|
انا متبرعه ( بحلو مر) لاي بوردابي بره السودان ....
|
نظرا لدخول شهر رمضان المعظم .. ونظرا لانو اي حاجه بره السودان بتتلقي الا الحلو مر ... حبيب الشعب
اتبرعت انا داليا ... بكميات مقدره من الحلو مر , ولو استلزم بلح رطب من الشماليه لاي بوردابي بره السودان ...
الشرط : اي زول داير يحدد زولو البشيلو ليهو ..
انا مستعده اوصلو لحدي المطار ... قصرت معاكم ....
رمضانكم طيب وعوافي ...
|
|
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: Hussein Mallasi)
|
عمو ملاسي يا مايسترو ...
والله الموضوع بيستاهل المبالغه ...
اتخيل انك صايم في السخانه دي وبعد الفطرو ما لقيت ليك كبايه حلو مره بااااااااارده كده ؟؟؟؟
ولا في السحور شربت كوز الحلومر الكنت مصبنو في الفريزر او حتى تحت الزير ...
بس شعورك حايكون كيف؟؟؟؟
شكرا لمرورك يا مايسترو ... تصوم وتفطر زي مازي ناس عماد عبدالله ...!!!!
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: داليا الكباشى)
|
رمضان كريم..وتصومى وتفطرى على خير يارب..
شعور جميل..وربنا يعظم اجرك يارب...
بدل الحلو مر بتاعى..عايز أطلب منك ان تكثرى لى من الدعاء عند ألأفطار لى ولكل البورداب وكافة المسلمين.ألأحياء منهم وألأموات...وربنا يوكل لم ملك يدع لك ويقول لك بمثل..
شفت نيتك الطيبة جابت ليك خير قدر شنو....لكن الله يقدرك تتذكرى ساعة ألأفطار دى...الواحد بكون ملخوم فى نفسه.......إسماعيل محمد احمد عباس...
داليا..إنت شبه الهلالاب.....
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: saif massad ali)
|
Quote: الشرط : اي زول داير يحدد زولو البشيلو ليهو ..
انا مستعده اوصلو لحدي المطار ... قصرت معاكم ....
|
وبالمقابل أي زول بره السودان عندو زول مسافر للسودان أو هو بذات نفسه مسافر (خاصة ناس الخليج ) يرسل لي داليا معاهو تين وقمردين وزبيب .. وكمان شوية حلاوة ما بطال ... واحدة بواحدة يا داليا عشان إنتي البديتي الكرم الفياض دا
ورمضان كريم لك ولأسرتك .. وتشكري على الكرم الحاتمي والروح الطيبة دي ..
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: داليا الكباشى)
|
يا داليا في رحلتين يومياً لقطر ..
سلمي الآبري حقي لعماد عبدالله ، وهو بيوصلوا لي .. وبعدين والله ما عرفنا ليك ، مرة بتكوركي من أسعار حاجات رمضان ومرة بتتبرعي للمغتربين المشردين .. أريتنا بي جنس فلستك دي ..
عماد ، إستلِم ، وسلّم ألابري حقي (الأحمر والأبيض) والرطب والكركدي والعرديب لأمي ، وهي بتتصرف ، ما تنوم بيهو..
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: omer osman)
|
شكرا ياداليا الاسبوع الفات وديت الاولاد السودان وجيت... وامبارح اتصلت بي جارتنا وقالت لي
((عليك الله فتش المطبخ والمخزن شوف لي مرتك داسه الابري وين, لانو الابري بتاعنا لقيناه باظ ورمضان ده مابنقدر عليه بلا ابري))
لكن للاسف اتضح انو جيرانا التانيين كانو اسرع,
وانا والله جوعله مني عامل ليها حملة (طرقة طرقة) فياريت لو تمدي لينا يد العون.
وما عندنا زول جاي الا اجي انا براي اشيلو.
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: omer osman)
|
صلاح عبدالله
Quote: سلمي الآبري حقي لعماد عبدالله ، وهو بيوصلوا لي ..
|
ياخي؟ يادوب كدة الماوصلك شي؟
يا داليا:
عندي شباب دفعتنا مقطوعين في برنامج تدريبي ERP في الهند كرهوني الدنيا في موضوع حاجات رمضان المهم ده عنوانهم: TAMILNADUالمدينة اسمها CHENNAI بالله لو يدك واصلة وصلي لينا جيناي القالوها دي والله لا يضيع اجر من احسن عملا
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: Elawad Eltayeb)
|
تحية طيبة للجميع ،
و تحية مخصوصة لـ داليا ،
والله you made my day
يا سلام على السودان و اهلو ، و يا سلام لمن الاهل يشيلو الصينية و يفطرو بره فى الشارع
فى اجمل صور التواصل و التكافل فى رمضان ، يا سلام لمن تحس بالفخر لانتمائك لهذا الوطن
يا داليا زى ما قال ملاسى
Quote: ما قصرتي .. بالغتي.
