Post: #1
Title: بعد منتصف الموت....
Author: ibrahim kojan
Date: 08-24-2009, 08:25 PM
Parent: #0
(تذّكّر اليوم الّذي إلتقي فيه بليلي, إعتلي مٌضغةِ ذلك الحلم لبرهةٍ ثُمّ دار حول نفسهِ لدقائقَ جديرة بالتدقيق في ثناياها الحُلم, مطّ شفتيه, ثُمّ نادي نفسه كأنه خارجاً إطارها).
عصام عبدالكريم اَدم....
العمر خمسة وعشرين عاماً مملّحة بالتعب ووالد ميت, وأُم أرضعته حتّي الثالثه من عمره. ساعدته علي إرتداء ملابسه, غنّتْ له أغاني الأطفال, وعندما بلغ الحُلمَ أ وصّته علي نفسه وأن يتجنّب (بنات الحرام). فقد كان يتمتّع بعينين واسعتين وجسد قوي, بفعل عمله في المزارع, وإبتسامه وضّاءة ينعكس ضوء الشّمس علي بياض أسنانه, فيبرق بها الفتيات والنِّساء والرِّجال علي حدٍّ سواء. وكثيراً ما يكون زائراً ليّناً للفتيات المراهقات أثناء نومهن, فيكتشفن شيئاً من أُنوثتهن, يجعل خدودهن محمرّةً فيضربن من الحياء خمارات مُشرقةً تجعل وجه الشّمس خدِراً حتّي مغيبها.
الرتبه جندي لا ينتظر من العالم إلاّ موت قد يأتي في أي لحظة. ولولا تلك (الكشّه) التي باغتت القريه والقري المجاوره لكان الاَن في أحضان ليلي ذات النسيم الصباحي. فقد أتي جنود الحكومه الرّسميين, صنعوا منهم صفّاً واحداً, ثُمّ تقدّم الضابط المسئول, أخذ في فحص الجميع حتّي الشّيوخ والنِّساء والأطفال والأبقار والدجاج والأغنام, لم يسلم مخلوق من عينيه الفاحصتان, كان ذلك في تمام السّابعه صباحاً وقبل حلب البقر بقليلٍ. أخرجوا القريه كٌلّها, وضعوهم في لوارٍ ضخمه, كان عددها خمس, ووضعوا الحيوانات في مركبة أخري وقالوا لهم إنّها الحرب التي لا ينجوا منها أحد حتّي الحيوانات, إذ أنّها ستكون طعامهم أثناء فترة التدريب, والتي إمتدت لثلاثة عشر أسبوعٍ كاملات. بعدها كانوا جنوداً جاهزين للموت.
عضّ علي المُتبقي من الإفطار الصّباحي, المكوّن من الخبز الجّاف الذّي تفوح منه رائحة الحريق والأتربه والعفن. وبقايا الفطريات, التي نبتت علي صفحة الخبز وتتمدد حتّي الأطراف الدُّنيا من وجهه, فأصبح وجهه كأنّه إنعكاس مائي للخبز, ولبرهةٍ إمتدّت لسبعِ دقائق كاملاتٍ قضاها في مضغ الخبز الذي يكاد يٌدمي فمه, ثُمّ إبتلعه بصوتٍ عالٍ كدواءٍ من الحنظل, غسل كٌل محتويات فمه بماءٍ ساخن, ثُّمّ أسلم ذاته لنومٍ مُتَقطّع بهزّاتٍ خفيفة متواترة تنتابه كأحلام مرتجفه تاتي بوجه ليلي مُبتسماً كأنشوده سرّيه مُتخللاً فتحات الخيمه الّتي تٌشكّل منزلاً مؤقتا وملجاً لأقسي لحظات حياته وأكثرها نخراً في ذاكرته, لم يستطع إغلاق بوابة الأحلام تلك إلاّ بنسمةٍ خفيفه من نسمات ليلي التي تداعب وجهه, فيتململ داخل جلدته التي غرز عليها شوك الأرض أسنانه, فيتذّكره بأن ذلك الجلد ينتمي إليه وأنّه حي ويحسّ بأنين خلايا جسده خليةً خلية. أدرك أنّه لا يستطع إغلاق البوابه تلكم, فتركها مفتوحه علي مصرعيها وهبوب ليلي يتلاعب بأغشية قلبه.
