Post: #1
Title: سايز كونفيرتر
Author: ممدوح أبارو
Date: 08-17-2009, 11:04 AM
كثيراً ما يجد البعض صعوبة في إختيار مقاساتهم من ثياب وأحزية وغيرها
وذلك عند تغيير المنتج من دولة لأخري ، مثلاً إذا كنت تلبس من إنتاج الصين
فستجد أن هنالك إختلاف في المقاسات بينها والمنتجات التركية مثلاً
بمعني لو عمر الفاروغ بيلبس بنطلون ياباني مقاس xxl
سيكون مقاسة بالبريطاني والامريكي 46 بينماالأوروبي 56
وهكذا دواليك
ود الصايم برضو مقاسك موجود أبوي
ده كورس مجاني ليك يا فاروق فما تنسانا من الدعاء
|
Post: #2
Title: Re: سايز كونفيرتر
Author: الطيب شيقوق
Date: 08-17-2009, 11:12 AM
Parent: #1
بتقول في شنو يا مسنوح
|
Post: #5
Title: Re: سايز كونفيرتر
Author: tmbis
Date: 08-17-2009, 11:24 AM
Parent: #2
Quote: مثلاً إذا كنت تلبس من إنتاج الصين
فستجد أن هنالك إختلاف في المقاسات بينها والمنتجات التركية مثلاً
بمعني لو عمر الفاروغ بيلبس بنطلون ياباني مقاس xxl
سيكون مقاسة بالبريطاني والامريكي 46 بينماالأوروبي 56 |
..  يا ابارووو انا بعترض انو عمر الفاروع يكون الاستاندرد حقنـا .. ومعاهو ود الصايم
يعني تقوم تورم فيهو الفكرة دي .. ح اضيع أنا خاصة انو الزول دا الايامات دي عامل لي فيها خبير بتاع فاشون .. وبيوتات ازياء ..
أما بالنسبة لي ود الصايم أو دكتور كاروشة .. فكمان بالطريقة دي ضغطه علينا شوية
غايتو للضمان انا بعتمد مقاساتك دي بعد تعديلات ..
يعني لو كان الاستاندرد عمر الفاروغ وبما انو أنا بلبس ستة وتلتين .. فمعناته بشيل مقاس (اصمول) بالسواحلية .. واطلب من (راعي) المحل (طاقية) أو (بوريه) ..  على شرط يكونوا مطقمات مع الحزام ..
بالنسبة لي استاندرد كاروشة .. فيا زول انسى بس .. .. ح اقوليهو جيب المقاسات العندك وأنا بتصرف ..
أختيارك غير موقف بالنسبة (للمونيكان)
|
Post: #8
Title: Re: سايز كونفيرتر
Author: ممدوح أبارو
Date: 08-17-2009, 12:06 PM
Parent: #5
Quote: يا ابارووو انا بعترض انو عمر الفاروع يكون الاستاندرد حقنـا .. ومعاهو ود الصايم
يعني تقوم تورم فيهو الفكرة دي .. ح اضيع أنا خاصة انو الزول دا الايامات دي عامل لي فيها خبير بتاع فاشون .. وبيوتات ازياء ..
