Post: #1
Title: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-18-2009, 04:02 PM
.
http://www.youtube.com/watch?v=lTp13k0mceU&feature=related
أصلا هذه الأغنية رائعة منذ أن صدح بها العبقري عثمان حسين
وهي عنده حالة طرب خاصة بلا منازع ...
لكن أفراح عصام أجربتني أن أسمع وأرى في صوتها وأدائها شيئا من
الطرب والصدق الفنيين .. فيها شيئا من القبول الفني، إذا صح التعبير
أداوم على سماعها في رائعة عثمان حسين " زيدني في هجراني" قبل أن تمتد
لها تلك اليد العجيبة فيأفل نجمها سريعا ..
خلينا ندردش حول الصوت والأداء .. على الأقل نكون طلعنا من اللوم.
لها التحية ...
وألف رحمة ونور على روح الفنان الكبير عثمان حسين
سيف اليزل
.
|
Post: #2
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-18-2009, 04:30 PM
Parent: #1
.
السؤال المفجع هنا : لماذا تموت المواهب عندنا بلا رحمة، وتذهب سدى؟!
وحكمة الله أن لا إستثناء من هذا القبيل المهلك .. ولو كنت موهوباً في
جمع الطوابع، فلا تطمئن ساعة.. ولا تتفاءل للحظة أنك مدرك لإصدار جديد،
ولو وضعت طوابعك في بروج مشيدة ..!
.
|
Post: #3
Title: Re: ياخدر رأيك شنو في الموهبة .. قبل أن يحرقو نجمها!
Author: الرفاعي عبدالعاطي حجر
Date: 08-18-2009, 04:43 PM
Parent: #2
قبل خدر ممكن ؟؟؟
البنت حضورها رائع
وصوتها جميل لكن في اغنيات اخرى
ما بسيب حبك حتى لو ضراااااااااااااني
لو وضعت في يديك كلمات الاغنية ممكن تسمعها
طرفي قصدو يراك ما قصدت تراني
ما بسيب حبك حتى لو ضراني
يا نعيم أزماني يا حياة روحي
يا بهجة أمدرماني
في الحياة غيرك ما في زول هماني
في بعادك زايد أزاي وفي وصالك أماني
بلبل الأغصان غنى بذكراك
تنوح أغصاني
الجمال خصاك والعذاب خصاني
والدلال أوصاك علي دوام تعصاني
يادرر الحاني يا يداي ودواي
يا راحي يا ريحاني
إنت نايم وأنا ألم السهاد صحاني
حن علي غرامك والله كان يمحاني
مرة تانية اقول ليك صوتها جميل ومميز ويحتاج توجيه مخلص .
تقديري لها
...............................................................حجر.
|
Post: #4
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-18-2009, 05:13 PM
Parent: #3
.
الجبيب حجر
ممكن ونص ... والمعنى كما أسلفت يكمن في "التوجيه المخلص" .. لكن!
التوجيه المخلص يبدو حمال أوجه، عندما يصطف تحت مظلته سماسرة وحبرتجية
من يطلقوا على أنفسهم "مكتشفي المواهب"، فيعملون بلا هدى ما عن لهم،
فترتفع أسهمهم وتلتمع ياقاتهم، وتذهب الموهبة في خبر كان ..!
أعتقد أنه من الضروري أن تبدأ رعاية الموهب بالحرية وتنتهي عندها
أن تبدأ بتجنيبها الرعاية المحجمة، والتبني المقيد، والوصاية المتسلطة
لاسيما وفكرة رعاية الموهبة في ذاتها، إنتقلت من الأشكال القديمة البالية تلك،
ما تحتاجه الموهبة اليوم هو الحرية والمعرفة .. المعرفة عبر مؤسساتها
وأصولها ...
أحد الحبرتجية قال متحدثافي لقاء تلفزيوني : في الحقيقة إستمعت لصوت الموهبة "فلانة"،
وعرفت مقدراتهاالصوتية ولذلك قمت بعمل لحن يناسب المجال الذي يتحرك فيه صوتها..
فأستمعنا بعدها لما صنع الحداد، فقلت في نفسي: خد!
سيف اليزل
.
|
Post: #5
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-19-2009, 12:41 PM
Parent: #4
.
