Post: #1
Title: خصوصية الصور
Author: mohmmed said ahmed
Date: 08-20-2009, 06:22 AM
الصورة الشخصية لها خصوصيتها
يتم انتهاكها هنا فى البورد بصورة مزعجة
يمكن ان يحصل اى شخص على صورة شخصية
ويقوم بانزالها دون موافقة او رغبة صاحب الصورة
انا شايف الوضوع دا فيهو انعدام للحساسية
واعتقد ان هناك نصوص قانونية تعمل ضد هذا السلوك
ادعو لنقاش فكرة
ان تكون هناك ضمن قوانيين المنبر
شروط تمنع انزال الصور الشخصية فى حالة اعتراض صاحب الصورة
رايكم شنو
|
Post: #2
Title: Re: خصوصية الصور
Author: عصام عبد الحفيظ
Date: 08-20-2009, 07:11 AM
Parent: #1
شكرا محمد
لايرادك موضوع فى غاية الحساسية
وثقافةمرتادى الاسافير فيه
معدومه ....
فالصورة اولا ملكيه خاصة
للمصور وصاحب الصورة
ولا يحق استخدامها
الا باذن من المصور
وصاحب الصورة .....
وبعد نشرها
عند استخدامها او نقلها الى موقع
آخر او اى وسيط للنشر
يجب الاشارة الى اصلهااو مصدرها
لكن تعود اغلب الناس
الى نقل الصورة دون ايه اشارة الى المصدر
وذلك يتم بشكل يومى
فى كل الصحف السودانية بلا استثناء
والادهى والامر
تجد بعض الصحف تسود صفحاتها بصور
اسمهيها مسروقة من الاسافير
دون اية اشارة لاى مصدر
والاسوا من ذلك احيانا تداول صور
خاصة باشخاص دونما الرجوع اليهم
وهذا يدخل
اولا من ابواب انتهاك الحقوق الشخصيه
وثانيا السرقة بى خشم الباب عديل كده
وثالثا الجهل بقيمة الصور فنيا
ورابعا تعذيب المصورين واصحاب الصور
شخصيا عانيت ما عانيت من هذا الامر
من الصحف وبعض الاشخاص وبعض مراكز
ومنظمات حقوق الانسان والبوبار المدنى
اتمنى ان يجد هذا البوست قدرا من التداول
حتى ترجع للصورة كرامتها
ويرجع ادب الاستئذان
والاشارة الى مصادر الصور ....
|
Post: #3
Title: Re: خصوصية الصور
Author: mohmmed said ahmed
Date: 08-20-2009, 07:21 AM
Parent: #2
عصام الفنان
الجميل فى مداخلتك
النظر من زاوية الفنان المصور
كتبت
لايجوز استخدامها بدون اذن المصور او صاحب الصورة
طيب كيف الدبارة مع العشوائية الحاصلا دى
حسن موسى
مجتهد جدا
ولا يتسامح مع نقل تصاويره دون اذن
بكرى رايو شنو فى نشر صور دون موافقة صاحبها
|
Post: #4
Title: Re: خصوصية الصور
Author: mohmmed said ahmed
Date: 08-20-2009, 08:52 AM
Parent: #3
اقتراح للريس بكرى
وضع نص فى قوانيين البورد بسحب اى صورة يعترض عليها صاحبها او المصور
ولو مارديت لينا يا بكرى
حنعمل ليك بوست
بالخصوص
|
Post: #5
Title: Re: خصوصية الصور
Author: عصام عبد الحفيظ
Date: 08-20-2009, 09:20 AM
Parent: #4
عزيزى محمد
تداول هذا الموضوع الحيوى مهم جدا
لما مافيه تعدى حقيقى على الحقوق
والصورة تمثل نصا بصريا
يحظر تداوله دون الاستئذان
وفى حالة نشره
لمن من يحق له
عند نقله
يجب ان تتم الاشارة
كامله لمصدره
وفى ذلك
حفظ للحقوق
واحترام لملكية النص
لكن تجد من يقول
( هى ما صورة بس )
وللموضوع تشعيبات
اكبر وتعقيدات فى
النقل العشوائى
للصور
من منبر لمنبر لصحيفه
فهناك صور
يصعب نشرها
لانه تؤذى مشاعر الناس
يجب حتى الاستئذان
او التحذير
حتى لا تحدث الصدمة