أما بالنسبة لي ود الصايم أو دكتور كاروشة .. فكمان بالطريقة دي ضغطه علينا شوية
|
تمبسكو
ياخ أنا شاو المرة الفاتت كان قاشر بيك ووداك عزل ليك كمان عشان كده حبينا نرتقي بي ذوقو شويه عشان ما يخمك ساي
بالنسبه لكاروشة فركو علي توب تاترون من باب شريف نفصل ليه جلوب والباقي (بتاعات)
|
Post: #7
Title: Re: سايز كونفيرتر
Author: ممدوح أبارو
Date: 08-17-2009, 11:47 AM
Parent: #2
| Quote: بتقول في شنو يا مسنوح |
شيقا ده كلام أولاد بنادر إنت ماك قدرو
أمش شوفلك سروال عراقي يابا
|
Post: #3
Title: Re: سايز كونفيرتر
Author: ممدوح أبارو
Date: 08-17-2009, 11:16 AM
Parent: #1
محور:-
الغرض من البوست واضح وهو التعرف علي المقاسات العالمية والمقارنة بينها
لكن لا بأس من التشعيب في غير إنحراف (وش غامز)
|
Post: #4
Title: Re: سايز كونفيرتر
Author: محمد عبد الماجد الصايم
Date: 08-17-2009, 11:21 AM
Parent: #3
سايق كربريتر كيف يعني؟
|
Post: #9
Title: Re: سايز كونفيرتر
Author: ممدوح أبارو
Date: 08-18-2009, 11:38 AM
Parent: #4
كاروشة
| Quote: سايق كربريتر كيف يعني؟ |
كدا يعني
|
Post: #6
Title: Re: سايز كونفيرتر
Author: ممدوح أبارو
Date: 08-17-2009, 11:34 AM
Parent: #3
نبدأ بالبدل أو البدلات
في القرن 19 كانت البدلات حكراً علي الاثرياء فقط
أما الفقير حتي لو إغتناها فسيحرص علي توريثها لأبنائه الذين بدورهم يورثونها الاحفاد
من الطريف أنه في عام 1883م ساد إعتقاد أن الملابس الداخلية تستخدم لمنع إحتكاك البدلة بالجسم
حتي تظل نظيفة!.
كان الفرد في ذلك الزمان يمتلك ما بين 5 الي 6 بدلات منها ما هو رسمي ومنها ماهو للعمل ولحضور الحفلات
هنالك 4 مقاسات عاملمية متعارف عليها حسب علمي وأعتقد أنها المقاسات اليابانية
S - M - L - XL
S ياباني رجالي تعادل 34 بالمقاس البريطاني والامريكي
S ياباني رجالي تعادل 44 بالمقاس الاوربي
ملحوظة لو في أي معلومات إضافية فالبوست مفتوح للجميع
التعديل لإضافة صورة
|
Post: #10
Title: Re: سايز كونفيرتر
Author: وليد محمد المبارك
Date: 08-18-2009, 11:43 AM
Parent: #6
ابارو والله معلم عديل كده
ياخ انا المقاسات دي قاعده تعقدني عديل
وهدومي كلها شالوها اخواني
|
Post: #15
Title: Re: سايز كونفيرتر
Author: ممدوح أبارو
Date: 08-19-2009, 10:42 AM
Parent: #10
ياشفت تعيش وتاخد غيرا
Quote: ابارو والله معلم عديل كده
ياخ انا المقاسات دي قاعده تعقدني عديل
وهدومي كلها شالوها اخواني |
أها في ناس كدا إلا يعملوها فووط ولا ينجدو بيها المخدات
|
Post: #11
Title: Re: سايز كونفيرتر
Author: ممدوح أبارو
Date: 08-18-2009, 11:47 AM
Parent: #6
المقاس M الياباني يعادل 38 بالامريكي والبرطاني و48 بالأوروبي
المقاس L الياباني يعادل 40 بالامريكي والبرطاني و50 بالأوروبي
المقاس XL الياباني يعادل 44 بالامريكي والبرطاني و54 بالأوروبي
يعني يا تمبس مافي بدلة XXL
|
Post: #12
Title: Re: سايز كونفيرتر
Author: ممدوح أبارو
Date: 08-18-2009, 12:21 PM
Parent: #11
البنطال أو البنكلون أو السروال
بدأت فكرتها في القرن 19 وكانت تلبسها النساء في بلاد فارس القديمة
بينما كان الرجال الاوربيون في العصور الوسطي يرتدون ما يسمي بـ(التونك)
إلا أنه أصبح عائقاً بعد ظهور الدروع المعدنية فتحولو للسراويل القصيرة
التي كانت تربط أسفل الركبة وتحتها الجوارب .
