Post: #1
Title: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 01:50 PM
أولاً رمضان كريم، تصوموأ و تفطروأ على خير...و يتقبل الله منا و منكم....و يكرمكم بآجره انشاء الله....
بعدين.....النقد غير موجود لما يكتب فى هذأ البراح الحر.....جيتكم....أبقوأ عشرة... وما دايرين زعل....
_____________________________________________________
كدى عليكم الله تعالوأ أجمعوا هنا وورونى ليه منبرنا العام...آسف بنبرنا العام اصبح ذى قعدة العزابة وحنة الشعر لبنات الداخلية.....و للذهجانين من "رجالم"...و الرجال "الما طايقين وجووه" ....."نسوانم"......و الفائقين الما لامين فى ديل و لا ديلك...ناس "حاكو...حاكو".....
و ناس العندو غبينا "خاتيها ليهو عشرين سنة" لى أخوه القرأ معاها فى الابتدائية.
و ناس الحب الاسفيرى.....واحد خاتى ليهو صورة....بتاعت واحد تانى.
وواحدة خاتها ليها صورة بتاعت أختها الصغيرة!!!!
وواحد....مرة بتاع كارو و مرة بتاع مرسيدس!!!
وواحدين فى بوست واحد.....أياك "تخش فى النص"...لانو "القعدة" كاملة...واى واحد يدخل بهناك معناتا كدى "قاصد" أفرتقها.... و شوف الشوت "ضفارى"...و تلقى المتداخل....يامأ طار فوق عش المجانين أو أتسفه...عمداً.
ووحدات.....التقول قاعدات فى "حفرة دخان"...أه يافلانة يا حبيتى .....و اه يا فلانة يا بت "حبوبتى"..... وكمأن تقول مسلسلات.....أشوفك فى "الزير سالم".... وما عارف ديك "طقى لى تلفون"...طبعاً ديل "المغتربات" و خاصة ناس الخليجية...
والحمد لله الطق بقى فى "البنبر العام" و نسوأ سيد "الاذية"....مجدوع مع العيال....يتبسم كالابله و هو يشاهد التلفاز....بلغة ناس أخونا السنى دفع الله"...رد الله "منفاه و هو يعانى فى السودان فى أجازته السنوية"
الكلام كتير ...و المغصة قاتلانى.....و رمضان كل أجازة ....و قاعد ليكم هنا لغاية العيد.....
أحىىىىىىىىى أنا من "المغصة".....
صديق - الدوحة
تخريمة:
أذاع تلفزيون جمهورية ا لسودان بالامس بانه تقرر أن تخفف ساعات العمل فى رمضان الى سبع ساعات و يبدأ العمل من الثامنة صباحاً بدلاً من الساعة السابعة.
على فكرة "ناس الانقاذ" جروؤأ الساعة و غيروها من سته عملوها سبعة لذلك لا تخفيف و لا يحزنون.....
"إنا لله وإنا اليه راجعون"
صدق الله العظيم
|
Post: #2
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 02:07 PM
Parent: #1
كل ما سوف أكتبه هنا ليست الا نقداً فى ثوب فكاهى لعلى أريحكم من عذابات الضمير و خوفكم من "الهكر"...المتربص بصوركم "القبيحة" التى تنشرونها هنا....الا قلة.."ادمنت الابداع".....نعم.
دى "ضربة البداية" و معاكم 30 يوم و مرحب بكل الذهجانين و المغبونين.... و الممغوصين.
تخريمة:
قبل يومين...تتداخلته فى موضوع....و ودفعت بكل قواى فى أن أعكس روحه....ووجدت نفسى "وسط قعدة"....فُسفهت...كما لم أسفه من قبل:
ارفع راسك عاليا ...فأنت سوداني/ة....0 إلى مغتربينا بالخليج والسعودية .
