Post: #1
Title: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 07:14 PM
المهم !!!
|
Post: #2
Title: Re: معاً من أجل راس بلا كيف !!!!
Author: محمد إبراهيم علي
Date: 08-23-2009, 07:20 PM
Parent: #1
كيف يعني يربطو في العمة بس ولا رايك شنو ياللخو
|
Post: #3
Title: Re: معاً من أجل راس بلا كيف !!!!
Author: محمد الأمين موسى
Date: 08-23-2009, 07:22 PM
Parent: #2
راس الكيف اريتو بالسيف!
|
Post: #5
Title: Re: معاً من أجل راس بلا كيف !!!!
Author: ابراهيم بقال سراج
Date: 08-23-2009, 07:28 PM
Parent: #3
|
Post: #9
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 08:35 PM
Parent: #2
| Quote: كيف يعني يربطو في العمة بس ولا رايك شنو ياللخو |
محمد ابراهيم
في حاجات تانية مثلا الصبغة والقطعية
تدق بيهو هيد .. تخبط بيهو الحيطة
وهناك الكثير والمفيد لاستخدام الراس
ورمضان كريم
|
Post: #4
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 07:24 PM
Parent: #1
الضارب للبرنجية بعد الفطور- مع تقديرنا الكامل للعم حجار - بتخلي الزول في حالة تانية
احساس كدا زي راسك فيهو خلاط بتاع خرصانة وجسمك بنحصل ليهو حاجات عجيبة زي زنة كدا
والدنيا كلها بتنظر ليها من خلال حلقات الدخان المتصاعدة .. ولما تخلص السجارة وتصل محل الخواجة كتب
بتحس بالم فراق غريب وربما اعقبتها باخرى كيتن في وزارة الصحة وتحذيراتها ....
يتبع ...
|
Post: #6
Title: Re: معاً من أجل راس بلا كيف !!!!
Author: عبدالكريم الامين احمد
Date: 08-23-2009, 07:39 PM
Parent: #4
ده كلام شنو يا وهبة ياخي..
التمباك ده بالذات السفات الكثيرة في الفطر وماقبل وبعد رمضان
هي سفات اشواقها واهدافها الاستراتجية ذاهبة صوب سفة رمضان الشهيرة..
سفة ما بعد الفطور هي سفة تعادل مليووور يوروووو استرليني
يورو استرليني دي مقصودة
ويا وهبة ارفع كيبوردك عن التمباك ده بالذات وباقي الكيف فهو لكم افعلو به ما فعل الحداد
|
Post: #15
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 08:58 PM
Parent: #6
| Quote: ويا وهبة ارفع كيبوردك عن التمباك ده بالذات وباقي الكيف فهو لكم افعلو به ما فعل الحداد |
هلا يارهط ومشتاقين والله
تعرف انا بكتب ليك في الرد دا وقدومي مليان
تمباك جمري معتبر ودي تعرف بعد السجارتين وكباية القهوة
اها شفت خالك تعبان كيف يمين الراس زي الساعة 12 كدا تقول داقين فيهو نقارة عديل
الله يتوب علينا ويتوب عليك
|
Post: #7
Title: Re: معاً من أجل راس بلا كيف !!!!
Author: ناذر محمد الخليفة
Date: 08-23-2009, 07:40 PM
Parent: #4
كل عام وإنت بخير يا وهبة ..
والبتاعات كيف ؟؟!
ولا هي ما من الكيف ؟!!
|
Post: #8
Title: Re: معاً من أجل راس بلا كيف !!!!
Author: Muna Khugali
Date: 08-23-2009, 07:50 PM
Parent: #7
كل سنةوانت طيب يا وهبة..
| Quote: معاً من أجل راس بلا كيف !!!! |
الشعار ده كويس مع ناس القهوة زيي..
لكن ما بقدر اتضامن معاه شديد..
لان القهوة برنامج جميل في حد ذاته وكمان موضوع!
في انتظار القهوه بعد نصف ساعة..
مشتاقين كتير..
|
Post: #10
Title: Re: معاً من أجل راس بلا كيف !!!!
Author: طلحة عبدالله
Date: 08-23-2009, 08:46 PM
Parent: #8
Quote: معاً من أجل راس بلا كيف !!!!
|
معا بتاعت حنانك
عليك طلاق تلاتة من محلي دي ما اتحرك معاك قيد انملة
مالو الكيف دا عيبو لي بس ؟؟؟؟
واللا لقيت نفسك ما قادر الزعيم المريخي قلت احسن تتفشي في الكيف .
