Post: #1
Title: ثقافة الإستقالة ..
Author: عمر الفاروق
Date: 08-17-2009, 07:00 AM
Parent: #0
استقال نيسكون من رئاسة الولايات المتحدة الأمريكية ..
وكان قدر كلامو..!!
ــــــــــــــــــــــ
هي يا يمة هيييييييييييييييييييييي..
|
Post: #2
Title: Re: ثقافة الإستقالة ..
Author: saif massad ali
Date: 08-17-2009, 07:06 AM
Parent: #1
عمر الفاروق
عايزها تعشق مرة واحدة
خليها يا اخي
|
Post: #3
Title: Re: ثقافة الإستقالة ..
Author: فيصل نوبي
Date: 08-17-2009, 07:11 AM
Parent: #2
و انت مااااااااااااااااااالكـ
_
هييييي يمه هييييييييييييييييييييي
|
Post: #4
Title: Re: ثقافة الإستقالة ..
Author: عمر الفاروق
Date: 08-17-2009, 07:14 AM
Parent: #3
سيف مساعد:
المشكلة إنو التعشيقة حصلت لكن بدل يدوها واحد إتنين لحدددي ما يوصلوها خمسة ويفحطوا قاموا أدوها خلف ..
أو كما يقول حبايبي الخليجيين :
روييس ..
|
Post: #7
Title: Re: ثقافة الإستقالة ..
Author: فيصل نوبي
Date: 08-17-2009, 07:19 AM
Parent: #4
ريويس يوبا ريويس
_
هيييييي يمه هيييييييييييييييي (بالخليجي)
|
Post: #5
Title: Re: ثقافة الإستقالة ..
Author: saif massad ali
Date: 08-17-2009, 07:14 AM
Parent: #3
جيت انت كمان
قسم عندكم نية سوداء
|
Post: #6
Title: Re: ثقافة الإستقالة ..
Author: عمر الفاروق
Date: 08-17-2009, 07:19 AM
Parent: #5
فيصل نوبي:
| Quote: هييييي يمه هييييييييييييييييييييي |
هووووي يا يابا ها..
وإنت مالك دي مبلوعة لكن كان جاني ملاسي وقال لي مش شغلك !!!!??
|
Post: #8
Title: Re: ثقافة الإستقالة ..
Author: عمر الفاروق
Date: 08-17-2009, 07:28 AM
Parent: #6
| Quote: هيييييي يمه هيييييييييييييييي (بالخليجي) |
إقلب وجهك ... دي إستقيل بي الخليجي..
|
Post: #9
Title: Re: ثقافة الإستقالة ..
Author: أميرة فاروق عبد العال
Date: 08-17-2009, 08:51 AM
Parent: #8
العبرة ما في الاستقالة،
العبرة فـــي،
البروباقندا..
|
Post: #10
Title: Re: ثقافة الإستقالة ..
Author: عمر الفاروق
Date: 08-17-2009, 08:56 AM
Parent: #9
أميرة عبد العال:
ياخ إنتي زولة حباااابك والله ..
يبدو إننا أتوفقنا فيك ..
من زمان قاعدة ويييييييين إنتي ..
السهل الممتنع..
تخريمة :
اتقص كان عرفت بروبقاندا دي معناها شنو لكن النصييييحة كده صادفت هوى في نفسي وحسيت بيها بتعبر عن ما بداخلي ..
يعني اسة ممكن لو لقيت زول شايل ليهو عصاية ولابس قميص بمبي اقول ليهو سيب البروباقندا البتسوي فيها دي؟
|
Post: #11
Title: Re: ثقافة الإستقالة ..
Author: أميرة فاروق عبد العال
Date: 08-17-2009, 09:03 AM
Parent: #10
| Quote: يعني اسة ممكن لو لقيت زول شايل ليهو عصاية ولابس قميص بمبي اقول ليهو سيب البروباقندا البتسوي فيها دي؟ |
لالالا ياخ،
قول ليه:
هاك البروباقندا دي!!
قلت لي (اتوفقنا فيك)
والله حسستني باني،
(بيعة)
|
Post: #12
Title: Re: ثقافة الإستقالة ..
Author: Hussein Mallasi
Date: 08-17-2009, 09:04 AM
Parent: #10
| Quote: اتقص كان عرفت بروبقاندا دي معناها شنو |
لتقريب الفهم -  - في الكورة مش قاعدين تقولوا فلان دا دعاية .. و تيب!
|
Post: #13
Title: Re: ثقافة الإستقالة ..
Author: عمر الفاروق
Date: 08-17-2009, 09:09 AM
Parent: #12
الأميرة :
Quote: قلت لي (اتوفقنا فيك)
والله حسستني باني،
(بيعة) |
لالالالا حاشاك والله ..
إنت فوق (البيعة)..
بروباقاندا دي..!
|
Post: #15
Title: Re: ثقافة الإستقالة ..
Author: عمر الفاروق
Date: 08-17-2009, 09:11 AM
Parent: #13
حسين يا ملاسي:
بي مناسبة الدعاية دي الا تشاطرني الرأي بأن المداخلة ادناه كانت الأنسب بسبب الإستقالة :
" أرجوك لا تفعلي أرجوووك ..كما قال ياسر طيفور "
|
Post: #14
Title: Re: ثقافة الإستقالة ..
Author: أميرة فاروق عبد العال
Date: 08-17-2009, 09:10 AM
Parent: #12
| Quote: لتقريب الفهم - - في الكورة مش قاعدين تقولوا فلان دا دعاية .. و تيب! |
ملاسي،
يبدو إننا إتوفقنا فيك..
كلو منك يا يا(أومر)..
|
Post: #16
Title: Re: ثقافة الإستقالة ..
Author: فيصل نوبي
Date: 08-17-2009, 09:26 AM
Parent: #14
| Quote: يبدو إننا إتوفقنا فيك.. |
بصراحة أميرة دي قاعد أتابع كتابتها
شكلها كده الليلة المزاج (غير) 
|
Post: #17
Title: Re: ثقافة الإستقالة ..
Author: عمر الفاروق
Date: 08-17-2009, 09:33 AM
Parent: #16
| Quote: شكلها كده الليلة المزاج (غير) |
تكون بقت جدة ؟؟
اوووعو تقروها لي جدة بمعنى حبوبة فأميرة وفي مكان اخر نووهت لي إنو عندها حبوبة (خريف وكده ) جدة المقصودة هي مدينة جدة ..
وجدة غير..
يا نوبي أميرة عندها وجع بروباقندا في البطين الأيسر..
|
Post: #18
Title: Re: ثقافة الإستقالة ..
Author: أميرة فاروق عبد العال
Date: 08-17-2009, 09:37 AM
Parent: #16
Quote: بصراحة أميرة دي قاعد أتابع كتابتها
شكلها كده الليلة المزاج (غير) |
نوبــــي،
You Too
زي ملاسي..
|
Post: #20
Title: Re: ثقافة الإستقالة ..
Author: انعام حيمورة
Date: 08-17-2009, 09:59 AM
Parent: #19
اها وصلتوا وين ؟؟
|
Post: #21
Title: Re: ثقافة الإستقالة ..
Author: عمر الفاروق
Date: 08-17-2009, 10:02 AM
Parent: #20
بالنسبة ؟
|
Post: #22
Title: Re: ثقافة الإستقالة ..
Author: Hussein Mallasi
Date: 08-17-2009, 10:08 AM
Parent: #21
| Quote: " أرجوك لا تفعلي أرجوووك ..كما قال ياسر طيفور " |
_______
المهم .. عماد دعاية كان باك و جنو يلعب الكورة
بالكعب؛ و كان جنهم يختفوها منو و يجيبوها قون!!
|
Post: #24
Title: Re: ثقافة الإستقالة ..
Author: حيدر حسن ميرغني
Date: 08-17-2009, 10:15 AM
Parent: #22
Quote: استقال نيسكون من رئاسة الولايات المتحدة الأمريكية ..
وكان قدر كلامو..!! |
مافي زول وللا زولة في المنبر ده كان قدر كلامو مثل ما كانت الاخت عالية عوض الكريم
احترمت نفسها واقتنعت بالفور اوول
|
Post: #26
Title: Re: ثقافة الإستقالة ..
Author: انعام حيمورة
Date: 08-17-2009, 10:25 AM
Parent: #21
للاستقالة !!
|
Post: #28
Title: Re: ثقافة الإستقالة ..
Author: فيصل نوبي
Date: 08-17-2009, 10:49 AM
Parent: #26
بروباقاندا بس
|
Post: #29
Title: Re: ثقافة الإستقالة ..
Author: انعام حيمورة
Date: 08-17-2009, 10:58 AM
Parent: #28
عمر الفاورق ونوبي
ارفعوا يدكم عن داليا حافظ
سغيلين سغالة
|
Post: #23
Title: Re: ثقافة الإستقالة ..
Author: فيصل نوبي
Date: 08-17-2009, 10:12 AM
Parent: #19
يا أميرة
قلتي لي من يوم ما كتبتي أتاريه (الزول/ة) ممكن يكتب أي حاجة هنا ده!!
بقيتي إنت برضو تكتبي أي حاجة
بس ما تقومي تكتبي حاجة تكون (بروباقاندا) أو هكذا شاكلة
_
عمر الفاروق
في مثل خليجي بيقول ( بو طبيع ما يووز عن طبعه ) تدري عنه ؟
|
Post: #25
Title: Re: ثقافة الإستقالة ..
Author: عمر الفاروق
Date: 08-17-2009, 10:23 AM
Parent: #23
Quote: المهم .. عماد دعاية كان باك و جنو يلعب الكورة
بالكعب؛ و كان جنهم يختفوها منو و يجيبوها قون!! |
حبيبنا اسماعيل عباس عضو المنبر قال مرة لاعبين كورة عندهم واحد من نص الميدان شات ليهو كورة أييي كلام بووز وقبل اداها ضهرو فجأة لقا الناس بتنطط ليهو في رقبتو وضهرو لمممن اتهجم قال ليهم مالكم في شنو ؟؟؟
قالوا ليهو شوووتك جات قون ..
شوفت البروباقندا مرات بتسوي شنو يا ملاسي؟
|
Post: #27
Title: Re: ثقافة الإستقالة ..
Author: عمر الفاروق
Date: 08-17-2009, 10:27 AM
Parent: #25
والله يا حيدر انا ما متابع جيد لكن لو سكيت تحت تحت ممكن عادي تكون قبل كده مدت راسا بي الكرب كده ..
|
Post: #30
Title: Re: ثقافة الإستقالة ..
Author: omer osman
Date: 08-17-2009, 11:01 AM
Parent: #25
Quote: حبيبنا اسماعيل عباس عضو المنبر قال مرة لاعبين كورة عندهم واحد من نص الميدان شات ليهو كورة أييي كلام بووز وقبل اداها ضهرو فجأة لقا الناس بتنطط ليهو في رقبتو وضهرو لمممن اتهجم قال ليهم مالكم في شنو ؟؟؟
قالوا ليهو شوووتك جات قون ..
|
يوم بتشرط ليك زول بالضحك
|
Post: #31
Title: Re: ثقافة الإستقالة ..
Author: عمر الفاروق
Date: 08-17-2009, 11:59 AM
Parent: #30
نوبي:
| Quote: في مثل خليجي بيقول ( بو طبيع ما يووز عن طبعه ) تدري عنه ؟ |
إيش الهرجة ؟؟؟؟
ترى مااااني قادر أقراه تقوللي أدري عنه !!!!!!
اقوووول كل تبن بس وإسسسكت
نوبي الرسول فوقك كان ما وريتني المثل ده بيقروهو كيف الفهم هيييين بتصرف فيهو اصلا كده كده ما مارق من البروباقاندا..
|
Post: #33
Title: Re: ثقافة الإستقالة ..