غصن الرياض
http://www.youtube.com/watch?v=UYoMFEsN5xU&NR=1
.
نستمع لرائعة ملك الطرب رمضان زايد بصوت أفراح عصام.. بشئ من الدهشة!
لكن .. طول الجملة الغنائية عند رمضان زايد فيها صعوبة كبيرة لايدرك
النجاح فيها إلا القليل من المغنين ..
فألى أي حد نجحت أفراح في التعبير الصوتي وهي تجاري أسلوب
رمضان الفريد والنادر ..؟!
.
|
Post: #6
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-19-2009, 01:02 PM
Parent: #5
.
واحد صاحبنا بعد إستماعه لأغنية غصن الرياض
أرسل لي التعليق التالي:
(الصوت حالم جدا لكن في واحدة عربية كدة ... ما متزكر اسما، صوت زي الرصاص ...
لكن دي صوتا ممسح)
فقلت له: هذا حديث من خبير .. ولا يخلو من علمية.
.
|
Post: #7
Title: Re: ياخدر رأيك شنو في الموهبة .. قبل أن يحرقو نجمها!
Author: GamarBoBa
Date: 08-19-2009, 02:18 PM
Parent: #6
وهي مشطفة بالندي
حاجة كدة تشبة اللوقو بتاع لوفتهانزا بالاصفر والاسود بتاعا ده..هي ذاتا لوفتهانزا بس
___
انت ياسيف بقيت تاخد منشطات ولا شنو...مالك رافع بوست؟؟
|
Post: #8
Title: Re: ياخدر رأيك شنو في الموهبة .. قبل أن يحرقو نجمها!
Author: خدر
Date: 08-19-2009, 02:25 PM
Parent: #7
| Quote: انت ياسيف بقيت تاخد منشطات ولا شنو...مالك رافع بوست؟؟ |
شفت البوست اسه او دخلت سودانيزاسة و قلت اجيب العيال من الروضة و ارجع اتونس مع سيف
لكن بوبا عاجلني بالضحكـ التمام
و انت يا سيف عارف اخوكـ البضحكـ ده ما بأجلو نوهائي 
بي هناكـ معتصم قال في إنفلونزا في السعودية و بي جاي انت بالع مُنشطات
غايتو يوم بتدقشكم مره سمينة تجيب خبركم
|
Post: #9
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-19-2009, 03:40 PM
Parent: #8
.
عارف ياقمر .. نادرا ما أجد الوقت حتى لمطالعة، ما يردم هنا من كلام
ناهيك عن رفع بوست .. وقد ألح علي صديق أن أستمع لغناء أفراح عصام
فقلت: ومالو ندردش مع صاحبنا طارق شوية في بعض مسائل الغناء العاطفي
الوطني .. فصديقنا بالضفة الأخرى ينتظر أن اوافيه بوجهة نظري في
كونها مشروع مغنية جيدة .. أنا كرهتي في الدنيا قصة الفنان المفضل
والإحتفاظ بالبومات للمغنين ..!
صاحبك معتصم سيد أحمد شدة ماجادي في الموضوع، حجز يوم 25 رمضان
أنا خايفو ما يرجع إلا بعد الحج .. نعم الوقاية خير من العلاج لكن
كمان ما للدرجة دي .. أنا أول مرة أشوف لي زول يعمل حجزو يوم25رمضان
لأنو أصلا مافي جهة بتديك إجازة في تاريخ زي ده .. أدروب ده مانصيح!
.
|
Post: #11
Title: Re: ياخدر رأيك شنو في الموهبة .. قبل أن يحرقو نجمها!
Author: خدر
Date: 08-19-2009, 06:57 PM
Parent: #10
يا يزل
ياخي دي هدية بديعة جدا , شكرا كتير والله و نردها ليكـ في دورة نجوم الغد الجديدة
دي شابة زي الورد و عن نفسي لاقي فيها مزاجي
تطريب عالي جدا و صوت جميل و مميز , عارف يا سيف !!
