Post: #1
Title: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-21-2009, 05:19 PM
عليكم الله شفتوا جنس المحن دي ...!!!
دي امي .. الحاجه انصاف الجزولي الله يديها العافيه ويخليها لينا ...
الليله ما قصرت ليكم معاها كلو كلو .. من الصباح بدري مشينا سوق بحري سوا .. زحمه زحمه ما اقول ليكم بس ...
اشترينا ديييك يا البهارات وسحناها كمان , البصل الناشف , الشمار (ما تقيل لكن), الكسبره, التوم, الكبكبيه
الكركدي الاحمر , (لانو بقا في نوع ابيض حكمه الله), القنقليز , العدس, الفول..
سوق الخدار.. العجور(الواحده ب 3 الف), الخيار, الطماطم, الليمون, الجزر, الفواكه ...
اختكم كانت صارفه قبل يومين واتكفلت بالمصاريف دي ...!!!(شفتوا الفلاحه)..
وكمان جبت لي عدد واحد شوال سكر ....
قامت امي قالت لي شنووووووووو؟؟؟؟؟؟
دقيقه بس نمشي السوبر ماركت واجي اتم ليكم
|
Post: #2
Title: Re: دقيقات الفطور مضروبه ... مرقت بتي جات مخطوبه ..!!!
Author: عبدالوهاب علي الحاج
Date: 08-21-2009, 05:43 PM
Parent: #1
| Quote: دقيقه بس نمشي السوبر ماركت واجي اتم ليكم |
فووووووق
لحدي ما تجي الدكتورة من السوبر ماركت
في واحد فيكم عندو سؤال ؟؟؟
التوقيع : عمو وهبة
___
كيتاً في ود البشرى ومن لف لفو
|
Post: #3
Title: Re: دقيقات الفطور مضروبه ... مرقت بتي جات مخطوبه ..!!!
Author: خالد علي محجوب المنسي
Date: 08-21-2009, 07:01 PM
Parent: #2
السوبرماركت دا في شندي
نحن منتظرين
أمها قالت ليها شنو ؟؟
دي زحمة شنو ؟
تحياتي رمضان كريم
|
Post: #4
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-21-2009, 07:30 PM
Parent: #3
عمو وهبه يا عسل ...
والله جمايلاك مغرقاني ... ربنا يديك العافيه انشالله ...
بالمناسبه ... في زول عندو سؤال؟
|
Post: #5
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-21-2009, 07:43 PM
Parent: #4
احم احم .. ايواا انا جيت من السوبر ماركت .. والحمد لله البوست محروووس وكلو تمام ...
شكرا خالد الجميل .. عمو وهبه انشالله يوم شكرك ما يجي ...
اقول ليكم .. ماما قالت لي شنو..
امي طبعا اتكيفت مني ... كيييييف لا .. وبتها الفالحه جابت ليها حاجه رمضان وكده ..
قالت لي.. انشالله يا داليا بركه رمضان دا , رمضان الجاي اجي اجهز معاكي حاجه بيتك ,,,
قلت ليها .. ويييين يا حاجه .. ما اظن .. كلامك دا معناهو عرسي مفروض يكون بعد شهر بالكتير؟؟
هزت كتفيها لفوق .. وقالت لي.. مالوا يعني , امي بت مدني (حبوبتي انا يعني) كانت بتقول ..
دقيقات الفطور مضروبه .. مرقت بتي جات مخطوبه .....!!!!!!!!!
الشرح .. يعني مسافه ما انا عاجنه دقيق الفطور دايره اعوس قراصه الفطور (لاننا شوايقه وكده)
مرقت بتي وجات موضوعها منتهي ....!!!!
|
Post: #6
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 09:02 AM
Parent: #5
اسي في زول جاب سيره البرد يا امي .؟؟؟؟؟
|
Post: #7
Title: Re: دقيقات الفطور مضروبه ... مرقت بتي جات مخطوبه ..!!!
Author: omer osman
Date: 08-22-2009, 09:22 AM
Parent: #6
Quote: في واحد فيكم عندو سؤال ؟؟؟
|
ياوهبة انت كنت تعلمجي والا شنو ؟؟؟ التعلمجي في كلية الشرطة في حصة السلاح قال لينا الدرس الاول :
البندقية قربينة S مصنوعة من الحديد والخشب اى سؤال ؟؟؟ 
|
Post: #8
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 09:26 AM
Parent: #7
يا عمر .. صباح الخير .. اول يوم معاك كيف؟؟؟؟
عمو وهبه دا لو سمحت ما تهزر معاهو في البوست بتاعي .. نحن هنا قاعدين نضرب ليهو تعظيم سلام بس..
