءات مادية كبيرة ، فوافق على الانتقال اليهم


غايتو القروش الخلتو يعمل كده ، بتكون كتيرة خلاص ..

اها بعد ده ان شاء الله ناس الجريدة يصعدوا للمتاز

دي زي فريق الدكة بربر سجل كرستيانو رونالدو

أقول ليك الفين و شوية تقول لي ممتاز؛ و دا الحالة الناس
لسه مغشوشة إنو معاهم العبيد مروح – الحاج وراق – عووضة

غايتو ياملاسى كامل إدريس مادقس ,,
لأنو بجامل فى عثمان ميرغنى ,,
وبعدين هو أصلا ماكاتب , ياهو موضوع
الملكيه الفكريه ده وقد قتلوه بحثا
هو وعثمان ميرغنى وزهير السراج وأحيانا
التجانى حاج موسى , وطبعا هؤلاء هم الذين
كانوا يحجون سنويا إلى جنيف إبان فترة
تولى كامل إدريس رئاسة المنظمه .
فما تصحيهم ,, خليهم النومه بتريحهم ,,

Quote: أقول ليك الفين و شوية تقول لي ممتاز

ده من العشم في بكرة ياحسين
لو يعمل الجماعة الفوق ديل من الفسيخ شربات

دكتور البوني راجل محترم .. كما الباشمهندس عثمان ميرغني ..

يبدو أن الباشهندس ألح على الأستاذالبوني .. وهذا طبعاً أكيد في صالحه .. فكل يريد لصحيفته النجاح

..

ولكن بغض النظر عن إنها جريدة كبيرة ولا صغيرة .. عندها مستقبل أو ما عندها ..

بتوزع 2000 ولا بتوزع مليار نسخة في اليوم ..

..

فعلاً .. أخطأ دكتور البوني بأن يفارق محبينه وقرائه وأن يجبرهم على شراء جريدتين بدل جريدة واحده عشان ما يقرو ليهو .. ونرجو أن يعود للرأي العام .. ويصحح الخطأ .. فليس الخطأ أن يخطئ الإنسان ولكن الخطأ هو التمادي فيه ..

..

كان الأولى له .. أن يعمل إستفتاء .. ويكون في تصويت عديييييل .. لأن البوني ليس ملك نفسه وحسب .. بل هو مشروع وطني .. كما البترول .. !!

..

وكلنا من قراءك يا دكتور .. ومعجبينك .. نتمنى ونرجو عودتك ..

Quote: أخطأ دكتور البوني بأن يفارق محبينه وقرائه وأن يجبرهم على شراء جريدتين بدل جريدة واحده عشان ما يقرو ليهو ..

وكت سكيتوهو و اشتريتوها .. يرجع ليه؟!!

تعرف يا ملاسي
اول حاجة رمضان كريم وتصوم على خير
انا بالرغم من انو اشتغلت في جرايد كتير كنت اعتقد اعتقاد جازم بان اهم حاجة اسماء الكتاب في الجريدة عشان تنجح وتستمر ولما غادر الاستاذ ادريس حسن الرأي العام وجاء محلو كمال حسن بخيت قلنا خلاص الرأي العام لحقت امات طه لكن لا دي لحقت امات طه ولا ادريس حسن نجح ... واتضح لي انو كتاب الاعمدة والاسماء الكبيرة من العوامل المساعدة على نجاح الجريدة لكن ما السبب الرئيسي للنجاح .. لا الاسم الكبير زي اسم الاستاذ محجوب محمد صالح شفع لجريدة الايام وخرجها من مشاكلها في حين انو جريدة اخر لحظة نجحت باسم حسن ساتي ومازالت ناجحة حتى بعد وفاته ...
في جرايد تانية ناجحة لمعرفة اصحابها باحوال السوق زي الدار وحكايات وجريدة قوون ( ناس الجمهور داير كدا) ..
البوني لا شك في انو كاتب عمود مقتدر وعندو معجبينو وقراؤه وحتي عثمان ميرغني برضو لكن ما اثروا سلبا لا على السوداني ولا الرأي العام معدل التوزيع ياهو ذاتو لكن بالجد اتفاجأت بتوزيع التيار لو الرقم المذكور هنا صحيح دي تبقى كارثة .. يبقى حقو الناس تبحث عن معيار جديد لنجاح الصحف .
_______
والكلام الفوق دا ما بنطبق على الكاتب مزمل ابوالقاسم اذ يعتبر الاخير من اهم مقومات نجاح اي جريدة وعندو قراء ومعجبين بيمشوا معاهو اينما حل و ذهابو كان سبب رئيسي في ايقاف عدد من الصحف زي المشاهد والكابتن .

Quote: انا بالرغم من انو اشتغلت في جرايد كتير

كل يوم يحكي الدهر العجب
لا في جمادي وحدها ولا رجب
__________
اول مرة اعرف والله يا وهبة

Quote: اول مرة اعرف والله يا وهبة

يا طلحة
ازيك
انت قايلني صحفي ولا شنو ؟
زول بتاع كمبيوتر سجمان ساي

Quote: انت قايلني صحفي ولا شنو ؟

يقيني انه لو اشتعلت صحافيا
لكنت كاتبا مهولا
ولاسرجت للنجاح خيولا
ثم لملم اطراف عباءته الفضفاضة ونزل من منبره الخطابي وسط عاصفة من التصفيق .

العزيز ملاسى رمضان كريم
..
يا سيد ملاسى
شنو رايك فى الصحيفة التى لا تصل حيث يسكن الكاتب .

( يعنى كل الصحافة السودانية صحافة خرطوم وبس )
( تصلك بعد زمن كما يصلك الحلو مر )
تحياتى