لو كل مُغني جديد في السودان سأل روحو عندو شنو جديد يقدمو
و شنو المُختلف في خامة صوتو عن الآخرين , كان استمتعنا و نحن مغمضين بي كل جديد
افراح يا بت يا تمام , كيفتيني والله ربنا يحفظكـ و يحفظ إحساسكـ الحلو البتغني بيهو ده
|
Post: #12
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-20-2009, 08:25 AM
Parent: #11
.
| Quote: رماز يا بت يا تمام , كيفتيني والله ربنا يحفظكـ و يحفظ إحساسكـ الحلو البتغني بيهو ده |
رماز منو .. يا صاح!
أنا بتكلم ليك عن أفراح عصام ..!
قلت ليك ألحق قبل ما يفطسوها،
واهو في أول عمل خاص "إعتذار" لحقوهاأمات طه،
اللحن خانق لصوتها.. ولا يتناسب وطريقة أدائها التي
تحتاج لمزيد من التدريب والتعديل والمراجعة ..
أغنية "غصن الرياض" إختبار حقيقي لملكة الغناء
أنا بسألك إلى أي مدى إستطاعت أن تنجح في الأداء؟
وإلى أي مدى نجحت في التعبير، بإبتداع إضافات
إعتماداً على تبني إضافات تطريبية الى جسم اللحن
( راجع الأداء في عمل "إعتذار")، فقد وجدتها تكابد
للتعبير الحركي عن قيمة للكلام، بعد أن عجز "اللحن"
عن ذلك، فقدت كثيرا من حيوية الأداء وعفويته وإنطلاقه
بتركيب صوتها في هذا "المحبس" "اللحني" العجيب الذي
يعتمد الكوردات المتكررة والفجائية التي تسعى لسد
الفقر اللحني للعمل.
ممكن نسمع رأي أستاذنا الموصلي .. برضك؟
سيف اليزل
.
|
Post: #13
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-22-2009, 01:07 PM
Parent: #12
.
خدر والرفاعي وقمر بوبا وكل المتابعين
مبارك عليكم رمضان ... شهر الرحمة والمغفرة والعتق من النار
وربنا يديم الأفراح ...
سأعود
سيف اليزل
.
|
Post: #14
Title: Re: ياخدر رأيك شنو في الموهبة .. قبل أن يحرقو نجمها!
Author: سيف اليزل الماحي
Date: 08-23-2009, 01:02 PM
Parent: #13
.
ياخدر .. سلامات في اليوم الثاني من رمضان المبارك
Quote: و شنو المُختلف في خامة صوتو عن الآخرين , كان استمتعنا و نحن مغمضين بي كل جديد
افراح يا بت يا تمام , كيفتيني والله ربنا يحفظكـ و يحفظ إحساسكـ الحلو البتغني بيهو ده |
ياخدر .. الإحساس الحلو في الغناء تحديدا، أحد أسباب القبول إن لم يكن، كل أسباب القبول،
زي ما قال جمال حسن سعيد: مذيعات الأيام دي زي المنظر،تقول الواحدة بالعة ليها سيخة!!
ياخي الإحساس المعني هنا مرتبط بالمعارف والخبرات والتجربة والتعبير عن الآخرين ومشاركتهم
الإنفعال بها ... ياخي في ناس قادين راسنا يغني بوجه مسطح وصوت مسطح لكن أمورو ماشة تمام
هؤلاء لا يتوقفون أبدا .. فقد وجدوا طريقهم للنشر والإنتشار رغما عن فقرهم الفني المدقع
وعجزهم المعرفي، وضمور إبداعهم ...
سيف اليزل
.
|
Post: #15
Title: Re: ياخدر رأيك شنو في الموهبة .. قبل أن يحرقو نجمها!
Author: خدر
Date: 08-28-2009, 11:52 PM
Parent: #14
| Quote: لماذا تموت المواهب عندنا بلا رحمة، وتذهب سدى؟! |
ده السؤال الكبير يا سيف (رمضان كريم بالمناسبة)
اجابتو صعبة لانها مُتشعبة لكن ممكن اختزلها ليكـ في انو
المواهب ما بتموت من تلقاء نفسها لانو الموهبة شرطها الاساسي النموء و التطور
لكن نحن في السودان عندنا ناس عندهم الموهبة في قتل المواهب
كيف .. دي قصة طويلة
انتو رأيكم شنو يا شباب ؟
|
|