او الاذى النفسى
كل هذا لايحدث فى هذا المنبر
او صحفنا السودانية
لا اشاره
ولا تحذير
ولا اعتذار
بل امعانا فى السرقة والاذى
والاذى على قفا من يشيل
ساواصل فى هذا البوست
لضرورته
وساورد امثله لانتهاكات
تتم بشكل يومى .... مع الاسف
|
Post: #6
Title: Re: خصوصية الصور
Author: rosemen osman
Date: 08-20-2009, 01:00 PM
Parent: #5
+
|
Post: #7
Title: Re: خصوصية الصور
Author: عصام عبد الحفيظ
Date: 08-20-2009, 01:05 PM
Parent: #6
up
للاهمية
|
Post: #8
Title: Re: خصوصية الصور
Author: Siham Elmugammar
Date: 08-20-2009, 03:33 PM
Parent: #7
كلام مفهوم وصاح
فعلا نقل الصور هنا
بيتم بمنتهى البساطة
معكم انادى بكرى بأضافة بند خاص بنقل الصور
وبتفعيل ذلك
تسلمو
|
Post: #9
Title: Re: خصوصية الصور
Author: Manal Mohamed Ali
Date: 08-20-2009, 03:43 PM
Parent: #8
صاح
|
Post: #10
Title: Re: خصوصية الصور
Author: عصام عبد الحفيظ
Date: 08-20-2009, 08:39 PM
Parent: #9
صحيفة يومية سودانيه
تعودت
على نقل الصور
من مواقع الانترنت
المختلفة
ولم تكلف نفسها
بكتابة المواقع التى
تسرق منها الصور
سألناهم
لماذا لا تشيرون للمواقع
قالوا
هذا هو السبق الصحفى
واخفاء المواقع
يعطيهم
السبق
بالاحرى السرقة
وما احلاها صحافة الرقيب الامنى
عندما يكون السبق
المسروق ديدنها
وجايى للصحافة
اما ناس النت
بس يبلو راسم
|
Post: #11
Title: Re: خصوصية الصور
Author: عوض محمد احمد
Date: 08-20-2009, 08:59 PM
Parent: #10
محمد سيد احمد
سلام و تحية
| Quote: شروط تمنع انزال الصور الشخصية فى حالة اعتراض صاحب الصورة |
بل ارى ان يكون هكذا فعل مبررا لفقدان العضوية
|
Post: #12
Title: Re: خصوصية الصور
Author: GamarBoBa
Date: 08-20-2009, 09:24 PM
Parent: #11
Quote: فالصورة اولا ملكيه خاصة
للمصور وصاحب الصورة
ولا يحق استخدامها
الا باذن من المصور
وصاحب الصورة .....
|
الكلام ده مريح جدا جدا
وبطالب بكري معاكم لوضع بند جديد لنج بخص الجزئية واقترح الفصل عديل كدة في حال التجاوز بشكل عام من الاسافير وهنا بشكل خاص برضو
عشان تاني زول زي صلاح غريبة يمش يصور من طرف ويجي يقول لينا بورداب عملوا وسوا
وده برفع وعي التعامل مع الخصوصية الشخصية بشيء من الحذر.
وشكرا
|
Post: #13
Title: Re: خصوصية الصور
Author: mohmmed said ahmed
Date: 08-21-2009, 05:03 AM
Parent: #12
الاعزاء
سهام
ماجدة
عوض
قمر
معاكم وحقونصعد المطالبة لبكرى
موضوع العقوبة بسحب العضوية
ممكن يترك لبكرى كيفية تصعيد العقوبة
المهم بكرى لازم يحمى خصوصية البورداب
|
Post: #14
Title: Re: خصوصية الصور
Author: خالد العبيد
Date: 08-21-2009, 06:52 AM
Parent: #13
سلام يا محمد
وتحياتي
طيب لو اتنشرت صورة جماعية لي ناس بغرض الاستخفاف
الناشر ده يوصلوه المحكمة كيييف ؟
لو في طريقة واحد سأل لينا الاستاذ كمال الجزولي
كتر خيرو
ورمضان كريم
|
Post: #15
Title: Re: خصوصية الصور
Author: عصام عبد الحفيظ
Date: 08-21-2009, 07:48 AM
Parent: #14
سأورد مثالا حيا للسرقة
المباشرة جدا ....
