Post: #1
Title: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-25-2009, 07:09 PM
Parent: #0
اعانى من احساس بالوحده داخل المنبر
احس ان هناك تكتلات قديمه من الصعوبه
بمكان اختراقها ..
هنالك القاب داخل المنبر غريبه جدا
لشخصيات عاديه............
بوستات الجنس اللطيف تجد حظ وافر من الردود
والمتابعه!!! بعض البوستات التى تفتح يجتهد اصحابها
فى الرد على شخصيات بعينها دون الاكتراث الى الاخرين
هل تحول المنبر الى مؤسسه عسكريه التعظيم والتحيه
فيه بالاقدميه ولاشنو؟ ماهو الفرق بين الذين انضموقبل سته
اوخمسة اعوام وبين المنضمين حديثا؟ اليس القلم والكلمة الرصينه
هم المقياس الحقيقى؟ البرالمه المنضمين الى المنبر حديثا تحتاجون
مجهود عظيم لتشعروا ان المنبر يحتويكم بصدق فعليكم بالصبر...
شكرا للترحيب الذى وجدناه من ناس حلوين مايزالون داخل المنبر
ليتهم يتوهجون اكثر واكثر
|
Post: #2
Title: Re: بعد اكثر من شهر على انضمامى للمنبر ماهذا ؟
Author: Dr.Elsadig Abdalla
Date: 08-25-2009, 07:17 PM
Parent: #1
مرحب بيك واصل كتابتك وستجدني من المتابعين واعتبرني من ألان فرده ياعم ...أيه رايك
|
Post: #3
Title: Re: بعد اكثر من شهر على انضمامى للمنبر ماهذا ؟
Author: صديق الموج
Date: 08-25-2009, 07:20 PM
Parent: #1
Quote: البرالمه المنضمين الى المنبر حديثا تحتاجون
مجهود عظيم لتشعروا ان المنبر يحتويكم بصدق فعليكم بالصبر...
شكرا للترحيب الذى وجدناه من ناس حلوين مايزالون داخل المنبر
ليتهم يتوهجون اكثر واكثر |
مدثر انت اصبر خلى البرالمه لى هسه ما شكوا
راضين بى قدرهم..
بطل جرسه بس انت اكتب كلامك السمح ده وبراهم بتهافتوا عليك
ما تشفق بلم فى كلامك الطاعم ده ولد حلال وبسلط عليك الضوء..
انت مستعجل الشهرة مالك؟؟
اخوك المشهور جدا داخل المنبر وخال المنبر صديق الموج
شفت التواضع ده..بعدين نحن نبحت فى المنبر ده لينا خمسه
سنه داير يساووك بينا والا كيف لووووووووول
يازول رمضان كريم وفى ناس غتيتين بقروا وبعجبهم الكلام وبلبدو
انت ما تعاين للردود عاين للقراء،،،،
|
Post: #4
Title: Re: بعد اكثر من شهر على انضمامى للمنبر ماهذا ؟
Author: Amira Elsheikh
Date: 08-25-2009, 07:32 PM
Parent: #3
Quote: اخوك المشهور جدا داخل المنبر وخال المنبر صديق الموج
شفت التواضع ده..بعدين نحن نبحت فى المنبر ده لينا خمسه
سنه داير يساووك بينا والا كيف لووووووووول |
كع لع .... والليلة وووب ...ياعمك
مدثر المسالة دى عادية زى الزول بعد يجى فى حى جديد ولا اول يوم يدخل الجامعة
ولا اول مرة يركب طيارة ...
بكون حاسى ببرلمة ووحدة,,,,,ودا طبيعى
والمنبر عضويتو بالالاف يعنى ما ممكن تعرفهم كلهم ولا ممكن كلهم يدخلو ليك فى بوستاتك
ويتابعو مواضيعك من اول مرة كدا..
وطبيعى كل زول عندو ميول تجاه مواضيع محددة وبتعجبو طريقة كتابة بتاعة ناس محديين
وبكون متابعهم .. ودا مابمنع انك تتابع باقى المواضيع لكن برضو ما كلها ..
مثلا انا بعرف صديق الموج بمجرد ما ادخل ممكن اهظر معاهو واكون جادة مع زول اتداخل معاهو
لاول مرة ودى ماعندها علاقة بشلليات ولا يحزنون
المنبر زى الحياة برة انت ممكن يكون عندك اصحابك واخوك برضو اصحابو مختلفين وكلكم فى حلة واحدة
وبتعرفو بعض ودا عند علاقة بالاتجهات والميول بتاعة كل فرد
ياخ انا لى اكتر من سنتين وماقادرة اتابع البورد دا بشكل كويس..
مدثر ماتعقدونا ياخ ....
رمضانك كريم
|
Post: #6
Title: Re: بعد اكثر من شهر على انضمامى للمنبر ماهذا ؟
Author: علاء الدين صالح
Date: 08-25-2009, 08:16 PM
Parent: #4
بت الشيخ
رمضان كريم وتصومي وتفطُري على خير.
Quote: ياخ انا لى اكتر من سنتين وماقادرة اتابع البورد دا بشكل كويس..
|
دة أصلو بورد ولاّ مُسلسل باب الحارة؟
|
Post: #7
Title: Re: بعد اكثر من شهر على انضمامى للمنبر ماهذا ؟
Author: Amira Elsheikh
Date: 08-25-2009, 08:25 PM
Parent: #6
| Quote: دة أصلو بورد ولاّ مُسلسل باب الحارة؟ |
يابرولوم .... انت لسة ما انضبط
ياخ اخير مسلسل باب الحارة...
البورد امرو عجيب وصعب عشان كدا ماتتعبو نفسكم وتفكرو كتير
المواضيع كتيرة ومتجددة و صعب تتابعها كلها ,,,بعد فترة
بتلقى روحك محصور.. مرات فى حتات محددة ومرات بتحاول تنط هنا وهنا
زى نطتى دى فى بوست اخونا مدثر..
والله المسالة بسيطة ياخ انا بعد 6شهور حتى قلت بغم فى البورد دا
ماكنت عارفة زاتو بفتحو بوست كيف؟؟؟تقول شهر؟
تجو اسى تعملو لينا فيها عنصرية وشللية وشنو كدا ماعارفة
ختو الكورة واطة ..
|
Post: #10
Title: Re: بعد اكثر من شهر على انضمامى للمنبر ماهذا ؟
Author: علاء الدين صالح
Date: 08-25-2009, 08:53 PM
Parent: #7
Quote: يابرولوم .... انت لسة ما انضبط
|
أنا بنضَبِط ما عندي مُشكلة..
لكن يا بِت الشيخ تعالي إنتي بِت السودان اللابسة بنطلون جينز دي إسمها منو؟ عشان من هسي دي عايز أحجِز ليها بوست "تضامُن".
صَحي لُبنى قصَّرنا معاها.. لكن دي تَبْ ما بنقصِّر معاها
|
Post: #5
Title: Re: بعد اكثر من شهر على انضمامى للمنبر ماهذا ؟
Author: علاء الدين صالح
Date: 08-25-2009, 07:54 PM
Parent: #1
Quote: بوستات الجنس اللطيف تجد حظ وافر من الردود
والمتابعه!!! |
مُش كدة بالله يا مدثر؟
ياخي الجنس اللطيف ديل حكايتُم حكاية.. لو الواحدة فتحت بوست بى مِس كول ساكت تلقى كمية من البشر اوررررررر جو مُتلِّبين في البوست.. نحن الواحد فينا لو كتب ورقتين فلُسكاب حيقولوا ليك البرلوم جنَّ.
برلوم ورا برلوم كاتمين على ألْبِنـا
حِكمة وآلوها اليوم دول فأرِ دول عكننة
دا حِلمِنا طول عُمرِنا داهية تخمِنا تخمِنا تخِمنا
رمضان كريم وكل عام والجميع بألف خير
|
Post: #8
Title: Re: بعد اكثر من شهر على انضمامى للمنبر ماهذا ؟
Author: بابكر التوم
Date: 08-25-2009, 08:37 PM
Parent: #5
ود الحلة مدثر قرجاج
Quote: القلم والكلمة الرصينه
هم المقياس الحقيقى؟ البرالمه المنضمين الى المنبر حديثا تحتاجون
مجهود عظيم لتشعروا ان المنبر يحتويكم بصدق فعليكم بالصبر... |
هنا مربط الفرس ،،،
واصل وانا على يقين بانك سوف تكون من الاقلام التى سوف يشار اليها بالاجادة ...
