Post: #1
Title: قصة عجيبة !!!
Author: دينا خالد
Date: 08-24-2009, 08:44 AM
هذه القصة حقيقية ,,,
الواقع أنني لم أهضم جوابه، واعتقدت أنه مستخف
بعقلي، لهذا قلت له بتهكم: ليه أنت حطّاب؟! تبسم
قائلا:
أرجوك لا تفهمني غلط، فما قلته لك هو عين الحقيقة.
وبدأ يحكي لنا ما حصل على وجه الدقة وقال: ركبت
الطائرة الجزائرية (الإيرباص) من الجزائر إلى مطار
( أورلي) في باريس، وعندما كانت الطائرة تعبر فوق
مدينة (مرسيليا) سمعنا صراخا وشاهدنا عراكا عند
مقصورة (الكابتن)، ولكن قبل أن أصل معكم إلى
النهاية، لا بد وأن أشرح لكم ملابسات تلك الفوضى.
فالحكاية وما فيها أن قائد الطائرة أثناء الرحلة
قام من مكانه ليذهب إلى (التواليت)، وكان مساعده في
القيادة امرأة جزائرية، ويبدو أنها طلبت من المضيفة
شيئا فلم تحضره فقامت من على كرسيها لتوبخ المضيفة،
فردت عليها المضيفة بكلمات نابية وتعالت أصواتهما
من بعيد، وفي هذه الأثناء خرج الكابتن من
(التواليت)، ورد بيده باب مقصورة القيادة وأغلقه،
لكي لا تزعج الأصوات مساعدته، وذهب ليستطلع سبب
تعالي الأصوات، وإذا به يتفاجأ أن مساعدته أمامه
ولم تكن في المقصورة، فانطلق سريعا كالمعتوه على
أمل أن يفتح الباب ولكن دون جدوى؛ إذ إن أبواب
مقصورات الكباتن في الطائرات أصبحت بعد (11
سبتمبر)، لا تفتح إلا من الداخل خوفا من المختطفين،
فما كان منه ومن المضيفين إلا أن يأخذوا (الفأس)
المعلقة على باب الطائرة الخارجي، ليحطموا الباب
المصفح. كانت الطائرة في هذه الأثناء تنطلق وحدها
دون قائد، وأبراج المراقبة الأرضية تناديها دون
جواب، واضطرت السلطات الفرنسية أن تبعث بطائرات
حربية ترافقها خوفا من أن تكون هناك عملية
انتحارية، ومن الممكن أن تسقطها إذا ما اقتربت من
باريس.
ويمضي الأخ الجزائري قائلا: تعالى صياح الركاب
وانتابهم الهلع، وعندما شاهدت أنا ومجموعة من
الركاب الكابتن والمضيفين وهم يحاولون تحطيم الباب
اعتقدنا جازمين أنهم إرهابيون متخفون بملابس رجال
>الطيران، فهجمنا عليهم واشتد العراك بيننا وبينهم،
واستطاع أحدنا أن يخطف الفأس ويهرب بها إلى مؤخرة
الطائرة غير أنهم لحقوا به واستردوها بالقوة،
وعندما حاولت أنا أن أنتزعها ضربني أحدهم بها في
وجهي وأسال دمائي، فما كان مني إلا أن أهجم على
الكابتن وأطرحه أرضا وهو يصيح قائلا: أنا الكابتن
أنا الكابتن، وأرد عليه أنت مجرم أنت إرهابي،
وأنشبت أسناني في عضده إلى درجة أنه أخذ يصرخ من
شدة الألم، غير أن أحدهم ضربني على رأسي وأغمي عليّ،
واستطاعوا بعد جهد جهيد أن يحطموا الباب ويمسك
الكابتن بمقود القيادة، ويتصل ببرج المراقبة ليشرح
لهم ما حصل.
وعلمنا فيما بعد أنه لو لم يفتح باب المقصورة وتأخر
عشر دقائق فقط، لكانت المقاتلات الحربية قد أسقطت
الطائرة حسب الأوامر. والسبب في كل هذا: خناقة
«سخيفة»
ـــــــــــــــــــ
مافى واحد يجى يقول لى قدييييمة !!
مافى تانى يجى يقول لى نسوان وما نسوان الرجال كلللللل يوم بتشاكلوا
صوموا صيامكم !!
|
Post: #2
Title: Re: قصة عجيبة !!!