في زول عندو سؤال؟؟؟؟
|
Post: #9
Title: Re: دقيقات الفطور مضروبه ... مرقت بتي جات مخطوبه ..!!!
Author: omer osman
Date: 08-22-2009, 09:34 AM
Parent: #8
Quote: يا عمر .. صباح الخير .. اول يوم معاك كيف؟؟؟؟
عمو وهبه دا لو سمحت ما تهزر معاهو في البوست بتاعي .. نحن هنا قاعدين نضرب ليهو تعظيم سلام بس..
|
صباح النور ياداليا
اخوك مفتح الساعة 4 صباحاً كباية قهوة مزبوطة ومعاها اتنين بندول اكسترا لحدي اسه كلو في السليم.
عمك وهبة ده بس من محبتنا ليهو بنحب نشاغلو ؟؟؟ تعظيم سلام للشاويش وهبة
بالمناسبة (ناس كرودي) من نوري ببقو ليكم ؟
|
Post: #10
Title: Re: دقيقات الفطور مضروبه ... مرقت بتي جات مخطوبه ..!!!
Author: Hani Arabi Mohamed
Date: 08-22-2009, 09:37 AM
Parent: #9
ساعة الفطور وين ... ساعة الفطور ما جات
|
Post: #11
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 09:42 AM
Parent: #10
هاني انت قريت الحاجات المكتوبه فوق دي واتجرست ولا شنو ؟؟؟
عموما اطمنك جدا .. الساعه اسي 12 الا ربع يعني باقي زي سته ساعات كده ...
وربنا يعظم الاجر ..
|
Post: #12
Title: Re: دقيقات الفطور مضروبه ... مرقت بتي جات مخطوبه ..!!!
Author: الكباشى البكرى
Date: 08-22-2009, 09:47 AM
Parent: #11
| Quote: Re: دقيقات الفطور مضروبه ... مرقت بتي جات مخطوبه ..!!! |
فعلا يا داليا ونحنا هسي با قي لينا ساعه من الفطور.
|
Post: #13
Title: Re: دقيقات الفطور مضروبه ... مرقت بتي جات مخطوبه ..!!!
Author: حيدر حسن ميرغني
Date: 08-22-2009, 09:47 AM
Parent: #11
| Quote: يعني باقي زي سته ساعات كده ... |
نحنا بقى لينا ساعة بالضبط ونقوووووول كده نسفسف
|
Post: #14
Title: Re: دقيقات الفطور مضروبه ... مرقت بتي جات مخطوبه ..!!!
Author: الكباشى البكرى
Date: 08-22-2009, 09:50 AM
Parent: #13
| Quote: نحنا بقى لينا ساعة بالضبط ونقوووووول كده نسفسف |
حيدر رمضان كريم
وكيف اول يوم معاك ؟
وبراحه علي الجماعه يا خي .
|
Post: #15
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 09:54 AM
Parent: #14
الكباشي البكري .. وحيدر ..
انتو جادين ؟؟؟؟؟؟؟؟ فطوركم قرب كدا ؟؟؟
طيب انا اسي بركب طياره واشوف كوريا دي اتجاها وين وابقى جايه طوالي ....
لوووووووووووول ..
اجيب ليكم معاي حلو مر؟؟؟
|
Post: #16
Title: Re: دقيقات الفطور مضروبه ... مرقت بتي جات مخطوبه ..!!!
Author: حيدر حسن ميرغني
Date: 08-22-2009, 09:57 AM
Parent: #15
Quote: الكباشي البكري .. وحيدر ..
انتو جادين ؟؟؟؟؟؟؟؟ فطوركم قرب كدا ؟؟؟ |
بالحيل جادين
والزمن بينا شبه واحد
_
رمضان كريم ياكباشي
تصوم وتفطر على خير
|
Post: #17
Title: Re: دقيقات الفطور مضروبه ... مرقت بتي جات مخطوبه ..!!!