وثق بان المتداخلون خال المنبر صديق والاخت الفاضلة اميرة منحوك بكل صدق اشارة المرور الخضراء
واصل ولا تيأس ...
ورمضان كريم
|
Post: #9
Title: Re: بعد اكثر من شهر على انضمامى للمنبر ماهذا ؟
Author: Amira Elsheikh
Date: 08-25-2009, 08:51 PM
Parent: #8
Quote: الاخوة المغتربين الاهل بلغت اللهم فاشهد]
مدثر ياخ حرام عليك والله تعبتنا معاك ساى..
ياخ دا اسى بوست برلوم ؟؟
بوست فيهو ناس متباينين ومختلفين وعدد المداخلين ماهين ...
المشكلة وين ؟؟؟
اهو الزول بطرحو ممكن يجبر الناس على التداخل معاهو
ولا انت داير ال3الف عضو يتداخلو كلهم ..
ياخ انا شكلى اتكلمت كتير فى البوست دا صح؟
|
Post: #11
Title: Re: بعد اكثر من شهر على انضمامى للمنبر ماهذا ؟
Author: علاء الدين صالح
Date: 08-25-2009, 09:02 PM
Parent: #8
Quote: وثق بان المتداخلون خال المنبر صديق والاخت الفاضلة اميرة منحوك بكل صدق اشارة المرور الحمراء
|
الأخ بابكر رمضان كريم
مالَك دار تحبِط الراجِل؟
|
Post: #12
Title: Re: بعد اكثر من شهر على انضمامى للمنبر ماهذا ؟
Author: بابكر التوم
Date: 08-25-2009, 09:18 PM
Parent: #11
الاخ علاء
Quote: أخ بابكر رمضان كريم
مالَك دار تحبِط الراجِل؟ |
شكرا غلطة مطبعية الخضراء .... الخضراء
هى واضحة من الفكرة لك ولمدثر العتبة ...
سوف اقوم بتعديلها بالمداخلة
تصوم وتفطر على خير
|
Post: #13
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-25-2009, 09:25 PM
Parent: #12
| Quote: مرحب بيك واصل كتابتك وستجدني من المتابعين واعتبرني من ألان فرده ياعم ...أيه رايك |
يادكتور حبابك ومن دواعى سرورى
اكون فردتك ياخ
مودتى
|
Post: #14
Title: Re: بعد اكثر من شهر على انضمامى للمنبر ماهذا ؟
Author: Haytham Abdulaziz
Date: 08-25-2009, 10:23 PM
Parent: #1
بسيطة يا مدثر راجع بوست ترحيبك التحت دا و إنت جايي جديد و شوف في ناس كتار
إتجاهلتهم/ن و لم ترد عليهم/ن و منهم من تداخل مرتين و لم ترد له مثل الصحافة30
و هنا في المنبر من أسخف الأشياء تتجاهل زميل/ة ليك في المنبر و لم ترد له في بيتك
و بعداك جيت فتحت بوستات جديدة و شاركت في بوستات زملاء آخرون...
و هذا ما حدث منك لا أدري إذا كان عن قصد أو دون ذلك... راجع البوست تحت:
جئت اليكم بقلمى وحبرى فهل من مرحب؟؟
|
Post: #16
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-26-2009, 09:20 AM
Parent: #14
Quote: مدثر انت اصبر خلى البرالمه لى هسه ما شكوا
راضين بى قدرهم..
بطل جرسه بس انت اكتب كلامك السمح ده وبراهم بتهافتوا عليك
ما تشفق بلم فى كلامك الطاعم ده ولد حلال وبسلط عليك الضوء..
انت مستعجل الشهرة مالك؟؟
اخوك المشهور جدا داخل المنبر وخال المنبر صديق الموج
شفت التواضع ده..بعدين نحن نبحت فى المنبر ده لينا خمسه
سنه داير يساووك بينا والا كيف لووووووووول
يازول رمضان كريم وفى ناس غتيتين بقروا وبعجبهم الكلام وبلبدو
انت ما تعاين للردود عاين للقراء،،،، |
خالنا صديق الموج شكرا ياخ وانت والله دايما منور
البوستات ومافتحت بوست الا ولقيتك موقع توقيع انيق
كعادتك ...والله ماداير الشهرة لكن عايزبن حبة اهتمام
بعدين انا لى سنين طويله بتابع من بره يعنى الحركات
دى ليها زمن
عموما انا حااعمل بنصيحتك واعاين للقراء وننسى الردود
لمن نشوف بحصل شنو؟ طبعا انت مشهور ومادايره كلام
مودتى
|
Post: #17
Title: Re: بعد اكثر من شهر على انضمامى للمنبر ماهذا ؟
Author: عصام علي أحمد
Date: 08-26-2009, 09:42 AM
Parent: #16
مدثرنا حبيبنا
كدي روق اعصابك بعد الافطار بنفس نفسين وبجيييييك راجع
|
Post: #18
Title: Re: بعد اكثر من شهر على انضمامى للمنبر ماهذا ؟
Author: عفاف الصادق بابكر
Date: 08-26-2009, 09:58 AM
Parent: #17
مدثر يا ود قرجاج - كيفنك
تعرف يا أخوي كلنا برالمه هنا جوه المنبر ..
لكن عليك امان الله متابعين البوستات قبل ما ندخل هنا أكتر من أصحابها ..
والغريبه نعرف اصحاب البوستات وعلاقات من طرف واحد (حلوه دي)..
ونفتش عن بوستات وعن ردود ناس حلوين هنا من النوعين ..
والله أنا بالذات حايمه هنا من سنين , البعرس بهنيء , والبموت ليهو زول بعزي
والمسافر بودعه .. واواوااو وحاجات كتيره متابعاها هنا ..
عشان كده لما دخلته ما زعلت وقلته ليييييييه ما رحبوا بي أنا ما قصرته منهم ..
والله في ناس هنا بحب بوستاتهم مروا على بوست ترحيبي مرور الكرام ..
وقال البوست بتاعي أسمو (لكم جميعا خالص التقدير والحب والاحترام) .. أتخيل بس ..
لكن برضوا بحبهم وبحب بوستاتهم .. وما يفوتك قاعد إداخل معاهم ..
تلقاهم بيستغربوا ويقولوا دي جات من وين ..
يا أخوي الحوش واحد أرفع الكلفه وخلي البساط احمدي ..
الناس هنا كلهم أخوان وأخوات .. وما تشيل هم أنت بس أبقى داخل ..
ومرحب بيك (برلومه ترحب بي برلوم) ..
وقشه ما تعتر ليك أدخل هنا وأنت مغمض وأعمل فيها سنير بالاقدميه من الخارج ...
تصوم وتفطر على خير
بت الصادق
|
Post: #19
Title: Re: بعد اكثر من شهر على انضمامى للمنبر ماهذا ؟
Author: Azhari Mohamed
Date: 08-26-2009, 10:10 AM
Parent: #17
مدثر قرجاج يا حبيب
انت كنت فخرا لنا عندما جاء عنوانك في أول اسبوع لاشتراكك بالمنبر من العناوين الرئيسيه للمنبر (عن الاغتراب)
يا حبيب دي ناس قاعدين في المنبر دا بالسنين ما لامين فيها ....أقعد عافية
واصل وافتكر من المفروض ان تضع اهدافك دون الاتفات الي ما يعوق ....فهمتني .....
أمشي بقوة تصل أول الصف ....
عصام علي ابودية اذيك انشاء انت كويس و العقاب كلة تمام ........
(ازهري محمد موسي )
|
Post: #20
Title: Re: بعد اكثر من شهر على انضمامى للمنبر ماهذا ؟
Author: عصام علي أحمد
Date: 08-26-2009, 10:44 AM
Parent: #19
Quote: عصام علي ابودية اذيك انشاء انت كويس و العقاب كلة تمام ........
(ازهري محمد موسي ) |
اووووووووه ابوالزهور ازيك واخبارك ومشتاقين والله
ورمضان كريم
|
Post: #21
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-26-2009, 12:07 PM
Parent: #20
Quote: كع لع .... والليلة وووب ...ياعمك
مدثر المسالة دى عادية زى الزول بعد يجى فى حى جديد ولا اول يوم يدخل الجامعة
ولا اول مرة يركب طيارة ...
بكون حاسى ببرلمة ووحدة,,,,,ودا طبيعى
والمنبر عضويتو بالالاف يعنى ما ممكن تعرفهم كلهم ولا ممكن كلهم يدخلو ليك فى بوستاتك
ويتابعو مواضيعك من اول مرة كدا..