Author: Ahmed Yousif Abu Harira
Date: 08-24-2009, 09:02 AM
Parent: #1
قصة جميلة وفرش ، اول مرة اسمعها.
|
Post: #3
Title: Re: قصة عجيبة !!!
Author: ismeil abbas
Date: 08-24-2009, 09:20 AM
Parent: #2
دينا...كل عام وانت بخير...
قصة جميلة....وعجيبة فعلآ...
Quote: مافى واحد يجى يقول لى قدييييمة !!
مافى تانى يجى يقول لى نسوان وما نسوان الرجال كلللللل يوم بتشاكلوا
صوموا صيامكم !! |
إنت متوقعة واحد يجى يقول ليك كده.....؟؟؟وبعدين ليه مش ممكن تكون واحدة......خالص تحياتى.....واحترامى..............إسماعيل محمد احمد عباس...
|
Post: #4
Title: Re: قصة عجيبة !!!
Author: othman mohmmadien
Date: 08-24-2009, 09:51 AM
Parent: #3
رمضان كريم
وكل عام وانتم بخير
آها ... مساعدة الطيار دي عملوا ليها شنو؟
أكثر شخصية غاظتني ... في هذه القصة ...
عموما - ينبغي أن يكون لقائدي الطائرة فقط مفتاح يفتح باب الطائرة من الخارج تحسبا لأي تصرف غبي من مثل هذه المساعدة والتي لو كانت مساعداً ... كان يا ترى سيحدث ذلك ... :)
|
Post: #6
Title: Re: قصة عجيبة !!!
Author: كمال سالم
Date: 08-24-2009, 11:39 AM
Parent: #5
Quote: ياخ ما تبطِّلوا سرقة حقوق الناس الأدبية في المنبر دة
هسي أنادي ليك كوستاوي
|
هوووووى ياعلاء إنت قائل دينا دى ماعندها ( رهط ) ؟؟
هسه بلمهم ليك وأخلى البوست ده يصل الصفحه العاشره ,
وكستاوى ده زاتو معانا .
دينا بتسرق ياعلاء ؟ هى محتاجه ؟
بالله ياعلاء ماتهظر هظار زى ده مع البت دى
تقوم تزعل وتحرد لينا المنبر .
|
Post: #7
Title: Re: قصة عجيبة !!!
Author: م. سيد احمد قدورة
Date: 08-24-2009, 12:34 PM
Parent: #6
closed
|
Post: #8
Title: Re: قصة عجيبة !!!
Author: علاء الدين يوسف علي محمد
Date: 08-24-2009, 01:50 PM
Parent: #6
حبيبنا كمال
سلامات
واللهِ عارِف رهط الشفيفين ما هيِّن
أها واحد ضلامي زينا كدة مرات بحن للنور شويّة بقوم بجي للناس الزي دينا خالد ديل يقول يدق معاهم حنك حنكين و يبقى متجارخ
أها تقوموا إنتو لا ترحمونا لا تخلُّوا رحمة ربنا تنزِل و هاك يا زكيك و نقوم نحن نعمل فكيك
ضحكتني بما تهزِّز هزار زي دة
ذكرتني واحد طُلبة يدو ملطم بس قام ضحك ليهو مع واحد حنكووووووووش قام رفع يدو فووووووووق و لخخخخخخخخخخخخخخ خبتو في ضهرو و معاها ضحكة نظام بهزِّر معاهو و كدة ، صاحبنا داك أُغمي عليهو
ما تكون بقت علي مع دندونة كمان
|
Post: #9
Title: Re: قصة عجيبة !!!
Author: Abdlaziz Eisa
Date: 08-24-2009, 04:23 PM
Parent: #8
سلام
رمضان كريم
فعلا قصة عجيبة تقبض الأنفاس..
تحياتي
عبدالعزيز
|
Post: #10
Title: Re: قصة عجيبة !!!
Author: دينا خالد
Date: 08-24-2009, 07:32 PM
Parent: #9
ووووووووووووووووو عـــلاء الأخر ,,
وينك ياخ ؟ انت غايتو ظلامى بى سهارت حمر كدا
ضغطت على البوست قلت اقول ليك وانت البدخلك بوستات
كوستاوى شنووووو؟؟؟ لقيتو سيف اليزل يعنى الزول ما يكضب معاكم اصلو ؟؟
قاعدين بالمرصاد ؟ الواحد ما صدق انو تبلدينا ووليد صاحبى ربطووهم
تطلع لى انت ؟ ما كنت تكون فى الطياره دى يا رب !
