Post: #1
Title: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:00 AM
Parent: #0
لكن بالهلال رجالا ...
لكن للهلال طموحا ...
ان اهل الهلال عازمون واتمنى لهم التوفيق
ولكل مجتهد نصيب
اما المريخ
فيه وليدات خانعون
والعزيمة اكبر من الامكانات
|
Post: #2
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:04 AM
Parent: #1
ظلم المريخ الحكم ..
كيف ذلك ؟
هل احرز الهدف الاول من خطاء ؟
هل احرز الهدف الثاني من خطاء ؟
هل اضاع فرصة وارقوا داخل الست ياردات؟
ان المريخ هو من ظلم نفسه
|
Post: #3
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:05 AM
Parent: #2
ان كرة القدم يلعبها رجالا اولا ثم تاتي فنياتها ثانيا
ودونكم المنتخب الالماني لا فنيات ولكنه منتخب رجال ؟
ايعقل ان يكون المغربي الوافد الجديد ارجل لاعبي المريخ
|
Post: #4
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:07 AM
Parent: #3
عندما كنا نلعبها ...
كان اذا ما تقصدنا حكم .. يُخرج ما عندنا كله في الميدان ...
فان هزمنا نهزم بشرف
امس لم ينل المريخ الفوز
وما نال الشرف
|
Post: #5
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:09 AM
Parent: #4
قبل 8 اشهر نوهت في هذا المنبر وقلت
ان خرج المريخ من البطولة سيخرج بسبب حراسة المرمى
وان تقدم فيها الهلال سيتقدم لنفس السبب
وقد صدق توقعي
ان المريخ بدون حراسة مرمى
|
Post: #6
Title: Re: مازلت اصر ان المريخ افضل من الهلال فنيا ..
Author: فيصل نوبي
Date: 08-16-2009, 08:09 AM
Parent: #4
بتهضرب و لا مهكور يا وليد ؟
|
Post: #7
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:10 AM
Parent: #6
اكرم الهادي سليم
لا كورة ولا اخلاق
|
Post: #16
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:19 AM
Parent: #6
مرحب فيصل نوبي
|
Post: #8
Title: Re: مازلت اصر ان المريخ افضل من الهلال فنيا ..
Author: صبري طه
Date: 08-16-2009, 08:10 AM
Parent: #4
لك التحية أخي وليد ...
وأظنك تقصد النسبة العامة للاعبين ...
ولكن إليك الآتي:-
1- ديمبا = دفاع المريخ بأكمله.
2- هيثم مصطفى × عمر بخيت = وسط المريخ بأكمله.
3- المريخ يفتقد لصانع الألعاب.
4- هجوم المريخ لا يلعب بتركيز ويضيع الفرص السهلة.
5- هجوم الهلال أكثر تركيزاً ويستفيد من أنصاف الفرص.
6- حارس مرمي الهلال أفضل من حارس مرمى المريخ.
7- لاعبي المريخ يلعبون وهاجز الاستبدال يعشعش عليهم لكثرة النجوم على دكة الاحتياطي.
ولك ودي ،،،
|
Post: #13
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:16 AM
Parent: #8
مرحب صبري طه
ابدا كلامك غير صحيح في مجمله
نعم ديمبا يساوي دفاع المريخ باكمله
ونعم حارس مرمى الهلال افضل من حراس المريخ مجتمعين
لكن
ليس هثم مصطفى وعمر بخيت افضل من وسط المريخ
فالدافي ساويهم مجتمعين
لكن هيثم وعمر يلعبون بمسئولية
الهلال ليس لديه هجوم البته
فلا توجد انصاف فرص ولا ديالو
والدليل على ذلك ان هجوم الهلال في المجموعات حتى الان لم يحرز اي هدف
واغلب من احرز الاهداف هم المدافعين
التعاون باك يمين
حموده باك يمون
مهند بلنتي
وكما ان هداف الهلال افريقيا الان هو لاعب وسط
الهلال ليس لديه هجوم
والمريخ ليس لديه رجال
| Quote: 7- لاعبي المريخ يلعبون وهاجز الاستبدال يعشعش عليهم لكثرة النجوم على دكة الاحتياطي. |
اما دي فنكته ما اكتر ولا اقل
اعرف ان من يعشعش في راسهم هاجس الاستبدال يخرجون كل ما عندهم حتى لا يستبدلون
المنافسه على الخانات دافع لاخراج افضل الموجود وليس العكس
|
Post: #25
Title: Re: مازلت اصر ان المريخ افضل من الهلال فنيا ..