تقلّب في مرقده حتي العاشرة صباحاً, مٌلتحِفاً حصيرة من القش الجاف, متوسّداً حذائه الضخم وبندقية ذات علامات تنتمي للحرب العالميه, فارشاً علي مرقده ذاك بطّانيه خشنه, مؤلمه كأنّها مصنوعه من دبابيس صدئه, وعندما غالبه النوم تمطّي كبحرٍ من الزّبد ثُمّ نفض من جسده غبار التعب الذّي لم يغادره أصلاً, وتوجّه ناحية باب الخيمه, بعد أن وضع بندقيته القديمه علي كتفه, ودون أيّ مقدمات, تعالي صوت صفارة الإنذار كوَلولة إمراءة مكلومة, فٌجِعت بقفدٍ جلل, تداخلت أصوات الجنود مع البلبه التي تصدر من أحذيتهم ومعداتهم وبنادقهم, فقامت كٌلِّ الخيمه بفعل الضوضاء من مكانها وتحولت لبنايةٍ ضخمه من الفوضي والموت والدّم وأشلاء بشريه وحيوانات وحجاره مُتناثره في كل مكان. وقبل أن يبتلع ريقه الثّاني, المضمّخ بعبير ليلي حدث بجانبه إنفجارٍ عظيم ألصقه بسقف الخيمه لمدة دقيقتين قبل أن يسقط علي الأرض وأحشاء صدره مُندلقة أمامه قطعاً مُتناثرةً, وقلبه أمامه ينبض بِدقّاتٍ متقطعةً ويتقافذ في كل إتجاه, ولوهلةٍ مدّ يده لأخذه ولكنه تواهن, ثُمّ دبّ في جسده هدوء وبردٍ لم يألفه من قبل, سمع الجنادب والحشرات في الأرض تتحدّث في رُعبٍ ووجلٍ ظاهر عن وحشية البشر عرف كلامهم وفهمه جيداً, فابتسم في صمته, سمع الطيور تغازل بعضها, ففاجأه خيال ليلي مُتهادياً أمامه بيدين ممدودتان كأنّها تدعوه لعناقٍ أبدي, رأي أطفال بثيابٍ بيضاء وإبتساماتٍ لامعة. غشته نسمةً خفيفةً فسرت علي جسده رعشةً باردةً مدّ يده لإحتواء أحشائه المرتجفه, فقفذ قلبه مُبتعداً عنه. وبأصابعه المبتلّة بالدم, كتب علي ورقةً كانت تتطاير أمامه: شكراً ليلي..... علي (وعد),... وقبل أن يبتلع ريقه الثالث والأخير, ألقي نظرةً أخيرةً علي قلبه, الذّي باتت ضرباته مُتباعدة وواهية, وتابع ضرباته بهدوء حتّي توقّف, فأظلمت الدنيا في عينيه.
أخرج زفرةً طويلةً إمتدّت لنصف دقيقه... وحينها فقط عرف أنّه قد ذهب في نومٍ أبدي ......
|
Post: #2
Title: Re: بعد منتصف الموت....
Author: محمد المرتضى حامد
Date: 08-24-2009, 08:50 PM
Parent: #1
يا سلام يا الخليل،
يا سلام..
من الغرائب يا العزيز أن كلماتك هادئة كأنها تمشي بسقف الليل
لكنها عالية الصوت كالفجيعة والفضيحة.
الله يغيزك ،
كاتلو ليه يا ابراهيم وهو الذي تحمَرُ له الخدود
وتنحسر الوجن .
|
Post: #3
Title: Re: بعد منتصف الموت....
Author: salah ismail
Date: 08-24-2009, 09:43 PM
Parent: #2
سلام.. ومشتاقين .. ورمضان
فضفغثؤغصخهؤصخفهضكخغهخز.......كككككرريم
واصل
|
Post: #4
Title: Re: بعد منتصف الموت....
Author: salah ismail
Date: 08-24-2009, 09:52 PM
Parent: #3
عارفك حتنزلها الليله....
واصل
|
Post: #5
Title: Re: بعد منتصف الموت....
Author: ASHRAF MUSTAFA
Date: 08-24-2009, 10:28 PM
المبدع د. كوجان
مشتاقين يا وريف
ورمضان كريم
تعرف رسلت بوست وعد لبعض الاهل والاصدقاء
اتمنوا يعرفوك
واندهشوا شديد لجراتك وابداعك
ادينا سلك ياخ
ولا انت لسه في امريكا
بختك قابلت الناس الطيبين هناك
وعلي راسهم اختنا الطيبة هبة الماحي
ما تنسي جيب لي معاك لاب توب من هناك
قالوا دل اجهزتها رخيصة خلاس
|
Post: #6
Title: Re: بعد منتصف الموت....
