Post: #1
Title: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 02:11 AM
أظن أن معظم أعضاء المنبر يعرف الأخ سيف سمعريت
لقد وصلنا الرجل هنا فى الدوحه لتلقى العلاج بعد
مرض عضال أصابه .
وبحمد الله وفضله تعافى تماما وأكمل علاجـه بمؤسسة
حمد الطبيه بدولة قطر وسوف يغادرنا يـوم غدا الأربعاء
عائدا إلى السودان .
|
Post: #2
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 02:13 AM
Parent: #1
وقد تنادت مجموعه من أصدقاء الرجل وعارفى فضله
لعمل إفطار جماعى عائلى إبتهاجا بشفائه ووداعا
له . وقد كان ,,
|
Post: #3
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 02:26 AM
Parent: #2
اليوم الثلاثاء الموافق 25/8 كان هو يوم الوداع والتلاقى
لمجموعه من أهل الوفاء من الذين وقفوا مع العم سيف سمعريت
وعم هنا أوردتها لأن معظم أولئك المحبين كانوا ينادونه بعم
سيف طوال فترة إقامته هنا فى الدوحه .
وبمركز أصدقاء البيئه ( دار السودانيين بالدوحه ) والتى جعلها
كذلك الأخ والصديق وسفيرنا الشعبى بدولة قطر الأخ عادل التجانى
مدير مركز أصدقاء البيئه . كان الإفطار الرمضانى الإستثنائى الذى
شاركت فيه مجموعه من أنيل وأجمل السودانيين بدولة قطر .
|
Post: #4
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 02:42 AM
Parent: #3
وقد كان من ضمن الحضور إثنان من أصدقاء العم سيف سمعريت
من الذين لم يفارقوه منذ لحظة وصوله وهما الأخ معاويه الزبير
والأخ عمر الخطيب واللذين يعملان ضمن طاقم قناة الجزيره بدولة
قطر . وكانوا قد أعدو لنا مفاجأه , حيث حضر فى معيتهم مخرج
ومعد ومصور من قناة الجزيره ليسجلوا ذلك الإفطار الرمضانى السودانى
النكهه , ليبث مسـاء الغد فى تمام الساعه السابعه والربع .
|
Post: #6
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 02:51 AM
Parent: #4
لا أود أن أفسد عليكم روعة تلك الأمسيه
وذلك الإفطار المحضور ,, لكنى أناشدكم
جميعا بمشاهدة قناة الجزيره غدا فى تمام
الساعه السابعه مساء لتستمعوا بالبرنامج
والذى سوف يقدم فى شكل تقرير عن إفطار رمضانى
سودانى كامل الدسم .
أظن إننى قد أسهبت لذا سوف أترك الحديث
الآن للأخ أبوساندرا والأخ عمر بوب فقد سجلوا
حضورا ومشاركة طاغيه .
|
Post: #5
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: صديق الموج
Date: 08-26-2009, 02:46 AM
Parent: #3
عمنا سيف الف حمدا على السلامه وا تشوف شر...
تخريمه:
| Quote: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,, |
هسه ياكمال علاقة عنوان البوست ده بعلاج عم سيف شنو؟
انت بتفطر بى حلو مر جونى وويكر؟؟
والا عصيدتكم عصيدة تمر ما عيش يعنى؟؟
الخرف كعب،،،
التعديل بعد احضار النضارة
|
Post: #7
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 03:19 AM
Parent: #5
| Quote: هسه ياكمال علاقة عنوان البوست ده بعلاج عم سيف شنو؟ |
مرات ياصديق مخك بكون تخين ( ده كلو من الكبر )
يعنى الحلومر والعصيده والرهط الجميل ده لو ماكان
لماهم وداع عم سيف ده كنت حتشوفهم فى قناة الجزيره ؟
ما عائز أسبق الأحداث لكن عليك الله شوف بكره ناس النعيميه
والتقليه والقراصه الماخمج والله تحلف تقول فطور عريس .
يأخى المصور أبدع ,, العجب لو شفت اللمه والله إلا تحرد
السعوديه بعد ده وتلحق دكين .