|
داليــا كباشى ام كلامــــن بيزيل الهم الدكتــــورة الحصيفة ست العلم و الفهم لـو كتاب الفضائل ناقص بوجوك بيكون تم يـا شتله فروعها فى السما و جذورها الكرم ا نت السودان لا طالبانى حليـفة لا قســم
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: ابراهيم على ابراهيم المحامى)
|
أنـــــا أنــــــا عاوزة بس والله ماعاوزين نتقل عليك يابت بلدي يا أصيلة المهم إذا كنت لا بد فاعلة ومصرة على الكرم دا برسل ليك تلفون أختي بس ماعاوزة حلو مر الأحمر داك مابحبوش ولا انا ولا زوجي بس سجلي عندك حبة بس للضواقة أبري أبيض زي قلبك الناصع دا وحبة برضو للضواقة كركدي أحمر زي دمك الصافي دا وشوية كدة من رقااااااااااااق مقرمش ولذيذ زيك كده يا عسل أصلي بموت فيو أها وراجلي دنقلاوي عاوز بلح من الشمالية برضو ما تكتريو عشان ليو براو أنا ما بحبو أحسبي ليك 90حبة كدة كفاية عليو داليا كلامك دا لو كان مجرد مقلب برضو بتكوني ما قصرتي لآنك ساهمت ولو بأضعف الإيمان أنك تخلينا نتذكر كل حاجة حلوة في البلد داليا أنا بشكرك جداً على العرض المغري دا لانو شائل جواهو جوهرك يا بت يا كريمة يا البتشبهي أهلي العزاز كلهم يا الشائلة حبك وحائمة تنشري في العبير داليا ماعارفة أقول شنو والله نفسي أركب وأجيك شائلة شوقي ليك ونفسي أقدر أقدم ليك أى خدمة أعرس ليك أخوي مثلاً غايتو ماعارفاو قدرك ولا أصغر منك بس ما مشكلة فرق العمر بندبروا يادفعتوا لينا يا دفعنا ليكم ولا أقول ليك نخطب ولدك لى لمورة المهم آي شي ممكن يعبر عن سعادتي ببوستك دا تصومي وتفطري على خير يا بـت أمي
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: نادر الفضلى)
|
Quote: والشرط التاني
المدعوان: طارق جبرين وصديق الموج ما يجو حايميين لينا بي جاي |
بكرى الخير الجعان انت صدقت والله داليا دى كان الزريعه حقتا دى مزروعة من المقرونه لى الجريف ما تكفي ناس المنبر ديل انت عزومية المراكبيه ما بتعرفا هم فى نص البحر يكوركو ليك اتفضل داليا كان تمرك ده الليل مدينيى رسل لى قفه،،،
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: Abdlaziz Eisa)
|
Quote: ورمضان جد كريم يا دكتورة... |
ونعم بالله!
بعد دقائق... وقبل ما أرجع للبوست ده علشان أقرأ الكتبتو فيهو إتصل بي الأخ الأستاذ سيف الدولة من نيويورك وقال إنو في أختا لينا إتصلت بيهو وقالت إنها قرأت كلامي وحنت على حالتي وحاترسل ليا عبره شوية حلومر
فلها مني كل الشكر والتقدير...ورمضان فعلا كريم!
-------------------------
داليا همتك معانا...
وقسما عظما كان وصلني حلومر منك إلا أصوره وأنشرها كيتا في ناس ود الموج ديل القالو أنها عزومة مراكبية ساي...!
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: PLAYER)
|
الناس كلهم ...
لا حولااااااااااااااااااااااااااااا ...
الناس دي والله مزنوقه زنقه شديده خلاص ...
للعلم : العرض دا جادي جدا جداجدا جدا ...
يا ناس اكتبوا تلفون اي زول يشيلوا ليكم ... اي زوووول...
كل ما سرعتوا كلما وصلكم اسرع .....
انا اسي ماشه السوق اشتري باقي الحاجات لما اجي القى الناس دي ختت التلفونات ...
ارقدوا عافيه
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: وجن)
|
رمضان كريم وتصوموا وتفطروا علي الف خير جعله الله فضيلا علي كل العالمين وعلي كل اهل الارض اجمعين . تصوم وتفطر علي الف خير اختي العزيزة داليا تقبل المولي مننا جميعا صيامنا وقيامناوانت والاسرة الكريمه بالف خير . جعله الله شهر تفريج وتفريح وتكريب وعظم كل الاجور امييين يا رب العالمين..تقبل منا انك سميع عليم
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: داليا الكباشى)
|
داليا كباش .. رمضان كريم وتصومي وتفطري بخير ..
أصلاً ما قصرتي وهديتك كانها وصلتنا نحن المقطوعين في بلد الغربة دي ..