حتي جاء عام 1830م فأصبحت البنطلونات أكثر إتساعاً ويصل طولها للرسغ.
من مقاساتها S - M - L - XL - XXL
لمقاس S الياباني يعادل 38 بالامريكي والبرطاني و40 بالأوروبي
لمقاس M الياباني يعادل 36 بالامريكي والبرطاني و46 بالأوروبي
لمقاس L الياباني يعادل 40 بالامريكي والبرطاني و 50 بالأوروبي
لمقاس XL الياباني يعادل 42 بالامريكي والبرطاني و52 بالأوروبي
لمقاس XXL الياباني يعادل 46 بالامريكي والبرطاني 56 بالأوروبي
|
Post: #13
Title: Re: سايز كونفيرتر
Author: abdalla osman
Date: 08-18-2009, 04:15 PM
Parent: #12
حبيبنا ..
ترزي ولا عندك بوتيك ..؟
لعلك طيب ..
_______________________________________________
تمبس ازيك ياخ .. بريدنا بريدنا ما رديتو
بدلة كااربة لى اخوك والحساب عند سيد البوست ..
|
Post: #16
Title: Re: سايز كونفيرتر
Author: ممدوح أبارو
Date: 08-19-2009, 10:46 AM
Parent: #13
Quote: حبيبنا ..
ترزي ولا عندك بوتيك ..؟
لعلك طيب .. |
سلامات يا دكتور
هوايه ساي وعدم شغلة بعيد عنك
|
Post: #14
Title: Re: سايز كونفيرتر
Author: الطيب الجاك
Date: 08-18-2009, 04:19 PM
Parent: #12
الأخ ممدوح أبارو و ضيوفو
رمضان كريم و كل عام و أنتم بخير
تحياتي
|
Post: #17
Title: Re: سايز كونفيرتر
Author: ممدوح أبارو
Date: 08-19-2009, 11:08 AM
Parent: #14
حباب ود الجاك
Quote: الأخ ممدوح أبارو و ضيوفو
رمضان كريم و كل عام و أنتم بخير |
وانت بألف خير
جبت الرايحة الله يخليك
شكراً للجدول
|
Post: #18
Title: Re: سايز كونفيرتر
Author: الطيب شيقوق
Date: 08-19-2009, 11:10 AM
Parent: #17
ابارو المسنوح
أيـــــا ذا القـلب لا تحـــــزن فــــــذاك الحـب Infection
فـلـن تجــــــدي عقــــــاقير ولن تشفــــــيك Injection
فـــكم من عـاقـــــل فطـــن مضى بالحــب Direction
سـتـنـــــكره وتـنـســــــــاه ولن يبـــــقى له Mention
فـلا تنــــــــظم له شعــــراً ولا تكـتــــــب له Section
ولا يحــــــــزنك من باعك فقد أخطــــأت Selection
ولا تبـــــدي له أســـــــفـاً ولا تبــــــــــدي له action
فـــــــــــــإن الحب منـزلةٌ لبعض الناس exception
فبعض الناس إن هجـروا فلا حـــــزنٌ ولا tension
وبعض الناس إن هجروا يظل ويبـقى connection
فوصــــــل الروح إقبـــالٌ وما أحـــــــــلاه reaction
بدعـوات ومن قــلــــــب لها أثــــــــــر و affection
فـــإن لم يبـــــق لي شيء فلا حــــــــب ولا Passion
فــلا أسـف عـلى دنـيــــــا لـك وعليــك conversion
|
Post: #19
Title: Re: سايز كونفيرتر
Author: ممدوح أبارو
Date: 08-19-2009, 11:31 AM
Parent: #18
والله إت ماك نصيح !!
ياخ تلفونك القديم ما بخش أضرب هنا 0912264365
|
|