Post: #1
Title: هلال رمضان : تقويم ناسا أم رؤية العين ؟
Author: Mohamad Shamseldin
Date: 08-20-2009, 03:31 AM
Parent: #0
ناسا هي وكالة الفضاء الأمريكية .....
إحتفلت قبل شهر 20 يوليو بمرور أربعين عاما علي وصول مركبتها أبولو للقمر.... عندما نزل رائدا الفضاء نيل أرمسترونغ و بوز ألدرن علي سطح القمر ......
أناس إستطاعو أن يصلوا للقمر ..... هل نملك حق الشك في حساباتهم الدقيقة؟
هل يمكن أن يجهلو متي يولد القمر ...؟و متي يكتمل بدرا ....
.....
في موقع ناسا ..... و أيضا في موقع البحرية الأمريكية ....
متي يولد القمر .... و مراحله الأربعة يالدقيقة من العام 2000 قبل الميلاد ... و حتي العام 4000 .....
.....
هلال هذه السنة سيولد في الساعة العاشرة و الدقيقة الواحدة صباحا بتوقيت قرينتش يوم 20 أغسطس .....
http://eclipse.gsfc.nasa.gov/phase/phasecat.html
|
Post: #2
Title: Re: هلال رمضان : تقويم ناسا أم رؤية العين ؟
Author: Mohammed Elhaj
Date: 08-20-2009, 05:10 AM
تحياتي يا محمد شمس الدين،
دا معناها أو الصحيح فعلاً انو في الأساس وجهة النظر الاسلامية في الموضوع تقريبية جداً جداً كونها بتعتمد في موضوع الرؤية على النظر المباشر بالعين المجردة، واللي هو بيخضع لتأثيرات المناخ والجو وتأثيرات على الشخص الذي يرى الهلال بي عينو، في حالة اغسطس 09 هنا شهر رمضان مفروض انو يبدأ يوم 20 أغسطس الساعة 10:01 بتوقيت قرينتش، يعني في السودان مثلاً مفروض رمضان يبدأ يوم الخميس 20 أغسطس الساعة 13:01 الواد ظريف كدا يتغدى ويمسك ويفطر مع مغيب الشمس، دا طبعاً بيخلينا برضو نفكر في بداية ونهاية يوم رمضان اللي هي فقهياً بتبدأ بي طلوع الفجر (الصيام بيكون اذا تبين الخيط الأبيض من الخيط الأسود من الفجر) طبعاً التخارج من الاشكالية دي بيبقى بي انو الناس تتبنى الحاجة التقريبية الأصلاً كانت سايرة ، يعني تقريب أول يوم في رمضان لي أقرب ساعة تشكل يوم من تاني يوم لي يوم ولادة الهلال الجديد، في الحالة دي مثلاً في السودان الناس تعتبر الجمعة 21 أغسطس 09 أول يوم في رمضان وهكذا، يوم 19 أغسطس 09 آخر يوم في رمضان، دا بيودينا لي فكرة انو أخيراً ممكن يكون في كاليندر مضبوط لي مسألة السنة الهجرية دي بدل الجهجهة بتاعة التحديد خصوصاً في رمضان والعيدين. المشكلة مين الممكن يبدأ ويتبنى حاجة زي دي؟
|
Post: #3
Title: Re: هلال رمضان : تقويم ناسا أم رؤية العين ؟
Author: Mohammed Elhaj
Date: 08-20-2009, 05:40 AM
Parent: #2
حاجة تانية هي مسالة مراعاة طول اليوم في أمكنة محددة من العالم وفقاً لي موقعا الجغرافي، الناس البتصوم 3/4 اليوم دي، فعلاً رمضان بيكون مهلك جداً ليهم خصوصاً انهم بيكونوا في دول ما عندها علاقة بي مسألة الصيام دي وكل زول يواصل حياتو عادي وهو صايم، المشكلة دي الفقهاء ما اتطرقو ليها نسبة لتمركز غالبية الدول الاسلامية في مناطق قريبة من وسط الكرة الأرضية يعنى ساعات النهار بتكون معقولة للناس البتصوم تقريباً 12 - 14 ساعة يبقى تتقرب المسألة لي كدا (الناس دي تنشغل بي الحاجات البتعنى الناس بدل ما تنشغل بالانشغلت بيهو كم الف سنة، مرة سامع اتنين "دكااااترة" بيتناقشوا انو الخبث والخبائث مقصود بيها الجن والشياطين ولا الشياطين والجن، والجن هم العفاريت ولا لأ !! خخخخ )
وهكذا
|
Post: #4
Title: Re: هلال رمضان : تقويم ناسا أم رؤية العين ؟
Author: Mohamad Shamseldin
Date: 08-20-2009, 05:43 AM
Parent: #2
محمد الحاج.....
| Quote: وجهة النظر الاسلامية في الموضوع تقريبية جداً جداً كونها بتعتمد في موضوع الرؤية على النظر المباشر بالعين المجردة، |
نعم ... و هذا لم يتطور...