قبل ما كوستاوى يجينى بالتواريخ .. والله قال بى قول البقول لى عادى والله
دينا دى ما قاصده ... لووووول ،، طوالى يتهم فى دينو ..
ــــــــــ
علاء؟؟ جاهزين جاهزين للاتهام فى الدين ؟؟؟
ولا بتخرخرو منى ؟؟
|
Post: #11
Title: Re: قصة عجيبة !!!
Author: علاء الدين يوسف علي محمد
Date: 08-24-2009, 07:52 PM
Parent: #10
غايتو يا دينا لكن أحرجتيني جنس حرجة
هسي قلت البت دي تختشي على دمّها بعد البوست اللاقطاهو من الصفحة الرابعة بالمنبر ولعضو معانا هنا كمان مش قوقلة
و تقوم تحرد و تقولي آآآآآآآه تهمتوني جزافاً و حشفاً و سوء كيلا و تقووووووووومي تقدِّمي إستقالتك و نرتاح من ثقالتِك (سغالتِك) و يجي عُمر الفاروغ يقول ليك قشة ما تعتِّر ليك و تجي تحمبكي و تفتحي فيهو نار و تدور الربّة و أنا أعييييييييييييييييط
و دقي يا مزيكا
يا أخوانا كوستاوي وين الله يجيبوا لينا ماري هِنا يشوف السرقات الرمضانية دي
|
Post: #12
Title: Re: قصة عجيبة !!!
Author: Rawia
Date: 08-24-2009, 10:43 PM
Parent: #11
أها النقول ليك يادينا
حلوة عندك إنت دي
إستمتعنا بيها والله وفهمناها عشان كاتباها لينا بالخط العريض
شكرا يادينا وكل سنة وإنت طيبة
وبعودة الايام(فتشت بوستك بتاع رمضان مالقيتو أها نبارك ليك الشهر الفضيل هنا)
__________________
سيف بالله نو هاردفيلينقس
|
Post: #13
Title: Re: قصة عجيبة !!!
Author: دينا خالد
Date: 08-25-2009, 06:10 AM
Parent: #12
راوية ؟ لا صدقتك فى حكاية رمضان دى ..
شكلك كدا اشتغلتى فى الدوحه
ما كلمتينا لييه نعمل ليك بوست دعوات ؟؟
غايتو يا راوية للضمان كدا انا والله البوست النكتو
كوستاوى دا ( قصدى علاء ) ما شفتو !!
وطيعا اكيد ح اسجل اسمك فى كتيبة الدفاع عنى فى الهجمة الشرسة
الح تجينى من قوى البغى والعدوان .. هسه علاء بيجهز فى المسيرة
المليونية ....لووووووووووووب .
ـــــــــــــــــــــ
اصلهم بس قاعدين لى طفيش البنات الحلوات من البورد ؟؟؟
راوية ! خط عريض فى عينك ...
|
Post: #14
Title: Re: قصة عجيبة !!!
Author: دينا خالد
Date: 08-25-2009, 06:24 AM
Parent: #12
كمال سالم ..
عليك يمرافقة الكتيبة الشمالية !
حوول .. لابد من عمل استطلاع جوى كامل ..
اضربهم بيد من حديد .. حوول
عدمهم الكى بورد ، بلا يخمهم ,, بس ما يشوفوا ليهم
بت ،، ياقول خميدة ..
ــــــــــــــــــ
لكن باقى الخطة انو لو جونا الجماعة البكتبوا صفحة كاملة ديك
وما بتحلوا من الرقبة .. ح نرمى اى سلاح ونقوم جاريين سمح ؟؟
|
Post: #16
Title: Re: قصة عجيبة !!!
Author: دينا خالد
Date: 08-25-2009, 06:44 AM
Parent: #12
احمد ابو حريره
يا سلام عليك يا زوق .
خلاص ياخ ولا يهمك افطر فطورك 
اسماعيل عباس
شكلك صااااااايم النصيحة .. لكن البنات الفى بروفايك ديل
ما بيفطرن ؟؟
عباس ؟؟ يعنى كيف جميلة ؟ اقول ليك القصة حقيقية ياخ تقول لى جميلة ؟؟
لووووووووول . خليك مع كتايب القسام
اذا احتاج الامر سنتخصن بالتورا بورا .
|
Post: #17
Title: Re: قصة عجيبة !!!