Author: فيصل نوبي
Date: 08-17-2009, 12:37 PM
Parent: #31
يا فاروق
المثل ده بيقولو عليهو دي البروباقندا ولا بلاش
_
واحد تاني ( إيش فيكـ إنت مع عندكـ وسط يا طخو يا أكسر مخه ) ده ساهل غايتو يتماشي مع البروباقندا المبتدئة
|
Post: #32
Title: Re: ثقافة الإستقالة ..
Author: عمران حسن صالح
Date: 08-17-2009, 12:17 PM
Parent: #30
تسيطحـــــــــة السواد يا يمة ..
ما نمشي نشتغل يعني ؟؟؟
ولا الحبة فهمت والرابط الفوق مشى الزبالة وغايتو !!!!!!!!!
|
Post: #34
Title: Re: ثقافة الإستقالة ..
Author: أميرة فاروق عبد العال
Date: 08-17-2009, 12:37 PM
Parent: #32
| Quote: اصلا كده كده ما مارق من البروباقاندا.. |
شايفاك سويتها (لبانة)..
|
Post: #35
Title: Re: ثقافة الإستقالة ..
Author: esam gabralla
Date: 08-17-2009, 12:55 PM
Parent: #34
يا الفاروغ
والله كنت بشاور في روحى ادخلك قائمة كتابي الساخرين المفضلين وهى تشمل معاذ حسن,على الحلاوى,دكين , بت قضيم, تاج السر الملك , عبدالله الشيخ ..
مالك و مال المطاعنه و الغميز و اللميز, ما خايلة فيك خليها لى "سيدا" بعرف ليها و جارية في دمو ...
- و بالمناسبة برضو احسن تحليلات كورة انت و احمد الريح , حقو تركز فيها و ارخى الغنا و المزيكة شوية ... عملت ليهن فلايت
عمر بوب و هشام المجمر كويسين , لكن كتابتهم ناااااشفة , ما بفرزو بين كتابة السياسة و الكورة ...
باختصار:سيب بت الناس في حالا .... يا حاقد
| Quote: أرجوك لا تفعلي أرجوووك ..كما قال ياسر طيفور |
القوية بتاعت:
| Quote: النبي كان تقعدى .. |
النبي يا كبير .... ما تبت من سوركتى
|
Post: #36
Title: Re: ثقافة الإستقالة ..
Author: داليا حافظ
Date: 08-17-2009, 12:58 PM
Parent: #35
وثقافة المطاعنة !
|
Post: #37
Title: Re: ثقافة الإستقالة ..
Author: داليا حافظ
Date: 08-17-2009, 01:00 PM
Parent: #36
وثقافة القلوب السودا البتتخفى بالإستظراف !
|
Post: #38
Title: Re: ثقافة الإستقالة ..
Author: داليا حافظ
Date: 08-17-2009, 01:01 PM
Parent: #37
وثقافة فرصة وجاتك !
|
Post: #40
Title: Re: ثقافة الإستقالة ..
Author: داليا حافظ
Date: 08-17-2009, 01:04 PM
Parent: #38
وثقافة السم المدسوس في العسل !
|
Post: #41
Title: Re: ثقافة الإستقالة ..
Author: داليا حافظ
Date: 08-17-2009, 01:06 PM
Parent: #40
وثقافة..
هيييي يا يمة هيييييييييي!
|
Post: #42
Title: Re: ثقافة الإستقالة ..
Author: داليا حافظ
Date: 08-17-2009, 02:37 PM
Parent: #41
ثقافة التلذذ بأذية الآخرين !
|
Post: #44
Title: Re: ثقافة الإستقالة ..
Author: داليا حافظ
Date: 08-17-2009, 02:40 PM
Parent: #42
وثقافة ذات علاقة
وهي ثقافة إبتكار طرق للاذية !
|
Post: #45
Title: Re: ثقافة الإستقالة ..
Author: داليا حافظ
Date: 08-17-2009, 02:41 PM
Parent: #44
وثقافة الإسترزاق من بوستات الآخرين !
|
Post: #46
Title: Re: ثقافة الإستقالة ..
Author: داليا حافظ
Date: 08-17-2009, 02:44 PM
Parent: #45
و
ثقافة العلاج النفسي !
|
Post: #43
Title: Re: ثقافة الإستقالة ..
Author: عمران حسن صالح
Date: 08-17-2009, 02:38 PM
Parent: #37
| Quote: وثقافة القلوب السودا البتتخفى بالإستظراف ! |
المرارة يا داليا ....
براحة شوية على نفسكـ
|
Post: #47
Title: Re: ثقافة الإستقالة ..
Author: داليا حافظ
Date: 08-17-2009, 02:50 PM
Parent: #43
وثقافة أضرب وأجري !
|
Post: #48
Title: Re: ثقافة الإستقالة ..
Author: داليا حافظ
Date: 08-17-2009, 02:51 PM
Parent: #47
وثقافة أنا بدقها ليك !
|
Post: #49
Title: Re: ثقافة الإستقالة ..
Author: داليا حافظ
Date: 08-17-2009, 02:52 PM
Parent: #48
وثقافة حأنتهي ليكم منها !
|
Post: #50
Title: Re: ثقافة الإستقالة ..
Author: داليا حافظ
Date: 08-17-2009, 02:53 PM
Parent: #49
وثقافة يا أنا يا هي !
|
Post: #39
Title: Re: ثقافة الإستقالة ..
Author: abuguta
Date: 08-17-2009, 01:04 PM
Parent: #34
الزول فال سنقاتل حتى الرمق الاخير
يعنى لو استقال تانى البعرفو منو
كدى خلونا فى صورة عمر عثمان,,بعد ما تعافى من
صرعة الصمرقع..الصورة شرط
تستاهل منصب مقدم الاستقالة
لا تنسونا من الرد شايفكم مشغولين عن محتوى البوست
|
Post: #51
Title: Re: ثقافة الإستقالة ..
Author: محمد عبد الماجد الصايم
Date: 08-17-2009, 03:44 PM
Parent: #39
ثقافة الرش!
|
Post: #52
Title: Re: ثقافة الإستقالة ..
Author: صديق الموج
Date: 08-17-2009, 04:31 PM
Parent: #51
داليا العزيزة تحياتى
انا باسمهم جميعا بعتذر ليك
لكن عايزك تعرفى شى اقوله وانا متاكد من صدقه.
والله والله العظيم كل الشباب الهنا ديل غياظين ساكت ومن الطف الناس.
ويحملون قلوب اطفال وواثق تماما ليس بينهم من يقوى او يتحمل
ان يؤذى نملة،ومتاكد بعد احسوا بزعلك
ندمانين شديد على هذا البوست والذى لم يقصدوا منه غير مزاح لا اكثر ولا اقل..
قياعمر وياود الصايم وياعمران والباقين.
خالكم بقول ليكم تجوا تعتذروا لاختكم داليا هنا ده
وانا اعرف دواخلكم تماما ونقاء معدنكم وانتو اخوان بنات.
وداليا افتكرتكم جادين بالله اعتذاراتكم اشوفها هنا
قبل ان يجف مداد حروفى.وده رجاء من اخوكم الكبير.
وهظاركم الخشن بتاع ناس نوبى وود الصايم ده
ما تسوه مع بنات اخواتى ديل,,
يلا اعتذار وتشتيت من البوست ده
الله يعافيكم جميعا..الدنيا رمضان شهر التسامح،،،
|
Post: #53
Title: Re: ثقافة الإستقالة ..
Author: دينا خالد
Date: 08-17-2009, 07:18 PM
Parent: #52
| Quote: ويحملون قلوب اطفال |
هو ذاكـ هو ذاكـ يا خال ،، وعقولهم ايضا
غايتو انا بقدم اعتذارى لداليا نيابة عن ود الصايم ونوبى
(*&) على الطلاق ما تقولوا شى !!!!
ـــــــــــــــــــــــ
اما المدعو الفاروق فلا يكفى مجرد الاعتذار (*جلد جلد)
وبعدين ما بضمنوا ليكم،، بجى يفشلنى !!
غايتو للضمان كدا حلفت على يجى يعتذر
رمضان على الابواب عفى الناس ياخ ,...
|
Post: #54
Title: Re: ثقافة الإستقالة ..
Author: omer osman
Date: 08-17-2009, 07:46 PM
Parent: #53
Quote: داليا العزيزة تحياتى
انا باسمهم جميعا بعتذر ليك
لكن عايزك تعرفى شى اقوله وانا متاكد من صدقه.
والله والله العظيم كل الشباب الهنا ديل غياظين ساكت ومن الطف الناس.
ويحملون قلوب اطفال وواثق تماما ليس بينهم من يقوى او يتحمل
ان يؤذى نملة،ومتاكد بعد احسوا بزعلك
ندمانين شديد على هذا البوست والذى لم يقصدوا منه غير مزاح لا اكثر ولا اقل..
قياعمر وياود الصايم وياعمران والباقين.
خالكم بقول ليكم تجوا تعتذروا لاختكم داليا هنا ده
وانا اعرف دواخلكم تماما ونقاء معدنكم وانتو اخوان بنات.
وداليا افتكرتكم جادين بالله اعتذاراتكم اشوفها هنا
قبل ان يجف مداد حروفى.وده رجاء من اخوكم الكبير.
وهظاركم الخشن بتاع ناس نوبى وود الصايم ده
ما تسوه مع بنات اخواتى ديل,,
يلا اعتذار وتشتيت من البوست ده
الله يعافيكم جميعا..الدنيا رمضان شهر التسامح،،، |
صدق صديق .......
|
Post: #55
Title: Re: ثقافة الإستقالة ..
Author: عمر الفاروق
Date: 08-17-2009, 08:54 PM
Parent: #54
| Quote: وثقافة يا أنا يا هي ! |
لالالالا إنتي ..والله إنتي ..
زول بيستقيل ويرجع في ساعتين ده ماااااا محتاج ثقافة ..
صدقيني البورد ده وبي طريقتك دي الا تسلميهو لي سيدنا عيسى ..
|
Post: #57
Title: Re: ثقافة الإستقالة ..
Author: عمر الفاروق
Date: 08-17-2009, 09:02 PM
Parent: #55
عصام جبر الله :
اووووعك تدقس وتستعجل وتختني في اييي قائمة !!!
انا لا أصلح للقوائم انا زول ساااااي بكتب سااااي وبقول ساااي فلا انا بساخر ولا انا برياضي ولا انا بناقد ولا انا بموسيقار ..
بالمناسبة ماف ايييييي همز وغمز ولمز كلامي عديييل ومفهوووم وما داسيهو وما قاصد بيهو اي زول غير داليا الإستقالت في ساعة ورجعت وقلت ليها الكلام ده قبل ما تسويهو ووريتا إنها بتاعت شووو ومااا بتقدر تستقيل وقد كااان ..
بس وبما إني زول يعشق الإنبثاق من البوستات فقلت اقوووووم كده أنبثق !!!!
وقللللللللللللللللللللت كدي وإنبثقت ليك ..
أمااااااااااااااانة انا مااااااااااا إنبثاقي خلاااس ما تشوفني كده !!!
|
Post: #56
Title: Re: ثقافة الإستقالة ..
Author: عمر الفاروق
Date: 08-17-2009, 08:58 PM
Parent: #54
وثقافة..
هيييي يا يمة هيييييييييي!
دي نسيتي تعمليها بولد او كما يترجمها الويندوز أسود عريض..
|
Post: #58
Title: Re: ثقافة الإستقالة ..
Author: عبدالوهاب علي الحاج
Date: 08-17-2009, 09:08 PM
Parent: #56
يا اخوان الزميلة سناء خالد وين اليومين دي؟
طمنونا عليها يا ناس طوكيو
___
تحياتي عمر
بوست موفق
وبلغ تحياتي للاخ فيصل نوبي
|
Post: #59
Title: Re: ثقافة الإستقالة ..