إنت ياود الموج ماعندكم قناة جزيره فى السعوديه ؟؟
|
Post: #8
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Abdelmuhsin Said
Date: 08-26-2009, 03:38 AM
Parent: #7
| Quote: هسه ياكمال علاقة عنوان البوست ده بعلاج عم سيف شنو؟ |
كمال رمضان كريم .
الحمدلله على سلامة العم سيف بس دا شنو العنوان المعفص دا
-----------------------------------------------------------------
انت العنوان دا كاتبو محمد عادل
|
Post: #9
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: صديق الموج
Date: 08-26-2009, 03:58 AM
Parent: #8
Quote: الحمدلله على سلامة العم سيف بس دا شنو العنوان المعفص دا
-----------------------------------------------------------------
انت العنوان دا كاتبو محمد عادل |
عبد المحسن وانت الصادق
وبمعاونة صلاح غريبة،،،
|
Post: #10
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Abdelmuhsin Said
Date: 08-26-2009, 05:06 AM
Parent: #9
Quote: عبد المحسن وانت الصادق
وبمعاونة صلاح غريبة،،، |
الفاضل ود الموج رمضان كريم وكل سنه وانت طيب
تعرف البوست دا شكلو كده حا يكون فيه ثلاثه اشخاص بس ( انا و انت وصاحب البوست ) والسبب طبعا الدراب الكاتبو كمال فوق
بس عليك الله يا كمال افتح بوست ثانى لنه عم سيف غالى علينا شديد و كثير من ناس المنبر بحبو يشوفو
|
Post: #11
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Abdelmuhsin Said
Date: 08-26-2009, 05:16 AM
Parent: #10
دحين يا ود الموج الرهط دا شنو بس اوعك تقول لي بشبه الصمرقع
|
Post: #12
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: صديق الموج
Date: 08-26-2009, 05:30 AM
Parent: #11
| Quote: دحين يا ود الموج الرهط دا شنو بس اوعك تقول لي بشبه الصمرقع |
عبد المحسن يا اخوى انا ما بخلى بالى من الاسماء كتير
بس لو شفتو اعرفوا على طول..
غايتو المتحذلقه من اهل اللغه قالو النيف هو مازاد عن خمسه
اما الرهط شكلها بتنقال للطيور والله اعلم..
رهط من البط.. الموسيقى لافقه غايتو الباقى ما بعرفه..
لوووووووول
كمال يا اخوى وحاتك تدافع عن العنوان ده لى رمضان الجاى
تلقاه سمك لبن تمر هندى..
قال الولد عايز يعمل ليه مانشيت جذاب..
هاك الحلو مر ده....
تخريمه:
عبد المحسن دحين الزول ده ما ختا روحه فى مساحه شبر فى صفر،،،،
|
Post: #13
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Huda AbdelMoniem
Date: 08-26-2009, 07:08 AM
Parent: #12
الاخ العزيز كمـال رمضان كريم
لكن عليك الله شوف بكره ناس النعيميه
والتقليه والقراصه الماخمج والله تحلف تقول فطور عريس .
يأخى المصور أبدع ,, العجب لو شفت اللمه والله إلا تحرد
السعوديه بعد ده وتلحق دكين
واللة بختكــم
|
Post: #14
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Huda AbdelMoniem
Date: 08-26-2009, 07:11 AM
Parent: #12
الاخ العزيز كمـال رمضان كريم
لكن عليك الله شوف بكره ناس النعيميه
والتقليه والقراصه الماخمج والله تحلف تقول فطور عريس .
يأخى المصور أبدع ,, العجب لو شفت اللمه والله إلا تحرد
السعوديه بعد ده وتلحق دكين
واللة بختكــم
|
Post: #15
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Huda AbdelMoniem
Date: 08-26-2009, 07:12 AM
Parent: #7
الاخ العزيز كمـال رمضان كريم
لكن عليك الله شوف بكره ناس النعيميه
والتقليه والقراصه الماخمج والله تحلف تقول فطور عريس .
