الرجل الأخطر على الإنقاذ هذه الأيام

بعد الإطاحة بصلاح قوش من سدة جهاز القمع والتعذيب والتجسس على المواطنين الأبرياء والإرهاب المسمى زوراً وبهتانا بجهاز الأمن والمخابرات
طفق المؤيدون للنظام هنا في تبرير ما يحدث ومحاولة إلباسه ثوب الطبيعية والعادية وطفق المعارضون والذين يتمنون زوال الإنقاذ (وأنا منهم) في التحليل والتهليل والفرح

لكن

الأخطر كان هذا الدرويش الذي يتكلم بسجية "مزعجة للجميع"

لقد لامس كثيرا من ملامح الحقيقة التي لا يريد كثيرون ظهورها للعلن الآن


شكرا عمار محمد آدم


ورغم جلطاتك وخستكاتك ، الله يغتي عليك اليومين ديل وما تنقطع من الكتابة هاهنا

شخصيا لا أفضل الانصياع إلى فكرة أن الزول دا بكتب بتلقائية مية المية
ربما كانت هناك جهة ما داخل النظام "تريد أن تستفيد" من كتاباته
لكنني لا استطيع مغالطة فكرة أن النسبة الأكبر من المعلومات التي ترد عن طريقه قريبة من الحقيقة بهذا الشكل أو ذاك
وبالغة الأثر المضر بالإنقاذ هذه الأيام


عليه توخي الحذر على كل حال

وعليه ،أكثر ، أن لا يتوقف عن مدنا بالمعلومات التي يريدون حجبها عنا عما يدور بينهم من ضرب تحت الأحزمة


جزاءا وفاقا



هل ترى على رؤسنا (قنابير) يا صلاح قوش




مؤا مرة على طريقة مذكرة العشرة تطيح بصديقى صلاح قوش وهو...ذهب للقصر مستشارا !!

عمار ده لو صاحبك يا فتحى انصحو يعمل حسابو
الناس دى اعصابا بايظة اليومين دى , لو كلامو حقيقي و لا هضربة ساكت برضو بجيب ليهو الهوا
راسمالو دقشة عربية او سكين من العرق للعرق
هو أدرى بي جماعتو اكتر مننا

النبيل عصام جبر الله

التحايا والود والأشواق

كلامك صاح إلى حد كبير

ولكن لا اعتقد أنهم ح يسوووها ظاهرة كدا

وجود عمار في المنبر ربما شكل حماية له بذات القدر الذي تعتقد أنه بيجيب ليهو "هوا"

الله يغطي على المنبر وعلى عمار وعلى الجميع


لك ودي

Quote: ربما كانت هناك جهة ما داخل النظام "تريد أن تستفيد" من كتاباته

بحيري
سلام عليك
كدي خليك من عمار دا ومكنة المعارضة المركبها دي في مثل شعبي بيقول ليك: ركوب العجلة ما بتنسي والكلام الفي الاقتباس الفوق دا يكاد يكون صحيح مية المية في جهات حكومية بتستفيد من جنس كلام عمار دا وزي كلامك دا برضو بنفعهم جدا .. تتخيل انا اتكونت عندي عقيدة وفهم تجاه المدعو هشام هباني انو اكبر داعم للنظام الحاكم دا وسبق لي قلت ليهو الكلام دا في واحد من بوستاتو الشهيرة وبدل ما يفند كلامي دا شتمني شتائم شخصية قاسية جدا.
يعني لما تلقى معارض بيشتم وبيقول ليك مرة بالكندوم وظووووووط ومرة بالجنبة ويا قلوووط ويافلانة مرة الرئيس صلحي توبك وانت يا صاحبة الوزير الفلاني ارقدي كويس وكلام فارغ كتير ومكتبتو عامرة بنوع الكتابات دي تفتكر اول ما يتبادر لذهن (القارئ العزيز) شنو اول ما يقرأ نوعية الكلام دا .
حيتبادر لذهنو انو المعارضة تافهة ولا تسوى شئ وانو الحكومة عداها العيب طالما الزي هباني دا معارض ودا طرحو .... طيب لما يجيني هباني يحتفي جدا بواحد زي منعم بيجو بانو مناضل جسور وفاتح ليهو بوست للاطمئنان على صحتو هو وآخر ... واجي افتش كتابات بيجو دا القاهو بيقول لواحدة انت لبوة لمجرد انها اختلفت معاهو في وجهة نظر ودي قضية تحت نظر المحكمة الان ولا اود الخوض في تفاصيلها .. دائم السباب والشتائم ولقدام كان لقيت روابط وكوتات بجيبها ليك في بوستيك دا عشان اليومين الكلام لازم Documented مع موضة المحاكم الماشة في البلد اليومين دي ..
طيب لمن يجيني واحد-معارض- طويل عريض في قضية مهمة فاصلة زي قضية لبنى دي ويقول لي عشان تتضامن مع لبنى البس ليك حاجة خدرا شريط ،شال ، عمة او سبحة او نحو ذلك .. ياخ قول انا لبست جلابية خدرا وطاقية ام قرينات ومشيت رابطت في حمد النيل عديل كدا الكلام دا بيفيد القضية بشنو ؟
شفت نحن معارضتنا بتخدم قضايا الحكومة كيف ؟
ارقد عافية