Author: صبري طه
Date: 08-16-2009, 08:30 AM
Parent: #13
Quote:
ليس هثم مصطفى وعمر بخيت افضل من وسط المريخ
فالدافي ساويهم مجتمعين
|
لا تعليق !!!
Quote:
الهلال ليس لديه هجوم البته
فلا توجد انصاف فرص ولا ديالو
والدليل على ذلك ان هجوم الهلال في المجموعات حتى الان لم يحرز اي هدف
واغلب من احرز الاهداف هم المدافعين
التعاون باك يمين
حموده باك يمون
مهند بلنتي
وكما ان هداف الهلال افريقيا الان هو لاعب وسط
الهلال ليس لديه هجوم
|
عنوان بوستك عام ولم يخصص بطولة إفريقيا !!!!!!!!!
ثم أن الهجوم في مفهوم كرة القدم الحديثة هو من يتقدم للهجوم حتى ولو كان حارس المرمى !!! ولو لاحظت ذكرت هجوم الهلال وليس مُهاجمي الهلال !!!
Quote:
اعرف ان من يعشعش في راسهم هاجس الاستبدال يخرجون كل ما عندهم حتى لا يستبدلون
المنافسه على الخانات دافع لاخراج افضل الموجود وليس العكس
|
معليش أخي وليد لعبت كورة وكان ممكن ألعب في المريخ ولكن !!!!!!!
كثرة النجوم يا عزيزي أضرّت بريال مدريد لتزبزب العامل النفسي لما أسلفت يا غالي ...
ولك ودي ،،،
|
Post: #33
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:50 AM
Parent: #25
| Quote: معليش أخي وليد لعبت كورة وكان ممكن ألعب في المريخ ولكن !!!!!!! |
معليش ليك انت
انا لعبت كورة
ولعبت في المريخ ذاتو
خالص الود
|
Post: #40
Title: Re: مازلت اصر ان المريخ افضل من الهلال فنيا ..
Author: صبري طه
Date: 08-16-2009, 09:16 AM
Parent: #33
بس وليد طايشين لعب في الهلال ...
ولم أسمع بوليد محمد المبارك في المريخ ...
على العموم الأشبال اللعبو فيها بالكوم يا غالي ...
وأرجع لهاجز دكة الاحتياطي ... ممكن توريني تذبذب مستوى راؤول جوالنزاليس في ريال مدريد أيام النجوم زيدان ورونالدو وبيكهام وأوين ...
ولك ودي ،،،
|
Post: #41
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:30 AM
Parent: #40
| Quote: على العموم الأشبال اللعبو فيها بالكوم يا غالي ... |
ابدا
اللعبوا اشبال المريخ معدودين باصابع اليد
لكن
القالوا انهم مفروض يلعبوا في المريخ بالاكوام يا حبيب
اي زول بحلم بالليل يصحى الصباح يتصور حلمه ده حقيقي
وانا كنت وانا مفروض ...
المهم
الاشبال البي الكوم ديل
ما فيهم واحد لبس احتياطي لحامد بريمة في نهائي كاس السودان
وعمر 17 سنة الا 3 شهور ، ما فيهم واحد لعب فريق قومي عمره 16 سنة
| Quote: وأرجع لهاجز دكة الاحتياطي ... ممكن توريني تذبذب مستوى راؤول جوالنزاليس في ريال مدريد أيام النجوم زيدان ورونالدو وبيكهام وأوين ... |
نفس الاسباب الخلت رونالدينو كورتو تتذبذب
ويفالدو كورتو تتذبذب وتنتهي بسرعة
|
Post: #63
Title: Re: مازلت اصر ان المريخ افضل من الهلال فنيا ..
Author: Talal Halfa
Date: 08-16-2009, 11:42 AM
Parent: #8
| Quote: 5- هجوم الهلال أكثر تركيزاً ويستفيد من أنصاف الفرص. |
انت كمان ما تزودها .. نعم وليد يتحدث بحرقة ونحن معه في كل كلمة قالها وهذا نابع من حبه للمريخ وهذا لا يعني أفضلية هجومكم العقيم .. سؤال .. كم هدفا" أحرزه أمبيلي ؟ وكم آخر أحرزه كاريكا ؟ وكم هدف أحرز أحمد عادل ؟ بل هل صنع سادومبا هدفا" واحدا" ؟ سؤال بسيط .. من هداف دوري الأبطال حتي الآن ؟ عليك الله اتكلمو علي قدر امكانياتكم وحكامكم !!