يأخى المصور أبدع ,, العجب لو شفت اللمه والله إلا تحرد
السعوديه بعد ده وتلحق دكين
واللة بختكــم
|
Post: #16
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: wadalzain
Date: 08-26-2009, 08:37 AM
Parent: #15
تحياتى للمتداخلين
أولا: - عن رهط
جاء فى القرآن الكريم _ سورة النمل - ألآية 48
( وكان فى المدينة تسعة رهط ) وتعنى الجماعة من الناس
وقال الليث: يجمع الرَّهْطُ من الرِّجالِ أَرْهُطاً، والعددُ أَرْهِطةٌ ثم أَراهِط؛ قال الشاعر:
يا بُؤْس لِلْـحَـرْبِ الـتـي وَضَعَت أَراهِطَ فاسْترَاحوا
وروى الأَزهري عن أَبي العباس أَنه قال: المَعْشَرُ والرهط والنَّفَرُ والقوم، هؤُلاء معناهم الجَمع ولا واحد لهم من لفظهم
ثانيا : ايها السادة الكرام
حلو مر وقراصة ورهط جميل من ناس الدوحة بقناة الجزيرة 7 مساء اليوم
التقى نفر مريم من رهط الدوحة رجالها ونساءها مغرب أمس عند مركز اصدقاء البيئة ليتناولوا افطار رمضان فى هذا الشهر الكريم تجديدا للتواصل الاجتماعى والانسانى مع بعضهم البعض واحتفالا بعادة من العادات السودانية الاصيلة وهى الافطارات الجماعية فى الشارع ولقد عبر عن ذلك وعن هذه العادة السودانية الاصيلة الاخ كمال سالم لقناة الجزيرة التى كانت حاضرة هذا الرهط الكريم وكذلك عبر عنها الاخ عمر بوب عندما التقتهم القناة لتسألهم عن معنى هذا الاجتماع وعن تأصيله فى الثقافة السودانية وهل تفرق بينه الاختلافات الثقافية والاثنية والسياسية فى الاحياء والفرقان .
وكان من دواعى الافطار وذلك الاجتماع الكريم الاحتفال والاحتفاء بشفاء سيف سمعريت الذى حل ضيفا كريما على الدوحة فى رحلة استشفاء ويغادرنا متعافيا بأذن الله تعالى وبركة هذا الشهر الكريم .
حضر طاقم الجزيرة هذا الافطار وكان شديد الاعجاب بالروح السودانية التى سادته ولأن المذيع الذى قام باللقاءات هو غير سودانى فكان يسأل عن مكونات المائدة الافطارية وأعجبه شراب الحلو مر اسما ومضمونا ولذلك جعله من ضمن تقديمه للقاء وعند مشاهدتك عزيزى الموج واخى عبدالمحسن للمادة التى سوف تبث اليوم فى نشرة السابعة مساء وتعاد عند الثانية عشر عند منتصف الليل ( توقيت الدوحة ) سوف تجد المذيع ممسكا بأناء الحلو مر ( جك كبير ومعه كأس ملىء بالحلو مر ) وهو يقول فى التقديم : الحلو مر هو الشراب السودانى فى رمضان ويعبر عن الحياة بحلوها ومرها ، ولذلك جاء عنوان الاستاذ كمال سالم يعبر عن ذلك التقديم وعن مكونات المائدة السودانيه فى قناة الجزيرة التى تضم بالطبع فى رمضان الحلو مر وقراصة وعصيدة ولا تحلو هذه المائدة الا بالرهط الجميل .
وهذا ما عناه الاخ كمال سالم بعنوانه الجاذب
أتمنى من الجميع مشاهدة الرهط الجميل والمائدة السودانية الرمضانية تبث 6 مرات فى قناة الجزيرة ويشاهدها قسم كبير من العالم وبالطبع ملايين الناس ليروا جزء من التراث السودانى الذى نعتز به ونفخر به الذى يضم من ما يضم قيمة التضامن والتآزر
الفينا مشهودة
عارفانا المكارم أنحن بنقودا
الزول بفتخر يباهى بالعندو
نحن أسياد شهامة والكرم جندو
مافى وسطنا واحد ما انكرب زندو
والبيعجز يقع بيناتنا بنسندو
ونتمنى للجميع ألا يعجز أو يعتر يقع منهم أحد ولكن
البيعجز يقع بيناتنا حرم بنسندو
وهذه مواقع يحلو فيها الفخر
مع تحياتى للاستاذ كمال سالم وللجميع
|
Post: #17
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: نادر
Date: 08-26-2009, 08:58 AM
Parent: #16
الآن - وبعد هذا البوست وشتارته - انزاح بعض تعجبي.