الاستاذ منتصر زروق
خريج من كليه الفنون الجميلة والتطبيقيه
قسم التصميم الايضاحى
قمنا بالتعاون مع مركز الخرطوم
لحقوق الانسان
بتنفيذ ورشه عن حقوق الانسان
شارك فيها عدد من التشكيليين
و شاركنافى تصميم ملصقات بنفس
المفهوم الاستاذ منتصر
بمعالجات قرافيكيه
مع الاعمال الاخرى للفنانين
وتم عرض نتاج هذه الورشه
بالمركز الثقافى الفرنسى,
فى احتفال جيد .
للاسف الشديد
وجدت بعض الاعمال
منشورة فى الفيس بوك
فى صفحة الاستاذ منتصر
وكتب على صور
تخصنى
وصور اخرى من تصوير
الاستاذ خالد حامد
انها من تصويره !!!!
وهذه صورى... وببساطة
كتب عليها اسمه
وهذا الملصق قام بتنفيذه مع
الملصق الثانى
الصورة ادناه
للاستاذ خالد حامد
|
Post: #16
Title: Re: خصوصية الصور
Author: GamarBoBa
Date: 08-21-2009, 09:14 AM
Parent: #15
والفيس بوك اصلا من المواقع التي تجد فيها الصور الشخصية
وتعمل كوبي في جهازك الخاص ...وتجي ترفع في اي حتة انت عايزها لانو انت بتدخل اقلاها علي جزء من بروفايل اي شخص
لكن ده برضو ما بدي الحق انك تنقل الصورة لأي مكان
وده برضو ممكن يحصل في المواقع البتحمي الصورة زي www.artwanted.com الخاص بالتشكليين علي مستوي العالم،لكن لو في صورة أو عجبت زول ومثلا حب يطبعها ويعلقها في صالونه كلوحة محترمة جدا ممكن ببساطة يعمل برنت اسكرين
في زمن البزنس بقي علي الانترنت يعتمد علي الـ click (دونكم اعلانات بكري التباديلة فوق) يبقي نقل صورة من موقع والاتيان بها من موقع آخر والنقاش فيها بدخل فيها حق مادي لانو في ضرر علي صاحب الموقع خليك من الحقوق الادبية المذكورة فوق + شروط النشر وده اصلا اذا الموقع المذكور نفسه اتبع الشروط المذكورة بواسطة الاخ عصام عبد الحفيظ.
كثير جدا من الناس بقعوا في ضرر نفسي جراء نشر صور لهم في الصحف اليومية ومواقع الانترنت....وببقوا في عدم معرفتهم انو ما من حق المصور انو ينشر بدون موافقتهم.
تحياتي ورمضان كريم
|
Post: #17
Title: Re: خصوصية الصور
Author: GamarBoBa
Date: 08-21-2009, 09:42 AM
Parent: #16
من ويكيبيديا
Quote: العمل الخاضع للملكية العامة (public domain) هو العمل المبتدع الذي لا يحمى بحقوق النشر والذي يمكن استعماله بحرية من قبل أي شخص. الأعمال تشمل الصور، والرسوم، والمقالات الكتابية، والكتب، وغيرها. الأسباب التي تجعل العمل غير محمٍ تتضمّن:
انتهاء مدة حقوق النشر للعمل.
