إلى عناية الهلالاب .. يجدهم بخير ..

ادونا فرصة معاكم ننتقد مريخنا دا
وبالمرة نحاسب المقصرين ..
يتبع ..

بخير والحمد لله!
عندنا 7 نقاط!

مع العلم أنو الشماتة بتلف وبتلف وبتجي لسيدا ..
عشان كدا خليكم عاقلين
وإستهدوا بالله
وأهدوا
عندنا كلمة نحب نقولا .
يتبع ..

اتفضل

البوست بوستك
ومعاك كى بوردك

الفرصة جاتك قمت توووشك بدل تكتب بيها عن مريخك جيت اتكلمت بيها عن هلالنا عايز كم نقطة !!!
اسة لو كنت كتبت المريخ عايز كم نقطة كان مالو؟؟
عموما نحن بخير نفيسة بتسلم عليك وبتقول ليك ملييني واحدة واااحدة ..

ياأبو عمير
بالنسبة لبوست الهلال يحاج نقطتين من الخارج
يبقي الوضع كما هو عليه
ما اتغير اي شىء ..
اذا ما جبتوا نقطتين من زيسكو وكانو
الرماد كال اي حماد ازرق

ودو كماين ياعمك
من ناحية انتوا بخير دي أنا متأكد منها شديد أبوي
بل ومستعد اراهن انكم بعد هزيمة الزعيم بقيتو بخير أضعاف
ما كنتوا عليهو من خيرات لامن غلب الهلال .
المهم لامن تفتروا من شماتتكم قولوا عوك ..
عشان عندنا كلام كتير عايزين نقولوا
وبيني وبينك محتاجين الهدوء .

Quote: مع العلم أنو الشماتة بتلف وبتلف وبتجي لسيدا ..

..................................
عليكـ نووووووووووووووووووووووووووووووووووووووووووووور
تعرف يا طلحة ما تركت شاردة ولا واردة إلا واتيت بها ..
ما تركت فرصة للإستهزاء بالهلال والأهلة إلا وفعلت ما يغيظ غيركـ ..
(نبيشة) مستمرة عن الهلال بكتاباتكـ ..
عشان كده طلبكـ ده صعب شديد على معظم الأهلة هنــا ..
عن نفسي والله أهلاً ودي آخر مداخلة " في البوست أعلاه"

ده حنككـ ؟
طلحة صباء عن دين آباءه و قرر ينتقد المريخ
ده كمينكـ مع الرجال ؟
كنت منتظر عمود مزمل عشان تتصرف علي أساسه ؟
و لا كان عندكـ مغص و هسي خلاس راح !



_
إشتري ليكـ مسهلات للكتابة من صيدلية مزمز و تعال

ياهو حال الكورة

يوم غالب ويوم مغلوب

ويوم شامت ويوم >(مشموت)<

- السادة مصححي اللغة العربية وأستاذة الإملاء أرجو الانتباه إلى أنّ كملة (مشموت) هنا متعمدة

يازول نقطنا واتحفنا بالكلام
وقاعدين وتامين ولامين ونجلس القرفصاء

اها

دائر

تقول

شنو ؟

Quote: (نبيشة) مستمرة عن الهلال بكتاباتكـ ..

قصدك (حقيقة) يا عمران
الفرق أنو انا والعياذ بالله كنت بقول حقائق واقعة
وهسع الجماعة ديل شابكنها عوك عاك ساي ما منها اية مزة .

فيصل نوبي
بتكورك مالك يا زول ..