الجماعة ديل شكلهم جبهجية التقول لى كدها...قلنا ما دايرين "زعل"....بس أنا بسوق ليكم فى البوست دها.
|
Post: #3
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد البشرى الخضر
Date: 08-23-2009, 02:21 PM
Parent: #2
سلامات يا عمك ورمضان كريم
في سبيلك لإراحتنا من عذابات الضمير وخوفنا من الهكر
ريّحنا عليك الله معاك من الهمزات الما في محلها الفي نص الكلمات
أوشكت تفطرنا - إن شئت
|
Post: #4
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 02:41 PM
Parent: #3
محمد البشرى الخضر
اها أنت من الجماعة "الماعندهم موضوع و لا موضوعية و لا نقدية و لاتقبل ألاخر"....يعنى يا عمك....ألاتجاه المعاكس
لا يوجد لا همز و لا لمز حقائق و بس....أذا بتتائر "بحفرة الدخان من أجل الصيام" فانا أسف
الزنب زنبك...لان...عنوان البوست...أثار فيك غريزة "المفطر"....فدخلت...و قبل أن تقرأ و تعلم ما يدور......انبهلت
ثم أقمت على حافة الافطار...لتصلى العصر.......
يا زول انت مالك؟؟؟ ما زول كويس.....بس حاول مرة اخرى فتداخلك فى هذأ الموضوع يجب أن يكون موزوؤن "ذى موية النار"... والا خليك "بعيد" و أعمل "شخيط"
و رمضان كريم علينا و عليك و على "أمة المسلمين"
صديق
|
Post: #5
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد البشرى الخضر
Date: 08-23-2009, 03:07 PM
Parent: #4
لا حولا ...
صديق كدي قول بسم الله انت فهمت قولة (الهمزات الما في محلها) كيف ؟
ياخوي انا قاصد الهمزة (أ) آ أسد الواحدة حقت الابتدائي ديك
كدي اقرا الكوت دا تاني وراعي للتحتو خط Quote: اها أنت من الجماعة "الماعندهم موضوع و لا موضوعية و لا نقدية و لاتقبل ألاخر"....يعنى يا عمك....ألاتجاه المعاكس
لا يوجد لا همز و لا لمز حقائق و بس....أذا بتتائر "بحفرة الدخان من أجل الصيام" فانا أسف
الزنب زنبك...لان...عنوان البوست...أثار فيك غريزة "المفطر"....فدخلت...و قبل أن تقرأ و تعلم ما يدور......انبهلت
ثم أقمت على حافة الافطار...لتصلى العصر.......
يا زول انت مالك؟؟؟ ما زول كويس.....بس حاول مرة اخرى فتداخلك فى هذأ الموضوع يجب أن يكون موزوؤن "ذى موية النار"... والا خليك "بعيد" و أعمل "شخيط"
و رمضان كريم علينا و عليك و على "أمة المسلمين" |
وقع ليك إن شا الله
بعدين يا خوي هو النقد دا لعب ولا قالوا ليك اي زول بقدر عليه
اول شي البتصدّر لنقد الآخرين يجب ان يكون عندو الاستعداد و القابلية لتقبل نقد الآخرين ليه
فحكاية ما عندك موضوع و اقيف بعيد و ما إلى ذلك من بطيخ دردقتو في ردك اعلاه تلمو عليك
وما دام مرقت للنقد انكرب عاد و ابقى قدرو
________________________________
قصة الذال و الزين مافي داعي ليها الأذان قرب ... بستحملها
|
Post: #6
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 03:28 PM
Parent: #5
اها"فهمت تب"...أنت من ناس نادى تصحيح اللغة "المنسية" اللغة العربية......يعنى داير تقول لى أنا ما بعرف أكتب عربى... والله ما بعرف......بس ريحنى و افتح ليك بوست بهناك...و أعمل فيهو أنك ...أبو الاسود السودانى....و خلينى فى جهلى باللغة العربية...على فكرة أنا "شلكاوى" و الله العظيم "حبوبتى شلكاوية" من الانقسنأ...و برطن كمان.
.لكنى ممغوص بالحيل من "شنات" موضوعات المنبر دها...أذأ داير تعال " لكنى معترف أنو عربيتى تعبان" , أحسن لى أكتب بالانجليزية الما فيها لا تنوين و "أضغان بغنة...و لا ما هى "أضغام بغن" مش عليك الله يا محمد......عليك الله شكل لى الدارجى الانا بكتب بيهو هنا تكون ساعدتنى فى نقد "الذات"
و الله " حا تدى، " بالعربى "حقى" و بالعربى حقك "سوف تعطى" البوست النكهة التى أنشدها.....و ليك عليك "مرحب"
بالانجليزى المثل الشهير بقول:
Don't give laborious man hand-shake because he will impress
صديق - الدوحة
|
Post: #7
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 03:46 PM
Parent: #6
صديقى و أخوى محمد البشرى الخضر
و الله موضوعك الهنا دها مشابه لموضوعى بس مكتوب بالدارجى (شماسى آوى) ذى ما بقول اهلنا ألمصاروة:
كرهتونا الـ......