وطبيعى كل زول عندو ميول تجاه مواضيع محددة وبتعجبو طريقة كتابة بتاعة ناس محديين
وبكون متابعهم .. ودا مابمنع انك تتابع باقى المواضيع لكن برضو ما كلها ..
مثلا انا بعرف صديق الموج بمجرد ما ادخل ممكن اهظر معاهو واكون جادة مع زول اتداخل معاهو
لاول مرة ودى ماعندها علاقة بشلليات ولا يحزنون
المنبر زى الحياة برة انت ممكن يكون عندك اصحابك واخوك برضو اصحابو مختلفين وكلكم فى حلة واحدة
وبتعرفو بعض ودا عند علاقة بالاتجهات والميول بتاعة كل فرد
ياخ انا لى اكتر من سنتين وماقادرة اتابع البورد دا بشكل كويس..
مدثر ماتعقدونا ياخ ....
رمضانك كريم |
اميرة والله تحياتى ليك بقوة
وممتن لهذا التضامن المن غير
حدود منك....
والله انا ماقلت كلامى عشان بوستاتى انا
لانو الحمدلله اول بوست فتحتو لقى قبول واسع
ومرو عليهو اكثر من تلاته الف طبعا معظمهم من
خارج المنبر لكن يااميره انا متابع جيد للمنبر
منذ سنوات طويله وهناك الكثير من الاخوان حقوقا مهضومه
مع انهم اقلام جيده وانا بحس بالوحده لمن اخش لى بوست
فاتحو زول تلقاهم كلهم مع بعض اخر هزار ونسه لمن ينسوا
موضوع البوست زاتو...طبعا انا ماحااقدر ارضى الناس كلها
لكن دايرين العداله ويخلونا من التلميع الساكت ده...
وبعدين يااميره ركزى شويه حاتعرفى انو فى شلليات وتكتلات
وبعدين انا عايز ادافع عن حقوق البرالمه الجداد نصبت نفسى
بدون مازول يوكلنى....كلامك جميل واتمنى انو احاسيسى تكون
ماصاح واكون عايش فى دنيا من اوهام خيالى على قول الفنان الزرى
ابراهيم عوض...........مودتى
|
Post: #22
Title: Re: بعد اكثر من شهر على انضمامى للمنبر ماهذا ؟
Author: طارق جبريل
Date: 08-26-2009, 12:08 PM
Parent: #21
ود حينا الجميل
يا زول اكتب نضميك السمح دك
والناس براها بتجيك ناطة في حلقك
انا غايتو شغال كوجين ساااااااااكت
|
Post: #23
Title: Re: بعد اكثر من شهر على انضمامى للمنبر ماهذا ؟
Author: مريم بنت الحسين
Date: 08-26-2009, 12:24 PM
Parent: #22
الاخ مدثر... معليش اعفي لينا... ومرحب بيك بيناتنا
|
Post: #24
Title: Re: بعد اكثر من شهر على انضمامى للمنبر ماهذا ؟
Author: عبدالله كع
Date: 08-26-2009, 12:34 PM
Parent: #23
مدثر ... شهرك مبارك
كلنا في الهوي سوا .. العالم دي كلها دافرة ... خليك دافر معاهم
تصوم وتفطر علي خير
|
Post: #25
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-26-2009, 12:48 PM
Parent: #24
Quote: مُش كدة بالله يا مدثر؟
ياخي الجنس اللطيف ديل حكايتُم حكاية.. لو الواحدة فتحت بوست بى مِس كول ساكت تلقى كمية من البشر اوررررررر جو مُتلِّبين في البوست.. نحن الواحد فينا لو كتب ورقتين فلُسكاب حيقولوا ليك البرلوم جنَّ.
برلوم ورا برلوم كاتمين على ألْبِنـا
حِكمة وآلوها اليوم دول فأرِ دول عكننة
دا حِلمِنا طول عُمرِنا داهية تخمِنا تخمِنا تخِمنا
رمضان كريم وكل عام والجميع بألف خير |
اخونا علاء الدين مرحبتين
اول شى خلينا زملاء كفاح
انا اقدم منك بى كم يوم
كده يعنى دقسته لانو الاولويه لى ...هههههه
الجنس اللطيف ده يااخوى ليهو احكامو يعنى
الزول لو شاف ليهو واحده سمحه برتبك وكان سمع
صوت واحده تانيه حلوه بيضحك براهو والواحد كان
جاتو نمره غريبه ساى فى التلفون بقول يارب تكون
جكس ولمن يفتحوا بوستات تانى مافى زول بشوف شى
غير بوسستيهم ده... ليكم الله انتو اكتب ساكت احتمال
بوستيك تخشو واحده تعمل مداخله معاك تجيب ليك باقى
النمل لمن تقتنع ....
مودتى....
|
Post: #26
Title: Re: بعد اكثر من شهر على انضمامى للمنبر ماهذا ؟
Author: ابو جهينة
Date: 08-26-2009, 12:52 PM
Parent: #25
قرجاج
رمضان كريم
أكتب و لا تنتظر أحدا
ستجد نفسك يوما أنك وسط المعمعة
كلنا مررنا بهذه المرحلة و هو أمر عادي في الإسفير
دمتم
|
Post: #27
Title: Re: بعد اكثر من شهر على انضمامى للمنبر ماهذا ؟
Author: moaz elsir
Date: 08-26-2009, 12:57 PM
Parent: #23
ود قرجاج عليك بالاتي:
1) اعتبر نفسك فى الحلة.
2) ابدأ بكسر التلج للناس خاصة للناس الحلوين.
3) اكتب اي كلام يخطر على بالك بس يكون فى (الغزل).
4) ما تختار مواضيع (بتااني) اختر اية موضوع غير مفيد وشوت .
5) اختار المواضيع البكون معاها صور (حبشيات) مطلوبة شديد.
6) كان عاوز تكتب فى الغناء اكتب عن (الفنانات) ، لكن كان قلت سمير دنيا غناية شديد ما في حد راح يشتغل بيك ، ركز على ناس ندي ، نانسي لانوا سوقهم حاري شديد.
7) ............................
|
Post: #28
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-26-2009, 03:32 PM
Parent: #27
اميرة تانى مرحب بيك الف مرة وشكراعلى كلامك الجميل
والله البوست بتاع المغتربين ده ده انا راضى عنو
لانو الخشوه الناس الحلوين بتاعين المنبر
شاكر جدا ومكتفى بالعدديه والله..
بعدين يااميرة انتى لااتكلمتى كتير ولاشى
نحن لاقينك وين ادينا تانى مداخلتين تلاته
خلى البوست ده يمشى شويه والله منوره
مودتى
|
Post: #29
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-26-2009, 03:40 PM
Parent: #28
Quote: ود الحلة مدثر قرجاج
Quote: القلم والكلمة الرصينه
هم المقياس الحقيقى؟ البرالمه المنضمين الى المنبر حديثا تحتاجون
مجهود عظيم لتشعروا ان المنبر يحتويكم بصدق فعليكم بالصبر...
هنا مربط الفرس ،،،
واصل وانا على يقين بانك سوف تكون من الاقلام التى سوف يشار اليها بالاجادة ...
وثق بان المتداخلون خال المنبر صديق والاخت الفاضلة اميرة منحوك بكل صدق اشارة المرور الخضراء
واصل ولا تيأس ...
|
حبيبنا بابكر حبابك ياخ
شكرا على كلامك السمح وانشاالله الامور تمشى كويس
بس حبينا نعمل نقطة نظام صغيره وانا والله ممنون
للخال صديق والاخت اميرة بهذه الاشارات الخضراء
مودتى
|
Post: #30
Title: Re: بعد اكثر من شهر على انضمامى للمنبر ماهذا ؟
Author: صديق الموج
Date: 08-26-2009, 03:58 PM
Parent: #29
Quote: والله في ناس هنا بحب بوستاتهم مروا على بوست ترحيبي مرور الكرام ..
وقال البوست بتاعي أسمو (لكم جميعا خالص التقدير والحب والاحترام) .. أتخيل بس .. |
عفاف الصادق ....كيفك
يندخرلك وحاتك انا جيت اول زول وجيتك بى فطورى كمان
والبوست قاعد وراجعيه
يعنى عشان ماكان معانا قروش ما ضبحنا ليك جيتى تشيلى حسنا
غايتو الدنيا رمضان ما بداعيك
لكن السويتيها رقدت،،،
|
Post: #31
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 06:00 AM
Parent: #30
Quote: الاخ مدثر....يا زول اكتب "ساكت" و نحن متابعين...و لو مشيت فى موضوع المتداخلين و المتداخلات...حا تتعب "ساكت برضو"
موضوع فى ذات السياق العام
المنبر العام..... و بيت العزابة...... و داخلية البن...ت...و مابينهما.....