من أين اتي هولاء ؟؟؟
|
Post: #13
Title: Re: معاً من أجل راس بلا كيف !!!!
Author: سلمى الشيخ سلامة
Date: 08-23-2009, 08:54 PM
Parent: #10
انت وكت ماقادر عليهو
خليهو للناس البتقدر
عالم عجيبة ياخ
تصوم وتفطر على كل الخير
تحياتى لاسامة جمعة وقول ليهو يا حليل رمضان فى الاذاعة
بقت مسيخة وقدر ما حاولت اقارن بين زمان وهسى لقيتنى ببكى بث
|
Post: #23
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 10:15 PM
Parent: #13
Quote: تحياتى لاسامة جمعة وقول ليهو يا حليل رمضان فى الاذاعة
بقت مسيخة وقدر ما حاولت اقارن بين زمان وهسى لقيتنى ببكى بث |
سلمى بت ابوي الشيخ
كيفنك امي
ورمضان كريم وتصومي وتفطري على خير
تعرفي الاذاعة انضربت زمااااان
وبقت لامة كل من هب ودب
قبيل في العربية (دي الحتة الوحيدة البسمع فيها اذاعة) بسمع في مسلسل رمضاني جديد
وحاتك ما قدرت اتم الحلقة وقلبت على الرياضية
شي يطمم البطن عديل ..
___
اسامة كويس هسه كنت بتكلم معاهو
اشتغل في اذاعة ساهرون بتاعة الشرطة بجانب شغلو في ام درمان
|
Post: #25
Title: Re: معاً من أجل راس بلا كيف !!!!
Author: سلمى الشيخ سلامة
Date: 08-23-2009, 11:49 PM
Parent: #23
Quote: بسمع في مسلسل رمضاني جديد
وحاتك ما قدرت اتم الحلقة |
احى يا عبد الوهاب نمشى وين ؟
طبعا ما بشوف الخيبة الكبرى التلفزيون
انى امنت بالله
المسلسل بتاع على مهدى "جارو" مرض "دراما الدم الثقيل"
اما المسلسل التانى رغم انه فيهو امينة عبد الرحيم
لكن لغة ما مفهومة ومسلسل غايتو نتمه عشان ما يقولو علينا اننا مزاجيين
وحاتك ياالغالى بصحى عشان اسمع الحلقة الساعة اربعة صباحا تصدق
مرض مش؟
البرامج لاحول ولاقوة الا بالله
اخير منها برامج المارمضان
مرض اللهم الا حلقة مع الفنان عثمان احمد حمد وتاريخ حياته معاهو معتصم فضل
و عطية الفكى ومعاهو الفنان السنى الضوى
تانى الباقى وخاصة الصفحة الاولى اقرب لفة ختها هناك واجرى عديل
|
Post: #20
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 09:41 PM
Parent: #10
طلوح المسكين
Quote: معا بتاعت حنانك
عليك طلاق تلاتة من محلي دي ما اتحرك معاك قيد انملة |
عارفك ما بتقدر تباريني بنقطتك دي
هسه عليك الله اواجه بيك المجتمع كيف ؟
اعرفك بيهم اقول ليهم شنو الاخ ابو نقطة ؟ 
| Quote: مالو الكيف دا عيبو لي بس ؟؟؟؟ |
عارفك بتكون خامج الواطة كلها
بس انتو معذورين اليومين دي بخبخ ياعمك ولا يهمك
يبقو عليكم الاتنين نقطة وخرمة ونسيت انوه في صدر هذا البوست انكم الاستثناء الوحيد
| Quote: من أين اتي هولاء ؟؟؟ |
اتينا من زامبيا
لووووووووووووووول
|
Post: #11
Title: Re: معاً من أجل راس بلا كيف !!!!
Author: كمال عكود
Date: 08-23-2009, 08:51 PM
Parent: #8
والله تعرف يا أستاذ عبد الوهاب أسع أنا خليت الشاي لي ثلاثين سنة يعني من انا في المتوسطة تقريبا "عشان ما تقول الزول دا قدر جدي" وطبعا ما عندي حاجة تانية من تنباك أو سجائر ومن باب أولى شيشة عشان كده أول يوم في رمضان وآخر يوم كله عندي واحد الحمد لله
القهوة بلاوحها مره مره لكن ما بخليها تتعلق في بشدة
|
Post: #12
Title: Re: معاً من أجل راس بلا كيف !!!!