Author: فيصل نوبي
Date: 08-18-2009, 06:54 AM
Parent: #58
دندونتي
أي نعم إنتي دندونتي لكن ده ما بيديكـ حق إنكـ تعتذري بإسمي
بما إنكـ دندونتي ممكن أعتذر نيابة عنكـ و ليس العكس Quote: غايتو انا بقدم اعتذارى لداليا نيابة عن ود الصايم ونوبى
(*&) على الطلاق ما تقولوا شى !!!! |
داليا إستقالت و عادت و ده ضرب من ضروب البروبقاندا أو الـ Show
يعني ماف شيء إضافي هنا .. بوست منبثق عن بوست منبثق عن بوست
ياهو متل حركات عمر الفاروق الفوق دي ..
_
في مثل خليجي بيقول (بُطًجاج طِجِكـ) بتعرفيو ؟
عمر الفاروق ما تقول لي المثل ده برضو ما عرفتو ( ده برضو ضرب من ضروب الـ Show) !
|
Post: #60
Title: Re: ثقافة الإستقالة ..
Author: وليد محمد المبارك
Date: 08-18-2009, 07:04 AM
Parent: #59
Quote: غايتو انا بقدم اعتذارى لداليا نيابة عن ود الصايم ونوبى
(*&) على الطلاق ما تقولوا شى !!!! |
الراجل يفتح خشمو
|
Post: #61
Title: Re: ثقافة الإستقالة ..
Author: أميرة فاروق عبد العال
Date: 08-18-2009, 07:15 AM
Parent: #60
Quote: أمااااااااااااااانة انا مااااااااااا إنبثاقي خلاااس
ما تشوفني كده !!! |
يــــــــــا ود،
ماتبطل البروباقندا دي!!!
|
Post: #62
Title: Re: ثقافة الإستقالة ..
Author: فيصل نوبي
Date: 08-18-2009, 08:41 AM
Parent: #61
كده ظهر البوست ده ؟
|
Post: #63
Title: Re: ثقافة الإستقالة ..
Author: عمر الفاروق
Date: 08-18-2009, 08:49 AM
Parent: #62
| Quote: كده ظهر البوست ده ؟ |
اححححححي أيوة كده يادووووب البوست بقا بروباقاندا ..مش انت قلت معناها ال Show ؟
باركي لي يا أميرة دخلت ليكم بروباقاندا في جملة مفيدة..
دينا خالد :
الأخ جمهوري ولا حاجة ؟ شغال يطلق ساااااي لا بيشاور لا بيناضم ؟؟؟
التقول ساكنة في الحارة الرابعة !!!
عموماً نوبي اتجوعل وجا رد ..ود الصايم اديك النجيضة ماااا ظنيتو يقول بغم ..
عبد الوهاب :
الموفقون للموفقات وبما إنو البوست موفق انا كمان موفق ولا علاقة لمركز موفق الطبي بالموضوع ..
ابقوتة :
إنت معانا ولا مع التانيييين ؟؟
|
Post: #134
Title: Re: ثقافة الإستقالة ..
Author: دينا خالد
Date: 09-21-2009, 07:13 AM
Parent: #63
هسه الشكله دى وقفت هنا ؟؟ بس ؟
|
Post: #135
Title: Re: ثقافة الإستقالة ..
Author: GamarBoBa
Date: 09-21-2009, 07:37 AM
Parent: #134
| Quote: هسه الشكله دى وقفت هنا ؟؟ بس ؟ |
صحي فكوا المربوطين
رافعة ليك شكله لها شهر ويوم مالك
_
كل سنة والجميع بخير
|
Post: #136
Title: Re: ثقافة الإستقالة ..
Author: عبدالوهاب علي الحاج
Date: 09-21-2009, 10:42 AM
Parent: #134
| Quote: هسه الشكله دى وقفت هنا ؟؟ بس ؟ |
إنا لله وإنا إليه راجعون
|
Post: #64
Title: Re: ثقافة الإستقالة ..
Author: محمد عبد الماجد الصايم
Date: 08-18-2009, 08:50 AM
Parent: #62
هوي!
أنا مع داليا
أعتذر شنو ياخ!
هسي في زول نصيح يقيف مع عمر ونوبي ديل
لكن برضو اعتذار دينا ماشي
نعمل شنو بس
آآآدي الله وآآدي حكمتو!
|
Post: #65
Title: Re: ثقافة الإستقالة ..
Author: Hussein Mallasi
Date: 08-18-2009, 08:51 AM
Parent: #62
| Quote: زول بيستقيل ويرجع في ساعتين ده ماااااا محتاج ثقافة .. |
ساعتك دي أحسن تجدعها.
|
Post: #66
Title: Re: ثقافة الإستقالة ..
Author: عمر الفاروق
Date: 08-18-2009, 08:55 AM
Parent: #62
جدو الموج :)
تعرف كلامك حلو بس يبدو إنك ما زي أميرة عبد العال لأنو مااا اتوفقنا فيك :)
| Quote: ندمانين شديد على هذا البوست |
تعرف يا موج اها دي الحاجة الوحيييييدة الفي حياتي الما بعرفا الا غايتو في التوبة لانو من سنة رابعة ابتدائي ادونا شروط التوبة النصوح ودايماً كانت رقم اتنين بتكون :
الندم على ما فات ..
غير كده اصلو ما بعرف اندم ..
وبما انني لسة ما تبت توبة نصوح بخصوص ثقافة الإستقالات فما قادر اندم ..
لو ما اخاف الكضب الست بقتول :
يا ندم يا ندم يا ندم ..
تخريمة :
أميرة ياخ والله اتوفقنا فيك شديد خالص أوي ..
|
Post: #67
Title: Re: ثقافة الإستقالة ..
Author: وليد محمد المبارك
Date: 08-18-2009, 08:58 AM
Parent: #66
| Quote: ساعتك دي أحسن تجدعها. |
غايتو بتكتل ليك زول يوم في البورد ده
|
Post: #68
Title: Re: ثقافة الإستقالة ..
Author: عمر الفاروق
Date: 08-18-2009, 09:23 AM
Parent: #67
ود الصايم :
إنت إشتغلت في دال قروب؟
شنو مؤتمر الدالات التلاتة ده ؟
|
Post: #69
Title: Re: ثقافة الإستقالة ..
Author: داليا حافظ
Date: 08-18-2009, 09:54 AM
Parent: #68
النوريك ثقافة ما بعد الإستقالة
المدعو عمر الفاروق
أضرب راسك في أعلى أيقونة في المنبر ده وأنا قااااااعدة وبتاعت شوووووو...، أنت أخر من يتحدث عني
لأنك ما بتعرفني ..وما بتوقع أجي زول ويقول ليك البتعمل فيهو ده غلط وما بليق بزميلة ويطالبك
بإعتذار جادي ..، لانو ده كان ممكن إحصل زمان ، وللمعلومية أنا في البوست ده ما قاااعدة أهظر ولا بلعب
، وكل المنبر ده شاهد على تحرشك البين بي ..اوووووع تفتكر أني خايفة منك ، او ما قادرة
أتخذ ضدك حاجة ، ورأيك ومن يعوم على عومك تبلو وتشربو مويتو ...وأنا تاني ما بتكلم بتصرف بس...وقد
أعذر من أنذر ...
........................................................................
أي كلام فاضي كتبتبو محتفظا بيهو ...............و أوعااااااا ترسل لي زول .
|
Post: #70
Title: Re: ثقافة الإستقالة ..
Author: Hussein Mallasi
Date: 08-18-2009, 10:19 AM
Parent: #69
| Quote: او ما قادرة أتخذ ضدك حاجة |
| Quote: وأنا تاني ما بتكلم بتصرف بس |
|
Post: #71
Title: Re: ثقافة الإستقالة ..
Author: وليد محمد المبارك
Date: 08-18-2009, 10:25 AM
Parent: #70
|
Post: #72
Title: Re: ثقافة الإستقالة ..
Author: humida
Date: 08-18-2009, 10:29 AM
Parent: #69
عمر الغياظ ..
يعني انتو الزول ما يدقس معاكم كلو كلو ..
جلا من لا يســهو ياخي ..
داليا و الله عملتها ظااااااااااااااهرة .. بس لكن يعني ما تمسكها ليها قدر دا ..
و بعدين الزولة دي زعلت جد جد .. طوالي تقوم ترخي الموضوع ..
خلاص كدا الموضوع طلع من طور الهظار الي طور اليرقة ..
انتا قايلا مصعب البلال .. عليك دينك ارخيها ..
..
..
داليا .. عليك دينك بلاش حركات الاستقالات دي .. الناس دي براها روحها محرقاها ..!!
|
Post: #74
Title: Re: ثقافة الإستقالة ..
Author: عمر الفاروق
Date: 08-18-2009, 11:47 AM
Parent: #72
الناس طالعة مظاهرات وبتهتف في وش البوليس :
مقتل طالب مقتل أمة ..مقتل طالب مقتل أمة ..
أدروب ملك الشتارة كان معاهم وشغال يهتف للجماعة:
تكتل طااالب نكتتتتل أمممك ..تكتتتل طااالب نكتتتل أمممك ..
نفس هذا الأدروب بالصدفة قابلتو في مظاهرات لبنى والجكس بيهتف:
فكو دربنا وجعتو قلبنا فكو دربنا وجعتو قلبنا ...
فإذا بهذا الأدروب وسمع اضاني شغااال يهتف ساااااااي :
إستقييل يا سقييل ..إستقييل يا سقييل ..
|
Post: #75
Title: Re: ثقافة الإستقالة ..
Author: وليد محمد المبارك
Date: 08-18-2009, 12:00 PM
Parent: #74
| Quote: و أوعااااااا ترسل لي زول . |
والله حقو الواحد يوديها بوست البلي
|
Post: #76
Title: Re: ثقافة الإستقالة ..
Author: محمد البشرى الخضر
Date: 08-18-2009, 12:30 PM
Parent: #75
عندما كتبت الأخت داليا بوست استقالتها المسببة وعللت ان عدم اعتذار كوستاوي في البوست الأساسي هو السبب و ارفقت اللنكات
دخلت انا اللنك المعني و رايت ان كوستاوي كتب في نفس البوست ووضح الأمر و اورد صورة من رده على مسنجرها و صور لمواقع اخرى نقلت عنوان بوستها
فنبهتها لذلك
لم تكابر داليا بل سارعت و وضحت الامر و انها لم تنتبه لمداخلات كوستاوي في البوست في حينها
و عليه فقد زال سبب الاستقالة وقامت بسحبها
هل اخطأت كونها كانت صادقة مع نفسها و الآخرين لتتم السخرية من موقفها هكذا
|
Post: #77
Title: Re: ثقافة الإستقالة ..
Author: Hussein Mallasi
Date: 08-18-2009, 12:35 PM
Parent: #76
صدق السماك جرجيرة.
|
Post: #80
Title: Re: ثقافة الإستقالة ..
Author: ممدوح عثمان
Date: 08-18-2009, 12:42 PM
Parent: #77
السماك جرجيرة قال شنووو ؟
|
Post: #89
Title: Re: ثقافة الإستقالة ..
Author: محمد عبد الماجد الصايم
Date: 08-18-2009, 02:34 PM
Parent: #77
| Quote: صدق السماك جرجيرة. |
 
|
Post: #78
Title: Re: ثقافة الإستقالة ..
Author: وليد محمد المبارك
Date: 08-18-2009, 12:37 PM
Parent: #76
| Quote: هل اخطأت كونها كانت صادقة مع نفسها و الآخرين لتتم السخرية من موقفها هكذا |
ابدا يا ود البشرى
لكن الحكمة من خطاب معنون الى شخص معين في العام شنو ؟
بما انو الخطاب كان في البورد العام
الناس تتقبل ردات فعل البشر بمختلف مشاربهم
في البقبل الموضوع ده
وفي الما بقبلوا وبعتبره مضيعة للوكت
وفي البعتبره بربقندا زي ما حاصل في البوست ده
|
Post: #79
Title: Re: ثقافة الإستقالة ..