---------
عليك الله فكنا بلا انصاف الفرص .. بلا انصاف (مدني) !!
|
Post: #74
Title: Re: كيفين عاد!!!!!!!!! ..
Author: أحمد ابراهيم عثمان
Date: 08-16-2009, 12:41 PM
Parent: #63
سلامات يا شباب
من الوؤسف جدا انو اول مشاركة لي تكون في بوست الحداد ده
عموما.......
في رأي انو عنوان البوست ما موفق يااخ وليد لانو بيناقض مضمونه
اذا كان باريدمبا بدفاع المريخ كلو كيف يكون المريخ افضل!!!!!!!
(دي زي كرعينو مكسرات لكن جرااااااااااي)
هاردلك يا صفوة
|
Post: #10
Title: Re: مازلت اصر ان المريخ افضل من الهلال فنيا ..
Author: mohmed khalail
Date: 08-16-2009, 08:10 AM
Parent: #4
أحترمك يا شفت
عارف لييييييييييييه؟؟؟؟
لان البعض يختبئ امام الحقائق
فيخدع نفسه قبل الاخرين
|
Post: #17
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:20 AM
Parent: #10
مرحب محمد خليل
|
Post: #19
Title: Re: مازلت اصر ان المريخ افضل من الهلال فنيا ..
Author: بشري الطيب
Date: 08-16-2009, 08:20 AM
Parent: #4
وليد سلامات ...
نعم كان الدافي أرجلهم ثم العجب بعد دخوله والبقية أشباح .....
بعدين إصرارك ده بودرك يا قصة ...
المرمى مافي مقارنة بين المعز وأكرم أو حافظ أو الإثنين معاً
الدفاع حالياً مافي مقارنة بين رباعي المريخ والهلال مع إنو قبل فترة (الدورة الأولى ) كانت الكفة تميل للمريخ. وحاليا تميل للهلال ويظهر إنسجام اي رباعي يلعب ويغيب هذا الإنسجام في المريخ.
الوسط المدافع مافي علاقة بين لاسانا وعلاء الدين أو الشغيل وعمر بخيت...
الوسط المتقدم يتفوق الدافي على مهند بالعب الرجولي.. ويتقاصر وارغو أمام هيثم رغم فارق السن..
الهجوم لا يمكن مقارنة كلتشي بأي من ثلاثي الهلال ... إيداهور ياهو الحسنة الفي هجومكم... والسعودي إن لعب..
وستظل تصر وتصر وتتحرى الإصرار حتى تكتب عند الله صراراً... (وجه مُصر)
|
Post: #26
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:34 AM
Parent: #19
Quote:
الدفاع حالياً مافي مقارنة بين رباعي المريخ والهلال مع إنو قبل فترة (الدورة الأولى ) كانت الكفة تميل للمريخ. وحاليا تميل للهلال ويظهر إنسجام اي رباعي يلعب ويغيب هذا الإنسجام في المريخ. |
قول واحد
والسبب بسيط
انو لا الهلال ولا المريخ استقر على خط دفاع واحد طيلة مباريات الدولة التانية
الوحيد الثابت في الهلال هو دمبا في الدفاع
وفي المريخ هو دامر
باقي الاعبين تغيروا مع تغير المباريات
لكن ما رجح كفت الهلال هو العزيمة
فنيا لا يوجد في دفاع الهلال افضل من سفاري
لكن سفاري هش
لا يوجد طرف شمال افضل من الزومة
لكن الزومة اشتر
| Quote: الوسط المدافع مافي علاقة بين لاسانا وعلاء الدين أو الشغيل وعمر بخيت... |
علاء الدين ما فيه كلام
لكن عمر بخيت ما اظن
حصحيح انه كان افضل لاعبي الهلال الماباراة القاتت
لكن ما مقياس ليه
بكره حا تبكوا منو
الشغيل كويس
ولاسانا ممتاز
والباشا ممتاز
لكن المدرب بليد
| Quote: ويتقاصر وارغو أمام هيثم رغم فارق السن.. |
هيثم افضل من وارقوا بكثير
لكن الان الدافي افضل لاعبي الوسط المتقدم
وافضل من هيثم ومهند مجتمعين
اما وارقوا
فده ماسورة
| Quote: الهجوم لا يمكن مقارنة كلتشي بأي من ثلاثي الهلال ... إيداهور ياهو الحسنة الفي هجومكم... والسعودي إن لعب.. |
كلتشي افضل من جميع مهاجمي الهلال
وايداهور كذلك
هجوم الهلال هو الاسواء
حتى الان لم يحرز هجوم الهلال اي هدف
بل لم يسدد اي كرة خطره
تقول لي هجوم الهلال
الهلال شايلو دفاعه ورا وقدام
في المجموعات
لم يدخل مرماه هدف
واحرز ثلاث اهداف
اثنين منها احرزها مدافعين
والثالث بلنتي
تقول لي هجوم ؟
|
Post: #31
Title: Re: مازلت اصر ان المريخ افضل من الهلال فنيا ..