إخفاق المؤلف في إرضاء الشكليات القانونية لحقوق النشر.
|
Quote: حقوق النسخ والتأليف (بالإنجليزية: Copyright، بالفرنسية Droit d'auteur) مجموعة من الحقوق الحصرية (exclusive rights) التي تنظم استعمال النصوص أو أي تعبير عملي (فني ، أدبي ، أكاديمي ) عن فكرة أو معلومة ما . أي انه "حقوق نسخ و استخدام" عمل إبداعي جديد . تشكل هذه الحقوق نوع من الحماية للمبدع ليتقاضى أجرا عن إبداعه لفترة محددة تختلف حسب البلد . حسب قوانين الولايات المتحدة تبقى الأعمال الإبداعية محفوظة الحقوق بشكل عام مدة حياة المنتج وسبعين عاماً بعد ذلك. الأعمال التي تنتهي مدة حمايتها الفكرية تدخل ضمن ما يسمى ملكية عامة فتصبح في متناول استخدام الجميع .
|
Quote: ويزداد الأمر تعقيداً في مسألة الصور والرسوم. فمثلاً خلق نسخة طبق الأصل من صورة فوتوغرافية لمنظر معين (عن طريق ماسح ضوئي مثلاً أو من خلال إعادة التحميض) هو خرق لحقوق النسخ، لكن محاولة تصوير نفس المشهد من قبل شخص آخر ليس خرقاً لحقوق النسخ. لكن عندما يبذل المصور جهداً لتصميم المشهد بنفسه (كاختيار كمية الضوء ولون الخلفية وترتيب أجزاء المشهد)، فإن محاولة مصور آخر أن يصنع مشهداً مشابهاً ويصوره بنفسه قد يصبح خرقاً لحقوق النسخ.
|
الكلام الفوق ده في الحالات المثالية بمعني انو الناشر نفسه ماخد موافقة الشخص المعني ومطابق للقانون في تصرفاته وعمله
|
Post: #18
Title: Re: خصوصية الصور
Author: mohmmed said ahmed
Date: 08-21-2009, 09:54 AM
Parent: #17
اى زول عندو
ذوق وحس
بيعرف انونشر\الصورة دون رضا صاحبها امر سخيف
عندماينعدم الذوق
تتدخل القوانيين لحماية الخصوصية
عشان كدا نطالب بكرى
القضايا البطرحها عصام وقمربوبا هامة وتستحق
التفاكر
العشوائية ما بتنفع
|
Post: #19
Title: Re: خصوصية الصور
Author: GamarBoBa
Date: 08-21-2009, 10:05 AM
Parent: #17
يعني زول ما يعمل فيها ود الخرطوم شايل ليه كاميرا بستة قروش ويمش يلقي ليه امرأة عاملة في الريف بتجر ليها موية من بير ولا بتزرع يصورها ويجي يفكها ويغطي حدث الزيارة الخاصة بيه وهي ما عارفة يجي يفك صورتها ويطلعها اكثر زولة بتعاني في الدنيا في حين انها اعف نفسا وقدرا من حكومة السودان ذاتا.
صوروا الكباري..صوروا الرواكيب ..المحافظ بلاندكروزره ما فرقت لكن زحوا من الناس..ده برضو خاضع للقانون لو كان منطقة حرب ولا سلم ولا غيره لانو في حالات الحرب وغيره الموقف بختلف
نموذج تاني في الاردن:
استاذة تضررت في صالة زواج لما العرسان جو ختو صورهم في الفيس بوك وهي كانت لا ترتدي الحجاب وتفرح بالعرسان في مناسبة خاصة،واحرجت مع طالباتها لدرجة انها سمعت فارغ من اولياء الامور والعرسان مصرين انه ده حقهم
هسة اشتباك زي ده يفكوه كيف؟؟
لكن بقت في ملامح وعي بالمسائل
Quote: ويقول الزميل شقير ان المادة( 85 ) من قانون العقوبات الاردني تنص على " لا يعتبر الجهل بالقانون عذرا لمن يرتكب اي جرم " مطالبا اي شخص تعرضت سمعته للتشويه اللجوء بموجب الدستور الاردني الى المحاكم للمطالبة بالتعويض حسب المادة (256 ) من قانون المرئي والمسموع " كل اضرار بالغير يلزم قائله ، ولو كان غير مميز ، بالضمان ".
