Post: #1
Title: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-19-2009, 04:21 PM
أخوانا السعوديين ينطقون الرياض ( الرياظ ) !!!
ويستمتعون بنطق الرقم تسعة ( تزعة) .. امام من يعرفون من بني وطني ..
ولا غضاضة أن يكون العنوان خم ( الرماض ) في الرياض ..
..........
أكثر من عشرة سنوات لا ريحة آبري ( شقَت ) الحلة ..
لا برش شفناهو مفرش في وسط الشارع يلم الغشي والماشي ..
لا طعم (عصيدة) حقيقي .. دقيق الكسرة موجود إلا طعمو ما ياهو البنعرفو ..
..........
أكثر من عشرة سنوات ما خمينا ( رماض ) ..
ياخي ان شاء الله ( بارتي ) صغير في حوش ناس ( هناي ) ..
نشوف لينا فيهو كم إسكيرتي برقص ...
أو سهرة كاربة بنادي الضباط ..
أو جلسة سمر مع شباب الحلة ...
بي فهم واحد بس :
انو يا خي رمضان جاي وليهو حالتو الخاصة في الالتزام واحترام حرمة الشهر فخلونا ( نخم )
ياخي ( خمة رماض) صغيرونه .
ما فيها حاجة ... !!! 
|
Post: #2
Title: Re: خم ( الرماض ) في الريـــــــــــــاض ... !!!!!!!
Author: ismeil abbas
Date: 08-19-2009, 04:27 PM
Parent: #1
الحبيب/عمران..
فعلآ خم الرماد..من ضمن طقوس قدوم رمضان...
أشياء لها ذكريات جميله..
ولا حاجة..
نسأل الله أن يتقبل منا ومنكم ومن جميع المسلمين الصيام والقيام وصالح ألأعمال...وكل سنة وأنت طيب بدون خم رماد..........إسماعيل محمد احمد عباس..
|
Post: #3
Title: Re: خم ( الرماض ) في الريـــــــــــــاض ... !!!!!!!
Author: أيمن دياب
Date: 08-19-2009, 05:14 PM
Parent: #2
رمضان كريم ياعمران.. ولو تكرمت رسل لي كروكي البيت..
عازم نفسي عندك.. وعارفني عزابي تعبان..
كان قراصة كان عصيدة كلو بخارج معانا..
|
Post: #5
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-19-2009, 06:50 PM
Parent: #3
رمضان كريم ياعمران.. ولو تكرمت رسل لي كروكي البيت..
عازم نفسي عندك.. وعارفني عزابي تعبان..
كان قراصة كان عصيدة كلو بخارج معانا..
_______________________________________________
الحبيب أيمن دياب ...
يا سلام عليكـ وعلى أصالتكـ ..
ودي أول بوادر الرحمة في شهر الرحمة ..
يا سيدي والله فوق راسي تفطر وتلفوني في البروفايل عشان تتصل وانت جاي المنصورة ( خنشليلة ) ..
وده أمر وليس " شغل مراكبية " وما تقول خميس ولا تلاتاء ... مفتوح الموضوع ...
بلاهي اعتبره رسمية يا أيمن
|
Post: #4
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-19-2009, 06:45 PM
Parent: #2
فعلآ خم الرماد..من ضمن طقوس قدوم رمضان...
العزيز اسماعيل ...
تحية رمضانية " بدون خم " ..
اول شي ايقونة الإقتباس أبت تشتغل ,,
وتاني شي ( نخمو ويييييييييييييين ) ؟؟؟؟؟؟ 
|
Post: #6
Title: Re: خم ( الرماض ) في الريـــــــــــــاض ... !!!!!!!
Author: ismeil abbas
Date: 08-19-2009, 07:09 PM
Parent: #4
ألحبيب/أيمن كل سنه وإنت طيب دى فرصة نتلاقى فى بوست وبيت الزول الجميل ده..
Quote: الحبيب أيمن دياب ...
يا سلام عليكـ وعلى أصالتكـ ..
ودي أول بوادر الرحمة في شهر الرحمة ..
يا سيدي والله فوق راسي تفطر وتلفوني في البروفايل عشان تتصل وانت جاي المنصورة ( خنشليلة ) ..
وده أمر وليس " شغل مراكبية " وما تقول خميس ولا تلاتاء ... مفتوح الموضوع ...
بلاهي اعتبره رسمية يا أيمن |
حمالتك على يا ايمن..كان ما أبو محمد..أم محمد تقوم بالواجب..بت أصول....بس أوعك تجيب سيرة هزيمة المريخ هناك..كأنك ماشفت الكوره..كان الله هون..ياعمران.. أنا وشذى لينا يوم معاك بس خليها بظروفه.عايزين ليك ألأجر.......