صديق القاعد بعيد |
الاخ صديق تحياتى القلبيه
بوستيك جميل ويمس لب القضيه
خلينا نحاول احتمال نقدر نصلح
الحال المايل
مودتى وشكرا على التضامن
|
Post: #32
Title: Re: بعد اكثر من شهر على انضمامى للمنبر ماهذا ؟
Author: Manal Mohamed Ali
Date: 08-27-2009, 06:30 AM
Parent: #31
اها في داعي تجيب اب روحك جنس القص ده
Quote: بسيطة يا مدثر راجع بوست ترحيبك التحت دا و إنت جايي جديد و شوف في ناس كتار
إتجاهلتهم/ن و لم ترد عليهم/ن و منهم من تداخل مرتين و لم ترد له مثل الصحافة30
و هنا في المنبر من أسخف الأشياء تتجاهل زميل/ة ليك في المنبر و لم ترد له في بيتك
و بعداك جيت فتحت بوستات جديدة و شاركت في بوستات زملاء آخرون...
و هذا ما حدث منك لا أدري إذا كان عن قصد أو دون ذلك... راجع البوست تحت:
جئت اليكم بقلمى وحبرى فهل من مرحب؟؟
[AIM] [Yahoo] [Email] [Profile] [Edit] |
الاخ مدثر
عندي اقتراح ...اعملوا رابطة وسموها شلة مهمشي المنبر البرالمة
لانه لو ما ساعدتو بعض ما بتاكلوا عيش مع الديناصورات الهنا ديل
|
Post: #33
Title: Re: بعد اكثر من شهر على انضمامى للمنبر ماهذا ؟
Author: عفاف الصادق بابكر
Date: 08-27-2009, 07:46 AM
Parent: #30
Quote: عفاف الصادق ...كيفك
يندخرلك وحاتك انا جيت اول زول وجيتك بى فطورى كمان
والبوست قاعد وراجعيه
يعنى عشان ماكان معانا قروش ما ضبحنا ليك جيتى تشيلى حسنا
غايتو الدنيا رمضان ما بداعيك
لكن السويتيها رقدت،،، |
صديق الموج - كيفنك
وحات الله كان قاصداك يقصدني رمضان 3 شهور ..
يا أخوي ما تتسرع وراجع البوست بتاعي وردي لي أخوي عثمان رغيم ودفاعي عنك ..
لكن انا أستاهل اندفاعك الشديد ده ..
وانا زاتي الدنيا رمضان كان دعيتك بتوصل طوالي انا بت شيوخ اعمل حسابك ..
مودتي لك ..
|
Post: #34
Title: Re: بعد اكثر من شهر على انضمامى للمنبر ماهذا ؟
Author: خالد عبد الله محمود
Date: 08-27-2009, 09:13 AM
Parent: #33
يا برلوم
أديكـ النجيضة ..
لازم تعمل ليكـ شلة ..
بدون شلة ما حتقدر تعيش في الغابة دي ..
ما تسمع الكلام الدبلوماسي بتاع أميرة الشيخ و صديق الموج ..
صديق الموج ده بالذات ببيعكـ لأقرب طرف توب حايم ... 
خلاف ذلك ما ليك إلا مدرسة صلاح غريبة ...
صلاح غريبة بفتح عشرة بوستات في اليوم و ما بلقي و لا رد واحد و تاني يوم بجي بفتح عشرة بوستات تانية و هلم جرا .... يعني خلي دمكـ بقري بس !!
|
Post: #35
Title: Re: بعد اكثر من شهر على انضمامى للمنبر ماهذا ؟
Author: وليد عبد اللطيف
Date: 08-27-2009, 12:16 PM
Parent: #34
اخونا مدثر قرجاج
معليش اخوك اتشغل شوية
ولكن جاني علا الدين عبيد صاحبك وعملت ليهو عرض سريع عن اعمالك
وقرا الحلقة الاولى والتانية وبيكون بطرفكم نهاية العيد وزي ماوصيتك بالله
______________
علاء الدين صالح
انت في جواي زرعه === وللحزانه تقشي دمعه
ياود قرجاج صاحبك علا الدين صالح ده بالمناسبه شاعر كبير
وهو صديق قديم ايام البغداية (جده )
ومن بوستيك نبعث له كل التحايا
وتصوموا وتفطروا على خير
_____
سلام .. سلام
|
Post: #36
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 12:47 PM
Parent: #35
Quote:
بسيطة يا مدثر راجع بوست ترحيبك التحت دا و إنت جايي جديد و شوف في ناس كتار
إتجاهلتهم/ن و لم ترد عليهم/ن و منهم من تداخل مرتين و لم ترد له مثل الصحافة30
و هنا في المنبر من أسخف الأشياء تتجاهل زميل/ة ليك في المنبر و لم ترد له في بيتك
و بعداك جيت فتحت بوستات جديدة و شاركت في بوستات زملاء آخرون...
و هذا ما حدث منك لا أدري إذا كان عن قصد أو دون ذلك... راجع البوست تحت:
|
والله ياهيثم لقيتك شفت ومتابع
لكن طبعا ماعن قصد لانو ان اصلا
جديد والرديت عليهم والمارديت علبهم عندى زى
بعض يعنى مااتعمدت اعمل كده ...والحصل ده لانو انا
فى نفس الزمن فتحت البوست بتاع المغتربين ولقيت
انو لو رفعت البوست بتاع الترحيب تانى مابتكون
ظريفه لكن كل الناس المارديت عليم كنت منتظر اخش
عليهم فى مداخلات وفعلا بديت اعمل كده ...بعدين ياهيثم
انا ماطرحت هنا بس موضوع ردود فى حاجات كتيره زى الشلليات
وبوستات الجكس ...وبعدين انا لو بتجاهل ماكنت رديت على كل
الناس الخشت لى فى البوست التانى ولا فى شى بجبرنى اخش واعمل
مداخله مع زول لكن بوست الترحيب عندو ظروف خاصه يمكن غلطتى
الانا بعترف بيها انو انا فتحت بوستين فى وقت واحد وهم بعيدات
عن بعض لانو حسيت انو زمن الترحيب انتهى.....عموما شكرا على ملاحظتك
الجميله واخى الصحافة 30 والاخرون تقبلوا اعتذارى لو هم بالجد حاسين
انو انا غلطان
مودتى
|
Post: #37
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 12:52 PM
Parent: #36
Quote: مدثرنا حبيبنا
كدي روق اعصابك بعد الافطار بنفس نفسين وبجيييييك راجع
|
حبيبنا ود حلتنا عصام اشواقنا ليك
رايق والله بس انت ماوريتنى المعسل الخاتى
لى شنو لو بقى عنب مع تفاح دى الروقه زاته
ومستنيك
مودتى
|
Post: #39
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:05 PM
Parent: #37
Quote: مدثر يا ود قرجاج - كيفنك
تعرف يا أخوي كلنا برالمه هنا جوه المنبر ..
لكن عليك امان الله متابعين البوستات قبل ما ندخل هنا أكتر من أصحابها ..
والغريبه نعرف اصحاب البوستات وعلاقات من طرف واحد (حلوه دي)..
ونفتش عن بوستات وعن ردود ناس حلوين هنا من النوعين ..
والله أنا بالذات حايمه هنا من سنين , البعرس بهنيء , والبموت ليهو زول بعزي
والمسافر بودعه .. واواوااو وحاجات كتيره متابعاها هنا ..
عشان كده لما دخلته ما زعلت وقلته ليييييييه ما رحبوا بي أنا ما قصرته منهم ..
والله في ناس هنا بحب بوستاتهم مروا على بوست ترحيبي مرور الكرام ..
وقال البوست بتاعي أسمو (لكم جميعا خالص التقدير والحب والاحترام) .. أتخيل بس ..
لكن برضوا بحبهم وبحب بوستاتهم .. وما يفوتك قاعد إداخل معاهم ..
تلقاهم بيستغربوا ويقولوا دي جات من وين ..
يا أخوي الحوش واحد أرفع الكلفه وخلي البساط احمدي ..
الناس هنا كلهم أخوان وأخوات .. وما تشيل هم أنت بس أبقى داخل ..