وتتجاوب مديرية الامن العام مع مثل هذه القضايا التي بدأت تتزايد حيث خصصت شعبة في مديرية البحث الجنائي للجرائم الالكترونية وفقا للناطق الاعلامي للمديرية الرائد محمد الخطيب .
|
المصدر :http://www.jordanzad.com/jordan/news/117/ARTICLE/20983/2009-08-08.html
|
Post: #20
Title: Re: خصوصية الصور
Author: عصام عبد الحفيظ
Date: 08-21-2009, 03:07 PM
Parent: #15
اتصل الاستاذ منتصر زروق
معتذرا
بانه خطأ تصميمى . بالنقل للاسماء
ولم يراجعها. واعتذر فى
الموقع الذى
تم فيه النشر (www.facebook.com ).
ولكنه سحب التصميمات
ولم يعدلها ( اى التصحيح ) .
اشكره على اعتذاره
وحسن نيته
ووعد ان يتصل
بالاستاذ خالد حامد
بالمثل ..
|
Post: #21
Title: Re: خصوصية الصور
Author: mohmmed said ahmed
Date: 08-21-2009, 05:49 PM
Parent: #20
الفنان عصام
انا معاك نشكر منتصر على الاعتذار
خالدحامد
دا ما يكون صحبى
خالدجنى
التشكيلى بتاع الدمازين
|
Post: #23
Title: Re: خصوصية الصور
Author: عصام عبد الحفيظ
Date: 08-21-2009, 06:11 PM
Parent: #21
شكرا محمد
موضوع انتهاك الصور وسوء استخدامها
ليس بالامر الهين
ولكن كلنا نحتاج فيه ثقافه التعامل مع
الصور بشكل يحقق دورها المتقافز بسرعة
تداولها من خلال النشر اللاكترونى والاسافير
وسائط النشر الاخرى المرئية من مطبوعات
ولا ننسى ابدا
دور الصورة فى التنميه والتغيير الاجتماعى
وحل المشاكل المتعلقة بالبيئة والحياة
وقدرة الصورة على التوثيق
ودورها فى نشر الوعى وتقديم الدراسات العلميه
للظواهر الطبيعية وغيرها ...
اقصد فيما اسلفت
ان ابين ان كل هذه الاهمية للصورة
جعلها تتصاعد فى ثقافتها العلمية
واساليب حمايتها وتداولهاوانتشارها
فالاستهانه والجهل بها
كما يحدث فى السودان
على مستوى النشر عموما
كارثة
الصورة عندها دور اساسى فى حياتنا
غير تعقيدات
انتاج الصوره نفسها
كم من اعتراض
وممنوع وبتصور فى شنو
وهل انت جاسوس
عندك تصديق
عندك بطاقة
كبارى عسكريه
وكل الوهم
لا حماية للمصور
وعذاب ومرمطه للصور
ولا ملكيه فكريه
ولا يحزنون
|
Post: #22
Title: Re: خصوصية الصور
Author: mohmmed said ahmed
Date: 08-21-2009, 05:49 PM
Parent: #20
الفنان عصام
انا معاك نشكر منتصر على الاعتذار
خالدحامد
دا ما يكون صحبى
خالدجنى
التشكيلى بتاع الدمازين
|
Post: #24
Title: Re: خصوصية الصور
Author: عصام عبد الحفيظ
Date: 08-22-2009, 03:52 PM
Parent: #22
اورد صورةد قرنق
تم استخدامها بكل الاشكال
ونشرت فى صحف عدة
واستخدمت فى مواقع عدة
ولم يتم الاشارة
اليها
الا بنسبة 10% ....
والامثلة كثيره
وساورد مرة بعد اخرى
ولكنى كنت ان يشارك
فى هذا البوست
قانونيين
مصوريين
ناشرين واصحاب مواقع فى الانترنت
ان جاز ذلك
مصممين
كتاب
شوافين
موسيقيين
وكل من يرى
ان له علاقة بالصورة
وانا ارى الصورة
بتهم اى انسان
|
Post: #25
Title: Re: خصوصية الصور
Author: عصام عبد الحفيظ
Date: 08-23-2009, 09:10 AM
Parent: #24
)(
|
|