|
Post: #18
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: محمد عبد الماجد الصايم
Date: 08-26-2009, 10:23 AM
Parent: #17
| Quote: الآن - وبعد هذا البوست وشتارته - انزاح بعض تعجبي. |
نادر مركب مكنة ملاسي
كمال يا عمكـ
رمضان كريم ياخ
تصوموا وتفطروا على خير
|
Post: #19
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Omar Bob
Date: 08-26-2009, 11:10 AM
Parent: #17
سلام يا نادر ورمضان كريم لك وللاسره
| Quote: الآن - وبعد هذا البوست وشتارته - انزاح بعض تعجبي. |
والله يا نادر لو عرفت هذا الكمال لما كتبت ما كتبت
|
Post: #20
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 12:05 PM
Parent: #19
Quote: كمال يا اخوى وحاتك تدافع عن العنوان ده لى رمضان الجاى
تلقاه سمك لبن تمر هندى..
قال الولد عايز يعمل ليه مانشيت جذاب..
هاك الحلو مر ده.... |
ياود الموج يأخى أنا عارفك إنت ما من الرجرجه والدهماء
وبتفهمها طائره ,, الحاصل عليك من أمبارح شنو ؟؟
أظنك ماحتفهم العنوان ده إلا بعد ماتشوف تقرير الجزيره
مساء اليوم .
وما أظن يفوت على فطنتك إنو العنوان القصد منو دعايه
لتقرير الجزيره ,, وبعدين الناس لما تدخل البوست حتعرف
سبب لمة ذلك الرهط الجميل فى صحن قراصه وعصيده وكباية
حلو مر كان سببوا إننا بنودع فى عم سيف سمعريت .
يعنى ياود الموج كنت عايزنى أكتب عنوان بالصوره دى :
( فى وداع عم سيف سمعريت أقمنا إفطارا بأصدقاء البيئه
وقامت قناة الجزيره بتسجيله فشاهدوه الساعه 7 مساء اليوم )
ياود الموج العنوان الإنتقدوا ده لغتو فوق البنفسجى يفهمها
القله وكنت أحسبك منهم ,, لكن خذلتنى ( طبعا هنا فى وش ضاحك )
راجع بالله كلام ود الزين الفوق ده ,, وتانى ماتتقل فى السحور
لأنى عارفك الكلام الفوق ده كتبتو قبل الإمساك بخمسه دقائق بعد
أن قد قضيت على الأخضر واليابس من بقايا الفطور .
|
Post: #21
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 12:27 PM
Parent: #20
| Quote: الآن - وبعد هذا البوست وشتارته - انزاح بعض تعجبي. |
الأخ نادر ,, تحياتى ,,
وإنشاء الله تكون إرتحت ؟ بالله أنا كنت تاعبك قدر ده ؟
يأخ أفتكر مافى أى داعى أن تستعدى عليك الناس وتحاول
الإساءه لهم خاصه أمثالى من الذين لايعرفونك وكانت لديهم
صوره جميله عنك !!
أسألك بالله أن تفسر لى قصدك بإنزاح تعجبى هذه ؟؟ خاصة
وأنا طوال فترة وجودى فى المنبر لم أتداخل معك فى أى
موضوع قبل ذلك .
عموما ليس مهما عندى أن تبرر لى أو ترد على ,, فقط
إنى أنصحك نصيحة أخ أكبر منك سنا بأن تتريث قبل أن تطلق
لأصابعك العنان على الكيبورد .
هذا مع تحياتى أيضا ,,
|
Post: #22
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 12:34 PM
Parent: #21
| Quote: الدراب الكاتبو كمال فوق |
شكرا برضو ليك ياعبد المحسن فقد قلت رأى
لكن الدراب ده مكتوب لناسوا البفهموه ,,
فلا غبار عليك إن أسميته دراب .
تحياتى ,,
|
Post: #23
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: نادر
Date: 08-26-2009, 12:37 PM
Parent: #20
سلامات يا عمر بوب
أعرفو أوديهو وين بعد العرفتو!