Author: حمور زيادة
Date: 08-23-2009, 08:54 PM
Parent: #11
دعوة ضالة مضلة مضللة ضلالية ليها ضل
|
Post: #14
Title: Re: معاً من أجل راس بلا كيف !!!!
Author: طارق ميرغني
Date: 08-23-2009, 08:57 PM
Parent: #12
رمضان كريم يا وهبه
انا بأيد كيف بلا راس....
|
Post: #16
Title: Re: معاً من أجل راس بلا كيف !!!!
Author: محمد أبوالعزائم أبوالريش
Date: 08-23-2009, 09:13 PM
Parent: #14
نؤيد (لزوم الشعارات وكدة)
بس مافي زول يسألنا عن النتائج.
|
Post: #19
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 09:32 PM
Parent: #8
منى خوجلي
رمضان كريم وتصومي وتفطرى على خيرQuote: الشعار ده كويس مع ناس القهوة زيي..
لكن ما بقدر اتضامن معاه شديد..
لان القهوة برنامج جميل في حد ذاته وكمان موضوع!
في انتظار القهوه بعد نصف ساعة.. |
بالهنا ليك يا غالية
تعرفي انا برضو القهوة دي عندي من الحاجات الاساسية
واكتر حاجة بتتعبني في نهار رمضان
لأني في الفطر اول حاجة ببدا بيها يومي من صباح الرحمن
وبعقبها بسيجارة برنجية حتى بعد داك الواحد يقسّم
|
Post: #17
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-23-2009, 09:16 PM
Parent: #7
Quote: والبتاعات كيف ؟؟!
ولا هي ما من الكيف ؟!! |
ياناذر
بتاعاتك دي بتجيب الطارة عديل
ورمضان كريم
___
ياخ شوف لينا برنامج ندشن العود الجديد دا
|
Post: #18
Title: Re: معاً من أجل راس بلا كيف !!!!
Author: أمين محمد سليمان
Date: 08-23-2009, 09:26 PM
Parent: #17
| Quote: معاً من أجل راس بلا كيف |
يا دكتور الكيف هين ، وينو هو الراس ؟!!
|
Post: #21
Title: Re: معاً من أجل راس بلا كيف !!!!
Author: محمد البشرى الخضر
Date: 08-23-2009, 09:53 PM
Parent: #18
Quote: تعرف انا بكتب ليك في الرد دا وقدومي مليان
تمباك جمري معت |
عمو وهبة يا عسل .. بتسسسسسسسف ؟!!!
يااااااااااااي
_____________________________
اللهم إني صائم كان داير تتم باقي النكتة
|
Post: #22
Title: Re: معاً من أجل راس بلا كيف !!!!
Author: طلحة عبدالله
Date: 08-23-2009, 10:07 PM
Parent: #21
الآن والآن فقط أمنت بقول الشاعر :
الشقي بلقي الدراب في الأسافير
اول ما تفتح باب البورد يلاقيك هناي الأعبط داك يردمك بي حزمة افتراءات وشوال
إفك ويقش رياليتو ويقوم فازي .. تقبضو في زقاق تقول ليهو اثبت يقول ليك أحلف بالطلاق .
تجر نفس وتقول تلف في البورد شوية تلقي وهبة رافع شعاراتو ولافي بالبوستات أن طلعوا
الكيف من راسكم واكلوا باسم واتمسحوا بباقي الدهن .
تجيء تقول ليهو الكلام دا كدا عيب يناولك واحد وش اخدر لافي ولول مجرورة ويعتبر
نفسو كدا افحمك .
والذي بسط الأرض ان البورد لفي محنة شديدة خلاص .
|
Post: #24
Title: Re: معاً من أجل راس بلا كيف !!!!
Author: عبدالكريم أحمد الامين
Date: 08-23-2009, 10:28 PM
Parent: #22
** العزيز وهبه..
** معقوله رأس بلاكيف دا حقو يعملوه زعافه.. (زعافه) أخلى ليك شرحها للجيل الجديد.ز (إحتمال يفتكروها نوع من المُخدرات)..
## بعد الفطور ياوهبه الواحد بيكون مُحضر حجر النعناع البارد من التلاجه وموية الشيشه فيها تلج قطعة برتقال وماء ورد ,, ومع اول نفس وشفطه من القهوه (بدون سكر) عشان تحس بطعم البن بتحس بأنك من رواد ابولو 11 ..