Author: فيصل نوبي
Date: 08-18-2009, 12:37 PM
Parent: #74
لووووووووووووووول @ أدروب
_
والله يا عمر قدر ما حاولت القي ليو مخارجة ما لقيت ..
في النهاية أكلتها في حناني و سكت لكن إنت طبعاً ما ممكن تفوتها
|
Post: #81
Title: Re: ثقافة الإستقالة ..
Author: عمر الفاروق
Date: 08-18-2009, 12:52 PM
Parent: #79
ود البشرى:
| Quote: هل اخطأت كونها كانت صادقة مع نفسها و الآخرين لتتم السخرية من موقفها هكذا |
حا أكل من ما يليني ..
بالنسبة لي دي ما سخرية وانا جادي وجادي جداً وكتبت مداخلة واضحة وقلت ليها العايز يستقيل زي ما جا في هدوء يمشي برضو في هدوء العايز يمشي ما بيجي يقول انا ماشي بيتخارج وبيتاكي وراهو الباب برااااحة حتى كروووو دي ما بيعملا عشان ما يزعج النايمين ديل ياخ ..
بعدين ياخ البوست النبهتها ليهو ده فتحو ود الجيران ؟؟؟
مش فتحتو هي ؟؟؟
يبقا تتابعو مش ينبهوها الناس ..
وتشوف نهايتو بعد داك تقرر عايزة تسوي شنو ؟
عاين اسة اسة خلينا فيي سخريتنا دي ومداخلتي دي زاااتا ياخ ما تعتبرا جادة لكن بس حبيت اوريك انك بنيت دفوعاتك على باطل وحججك ما بتدعم موقفك ولااا موقفا وفيها زي خرتومية ثغرة كده !!
تخريمة :
والله يا بكري بطالب بي اضافة فقرة في القانون إسمها إزعاج السلطات وعقوبتها الإيقاف ..
خصوووصاً في جنس البلاغات الكاذبة دي..
|
Post: #83
Title: Re: ثقافة الإستقالة ..
Author: محمد البشرى الخضر
Date: 08-18-2009, 01:08 PM
Parent: #81
ولّي يا شفت ..| Quote: الناس تتقبل ردات فعل البشر بمختلف مشاربهم |
دا كلام شنو يا وليد؟؟
فاروق يا عمك ..
ما مسألة ثغرات و قضية ومواقف ودفاع احنا ما في محكمة
ثم انت قلت انك كتبت رايك في البوست بتاع الاستقالة و علقت على الحتة بتاعة الإعلان دي باعتبارها شو , دا موضوع مختلف
انت هنا البوست دا انت بديتو بإنو نكسون كان قدر كلامو
بتشير للحتة بتاعة عدم الإتزام بالموقف
اها انا وريتك ليه هي سحبت الاستقالة ببساطة لأنو السبب زال
كونها ما منتبهة لبوست كتبتو دا ما القضية
ملاسي .. جرجير ياخ جرجير ما جرجيرة
بالمناسبة دي عملت لينا شنو في موضوع وارغو البطة
|
Post: #82
Title: Re: ثقافة الإستقالة ..
Author: humida
Date: 08-18-2009, 12:54 PM
Parent: #79
وتاني
|
Post: #84
Title: Re: ثقافة الإستقالة ..
Author: محمد البشرى الخضر
Date: 08-18-2009, 01:12 PM
Parent: #82
حميدة .. كل سنة وانت طيب
رمضان جا
اها ح تتجلّى متين و تكتب بوستك الفنان داك
|
Post: #85
Title: Re: ثقافة الإستقالة ..
Author: وليد محمد المبارك
Date: 08-18-2009, 01:16 PM
Parent: #84
| Quote: دا كلام شنو يا وليد؟؟ |
لانه عمر ما اتجاوز الخطوط الحمر يا ود البشري
ولو انت شايفوا اتجاوز ورينا وين ؟
|
Post: #86
Title: Re: ثقافة الإستقالة ..
Author: محمد البشرى الخضر
Date: 08-18-2009, 01:22 PM
Parent: #85
يا شفت اسي انا طالع راجيني مشوار سواقة بتاع ساعتين
بجيك بعدين ان الله هون
|
Post: #87
Title: Re: ثقافة الإستقالة ..
Author: شمائل النور
Date: 08-18-2009, 02:20 PM
Parent: #86
يا عمر الفاروق
لكن لقيتكـ ذباح ذبح
ياخ والله رايكـ ومن حقكـ الشرعي تقوله (الشرعي دي شرعية؟؟) بس طريقة طرحك لرايك كانت قاسية شويا ولا تخلو من الاغراء بالسخرية
ياخ الطباخين ما مريحهم ، نجوم الغد ما مريحهم
دا بالنسبة لعمر
بالنسبة ليكـ يا داليا
الموضوع لا يستدعي كل هذا الانفعال ولا يستدعي كذلك للاستقالة ، يعني عمر دا اصلا خلقة الله كدا
ــــــــــ
اها يا الفاروق لقيتني كيف ، زي ما بتقول ندى القلعة
|
Post: #88
Title: Re: ثقافة الإستقالة ..
Author: صديق الموج
Date: 08-18-2009, 02:21 PM
Parent: #86
Quote: لانه عمر ما اتجاوز الخطوط الحمر يا ود البشري
ولو انت شايفوا اتجاوز ورينا وين ؟ |
وليد العزيز تحياتى
ياخى انا شايف عمر وانت ونوبى اتجاوزتوا ما هو اكثر من الخطوط الحمراء واوريك وين؟
اول شىء انا بوريكم من عشمى فيكم وقد كتبت لكم ذلك فى مكان اخر واعيد هنا واقول لكما
ياخى عمر فتح البوست بطريقته التى نعرفها انا وانت ولا قصد عنده اكثر من ان يمزح
اوكى فهمنا.
داليا اعتبرت ده استخفاف منكم بها كونها قالت فى لحظة غضب انها سوف لاتكتب هنا
مرة خرى وبتوضيح كوستاوى اعتبرت ان اسباب الاستقالة زالت وعادت تكتب مرة اخرى.
طيب ياخى لو اخوك او اختك قلت ليه سلام وحسيت انه متضايق من سلامك ده فى تلك اللحظه
تقعد تحك وتمط فى الكلام والا تصهين وترجع ليه فى لحظه يسودها الصفاء اكثر وتفهمه؟
ياخى انا بعتبر ده تجاوز اكبر،زولة احست انكم بتتريقوا عليها حتى ولو لم تكونوا تقصدوا
ذلك وكتبت فهمتكم كده فى داعى لجرجير الكلام.
وليد ياخى انتو اخوان صغار عمرا كبار فى تقديركم للاشياء ارجوا ان تكفوا عن ذلك
وبعدين اصلا الاولاد مازى البنات على فكرة فى تقبلهم للهظار.
فهمت يا وليد يا اخوى.
اخيرا الله يرضى عليكم جلو البوست ده،،،،
|
Post: #110
Title: Re: ثقافة الإستقالة ..
Author: وليد محمد المبارك
Date: 08-19-2009, 11:04 AM
Parent: #88
Quote:
وليد ياخى انتو اخوان صغار عمرا كبار فى تقديركم للاشياء ارجوا ان تكفوا عن ذلك
وبعدين اصلا الاولاد مازى البنات على فكرة فى تقبلهم للهظار.
فهمت يا وليد يا اخوى.
اخيرا الله يرضى عليكم جلو البوست ده،،،، |
حاضر يا عمنا
|
Post: #90
Title: Re: ثقافة الإستقالة ..
Author: humida
Date: 08-18-2009, 02:42 PM
Parent: #84
ود البشرى ..
شوف يا زول انا ما جبت سيرتك صراح كدا اياك توجه لي اي كلام ..
قلة ادب معاك ما داير ..
لقيت ليك بت خلاص جاي ( ...... ) وانا و انا ..
اها اقول ليك داليا دي عزيزة علينا .. يلا شيل عفنك الكابيهو في البوست و اتخارج ..
دفاعك دا مش دافعتو قبل كدا عن رشا سالم لمن طيرتها من البورد ..
..
..
يا مان حبك للطرح و الاسكيرتات دا مارسوا بعيد عني ..
|
Post: #91
Title: Re: ثقافة الإستقالة ..
Author: محمد على طه الملك
Date: 08-18-2009, 03:21 PM
Parent: #90
| Quote: لانه عمر ما اتجاوز الخطوط الحمر يا ود البشري |
وليد غرقتها ياخي..
لحد ود البشرى يصل بالسلامة أنا بقول ليك..
إذا في بروبقانده ياها في بوست الفاروق دا..
تعالوا شوفوا أنا عندي بوست ساخر مولع..
ياعم عندك أي سخرية مدعومة بشجاعة الرأي الآخر مرحب..
أمشي عدل ختها في نفس البوست وأرجى الرد..
دا المنطق ودي الأصول..
أيو يالفاروق أسمعها منى أنا بتاع المنطق والأصول دا.
ماتقولي من حقي أفتح بوست مستنسخ من بوست..
لا أبدا يا سيدي لأنك بتكون إعتديت على ملكية صاحب البوست..
الحق دا بكون مسموح به في حال يتخور البوست الأصلي فقط ..
الشغل دا كده ما بجي ياجماعة..
بطلوا شغل دا من ناس حلتي وامرقو الحق..
..
داليا..
كمان ماقدر كده أهدئي.
|
Post: #92
Title: Re: ثقافة الإستقالة ..
Author: عمر الفاروق
Date: 08-18-2009, 03:51 PM
Parent: #91
محمد علي طه الملك :
والله خجلت ليك ..ووالله جد دي ما تريقة لكن خجلت ليك ..
عارف ليي؟؟؟
ياخ والله عارف صاح ؟؟؟
عاااارف ما تعمل فيها رايح ..
لكن ما بيناتنا خليني اواصل خجلتي ليك بي حاجة صغمبروتية كده تأكد إنكم عندكم عقدة مع الجنس الاخر ..
يعني اسة جيت وشبكتني نصح وتنظيثر ووجدتها وجدتها وفطييت الأستاذة عشان تديني العبرة والحكمة دي:
Quote: تعالوا شوفوا أنا عندي بوست ساخر مولع..
ياعم عندك أي سخرية مدعومة بشجاعة الرأي الآخر مرحب..
أمشي عدل ختها في نفس البوست وأرجى الرد..
دا المنطق ودي الأصول..
أيو يالفاروق أسمعها منى أنا بتاع المنطق والأصول دا.
ماتقولي من حقي أفتح بوست مستنسخ من بوست.. |
كنت حا احترمك شديييييييييد واعتبر كلامك ده نصيحة زول حقاني وما بتاع تنظير فقط وفقط إذا كان قبل ما تكتب إسمي تكتب إسم الزولة الجيت تدافع عنها دي وتنصحها هي قبل ما تنصحني وتقوووول ليها :
كان مفروض تقدمي إستقالتك في دااااخل البوست سبب المشكلة وما تجي تفتحي ليك بوست منفصل لأنو البروباقاندا بدأت من هنا (الحقيييني يا امييييرووووة انا كده دخلت بروباقاندا في جملة مفيدة ؟)
زولة كتبت جغلومية بوست منبثقات من بعض في نفففففس الموضوع ما جيت قلت ليها بغم بس اسة جيت تمثل دور الكووورجة وده يبدو لي لااا يتناسب مع اسمك الطويل ده والله ..
والله ما تريقة لكن خجلان ليك ..أسة حا تجي تبرر تقول لي شنو بعد عرفت إنو الزولة دي فتحت تلاااتة بوستات منفصلات لي نفس الموضوع كان أحق تقدم استقالتا في اييي واحد من البوستات دي ..
