فوبيا مزمل ابوالقاسم تصيب الرشاشات

Quote: التحية لك سيف المريخ البتار

Quote: مزمـل مبشـر بالجنة انشاء الله

Quote: فرفرة مزموز...! * مزمز قلقان... * مزمز زهجان.. * مزمز قرفان.. * مزمز عديل بقى عيان.. * مزمز يا ناس مكتول في حوش الكاف.. * مزمز مهموم لمن بقى محموم... * مزمز لا شغال بتلاتة كانو اللي للعهود خانو.. ولا تلاتة زيسكو الخلتم يسكسكوا بالديسكو.. مزمز ساكي الشكاوي..! * يا ضفاري إنت ساكي هزيمة أتراكو في كيجالي ومزمز في كايرو ساكي الشكاوي.. * قالوا ليك من كترت هضربته بالشكاوى بقى يصاحب بتاعين العرضحالات... ما خلى ليه محكمة ما قعد مع العرضحالي بتاعا عشان يعرف أدق أسرار إقناع الآخرين بجدوى قضيته.. * مزمز عمل (دي إتش إل) في مادة الإقناع من جامعة البريد السريع... * مزمز في دقايق أقنع بعض الوصيفاب في نادي الخرطوم بضرورة تقديم شكوى ضد الهلال بعد أن لحس مخهم بكلمتين من بتوع الإعارة وحبة من إنجليزي سينما حلفاية مع التمتمة بالدي إتش إل وإستخدامها كشولة في كل جملة وصوَّر ليهم إنو الشكوى أضمن من شبكة كرومي المفتوحة على الدوام ولو وقفت قدامى مدرعات عاصفة الصحراء... * ووصيفابي الخرطوم مفتون كما الوصيفاب بكل ما يقول مزمز أبوالقنابل وهاك يا جري على الإتحاد العام بالشكوى التى إرتدت في نفس اللحظة زي إرسال كرة البينج بونج... * لجنة مجدي شمس الدين إشتغلت زي عادل طوبيا بتاع بطولة الجمهورية في تنس الطاولة وردت الرسالة شوط بضهر المضرب لمن الطرف التاني إتفنقل وانكسف خالص من تريقة ناس مجدي مأمون حسب الرسول... تحسبو لعب..؟. * ومزمز أبوالقنابل لم ييأس لأن الشكوى ضد الهلال باتت تمثل له واحد من إتنين إما يكون..؟ أو لا يكون..؟ أو يرجع برلوم في الخرطوم..؟ * عشان كده حرس ناس كانو لمن جو السودان... بعد أن قام بالتنسيق التام بين الفريقين كحمام مشترك في الهم العام.. * ولأنه يعرف بأن كانو حمام ومش حيستغرق كتير قدام سيد البلد إجتهد في مراجعة إجراءات تقديم الشكوى قبل لقاء الهلال... وتحت تحت عرفنا أنه عمل ليها كام برو?ة كده على طريقة برو?ات السر قدور مع مجموعة الفنانين لشهر رمضان.. * إنت يا إداري يا العندك تلاليش ومادي بوزك زي ضفاري لمن يكون مفلس، عليك بالتحدث للمراقب قبل المباراة إنو عندكم شكوى جاهزة للتقديم في حالة وجود سادومبا أو كابوندي في التشكيلة... * وإنت يا كابتن الفريق تمشي طوالي للحكم تقول ليه أبوي بيسلم عليك وقال ليك عندنا شكوى دايرين كابتن الهلال عشان يتم معانا الإجراء.. * وإنت يا (حاحا كانو) خليك جاهز بالورقة اليرقان.. سوري أقصد الورقة الصفراء عشان تتكتب فيها الشكوى وتسلم في الميدان وقبل الكورة... * وكله تمام.. وكلو آخر تطبيق