Author: Adam Mousa
Date: 08-16-2009, 08:47 AM
Parent: #4
يا وليد صباحاتك نور...
فى اعتقادى المتواضع المريخ به تخمة نجوم زى ريال مدريد قبل كم سنه كده..
تخمة النجوم هذه هى التى جعلت اللاعبين يلعبون باسمائهم وخاصة ان اعلام المريخ
يصورهم وحتى ان لعب احدهم سيئا كنجم متفرد وكلاعب استثنائي ..فطالما ان الامر فى
كل الاحوال فيه اطراء فلما البذل والعطاء ..!! وانت تدرى ان الكره تعطى من يبذل
ولا كبير عندها الا بالعطاء.. كذلك هذه التخمه (النجوميه) والتطبيل الاعلامى جعلت معظم
هؤلاء النجوم يميلون الى اللعب الفردى (الانانيه) لصالح (نفسه) وليس المجموعه.. مما جعل الفريق
جزر معزوله بعضها عن بعض ..فوارغو مثلا امام المرمى يصر للتهديف مهما كان هنالك زميلا فى وضع افضل منه..
ثم ان الفريق فى اطار الترميم والتسجيل للاعبين به ،، لم ينتبه الى الخلل الدفاعى (الباين) وركز على المهاجمين
ولاعبى الوسط..فالفريق به نحو (عشره) ومثلهم من لاعبى الوسط وباقى الثمانيه ثلاثه حراس مرمى وفقط خمسه من المدافعين..
بالامس لعب مازدا ب 3 5 2 وهى طريقه تعتمد على سرعة الطرفين ..وارتدادهم عند فقدان الكره ولكن للاسف الطرفين
كانوا يسرحون ويشردون مع الهجمه ولا يعودون فكانت قاصمة ظهر المريخ فى الهجمات المرتده لوجود مساحه فارغه كبيره..
نواصل..
|
Post: #36
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:01 AM
Parent: #31
Quote: بالامس لعب مازدا ب 3 5 2 وهى طريقه تعتمد على سرعة الطرفين ..وارتدادهم عند فقدان الكره ولكن للاسف الطرفين
كانوا يسرحون ويشردون مع الهجمه ولا يعودون فكانت قاصمة ظهر المريخ فى الهجمات المرتده لوجود مساحه فارغه كبيره..
نواصل.. |
مرحب ادم
حبابك
ومازدا زاتو كيف يلعب 352 وهو عارف انو طرفينو الاساسين ما لاعبين
وهو عارف انو مولف ليه لعيبة وسط
؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!
بالمناسبة يا ادم
دفاع الهلال حتى الان لم يثبت
لسع قدام
صحيح اللاعبين قدموا مردود جيد جدا حتى الان
لكن لسع الهلال ما ثبت تشكيلته في الدفاع
وده حا يعمل مشكلة لي قدام
دفاع الهلال شايله معز حتى الان
ببث الثقة في الاعبين
والتوجيه
وقوة الشخيصة بتخلي كلامه مسموع ومطاع بدون نقاش
|
Post: #9
Title: Re: مازلت اصر ان المريخ افضل من الهلال فنيا ..
Author: abuguta
Date: 08-16-2009, 08:10 AM
Parent: #3
| Quote: ايعقل ان يكون المغربي الوافد الجديد ارجل لاعبي المريخ |
بوستك عنوانو يزعل,,,,لكن حرقة الحشا حارة
معليش ياوليد خيرها فى غيرها
فى داعى اسى تحرجونا كدا,,, وتطلعو رقبتكم
وتطلعونا
كانو وزيسكو لدورى الاربعة,,الا ان بثار المريخ لنفسه
مع زيسكو
تحياتى
|
Post: #18
Title: Re: مازلت اصر ان المريخ افضل من الهلال فنيا ..