اها ياخ انا بي مزااااااجي كمان ليييي اكتب ليها هي مالي ما عندي كيبورد ولا ما عندي كيبورد ؟؟ ولا يا ربي يكون ما عندي كيبورد ..
بفففففففففففففففتح كييييييييييييييييييية فيكم كده وأها ابشششششششرك تااااني عندي فكرة بوست منفصل والله سيرى النور قريباً اديتني فكرتو انت ده ..
|
Post: #93
Title: Re: ثقافة الإستقالة ..
Author: عمر الفاروق
Date: 08-18-2009, 03:58 PM
Parent: #92
شمايل النور:
اريييتم طباخين السرور هم ..
هي يا يمة هييييييييييييييي..
|
Post: #95
Title: Re: ثقافة الإستقالة ..
Author: محمد البشرى الخضر
Date: 08-18-2009, 04:47 PM
Parent: #93
ولّي يا شفت ... الله يسلمك - باعتبارك ح تقول لي حمدالله السلامة وكدا
سؤالي ليك عن كلامك ما عارف فسرتو بالطريقة دي ليه
كلامي عن عبارتك على اطلاقها
من متين ملزم تقبل اي كلام من اي زول بحجة انك كاتب في مكان عام
صاح ما بتقدر تتحكم في الكلام البكتبوه الآخرين لكن من حقك تقيّمو و تقبلو او ترفضو
حميدة يا عبيط
اها انا جبت سيرتك صراح رايك شنو
وداير قلة ادب معاك كمان ما تقول الدنيا خم رماد
بين قوسينك دي كان قاصد تتـعـرص - آي ياها عندك مانع ؟
يعني انت قايلة هي حكر عليك فاكرني بضايقك فيها
هسي كدي خليني من الخيابة دي و سيرة البنات
وريني البوست الألمعي بتاع رمضان السنة دي ح يكون متين
وياتو آيات ح تقطعها لينا من الراس الفاضي إلاّ من سيرة الناس
بالمناسبة حب الطرح و الاسكيرتات - و التياب برضك - ما بحلا لي إلاّّ قريب منك ما عارف الحاجة دي مزعلاّك ليه
|
Post: #112
Title: Re: ثقافة الإستقالة ..
Author: وليد محمد المبارك
Date: 08-19-2009, 11:25 AM
Parent: #95
ود البشرى حمد الله بالسلامة
Quote: ولّي يا شفت ... الله يسلمك - باعتبارك ح تقول لي حمدالله السلامة وكدا
سؤالي ليك عن كلامك ما عارف فسرتو بالطريقة دي ليه
كلامي عن عبارتك على اطلاقها
من متين ملزم تقبل اي كلام من اي زول بحجة انك كاتب في مكان عام
صاح ما بتقدر تتحكم في الكلام البكتبوه الآخرين لكن من حقك تقيّمو و تقبلو او ترفضو |
الغلط منى مفروض اتبع ليك عبارتي واربطها مع موضوع عمر
سؤالى ما زال قائما
اين تخطى عمر الفاروق الخطوط الحُمر ؟
هي زاتها خطوط البورد الحُمر دي عرفوها لينا ؟
لانه بقت الناس تنفعل مع اشياء لاسباب ممكن تكون بسيط - حسب وجهة نظري -
وتطنش حاجات تانية كبيرة - برضو حسب وجهة نظري -
عارف انو اسبابي البسيطة احتمال تكون عندك واخرين عظيمة
لكن نفس الشي بنطبق عليك
حاجاتك الممكن تشوفها هايفة
قد تكون عندي واخرين اساسية
|
Post: #94
Title: Re: ثقافة الإستقالة ..
Author: ismeil abbas
Date: 08-18-2009, 04:14 PM
Parent: #92
ياعمر..السلام عليكم..
يعنى سيرتى دى ما تحلا ليك القعده إلا تجيبه..
مالك بتجرجر فينى..رأى عن ثقافة ألأستقالة قلتو هناك يوم ألأستقالة..كان يوم رهيب...
وفى ثقافة إستقالة..وثقافة الرجوع للحق فضيلة...
Quote: حبيبنا اسماعيل عباس عضو المنبر قال مرة لاعبين كورة عندهم واحد من نص الميدان شات ليهو كورة أييي كلام بووز وقبل اداها ضهرو فجأة لقا الناس بتنطط ليهو في رقبتو وضهرو لمممن اتهجم قال ليهم مالكم في شنو ؟؟؟
قالوا ليهو شوووتك جات قون ..
شوفت البروباقندا مرات بتسوي شنو يا ملاسي؟ |
تتخيل مش قلتها ليك..لكن ضحكت لما جات منك إنت أكتر...
ياعمر...مشكلة الناس دى مافاهماك..لكن أنا الفهمتك علاقتى معاك عايز أنهيها.....إنت زول جميل الدواخل....وانا دواخلى مليانه......
تسلم...إسماعيل محمد احمد عباس...
|
Post: #96
Title: Re: ثقافة الإستقالة ..
Author: محمد على طه الملك
Date: 08-18-2009, 06:39 PM
Parent: #94
في مثل ياعمر بقول الأثر بدل على المسير والبعر بدل على البعير..
إنت ما جيت عملت البوست دا بيد نظيفه ونفس عايزه تهزر وتجلب ملحه..
أبدا ..
لأني قريت ليك بوست ساخر قبال ده سميته عمر الجذعي والا مين ماعارف..
طيب مش كان الأصول تشير للبوست الشفيت منه الفكرة ?..
او المصدر الأشار له البوست?
ياخوي ماتجقلب ساكت..
بعيرك كان ظاهر في البوست بي وسمه..
دحين ما تكابر ساكت وإن ما عايز نصيحتي اقبل نصيحة غيري بدون ما تخجل ليهم..
Quote: كنت حا احترمك شديييييييييد واعتبر كلامك ده نصيحة زول حقاني وما بتاع تنظير فقط وفقط إذا كان قبل ما تكتب إسمي تكتب إسم الزولة الجيت تدافع عنها دي وتنصحها هي قبل ما تنصحني وتقوووول ليها :
كان مفروض تقدمي إستقالتك في دااااخل البوست سبب المشكلة وما تجي تفتحي ليك بوست منفصل لأنو البروباقاندا بدأت من هنا
|
صدقني أنا لا قريت بوست إستقالاتها ولا شفتو من أصله..
أنا قريت خيطك دا ومن الحوار الدار فيه عرفت الحاصل..
ياخي إنت مش إسمك الفاروق ولا دا كمان لقب إسفيري..
طيب ماسمعت زول أبدا قال إن شاء الله شايل إسمه?
ياراجل دا منطق تقابل به تلميذ أساس ?
زوله عايزه تقدم إستقالتها يبقى دا موضوع جديد قائم بذاته ومن حقها تفتح به بوست حتى لو كانت الإستقاله سببها موضوع في بوست آخر..
أها اسع قصر الكلام ح تقبل نصحي ولا حتكابر?
والا أقول ليك أمش افتح بوست ( الرجال البخجل ليهم) ..
صدقني ولا بسألك ولا بزعل من سخريتك كيف كانت ..
والبقبلها لى نفسي دي ما بقبلا لآخرين شفت العظمة دي كيف?
|
Post: #97
Title: Re: ثقافة الإستقالة ..
Author: عمر الفاروق
Date: 08-18-2009, 06:54 PM
Parent: #96
محمد علي طه الملك :
حا أقول ليك حاجة صغمبروتييية جداً شديد خالص طالما بتفهم في لغة الأمثال ..
جدودنا وحبوباتنا قالوا بي بساطة شديييدة في حالتك دي :
المحرش مااا بكاتل..
عارف ليي قلت ليك كده ؟؟؟
لأنك ظاهر عليك محرش ومحرش شديييد وجاي تنط لي في رقبتي وانت فعلاً ما عارف شي وبديت تدخل عندي في باب الزول اللفاح وهاك بي كلل بساطة خجلتي التانية ليك وبعرك الجيت فعلاً بعرتو إنت دون وش حق ..
Quote: لأني قريت ليك بوست ساخر قبال ده سميته عمر الجذعي والا مين ماعارف..
طيب مش كان الأصول تشير للبوست الشفيت منه الفكرة ?..
او المصدر الأشار له البوست?
ياخوي ماتجقلب ساكت.. |
الفوق ده كلامك ولا انا غلطان ؟؟؟؟
أها هاك عنوان البوست الكتبتو انا قبل ما اوريك الجواهو شنو !!!!
| Quote: تأكيداً لما كتبته داليا أول مواليد الجزاعيين ..عمر الجزعي ..وإبراهيم الجزعي |
ده العنوان يا محرش ..
يخس ييخخخخخخخخخخخخخخخخخس ياخ والله يخخخخخخخخخخخس ..
فعلاً بطني طمت من البوست ده ..
والله جد طمت فععععععععععععععععععلاً ..
ياخ سبحان الله ..فعلاً إنت الزول الوحيد النجح يقنعني اوقف البوست ده لحدي هنا ..
عشان ما عايز اتصدم اكتر في وساخات البورد ده ..
معقول للدرجة دي نحن ضعيفين قدام الجنس الاخر ؟؟؟
ومستعدين نسوي اييي شي عشان نرضيهم وننال رضاهم ؟؟؟
ياخ حتى بدون ما نعرف بنقول في شنو ؟؟؟
طيب ياخ ما تكلف نفسك واتعب شوييية كمان عشان مجهودك يكون مقدر ..
اها يا عمك والله ما برجعك فاضي .. مبروووك بطلت البوست ووقفت خلاص ولو عايزني اسحبو والله بسحبو وبقول لي بكري ..
شييينة بالجد شيييينة شديد ...
عووووووووووووووووووووووووووووووووووووووووووووووع منو بورد ياخ ..
|
Post: #98
Title: Re: ثقافة الإستقالة ..
Author: عمران حسن صالح
Date: 08-18-2009, 08:26 PM
Parent: #97
بدت مزح " كما فهمت " ..
ومزحنا من أجل إبتسامة بريئة تنتهي بالضغط على ( خروج ) وقد تبدأ في سماية قريبة أو حفل وداع بوردابي ..
ومرق النضم الكعب وتصفية الحسابات ..
والزعل من الشي الما بستاهل !!
والفاظ زقاق كلزيوم ..
إذن هذا هو ( خروجي ) ..
نصف ساعة أقرأ مُداخلة وراء مُداخلة
ولغة ( السلطة الأعلى ) تظهر مرة مرة ..
باس ويرد دون رسوم محليات أو مسطبة جباية وأيِ زول حر في طريقة استخدامو فأجعلوه نقاش يعطي الحق لكل واحد :
- أن يستقيل ويتراجع .. داليا
- أن يرفض الإستقالة والرجوع عنها ..عمر
- أن يرفض قبول من رفض الإستقالة والرجوع عنها .. محمد الملك
أن يرفض البتسوو فيهو ده ( زيِ كده ) ..
بس
|
Post: #99
Title: Re: ثقافة الإستقالة ..
Author: Rawia
Date: 08-18-2009, 09:00 PM
Parent: #98
Quote: معقول للدرجة دي نحن ضعيفين قدام الجنس الاخر ؟؟؟
ومستعدين نسوي اييي شي عشان نرضيهم وننال رضاهم ؟؟؟
ياخ حتى بدون ما نعرف بنقول في شنو ؟؟؟
طيب ياخ ما تكلف نفسك واتعب شوييية كمان عشان مجهودك يكون مقدر .. |
|
Post: #100
Title: Re: ثقافة الإستقالة ..
Author: محمد على طه الملك
Date: 08-18-2009, 09:10 PM
Parent: #98
مالك يا عمر أخوي .
براحه ما يطق ليك عرق..
الحقيقة المرة ..
أفي عليك ..
أنا ما بتحرش يا ود أخوي إطمئن ..
أنا ما عندي معرفة بالأستاذه داليا مطلقا إلا من خلال كتابتها ..