ودقة ونظام.. وكلو في محلو... * وجرت المباراة وأخد كانو نصيبه من تكفين ودفن ووضع شعب الهلال على القبر شاهدين وكتب تحتهما هنا رقد كانو في خبر كانو بعد أن سدد عليهما رصاصة الرحمة القيصر وهمودة إيسيانو... * وفجأة حلّ مزمز أبوالقنابل ضيفاً على قاهرة المعز ولم يغادر كانو أرض السودان... * فالشكوى لا تذهب لشارع البلدية إلا ولوجدتم مزمز حاقص مع عادل الباز في الأحداث... * وعاش مزمز أبوالقنابل أتعس الأوقات وهو يتاوق يومياً لصناديق الـ(دي إتش إل) وعلى طريقة بتحبني؟.. لا ما بتحبني بقى يقول جات.. ما جات.. جات ما جات... جات ما جات... * الشكية شنو..؟ قالوا ليك ما خلى ليه زول بعرفه مهتم بالإتحاد الأفريقي إلا وسأله عن الطريقة التى تأتي بها الشكاوي... * ولمه ليه في واحد صعيدي من كفر الهناودة قام قال ليه الشكوى عندنا بتجي بقطر الصعيد وشايلا عويس وليد هريدي ود أم بهية من جارها السابع.. * واتخيلوا مزمز واقف في محطة مصر وأي قطر جاي من الصعيد يسأل عن عويس وليد هريدي.. ولمن فتر بقى شايل لافتة مكتوب عليها الإسم والغرض (يا عويس وليد هريدي شفت شكوى كانو)...؟ * مزمز حاقص منتظر الشكوى والدلاقين أمام زيسكو في القدر المحتوم... ومزمز ما جايب خبر وما عارف الدنيا فيها شنو... بس همه كانو رسل الشكوى دي عن ياتو طريق..؟ الإيميل..؟ ولا البريد السريع..؟ ولا الفاكس..؟ ولا قطر الصعيد...؟ * الشوط الأول إنتهى في الخرطوم والدلاقين مغسلنهم تلاتة مرات وكاوينهم وممغصنهم ومنجضنهم ومزمز كاسر في مقر الإتحاد الأفريقي وكل تاكسي جاي يفتكره شايل الشكوى... * في الرد المردوم خبت في ليلة السبت الحسابة بتحسب ومزمز مصنقر... كراريمو ينبطح يمين شمال والحسابة بتحسب ومزمز شغال إتصالات... ثورة الحجارة تندلع في المدرجات ونتصور الخصم أحد فرق تل أبيب والحسابة بتحسب ومزمز يفرك في عينه إثر السهاد ويغير في النضارات.. * رجل الخط كبعوه بحجر مدغلب وجرى لحكم النص والحسابة بتحسب ومزمز بيفتش على بيت قرن شطة... * العجب يعمل فيها محبوب الشعب الأحمر وفاكر نفسه سيدا حبيب الشعب الأزرق فيمشي عشان يقول ليهم كده عيب يا جمهور إنتو نسيتو أنحنا الصفوة وعلى طول تجيهو الكفوة أدوهو ليك كام حجر لمن عرف العجب، ومزمز يمني نفسه بإنتصار شكواه عشان يرجع يقول للقارىء المريخي كملتا كملتا وللهلال نجضتا.. * جمال الوالي صنقر في كنبة الإحتياطي زي المحترف الإشتروه من فداسي ومزمز يعرف بيت شطة في شارع جامعة الدول العربية وهاك يا فكيك... * والتلاتة حلاتا وكرومي ينتحر ويطردوه والمدرجات تنتقم منه والبواب يقول لمزمز شطة مشى مقر الكاف.. * البمبان يلعلع في أمدرمان ومزمز في كايرو بيقسم النقاط بالكيمان.. * وأخيراً.. مزمز قابل شطة... إزيك يا كابتن..؟ أهلاً إنت مين..؟ أنا مزمز أبوالقنابل معشوق الشعب المريخي والبسيِّر المريخ ويصوطو فوق تحت زي ما بطعم الشربات المسيخ... * أهلاً بيك حضرتك أخدمك بي إيه..؟ * أنا الحقيقة داير أسأل عن شكوى جاية من الخرطوم .. * مين بيشتكي مين..؟ * أنا الحقيقة داير أعرف كانو وصَّل شكواه ضد الهلال ولا لسه..؟ * هو حضرتك نيجيري مجنس سوداني ولا العكس..؟ * لا لا لا ما تفهمني غلط أنا بس داير اطمئن عشان بيهمني خالص كانو لأني ماضي معاه إتفاق بيستفيد منه المريخ اللي أنا بديره من الكواليس زي ما قلت ليك... * بس إزاي حضرتك تتفق مع فريق نيجيري وضد فريق سوداني.. إنتو يا مريخاب ما عندكوش وطنية..؟ * وطنية أيه يا شطة الهلال دا عشان توقفه لازم تستخدم معاه حتى القنبلة الذرية... * طب.. طب خلاص أنا والله إتضايقت خالص من عدم وطنيتك قولي عايز أيه وأخلصك..؟ * كانو رسَّل الشكوى ولا ما رسَّل الشكوى..؟ * يا حبيبي... يا ابن بلدي... كانو ما رسلش شكوى... وما حدش من إدارتهم خاطبنا شفاهة إنهم عايزين يرسلو شكوى... وعشان أريحك ع الآخر لو كانو رسّل الشكوى برضو مصيرها مصير شكوى المريخ.. * وهنا يثور مزمز ويصيح منفعلاً لا.. لا.. إنت ما فاهم حاجة شكوى المريخ جات بورقة مروسة من النادي ونسينا ورقة اليرقان والمراقب سافر فجأة عشان كده رفضوها شكلاً... * ويواصل وهو بيناهد أصلو البرازيلي كواريزما قالوا ودوه إعارة لنيجيريا في نادٍ عنده أوضه واحدة.. فيقاطعه شطة خفير يعني بتعني حضرتك..؟ * لا يا شطة كدي ركِّز معاي كواريزما دا مفروض يمشي يلعب في فريق الأوضه الواحدة لأن الهلال جاب ليه إعارة من هناك.. * طيب يا أستاذ خطاب الإعارة دا مش جا على الإيميل بتاع الإتحاد السوداني..؟ * أيوه بس دا خطاب مزور... * وانت إزاي عرفت إنه مزور..؟ * أصلو أنا عندي واحد اسمه حووصه في نيجيريا بيعرف مين بيرسل الخطابات وقال لي أنحنا ما رسلنا.. * طيب هو صاحبك دا حووصه تضمن إزاي ما يكونش لخبت بين الناس..؟ * لا لا لا يا شطة حووصه دا نظره ستة على ستة... * إيه حكاية الستة اليومين دول يا حبيبي... ستة فارق في بطولة الممتاز... ستة فارق بينك والهلال في بطولة الأبطال.. وستة نظر حووصه مع إن الطب قال بالواضح إنو الزول الحووصه ممكن يحضن أبوه على إنه خالته...؟ * يا شطة إنت زول مرض أنا ماشي وخلاص عرفت الشكوى ما وصلت.. * يا حبيبي خد دي في ودنك لو كانو إتقدم بشكوى حنسأل بابا شداد عن الموضوع ولو قال لينا أنا في السليم ما في داعي نفتش وحنردها لكانو على طريقة لجنة مجدي شمس الدين لناس الخرطوم تلاتة سابقاً.. * يا حبيبي مزمز سلَّم لي على قمال الوالي وأولو سلامات إنت ما بتظهرش ليه..؟ * و...إتمزمزي..!

