Post: #1
Title: شمار...الكلام دا مو عيب...لاعبين معترفين
Author: abuguta
Date: 08-25-2009, 09:52 PM
شمار
لاعبين معترفين فى نادى قمة
قبضوهم سكرانين,,,فى نصف النهار
لو الشمار دا طلع صاح عاد ديل بجلدوهم
ولا بسفروهم,,اسى مش كان تحتفظو بلياقة
نحن محتاجين ليها فى المباراة القادمة
ما بعرف الخبر دا فات محمد عادل كيف
الا يكونو هلالاب
عموما قبضوهم
خلونا بكرة نشوف صحة الشمار
|
Post: #2
Title: Re: شمار...الكلام دا مو عيب...لاعبين معترفين
Author: احمد العمار
Date: 08-25-2009, 10:21 PM
Parent: #1
| Quote: لاعبين معترفين فى نادى قمة |
محترفين ما معترفين
يا ابوقوتة تحياتى
ياخى رمضان ياداب فى بدايتو
مالو سخن معاك و لاشنو ؟؟؟؟
و بالله معاك دى برضو:
تذكرة ( ذهاب وغياب )( ذهاب واياب )
يا جماعة رمضان ما سخن للدرجة دى ( وش ضاحك )
أحمد العمار
|
Post: #3
Title: Re: شمار...الكلام دا مو عيب...لاعبين معترفين
Author: abuguta
Date: 08-26-2009, 08:19 AM
Parent: #2
| Quote: يا جماعة رمضان ما سخن للدرجة دى ( وش ضاحك ) |
احمد العمار
سخانة ود الصائم
بالله بجد الكلمة كتبتها خطاء
شكرا على التصحيح,,كلو من الاستعجال
خايف الشمار دا يشوفو محمد عادل قبلى
عشان كدا ما دققت فى ما اكتب
كدى خلينا نشوف المشاهير قالت شنو
شكرا على المرور
|
Post: #4
Title: Re: شمار...الكلام دا مو عيب...لاعبين معترفين
Author: abas
Date: 08-26-2009, 10:15 AM
Parent: #3
هي لكن يا ابوقوته قريبي
لاعب بي قروووووووووووش كتار كده ولاعب مرتشي
عاوزهم يكونو وين غير الاندايه
ماهم شكلها وهي شكلهم
قلت لي شنو يا ابوقوته
رمضان قام بيك
كل سنة وانت طيب يا قريب
|
Post: #5
Title: Re: شمار...الكلام دا مو عيب...لاعبين معترفين
Author: abuguta
Date: 08-26-2009, 10:44 AM
Parent: #4
| Quote: لاعب بي قروووووووووووش كتار كده ولاعب مرتشي |
عباس نقرتهم يالنقيقير
يعنى جماعتك لقو المريسة رخيصة الايام دى
كل الاباليس مصفدة,,,
قالو ايام نميرى وقوانين سمتمبر,,,عمك كبير
من زمن مو صاحى,,,لف على الانداى لقاها كلها مقفلة
سال بعض الناس الحكاية شنو...قالو ليه الحكومة
جابت قوانين جديدة,,قال ليهم الازهرى دا جن
نحن بنسكر من زمن الانجليز
اها تم الشمار ,,الناس جدلوهم ولا حصل شنو
تحياتى
|
|