واول مره أشارك في خيط من خيوطها كان خيط الجذعة الدقيت ليه طارك ..
شوف أسع حرقتك كيف لما قلت ليك كان تشير للمصدر ..
على كل حال أنا بعتذر ليك على الخطأ في الجزئية دي بس..
أها إنت تقدر على الشغلة دي مع الأخت..
صدقني أنا بقرأ ليك وعندك في أحيان كثيرة مواضيع حلوة..
لكن دي طبظت فيها وزي ما بقولوا غلطة الشاطر بألف..
خسارة يا عمر ..
ثقافتك بقت زي ثقافة عربكم وجمالهم المالن بيها اليوتوب ..
مش قالوا من جاور قوما...
يلاحقوا الواحد لامن يبركوا فوقه ويهرسو مع الواطه ..
والباقين واقفين يتفرجوا!!.
قرب تعال شوف فحل البطانه كان بقول شنو .
عشان ما تحرد البوست قبال تطيب خاطر البنيه.
يارب يا إلهي البي الجَمال خصّاها
شبريق الملايين شوفو كيف رصّاها
سلطان الغرام بالتيه عليّ عصاها
شنبانيها ريشة قلبي طب قصاها
مبرومة الحشا الميها الخفيفة وطيره
حجل التبري من ضو جبهتها وتنويره
زولا مج بريطماته ووسدتو يسيره
كان يقنع وتوب الشبابات غيره
لقتني خجيجة في كل الأمور محتار
جاتني مدرجة البهم الصباهو كبار
تنضلع متل مكلوف على دينار
سلمناها ليك شيخة بنات الدار
إن امسيت الليل عليّ بعيد
وإن اصبحت حسارات ام نعيم بتزيد
من فور محورها الراسو ونصابو حديد
بطني اشيمطت واتل قلبي هريد
الزول الصباه فات الكبار والقدرو
كان شافوهو ناس عبد الله كانوا يعذروا
السبب الحماني العيد هناك احضرو
درديق الشبيلي الفصلو فوق سدرو
.
تقول ليّ عقد. .
من ديوان الحردلو للمزيد راجع
http://www.goraaljabal.com/vb/showthread.php?p=17221.
|
Post: #101
Title: Re: ثقافة الإستقالة ..
Author: علاء الدين يوسف علي محمد
Date: 08-18-2009, 09:49 PM
Parent: #100
عمر الفاروغ
أوووووووووووعك ترسِّلني
ما ماش ما ماش ما ماش
بث
إلى كل المُتظلِّمين من المدعو عُمرالفاروغ
أنا جاهز تب للشهادة ضده خاصة فيما يخص محاولته البائسة القتل العمد مع سبق الإسرار و الترشُّد
(الإسرار دة من أسرار بابكر و كدة و الترشُّد من شروخ)
عمر الفاروغ سألت محامي تحت تحت كدة من خوفي عليك يا فردة قلت ليهو إنت البوست دة فيهو شنو ممكن يدين صحي دة
قال لي إشانة سمعة بليغة بلاغة لمن مبالغة ذاتو
قلت ليهو في شنو قال في بروباقاندا دا (على قول محمد عادل)
قلت ليهو معناها شنو قال لي معناها حمار
صحي!!!!؟
كان صحي يا أميرة غايتو بِلِّي راسِك ساي
غايتو يا عُمر كان شروخ عرفت إنو حاكموك بالجلد دة في كلامك دة و السجن ستة شهورو غرامة كم مليون كدة
قطع شك تكون عشمانة فيك إعداااااااااااااام في قضاياها ضِدك
غايتو يا فردة ما عندك مشكلة العمود علي و حرّم ناس البيت ما يقولوا حاجة
|
Post: #106
Title: Re: ثقافة الإستقالة ..
Author: أميرة فاروق عبد العال
Date: 08-19-2009, 09:48 AM
Parent: #100
Quote: اها يا عمك والله ما برجعك فاضي .. مبروووك بطلت
البوست ووقفت خلاص ولو عايزني اسحبو والله بسحبو |
كر علي ياااااااااااا
بروباقندتنا الما اتهنينا بيها..
وتاني كر علي..
|
Post: #105
Title: Re: ثقافة الإستقالة ..
Author: داليا حافظ
Date: 08-19-2009, 09:33 AM
Parent: #97
| Quote: المحرش مااا بكاتل.. |
؟؟؟؟؟؟؟؟؟؟؟؟؟؟؟؟؟؟؟؟؟؟
Quote: العنوان يا محرش ..
يخس ييخخخخخخخخخخخخخخخخخس ياخ والله يخخخخخخخخخخخس ..
فعلاً بطني طمت من البوست ده ..
والله جد طمت فععععععععععععععععععلاً ..
ياخ سبحان الله ..فعلاً إنت الزول الوحيد النجح يقنعني اوقف البوست ده لحدي هنا ..
عشان ما عايز اتصدم اكتر في وساخات البورد ده ..
معقول للدرجة دي نحن ضعيفين قدام الجنس الاخر ؟؟؟
ومستعدين نسوي اييي شي عشان نرضيهم وننال رضاهم ؟؟؟
ياخ حتى بدون ما نعرف بنقول في شنو ؟؟؟
طيب ياخ ما تكلف نفسك واتعب شوييية كمان عشان مجهودك يكون مقدر ..
اها يا عمك والله ما برجعك فاضي .. مبروووك بطلت البوست ووقفت خلاص ولو عايزني اسحبو والله بسحبو وبقول لي بكري ..
شييينة بالجد شيييينة شديد ...
عووووووووووووووووووووووووووووووووووووووووووووووع منو بورد ياخ .. |
دراما منقطعة النظير ...بس لأنو دافع عني لا حولااااا!!!!!!!!!!!!!!
وقسما بالله محمد علي طه الملك ما عارفاهو في ياتو قبلة من قبل الأرض قاعد ولا حصل تخاطب بينا عبر أي
وسيلة ... وانا آسفة يامحمد
أنك تسمع الكلام ده كلو بسببي ...
وصدقني دفعواتك كلها بشكرك عليها ...لكن البوست ده ما قايم على منطق ...عشان كدة أرحم نفسك ..وما
تحملني ذنبك ...وألف شكر .
|
Post: #111
Title: Re: ثقافة الإستقالة ..
Author: وليد محمد المبارك
Date: 08-19-2009, 11:15 AM
Parent: #91
مرحب محمد علي طه
| Quote: بطلوا شغل دا من ناس حلتي وامرقو الحق.. |
طيب نديك الحق
داليا فتحت بوست استقالة معنون الى بكري
عمر جا وقال رائي واضح وصريح في الاستقالة دي
داليا شدت على عمر شديد في ردها وما اتقبلت رايو
بالمناسبة البوست المعني اعتقد انو اتخور
لاني فتشت عليه ما لقيتو
كانت عاوز اجيب ليك تسلسل الردود
هسع لو في وانا ما لميت فيه
او لو محفوظ عند زول
يرفع لينامداخلت عمر
ورد داليا على عمر
| Quote: كمان ماقدر كده أهدئي. |
وده مربط الفرس من الاول
|
Post: #102
Title: Re: ثقافة الإستقالة ..
Author: عزاز شامي
Date: 08-18-2009, 10:14 PM
Parent: #1
يا جماعة كدي دقيقة ...
احنا في منبر عام ولا في فصل؟
الوضع بحسب قراءتي له كالآتي: الاخت داليا جات و فتحت بوست كانت بصدد مناقشة موضوع شائك
الناس هاجت و ماجت ، توقفوا في حتة محددة و ما اتواصل الحوار
جا كوستاوي و خت صورة حمالة اوجه ... راسلتو داليا، و دي انا بصراحة ما بوافقها عليها
لانو هو خت كلامو في العلن تجي تخت ليهو سؤالك في العلن تاااااااااااااااااااااخ كده و تسيبي السؤال معلق
و تلاحقيهو ملاحقة الديانة للمديون ... و الفورة مليون يا شال الصورة يا رد على كلامك ....
و احب انوه انو كوستاوي ممكن اقول اني باعرفو و بينا عيش و ملاح بس انا ما عندي صاحب فوق الحق ....
كوستاوي ما كان واضح وداليا كان لازم تسك حقها في وقتو و ما ترسل مسانجرات تتسائل فيها ....
االبوست المنبثق من البوست الاساسي كان ممكن نتحاشاو لو كان الاشكال اتحل في البوست الاول
بس قدر الله و ما شاء الله فعل ... وعلى ضوءه داليا قدمت استقالة ... استقالة دي كانت كبيرة شديد
على الحدث،
قولو ليه؟ لانو ببساطة احنا ما بناخد راتب هنا ومخيرين نجي و نمشي بحريتنا ولا زول
ليهو كلمة علينا ...
و شخصيا كنت ناوية اكتب كلام كتير لداليا فيهو عن فكرة الاستقالة
و هل هي valid في الاطار ده ولا لأ و ناهيك عن الصورة السالبة اللي
بتديها عن الشخص المستقيل .... وفي كلام ذكرتو مسني شخصيا مفاده انو
هي لا يشرفها التواجد في بورد تلقى فيه التهم جزافا
و كلمة يشرفني دي وقفتني و استوقفني و استحلفتني عديل أن اسأل عنها و
عن مسبباتها و عدت و لقيت البوست اتسحب ...
و اتمنى انو تكون اتقالت في لحظة غضب، لانو التشريف بمكان لا يكون بفعل
منفرد منعزل و يسحب شره على الآخرين و اخديها مني كلمة يا داليا من تجربة و من مودة ليك،
البورد ده بقدر ما بيمرق ليك سوءات تأكدي انو بين طياته مسارب محبة حقيقة وما تاخدي الطيب
بذنب المسيء فتظلمي كثيرين ... والبوست ده هو دليل، وقفو ليك ناس لا بتعرفيهم لا بيعرفوك لوجه حق
قد اختلف و قد اتفق معهم فيه ... بس الخير ما مات في الناس دي حقيقة مافيها جدال ...
كون داليا تخاطب بكري في العلن ده هي حرة فيهو، بس حتة استقالة دي كانت
ما متناسبة مع طبيعة العلاقة التي تربطنا كاعضاء مع البورد ...انا بقيت بلت و بعجن كتير كده مالي؟
نجي لعمر الفاروق، فتح بوست مبني على بوست، شنو يعني؟
ما عجبتو الاستقالة، فيها شنو يعني؟
غير داليا المعنية بالأمر، السوط ده هابش طرف منو؟
عمر كتب رأيو في البوست المعني و اتحذف، و لو ما تحذف ما كان فتح البوست ده من الاساس
و ده بيجبنا لحتة انو اكتب و احذف وواصل حياتك عادي ... بس في ناس عندها راي
دايرة تثبتو وما مفروض يروح في الرجلين و كان حذفت البوست ده يا عمر ما عافيك لا دنيا لا آخرة
لانو احنا هنا ما على كيفكم تفكو كدايسكم و نجي نسكها معاكم وفي النهاية تقتلو الكديسة و نقعد نلف صينية
و نثكل افكارنا و آرءنا علشان انتو قرروتو تحذفو البوست ...
داليا اتداخلت هنا مع عمر و قالت العندها و من حقها توصلها للسما لو دايرة وما هي قاصر ولا محتاجة ليها نصير
و ذود عن حياض، هي كاملة الأهلية و كتبت بوستها البيجيب هواء الاختلاف من قولة تيت وهي لو ما قدرو ما كنت فتحتو
وبالتالي افترض انها قدر البيجي بعدو ... فبالله ما تبخسو داليا من باب نصرتها .... لو عندكم اعتراض على (كيفية)
الصراع حبابكم بس تشخيص الصراع ما بيفيد طرف ...