يا اخى أول شىء النلقى الرماد..بعيدن بنخمو فى اى حته..خماهو بلا يخمو...مودتى.....إسماعيل محمد أحمد عباس...
|
Post: #7
Title: Re: خم ( الرماض ) في الريـــــــــــــاض ... !!!!!!!
Author: ود الباوقة
Date: 08-19-2009, 08:14 PM
Parent: #6
والله يا ابوحمودي ..
ما بطال .. شوية شية على الفحم ( من المعلم )
داش مع تتبيلة من المعلم تامبا ..
مع بيبسي وبيرة ( موسي )
شوف الموضوع دا واديني خبر ...
رمضان كريم .. كل عام وانتم بخير ...
تحياتي للاسرة ..
|
Post: #8
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 00:04 AM
Parent: #7
ما بطال .. شوية شية على الفحم ( من المعلم )
داش مع تتبيلة من المعلم تامبا ..
مع بيبسي وبيرة ( موسي )
شوف الموضوع دا واديني خبر
__________________________________________
أمانةً في ذمتكـ دي هسي ده خم ليكـ ...
تتبيله من تمبس ..؟؟؟؟؟؟؟؟؟؟؟؟
ياخي قوم لف يا ود الباوقة
|
Post: #9
Title: Re: خم ( الرماض ) في الريـــــــــــــاض ... !!!!!!!
Author: أيمن دياب
Date: 08-20-2009, 10:58 AM
Parent: #8
| Quote: الويكة بالقراصة والتقلية باللقمة |
مقتبس من بروفايلك يا عمران.. ومن أكلاتك المفضلة..
تصدق لما قلت ليك قراصة أو عصيدة كلو بخارج معانا..
ما كنت عارفك انك سبقتني وجايب الكلام ده من زمان في الدليل بتاعك..
جنس ده نقول عليهو شنو بالله..
يازول والله بعد كلامك ده ماعندي مانع أفطر معاك بي بليلة سادة..
|
Post: #10
Title: Re: خم ( الرماض ) في الريـــــــــــــاض ... !!!!!!!
Author: حمزاوي
Date: 08-20-2009, 11:03 AM
Parent: #9
نجيب زيادة
|
Post: #11
Title: Re: خم ( الرماض ) في الريـــــــــــــاض ... !!!!!!!
Author: طارق عبد اللطيف نقد
Date: 08-20-2009, 11:57 AM
Parent: #10
لو ما جاء الدكتور ده
الخامين ليها شنو!!!
|
Post: #18
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 01:42 PM
Parent: #11
لو ما جاء الدكتور ده
الخامين ليها شنو!!!
_______________________________
طارق نقد .. يا جميل
أشرح ما تحته خط !!
|
Post: #12
Title: Re: خم ( الرماض ) في الريـــــــــــــاض ... !!!!!!!
Author: محمد عبد الماجد الصايم
Date: 08-20-2009, 12:16 PM
Parent: #10
رماد شنو العليكـ ياخ!
باللاي الواحد يخجل يشرب سجارة قدامكـ إنت وإسماعيل الخامي رمادو معاكـ دا!
ود الباوقة الواحد عادي ممكن يقعد جنبو ويلفها
الواحد بتكيف لمن يشوفو متضاير زي مضايرتو الأخيرة حقت نكتة حميدة الوهم
|
Post: #13
Title: Re: خم ( الرماض ) في الريـــــــــــــاض ... !!!!!!!
Author: ود الباوقة
Date: 08-20-2009, 12:21 PM
Parent: #12
ود الباوقة الواحد عادي ممكن يقعد جنبو ويلفها
الواحد بتكيف لمن يشوفو متضاير زي مضايرتو الأخيرة حقت نكتة حميدة الوهم
غايتو اي خم رماظ فيهو يا عمك وحميدة
انا برة منو ..
وجه يتتوطح من الضحك يا عمك ...
|
Post: #15
Title: Re: خم ( الرماض ) في الريـــــــــــــاض ... !!!!!!!
Author: محمد عبد الماجد الصايم
Date: 08-20-2009, 01:00 PM
Parent: #13
النجيضة يا ود الباوقة يا عمكـ
رماد حميدة دا كلنا بنتضاير منو!
مافي خم رماد إسلامي وكــدا؟
|
Post: #20
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 01:50 PM
Parent: #12
رماد شنو العليكـ ياخ!
باللاي الواحد يخجل يشرب سجارة قدامكـ إنت وإسماعيل الخامي رمادو معاكـ دا!
______________________________
يا ود الصايم الحنكـ ده خلينا منو ..!!
في خم ولا مافي ؟؟
ان شاء الله اسكريم في الدائري الشمالي ..
ولا شاي بى لبن في الدائري الجنوبي جوار مصنع الأٍسمنت ... سموم وشمومة أسمنت ..
|
Post: #17
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 01:37 PM
Parent: #10
نجيب زيادة
..