عليك الله ده هسع نقد....دها "بهدلة".
على فكرة حاولت اتصل عليك....بس شلك كنت مشغول....بيناتنا الحب و الاحترام.... ولك الآمان " فى الوقت الحالى" على الاقل.
صديق
|
Post: #8
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 04:05 PM
Parent: #7
الفتنة أشد من القتل......الخرطوم تسلح جميع السودانيون لقتال ...بعضهم البعض... والله بالحيل لو عملوأ كدى أكونوأ "مجانين جد بالجد".
|
Post: #9
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-23-2009, 07:39 PM
Parent: #8
هاهاهاهاهاهاها......."تخافوأ".....
|
Post: #10
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد البشرى الخضر
Date: 08-23-2009, 10:25 PM
Parent: #9
صديق يا عمك ...
ما قصة لغة عربية و استذة و بتاع
كل ما في الأمر أن الهمزة الما في محلها دي بتضرس عديل كدا - كان كتبت فصيح ولاّ دارجي - ما ممكن تخت لي همزة في الف واو الجماعة و دايرني ما أتضرس و صيامي يتجرّح
كدي يا عمنا حاول أقرا دي بصوت عالي أها إنضرست ولاّ كيف ؟
ثم يا شيخ الهمزة دي بتدور ليها ضغطة على الشِفت قبالها يعني ما ها شغلةً هينة
ما ترخيها الله يرضى عليك و سيبك منها
بالنسبة للتلفون يا عمك فكان بعيد وكدا
أما فيما يخص مثلك البالإنقليزي أعلاه فقوقل هيم سيلف غلبو يفهمني ليه
اها ... واصل نقدك
|
Post: #11
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-24-2009, 04:09 PM
Parent: #10
الحب االآسيفيرى فى "البنبر"
ما أن تفتح آحداهن بوست انشاء الله فى كيفية عمل "الكِسرة"..إلا تعاسوا عليها تقاعس صديقى محمد البشرى على هذأ البوست....المنحرف شكلاً و مضموناً.
ثم يا "هنايا"...لكنى ما بالغتى.. و يا هناي لكن ما بالغت..... و يا كوكو..... و يا كايكى.... و يا ظروفا.... و يا ظريف.... و فى النهاية موضوع الشللية..... و أياك تخش الجمعية.
تخريمة:
محمد ياولض تعرف لى معنى:
يأكأ سوق؟..... بلغة اهلك الشلك.....تكون سودانى.... مش سيبويه إبن عبد مناف الاسودِ
|
Post: #13
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد الجزولي
Date: 08-25-2009, 06:58 AM
Parent: #12
ـــــ
|
Post: #14
Title: Re: المنبر العام..... و بيت العزابة...... و داخلية البنأت...و مابينهما.....
Author: أيمن الطيب
Date: 08-25-2009, 08:32 AM
Parent: #13
| Quote: المنبر العام ...... |
| Quote: وداخلية البنات !!!! |
دا وين كمان؟؟؟
يا صديق القاعد بعيد !!!!!يازول إنت الزعلك منو!!!!!
لكن للضمان كدا,,,
قول الفى نفسك ,,,
|
Post: #18
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-25-2009, 12:19 PM
Parent: #14
البنبر العام "كوم".....بيت العزابة الموجود هنا "كوم".... و داخلية البنات ...الموجودة هنا "كوم"......اما ما بينهما....ديل الباقين....
الكاتب الرصين/ة
الراؤى الجيد/ة
المهموم/ة بالهم العام
صاحب/ة الفكرة
الشاعر/ة
المتوحد/ة
المجنون/ة
المشكوش/ة
الزهجان/ة
المتبلد/ة
و فاضى/ة الشغل و المشغلة.