ومرحب بيك (برلومه ترحب بي برلوم) ..
وقشه ما تعتر ليك أدخل هنا وأنت مغمض وأعمل فيها سنير بالاقدميه من الخارج ...
تصوم وتفطر على خير
بت الصادق |
عفاف تحياتى الخاصه ليك
وطبعا نحن بقينا مواليد شهر واحد داخل المنبر
يعنى ميلادنا فى البوست قريب من بعض وهو شى اعتز به
لكن ياعفاف انا زيك كده من المتابعين القدامى شديد
لهذا المنبر وماتتخيلى انو كلامى ده كلام زعل بالعكس
انا بس بعكس شعورى للناس على امل نو فى المستقبل الحال
ينعدل الامل ضعيف لكن ده ابدا مابعنى انو نحن حانخلى المنبر لى زول
ده منبرنا ومنبر الجميع ولو الاقدميه بالخارج معناها انا سيد شباب
المنبر لكن اديها صنه بس وخلينا ناخد حقت الداخل انشاالله بالقوة
والله اجمل ترحيب ان يرحب برلوم ببرلومه اوبرلومه ببرلوم
مودتى
|
Post: #38
Title: Re: بعد اكثر من شهر على انضمامى للمنبر ماهذا ؟
Author: وجن
Date: 08-27-2009, 12:56 PM
Parent: #36
أنا شخصياً بقرأ أى حاجة في المنبر دا
سواء شاركت برد أو بغيروا
المهم أضعف الإيمان عندي
أنو كل كتابات الناس الهنا دي بتأثر داخلي سلبي ولا إيجاب
أكتب كمان وكمان
وحكاية شلليات دي آبدا ما معانا
نحن كلنا يد واحدة
بيت واحد
حلة واحدة
وطن واحد
|
Post: #40
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:10 PM
Parent: #38
Quote: مدثر قرجاج يا حبيب
انت كنت فخرا لنا عندما جاء عنوانك في أول اسبوع لاشتراكك بالمنبر من العناوين الرئيسيه للمنبر (عن الاغتراب)
يا حبيب دي ناس قاعدين في المنبر دا بالسنين ما لامين فيها ....أقعد عافية
واصل وافتكر من المفروض ان تضع اهدافك دون الاتفات الي ما يعوق ....فهمتني .....
أمشي بقوة تصل أول الصف ....
عصام علي ابودية اذيك انشاء انت كويس و العقاب كلة تمام ........
(ازهري محمد موسي |
حبيبنا ابو الزهور تحياتى القلبيه
شكرا لكلامك الجميل وهو يشعرنى بمزيحا من الفرح
والله ياازهرى نحن حانواصل دون انقطاع لو ربنا شاء
بس حبينا نقول كل شى هنا فى المنبر حتى احاسيسنا
الخاصه جدا وانشاالله الامور تمشى تمام...
مودتى الاكيده
|
Post: #41
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:17 PM
Parent: #40
Quote: ود حينا الجميل
يا زول اكتب نضميك السمح دك
والناس براها بتجيك ناطة في حلقك
انا غايتو شغال كوجين ساااااااااكت |
الريس حبابك ياخ شكرا على المجامله الحلوة
والله ضحكتنى بكلمة كوجين دى لا ياخى نحن بننتظر
حاجاتك الحلوة فى المنبر من بدرى خصوصا شغل الليل
داك كلو كنت بسجلوا ومرات بوستاتك تفرحنى شديد
ومرات تتعبنا وفى الحالتين عيشتنا الشجن
عليك الله فى احلى من كده....
مودتى
|
Post: #42
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:20 PM
Parent: #41
| Quote: الاخ مدثر... معليش اعفي لينا... ومرحب بيك بيناتنا |
الاخت مريم شكرا ياخ
والله عافى ليك
من دواعى سرورى اكون بيناتكم
مودتى
|
Post: #44
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:23 PM
Parent: #42
Quote: مدثر ... شهرك مبارك
كلنا في الهوي سوا .. العالم دي كلها دافرة ... خليك دافر معاهم
تصوم وتفطر علي خير |
ولدنا كع رمضان كريم عليك
والله ياعبد الله جنس دفر حايكون
غبار فوق لمن نشوف اخرتا شنو؟
مودتى
|
Post: #43
Title: Re: بعد اكثر من شهر على انضمامى للمنبر ماهذا ؟
Author: Azhari Mohamed
Date: 08-27-2009, 01:22 PM
Parent: #38
Quote: مدثر قرجاج يا حبيب
انت كنت فخرا لنا عندما جاء عنوانك في أول اسبوع لاشتراكك بالمنبر من العناوين الرئيسيه للمنبر (عن الاغتراب)
يا حبيب دي ناس قاعدين في المنبر دا بالسنين ما لامين فيها ....أقعد عافية
واصل وافتكر من المفروض ان تضع اهدافك دون الاتفات الي ما يعوق ....فهمتني .....
أمشي بقوة تصل أول الصف .... |
| Quote: (ازهري محمد موسي ) |
مدثر قرجاج مر مرور الكرام علي الرد اعلاه -المتداخل الوحيد الما لقي رد
مدثر جاب الكلام لي نفسة
|
Post: #45
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:27 PM
Parent: #43
Quote: قرجاج
رمضان كريم
أكتب و لا تنتظر أحدا
ستجد نفسك يوما أنك وسط المعمعة
كلنا مررنا بهذه المرحلة و هو أمر عادي في الإسفير
دمتم |
ابوجهينة رمضان كريم عليك ولك الود
والله حانكتب حتى لو قرا زول واحد كفايه
شكرا على كلماتك
مودتى
|
Post: #46
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:33 PM
Parent: #45
Quote: قرجاج عليك بالاتي:
1) اعتبر نفسك فى الحلة.
2) ابدأ بكسر التلج للناس خاصة للناس الحلوين.
3) اكتب اي كلام يخطر على بالك بس يكون فى (الغزل).
4) ما تختار مواضيع (بتااني) اختر اية موضوع غير مفيد وشوت .
5) اختار المواضيع البكون معاها صور (حبشيات) مطلوبة شديد.
6) كان عاوز تكتب فى الغناء اكتب عن (الفنانات) ، لكن كان قلت سمير دنيا غناية شديد ما في حد راح يشتغل بيك ، ركز على ناس ندي ، نانسي لانوا سوقهم حاري شديد.
7) ............................
|
اخوى معاذ رمضان كريم عليك
والله لكن وصفتك سحريه والله بالجد
لو انا عملت بيها حااكون نمره واحد
عديل وبوستاتى الناس حاياكلوه اكل
والله ضحكتنى وضحكنى ايضا حال المنبر
انا زاتو غلطان من البدايه كان اخش
المنبر باسم لميس مثلا كان هسه اخوك
بفى اشهر زول لكن تقول شنو دقسته
مودتى الاكيده
|
Post: #47
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 01:51 PM
Parent: #46
Quote: اها في داعي تجيب اب روحك جنس القص ده
Quote: بسيطة يا مدثر راجع بوست ترحيبك التحت دا و إنت جايي جديد و شوف في ناس كتار
إتجاهلتهم/ن و لم ترد عليهم/ن و منهم من تداخل مرتين و لم ترد له مثل الصحافة30
و هنا في المنبر من أسخف الأشياء تتجاهل زميل/ة ليك في المنبر و لم ترد له في بيتك
و بعداك جيت فتحت بوستات جديدة و شاركت في بوستات زملاء آخرون...