Author: خضر حسين خليل
Date: 08-25-2009, 00:13 AM
Parent: #5
في مطرة تقيلة صابة يا كوجان
جيت أقراك بمزاج رايق غير أن البروق سون العجب
ياخ مشتاقين شديد يعلم الله وكان طارينا لسه
تلفوني حداك قول عووك
سأنام يا كوجي فما بقي في المدينة رجل صاحي
غايتو باكر بنتفقد الحيطان والشوارع ولئن
لقينا سكة سأعود لهذا الموت بمزاج (أكثر اتساع)
شكراً ياكوجان علي جميل ما تبذل من جهد خلاق
|
Post: #18
Title: Re: بعد منتصف الموت....
Author: ibrahim kojan
Date: 08-25-2009, 07:38 PM
Parent: #6
Quote: في مطرة تقيلة صابة يا كوجان
جيت أقراك بمزاج رايق غير أن البروق سون العجب
ياخ مشتاقين شديد يعلم الله وكان طارينا لسه
تلفوني حداك قول عووك
سأنام يا كوجي فما بقي في المدينة رجل صاحي |
قصرت معاك يا خضر؟؟؟
شكلك صايم ياخ....
بنتظرك
بس تعال...
|
Post: #7
Title: Re: بعد منتصف الموت....
Author: الوليد محمد الامين
Date: 08-25-2009, 00:20 AM
Parent: #5
التحايا يا كوجان ....
يالها من حالة ...
|
Post: #8
Title: Re: بعد منتصف الموت....
Author: Tagelsir Elmelik
Date: 08-25-2009, 00:40 AM
Parent: #7
عودا حميدا
|
Post: #9
Title: Re: بعد منتصف الموت....
Author: Osman Musa
Date: 08-25-2009, 00:48 AM
Parent: #8
كوجانوف .
بس تمرتين وتلات ركعات وبجيك .
سلامات
|
Post: #28
Title: Re: بعد منتصف الموت....
Author: ibrahim kojan
Date: 08-26-2009, 08:05 AM
Parent: #8
تاج السر الملك..
ياخ ارضا سلاح.... السلاح ياخي ... خلي طارق ابوعبيده يجي مقاطع كمان!!
مازلت في حالة إغماءة والله
برجع ليك
|
Post: #20
Title: Re: بعد منتصف الموت....
Author: ibrahim kojan
Date: 08-25-2009, 09:39 PM
Parent: #7
Quote: التحايا يا كوجان ....
يالها من حالة ... |
انها حالة غريبه مش كدا المهم انت عامل كيف يا وليدحالاقيك في العيد....
رمضان كريم!!
|
Post: #17
Title: Re: بعد منتصف الموت....
Author: ibrahim kojan
Date: 08-25-2009, 07:35 PM
Parent: #5
سلام يا أشرف مصطفي.. ورمضان كريم..
شكرا ياصديق علي الاطراء..وربنا ياجزيك كل خير....
تلفونك انا مضيعو.. اضرب انت لو عندك تلفوني..
وبعدين ياخ وقف النمر دا يكون قلبو انقطع من الجري ياخ... وشكلو كدا مزعج خاصة معانا نحن النقرا بالنضارات,,,,
عذرا..
نلتقي قريبا..
|
Post: #11
Title: Re: بعد منتصف الموت....
Author: ibrahim kojan
Date: 08-25-2009, 11:40 AM
Parent: #3
| Quote: فضفغثؤغصخهؤصخفهضكخغهخز.......كككككرريم |
؟؟؟؟؟
نواصل؟؟؟؟
رمضان كريم الكيبورد بتاعك صايم ولا انت ؟؟؟؟
مشتاقين تلفون بعد الشغل اليوم.
|
Post: #10
Title: Re: بعد منتصف الموت....
Author: ibrahim kojan
Date: 08-25-2009, 09:06 AM
Parent: #2
ود المرتضي رمضان كريم....
الزول دا يكون مات براهو....
تقول شنو؟؟؟
|
Post: #12
Title: Re: بعد منتصف الموت....
Author: إيمان أحمد
Date: 08-25-2009, 03:46 PM
Parent: #10
.