Author: دينا خالد
Date: 08-25-2009, 06:55 AM
Parent: #12
عثمان محمدين بالانجليزى
عارف فعلا اقتراحك رهيب
لكن للضمان كدا حقوا لا الطيار لا مساعده زووول يتحرك
من كرسيهو مافى .. يعملوا ليهم ماستر روم حمامها جواها ويا ولله
يقفلوهم من بره والراجل يششيل مفتاحو وينزل والطيارة تقوم .. بس.
عثمان انت فى كتيبة ابو عنجة .. لو عندك واسطة بنجيبك فى كتيبة
حماده ماكنتوش .. قالوا ح يكون فى الرش على البوست وعلى المتداخلين
البكسروا التلج ..
ـــــــــــــــــ
غايتو للضمان كدا تعال لابس احمر احتمال بى كلام علاء دا يكون
فى شنق !!
|
Post: #18
Title: Re: قصة عجيبة !!!
Author: علاء الدين يوسف علي محمد
Date: 08-25-2009, 07:05 AM
Parent: #12
أها يا دينا النقول ليك
مع إنو القصة باااااااايخة لكن حلوة من سيف اليزل منك لا حلوة لا شِتِّين
بعدين خطِّك دُقااااااااااااق لمن ما بنشاف
ولا استمتعنا بيها لا حاجة
بعدين شكلها تأليف المؤلّفة قلوبهم مع حبك القصص المؤثِّرة و كدة
دُنّان (اسم الدلع)
أسمعي كلام المبكيك
|
Post: #19
Title: Re: قصة عجيبة !!!
Author: دينا خالد
Date: 08-25-2009, 07:22 AM
Parent: #12
قدووره قلت لى دكان عرور قااااافل ؟؟
ما مشكلة ستناوب قبالة البيت الناصية
لو حصل اى هجوم عندك الزقاق البى يمينك دا ...
انت بتشوفو طويل لكن ما طويل بتجرى فى دقييييقة .
عبد الله عيسى يا صديق
ستتحرك فى متحرك الميل 40
زواده ما عندنا .. اتصرف
قالوا القصة دى عشان موجوده هنا
فى دواس .. جاهز ؟؟ اوووووع تقول لى نفسى مقطوع وكدا !
ــــــــــــــــ
ما تنسوا تختونى فى مكان امين بعدين تبدو انا مش ست البوست
ناس سيدى بحاربوا ؟؟ رفقا بالقزاز باخ ..
|
Post: #15
Title: Re: قصة عجيبة !!!
Author: ليلى عز الدين
Date: 08-25-2009, 06:44 AM
Parent: #1
وفي هذه الأثناء خرج الكابتن من
(التواليت)، ورد بيده باب مقصورة القيادة وأغلقه،
لكي لا تزعج الأصوات مساعدته، وذهب ليستطلع سبب
تعالي الأصوات، وإذا به يتفاجأ أن مساعدته أمامه
ولم تكن في المقصورة، فانطلق سريعا كالمعتوه على
أمل أن يفتح الباب ولكن دون جدوى؛
أعتقد أن دا هو سبب الكارثة التى كادت أن تكون
و ليس المشادة السخيفة
|
Post: #20
Title: Re: قصة عجيبة !!!
Author: محمد الجزولي
Date: 08-25-2009, 07:25 AM
Parent: #15
هسع ورونا راسنا من رجلينا
عملتو لينا الموضوع ضحك في رمضان ده
ده لفح يستجوب الإعتزار ولا دينا مرفوع عنها النقاب لوووول
ولا نحن نقعد زي التيوس ، والأغنام {دي عشان الجندر} في المنتدى
ده ونعاين فقط !! ولا كيف؟!! كرهتونا قشير الموز زاتو !!!!
ـــــ
وعندي تبرع بالمناسبة دي ... بما انو ايادي دينا رقيقة وتحول الملفوح الى
خَط كبير وده المطلوب في المرحلة دي ...
أرجو ربطها بحنيةَ ......
بالله شوف جِنس ده ..... تلفح دينا يضحكوا ليها ويقرقروا كمان ويمشي عادي !!!
و يلفح اي زملوط / ه يطَلعُوا ديــ ...... والقرون تقيف !!
ــــ
ولنــــــــا مهد..... أقصد لنــــا عودة مُحَتمة ....
ــــ
ورمضان كريم
|
Post: #21
Title: Re: قصة عجيبة !!!
Author: محمد البشرى الخضر
Date: 08-25-2009, 07:50 AM
Parent: #20
| Quote: اصلهم بس قاعدين لى طفيش البنات الحلوات من البورد ؟؟؟ |
ههههههههههههههه
اللهم إني صائم
|
Post: #22
Title: Re: قصة عجيبة !!!