الحقيقة كنت قد كتبت في مكان آخر :

Quote: *المعطيات الماثلة تؤكد أن سفينة المريخ تمضي نحو دوامة خطيرة ستجذبها حتما نحو أعماق الإخفاق مالم يستدع المريخاب إدارة وجمهور وإعلام الكياسة والفطنة في التعامل مع الأمور بما يخدم القضية بعيدا عن المؤثرات الخارجية التي تستهلك جهودهم وأفكارهم ومشاعرهم على نحو يجعلهم ينسوا أمر الفريق ليكرسوا كل جهودهم في قضية إنصرافية تؤكد كل البراهين أنها خاسرة ولا رجاء منها بعد أن أفتي كاف ضمنيا بصحة خطوات اعتماد محترفي الهلال مثار الضجة قبل أن يقطع الإتحاد السوداني الشك باليقين على نحو ما صرح به رئيسه البروفسور الخبير شداد الذي أكد صحة الإجراءات بما يستوجب على أهل المريخ والحادبين عليه إغلاق هذا الملف والالتفات لتهيئة الفريق المواجه باستحقاقات كبيرة ومباريات خطيرة على المستويين الداخلي والخارجي . * والحقيقة انه حتى ولو كان هنا خطأ أو تزوير في إجراءات قيد ثنائي الهلال فقد أعتمدهما الإتحادين الأفريقي والسوداني في سجلات الفريق الأزرق ومن العبث بعد ذلك اللهث خلف هذا الموضوع لسبب بسيط جدا هو أن التراجع عن اعتمادهما يعني أن الإتحادين الأفريقي والسوداني كانا مخطئين أو شريكين في الجرم فهل سيعترف إتحادين كبيرين لهما ثقلهما وتاريخهما الطويل بهكذا جرم ويقرا علنا أن الشارع الرياضي السوداني كشف قصورهما الإداري والقانوني ويتنازلا بكل بساطة ومسكنة عن هيبتهما وكبرياءهما التاريخي ..؟

يتبع ...

وقلت :

Quote: * مؤسف جدا ما حصل بعد تعادل المريخ الأخير أمام أهلي مدني حيث ثار جمهور الفريق وإعلامه ليس على المستوي الضعيف الذي ظهر به الفريق إنما على الملعب وحكم المباراة وإتحاد الكرة محملين العناصر الثلاثة مسؤولية الإخفاق المريخي المستغرب . * الحقيقة أن المريخ كان متواضع المستوي أمام مضيفه الأهلاوي الذي لعب في ذات الملعب واستطاع أن يصارع المريخ بكل محترفيه وإمكاناته وخبرة لاعبيه المحلية والخارجية ليفرض عليه أسلوبه وينتزع منه تعادلا اعتقد انه لم يكن منصفا لأهلي مدني الأفضل في المباراة. * الغيورين الحادبين على مصلحة المريخ هم فقط الذين انتقدوا المستوي الذي ظهر به الفريق وطالبوا بمحاسبة المقصرين والمسارعة بوضع الأخطاء والسلبيات تحت مجهر البحث والتقصي حتى لا تستمر مع الفريق الذي تنتظره مباريات أقوي وفي ظروف أكثر تعقيدا بمرحلة المجموعات ضمن بطولة رابطة الأبطال . * التنقيب عن شماعة للإخفاقات في مثل هذه الحالات تحسب ضد مصلحة الفريق لانه إذا كان المريخ بكل زخمه يخفق أمام خصم لا تتوفر له ربع إمكاناته ويجد التبريرات والأعذار فلماذا نطالبه بالفوز على أندية أفريقية كبيرة لها ذات إمكاناته واكبر ..؟

وأضفت :

Quote: أري أن المستوي المتواضع الذي ظهر به المريخ أمام أهلي مدني كان امتدادا طبيعيا لتراجع مستوي الفريق منذ مباراة النهائي في بطولة سيكافا وهو الأمر الذي تجاهله أهل المريخ تماما لينشغلوا بالرد على مشجعي الهلال في المدرجات والصحف والذين ظلوا يعايرون بحسد شديد تنظيم النادي للبطولة الإقليمية الكبيرة وتناسوا تماما ما صار اليه أمر فريق كرة القدم والذي قدم مستوي فقير من الفنيات وبلا لون أمام خصمه اتراكو في نهائي البطولة ليفشل رماته في النيل من شباكه كما فعل هو مغتنما أول فرصة من الفرص التي سنحت له ليفوز بالمباراة ويطير باللقب تاركا كل الحسرة والخيبة للمريخاب . * وبدلا من أن يتركز الحديث عن مستوي الفريق الفني في تلك المباراة والتحذير من مغبة استمرار تراجع (رتمه ) وسلبية بعض لاعبيه الكبار إنشغل المريخاب بالرد على ترهات مشجعي الهلال الذي قادوا المعركة بمكر شديد لينجحوا في تشتيت جهود أهل المريخ الذين انشغلوا عن معالجة سلبيات وأخطاء فريقهم لتستمر في مباراة القمة بالجولة الأولي من مرحلة دور الثمانية بالبطولة الأفريقية وهو بالضبط ما قاده ليخسر نقطتين ثمينتين كانتا في متناول اليد لأن المريخ أحتكر أفضلية مطلقة على نده في الفترة الأخيرة وما كان للهلال أن يخرج متعادلا لو كان المريخ في حالته الطبيعية ..