( نجيب زيادة ) مين يا خال ؟ مصري ده يا خال ؟؟؟؟؟؟؟؟؟؟
|
Post: #16
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 01:32 PM
Parent: #9
يازول والله بعد كلامك ده ماعندي مانع أفطر معاك بي بليلة سادة..
......
أيمن دياب الفطور هين !!
الكلام ( الخم ) وين وكيف .. ؟؟ صيف ألف .. أسمنت أٍسفلت عوادم و ( أوادم ) وهم .. وطريق دائري وهلم هنود وبنغالة ..
|
Post: #14
Title: Re: خم ( الرماض ) في الريـــــــــــــاض ... !!!!!!!
Author: خالد العطا
Date: 08-20-2009, 12:49 PM
Parent: #1
الاخ عمران
رمضان كريم
هسه انا جيت جاري قلت احصل خم الرماد بتاع ناس الرياض
الساعةالان الثالثة عصرأ وسوف اكون في الرياض في تمام الثامنة مساء انشاء الله
لو بحصل خم رمادكم بجي اخم رمادي معاكم زيارة قصيرة جدا للرياض لمدة 24 ساعة
ومتحير اخم الرماد وين في بلدكم العجيبة دي
تحياتي وتصوم وتفطروا علي خير
خالد العطا مكة
|
Post: #19
Title: Re: خم ( الرماض ) في الريـــــــــــــاض ... !!!!!!!
Author: انعام حيمورة
Date: 08-20-2009, 01:45 PM
Parent: #14
يا عمران ..
امس كانت عواسة الآبري حقتنا ..الحاجة الله يديها العافية ليها كم سنة بتعوس عند ناس خالتي (حفصة)
اها خالتي حفصة عاملة ليها مشروع (رمضانيات) بتجيب نسوان ويعوسوا ليها الآبري وتبيعه وتجفف اللحم والبصلة والفول والبهارات ..
انا المشروع مكيفني جدا فدائما بدعمها بانو اجيب ليها زبائن من معارفي واصحابي والجيران والاهل ..
من أشهر زبائنها (منى خوجلي ) ..
اها امس العواسة كانت عند ناس خالتي حفصة قامت عزمت كل خالتي وبناتهم ..
وعملت غداء مبالغة .. والتحلية والفواكة والشاي والقهوة .. لما وصلنا مرحلة الشاي والقهوة جابوا (الدلوكة)
وتعال شوف امي وخالتي واغاني زمااان ديك نوع ( الباب مقابل البيت قال لي تعالي وابيت) ..
والسايق البوباي ..
ورقيص وضحك امتد البرنامج المعطر بريحة الأبري لحدي الساعة 9 مساء
كل سنة وانت طيب والسنة الجاي كان جيت اجازة وحضرت عواسة الابري دي بعزمك ..
تصوم وتفطر على الخير وتحياتي للاولاد وامهم ..
|
Post: #22
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 02:02 PM
Parent: #19
وتعال شوف امي وخالتي واغاني زمااان ديك نوع ( الباب مقابل البيت قال لي تعالي وابيت) ..
والسايق البوباي ..
ورقيص وضحك امتد البرنامج المعطر بريحة الأبري لحدي الساعة 9 مساء
_________________________________________________________________
الله يجازيكـ يا انعام
أصلو أنا من ما شفت صورة ولد معتصم صاحبي ،عرفتكـ غيااااااااااااااااظة .. وحنداااااااااكة ..
يعني لزوم الحندكة دي شنو .. 
|
Post: #21
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 01:57 PM
Parent: #14
لو بحصل خم رمادكم بجي اخم رمادي معاكم زيارة قصيرة جدا للرياض لمدة 24 ساعة
ومتحير اخم الرماد وين في بلدكم العجيبة دي
...................................................
خالد ود العطا
تعال ومعاكـ اقتراحات ..
ود الباوقة شابكنا تتبيلة من تمبس .. التقول ناقصين انفلوزات ...
|
Post: #23
Title: Re: خم ( الرماض ) في الريـــــــــــــاض ... !!!!!!!
Author: محمد عمر الفكي
Date: 08-20-2009, 02:10 PM
Parent: #21
تعرف احسن خم رماد ليك البيك،بس عليك مسئولية العطش تاني يوم.
|
Post: #24
Title: Re: خم ( الرماض ) في الريـــــــــــــاض ... !!!!!!!
Author: عمران حسن صالح
Date: 08-20-2009, 02:20 PM
Parent: #23
تعرف احسن خم رماد ليك البيك
_____________________________________
أول اقتراح بنااااااااااااااء يحتاج فقط لقطع مسافة ألف كيلو للحصول على إقتراح محمد عمر الفكي ...!!
يعرفوكـ مريخابي كيف ..
يا كافي البلاء لا فهم في الكورة لا في ( الخم ) !!!!!!!!!!!!!
|
|