Author: ismeil abbas
Date: 08-25-2009, 09:29 AM
Parent: #21
دينا....
السلام عليكم...
Quote: اسماعيل عباس
شكلك صااااااايم النصيحة .. لكن البنات الفى بروفايك ديل
ما بيفطرن ؟؟
|
لا ما تشيلى هم.ما من مبطلات الصيام..مافى واحد بدقق زيك..هسى فى ناس ذاتو ما قيلنهم بنات..هسى لفتى نظرهم.........
القصة جميلة...ودائمآ ما اجمل طرح ألأخر....فعلآ القصة جميلة وعجيبة وغريبة.....تقديرى واحترامى..تسلمى..............
إسماعيل محمد احمد عباس....
|
Post: #23
Title: Re: قصة عجيبة !!!
Author: محمد عبد الماجد الصايم
Date: 08-25-2009, 10:24 AM
Parent: #22
هيا ديل!
واقفين لي دينا في حلقا!
قومو إلى صيامكم ياخ!
دينا إن شاء الله تسرق بوستات بكري زاتو!
|
Post: #24
Title: Re: قصة عجيبة !!!
Author: Rawia
Date: 08-25-2009, 12:03 PM
Parent: #23
كيييف
إحنا تحت الخدمة والاشارة
خاصة لناس علاء وكوستاوي وأي زول تسول ليهو نفسه
___________________________
Quote:
راوية ؟ لا صدقتك فى حكاية رمضان دى ..
شكلك كدا اشتغلتى فى الدوحه
ما كلمتينا لييه نعمل ليك بوست دعوات ؟؟ |
كان للدعوات عاوزة منها طن كدا اليومين ديل
لكن ماتجيبي لي سيرة الدوحة
بتجيني العجاجة طوالي وبحس بيها في حلقي
والشمس الصنعت خصيصا للدوحة
الدوحة دي لو ماناسها مابتنقعد
|
Post: #25
Title: Re: قصة عجيبة !!!
Author: عبدالله ود البوش
Date: 08-25-2009, 01:22 PM
Parent: #1
القصة ممتعة ولكن هدف البوست هو :
Quote: مافى واحد يجى يقول لى قدييييمة !!
مافى تانى يجى يقول لى نسوان وما نسوان الرجال كلللللل يوم بتشاكلوا
صوموا صيامكم !! |
هو سيف دا مؤلفها اصلوا ولا مؤلفها اصلوا ......
|
Post: #26
Title: Re: قصة عجيبة !!!
Author: دينا خالد
Date: 08-25-2009, 04:55 PM
Parent: #25
ليلى عز الدين
ياسلاااااااام ياخى كلك نظر وين انتى من زمان ..؟؟
محمد الجزولى .. صاحبى زمان
مالك غايب فى الركايب مشتاقين
لكن رباطاطك ماااا رهيبه تشهى الربيط ! ممكن اخد
من البمبا دى اتنين ..
ياخ الغارة دى لو جاتنا ولدك المفتل دا براهو بجهجهم .
خليك فى الدفاع ياخ ..
ـــــــــــــــ
وارضا سلاح لو سمحت !!
|
Post: #27
Title: Re: قصة عجيبة !!!
Author: Kostawi
Date: 08-25-2009, 05:37 PM
Parent: #26
|
Post: #28
Title: Re: قصة عجيبة !!!
Author: Kostawi
Date: 08-25-2009, 05:38 PM
Parent: #26
|
Post: #29
Title: Re: قصة عجيبة !!!
Author: Kostawi
Date: 08-25-2009, 05:38 PM
Parent: #28
|
Post: #30
Title: Re: قصة عجيبة !!!
Author: Kostawi
Date: 08-25-2009, 05:39 PM
Parent: #28
|
Post: #31
Title: Re: قصة عجيبة !!!
Author: Kostawi
Date: 08-25-2009, 05:39 PM
Parent: #30
|
Post: #32
Title: Re: قصة عجيبة !!!
Author: علاء الدين يوسف علي محمد
Date: 08-25-2009, 07:06 PM
Parent: #31
كاااااااااااك يا دُنانة
يلا خمي و صري جاك جدو كوستا و بهل ليك أم فِتفِت
يلا خمي و أدي معاك راوية كمان
عجبني ليكم عجب شديد
|
Post: #33
Title: Re: قصة عجيبة !!!