معناها مكنتي مبوشة يا ود الصايم
|
Post: #24
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 12:57 PM
Parent: #23
Quote: أعرفو أوديهو وين بعد العرفتو!
|
يانادر يأخ أنا مانصحتك فوق بأن تتريث
قبل أن تكتب ؟؟
ياربى عرفت عنى شنو ؟؟
معليش برضو حأعتبرك من الذين لايستبينون
النصح إلا ضحى الغد .
وبرضو تحياتى ,,
|
Post: #37
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: haroon diyab
Date: 08-27-2009, 07:52 AM
Parent: #24
الحبيب / نادر
رمضان كريم
وكل سنة وانت بالف خير
معليش استحملني شوية
| Quote: أعرفو أوديهو وين بعد العرفتو! |
يقينا بانك لم تعرف هذا الكمال سالم
ويقينا لو عرفته لتمنيت ان تعرفت عليه منذ زمن بعيد
اخونا كمال ( ابو خالد ) شهادتي فيه مجروحة
انا وكل من يعرفه حق المعرفة.
لم اقراء ماكتبه في بوست ملاسي الذي اتيت انت به
وحتي وان قال مالا يعجبك فظني انك قراته دون ان تفهمه .
لا اشك لحظة في ان ياتي كمال بساقط القول او الاستفزاز
او الاساءة لاحد ......
يكفيه انه سفير النوايا الحسنة بيننا .
بالنسبة لي .....
اذا خرجت الان من هذا المكان بمعرفته فقط
لكفاني ذلك ولشكرت هذا المنبر الذي جمعني
بهذا الانسان الهامة القامة( اقولها في عز حر هذا الشهر الكريم )
---
حبا وكرامة ......
حاول معرفته مرة اخري ستجد بان مقولة ( معرفة الرجال كنز )
تنطبق تماما علي كمال سالم .
مرة اخري اؤكد لك لم اقراء ماكتبه كمال لكني وبكل ثقة اربا بكمال
ان يكون قد قصد اساءة او تجريح او استفزاز .
اتمني صادقا ان تصلك وانت في تمام العافية
وكل من يعز عليك بالف خير .
كل الود ولاتقدير
|
Post: #25
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Rawia
Date: 08-26-2009, 01:04 PM
Parent: #23
العنوان مافيهو أي عيب
بالعكس وافي ..ولو لي إستعمال كلمة رهط البين قوسين كلنا في البورد عارفين حكايتها
ومداخلات كمال موزونة ومرتبة ومافيها كلمة
وعم سيف سمعريب يستحق الاحتفاء ويستحق أكتر نحترم بوست مقتوح على شرفه
والف حمدلله على سلامته
له التحية ولابنته
|
Post: #26
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمال سالم
Date: 08-26-2009, 01:15 PM
Parent: #25
Quote: العنوان مافيهو أي عيب
بالعكس وافي ..ولو لي إستعمال كلمة رهط البين قوسين كلنا في البورد عارفين حكايتها
ومداخلات كمال موزونة ومرتبة ومافيها كلمة |
شكرا ليك ياروايه ياذوق يافهم ,,
ود الموج أها جبت ليك فهامه ,,
|
Post: #27
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Abdelmuhsin Said
Date: 08-26-2009, 01:23 PM
Parent: #25
استاذ كمال سلامات .
ياخي تبرآ انت من الكلام الدراب هى فى النهايه كان طراطيش كلام بينى وبين ود الموج
لتثبيت البوست فوق وارجو المعزره
|
Post: #28
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: نصار
Date: 08-26-2009, 06:42 PM
Parent: #27
شفناكم يا قريبي و سريتوا بالنا
|
Post: #29
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: وجن
Date: 08-26-2009, 06:55 PM
Parent: #28
من أمس بحاول أدخل على البوست وماقادرة
المهم
رمضان كريم
وياريت لو في رابط للحلقة تتحفونا بيو لانو ما اتشرفنا بشوفتكم
|
Post: #30
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: خالد عويس
Date: 08-26-2009, 07:06 PM
Parent: #29
لمحت الصديق عمر بوب - صدفة - على الجزيرة فعلا، ويبدو أنها كانت (لمة) رائعة.