يا كوجان!
.
|
Post: #13
Title: Re: بعد منتصف الموت....
Author: حافظ حسن ابراهيم
Date: 08-25-2009, 03:58 PM
Parent: #12
يا دين الحجر الوسيط انا اقتبس من وين و لا وين ؟
يا الهي و اله كل الغجر يا كوجان ...بكل هذه البساطة أن لوعد ان تتجرع مرارة اليتم و ليلي ان تختبر ان تنزل من السرير من جنبتيه
يا ابراهيم اقول ليك ينعل ....... واصل و طلع .....نا
و برضو رمضان كريم رغم انف كل حد
|
Post: #14
Title: Re: بعد منتصف الموت....
Author: Amir Omer
Date: 08-25-2009, 04:50 PM
Parent: #13
| Quote: حدث بجانبه إنفجارٍ عظيم ألصقه بسقف الخيمه لمدة دقيقتين قبل أن يسقط علي الأرض وأحشاء صدره مُندلقة أمامه قطعاً مُتناثرةً, وقلبه أمامه ينبض بِدقّاتٍ متقطعةً ويتقافذ في كل إتجاه |
أول مرّة أقـرأك ..
وتاني دربك ما بفكه
|
Post: #35
Title: Re: بعد منتصف الموت....
Author: ibrahim kojan
Date: 08-26-2009, 09:12 AM
Parent: #15
محمد يوسف الطيب هكذا الاسم كاملا
متابع انا معك
كن بخير ياصديق
برجع ليك بهناك
سمح.....
|
Post: #32
Title: Re: بعد منتصف الموت....
Author: ibrahim kojan
Date: 08-26-2009, 08:17 AM
Parent: #14
Quote: أول مرّة أقـرأك ..
وتاني دربك ما بفكه |
مرحب بيك يا امير عمر.... وبعدين البت الاموره بتاعة البروفايل حلوة شديد ياخ
تسلم !!!!
|
Post: #16
Title: Re: بعد منتصف الموت....
Author: Osman Musa
Date: 08-25-2009, 05:03 PM
Parent: #13
وهبوب ليلي يتلاعب بأغشية قلبه.
.. يا ..
جاب لينا فيها Heart وما Heart وشغلات علمية كمان .
هذا الجراح الكبير والفنان العجيب
( ده زول مشكوتاتى جد جد ) وحبوب بلحيل يهز أكتافو حين يتكلم بلكنة أهل
أسكوتلندا حيث كان قبل مجيئه الى ويمبلدون .
( يازول أنكت كل ما فى الاضابير من زمن دأخلية الرأزى )
تحياتى ورمضان كريم
|
Post: #19
Title: Re: بعد منتصف الموت....
Author: عبدالوهاب علي الحاج
Date: 08-25-2009, 09:34 PM
Parent: #16
|
Post: #36
Title: Re: بعد منتصف الموت....
Author: ibrahim kojan
Date: 08-26-2009, 09:43 AM
Parent: #19
مالك يا هيبه ساكت؟؟؟؟
تعال لي قدام .
|
Post: #30
Title: Re: بعد منتصف الموت....
Author: ibrahim kojan
Date: 08-26-2009, 08:10 AM
Parent: #13
Quote: يا دين الحجر الوسيط انا اقتبس من وين و لا وين ؟
يا الهي و اله كل الغجر يا كوجان ...بكل هذه البساطة أن لوعد ان تتجرع مرارة اليتم و ليلي ان تختبر ان تنزل من السرير من جنبتيه
يا ابراهيم اقول ليك ينعل ....... واصل و طلع .....نا
و برضو رمضان كريم رغم انف كل حد |
قلت لي العيد كيف .... يازنديق!!!! إقتبس ... بس يتاعة الكديسة!!!
|
Post: #29
Title: Re: بعد منتصف الموت....
Author: ibrahim kojan
Date: 08-26-2009, 08:07 AM
Parent: #12
يا
إ
ي
م
ا
ن
!ثم( دوزنها) با إيمان
|
Post: #21
Title: Re: بعد منتصف الموت....