Author: دينا خالد
Date: 08-25-2009, 07:39 PM
Parent: #31
وووووووووووووووووووو ام المعارك
النقر جا
هجوم اولى مباغت وكثيف براجمات الصواريخ والكاتيوشا !!
هسه انا يا كوستاوى البودينى اتطقش فى المنابر المشيتها دى والرجال ابان
عقالات ديل شنو ؟؟ يا زول استهدى بالله دفاعنا قوى .. شوف العضلات ..
القصة حقيقية نشرت فى كتير من الصحف وتم تتداولها فى كثير من المنابر وفى الايميلات
مافى زول غالطك بس بقولوا عندى احلللللللللللى اها !!
ـــــــــــــــــــ
شخصيا تم لفحها من ايميلى .. عقالاتك دى ما مخارجه معاى
سنواصل قصفكم حتى تاامنو ..
|
Post: #34
Title: Re: قصة عجيبة !!!
Author: محمد الجزولي
Date: 08-25-2009, 07:58 PM
Parent: #33
أها انا زاتو بعد كوستاوي جاء مِخمخم منابرو وعُقالاتو وشرحبيلو
وسروال ومركوب ....
نعلن نحن الموَقَعِن ادناه
برجوعنا التام وغير مشروط لقواعد الدفاع الكُلي للمحترمة {حلو دي} دينا
في لَفحيها هذا وكل من تسَول له نفسهو بأي عنكبة شنكبة تلقاهو في جيلدا .... إنتهى
الموَقَعين في الأرض
عنهم الواقع اعلاه
ـــ
واللافحنا غير الله اللي قوقلنا ..
|
Post: #35
Title: Re: قصة عجيبة !!!
Author: علاء الدين يوسف علي محمد
Date: 08-25-2009, 08:01 PM
Parent: #33
Quote: بس بقولوا عندى احلللللللللللى اها !!
|
كلام راوية لا يؤخذ به لأنو من باب الجنس للجنس رحمة
و كدي شنب واحد يجي يقول عند دُنّانة أحلى شان نوريهو الصمرقع الزنبعوري ذاتو عامل كيف
|
Post: #36
Title: Re: قصة عجيبة !!!
Author: محمد البشرى الخضر
Date: 08-25-2009, 08:16 PM
Parent: #35
والله يا دينا تلحقي تستقيلي تشربي ما تروي
زول ح يشتغل بيك ماف
|
Post: #37
Title: Re: قصة عجيبة !!!
Author: علاء الدين يوسف علي محمد
Date: 08-25-2009, 08:28 PM
Parent: #36
إستقيلي يا سغيلي (بالشايقي)
|
Post: #38
Title: Re: قصة عجيبة !!!
Author: Kostawi
Date: 08-25-2009, 08:54 PM
Parent: #37
|
Post: #39
Title: Re: قصة عجيبة !!!
Author: Kostawi
Date: 08-25-2009, 08:55 PM
Parent: #37
|
Post: #40
Title: Re: قصة عجيبة !!!
Author: Kostawi
Date: 08-25-2009, 08:59 PM
Parent: #39
لفحي عينك يا تاجر
أنا عارفك لفاحة من ختيتي صورة هيلاري كلنتون في بروفايلك
عاش أوباما
Down Down
البنك الدولي
|
Post: #41
Title: Re: قصة عجيبة !!!
Author: دينا خالد
Date: 08-25-2009, 09:29 PM
Parent: #35
ود البشرى ؟؟ تضحك شنو
عليك بحراسة البوابة الامامية وعندك مخرج 9 دا للجرى
مدفع بى سكلى ما عندنا سل لسانك بس
ود الصايم !!
دعمكم يشد من ازرنا (بس ما تقطعو) حوول
ستكون على راس الكتيبة الانتحاريه (1)
اها طبعا ناس الانتحار ديل جرى ما معاهم سمح؟
وووووووووووووووو علاء الاخر دى على وزن مريم الاخرى
بالطريقة دى عسل واحد ما بتلقى مننا
لسسسسسع جد .. اتصلح معانا ياخ
انا متكله عليك كتكنيشن وكدا فى تزوير الايميلات
والوهمات ديك بتاعت منقولة من النت وفى الويرد
والسلبطة البتعرف ليها ديك
اى خرخرة منك ح اوديك حلتكم ديك تقعد فيها فى الروم داك
ونصرف ليك واحد سد يغرقك ..
ـــــــــــــــــ
ياخ انا مش صاحبتك ؟؟ ما تخاف منهم
|
Post: #42
Title: Re: قصة عجيبة !!!