كنت قد كتبت الكلام عاليه بعد مباراة المريخ وأهلي مدني بالدوري الممتاز
وتنبأت قلقا بما يحدث للمريخ حاليا من اهتزاز وارتجاف كما احتضار مريض
وقلت في السياق:

Quote: إذا كان المريخ متضررا من قضية ( محترفي الهلال ) فمن الخطل أن يكرس لها كل جهوده على النحو الذي يجعله يتجاهل تماما أولويات ملحة كفريق الكرة المواجه بإستحقاقات خطيرة على المستويين الداخلي والخارجي . إنشغال أهل المريخ بهرف مشجعو الهلال في المدرجات والصحافة عن ضعف بطولة سيكافا والإنغماس في مستنقع إفكهم بإن المنافسة مفصلة على المريخ هو بالضبط ما قصده الهلالاب حتى ينشغل المريخاب عن تحقيق الفوز باللقب وهو ما حصل بحذافيره حيث غافل أتراكو الفريق وهزمه في عقر داره وبين جماهيره وحلق باللقب وسط ذهول وحسرة عشاق الأحمر الوهيج . وما حدث بعذ ذلك كان إمتدادا للمكر الذي تعامل به الهلالاب مع المريخاب وللأسف عاد اهل المريخ ليمدوا أيديهم في ذات الجحر ليلدغوا مرة اخري بتعادلهم المستغرب مع الهلال في البطولة الأفريقية . اهل المريخ مشغولون عنه بمحدثات الأمور وهو ما سيجر الفريق للغرق ولا شك

يتبع ...

وما يحدث الآن هو ما خشيته ساعتذاك اذا كتبت :

Quote: (أخشي والله أن يخسر المريخ بالإضافة لهذه القضية الخاسرة أصلا الكثير جدا. كنا كمريخاب متيقنون ان المارد الاحمر في هذا الموسم تحديدا سيستعيد أيامه الخوال ويعود مرة أخري لمنصات التتويج الأفريقية ليجلس على عرشها ملكا متوجا بالفخر والإعزاز والمجد . ولكن ما يحدث حاليا في أروقته يجعلنا نشك في أن هذه الأحلام ستتحقق )

كنت قد قلت ذلك كله ولكن للأسف لم يدركه وعي المريخاب كما أدرك وصدق خطلا كثيرا
أفرز الواقع الحالي .
وواقع المريخ الحالي ليس أسوأ منه الا رجة الهلالاب الذي ملأوا البورد شماتة وسخرية
واستهزاء بعد أن مسحوا باستيكة حقدهم فوز فريقهم في ذات المسابقة ما يؤكد أن ضرر
المريخ أهم وأفرح لهم من انتصار فريقهم ..
أو لعلهم يدركون أن :
العرجة لمراحا
وانه :
ما طار الهلال وارتفع أكيد ح يقع .

Quote: العرجة لمراحا وانه : ما طار الهلال وارتفع أكيد ح يقع .