البوست ده ما فيهو لغة سيئة ولا بذيئة ولو في لزمة لجدار بشري للدفاع عن شرف الخصومة و الهيمنة
بالله اخدو ليكم لفة في البورد لانو النمرة دي غلط وما ده البوست المناسب نوهائي ...
عمر و داليا لا صغار لا جهال و الخلاف خلاف على جزئية معينة ... عمر ده كرهني العيشة من قبل ومن
بعد و لايوق زي الويكة ولكنه طيب ... بس اصلع وهي مشيئة الرب ...
هي استقالت وهو شايف انو الاستقالة دي ماليها داعي ...
في شيء غير كده احنا ما شايفينو؟ بالله نبهونا و اكسبو فينا ثواب ....
يا داليا انت راجين منك كتير و انت يا عمر ما تغضب لانو الغضب ما لايق عليك ...
قومو للتصافي يا هداكم الله و رمضان قرب و كل سنة و انتو طيبين و تصومو و تفطرو على خير
____________
قدر اني ما حاولت اني ما اتداخل، اقول يا بت ما شغلك و
ازوزي و اتضاير من الشاشة و اقول يا بت امرقي منها حسي يقومو
يختوك في كرتونة مع ناس و يعملو ليك ملصق تصنيفي،
إلا انني ابيت و ولقيتني مشيت لرد و قد كان ...
|
Post: #103
Title: Re: ثقافة الإستقالة ..
Author: محمد على طه الملك
Date: 08-18-2009, 10:44 PM
Parent: #102
أنا ذاتي معاكي فيها..
في غيري برضوا حسو إنه دالياإتحست من طريقة عمر..
وجاء الأخ حميدة ولفت نظره للحته دى بالواضح..
أها الزول بعد يقولوا له فلان زعل من كلامك..
رده يكون شنو?
قول إنت ياعمر.
|
Post: #104
Title: Re: ثقافة الإستقالة ..
Author: داليا حافظ
Date: 08-19-2009, 08:17 AM
Parent: #102
الأخوة المتداخلين سلام
شكرا لكل من دافعوا عني وأحتملوا الأذى ومن إختلفوا معي
العزيزة عزاز شامي
تصدقي انو أنا ماكنت ناوية ارجع للبوست ده لكن رجعت لثقتي في أنك حقانية ..
Quote: جا كوستاوي و خت صورة حمالة اوجه ... راسلتو داليا، و دي انا بصراحة ما بوافقها عليها
لانو هو خت كلامو في العلن تجي تخت ليهو سؤالك في العلن تاااااااااااااااااااااخ كده و تسيبي السؤال معلق
و تلاحقيهو ملاحقة الديانة للمديون ... و الفورة مليون يا شال الصورة يا رد على كلامك .... |
معاك حق وانا والله في البوست البهناك قلت غلطت لاني ما حكييت الموضوع وإفتكرت أي زول حيتشكك قد يدور
في زهنو انو يرجع للزمن ..والبوست على بعضو كان مربك ودخلني قي حيص بيص ..
Quote: االبوست المنبثق من البوست الاساسي كان ممكن نتحاشاو لو كان الاشكال اتحل في البوست الاول
بس قدر الله و ما شاء الله فعل ... وعلى ضوءه داليا قدمت استقالة ... استقالة دي كانت كبيرة شديد
على الحدث،
قولو ليه؟ لانو ببساطة احنا ما بناخد راتب هنا ومخيرين نجي و نمشي بحريتنا ولا زول
ليهو كلمة علينا ... |
في الآخر دي وجهات نظر ..كان هدفي يا عزاز من الإستقالة المعني بيها بكري ، انو الحجات ما
تتخلا كدة للناس يفتوا في ذمم البشر دون وجه حق مهما كانت معرفتم ببكري حبيت أوصلا رسالة علنية ..
لأنو حسيت انو في ناس كتيرين إتأذوا من القصة دي ..
Quote: وفي كلام ذكرتو مسني شخصيا مفاده انو
هي لا يشرفها التواجد في بورد تلقى فيه التهم جزافا
و كلمة يشرفني دي وقفتني و استوقفني و استحلفتني عديل أن اسأل عنها و
عن مسبباتها و عدت و لقيت البوست اتسحب ... |
شوفي كلامي ..أهو ده
Quote: لن يشرفني البقاء في مكان توزع فيه
التهم جزافا بقصد أو بدونه ..وتقدم فيه إعتذارات خجولة لا ترقى لحجم الضرر .. دون أن يرمش
لإدارته طرف .. |
ما حيفوت على نبهاتك أن الكلام موجه لبكري ..يعني مكانك لازم تتخذ فيهو قرار ..يعني الجملة لو كانت
ما منتهية بدون أن يرمش لإدارته طرف ..كان حيكون معاك حق ..وكنت حاعتذر هنا علني ...ما
قاعدة ن أخاف من الإعتذار يا عزاز ..
Quote: نجي لعمر الفاروق، فتح بوست مبني على بوست، شنو يعني؟
ما عجبتو الاستقالة، فيها شنو يعني؟
غير داليا المعنية بالأمر، السوط ده هابش طرف منو؟
عمر كتب رأيو في البوست المعني و اتحذف، و لو ما تحذف ما كان فتح البوست ده من الاساس |
أنا يا عزاز ما شايفة كدة موش لانو أنا ما بقبل آراء الآخرين ..أبدالكن لأنها جات منو هو تحديدا ،
وإذا كنت ما عارفة انا أوريك هذا السيد ما تجى فرصة إلا وينال مني سب وقذف وتجريح ..وإستهتار وتبخيس وفارض نفسو علي ..حتى فرصة مناسبة سعيدة بتخصني ما سلمت من أذيتو ...وأي كلمة أنا قلتها عندي ليها مثال حاضر وموجود ..شفتي كيف أنا شايلة منو ..وأنا الصبر الصبرت عليهو (خرافي ) ، وعمري ما طلبت من زول يناصرني ولا في زول حتى من البقولوا الحق قال شي في العايز يتفرج ، وفي الخايف ، وفي الماداير يخسر، و وفي المتضامنين حتى بالصمت وفي وفي ..المهم .. لكل شي حد ولكل اول آخر ...عرفت انا لي ما مكن أسمع منو ..ولا حأقدر أسمع عنو ..
Quote: ده بيجبنا لحتة انو اكتب و احذف وواصل حياتك عادي ... بس في ناس عندها راي دايرة تثبتو وما مفروض يروح في الرجلين و كان حذفت البوست ده يا عمر ما عافيك لا دنيا لا آخرة
لانو احنا هنا ما على كيفكم تفكو كدايسكم و نجي نسكها معاكم وفي النهاية تقتلو الكديسة و نقعد نلف صينية
و نثكل افكارنا و آرءنا علشان انتو قرروتو تحذفو البوست ... |
عن البوست المحذوف إتفاجات زي التانين لما ما لقيتو ...وأنا واحدة من الناس حاجاتي بعملا في الضو هنا ده ، كتيرين بقولو لبكري أنهم ما راجعين وبرجعو ولا من شاف ولا من دري ..لكن يبدو انو الشفافية عبط ..ولمن سحبت الإستقالة والله فضلت تجي في راسي على أنو أظلم شخص إتسببت بيهو رغم أنو ظلمني قبل كدة حتى لو بدون قصد ..لكن ..حأتعلم أكابر
..
|
Post: #107
Title: Re: ثقافة الإستقالة ..
Author: Hussein Mallasi
Date: 08-19-2009, 09:58 AM
Parent: #104
| Quote: تصدقي انو أنا ماكنت ناوية ارجع للبوست ده |
|
Post: #108
Title: Re: ثقافة الإستقالة ..
Author: داليا حافظ
Date: 08-19-2009, 10:02 AM
Parent: #107
أصدقاء الزمن الرهيب !
|
Post: #109
Title: Re: ثقافة الإستقالة ..
Author: أميرة فاروق عبد العال
Date: 08-19-2009, 10:16 AM
Parent: #107
Quote: قلت ليهو في شنو قال في بروباقاندا دا (على قول محمد عادل)
قلت ليهو معناها شنو قال لي معناها حمار
صحي!!!!؟
كان صحي يا أميرة غايتو بِلِّي راسِك ساي
|
ههههههههههههههههههههههههه
غايتو قلبي كان حااااااااااااسي
إنه البروباقندا دي ما حاتعدي ساي
لكن قسمتي، حقصت لي لمن كتبتها،
لكن ليك علي يا علاء الدين أخوي
ما متنازلة منهاواليحصل يحصل
وحلاقة مع عمر الفاروق (حمام زيت)!!
أها شنو ليكم..
|
Post: #113
Title: Re: ثقافة الإستقالة ..
Author: humida
Date: 08-19-2009, 12:21 PM
Parent: #109
داليا ..
الكلام دا كبار كبار ..
و لا ماشي مع البوست دا .. من باب المسطول السألوه ( الاسكيرت دا ماشي مع البلوزة .. رد ليهم هو الاسكيرت ماشي وين ) ..
الحكاية غياظة جدا من عمر .. لكن نهائي لا فيها سب و لا قذف و لا تجريح ..
كتبتي استقالة في منبر عام .. و اي بوست يتكتب هنا قابل للتداول ..
مجرد انك طرحتي فكرتك في مكان عام .. عليك انك تتوقعي انه يجي اي زول ليهو حق المشاركة يقول رأيه (سلبي/ايجابي) .. بدون سب و قذف و تجريح ..
ودا الحصل بالتحديد ..
امكن الاسلوب الساخر بتاع عمر ما عجبك .. لكن ما ليك الحق انك تقولي انه سب و قف و تجريح ..
لا عمر دي اخلاقه .. و لا الناس هنا بتسكت ليهو لو الموضوع وصل لسب و قذف و تجريح ..
كدا انتي لا احترمتي الرأي الآخر .. و لا احترمتي الناس الرأيها ذي رأي عمر .. و انه ما في داعي للاستقالة علي الملأ .. و الداير يمشي يمشي طوالي ..
صدقيني انا عارفك فتحتي البوست عشان تلفتي انتباه بكري لتصرف معين .. لكن فهمي دا ما ممكن ألزم بيهو الناس كلها .. و لا كل الناس مفروض انها تتعامل بحسن نية ..
من شروط الكتابة في المنبر دا انك تتقبلي الرأي الآخر بجميع اشكاله (جادي/هظار/ساخر .. الخ) .. و بمجرد ما يدخل في سب و قذف و تجريح .. تمشي تقدمي شكوى و اللوائح تحكم الجميع ..
او انك تستقيلي بينك و بين نفسك .. و تتخارجي ..
|
Post: #114
Title: Re: ثقافة الإستقالة ..
Author: وليد محمد المبارك
Date: 08-19-2009, 12:28 PM
Parent: #113
.
|
Post: #115
Title: Re: ثقافة الإستقالة ..
Author: محمد عبد الماجد الصايم
Date: 08-19-2009, 12:39 PM
Parent: #114
هسي يا شفت نفهم شنو من نقطتكـ دي؟
ما ياهو البوست دا قاعد فوووق؟
|
Post: #116
Title: Re: ثقافة الإستقالة ..
Author: وليد محمد المبارك
Date: 08-19-2009, 12:43 PM
Parent: #115
دي فوقين
|
Post: #117
Title: Re: ثقافة الإستقالة ..
Author: أميرة فاروق عبد العال
Date: 08-19-2009, 12:50 PM
Parent: #116
ماكده يا وليد ياخ..
قول ليه:
فوق
فوق!!
|
Post: #118
Title: Re: ثقافة الإستقالة ..
Author: ممدوح أبارو
Date: 08-19-2009, 12:55 PM
Parent: #116
عالم خرخارة خلاس
|
Post: #119
Title: Re: ثقافة الإستقالة ..