## لاحظ الشعر دا كلو وإنت جو شقه مقفوله ,, فمابالك لو كانت فى الشارع وفى بحرى بالذات الشعبيه او المزاد والشجر مرشوش وتحت رجليك رمله حمرا بارده ,, فى الحاله دى مع اول نفس بتفتكر انو العالم دا كلو بقى تحت رجليك البارده دى..
## وبرضو تقول لى معاً من أجل زعافه بدون كيف (آسف رأس بدون كيف) .. كــــيــــف!!؟؟
(ودام الود بيننا)
(ابو محمد فؤاد - دبى)
|
Post: #26
Title: Re: معاً من أجل راس بلا كيف !!!!
Author: Salah Abdulla
Date: 08-24-2009, 07:50 AM
Parent: #24
والله إني أشتاقه ..
كتلونا بالتمباك البيش أبو رطوبة ده..
ثم أنني ضد ما تدعو اليه
راس بلا كيف شن فايدتو؟؟
ودالبشرى عامل فيها ما بسف ، وبيقول نكت خادشة للحياء في نهار رمضان ..
عليك قضاء وكفارة وعتق رقبة ، وهدي ، وخمسة وأربعين ( بش أب Push Up)
|
Post: #27
Title: Re: معاً من أجل راس بلا كيف !!!!
Author: omer osman
Date: 08-24-2009, 07:57 AM
Parent: #26
Quote: الشعار ده كويس مع ناس القهوة زيي..
لكن ما بقدر اتضامن معاه شديد..
|
عشان كده كل يوم مع السحور بشرب قهوة ومعاها اتنين بندول اكسترا
|
Post: #28
Title: Re: معاً من أجل راس بلا كيف !!!!
Author: عثمان جلال الدين
Date: 08-24-2009, 09:24 AM
Parent: #27
Quote: عارفك ما بتقدر تباريني بنقطتك دي
هسه عليك الله اواجه بيك المجتمع كيف ؟
اعرفك بيهم اقول ليهم شنو الاخ ابو نقطة ؟
] |
ياخ فطرتتنا.. من الضحك، وتحيات للجميع
|
Post: #29
Title: Re: معاً من أجل راس بلا كيف !!!!
Author: محمد عبد الماجد الصايم
Date: 08-24-2009, 10:47 AM
Parent: #28
غايتو ود البشرى دا كان ما بسف بمطرو!
يا عمكـ
الراس دا .. عملو لشنو .. للبخبخة!
_____________
اللهم إني صائم .. لو ما كـدا كنت قلت ليكـ قصة البخبخة دي بتمش في حاجات كتيرة
|
Post: #30
Title: Re: معاً من أجل راس بلا كيف !!!!
Author: وليد عبد اللطيف
Date: 08-24-2009, 01:55 PM
Parent: #29
استاذ وهبة
طبعا اخوك المكيفات دي بعيد منها تماما حتى الشاي الان عندي فيهو راي
بالرغم من اني كنت شغال في شركة حجار للسجائر قبل كده ايام السودان
ومعرفو في الحله ماعندي قضية باي شي .
القصه هنا
ياعمك طلع واحد من ناس الحلة في وقت متأخر من الليل
ولم يجد اي واحد في الشله فعاين يمن ويسار
قال لي ياخي انت راسك راس ديك
ما بنتشغلوا باي حاجة ... ها ها ها
والحمد لله ربنا رحمنا .
سلام .. سلام
|
Post: #31
Title: Re: معاً من أجل راس بلا كيف !!!!
Author: ibrahim kojan
Date: 08-24-2009, 02:24 PM
Parent: #30
معا من اجل كيف بلا راس.....
كدا اجمل واكتر منطقية.......
|
Post: #32
Title: Re: معاً من أجل راس بلا كيف !!!!
Author: عبدالوهاب علي الحاج
Date: 08-25-2009, 09:08 PM
Parent: #30
Quote: طبعا اخوك المكيفات دي بعيد منها تماما حتى الشاي الان عندي فيهو راي
بالرغم من اني كنت شغال في شركة حجار للسجائر قبل كده ايام السودان
ومعرفو في الحله ماعندي قضية باي شي . |
الوليد
رمضان كريم
كلامك دا حيرني شديد
تعرف انا في حياتي دي اكتر حاجتين بستغرب ليهم
انو الزول يكون ما عندو علاقة بالمكيفات
ويشوف عادي كدا من غير نضارة
بالجد بشوفهم كضابين كضابين كدا
وتحياتي
|
|