المحروم/ة من الشهرة
السياسى/ة و المستايسين.
اما التصنيفات الاولى اعلاه هى الغالبة لذلك سوف نعطيها حقها....متى ما سنحت الفرصة.
صديق - المتوحد/المجنون
|
Post: #16
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-25-2009, 12:05 PM
Parent: #13
محمد الجزولى ود دياب "ود بيرث"
الغبينة....الغبينة.....
يا زول فضفض....و سب و العن...الزمن القبيح...."بنبرنا حر"... و محتاج ليهو.....شاى بقرفة و هبهان عشان نقتل الروتين بتاع "ولد جيرانا مــــات...عزونى".... و "لا بت اختى ولدت....هنونئ"......."و حمار جيرانا جالو ولد بالحرام من حمارة ست الشاى هنونئ"....و بنطلون فلانة....زاد...فلنقصره....
و عمر البشير....قالوا ليهو الطيران الجديد "سودانى" ما تجربوا لينا....قال ليهم "انتوا وهم"..."ركبوا سلفاكير اجربها ليكم"
يا ود الجزولى خليك هناك ضارب الصحارى الاسترالية وانسى... وكلما ما تذهج...بالله عليك....اضرب فى المليان وليك على.
صديق المغبون
|
Post: #17
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-25-2009, 12:08 PM
Parent: #12
Quote: وكدي بالمرةَ كده شوف لينا معاك ده أصلي ولاَ تايوني !!!!!!
Re: ناس الدوحة.....بورداب الدوحة...لكم الاحترام والود...جلسة حوار
|
اصلى مئة بالمئة ذى فراخ الجمعية
مرحب بكل المغبونين و المغبونات الاحياء منهم/ن و الاموات!!!!
|
Post: #15
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-25-2009, 11:43 AM
Parent: #5
| Quote: أذا بتتائر "بحفرة الدخان من أجل الصيام" |
يتائر فى لغة أهل الشام و يعنى بلغة اهل الخليج "يوقف" و فى لغتنا "يشد"... و بالانجليزية "القحة" Pentrate.
إذا " داير" زيادة شرح..."حاضرين" بالخليجى...و جاهزين بالسودانى و Ready بالانجليزى....يا مرسى.
صديق
|
Post: #19
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد البشرى الخضر
Date: 08-25-2009, 12:42 PM
Parent: #15
بدايةً اسمح لي اشكرك على كونك خففت اعصار الهمزات الأوشك يؤدي بي و بصيامي إلى التهلكة
نجي لي للعواسة دي Quote: يتائر فى لغة أهل الشام و يعنى بلغة اهل الخليج "يوقف" و فى لغتنا "يشد"... و بالانجليزية "القحة" Pentrate.
إذا " داير" زيادة شرح..."حاضرين" بالخليجى...و جاهزين بالسودانى و Ready بالانجليزى....يا مرسى. |
بالنسبة لـ pentrate المذكورة أنا و قوقل غلبنا ضمة نعرفها ياتها
فمرسي في الحالة دي فعلا عايز شرح
أما (يتائر) فبغض النظر عن طريقة نطقها الغلبتني برضك
فلو أمكن دخلها لي في جملة مفيدة تانية - بالشامي أو بالخليجي ما مشكلة
المهم جملة مفيدة كاملة عسى ولعل ادرك ما فاتني
|
Post: #20
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-25-2009, 02:01 PM
Parent: #19
صديقى محمد البشرى.....تعرف الائر بالسودانى يعنى شنو...بتفهم الباقى....
لا مجال للتفصيل فالدنيا رمضان، تقبل الله منا و منكم صالح الاعمال و الهمزات.
تخريمة:
فى جماعة لم نزكرهم فى التصنيفات اعلاه....الجماعة البقرؤا الكلام الموقع هنا و ليست لهم عضوية و هؤلاء ينقسمون الى الاصناف التالية:
صيادى الوجبات المجانية من الكتابة و السفسة
إفطار بورداب الدوحة....تلقى عشرة بورداب و 5 اشخاص مجهولى الهوية.
صيادى الحفلات و المنتديات
تجدهم فى كل المناسبات التى يعلن عنها فى البوردات، إذا كانت دعوات عشاء، غداء و لا حتى رحلات.