شكرا عبد الوهاب

وقبل ما أرد على كلامك الكتيير دا اسمح لي أهنيك على محاولتك الذكية لتفخيخ هذا البوست


وأهني نفسي أنو البوست فعلا يقترب من تحقيق غرضه رغم أنف محاولة تفخيخك



شريطة أن ينتبه بكري ومن معه إلى أن المطلوب حذف مداخلتك لما فيها من بذاءات

وليس كامل البوست !!



ما عارف اقول ليك شنو


لكن انت رايك شنو في انو الانقاذ خلاص ببح!!!

Quote: وأهني نفسي أنو البوست فعلا يقترب من تحقيق غرضه رغم أنف محاولة تفخيخك

يابحيري
ياخ كلامك دا اعوج تفخيخ شنو ياخ البتتكلم عنو دا .. ياخ عيب عليك ودي ما طريقة بتاعة تفاهم .. انت طرحت موضوع حيوي وهام .. انا جيت عقبت ليك حسب وجهة نظري تقول لي تفخيخ وبطيخ .. انت لو داير مداخلتي تكون زي مداخلات بوستات المجاملات ديك .. بتديني احساس كدا انو الزول الفاتح البوست زي الراقد استبالية كل واحد بيجي شايل ليهو طرادة والبجي شايل ليهو رطل سكر او دستة برتكان ولا ربع لوح تلج يختو ليك في الكشف .. يا اخوي تاني تووووووبة من بوستاتك
الله معاك
قال تفخيخ قال

إذن لماذا إيراد الكلمات البذيئة التي من شأنها أن تدفع الإدارة لحذف البوست من التداول العام ؟؟

Quote: إذن لماذا إيراد الكلمات البذيئة التي من شأنها أن تدفع الإدارة لحذف البوست من التداول العام ؟؟

دي آخر مداخلة لي معاك قبل ما امشي
الكلمات البذيئة دي ما كلامي انا دا كلام هباني يمكنك مراجعة مكتبتو
اما بالنسبة لموضوع اللبوة راجع مكتبة خضر حسين
وموضوع الخدار والجننونا بالخدار راجع بوستاتك انت لهذا الربع
سلام وختام مع دعواتنا ليك بالتوفيق






____
الادارة بطلت تحذف البوستات للاسباب الانت ذكرتها دي ركز يا معلم

الاخ بحيري سلامات

هل تعنى بأن عمار محمد آدم والباسوورد بتاعو
هو الرجل الأخطر على الإنقاذ هذه الأيام ..؟

ام للحديث بقيه ..

Quote: إذن لماذا إيراد الكلمات البذيئة التي من شأنها أن تدفع الإدارة لحذف البوست من التداول العام ؟؟

تحياتي يا استاذ فتحي ..
الادارة لا تحذف البوستات لوجود الفاظ بذيئة ضمن بعض مداخلاتها.
قد تحذف بوستا اصبح ساحة شتائم و سباب فقط اذا طلب احد الخصمين (و غالبا صاحب البوست الاصلي ) السحب.
و يمكنك الرجوع الى البوستات الموجودة و متاحه للجميع في المنبر و ستجد بها هذا.