Author: Omar Bob
Date: 08-16-2009, 08:20 AM
Parent: #9
سلامات يا وليد:
المريخ في ثلثه الهجومي افضل فنيا من الهلال بل اعتقد انه افضل من الفرق التمانيه المتاهله
ولكن الفريق لا يقاس بالثلث الهجومي فقط الفريق يقاس ككل والمريخ في ثلثه الدفاعي اسواء من الهلال بمراحل بل كاد اجزم بانه احد اسوأ الفرق بين الفرق التمانيه المتأهله
وكما كتبت هنا يا وليد:
Offense sell tickets, Defense win champions
|
Post: #23
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:26 AM
Parent: #18
مرحب عمر بوب
الهلال افضل من المريخ في ثلثه الدفاعي لسبب واحد
الاولاد الجداد ديل قلوبهم حارة بس لا اكتر ولا اقل
ده السبب المرجح كفة الهلال
|
Post: #20
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:21 AM
Parent: #9
مرحب ابقوته
ومن تعتقد ان من لاعبين المريخ اليوم قادر بان يثار له ؟
|
Post: #11
Title: Re: مازلت اصر ان المريخ افضل من الهلال فنيا ..
Author: عمر الفاروق
Date: 08-16-2009, 08:11 AM
Parent: #3
يا وليد صر على كييييييييفك حقك والله ..
لكن عشان ما تمسك في حجة واهية وتخمنا بي العنوان وتحت في ردودك تناقض تعال ورينا فنياً دي قاصد بيها شنو ؟؟
بييي لسانك بتقول المريخ ما فيهو غير لاعب واحد !!!! فنيا دي شنو !!!
ما عندك مدرب فنيا دي شنو ؟؟؟
بتضيعوها في خت ستة فنيا دي شنو؟؟
ما عندكم خطة وملامح واضحة فنيا دي شنو ؟؟؟
اوعا بس تكون قاصد الفرص البتضيع دي ؟؟؟؟
ده ما اسمو فنيا يا وليد المريخ كعب كعب كعب بس انت مكابر ...
فنيا الهلال افضل لانو فنيا دي بيقيسوها بي النتيجة والتكتيك الخططي والفكر العالي داخل الملعب ..
|
Post: #15
Title: Re: مازلت اصر ان المريخ افضل من الهلال فنيا ..
Author: فايزودالقاضي
Date: 08-16-2009, 08:18 AM
Parent: #3
ياوليد البيحصل في المريخ ده غير منطقي ...
نعم الحكم هزمهم معنوياً عندما اعطي الخصم ضربة جزاء غير صحيحة .. ولكن المريخ مازال خارج اجواء الدورة ...
الهلال رغم ضعف تكوينه الا ان ابناءه لهم ارادة قوية وعزيمة تكفي ..والمريخ اصبح فريق العجائب لايستطيع محلل ان يحلل مايحدث فيه ...
ربنا يدينا الصبر وهاردلك ياوليد ...
ودي ...
|
Post: #27
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:37 AM
Parent: #15
مرحب ود القاضي
| Quote: الهلال رغم ضعف تكوينه الا ان ابناءه لهم ارادة قوية وعزيمة تكفي |
والانجازات لا تاتي بالفنيات
لكن تاتي بالعزيمة والاصرار
|
Post: #12
Title: Re: مازلت اصر ان المريخ افضل من الهلال فنيا ..
Author: tmbis
Date: 08-16-2009, 08:11 AM
Parent: #1
Quote: لكن بالهلال رجالا ...
لكن للهلال طموحا ...
ان اهل الهلال عازمون واتمنى لهم التوفيق
ولكل مجتهد نصيب |
.. ايوة يا وليد .. قررط على كدا بس .. دا العايزنو لا شئ غير ..
معليش أمبارح ما قدرت ارسل ليك ..  يعني انا ارسل ليك إنت واللا ارسل لي اساسي ..؟
..
عــاين
أنا كنت قايلك ما ح تجي الليلة .. وكنت ح اديك مسافه كدا لحدت الساعة عشرة ونص .. بعداك افتح ليك بوست استدعاء .. وزي ما عارف في لحظات زي دي البوست بكون طحنية خاصة مع زول لعب كورة وبيعرف طعم الهزيمة من جوه الميدان زي ما بيعرف طعم النصر ..
وزول قووون .. يعني بي صراحة وبدون اي تفاصيل .. المعز + أكرم الهادي .. ديل عايزين غسيل مخ علشان يعرفوا انو كرة القدم دي حاجة ما ليها علاقة بي الحركات الصبيانية البيعملوا فوقه دي ..