لا أعتقد أن من يكتب باسم (نادر) هو نادر فعلا يا كمال..كل عام وأنت بخير
وكل عام وأنت بخير يا نادر وأظهر وبان عليك الأمان.
|
Post: #31
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: صديق الموج
Date: 08-26-2009, 07:50 PM
Parent: #30
Quote: ياود الموج يأخى أنا عارفك إنت ما من الرجرجه والدهماء
وبتفهمها طائره ,, الحاصل عليك من أمبارح شنو ؟؟
أظنك ماحتفهم العنوان ده إلا بعد ماتشوف تقرير الجزيره
مساء اليوم |
.
كمال العزيز كيف حالك
وحات رمضان الكريم ده انا ما قصدت غير امزح معاك ولابقى لك البوست عاليا
لكن اظنك تعرفنى تماما انا بعرف كلام باكر،خلى عنوانك المهبب ده
الناس الدايرين يصطادوا فى الماء العكر بالله بعيد من البوست ده
يازول ما اظنك زعلان لكن لك العتيى حتى ترضى يا حبيب
وطول بالك فى منبر الجن ده،،،
|
Post: #32
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: معتز القريش
Date: 08-26-2009, 10:01 PM
Parent: #31
Quote: من أمس بحاول أدخل على البوست وماقادرة
المهم
رمضان كريم
وياريت لو في رابط للحلقة تتحفونا بيو لانو ما اتشرفنا بشوفتكم |
تحت الطبع يا وجن أصبري علينا شوية
كل سنة وانتي طيبة ورمضان كريم
|
Post: #33
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: نادر
Date: 08-26-2009, 11:54 PM
Parent: #32
هل تريثت وأنت تهتف لملاسي Quote: مدهش ياملاسى ,,
بتذكرنى بالمتنبئ |
في هذا البوست Re: أصدقاء الزمن الجميل!دون أن تعلم تداعيات وجوانب الخلاف بيني وبينه؟ هل تريثت قبل أن تعمل يداك في الكيبورد لتعبر عن انحيازك الفاضح دون أن تعلم عن تاريخ هذا الصراع الغبي مع هذا المريض؟؟
لك مطلق الحرية أن تكتب هنا ما تشاء, وتعتقد ما تشاء في من تشاء, لكنك لم تمارس حريتك بعدل وانصاف, ولم تضع حروفك في مكانها الصحيح, فكانت النتيجة هذا المأزق الغريب مع خالد عويس وهو يستنكر ما يكتب قلمي بتهذيبه الجم المعهود.
آمل أن تسقط حكمك ونصائحك عليك قبلي فأنت أولى بها يا كمال سالم.
وافر تحياتي
|
Post: #34
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Alsa7afa_30
Date: 08-27-2009, 01:48 AM
Parent: #33
لمشاهدة الفيديو
أمسية رمضانية بنكهة سودانية
|
Post: #35
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: Alsa7afa_30
Date: 08-27-2009, 02:22 AM
Parent: #34
.. عمر بوب ..
.. كمال سالم ..
.. علا عابدين ..
.. ضحية و الأستاذ إسماعيل محمد الحسن (سمعة) ..
.. سمعة و أبو ساندرا ..
.. العم سيف و دكين ..
|
Post: #38
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: haroon diyab
Date: 08-29-2009, 12:00 PM
Parent: #35
وصلتني رسالة قصيرة جميلة
من العم سيف سمعريت يؤكد
فيها وصوله للسودان بخير
ويشكر كل بورداب الدوحة
فردا.....فردا
شكرا.....عم سيف
فانت تستحق
متعك الله بالصحة والعافية
والعمر الطويل
|
Post: #39
Title: Re: حلو مر وقراصه وعصيده (ورهط) جميل من ناس الدوحه بقناة الجزيره 7 مساء اليوم ,,
Author: كمبورة
Date: 08-29-2009, 12:36 PM
Parent: #38
الشكر لكل من ساهم وشارك في هذا اليوم السوداني الجميل
العم سيف نتمنى له عاجل الشفاء
ومتجمعين دايما في الخير
انتم الذين اكسبتم الجالية السودانية بالدوحة ( التميز )
فهي جالية مميزة ومتميزة بكم
امنياتنا لكم بالتوفيق والتوثيق لكل برامجكم
0
|
|