نحن نقول بأن ديننا يتوافق مع العلم .... و نقول بالأعجاز العلمي في القرأن ...
و لا نزال نختلف في ثبوت رمضان و في العيد ....
تخيل معي في دولة متقدمة أن لا يعرف العامل و المهندس ان كان الغد اجازة عيد أم عمل ؟
.....
في هذا العام فقط قررت المحكمة العليا السعودية استعمال المناظير الفلكية لرؤية الهلال...!!
ما هو الجديد ... المناظير الفلكية اختراع له مئات السنين ...!!!
|
Post: #5
Title: Re: هلال رمضان : تقويم ناسا أم رؤية العين ؟
Author: Mohammed Elhaj
Date: 08-20-2009, 06:53 AM
Parent: #4
يا محمد شمس الدين، بالمناسبة رمضان كريم حسب ناسا :-)
لأول وهلة لما سمعتا موضوع اعتماد الانستريومنتس في رؤية الهلال اتخيلت انو السعودية أخيراً حتطلع المسلمين من المماحكة بتاعة بكرة العيد لا بكرة ما العيد دي بي اعتماد تقويم مضبوط زي الانت أشرت ليهو عند جماعة ناسا دا، طبعاً المشكلة الأساسية بالرغم من التاثير الكبير لدولة زي السعودية في مجمل العالم الاسلامي هي من يجرؤ على تبنى حاجة ثورية زي دي ؟ (غريبة ما خطرت لي الأخ القائد معمر القذافي نجرة كاربة زي دي) يعني ما مسألة هينة انو الناس دي أخيرا بعد الف وأربعمائة سنة تضبط التقويم الهجري، ما عارف المشاكل الفقهية شنو الما بتتحل بي انو الناس تقعد ليها في واطاة مركز بحث وبدل ما تتكلم عن انو ياااخ ما دا الاعجاز الاتكلم عنو القرآن قبل شرخمية سنة وما قلنا ليكم وما عارف ايه لي انو فعلاً بي استنارة مطلوبة انو يفكرو بجدية يتبنو منجزات التطور الانساني ويستفيدو منها في حاجة مفصلية زي تقويم مضبوط زيو زي التقويم الجريجوري مثلاً الماشي بيهو العالم، الحاجة دي أعتقد ممكنة والملك الجديد ي السعودية يبدو كايند اوف ليبرال كدا (سمعتا انو تغييراتو الأخيرة شملت تعيين أمرأة كوزيرة أو شي من هذا القبيل) وممكن جداً يكون هو الشخص الحيذكر في التاريخ كمتبني الكاليندر الهجر المضبوط أخيراً السعودية بالاضافة لي تأثيرا في مجمل العالم الاسلامي (في حاجة اسمها العالم الاسلامي بالمناسبة فعلياً؟)، ( أغلب الدول بتتبع السعودية في تحديد رمضان والأعياد وطبعاً نو وي في الحج انو ما يتبعوها، وكلو طبعاً بيخضع برض للبوليتكس)، فهي أعتقد الدولة الوحيدة المتبنية لي التقويم الهجري في الحياة اليومية وما عارف قادرين يتعايشو معاها كيف في المدارس والمصانع والحقول! دا ما بيمنع انو دول تانية أو الدول التانية تفكر في انها تتبنى الحاجة دي ..
|
Post: #6
Title: Re: هلال رمضان : تقويم ناسا أم رؤية العين ؟
Author: Mohamad Shamseldin
Date: 08-21-2009, 04:52 AM
Parent: #5
وكان المرجع الديني الشيعي العلامة محمد حسين فضل الله اعلن منذ الاثنين الماضي ان يوم الجمعة المقبل هو اول ايام شهر رمضان وفق الحسابات العلمية الفلكية.| Quote: وكان المرجع الديني الشيعي العلامة محمد حسين فضل الله اعلن منذ الاثنين الماضي ان يوم الجمعة المقبل هو اول ايام شهر رمضان وفق الحسابات العلمية الفلكية. |
BBC
|
Post: #7
Title: Re: هلال رمضان : تقويم ناسا أم رؤية العين ؟
Author: ABDELMAGID ABDELMAGID
Date: 08-21-2009, 05:46 AM
Parent: #6
ناسا هى الأصح ...
NEW MOON .. AUGUST 20 2009
MOON SET : 8: 02 PM
SUN SET :7: 52 PM
حسب جريدة :
MIAMI HERALD
التى كل معلوماتها الفضائية
و الطقسية و الجوية و العلمية :
عن وكالة الفضاء الأمريكية NASA
ب CAPE CANIVERAL
ولاية فلوريدا ...
و بالتالى :
فإن اليوم الجمعة ..
21 أغسطس هو اليوم الأول
من شهر رمضان المعظم ...
أعاده الله علينا باليمن و البركات ...
عبدالماجد
|
|