و لسان حالهم يقول:
الليلة بلاش و بكرة بقروش
صديق - الدوحة
|
Post: #21
Title: Re: المنبر العام..... و بيت العزابة...... و داخلية البنأت...و مابينهما.....
Author: أيمن الطيب
Date: 08-25-2009, 05:18 PM
Parent: #20
يا صديق ,,,| Quote: مجهولى الهوية!!!!! |
ديوك عدة فى ولا مافى؟؟؟
إنعل أبو الضيق زاتو ياخ,,,,
أسمع شغّل الهمزات تانى عشان ود البشرى دا يآمن زاتو,,,
وينضرس لمن ضروسو تطير,,,,
(مجهولى الهوية) و(ديوك العدة)عبارات منسوبة للفريد فى عصرو والبراو والناس وراو (خطل)!!!!إن شششششششششاء الله يا صديق يفتح فيك سبعة بلاغات سرقة حقوق أدبية ,,
تحياتى,,
|
Post: #22
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد البشرى الخضر
Date: 08-25-2009, 06:06 PM
Parent: #20
أهاااااا يا عباس ... قمنا خلاص
اها انا ماعرفت الـ | Quote: الائر بالسودانى يعنى شنو.. |
عشان افهم الباقي
اسي تجي تقول لي | Quote: لا مجال للتفصيل فالدنيا رمضان |
يعني لمن كنت | Quote: "حاضرين" بالخليجى...و جاهزين بالسودانى و Ready بالانجليزى....يا مرسى. |
الدنيا كانت لسة شعبان عندكم ولاّ كيف ؟
وعملت لينا شنو في موضوع الـ Pentrate الغلبت قوقل دي ياخ
بالمناسبة يا عمك...
في رايي انو كلامك دا Quote: الجماعة البقرؤا الكلام الموقع هنا و ليست لهم عضوية و هؤلاء ينقسمون الى الاصناف التالية:
صيادى الوجبات المجانية من الكتابة و السفسة
إفطار بورداب الدوحة....تلقى عشرة بورداب و 5 اشخاص مجهولى الهوية.
صيادى الحفلات و المنتديات
تجدهم فى كل المناسبات التى يعلن عنها فى البوردات، إذا كانت دعوات عشاء، غداء و لا حتى رحلات.
و لسان حالهم يقول:
الليلة بلاش و بكرة بقروش |
شين شديد , شين للحد البعيد
انت اظنك قصة بورداب و بتاع دي مديها وزن كبير اكتر مما يجب
أبو يمن رمضان كريم
مالك علي ياخ .. أنا ما صدقت الهمزات راقت شوية
عندي مصران ياخ براه الصيام مجهجني فيه
|
Post: #23
Title: Re: المنبر العام..... و بيت العزابة...... و داخلية البنأت...و مابينهما.....
Author: عبدالله ود البوش
Date: 08-25-2009, 07:13 PM
Parent: #3
Quote: ريّحنا عليك الله معاك من الهمزات الما في محلها الفي نص الكلمات
أوشكت تفطرنا |
أبوحتوت
ياخي صديق عبدالمنعم دا درس اربعة سنوات في معهد الكليات التكنولوجية بالانجليزية
القحةخلتو ليك ما يفرق بين ض ضرب ود دخل خليها الهمزة على الألف والهمزة على السطر
وانسى فتح وكسر همزة أن ..... ياخي صديق دا مرة عطس في المحاضرة قلت ليهو يرحمك الله
قال لي ميرسي ههههههههههههه
بالمناسبة صديق دا يقرأ له عدد كبير من خارج المنبر خاصة دفعتنا الشهيرة بالمعهد
وديل عارفينو بقول في شنو ( لاحظ العداد قارب الـ 500 ودا المهم عند الفنان.......
صديق مجيغا يا لذيذ واصل ....
تخريمة :
بركات حسن أحمد كان عندو جكس في وزارة المالية وعند الاتصال عليه بالهاتف والجكس بعيد عنو
يحكي حكاياته الغرامية معه
ولكن عندما يكون جنبو يقول لي .... عبدالله قول بسم الله
اخوكم عبدالله محمد عبدالله ( راعي التلاتة ) سابقا
|
Post: #24
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-25-2009, 10:32 PM
Parent: #23
| Quote: صديق مجيغا يا لذيذ واصل .... |
عبد الله العربى....و الله سعيد سعادة "القرد" بوجودك معنا بعد شوق و بحث عن "الباسورد".