و هذا ما حدث منك لا أدري إذا كان عن قصد أو دون ذلك... راجع البوست تحت:
جئت اليكم بقلمى وحبرى فهل من مرحب؟؟
[AIM] [Yahoo] [Email] [Profile] [Edit]
الاخ مدثر
عندي اقتراح ...اعملوا رابطة وسموها شلة مهمشي المنبر البرالمة
لانه لو ما ساعدتو بعض ما بتاكلوا عيش مع الديناصورات الهنا ديل |
اختنا منال تحياتى ليك
ده ماقص ولاشى هو بستفسر ونحن وريناهو الحصل ده لشنو
بعدين يامنال نحن ممكن نعمل رابطه لكن ابدا ماممكن
نسميها المهمشين ..لانو المنبر ده ماحق الديناصورات ديل
فى ناس كتار جدا بتقرا من الخارج وبيكون نفسهم يعملو مداخله
لكن مابيلقو باص ويرد ونحن يكفينا هذا الاحساس بعدين اشارطك
انو البرالمه ديل حايكونو اسياد المنبر لانو المنبر ليه سنين
عايز دماء جديده وناس ينفخو فيه الروح والكثيرون يراهنون عليهم
بعدين والله انا ماشايف لى ديناصورات الموضوع كلو فى ناس بتعرف بعض
من زمان مشكلين لوبى داخل المنبر لكن بدون مضمون ومااسهل ان الزول
يشكل مثل هذه التجمعات وانا بوعدك انو حايكون فى بدل رابطة رابط قوى
بين البرالمه يكون اول شى سند للمنبر ثم من بعد ذلك سند لبعضهم البعض
مودتى الاكيده واطمنى يامنال
|
Post: #48
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 02:01 PM
Parent: #47
Quote: أنا شخصياً بقرأ أى حاجة في المنبر دا
سواء شاركت برد أو بغيروا
المهم أضعف الإيمان عندي
أنو كل كتابات الناس الهنا دي بتأثر داخلي سلبي ولا إيجاب
أكتب كمان وكمان
وحكاية شلليات دي آبدا ما معانا
نحن كلنا يد واحدة
بيت واحد
حلة واحدة
وطن واحد |
وجن حبابك الف
المنبر فيه اخوة مابخلو شارده او وارده
ويمرو عليها ....انشاالله نكتب كمان وكمان
ونتمنى نكون يد واحده
شكرا لكلماتك الجميله احسها صادقه
|
Post: #49
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 02:14 PM
Parent: #48
Quote: مدثر قرجاج يا حبيب
انت كنت فخرا لنا عندما جاء عنوانك في أول اسبوع لاشتراكك بالمنبر من العناوين الرئيسيه للمنبر (عن الاغتراب)
يا حبيب دي ناس قاعدين في المنبر دا بالسنين ما لامين فيها ....أقعد عافية
واصل وافتكر من المفروض ان تضع اهدافك دون الاتفات الي ما يعوق ....فهمتني .....
أمشي بقوة تصل أول الصف ....
Quote: (ازهري محمد موسي )
مدثر قرجاج مر مرور الكرام علي الرد اعلاه -المتداخل الوحيد الما لقي رد
مدثر جاب الكلام لي نفسة |
ياازهرى ياحبيبنا سلامت نظرك
كده ارجع وركز تانى حاتلقانى رديت
شنو ياابو الزهور الكبر شكلو خشه
مودتى تانى وتالت ورابع
|
Post: #50
Title: Re: بعد اكثر من شهر على انضمامى للمنبر ماهذا ؟
Author: رأفت ميلاد
Date: 08-27-2009, 02:21 PM
Parent: #49
مدثر قرجاج
حبابك ورمضان كريم
آسف على عدم الترحيب .. الدخلة بقت قاسية يادوب تشوف ليك بوست بوستين ساكيهم وتفرتق ..
لكن عندى ليك طريقة سريعة للدخول .. شوف ليك زول منتشر وأفرد ليه بوست شكلة ..
وعشان ما تطلع بخساير أرشح ليك ود الصايم .. بلم الجكس فيك وما بزعل ..
مرحب بيك كتير
|
Post: #52
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 06:09 PM
Parent: #51
Quote: يا برلوم
أديكـ النجيضة ..
لازم تعمل ليكـ شلة ..
بدون شلة ما حتقدر تعيش في الغابة دي ..
ما تسمع الكلام الدبلوماسي بتاع أميرة الشيخ و صديق الموج ..
صديق الموج ده بالذات ببيعكـ لأقرب طرف توب حايم ...
خلاف ذلك ما ليك إلا مدرسة صلاح غريبة ...
صلاح غريبة بفتح عشرة بوستات في اليوم و ما بلقي و لا رد واحد و تاني يوم بجي بفتح عشرة بوستات تانية و هلم جرا .... يعني خلي دمكـ بقري بس !! |
ياخالد كيفنك ياخ عساك طيب
والله ضحكتنى ياخ قلت لى الموضوع
فيه بيع لكن انا بدل اعمل لى شله
والف اللفه الطويله دى يااخوى مااكسب
ناس التياب ديل واخليهم قريبين منى
الباقين بجو جارين جرى والله فكره حلوه
مودتى........
|
Post: #53
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 06:18 PM
Parent: #52
Quote: مدثر قرجاج
حبابك ورمضان كريم
آسف على عدم الترحيب .. الدخلة بقت قاسية يادوب تشوف ليك بوست بوستين ساكيهم وتفرتق ..
لكن عندى ليك طريقة سريعة للدخول .. شوف ليك زول منتشر وأفرد ليه بوست شكلة ..
وعشان ما تطلع بخساير أرشح ليك ود الصايم .. بلم الجكس فيك وما بزعل ..
مرحب بيك كتير |
رأفت رمضان كريم عليك وترحيبك وصل ياسيدى
والله اقتراحك حلو شديد كمان ماتقول انا شكال
لكن يارأفت شايف كل الاقتراحات الاتقدمت لى موضوع
الجكس ده اساسى فيها عشان كده الواحد جاتو فكرة
يختصر بيها الموضوع ده...لكن ماقلت لى اقول شنو لى
ود الصايم.........
مودتى
|
Post: #54
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-27-2009, 06:27 PM
Parent: #53
Quote: اخونا مدثر قرجاج
معليش اخوك اتشغل شوية
ولكن جاني علا الدين عبيد صاحبك وعملت ليهو عرض سريع عن اعمالك
وقرا الحلقة الاولى والتانية وبيكون بطرفكم نهاية العيد وزي ماوصيتك بالله
______________
علاء الدين صالح
انت في جواي زرعه === وللحزانه تقشي دمعه
ياود قرجاج صاحبك علا الدين صالح ده بالمناسبه شاعر كبير
وهو صديق قديم ايام البغداية (جده )
ومن بوستيك نبعث له كل التحايا
وتصوموا وتفطروا على خير
_____
|
حبيبنا وليد ولد بحرى النديه
حيث يسكن القلب وتتعانق الارواح
والله ياوليد بس خليهو يجى بجيهو ليك
زى ماانت عايز كمان بعد رمضان حلو شديد
اوعدك انو لمن يرجع ليك حايكون زول تانى
عليك الله بلغوا اشواقنا القلبيه وقول ليهو الجكس
مواليد سنة 92 وو93 و94 يملئون الدنيا هنا فرح والق
وحنان من نوع خاااص.......
التحيه لى علاء الدين صالح وبقول ليه رمضان كريم عليك
مودتى ياوليد ورمضان كريم
|
Post: #55
Title: Re: بعد اكثر من شهر على انضمامى للمنبر ماهذا ؟
Author: Adam Omer
Date: 08-27-2009, 06:58 PM
Parent: #54
الاخ مدثر رمضان كريم
أولا اذا كنت عاوز تفتح بوست فى أسمهاالمسح الميدانى.
تقوم بى مسح شــامل على المنبر حتى تتفادى الالقام!
من نوع بوستات الناظر ود هبانى. واذا وجت نوع البستات دى .
معناتا دى اعصار أندرو.
وكان داير بستات الشهرة ما عليك ............كدى أدخل شوف الرابط دا
Post: #56
Title: Re: بعد اكثر من شهر على انضمامى للمنبر ماهذا ؟
Author: خالد علي محجوب المنسي
Date: 08-27-2009, 07:10 PM
Parent: #55
Quote: اعانى من احساس بالوحده داخل المنبر
احس ان هناك تكتلات قديمه من الصعوبه
بمكان اختراقها ..
هنالك القاب داخل المنبر غريبه جدا |
أفو دا كلام شنو يا زول
ما نحن منجمين تحت شديراتنا في الإنجمامة تعال لينا وإنجم عندنا ومن هناك إنطلق
مرحب حبابك يا الحبيب بيننا في إنجمامتنا
قف
إت يا زول ناس سليمان قرجاج أهلك ( ناس شندي )
ولا اسم قافيب ساكت
تحياتي ومودتي أخي قرجاج
|
Post: #57
Title: Re: بعد اكثر من شهر على انضمامى للمنبر ماهذا ؟
Author: Kamal Karrar
Date: 08-27-2009, 10:49 PM
Parent: #56
يا مدثر يا قريبي
كل سنة وأنت بألف خير,,,
والله يا مدثر من ناحية البورد والشللية.. دي حقيقة...
يعني لابد منها زي الواسطة في الخدمة المدنية الآن...