ده الكلام المفيد

طلحة ...تحياتي

الأخ طلحة
اعتقد ان تيم المريخ الحالي هو المؤهل الأوحد للتويج لولا الأخطاء الأدارية و التصرف بردود الأفعال.
انا هسع طريت الهلالاب ياود الصايم؟

Quote: اعتقد ان تيم المريخ الحالي هو المؤهل الأوحد للتويج

فعلاً يا اخ محمد الشيخ
المريخ هو المؤهل الاوحد وذلك للاسباب التالية :
المريخ حيكسب مباراة زيسكو في زامبيا دي 3 نقاط
وحيكسب مباراة كانو هنا كدا 6 نقاط
ونقاط الهلال مضمونة كدا 9 نقاط
ومزمل يكسبا الشكوى ويسترد النقطتين من الهلال كدا كم ؟ 11 نقطة
على النقطة الموجودة اصلا في رصيدكم الان من ثلاثة مباريات 12 نقطة
وين المشكلة هنا والهلالاب ديل فايرين مالهم
يازول ما المريخ دا متأهل متأهل
ومبروك الصعود للمربع الذهبي مقدما
ارقدوا عافية

ح يجي وقت قريب الهلالاب ديل ح يزعلوا اكتر مننا والايام بيننا ..






تحياتي ياجميل

طلحة .... سلام...

المحيرنى الهلالاب فرحانين بهزيمة المريخ اكتر من فرحهم لانتصار الهلال ...

Quote: المحيرنى الهلالاب فرحانين بهزيمة المريخ اكتر من فرحهم لانتصار الهلال

صدقي يابت الشيخ يمكن المرة الاولي في حياتي اتمني انو المريخ مايتغلب .... لانو باالنتيجة دي الهلال موقفو بقي مامعروف ........ زيسكو هو من ضمن الصعود للمربع الان...
بروفايلك شديد لكن او صورتة

لكن بس عينك قوية يا طلحة..

(مكر) و(حقد) من الهلال..

الهلال كان ساكي تسجيلاتكم..ولا متابع من جابو كيف ومنو سجلو كيف..

الهلال كان بيحرض باقي الفرق على الشكاوى؟؟..

ياخي والله هضربتكم اليومين دي عينة...

Quote: الأخ طلحة اعتقد ان تيم المريخ الحالي هو المؤهل الأوحد للتويج لولا الأخطاء الأدارية و التصرف بردود الأفعال. انا هسع طريت الهلالاب ياود الصايم؟

محمد الشيخ

كلامك لا يتناسب مع صورة البروفى فيل حقك
الصورة تمثل الرجالة,,ولعيبة المريخ مثلو الخيابة
ايه رايك تلبس الشعار ,,

طلحة يازول انت كتاب شديد,,ليه ما تقود حملة تصحيح المريخ
اداريا وفنيا,,وليه يتجارى فينا كرجرجة ودهماء
اكتب ما يفيد واترك رعاة الصيد
لوووووووووووووول

صدقت نبوتك,,الهلال محتاج لنقتطين خارج الراض
لان رصيد الحالى عشرة
تشارط على العشرة,,والمريخ سينسحب من المنافسة
الخبر دا وصلك ام لسع,,
انتو مش ضلنا نحنقبلكم انسحبنا

عمر التوم يا نديد
عندي احساس انو المفيد جائي قدام
ما رأيك لو رد المريخ دينه للزامبيين
وعاد بالغنيمة كاملة من لوساكا
عارفك ح تقول لي كدا ضمن عشر نقاط وتاهل .
----------
التعديل لاضافة اجابة عمر العارفا أنا

Quote: اعتقد ان تيم المريخ الحالي هو المؤهل الأوحد للتويج ]

في وجود المعز والدعيع قارن مع كرومي أب سبعة وحافظ المهتز لتعرف الفريق..
في وجود ديمبا وسامي ومنير قارن بين عمو ريتشارد كما قلتم سابقاً وسفاري والكراكة دامر..
مع خيارات حمودة وودالفاضل وخليفة وكابوندي قارن مع جبل الرجاف بله جابر والأروش موسى الزومة الذي قلتم فيه الحقيقة أخيراً..
في وجود عمر بخيت وفييرا ومساوي قارن مع ارتكازك الغير موجود أصلاً (الشغيل وصحبه الكرام) فضرره أكبر من نفعه حال وجوده..
مهند والبرنس نحن في غنى عن الحديث عنهما فهما الزبد والعسل..
أما مع سادومبا وكاريكا وأمبيلي فلامجال للمقارنة..
وأخيراً:
هل من مقارنة بين كامبوس وجهازة ومازدا وزمرتة الذين تضع لهم الصدى التشكيلة والتبديلات..
ياخ قوموا لفوا كده..