Author: أبوذر بابكر
Date: 08-25-2009, 10:33 PM
Parent: #1
إبراهيم
يا خليل الحاجات السمحة كلها
يا أنيس
بعد منتصف الموت مباشرة
مفروض يبدا النص التانى
الحياة
الموت شى يخيل لى ما بطال
أكي فيه مفاجآت حلوة ومدهشة
أنا ما جربته طبعا
لكين يبدو لى بستاهل الزول يصاحبه ويتآلف معاه
ومنتصف الأشياء هو لب العمق فيها
هناك ممكن الزول يعرف المعنى كويس
شكرا يا حاج
|
Post: #22
Title: Re: بعد منتصف الموت....
Author: rosemen osman
Date: 08-25-2009, 11:13 PM
Parent: #21
+
|
Post: #23
Title: Re: بعد منتصف الموت....
Author: محمد المرتضى حامد
Date: 08-25-2009, 11:41 PM
Parent: #22
Quote: الحياة
الموت شى يخيل لى ما بطال |
وأكرر، يا أباذر ، مقولة إبن سيرين أنه ال (ما بطال) دا انعتاق للروح من إسار الجسد
وأنه مجرد تخلِ للروح عن استخدام أدوات الحياة الأرضية المعروفة التأقيت،
حزننا لمفارقة الجميل المتخيل ، كالذي رسم كوجان ، هو في اللاوعي جزع ذاتي من المآل الحتمي العتيق،
قال أحدهم: الميلاد مجرد استعداد للموت،
كما الشروق استعداد للمغيب.
يا طويل العمر
رمضان كريم
عثمان موسى،
كل سنه وانت صائم ،
نعم ، هكذا ابراهيم دافنشي الطبيب الأديب الرسام،
شكسبير كان مسرحيا شاهقا إلا أنه في الأصل شاعر،
لا أنصحك بكوجان في رمضان
|
Post: #24
Title: Re: بعد منتصف الموت....
Author: خدر
Date: 08-25-2009, 11:52 PM
Parent: #23
ايواااااااااااا قبضتكم كلكم
عشان اقول ليكم رمضان كريم
من مولانا ودالمرتضي و لحدي سيد البوست النطاسي المكوجن كوجان
ثانيا انا ما حا اقراء البوست ده إلا كوجان يتم لينا البوست الفات
بلا صرمحة في امريكا معاكـ
______
انا صايم ما تضرب لي يا كوجان , تلفوناتكـ بتفّطر 
|
Post: #25
Title: Re: بعد منتصف الموت....
Author: انعام عبد الحفيظ
Date: 08-26-2009, 00:10 AM
Parent: #24
بعد منتصف القراءة يا كوجان
بنآخد نفس طويل عشان نقدر نواصل باقي القصة
يلا تعال واصل سيب البخل بتاعك دا
|
Post: #43
Title: Re: بعد منتصف الموت....
Author: ibrahim kojan
Date: 08-26-2009, 08:55 PM
Parent: #25
Quote: بعد منتصف القراءة يا كوجان
بنآخد نفس طويل عشان نقدر نواصل باقي القصة
يلا تعال واصل سيب البخل بتاعك دا |
بواصل يا انعام بعد نور الدوحه يكمل... خروف العيد معاااااكم
انشالله مستنتعه برمضان خليجي وليالي خليجيه..... مشتاقين ياخ التحايا لبهاء وكده!!
|
Post: #26
Title: Re: بعد منتصف الموت....
Author: أيزابيلا
Date: 08-26-2009, 05:50 AM
Parent: #24
| Quote: انا صايم ما تضرب لي يا كوجان , تلفوناتكـ بتفّطر |
قوية يا خدر
| Quote: بلا صرمحة في امريكا معاكـ |
اريتا صرمحتك بعد الحال
:)
ــــــــــــــــــ
بجيك تانى بعد منتصف الموت يا ابر اهيم
|
Post: #27
Title: Re: بعد منتصف الموت....
Author: داليا الكباشى
Date: 08-26-2009, 06:53 AM
Parent: #26
يا مستر يا مستر يا مستر ....
تصوم بخير وتفطر معانا هنا عشان المطره دي تدقك فوق راسك وتواصل الكلام العجيب البتكتبو دا ...
وعلى قوله المصريين (انتوا بتجيبوا الحاجات دي منين ؟؟؟)
ابداعك سيد قلبك الذي ما توارى يقتح قلوب الناس .. والاورتك كانيولا عندك يا مان ...
منتظرنك هنا ....
|
Post: #48
Title: Re: بعد منتصف الموت....
Author: ibrahim kojan
Date: 08-27-2009, 03:51 PM
Parent: #27
Quote: يا مستر يا مستر يا مستر ....