ـــــــــ
اعجبتني جدا فكرتك المثالية عن ان ورود ان كلمة نابية او قبيحة في مداخلة يتم حذفها فورا .. ليت الامر كان كذلك سيدي.

Quote: النسبة الأكبر من المعلومات التي ترد عن طريقه قريبة من الحقيقة بهذا الشكل أو ذاك وبالغة الأثر المضر بالإنقاذ هذه الأيام عليه توخي الحذر على كل حال. وعليه ،أكثر ، أن لا يتوقف عن مدنا بالمعلومات التي يريدون حجبها عنا عما يدور بينهم من ضرب تحت الأحزمة .

التحايا والسلام لك ولعمار .

Quote: التحايا والسلام لك ولعمار .

لك التحية يا صديقي وسميي الحبيب

Quote: الاخ بحيري سلامات هل تعنى بأن عمار محمد آدم والباسوورد بتاعو هو الرجل الأخطر على الإنقاذ هذه الأيام ..؟ ام للحديث بقيه ..

في اعتقادي أن ما يقوم به عمار الآن
يعمل بقوة ضد تيار إعلامي كامل يحاول به الإنقاذيون ومن لف لفهم تعمية الناس عما يحدث بينهم
وتكمن خطورة عمار في شيئين
أنه لا يمثل المعارضة بشكلها النمطي.. فالرجل أوضح أنه يقف مع قوش رغم اختلافه مع تخريجاته لما حدث
وفي أنه قريب "اجتماعيا" من مراكز الحدث ومكامن تفاصيله
لقد نقل لي عمار شخصيا "الصورة التي أبحث عنها" في كثير من مداخلاته وبوستاته

عمار لا يمثل بكلامه هنا الإنقاذ
ولا يمثلنا نحن معارضي الإنقاذ
وفوق ذلك يملك كما من المعلومات وقدر من التلقائية والشفافية والرغبة في قول كل ما يعرف تقريبا
وفي اعتقادي أنه عصي على التوجيه أو السيطرة

وهنا يكمن خطره

له الود

شكرا لكم لا استطيع التواصل معكم لان النت عندى مقطوع اقسم بالله العظيم هذه الحقيقة اما ان يكون هنالك من يدفعنى للكتابة فلو اقسمت فلت تصدقونى لكننى اراهن على ذكاء القراء ومعركتى استمرت قبل الترابى وبعده يهمنى ان اكون صادقا مع نفسى والاخرين.

؟؟؟

Quote: شكرا لكم لا استطيع التواصل معكم لان النت عندى مقطوع اقسم بالله العظيم هذه الحقيقة اما ان يكون هنالك من يدفعنى للكتابة فلو اقسمت فلت تصدقونى لكننى اراهن على ذكاء القراء ومعركتى استمرت قبل الترابى وبعده يهمنى ان اكون صادقا مع نفسى والاخرين.

يا زول واثقين منك "لحد كبير"
على الرغم من أن نصك واضحة فيهو الحليفة على حاجة و "عدم الحليفة" على حاجة تانية



ولا يهمك لكن ما رأيك في هذا


عاجل.. انباء تتحدث عن اعتقال( غوش) واغتيال الرائد امن ع...دل ميرغني سيد احمد!!

اقسم بالله مليون مرة انه لا احد يملى على شى اكتبه غبر ضميرى ولا اعتقد ان قوش معتقل......

يا زول استغفر الله



ما بيناتنا حلايف !!


وأنا ماقصدت إني ما مصدقك لكن فقط تأملت في ظاهر نص مداخلتك الأولى بعمق


وحكاية إنك "لا تعتقد" أن قوش معتقل لا تشفي غليل أحد
فلا أنت صدقت الخبر ولا أنت كذبته

أم أنه ليس لديك معلومة ؟؟؟

احتمال يجيبوا وزير داخلبة الهدف من اقالتوارضاء الجيش وقد تحقق ذلك.