سلامات يا أرصد

Quote: يجي وقت قريب الهلالاب ديل ح يزعلوا

انا غايتو متأكد مليون في المية من الكلام دا .

Quote: فعلاً يا اخ محمد الشيخ المريخ هو المؤهل الاوحد وذلك للاسباب التالية : المريخ حيكسب مباراة زيسكو في زامبيا دي 3 نقاط وحيكسب مباراة كانو هنا كدا 6 نقاط ونقاط الهلال مضمونة كدا 9 نقاط ومزمل يكسبا الشكوى ويسترد النقطتين من الهلال كدا كم ؟ 11 نقطة على النقطة الموجودة اصلا في رصيدكم الان من ثلاثة مباريات 12 نقطة وين المشكلة هنا والهلالاب ديل فايرين مالهم يازول ما المريخ دا متأهل متأهل ومبروك الصعود للمربع الذهبي مقدما ارقدوا عافية

عندما قلت المؤهل الأوحد ليس بحساب النقاط و لكن بجاهزية النجوم و بالأمكانات العالية التي يتمتع بها الفريق من نواحي مادية و لكن الأخطاء الأدارية هي التي عجلت بخروج الفريق.
اظنك فهمتني غلط و ظننت اني آمل ان يكسب المريخ مبارياته التالية
انا عاذرك على هذا نتيجة لظروف الشماته التي خلقت غشاوة رهيبة في اعين الهلالاب و الىى ان تنجلي هذه الغشاوة اتركك في رعاية الله ونحن بالرغم مما حدث راضون عن الفريق الذي تم تغيير نتيجة مباراته بفعل فاعل و اسأل الطاهر محمد عثمان الذي اثني على حكم المباراة

نزل لاسفل

ياعزيزي محمد الشيخ
المريخ بطل يجني عليه أهله عمدا أو جهلا
لكن الايام الجاية دي لازم تكون مقفولة للتصحيح
عشان ما يستمر الوجع دا.

Quote: المريخ حيكسب مباراة زيسكو في زامبيا دي 3 نقاط وحيكسب مباراة كانو هنا كدا 6 نقاط ونقاط الهلال مضمونة كدا 9 نقاط يازول ما المريخ دا متأهل متأهل ومبروك الصعود للمربع الذهبي مقدما ارقدوا عافية

طبعا وهبة قاصد التريقة
لكن لا استبعد ان يتحقق كلامو الفوق دا بحذافيرو وضفورو
المريخ يا وهبة مثل العنقاء يحلق من بين
الرماد ..
وزي ما قلت ليكم في مكان آخر
السبعة دي ما بتوصل الهلال وادي سيدنا ..
ارجلوا وجيبو نقطتين من هناك .

Quote: ما طار الهلال وارتفع أكيد ح يقع .

النجوم فى السماء بقت راقدة سلطة ووقعة عن وقعة بتفرق يا حبيب


طلحة سلامات و معلش ياخي الزعل مقبول لكن الغير مقبول هو الهرجلة الإدارية الحاصلة فى المريخ


اتمني لكم التوفيق و شخصيا امنيتي صعود الهلال اول المجموعة و الوصيفاب ثاني المجموعة لكن الموضوع باقي لي صعب شويه

Quote: اذا ما جبتوا نقطتين من زيسكو وكانو الرماد كال اي حماد ازرق

Quote: وزي ما قلت ليكم في مكان آخر السبعة دي ما بتوصل الهلال وادي سيدنا .. ارجلوا وجيبو نقطتين من هناك .