تصوم بخير وتفطر معانا هنا عشان المطره دي تدقك فوق راسك وتواصل الكلام العجيب البتكتبو دا ...
وعلى قوله المصريين (انتوا بتجيبوا الحاجات دي منين ؟؟؟)
ابداعك سيد قلبك الذي ما توارى يقتح قلوب الناس .. والاورتك كانيولا عندك يا مان ...
منتظرنك هنا .... |
دا دستور ولا شنو؟؟؟
مشتاقين يا دلو ورمضان كريم؟؟ صحي حلنكم غرقت؟؟؟
|
Post: #47
Title: Re: بعد منتصف الموت....
Author: ibrahim kojan
Date: 08-27-2009, 03:45 PM
Parent: #26
| Quote: بجيك تانى بعد منتصف الموت يا ابر اهيم |
راجيك يا شذي!!!!
عامله كيف مع رمضان في بلاد العم سام يكون عندهم فتاوي كاربه ....
ما تسمعي كلام خدر والله هو الكلامو بيفطر!!
|
Post: #31
Title: Re: بعد منتصف الموت....
Author: Yassir Tayfour
Date: 08-26-2009, 08:16 AM
Parent: #24
| Quote: انا صايم ما تضرب لي يا كوجان , تلفوناتكـ بتفّطر |
كوجان براهو التلفوناتو بتفطِر يا طارق! كلكم تلفوناتكم بتفطِر وتستوجّب إطعام 60 مسكين، وإمكن تجيب ليها جلدات..
___
داير أقول ليكم رمضان كريم، ولكني تذكرت نكتة المسطول المشي يعزي في وفاة واحد صاحبهم، لما وصل الصيوان وقال: الفاتحة، إتذكر إنو المرحوم مسيحي، فقرأ عليه: قل يا أيها الكافرون، بديلاً لسورة الفاتحة، هسي انا إحترت وما عارف أرشّكم بي شنو، وفي البال حادثة فرع الحزب الشيوعي بالجريف..
|
Post: #33
Title: Re: بعد منتصف الموت....
Author: Yassir Tayfour
Date: 08-26-2009, 08:29 AM
Parent: #31
يا مولانا محمد المرتضى، بمناسبة الأصبّع والمروحة، لو الزول عوّق أصبع رجلو الكبير، هل يجوز ليهو يفطر؟؟؟
|
Post: #50
Title: Re: بعد منتصف الموت....
Author: ibrahim kojan
Date: 08-28-2009, 09:20 AM
Parent: #33
| Quote: يا مولانا محمد المرتضى، بمناسبة الأصبّع والمروحة، لو الزول عوّق أصبع رجلو الكبير، هل يجوز ليهو يفطر؟؟؟ |
طبعا يجوز ....بعدين مولانا دا مدخلو في الاحراج مالك..؟؟
نحن ما بنعرف نفتي..؟؟!!
|
Post: #34
Title: Re: بعد منتصف الموت....
Author: Emad Abdulla
Date: 08-26-2009, 08:31 AM
Parent: #31
يا جميل ..
ترهق التفاصيل أنت يا صاحبي ..
ذلك ما يجعل لكتاباتك طقس الهرولة المقدس .. كما المسعي الحجازي .
......
صباح الكتابة يا كوجان ..
صباح الجنون النبيل يا صاحب .
|
Post: #51
Title: Re: بعد منتصف الموت....
Author: ibrahim kojan
Date: 08-28-2009, 11:36 AM
Parent: #34
Quote: يا جميل ..
ترهق التفاصيل أنت يا صاحبي ..
ذلك ما يجعل لكتاباتك طقس الهرولة المقدس .. كما المسعي الحجازي .
......
صباح الكتابة يا كوجان ..
صباح الجنون النبيل يا صاحب . |
الصديق الجميل عماد العارف بأمر الكتابه ونواصيها الفوالت... صباح الخير وصباح الخرطوم التي نحبها وهي تجرجر ازيالها من نواخير المطر الاصيل... فتغرق في حبها شبرا وبريا...
انها قد تري موتها امامها فتحدق فيه قبل ان تنزع فتيل الحياة من قلبها المرهق... ويا صديقي.. الجميلين هم من يروا امامهم الموت فيحمروا له (.........)ززززززززز داخل عينيه ويقولون له انك اسوأ من سوء الخاتمه فتقدم!!