Author: داليا حافظ
Date: 08-19-2009, 12:57 PM
Parent: #113
حميدة
أنا قلت :
| Quote: ما تجى فرصة إلا وينال مني سب وقذف وتجريح ..وإستهتار وتبخيس وفارض نفسو علي ..حتى فرصة مناسبة سعيدة بتخصني ما سلمت من أذيتو ...وأي كلمة أنا قلتها عندي ليها مثال حاضر وموجود .. |
| Quote: لا الناس هنا بتسكت ليهو لو الموضوع وصل لسب و قذف و تجريح .. |
لا الناس بتسكت يا حميدة ..وده حصل كتيييير منو معاي انا تحديدا ..كونك ما شفت ده موضوع تاني ..
و انا ما بكبر المواضيع ولا في زول شاف لي هنا تجني على زول ولا بهتان ..لا قاعدة أقابض من طرف ، ولا
بهظر معاهو ، ولا بدخل بوستاتو حتى البتكون موجهة لسخرية مني ...، من ناحيتي أنا شايفة الموضوع
فات الحد ..قد يرى البعض وانت منهم أنو البوست ده تحديدا مافيهو حاجة تستاهل قدر ده ...وأنا
حأقول ليك كلامك منطقي ...لكن البوست ده ما كل المشهد ...والزول بصل حتة بتجوط عليهو كل الحاجات
بتمنى تكون فهمتني ..
|
Post: #120
Title: Re: ثقافة الإستقالة ..
Author: وليد محمد المبارك
Date: 08-19-2009, 01:10 PM
Parent: #119
هسع يا داليا ده زاتو قذف البتسوي فيه ده لو ما جبتي روابطو
لينا 5 سنوات في المنبر
عمر ده سوا فوقهم اي حاجة
الا انه ما سب وقذف ليه زول
اتشربك مع مليون نفر
حتى الناس البتنابذ عديل
ما قرينا ليه قذفهم او سباهم
ان كان عمر سباك او قذفك
ادينا رابط او لنك او كوتيشن
بعدين هو في بيناتكم حاجة نحن ما شايفنها ؟
عشان تصل بيناتكم للسب والقذف ؟!
ما كلها لمت بورد ما اكتر ولا اقل
انت اتضايقتي من زمن الصورة حقتك العمر رفعها هنا ... وكان الكلام في شكل هظار ...
ومن ديك اتطور الموضوع
|
Post: #121
Title: Re: ثقافة الإستقالة ..
Author: Hussein Mallasi
Date: 08-19-2009, 01:16 PM
Parent: #120
الراجح أن فهمها لمفردة قذف ناتج عن عبارة
"الشجر المثمر يقذف بالحجارة" و نحو ذلك من اكلشيهات.
|
Post: #122
Title: Re: ثقافة الإستقالة ..
Author: أميرة فاروق عبد العال
Date: 08-19-2009, 01:20 PM
Parent: #120
Quote: ما كلها لمت بورد ما اكتر ولا اقل
|
غايتو نحن شغالين بالفهم ده..
لكن للحالة الشايفاها دي،
الله يسترنا معاكم..
هو صحي سيد البوست حرده خلاص؟
|
Post: #123
Title: Re: ثقافة الإستقالة ..
Author: humida
Date: 08-19-2009, 01:24 PM
Parent: #120
يا داليا ..
انتي مضايقة جدا .. و حتقعدي كل دقيقة تقري ليك كلمتين و تزعلي زيادة ..
ياخي الموضوع دا ما بستاهل ..
عمــر دا ان شاء الله يتقصا النص .. الفقر النقر الما بشبه الاولاد ..
من طريقي دا هسع ماشي ادقشو بعربيتي الفورنشنر موديل 2008 رمادية ترخيص السعودية ابواب اتوماتيك ..
و حأشيل معاي اللاب توب بتاعي الما خمج و اوريهو كلامه الكعب دا علي الشاشة الوايد اسكرين مباشرة ..
و اديهو شلوت بجزمتي البوما .. الاشتريتا من محلات غرناطة للرياضة .. و دي اساسا السودانيين ما بشتروا منها .. في شارع العليا ..
و لو اتعلق لي في قميصي الـBOSS او حاول يشرطو .. طوال بطلع حزامي بتاع لاكوست و بدقو بيهو ..
بس بكون ماسك بنطلوني الجينز ( اسعفونا بماركة جينز كويسة يا اخوان ) .. عشان ما يقع ..
..
..
كدا الواحد يكون استوفى شروط الاجابة ..
ناصر الاخت داليا في محنتها .. و عرض حاجاته في كشك التلج دا .. و اتفسح شوية بالقميص بتاع BOSS ..
..
..
|
Post: #124
Title: Re: ثقافة الإستقالة ..
Author: وليد محمد المبارك
Date: 08-19-2009, 01:29 PM
Parent: #123
| Quote: و اديهو شلوت بجزمتي البوما |
ايواااااااااااااااااااا
براك جبت السيرة
جزمتي وينا؟
|
Post: #125
Title: Re: ثقافة الإستقالة ..
Author: وليد محمد المبارك
Date: 08-19-2009, 01:36 PM
Parent: #124
هسع انت يا داليا الجوطة دي كلها عملتيها عشان كوستاوي كتب كلام ساكت
اها انت هنا هسع بتتهمي في عمر ساكت
يعني لو كوستاوي غلط
انت اجرمتي عديل كده
وبما انك طالبتي كوستاوي يا بالبرهان او بالاعتذار
انت ذات نفسك مطالبة يا تبرهني انو عمر قذفك وسباك
او تعتذري ونشوف موضوع انه استهزاء والحاجات التانية ديك
عمر قذفك وسباك وين ؟
|
Post: #126
Title: Re: ثقافة الإستقالة ..
Author: humida
Date: 08-19-2009, 01:37 PM
Parent: #124
رسلتها ليك بـDHL امشـي اسأل شــــــــداد ..!!
|
Post: #127
Title: Re: ثقافة الإستقالة ..
Author: محمد عبد الماجد الصايم
Date: 08-19-2009, 01:39 PM
Parent: #123
| Quote: بس بكون ماسك بنطلوني الجينز ( اسعفونا بماركة جينز كويسة يا اخوان ) .. عشان ما يقع .. |
AJ يا عمكـ
_________
الترجمة: أرماني جينز!
____
باللاي عمر بقى يفلّق خلاس؟
|
Post: #128
Title: Re: ثقافة الإستقالة ..
Author: داليا حافظ
Date: 08-19-2009, 01:39 PM
Parent: #120
انت اتضايقتي من زمن الصورة حقتك العمر رفعها هنا ... وكان الكلام في شكل هظار ...
ومن ديك اتطور الموضوع
هسة يا وليد ده أسميهو شنو تخمين ولا تحليل ؟الصورة في بوستك أبدا ما زعلتني ..وبالعكس كانت
أول مرة أرد عليهو ..
أما عن قصص اللنكات وغيرا ده والله ما بعملا هنا .....والعايز إجيب لنكات هو ويقول اهي دي مداخلاتو
معاك ما فوقا حاجة يعمل كدة ..
ويبدأ ينكت من الأرشيف ..
التعديل لتظهر كاملة
|
Post: #129
Title: Re: ثقافة الإستقالة ..
Author: humida
Date: 08-19-2009, 02:38 PM
Parent: #128
اها يا داليا ..
الزول دا نعمل ليهو شنو هسع .. عشان الحدوتة دي ..
سب ما في .. قذف ما في .. تجريح ما في ..
اذن نرجع للبوست ..
يبقى الحكم .. يا عمر يا غياظ تاني ما ليك دعوة بالبت داليا دي لا من قريب ولا بعيد ..
لا بتفهم حاجاتك .. و لا بتعرف انت شايت وين .. و الموضوع جاب ليهو سوء فهم ..
..
..
كدا شطبنا يا جماعة .. و من هذه المداخلة ..
ممنوع دخول الكوامر والباصات الحكومية .. والمجروسات .. ولواري السفنجة ..
علي الركشات الاتجاه صعودا .. ثم الانزلاق علي الجانب الايمن ..
ناس وآآى وآآي ما دايرين .. و المديدة حرقتني .. عليهم التسجيل لدي الاخت علوية ..
الاخوة النشالين .. والمرتزقة .. وحارقي البخور .. مراجعة البوابة .. !!
|
Post: #130
Title: Re: ثقافة الإستقالة ..
Author: محمد على طه الملك
Date: 08-19-2009, 09:23 PM
Parent: #129
عمر الفاروق ..
يازول أمرق لي بوستيك دا وما تبقى بالونه..
إن زعلان من كلامي إعتبرني في مقام أخوك الكبير..
أنا من شفتك أيام بتجينا بقميصك البنبي داك افتكرتك قدر ولدي..
لكن لما شفت الصلعه قلت لالا الزول دا يكون في عمري..
شفت أخونا صديق الموج دا..
أنا أطول منه إلا هو أكبر مني( وش ضاحك)..
ياعمر ياخي انا ولدي عمرة 25 سنه..
تعال بس ما تنسى تتناول معاك مكنسه وفوطه.
داليا..
صدقي قايل من نهرتي ليك تفهمي إني في مقام أبوك لإني للآن متخيلك في عمر ولدي..
على كل لا عليك وكويس إنك عدتى وشاركتى بنفس هادئ ودا المطلوب..
|
Post: #131
Title: Re: ثقافة الإستقالة ..
Author: وليد محمد المبارك
Date: 08-20-2009, 08:31 AM
Parent: #130
إجيب لنكات هأما عن قصص اللنكات وغيرا ده والله ما بعملا هنا .....والعايز و ويقول اهي دي مداخلاتو
???
يا داليا هو بالقلبة !
عموما دي مكتبة عمر الفاروق كلها
ما لاقاني فيها اي قذف
<a href="http://www.sudaneseonline.com/cgi-bin/sdb/2bb.cgi?seq=board&board=152" target="_blank">http://www.sudaneseonline.com/cgi-bin/sdb/2bb.cgi?seq=board&board=152
|
Post: #132
Title: Re: ثقافة الإستقالة ..
Author: داليا حافظ
Date: 08-20-2009, 08:48 AM
Parent: #131
Quote: يبقى الحكم .. يا عمر يا غياظ تاني ما ليك دعوة بالبت داليا دي لا من قريب ولا بعيد ..
لا بتفهم حاجاتك .. و لا بتعرف انت شايت وين .. و الموضوع جاب ليهو سوء فهم .. |
إحترمت كلام حميدة وإعتبرو حكم و سكت لانو على الاقل محايد ..
فيما يليك يا وليد
أنت كدة ما إحترمتني ...ومصر تدخل معاي في جرجرة ...انا يا وليد كلامي قدرو ...
والقصة دي مع عمر الفاروق شخصيا ..أهو زي ما شايف ما عندي محامي والبحامي لي بستفرغوا في وشو ...
......................
أنا كلامي خلص !
|
Post: #133
Title: Re: ثقافة الإستقالة ..
Author: وليد محمد المبارك
Date: 08-20-2009, 08:57 AM
Parent: #132
| Quote: أنت كدة ما إحترمتني ...ومصر تدخل معاي في جرجرة ...انا يا وليد كلامي قدرو ... |
بالعكس
انا بحترمك جدا
وبعزك كمان
لكن الحكاية ما دفاع ومحاماة
الحكاية قناعات
كلامك مقدر ... لكن وكت يكون غلط يا داليا مفروض يتقال ليك انو غلط ..
كيف ما ادخل معاك في جرجرة .. وانت اتهمتي عمر واتهمتينا من بعده
قلت عمر قذفك ونحن سكتنا على القذف ده
ده اتهام لعمر واتهام لينا مباشر
كيف ما اتجرجر معاك عاد ؟
| Quote: والقصة دي مع عمر الفاروق شخصيا ..أهو زي ما شايف ما عندي محامي والبحامي لي بستفرغوا في وشو ... |
بالعكس
في البوست ده تحديدا البدافعوا عنك اكتر من البدافعوا عن عمر
ياخ حميده زاتو معاك
|
|