بالمناسبة الزول "المنجييغا" الفوق دها كَتاب...بس يضع السيف موضع الضحك...و السيف بتارا إن لم يصب "غمده".... و الغمد فى اللغة هو بيت السيف...كما يعلم....بس "الجعبة" هى بيت الرماح...
ليتنا عدنا كما كنا و عاد السودان الجميل كما كان.
فرحانا بيك كل الدروب و مرحب..... وسوف اعود....الى موضوعى الاصلى عنا...عندما كنا "زغب" فى معهد الكليات التكنولوجية متى ما حانت الفرصة...انشاء الله.
تخريمة:
ليك على كنت فاكرك بلبل انجليزى برضو لكن لقيتك ذى بلبل "شلكاوى".
الكلمة هى Penetrate بمعنى يقوم أو يقف أو يشد او ينخز و ليس Pentrate و التى لها معنى مختلف "خالص مالص"، عليك الله شكل لى خالص مالص.
|
Post: #26
Title: Re: المنبر العام..... و بيت العزابة...... و داخلية البنأت...و مابينهما.....
Author: عبدالله ود البوش
Date: 08-25-2009, 11:37 PM
Parent: #24
| Quote: و الله سعيد سعادة "القرد" بوجودك معنا |
شكرا يا القرد الكبير الختا قدرو فوق قدور القردا الصغار
خاتيات القردة الصغار الختن قدورن ولا خاتي القرد الكبير
الختا قدرو فوق قدور القردة الصغار يا مجيغا ؟
اتحداك تقول دي تلاتة مرات :
شيخ سلخ ساق شيخ
دي صعبة قول دي :
الحبشي هبش الخشبة
Quote: بالمناسبة الزول "المنجييغا" الفوق دها كَتاب...بس يضع السيف موضع الضحك...و السيف بتارا إن لم يصب "غمده".... و الغمد فى اللغة هو بيت السيف...كما يعلم....بس "الجعبة" هى بيت الرماح...
|
الزول دا رائع واخو اخوان لكن كمان انت همزتك حارة
Quote: فرحانا بيك كل الدروب و مرحب..... وسوف اعود....الى موضوعى الاصلى عنا...عندما كنا "زغب" فى معهد الكليات التكنولوجية متى ما حانت الفرصة...انشاء الله.
|
رجعوا لينا خلينا ندور ليك حكايات بركات وقصص نفخو ورختر زمان يا زمان
Quote: و الغمد فى اللغة هو بيت السيف...كما يعلم....بس "الجعبة" هى بيت الرماح...
|
ماشاء الله قلبت عربي عدييل بدل شلكاوي .... البركة في ود البشرى
|
Post: #27
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-26-2009, 12:46 PM
Parent: #26
اليوم سوف اتناول "حناكيش" و "حنكوشات" البنبر....ناس...."لوووووول"....
و اوريجنال خالص....ياىىىىىىىىىىىى.... و الولد بكاىىىىىىىىىىى
و هلم جراً
الامثلة كثيرة و عويرة.....
لكن ناس يا فلانة يا حبيبتى....
و بيتكم بى وين يا قريبتى....
و جاييكم الساعة خمسة بعربيتى...
عشان نمشى السوق...و ناكل بيتزا...و نفرتيتى
و هلم جراً
ناس عائشة و ناس دائشة.....المشكلة بيجوك "بقدوك" هنا
|
Post: #28
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-27-2009, 12:55 PM
Parent: #27
يا جماعة وينكم؟؟؟
عبد الله العربى و محمد البشرى الخضر...و الله ارجع ليكم الهمزات و العشرات!!!
عليكم الله فيكم واحد فهم العشرات دى؟؟؟؟؟
و الله كان فهمتوها "الترابة دى فى خشمى و خشمكم"؟؟؟
اسأل صحبك الفلسطينى و حا اوريك العشرات هى "شنو"...