يعني الواحد يكون بشهادته التي يمكن أن تبز كل الشهادات
لكن لابد من فيتامين "واو" مع إنو أصلا ما محتاجو
ده بالضبط الحاصل في البورد.. وده نتاج تقافة
سودانية معقدة ورثناها جيلا بعد جيل...
التجزب والعصبية تلقي بظلال لا أقول وريفة ولكن "بغيضة"
يعني زمان الواحد يلاقي ولد حلتو... في شكلة
ما بيهموا إنو الغلطان منو.. بس يتدخل ويصبح جزء من الكبسيبة..
ده الحاصل هنا... لكن زي ما قال ليك ود البوب.. أنت أكتب
وما يهمك.. الناس في الغالب بتقرأ.. لكن مسألة التعليق دي
ياها الخاضعة على نحو مخل على الشللية.. عشان كده يا قريبي
أنت أسكت أكتب.. وفي مخيلتك إنو مرات السكوت ربما يكون
أصدق تعليق وأبلغ تعبير..
هسع كدي رد على ود المنسي ده خلينا نعمل لينا شلة... ههههههههههه
تحياتي
|
Post: #58
Title: Re: بعد اكثر من شهر على انضمامى للمنبر ماهذا ؟
Author: نادر الفضلى
Date: 08-28-2009, 04:54 AM
Parent: #57
الأخ مدثر قرجاج
سلام و رمضان كريم
ومرحب بيك و بالبرلومين علاء صالح وعفاف الصادق
بالمناسبة إنتو برالمة ما عندكم عوجة .. جايين متمرسين
و بعد ما يتم تصنيفكم .. بتوقع ليكم رواج و ناسات كتار
أتمنى أن يطيب لكم المقام
وجن قالت بتقرأ كل حاجة .. تراقب و تقيم
بكرى مفروض يستفيد منها فى الإدارة
|
Post: #59
Title: Re: بعد اكثر من شهر على انضمامى للمنبر ماهذا ؟
Author: Azhari Mohamed
Date: 08-28-2009, 02:58 PM
Parent: #58
مدثر يا حبيب
والله المرة الاولي ما لقيت رد قلت مدثر كبر ولا شنو بس بيني وبينك استحيت يعني لو انت كبرت صبحي عوض بلال يبقي شنو
تحياتي للجميع
بوستك جمعنا بي عصام علي بعد طول فراق (دي براها حسنه)
مدثر واصل وشايفك كده حتكون من فرسان المنابر ....واصل ونشد من ازرك
|
Post: #60
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-30-2009, 09:19 AM
Parent: #59
Quote: رمضان كريم
لصاحب البورد وزواره
من الجداد والقدامي
الزعلانين والمبسوطين
المتشائمين والمتفائلين
بوجودهم في البورد
عضويتنا في البورد وخبرتنا البسيطة عن البورد طلعنا بالاتي:
كيف تكون نجمآ فى البورد
كيف تكون نجمآ في البورد......الجزءالثانى
كيف تكون نجمآ في البورد...الجزءالثالث
حكمة اليوم
النجومية في البورد ليس بالأقدمية لكن بالعطائية |
اخونا بلير سلامات ومرحب بيك
والله بوستيك رهيب وشكلك فاهم
القصه من زمان خالص بس بينى
وبينك فى نجوميه كده طالقه دربها
سااااكت....
محبتى الاكيده
|
Post: #61
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-30-2009, 09:34 AM
Parent: #60
Quote: الاخ مدثر رمضان كريم
أولا اذا كنت عاوز تفتح بوست فى أسمهاالمسح الميدانى.
تقوم بى مسح شــامل على المنبر حتى تتفادى الالقام!
من نوع بوستات الناظر ود هبانى. واذا وجت نوع البستات دى .
معناتا دى اعصار أندرو.
وكان داير بستات الشهرة ما عليك ............كدى أدخل شوف الرابط دا
Quote: (شهاده لله) لمن لايعرفون سعاده الفريق اول صلاح قوش]
|
اخونا ادم رمضان كريم عليك وتصوم وتفطر على خير
والله دخلت شوفت الرابط بوست عجيب وفيه صواريخ ارض جو
غايتو ربنا يستر ...والله حكاية المسح الميدانى دى صعبه
خلاص لكن نحاول غايتو تحاشيا للالغام....
مودتى
|
Post: #62
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-30-2009, 10:37 AM
Parent: #61
Quote: Quote: اعانى من احساس بالوحده داخل المنبر
احس ان هناك تكتلات قديمه من الصعوبه
بمكان اختراقها ..
هنالك القاب داخل المنبر غريبه جدا
أفو دا كلام شنو يا زول
ما نحن منجمين تحت شديراتنا في الإنجمامة تعال لينا وإنجم عندنا ومن هناك إنطلق
مرحب حبابك يا الحبيب بيننا في إنجمامتنا
قف
إت يا زول ناس سليمان قرجاج أهلك ( ناس شندي )
ولا اسم قافيب ساكت
تحياتي ومودتي أخي قرجاج |
اخوى خالد شكرا على كلامك الحلو
وترحيبك الجميل وانا طبعا بعرفك
من ايام شندى مدينتى التى احبها
كان بوست جميل جدا
سليمان قرجاج ده عمى عديل كده اخو ابوى
وناس الجعلى برضو اهلى يعنى شندى تحتضن
كل اهلنا الحنان
مودتى الاكيده
|
Post: #63
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-30-2009, 10:47 AM
Parent: #62
Quote: يا مدثر يا قريبي
كل سنة وأنت بألف خير,,,
والله يا مدثر من ناحية البورد والشللية.. دي حقيقة...
يعني لابد منها زي الواسطة في الخدمة المدنية الآن...
يعني الواحد يكون بشهادته التي يمكن أن تبز كل الشهادات
لكن لابد من فيتامين "واو" مع إنو أصلا ما محتاجو
ده بالضبط الحاصل في البورد.. وده نتاج تقافة
سودانية معقدة ورثناها جيلا بعد جيل...
التجزب والعصبية تلقي بظلال لا أقول وريفة ولكن "بغيضة"
يعني زمان الواحد يلاقي ولد حلتو... في شكلة
ما بيهموا إنو الغلطان منو.. بس يتدخل ويصبح جزء من الكبسيبة..
ده الحاصل هنا... لكن زي ما قال ليك ود البوب.. أنت أكتب
وما يهمك.. الناس في الغالب بتقرأ.. لكن مسألة التعليق دي
ياها الخاضعة على نحو مخل على الشللية.. عشان كده يا قريبي
أنت أسكت أكتب.. وفي مخيلتك إنو مرات السكوت ربما يكون
أصدق تعليق وأبلغ تعبير..
هسع كدي رد على ود المنسي ده خلينا نعمل لينا شلة... ههههههههههه
تحياتي |
ود اهلى كمال حبابك الف ياخ
والله قلت الحقيقه تب ومادسيت شى
وانت ليك سنوات بالمنبر وكلامك صاح
شكلو الناس اتعودت على كده وبقت امور
عاديه بس كمان مايلمعوا لينا ناس ساكت
ونحن انشالله بس حانكتب لمن نشوف البحصل شنو؟
.......................................
ود المنسى ده جيهتو ليك ...وشكلو معالم الشله
بتاعتنا بدأت تضح لكن ياكمال يااخوى داير ليها شوية
جكس عشان شلتنا تكتسح باقى الشلليات وبينى وبينك بطعموها
ولا شنو ههههههههههههههه!!
مودتى
|
Post: #64
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-30-2009, 12:26 PM
Parent: #63
Quote: الأخ مدثر قرجاج
سلام و رمضان كريم
ومرحب بيك و بالبرلومين علاء صالح وعفاف الصادق
بالمناسبة إنتو برالمة ما عندكم عوجة .. جايين متمرسين
و بعد ما يتم تصنيفكم .. بتوقع ليكم رواج و ناسات كتار
أتمنى أن يطيب لكم المقام
وجن قالت بتقرأ كل حاجة .. تراقب و تقيم
بكرى مفروض يستفيد منها فى الإدارة |
يانادر رمضان كريم عليك
وشكرا على مجاملتك الجميله وترحيبك الحار
بس التصنيف ده كيف يعنى والبصنف منو يعنى
تشوف الزول مؤتمر وطنى ولا الحكايه شنو؟
شكرا على توقعاتك وانشالله نكون عند حسن الظن
مودتى
|
Post: #65
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-30-2009, 11:26 PM
Parent: #64
Quote: مدثر يا حبيب
والله المرة الاولي ما لقيت رد قلت مدثر كبر ولا شنو بس بيني وبينك استحيت يعني لو انت كبرت صبحي عوض بلال يبقي شنو
تحياتي للجميع
بوستك جمعنا بي عصام علي بعد طول فراق (دي براها حسنه)
مدثر واصل وشايفك كده حتكون من فرسان المنابر ....واصل ونشد من ازرك |
ابو الزهور ياخى عيونى ليك عشان تعاين بيها
بعدين انت لسه شباب وصبحى عوض بلال ماعندو عوحه
لحدى هسه بيجرى ويتمرن
مودتى الاكيده
|
Post: #66
Title: Re: بعد اكثر من شهر على انضمامى للمنبر ماهذا ؟
Author: عبدالله شمس الدين مصطفى
Date: 08-31-2009, 00:03 AM
Parent: #65
أها يا مدثر بعد كده ما عندك كلام،
فالكثيرين من زوار بوستك هذا من
السناير المخضرمين والفطاحلة.