Author: Kostawi
Date: 08-25-2009, 09:55 PM
Parent: #41
حتى الإسم مسروق
|
Post: #43
Title: Re: قصة عجيبة !!!
Author: دينا خالد
Date: 08-26-2009, 01:06 AM
Parent: #42
حتى الإسم مسروق
حلوووه دى
غايتو فى زول لو جاك هنا بعمل ليك موووووولد ؟؟؟؟
|
Post: #44
Title: Re: قصة عجيبة !!!
Author: سيف اليزل برعي البدوي
Date: 08-26-2009, 01:31 AM
Parent: #43
الاخت العزيزة دينا
رمضان كريم
وكل عام وانت بخير
المعرفة شئ متبادل
ويا بخت من تعلم وعلم
سعدت بالموضوع هنا وكثرة المتداخلين
الغرض الاساسي هو التفكر والعبرة وتبادل التجارب الانسانية
وده المطلوب,وأنا سعيد بروعة سودانيزأون لاين
كمنبر حر صار له وقعه حتي في نفوس الطغاة في بلدنا
الي الامام سويا,نحو منبر بلا خلافات
مودتي
سيف
|
Post: #45
Title: Re: قصة عجيبة !!!
Author: سارة علي
Date: 08-26-2009, 01:42 AM
Parent: #44
دينا ازيك
ورمضان كريم
ياخ يا دينا بعيدا عن قصتك دي انا مغروضة فيك في فشة مغصة
يا دينا انتي الوحيدة الحتفهميني...
رمضان كريم
عاملة قصصك البايخة دي
ــــــــــــــــــــــــــــــــ
التعديل عشان انا خوااااافة..هسه يجوني بي جاي
|
Post: #46
Title: Re: قصة عجيبة !!!
Author: Kostawi
Date: 08-26-2009, 03:21 PM
Parent: #45
Quote: ياخ يا دينا بعيدا عن قصتك دي انا مغروضة فيك في فشة مغصة
يا دينا انتي الوحيدة الحتفهميني |
بالله لو لميتي فيها
قولي لينا عووووووك
|
Post: #47
Title: Re: قصة عجيبة !!!
Author: Kostawi
Date: 08-26-2009, 03:21 PM
Parent: #45
Quote: ياخ يا دينا بعيدا عن قصتك دي انا مغروضة فيك في فشة مغصة
يا دينا انتي الوحيدة الحتفهميني |
بالله لو لميتي فيها
قولي لينا عووووووك
|
Post: #48
Title: Re: قصة عجيبة !!!
Author: دينا خالد
Date: 08-28-2009, 09:04 AM
Parent: #47
وووووووووو سيف اليزل
كسفكم الراجل طلع بفهم شديد
احييك يا سيف على قولة الحقيقة ..
التكتيك لكثرة المتداخلين يا سيف فى سودانيز دى
يبدو انو من العنوان ،، دايما لما تحكى القصة كلها فى عنوانك
مافى زول بدخل .. بنكسل
ساره على
حبابك يا ستى ومرحب بيك
ح ارسل ليك ايميلى وتلفونى فى الخاص
حبابك
كوستاوى ومحمد الجزولى اووووووول حاجة تكتبوا هنا دا دايرين
شنو عشان ارسل ليكم الايميل حاكم ناس ارميكا ديل ما مضمونيين
لوووووووووول .
ــــــــــــــ
معاه ضمان 5 سنة ...
|
Post: #49
Title: Re: قصة عجيبة !!!
Author: سارة علي
Date: 08-29-2009, 02:16 AM
Parent: #48
انتا يا دينا جادة في قصة الخاص دي؟؟
الشغلة فكت منك يا دنيا ولا شنو؟؟
دايرة تجيبي لينا الهكر جاري جري..
اتصرفي ..
وما تساليني كيف...
ـــــــــــــــــ
ولسه دايراك عشان افش مغصتي..
|
Post: #50
Title: Re: قصة عجيبة !!!
Author: محمد الجزولي
Date: 08-29-2009, 05:05 AM
Parent: #49
| Quote: كوستاوى ومحمد الجزولى |
اللهم إني صائم .. هسع ده شنو ؟ البلمنا شنو
أول حاجة كوستاوي ده دُوفعة الوالد ..
تاني هام نحن فوق قبل سيف اليزل ده ماتدفعليهو
يقول الكلام ده لوووووووول .. انا جيت وأعلنت
انسحابي من الهجوم للدفاع ماقريتيهو فوق ..