صديق الشلكاوى
|
Post: #29
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-27-2009, 10:50 PM
Parent: #28
الخرطوم تغرق...تغرق...تغرق
.....
ياخى هى هسعى.....
ما غرقانة من ززززززمان
.....
غرقانة و بس؟؟؟؟
الله يعلم!!!!
|
Post: #30
Title: Re: المنبر العام..... و بيت العزابة...... و داخلية البنأت...و مابينهما.....
Author: عبدالله ود البوش
Date: 08-27-2009, 11:28 PM
Parent: #28
Quote: عبد الله العربى و محمد البشرى الخضر...و الله ارجع ليكم الهمزات و العشرات!!!
عليكم الله فيكم واحد فهم العشرات دى؟؟؟؟؟
|
غايتو بفهمي انا التقيييييييييل دا
العشرات دي انت تكون قاصد بيها العثرات
ودي عترة ست الفول الختتو في الواطا وبعد داك نطت من الهمزة
لكن كان جاك ود البشرى بفسرها ليك تفسير صاح
دا تفتيحة ومقددة ادب وهندسة
كان جلت من الادب بدخلها ليك بالكسور العشرية
يعني اخير لك فهمي التقيل دا من mulipurposes
|
Post: #31
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-28-2009, 03:45 PM
Parent: #28
الخرطوم تغرق...تغرق...تغرق
.....
ياخى هى هسعى.....
ما غرقانة من ززززززمان
.....
غرقانة و بس؟؟؟؟
الله يعلم!!!!
|
Post: #32
Title: Re: المنبر العام..... و بيت العزابة...... و داخلية البنأت...و مابينهما.....
Author: عبدالكريم الامين احمد
Date: 08-28-2009, 04:59 PM
Parent: #31
Quote: ياخى هى هسعى.....
ما غرقانة من ززززززمان |
 
وانا يا صديق بوستك ده متابعو
من زمااااااااان
ورمضان كريم ياخي
|
Post: #33
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-29-2009, 10:38 AM
Parent: #32
Quote: وانا يا صديق بوستك ده متابعو
من زمااااااااان
ورمضان كريم ياخي |
يازول انت اميركى و لا سودانى..هنا و لا هناك.... و الله انت من وقع ليك "اللوترى" وود رملية من مما عرس....بقيتوا ذى ما كنتوا معانا هنا دى.
ياخى دايرين "قدوقدو" فى رمضان دها كويس "خلاص"
صديق القاعد بعيد
|
Post: #34
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-29-2009, 12:17 PM
Parent: #33
تصدمنى لحظات تلك البوستات التى تتحدث عن "مبروك يا هناى و لا هناية" على الباسورد و انشاء الله المرة الجاية "تلقى عريس" بدل "الباسورد".
و واحد....لا يدرى ما الموضوع....تلقاهو داخل "تـوش"....و الله يا فلانة و لو مل البوست بتاعك دها كان سودانيزونلاين...الهكر "عرسه" و كانت السيول "اكلت ناس أمبده" و كان قامت حرب نووية....
و تتجاوب هى بكل تبجح...شكراً...ما قلته حاجة جديدة...انا عارفة"بوستى" رهيب!!!
ثم ياتئ آخر يعدل و يصحح فى اللغة العربية شمالاً و يميناً...
قيغضب عليه الحنكوشات و الحناكيش اولاد تربية "الشتات"...قيقلبوأ "الحكى خليجى " بلغة اهلنا الهنود و الباكستانين.... ووواحد اقول للتانى" إنت رفيق دها مافى زينز...بس هو كلام واجد خربان....كل كلامات لازم فى تلوين بالاحمر و الاخضى و كمان فلفل..ذى النار"
ثم يغضب اهالينا المشردون فى بلاد العم سام و الاوربيكان و يبهلوه ليك شئ انجليزى، و شىء فرنساوى و شىء هولندى و هو يقيف كحمار الشيخ فى العقبة و لا يعقب... بالباء الظاهرة فى اخر السطر..... ثم يجرر ازيال الهزيمة... و يعود الى قواعده سالم....و ليس كمــــال ســـالم...عشان ما تفهمونى غلط.