Quote: واتمني من قلبي ان لا اري هذا الاكرم في تشكيل المريخ تسلموا

Quote: شماتة! * بالغ إعلام الهلال في الاحتفاء بخسارة المريخ أمام زيسكو الزامبي وأشبعه سخرية وشماتةً وتهكماً لدرجة أن أحدهم كتب بالأمس إن طرد أكرم في الزمن المحتسب بدلاً من الضائع أضاع عليهم أقوى المانشيتات! * وقد كتب ذلك رداً على من سأله: لماذا لم تكتبوا أن زيسكو هزم المريخ بالعشرة في عقر الدار! * إذا احتل المريخ المركز الأخير بنهاية المرحلة الحالية لن يكون قد أتى شيئاً فرياً لأن نده سبقه على احتلال المركز المذكور في البطولة نفسها العام الماضي! * كل الصحف الهلالية وصفت خسارة المريخ أمام زيسكو بالفضيحة.. مع أن الهلال سبق وخسر على أرضه في دوري أبطال العرب نهاية الموسم السابق أمام وفاق سطيف بفارق هدف واحد مثلما خسر المريخ أمام زيسكو بفارق هدف.. ولم تُوصف خسارته بالفضيحة! * ولم تصف انسحابه من لقاء الإياب في الجزائر بالفضيحة! * مطلوب من لاعبي المريخ أن يستنهضوا الهمم ويردوا على فيوض الاستهداف التي تلت لقاء زيسكو. * ومطلوب منهم أن يردوا على من سخروا منهم وتهكموا عليهم بالاجتهاد للفوز في ما تبقى من مباريات.. لاسيما وأن مباراتين منها ستلعبان في الخرطوم! * مطلوب منهم أن يجتهدوا أكثر.. وأن يقاتلوا أكثر وأن يعرفوا قيمة الشعار الذي يرتدونه على صدورهم وتاريخ النادي الذي يمثلونه ويحسوا بمعاناة جماهيرهم التي حزنت لنتائجهم الضعيفة. * لا يختلف اثنان على أن المريخ يملك مجموعة من أميز اللاعبين.. لكن لاعبيه لم يترجموا تلك الأفضلية على الملعب الأخضر لا في الدوري المحلي ولا في دوري أبطال إفريقيا حتى اللحظة! * نفس هؤلاء اللاعبين فازوا في الموسم الماضي بلقب الدوري والكأس، وكانوا على مرمى حجر من التأهل إلى نهائي الكونفدرالية.. فما الذي بدل حالهم ليجدوا صعوبات بالغة في الفوز حتى على فرق الدوري الضعيفة داخل إستاد المريخ؟ * مطلوب من مجلس المريخ عموماً ورئيس القطاع الرياضي الفريق عبد الله حسن عيسى الجلوس مع اللاعبين لمعرفة حقيقة ما يدور في ساحة الفريق والتوصل إلى مسببات الهبوط المريع في مردود اللاعبين داخل الملعب ولماذا تراجع مستواهم وباتوا يعانون للفوز على أضعف الفرق؟ * الكرة في ملعب اللاعبين وجهازهم الفني ليردوا على من سخروا منهم ودمغوهم بالعجز والتواضع والفشل. ابحث عن المرأة! * تحدث الأخ جمال الوالي رئيس نادي المريخ لبرنامج (البحث عن هدف) التلفزيوني والذي تقدمه الزميلة ميرفت حسين متهماً مشرفة المباراة الجنوب إفريقية بأنها أثرت على أداء طاقم تحكيم المباراة وكانت سبباً في الظلم الذي أوقعه الحكم الكاميروني ومساعداه بالمريخ أمام زيسكو. * هذا الحديث سمعه أحد إداريي المريخ من أحد مسئولي بعثة زيسكو بعد نهاية المباراة حينما ذكر له أن الحكام تأثروا بحديث المشرفة معهم.. لأن الفريق الزامبي ينتمي إلى اتحاد (كوسافا).. والمشرفة المذكورة عضوة في اللجنة المنظمة للمونديال وفي اتحاد كوسافا. * ومساعدا الحكم مرشحان للمشاركة في نهائيات المونديال. * ما حدث من الطاقم الكاميروني يفوق درجة التأثر بالحديث. * هناك جهة مارست تأثيراً أكبر على الحكام الكاميرونيين ليوقعوا كل الظلم بالمريخ على ملعبه وبين أنصاره! * شخصياً راجعت شريط المباراة عدة مرات وركزت على ركلة الجزاء التي احتسبها الحكم بدعوى أن ريتشارد أعاق مهاجم زيسكو فلم أرصد أي مخالفة.. كما أن الحكم كان خارج منطقة الجزاء عندما احتسب المخالفة! * وراجعت لقطة هدف إيداهو الملغي فلم أحر سبباً يجعل الحكم يقدم على عدم احتسابه لا سيما وأنه أشار بيده نحو دائرة المنتصف لحظة انطلاق الصافرة قبل أن يتراجع ويرفعها إلى أعلى ليحتسب ركلة حرة غير مباشرة! * لو كان سبب إلغاء الهدف احتكاك كليتشي مع المدافع لكان القرار ركلة حرة مباشرة وليس غير مباشرة! * رفع اليد لاحتساب ركلة حرة غير مباشرة يعني أن الحكم اعتبر إيداهو متسللاً على الأرجح.. مع أنه كان في موقع سليم مائة في المائة بدليل أنه اندفع من الخلف لحظة الارتقاء للعب الكرة بالرأس في قلب المرمى! * ما حدث في إستاد المريخ عشية أمس الأول غريب ومحير.. وعلى مجلس المريخ ألا يتردد في تقديم شكوى مدعمة بشريط المباراة ضد هذا الحكم الظالم لينال عقابه العادل.. مع أن مثل هذه الشكوى لن تؤثر على النتيجة التي غيرها الحكم الكاميروني عديم الذمة بكل أسف. * كما ينبغي على مجلس المريخ ألا يتأخر في تقديم اعتراض على الموعد المحدد لمباراته مع كانوبيلارز في الجولة الأخيرة للمرحلة الحالية! آخر الحقائق * هل يعقل أن يفرض الكاف على المريخ أن يلعب في تمام الثانية ظهراً وفي درجة حرارة تقترب من 45 درجة في عز شهر الصيام؟ * هذا القرار يحوي استخفافاً لا مثيل له بالمريخ وبمتطلبات شهر الصيام الكريم! * فرض الكاف على المريخ اللعب ظهراً تنفيذاً لطلب الشركة المحتكرة لحقوق البث (سبورت 5) الجنوب إفريقية والتي منحت شبكة آي آر تي حق بث المباريات بمقابل مادي كبير. * إذا واصل المريخ المنافسة على الصعود أو خرج من المنافسة قبل تلك المباراة ينبغي على إدارته عدم السكوت على هذا القرار الغريب. * إذا صح أن الأخ يوسف السماني طالب المريخ بإفساح المجال أمام الهلال فتلك مصيبة! * هذا الحديث يمثل دعوة مفتوحة للتواطؤ واغتيال كل مبادئ اللعب النظيف! * التواطؤ جريمة يعاقب عليها القانون! * لدى المريخ 3 مباريات متبقية في دوري الأبطال.. وهو بالحسابات المعروفة لكرة القدم لم يفقد فرصته بعد على الرغم من ضيقها! * ومع ذلك فإن ترديد مثل هذا الحديث غير المسئول لا يجوز بتاتاً حتى إذا خسر أمام زيسكو لأن التواطؤ يمثل أكبر جريمة في عالم كرة القدم. * كل شيء وارد في كرة المستديرة.. إلا التواطؤ يا عزيزي يوسف! * من حق الهلال أن يسعى لتعزيز صدارته بالفوز في كانو والخرطوم ولوساكا لكن ذلك لن يتم عن طريق التواطؤ بين ناديين ينتميان إلى دولة واحدة! * حظوظ المريخ في التأهل مرتبطة بنتيجته في زامبيا. * الرد على ما نسبت لي زوراً سيكون في ساحات القضاء! * أنا لست غراً لأعتقد أن الكاف يمكن أن يبت في شكوى كانوبيلارز بعد 24 ساعة من لحظة نهاية المباراة! * زرت الكاف وجلست مع الكابتن قرن شطة وسألته عن أمرين اثنين.. أولهما: موقف الكاف من المذكرة التي رفعها له المريخ رداً على قرار رفض شكواه شكلاً. * وثانيهما: معرفة توقيت مباراة المريخ كانوبيلارز التي تردد أنها ستلعب في تمام الثانية ظهراً في رمضان. * لو حدث ما زعموه لما أنكرته لأنني لا أخشى إلا المولى عز وجل! * كان برفقتي الأخ الدكتور رأفت نبيل وهو شاهد على ما حدث ومستعد للإدلاء بشهادته على اليمين. * يريدون كسر شوكة قلمي.. هيهات! * ويريدون استغلال الهزيمة لتدمير المريخ معنوياً.. وهيهات! * كما ذكر الأخ الصديق شيبا فقد لعب الباشا في خمس خانات أثناء مباراة المريخ مع زيسكو! * بدأ كظهير أيمن.. ثم تحول إلى مساك.. ثم لاعب محور.. فظهير أيسر.. وختم المباراة حارساً للمرمى! * هذا يوضح لنا درجة السوء الذي أديرت به المباراة فنياًَ! * نتمنى أن يتعظ الأخ مازدا مما حدث في المباراة المذكورة ليتجنب القرارات المفاجئة في مقبل المباريات. * خسر النجم الساحلي (الحاصل على كل ألقاب الكاف) بالثلاثة النظيفة أمام هارتلاند النيجيري فماذا حدث له؟ * الهزيمة في كرة القدم ليست عاراً.. وتقبلها لابد منه لأن الفريق الذي لا يهزم لم يوجد بعد! * الخلصاء الذين يحبون المريخ لذاته وليس لانتصاراته سيعودون إلى مؤازرته أمام الموردة غداً. * ومن يحبون المريخ منتصراً ويبغضونه مهزوماً يحبون النصر.. وليس المريخ!

Quote: يا حبيبي مزمز سلَّم لي على قمال الوالي وأولو سلامات إنت ما بتظهرش ليه..؟ * و...إتمزمزي..!

Quote: هذا الحديث سمعه أحد إداريي المريخ من أحد مسئولي بعثة زيسكو بعد نهاية المباراة حينما ذكر له أن الحكام تأثروا بحديث المشرفة معهم.. لأن الفريق الزامبي ينتمي إلى اتحاد (كوسافا).. والمشرفة المذكورة عضوة في اللجنة المنظمة للمونديال وفي اتحاد كوسافا. * ومساعدا الحكم مرشحان للمشاركة في نهائيات المونديال.

Quote: واتمني من قلبي ان لا اري هذا الاكرم في تشكيل المريخ تسلموا

Quote: كانو ما رسلش شكوى