Author: جمال السنوسي
Date: 08-22-2009, 10:58 AM
Parent: #16
داليا والمتداخلين
رمضان كريم
يعني يا داليا وينو الآبري الأزرق
ووين الابيض
يعني لا قراصة شايقية
ولا عصيدة كردفانية
ولا شعيرية جزيرة
ولا سلات الشرق
نفطر كيف يعني
هسه الواحد يقوم يفطر ليكم ويقطع البوست ده ( اقصد اليوم ده)
تسلل :
في حج ما في السنوات السابقة قابلت لي فنان كبير جدا ( اله يرحمه توفي قبل فترة) وهو حافي القدمين وبملابس الاحرام بعد ان فقد مرافقه في السعي فبادرت بالسلام عليه فبدأ يشكي قائلا :
ياخي انا االبلد دي جيتها زيارة - قريبي ده شبكني ليك تعال نحج - جيت معاهو هسه دفروني في السعي وزولي ده راح مني - ياخي هسه دي بقلع الاحرام ده هنا وبرجع - ده حج شنو ده
الله يرحم هذا الفنان ( مابقول اسمه) بقدر ما أعطى للشعب السوداني من فن خالد على مر السنين
|
Post: #18
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 12:00 PM
Parent: #17
لا لا لا لا خلاص يا عمو الثنوثي والله برثلها ليك اثي ...
بث انت رثل لي ذول عشان يثيلها ليك جده .... ولا ثنو ...؟؟
انا برثل ثريع تقوم تعمل عمله الفنا القلتو دا ... لووووووووول .. (وش مدردق من الضحك)..
|
Post: #19
Title: Re: دقيقات الفطور مضروبه ... مرقت بتي جات مخطوبه ..!!!
Author: وليد عبد اللطيف
Date: 08-22-2009, 12:52 PM
Parent: #18
Quote: عمو وهبه دا لو سمحت ما تهزر معاهو في البوست بتاعي .. نحن هنا قاعدين نضرب ليهو تعظيم سلام بس..
في زول عندو سؤال؟؟؟؟ |
سؤالي ياغالية تعظيم سلام بس والراجل يستاهل اكتر من كده
يابت الكباش رمضانكم طيب ان شاءالله
وبمناثبة الكركدي الابيض
في يوم اخوك معزوم فطور
لمحت صينية فيها جكين مويه استغربت
فشربت من واحد منهم فتزوقت طعم كركدى وتعالي شوفي الحيرة
قلت الجك ده امكن كان فيهو من اول كركدي فوجدت الناس تشرب
من الجكين فضحكت وسالت صاحب المنزل ماهذا ؟
وقادر الله .
بوست موفق اخت داليا
وتصوموا وتفطروا على خير
سلام.. سلام
|
Post: #20
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 03:30 PM
Parent: #19
وليد عبداللطبف .. شكرا لمرورك
ساعود اليك مساء ..
|
Post: #21
Title: Re: دقيقات الفطور مضروبه ... مرقت بتي جات مخطوبه ..!!!
Author: سفيان بشير نابرى
Date: 08-22-2009, 03:55 PM
Parent: #20
| Quote: دقيقات الفطور مضروبه ... مرقت بتي جات مخطوبه ..!!! |
لا تحلمو بعالم سعيد .. وبث
|
Post: #22
Title: Re: دقيقات الفطور مضروبه ... مرقت بتي جات مخطوبه ..!!!
Author: داليا الكباشى
Date: 08-22-2009, 10:16 PM
Parent: #21
سفيان ...
ليه؟؟
|
Post: #23
Title: Re: دقيقات الفطور مضروبه ... مرقت بتي جات مخطوبه ..!!!
Author: سفيان بشير نابرى
Date: 08-24-2009, 09:35 AM
Parent: #22
يا داليا أختي
ليه كيفن ياخ
أنا اخدتها من قاصره
وخففته عليك الأعباء
هسي عليك الله قولي خطبوها
بي حال السودان المجنن ده
حتكونى بتعوسي في الابري
وتودى موية العريس 9 سنه
ارخي الخطوبة دى وشوفي ليك
عنوان كاااارب فيهو دقيقات
الفطور ومعاهو عرس طوالي .
ياخ افهميها طايرة يا داليا
عشان الشرح ده هسي عطشنى رسممممممي
سنتك طيبة
ورمضانك كريم .
|
|