يهرب الموت هزيمة ... وهزيما يوما له
العوافي القانطات المؤلمات ذات البحور السبع...
|
Post: #49
Title: Re: بعد منتصف الموت....
Author: ibrahim kojan
Date: 08-27-2009, 08:04 PM
Parent: #31
Quote: كوجان براهو التلفوناتو بتفطِر يا طارق! كلكم تلفوناتكم بتفطِر وتستوجّب إطعام 60 مسكين، وإمكن تجيب ليها جلدات..
___
داير أقول ليكم رمضان كريم، ولكني تذكرت نكتة المسطول المشي يعزي في وفاة واحد صاحبهم، لما وصل الصيوان وقال: الفاتحة، إتذكر إنو المرحوم مسيحي، فقرأ عليه: قل يا أيها الكافرون، بديلاً لسورة الفاتحة، هسي انا إحترت وما عارف أرشّكم بي شنو، وفي البال حادثة فرع الحزب الشيوعي بالجريف.. |
دا شنو يا جماعه
بتجيبو لينا الهوا كدا
يا سر سلامات ياخ
ابعد....
|
Post: #41
Title: Re: بعد منتصف الموت....
Author: ibrahim kojan
Date: 08-26-2009, 04:43 PM
Parent: #24
Quote: ايواااااااااااا قبضتكم كلكم
عشان اقول ليكم رمضان كريم
من مولانا ودالمرتضي و لحدي سيد البوست النطاسي المكوجن كوجان
ثانيا انا ما حا اقراء البوست ده إلا كوجان يتم لينا البوست الفات
بلا صرمحة في امريكا معاكـ
______
انا صايم ما تضرب لي يا كوجان , تلفوناتكـ بتفّطر |
سلام يا خدر واقول انت ما بترد علي تلفوناتي مالك؟؟؟
بعدين ياخ انت صرمحطي في امريكا سيبا...أنت الصايم ليها شنو في بلاد مصانع اللبن القاعده البره!
اليله والليله!!!
|
Post: #40
Title: Re: بعد منتصف الموت....
Author: ibrahim kojan
Date: 08-26-2009, 12:37 PM
Parent: #23
Quote: عثمان موسى،
كل سنه وانت صائم ،
نعم ، هكذا ابراهيم دافنشي الطبيب الأديب الرسام،
شكسبير كان مسرحيا شاهقا إلا أنه في الأصل شاعر،
لا أنصحك بكوجان في رمضان |
DH.,G ]D KWDPM AK,
L,GHKH ]H DR,L [HVD ,GH AK,?????
الترجمه....
دي نصيحه شنو ؟؟؟ مولانا خدر دا يقوم جاري ولا شنو؟؟؟؟
|
Post: #38
Title: Re: بعد منتصف الموت....
Author: ibrahim kojan
Date: 08-26-2009, 11:54 AM
Parent: #22
+
سلامات يا روزمين
+
|
Post: #37
Title: Re: بعد منتصف الموت....
Author: ibrahim kojan
Date: 08-26-2009, 09:58 AM
Parent: #21
Quote: إبراهيم
يا خليل الحاجات السمحة كلها
يا أنيس
بعد منتصف الموت مباشرة
مفروض يبدا النص التانى
الحياة
الموت شى يخيل لى ما بطال
أكي فيه مفاجآت حلوة ومدهشة
أنا ما جربته طبعا
لكين يبدو لى بستاهل الزول يصاحبه ويتآلف معاه
ومنتصف الأشياء هو لب العمق فيها
هناك ممكن الزول يعرف المعنى كويس
شكرا يا حاج |
سلام يا ابوذر
الموت احيانا بداية لحياة جديده!
انا شخصيا لا املك له تفسير الا انه لعين وفاجع وامر ومريح في بعض الاحوال... ضروره... والله ما عرف الاسئله الوجوديه دي بتتعب ياخ..
يغشاك سلام!
|
Post: #39
Title: Re: بعد منتصف الموت....
Author: محمد المرتضى حامد
Date: 08-26-2009, 12:13 PM
Parent: #37
يا خدر،
كل سنه وانت أسمح من القبليها وصايم،
يعود عليك بالعافيه والجمال ورضا النفس وطمأنينتها.
أنت وزوار ليوناردو كوجان
|
Post: #42
Title: Re: بعد منتصف الموت....
Author: Siham Elmugammar
Date: 08-26-2009, 07:08 PM
Parent: #39
| Quote: بعد منتصف الموت.... |
|
Post: #44
Title: Re: بعد منتصف الموت....
