Post: #1
Title: الانتخابات قربت يا ناس الاحزاب..اقعدوا اتمنتشوا لمن قطركم اصفر!
Author: هشام هباني
Date: 08-19-2009, 05:33 PM
Parent: #0
وبعد داااااك لا بنفع علوق شدة ولا جقليب ولا اسبوتنغ!
والقافلين من هسع على دكة الكشتينة اخير ليهم من هسع اعرفوا انها ما بتندك ابدا
لانو الانتخابات دي واحدة من مخرجات ( نيفاشا) مثل تقرير المصير والبرلمان الانتقالي والدستور الانتقالي والفترة الانتقاليةوقانون الانتخابات ولجنة الانتخابات وبعدين...نيفاشا دي الراعي الاول ليها هي (امريكا) والاتحاد الاوروبي والايقاد وكلكم وافقتوا على كل الكلام ده يا ناس التجمع يا القافلين على الدكة وافقتوا على نيفاشا ودخلتوا البرلمان واجزتوا قانون الانتخابات ولجنة الانتخابات وبحبحتوا بالمواهي الكبيرة والامتيازات والحصانات.. وامريكا والغرب والايقاد حيقفلوا ليكم كل الثغرات عشان ما تخرخروا بسسب عدم نزاهة الامور وكمان حيجيبوا ليكم رقابة دولية للانتخابات وحيضغطوا على الحيكومة شان تديكم نفاج فرصة للدعاية والحرية ما قبل الانتخابات عبر الاعلام الحكومي شان تخاطبوا جماهيركم وانا خايف تلقوا بكره جماهيركم كلها بهناك مع المؤتمر الوطني من شدة الاحباط لانكم ما عندكم اي مصداقية وكمان المؤتمر الوطني ما نايم ديل الموضوع عندهم قضية حياة وموت قاعدين اشتروا في الناس ومنهم للاسف قيادات منكم... يعني شدوا حيلكم لسع قدامكم زمن واها بعد داك داك اكان ما فزتوا في الانتخابات على بالحرام سجمكم والرماد كال حماد... الجماعة زي ما ركبوكم بالقلبة عشرين سنة وكمان حيركبوكم بالعدلة وحتكون خرتمية سنة.. لانهم بعد داك حيكونوا حكومة شرعية منتخبة معترف بيها العالم الشاهد سجمكم ورمادكم ولمن جاتكم بالديموقراطية خياركم الحقيقي دقيتوا الدلجة... فيامن هسع تتحزموا وتتلزموا وتعملوا جبهة واحدة للانتخابات من كل احزابكم يعني في قايمة واحدة زي ما بسووا وليداتكم في الجامعات وزي ما سويتوها في اخر انتخابات في دايرة الصحافة ضد الترابي سنة 86 وبرضوا ما تثقوا في الترابي ممكن اغشكم في اي لحظة ومن هسع تقيفوا ليكم ورا مرشح رئاسة واحد وبالضرورة ان يكون جنوبي ومسيحي عشان نحن محتاجين لهذه الروح الوطنية المتسامحة ولا زال العشم في وحدة السودان وانا ارشح من هسع الدكتور فرانسيس دينق باعتباره اكثر سوداني سياسي مؤهل لهذا المنصب السيادي الهام عشام محترم دوليا واقليميا ومحليا وشخصية قومية يحترمها كل السودانيين... الله يعينكم..
|
Post: #3
Title: Re: الانتخابات قربت يا ناس الاحزاب..اقعدوا اتمنتشوا لمن قطركم اصفر!
Author: هشام هباني
Date: 08-19-2009, 08:07 PM
Parent: #2
.
|
Post: #4
Title: Re: الانتخابات قربت يا ناس الاحزاب..اقعدوا اتمنتشوا لمن قطركم اصفر!
Author: هشام هباني
Date: 08-20-2009, 00:48 AM
Parent: #3
ولمتين حتتمنتشوا والانتخابات قربت لاثورة عملتوها ولا انتخابات جاهزين ليها
اها الرماد كال حماد ان شاء الله بالجبهة التغتس حجركم!
|
Post: #7
Title: Re: الانتخابات قربت يا ناس الاحزاب..اقعدوا اتمنتشوا لمن قطركم اصفر!
Author: هشام هباني
Date: 09-09-2009, 07:07 PM
Parent: #2
,
|
Post: #5
Title: Re: الانتخابات قربت يا ناس الاحزاب..اقعدوا اتمنتشوا لمن قطركم اصفر!
Author: هشام هباني
Date: 08-20-2009, 01:15 PM
Parent: #1
.
|
Post: #6
Title: Re: الانتخابات قربت يا ناس الاحزاب..اقعدوا اتمنتشوا لمن قطركم اصفر!
Author: هشام هباني
Date: 09-02-2009, 09:53 AM
Parent: #1
.
|
|