وغلطان البيقول عليها عزومة مراكبية ( نعم يا عمنا الموج نعم ) هههه
دقيقة كدة عن اذنكم عاوز اختي هدير دي على جنبة :
Quote: داليا يا عثل أنا هدير. حيدر أخوي عشان اللخبطة دي حيدر إنت الحا ترسل لي داليا التين والقمردين من أرض الحرمين الشريفين
حيدر الزين سمعت ؟
|
نحن ما زمان قلنا هدير تجقلب والشكر لي حيدر الزين ما لو الغيرة عاوزة توارك
هسع قبل تقرري انه التين والقمر دين على رسلو كرتونة رمضاان سريع خاصة الرقاق ما تنسوه .!!
تحياتي للجميع ورمضان كريم
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: HAIDER ALZAIN)
|
حيدر وهدير ..
انتو عشان اللخبطه دي كان هدير تعمل اسمها بالعربي عشان ما يتلخبت علينا الاختساس ...
بعدين الجكس بتاع المنبر بيكون بيرسل في الخاص بتاع هدير , والمقصود تبعا حيدر ...!! واختناا تشيل وتقرا وتضحك ساااااي..
لوووووووول..
حيدر ما عندك مشكله .. بس شوف منو بيشيلها ليك ..
ممكن تقترح واحد من البورداب ...؟؟؟
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: HAIDER ALZAIN)
|
Quote: ليك انت وتمبس وعزاز شامي .... |
وجــن وعزاز شــامي ؟؟ طيب إنت يا داليـا ما تختيها لي عديل كدا وقولي لي والله الحلو مر قصر فيك .. انتظر رمضان الجاي ..؟؟ يا كمان .. قولي لي في تخفيضات بتاعت فيمتو في هايبر بنده امشي اتحرك عليها ..؟؟!
ما ترسلي لي حاجاتي مع وجــن وعزاز شامي .. أنا زول متغرب وبعيد من أمي .. رسلي لي حاجاتي براي .. بي صراحــة ما بضمن ولا واحده في الاتنين ديل .. ثم نشكرك على هذا الشعور الجميل .. لاحساسك بي اخوانك في الغربة بالمرة كدا حاولي رسلي لينا معاك كعك العيد يعني لو ما ضغطنا عليك كدا .. انا ناس بيتنا السنة دي قالو لي اتصرف إنت ما في التعداد السكاني حسب اخر حصر
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: tmbis)
|
اووو تمبسكا شخصيا ...!!
والله انت كمان ختيتني في حته ضيقه شديد , وجن دي صحبتي شديد وبعدي ن بقى عندنا مصالح مشتركه وكده ... لوووووول
المهم حاجتك بتصلك عن طريق ود الصايم افتكر دا مضمون ميه الميه مش كده ؟؟؟
كعك العيد كان رسلتو من اسي بتهرسوهو انت وعبدالله قبل العيد مايعلنوهو .. غايتو على كيفك ..
الكعك برسلو ليك في مسج من موبايل عمو وهبه , طبعا لانو موبايل الامين الاعلامي لمنظمه تنادينا بيكون خط وزيرو كمان ... لووول
ابقى عشره على نفسك وعلى اخوانك الفي الغربه ...
وارقد عافيه ...
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: شرفى عبدالقادر)
|
كتر خيرك يا داليا بنت الكباشى والله ما قصرتى واعتبرى الحلووووو مرررر تبعك شربناه وصل الينا
المهم انتى كترى معاه الدعوات ونحن ما بقصر فى الدعوات
ان شاء الله ربى يجيب ابوى العيال لكن ابغى عشرة عرض وجن جاهز وما تفوتى الجاهزة
تسلمى وكتر خيرك وفى ميزان حسناتك والاعمال بالنيات خليك من كلام العالم المحبطة دى
ود ابوسنينه
| |
|
|
|
|
|
|
Re: انا متبرعه ( بحلو مر) لاي بوردابي بره السودان .... (Re: خدر)
|
شكرا ياداليا علي الروح الطيبة
تعرفي ياداليا عشان الحلو مر انا بمشي افطر مع ناس علي بعد 25 ميل من
مكان سكني لانو صبري الشريف اتفاسل علي ابا يقسم لي من الحلو مر بتاعو
وقال لي كان عجبك كل يوم تجي تفطر معانا وترجع, اها داير لي مخرج من
جنس الفسالة دي.
وادام الله فضلك
| |
|
|
|
|
|
|
بنات الزمن دة!! (Re: emad altaib)
|
(((وليدات الزمن دة!!))) عبارة يرددها كثيرون وكثيرات مع شيء من مصمصةالشفاه ولويةالبوز وصرة الوش وتنهيدة حسرة للتعبير عن جيل -على حد زعم الحانقين- لايسر ...بعداً عن الأصالة والشهامة والنخوةإلخ وكأنه يمكن أن يوسم جيب كامل بأنه (ما أصيل)!! بنات الزمن دة طالما بينهن داليا دي...فكلهن بخير ويجب أن يكف الحانقون عن حنقهم يا بت ياعسولة يا طيوبة يا كريمة وأصيلة ومهمومة بأهلك فرحتيني شديد
| |
|
|
|
|
|
|
|