اما "حناكيش الخرتوم" بختوها ليك عديل..." يا درفة ارتاج من نها و الا نل رتاى لاا الرون"...رندوك وبس... وبوستاتم "مقفولة "ذى أم فتفت بتاعت العجل"" و لا احد يستطيع مجارتهم فى التقفيل...تخش أو تخشى معاهم..."أملوصك ملط" و اخلوك ملط فى نص البوست، ثم يتجاهلونك كانك نكرة..... و حتى لو كنت "محسن خالد ذاتو"
الكلام ليهو "تمومة"....
صديق القاعد بعيد
|
Post: #35
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 08-30-2009, 12:54 PM
Parent: #34
وبنك يا محمد البشرى ياخى....محتاجين لينا لاستاذ لغة عربية هنا......
الواحد داير اجن من كترة الهمزات و السكون الذى يقود الى الجنون.....
يا زول اكسر ليك تلج هنا و خلينا نصلح العالميين ديل...انت باللغة وانا بالتهريج بصوت عالى....
مش "بوستى"........
صديق الشلكاوى
|
Post: #36
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 09-02-2009, 01:16 PM
Parent: #35
هى شايف الكلام دها ما عجبكم..... وانا عارفو ما حا اعجبكم...لكن حا اعجبكم بعد شوية ...اصبروأ..
واحد كاتب:
قناة هارموني، مبالغة في الهباب.
سؤال برىء.....هو شنو الما مهبب ياخى؟
|
Post: #37
Title: Re: المنبر العام..... و بيت العزابة...... و داخلية البنأت...و مابينهما.....
Author: عبدالمجيد الكونت
Date: 09-02-2009, 02:14 PM
Parent: #36
عوافي
|
Post: #38
Title: Re: المنبر العام..... و بيت العزابة...... و داخلية البنأت...و مابينهما.....
Author: PLAYER
Date: 09-02-2009, 05:40 PM
Parent: #37
يا اللخو......انت كدا ولا رمضان
حكمة اليوم
الفرق بين الجنون والفنون حرف
|
Post: #40
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 09-02-2009, 09:37 PM
Parent: #38
| Quote: يا اللخو......انت كدا ولا رمضان |
و الله الاتنين يا عادل.....مركب "مكنة براسين"
واحدة للدبرسة و التانية لرمضان...رايك شنو؟؟؟
Quote: حكمة اليوم
الفرق بين الجنون والفنون حرف |
عرفتو حرف ال "ج" صاح؟؟؟
خليك معاى هنا و انا عارفك زول ساخر و مجنون متل اخوك البنربجى المركب مكنة رمضجنى.
صديق
|
Post: #39
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 09-02-2009, 09:30 PM
Parent: #37
عبدالمجيد الكونت
الكونت دى مونت خريستو، اشهر كونت على وجه البسيطة....
عوافي،،،،
عوفيت اذ عوفيت و الكرم وصار عنك الى اعداءك الآلم....
صاح....عوافى...لينا و لى ناس البنبر.....يا كونت.
صديق
تخريمة:
و الله شكلك كونت
|
Post: #41
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 09-03-2009, 02:04 PM
Parent: #39
كان المفروض العنوان يكون كالاتىء:
البنبر العام..... و بيت العزابة...... و داخلية البنات...و مابينهم.....
اسف المرة الجاية حتتصلح و نتصلح (بس بعد رمضان).....
صديق
|
Post: #42
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 09-05-2009, 05:39 PM
Parent: #41
نعم
|
Post: #43
Title: Re: المنبر العام..... و بيت العزابة...... و داخلية البنأت...و مابينهما.....
Author: Siddig A. Omer
Date: 09-09-2009, 11:46 AM
Parent: #42
البنبر العام..... و بيت العزابة...... و داخلية البنات...و مابينهم.....
|
Post: #44
Title: Re: المنبر العام..... و بيت العزابة...... و داخلية البنأت...و مابينهما.....
Author: محمد كابيلا
Date: 09-09-2009, 12:31 PM
Parent: #43
| Quote: البنبر العام..... و بيت العزابة...... و داخلية البنات...و مابينهم..... |
متابعة ...وإستمتاع !
بس ما تكون منتظر بينا زمن الفطور ..!!
كل الود
محمد كابيلا
|
|