شنو طيب جاية خَاتاني من الكرمبا في سرج
واحد !!!.. وكمان عملتيني من ناس امريكا!!
والله الدفاع عنكم حرام حرام حرام
ــ
وشرعاً كمان .. شييييف البت دي بالله ..
|
Post: #51
Title: Re: قصة عجيبة !!!
Author: khaleel
Date: 08-29-2009, 06:22 AM
Parent: #50
المصدر المصدر
كما يقول اهل البورد لو سمحتي
|
Post: #52
Title: Re: قصة عجيبة !!!
Author: قيقراوي
Date: 08-29-2009, 03:13 PM
Parent: #48
Quote: ساره على
حبابك يا ستى ومرحب بيك
ح ارسل ليك ايميلى وتلفونى فى الخاص |
سارة علي
بعد يرسلو ليك عليك الله مغروووود في فيك. . . شغله قاسية ما بقضيها غيرك
لوووووووووول . . . النبي . . . يتبرأ منك
------------
يا دينا آخرتا بقيتي " ناقل وطني " ؟ ! . . . و غير أمين كمان ؟
كدي خليك من اللطش ! هي قصتك دي في رقبتا فلم هندي بس !
قلتي لي الباب ما بفتح الا من جوة ؟
طيب في الاول فتحوهوا كيف لما جو يدخلوا ؟!
بعدين كوستاوي يا كرمبا يا خردة ما كان احسن تجيب لينا معلومات عن السيطرة على الطائرات من برج المراقبة و انزالها - مش اسقاطها - قال طائرتين حربيتين قالت ؟!
قومي لفي
اسي في بركات رمضان دي كان اترحمتوا على الشهيدة سهام ما كان احسن ليكم و لينا ؟
رمضان كريم يا شباب و كوستاوي
|
Post: #53
Title: Re: قصة عجيبة !!!
Author: دينا خالد
Date: 09-04-2009, 03:51 PM
Parent: #52
قيقا يا قيقا
مالك قايم بى 5 ؟؟
| Quote: اسي في بركات رمضان دي كان اترحمتوا على |
وانت ما بتترحم مالك محنن ؟؟ ولا ما عندكم رمصان ؟
Quote: قلتي لي الباب ما بفتح الا من جوة ؟
طيب في الاول فتحوهوا كيف لما جو يدخلوا ؟!
|
غايتو يا قيقا حيرتنا !! النت دا داخلو من وين ما بعرف
انت ما شفت ابواب المحاميد ؟؟
الفلم دا ما بتقطع لى تزكرة لما تدخل
لكن النوع البتدفع عشان تجى
مارق منو ؟؟ قلنا دى قصه حقيقية بطل التهريج
ــــــــــــــــــــ
ارسلو ليك دايركلى ؟؟ عندنا الوسطاء يمتنعون !
سمح ؟
|
Post: #54
Title: Re: قصة عجيبة !!!
Author: دينا خالد
Date: 09-04-2009, 03:56 PM
Parent: #52
ابو خليل
المصدر ايميلى ... اديك الباسويرد ؟؟
سامعاك بتقول لى خليتو خليتو ...
الجزولى ..\
طيب ياخ الوالد ما يسوقو مخلينو يسرح بى وشو ؟
الدنيا دى ما عندها حد .. الايام دول دى ما مرت عليه
ـــــــــــــ
محمد اوووووووووع يكون ابوك حى ؟؟ وشوش كتيرة
|
Post: #55
Title: Re: قصة عجيبة !!!
Author: دينا خالد
Date: 09-21-2009, 07:04 AM
Parent: #54
,up
عشان كوستاوى وصلحوووووو ..
|
Post: #56
Title: Re: قصة عجيبة !!!
Author: قيقراوي
Date: 09-21-2009, 02:47 PM
Parent: #55
Quote: ارسلو ليك دايركلى ؟؟ عندنا الوسطاء يمتنعون !
سمح ؟ |
رسليو قايلاني بخاف منك و لا بريد حِنّك ؟!
دينا يا " زنانة "
بقيتي تقمبليها و ترميها بُبْ كدا !!!
قال حقيقية قال ؟!
يا الدليبة الشقت الحوش !
--------------
يا حرامية !
الا النصيحة حرامية ظريفة " آرسين لوبين " بس .. .
لوووووووولز كميات
اتحليتي من شبكة سارة علي و لا لسه ؟ عشان نجي نتلحك
|
|