إنت ذااااتك بقيت زى الجكس الناس
تهافتت على بوسك، أها شنو ليك.
مرحب بيك يا رجل، ورمضان كريم عليك.
|
Post: #67
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-31-2009, 00:29 AM
Parent: #66
Quote: أها يا مدثر بعد كده ما عندك كلام،
فالكثيرين من زوار بوستك هذا من
السناير المخضرمين والفطاحلة.
إنت ذااااتك بقيت زى الجكس الناس
تهافتت على بوسك، أها شنو ليك.
مرحب بيك يا رجل، ورمضان كريم عليك
|
اخونا عبد الله رمضان كريم عليك
وممتن لكلماتك الجميله وفعلا كان تضامن حلو من السناير
لكن يااخوى انا التهافت على مازى الجكس لانو داك بتهافت
عليهم اسراب وانا يادوب ناس رايعين زيكم بعدين انا لاقى ليهم
العذر لانو الجكس برضو ليهو احكامو..
مودتى
|
Post: #68
Title: Re: بعد اكثر من شهر على انضمامى للمنبر ماهذا ؟
Author: ذواليد سليمان مصطفى
Date: 08-31-2009, 00:41 AM
Parent: #66
خلى البرلمة
قبل ما ينط فيك
تبلدينا واخرون..............؟
انت لو عائز حركات حتشوف
اما جريت خليت المنبر اما صمدته
|
Post: #69
Title: Re: بعد اكثر من شهر على انضمامى للمنبر ماهذا ؟
Author: Haydar Badawi Sadig
Date: 08-31-2009, 01:45 AM
Parent: #68
الأخ الكريم مدثر،
تحياتي وتقديري،
ومرحباً بك عضواً فاعلاً في هذا المنبر الحر،
الذي يجب أن تكون الكلمة الرصينة الصادقة
فيه هي الداعي الأساس للقراءة والتعليق.
|
Post: #70
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-31-2009, 07:09 PM
Parent: #69
Quote: خلى البرلمة
قبل ما ينط فيك
تبلدينا واخرون..............؟
انت لو عائز حركات حتشوف
اما جريت خليت المنبر اما صمدته |
تبلدينا ده منو يااخوى شجرة ولا شنو؟
انا المنبر ده الا اخليه براى كده لكن زول بفوتنا منو مافى
يعنى تبلدينا مثلك الاعلى ده شايل سيف ولا كيبورد زينا لو شايل
سيف كلمنا عشان نعمل حسابنا لكن لو كيبورد خليهو اليجى ومعه اخرون
لو لزم الامر
|
Post: #71
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 08-31-2009, 07:12 PM
Parent: #70
Quote: الأخ الكريم مدثر،
تحياتي وتقديري،
ومرحباً بك عضواً فاعلاً في هذا المنبر الحر،
الذي يجب أن تكون الكلمة الرصينة الصادقة
فيه هي الداعي الأساس للقراءة والتعليق |
اخونا حيدر رمضان كريم عليك
شكرا على ترحيبك الجميل الراقى
وزى ماقلت هنا الكلمه هى الفيصل وليس
الامور التانيه
لك كل الود
|
Post: #72
Title: Re: بعد اكثر من شهر على انضمامى للمنبر ماهذا ؟
Author: معاوية عوض الكريم
Date: 08-31-2009, 10:04 PM
Parent: #71
دا الكلام الصاح
Quote: بدون شلة ما حتقدر تعيش في الغابة دي ..
|
واعمل بى نصيحة عمكـ دي
وخش هنا نصائح هامه للاعضاء الجدد
وسجل عندكـ ( شلة ابو الدقيق )
1/ معاوية عوض الكريم
ودعوة للاعضاء للانضمام
|
Post: #74
Title: Re: بعد اكثر من شهر على انضمامى للمنبر ماهذا ؟
Author: علاء الدين صالح
Date: 09-01-2009, 01:32 AM
Parent: #58
Quote: ومرحب بيك و بالبرلومين علاء صالح وعفاف الصادق
بالمناسبة إنتو برالمة ما عندكم عوجة .. جايين متمرسين |
الأخ نادر الفضلي
كل عام وانتَ بألف خير وشكراً على الترحيب وكُلَّك ذوق
Quote:
و بعد ما يتم تصنيفكم .. بتوقع ليكم رواج و ناسات كتار
|
كدي خلِّيك من تصنيفنا وصنِّف ليْ "ناسات" دي وبعدين بنتفاهَم
نِمرة اتنين: رواج دي كان ختيت فوقا نُقطة، الله بيحاسبَك؟
|
Post: #73
Title: Re: بعد اكثر من شهر على انضمامى للمنبر ماهذا ؟
Author: علاء الدين صالح
Date: 09-01-2009, 01:13 AM
Parent: #35
Quote: علاء الدين صالح
انت في جواي زرعه === وللحزانه تقشي دمعه
ياود قرجاج صاحبك علا الدين صالح ده بالمناسبه شاعر كبير
وهو صديق قديم ايام البغداية (جده )
ومن بوستيك نبعث له كل التحايا
|
أخونا وحبيبنا وليد عبد اللطيف ود بحري
رمضان كريم وتصوموا وتفطُروا على خير
ياخي والله ليك وحشة وشوق
أكلِّم مدثر أقول ليهو وليد حَرَق لينا 12 حلَّة كوارِع.. ولاّ مافي داعي؟
|
Post: #75
Title: Re: بعد اكثر من شهر على انضمامى للمنبر ماهذا ؟
Author: بهاء بكري
Date: 09-01-2009, 01:58 AM
Parent: #73
الاخ مدثر ........ سلام ورمضان كريم
الف مرحب بيك
الاخ الجريفاوي او محمد حسبو قال مامعناه يوجد هذا المنبر في العالم وليس العكس
اها دي اكبر حكمة قيلت في حق المنبر
مودتي
|
Post: #76
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 09-01-2009, 11:35 PM
Parent: #75
Quote: دا الكلام الصاح
Quote: بدون شلة ما حتقدر تعيش في الغابة دي ..
واعمل بى نصيحة عمكـ دي
وخش هنا نصائح هامه للاعضاء الجدد
وسجل عندكـ ( شلة ابو الدقيق )
1/ معاوية عوض الكريم
ودعوة للاعضاء للانضمام |
معاويه مرحب بيك
انشاالله كل المنبر حانبقيهو شلتنا
ولو فشلنا بنخليهو
رمضان كريم
|
Post: #77
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 09-01-2009, 11:38 PM
Quote: أخونا وحبيبنا وليد عبد اللطيف ود بحري
رمضان كريم وتصوموا وتفطُروا على خير
ياخي والله ليك وحشة وشوق
أكلِّم مدثر أقول ليهو وليد حَرَق لينا 12 حلَّة كوارِع.. ولاّ مافي داعي؟ |
علاء الدين كيفنك
كلمنى ياخ بحريق الحلل دى لو ماداير تقول هنا
بستناك فى رساله خاصه
مودتى
|
Post: #78
Title: Re: بعد اكثر من شهر على انضمامى للمنبر ماهذا ؟
Author: مدثر قرجاج
Date: 09-01-2009, 11:42 PM
Parent: #77
Quote: الاخ مدثر ........ سلام ورمضان كريم
الف مرحب بيك
الاخ الجريفاوي او محمد حسبو قال مامعناه يوجد هذا المنبر في العالم وليس العكس
اها دي اكبر حكمة قيلت في حق المنبر
مودتي |
الاخ بهاء رمضان كريم عليك
شكرا للترحيب الحار
حكمه جميله ومحمد حسبو زول جميل
مودتى
|
|
|
|