Author: salah ismail
Date: 08-27-2009, 03:45 AM
Parent: #42
هنا ايها الصديق.. يكبر المجيء حتي يصبح بحجم الفضاء...
بذلك الكم الهائل من الحضور لك التحية...
الي الامام
|
Post: #45
Title: Re: بعد منتصف الموت....
Author: تبارك شيخ الدين جبريل
Date: 08-27-2009, 07:12 AM
Parent: #44
والله الواحد بقى يخاف من المنبر دا عدييييل
البركة فى فك طلاسم البوست بتاع "وعد" ....
ورمضان بالغ ...
.. المهم ....
|
Post: #53
Title: Re: بعد منتصف الموت....
Author: ibrahim kojan
Date: 08-29-2009, 10:06 AM
Parent: #45
Quote: والله الواحد بقى يخاف من المنبر دا عدييييل
البركة فى فك طلاسم البوست بتاع "وعد" ....
ورمضان بالغ ...
.. المهم .... |
شخارم شخارم طلاسم طلاسم شخ شخ شخ زيطك بيكك
والمهم دي زاتا يفكوها كيف...
رمضان كريم ياخ
|
Post: #46
Title: Re: بعد منتصف الموت....
Author: عبدالله ود البوش
Date: 08-27-2009, 11:22 AM
Parent: #42
| Quote: Quote: بعد منتصف الموت.... |
لنا ضقت مر الموت بعد منتصف الليل ..... آآآآآآآآآآآآآه
ماكنت اصدق بان الموت بهذه القسوة
شعرت بيك يا سهام والله
نفس الكأس المررررررررررررر صحي صحي وليس قصة موجعة
دكتور كوجان تحياتي
انت يا دكتور لحظة وقوف القلب حاررررررررررة
قلبها وقف قدامي ولي الليلة ماشايف غير الالم ... كرهت الموت والحياة
والله يصبرك ياقلب .......
استغفر الله العظيم وبحمده
رمضان كريم
|
Post: #54
Title: Re: بعد منتصف الموت....
Author: ibrahim kojan
Date: 08-29-2009, 03:14 PM
Parent: #46
Quote: لنا ضقت مر الموت بعد منتصف الليل ..... آآآآآآآآآآآآآه
ماكنت اصدق بان الموت بهذه القسوة
شعرت بيك يا سهام والله
نفس الكأس المررررررررررررر صحي صحي وليس قصة موجعة
دكتور كوجان تحياتي
انت يا دكتور لحظة وقوف القلب حاررررررررررة
قلبها وقف قدامي ولي الليلة ماشايف غير الالم ... كرهت الموت والحياة
والله يصبرك ياقلب .......
استغفر الله العظيم وبحمده
رمضان كريم |
أصبر شويه يا اخوي....
واستغفر... رمضان كريم
|
Post: #55
Title: Re: بعد منتصف الموت....
Author: ibrahim kojan
Date: 08-29-2009, 03:16 PM
Parent: #42
| Quote: بعد منتصف الموت.... |
مالك ساكته يا سهام مالك رمضان سخن ولا شنو؟؟؟
|
Post: #52
Title: Re: بعد منتصف الموت....
Author: ibrahim kojan
Date: 08-28-2009, 06:29 PM
Parent: #39
Quote: يا خدر،
كل سنه وانت أسمح من القبليها وصايم،
يعود عليك بالعافيه والجمال ورضا النفس وطمأنينتها.
أنت وزوار ليوناردو كوجان |
,gd,khv], ]h d'gu lfk>>>
بالعربي
ليوناردو دا منو كمان ياكافي البلا!
|
Post: #56
Title: Re: بعد منتصف الموت....
Author: عبدالأله زمراوي
Date: 08-29-2009, 03:28 PM
Parent: #52
يا جميل ..
Will come back later
zomrawi
|
Post: #57
Title: Re: بعد منتصف الموت....
Author: ibrahim kojan
Date: 08-30-2009, 08:02 AM
Parent: #56
شكرا علي مرور الشاعر الجميل عبدالالهزمرواي ومنتظر قدومك
وسعيد انا به.................
|
Post: #58
Title: Re: بعد منتصف الموت....
Author: الوليد محمد الامين
Date: 09-21-2009, 01:45 PM
Parent: #57
عيد سعيد وكل عام وانتم بخير ....
|
|