حامد بريمة الله يديهو الصحة والعافية .. ما شفتو يوم من الأيام ضرب ليهو لاعب بي كورة أو بدون كورة .. ولا شفتو يوم اخر ليهو كورة وضايق الجمهور بتاعو .. ولا شفتو يوم الجمهور طقعو ..
والله يا وليد وما طالبني حليفة .. وبالرغم من انو غلب المريخ دا ربما كسر لي عين كم واحد كدا بعرفم كويس .. واول واحد فوقم مزمل ابو القاسم لانو شغال فني تخدير .. لكن والله الشماتة ما قادر عليها كما ينبغي .. وبالرغم من انو السابقة دي .. إلا انو أكرم قفل نفسي من حاجة اسمه كورة .. شعرت بي حسرة شديدة .. ليها علاقة بي شرف المهنة 
|
Post: #14
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:18 AM
Parent: #12
Quote: يا وليد صر على كييييييييفك حقك والله ..
لكن عشان ما تمسك في حجة واهية وتخمنا بي العنوان وتحت في ردودك تناقض تعال ورينا فنياً دي قاصد بيها شنو ؟؟
بييي لسانك بتقول المريخ ما فيهو غير لاعب واحد !!!! فنيا دي شنو !!!
ما عندك مدرب فنيا دي شنو ؟؟؟
بتضيعوها في خت ستة فنيا دي شنو؟؟
ما عندكم خطة وملامح واضحة فنيا دي شنو ؟؟؟
اوعا بس تكون قاصد الفرص البتضيع دي ؟؟؟؟
ده ما اسمو فنيا يا وليد المريخ كعب كعب كعب بس انت مكابر ...
فنيا الهلال افضل لانو فنيا دي بيقيسوها بي النتيجة والتكتيك الخططي والفكر العالي داخل الملعب .. |
ياتو تكتيتك
البلنتي الفي الجعبه ولا ياتو تكتيك يا عمر ؟
عليك الله ارحم نفسك
|
Post: #21
Title: Re: مازلت اصر ان المريخ افضل من الهلال فنيا ..
Author: عمران حسن صالح
Date: 08-16-2009, 08:24 AM
Parent: #14
وليد العزيز ...
عنوانكـ نتيجة الصدمة .. بس مضمونكـ جميل جمال فهمكـ...
عشان كده انت من الشويييييييية البنقول ليهم هاردلكـ وما عجبنا ليكم ..
|
Post: #30
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:45 AM
Parent: #21
مرحب عمران
الصدمة انتهت امبارح وحاتك
وتسلم يا زوق
ياها دي كورة القدم
|
Post: #22
Title: Re: مازلت اصر ان المريخ افضل من الهلال فنيا ..
Author: عبدالمجيد الكونت
Date: 08-16-2009, 08:25 AM
Parent: #12
الشفت سلام
كنت ولا زلت اتمنى المريخ ندا قويا للهلال
ولكم تنميت ان يكون نهائي البطولة هلال مريخ
بس في تلاته لو طلعتوهم من منكم صدقني حيرجع المريخ
افضل وأقوي بكثييير من مريخ اليوم
اكرم
مازدا
مزمل ابوالقاسم
|
Post: #32
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:48 AM
Parent: #22
Quote: الشفت سلام
كنت ولا زلت اتمنى المريخ ندا قويا للهلال
ولكم تنميت ان يكون نهائي البطولة هلال مريخ
بس في تلاته لو طلعتوهم من منكم صدقني حيرجع المريخ
افضل وأقوي بكثييير من مريخ اليوم
اكرم
مازدا
مزمل ابوالقاسم |
مختلف معاك يا كونت
مشكلة المريخ في الوالي
جمال الوالي زول هين
عكس صلاح ادريس
صلاح ادريس بث روحه المشاكسة المثابره في اللاعبين
اي لاعب بقى خايف يغلط عشان بياخد في راسه
عكس لاعبين المريخ
عارف الوالي زول محترم وهين
جمال الوالي عاوز ليه زول معاه بتاع شبك
|
Post: #24
Title: Re: مازلت اصر ان المريخ افضل من الهلال فنيا ..
Author: علي مزمل
Date: 08-16-2009, 08:27 AM
Parent: #12
وليد
Quote: اما المريخ
فيه وليدات خانعون |
واللة جنس خناعة يا وليد
لعيبة ما ناقصم اي حاجة من معسكرات وتدريب وضحاكات
تقول شنو ؟؟؟؟؟
|
Post: #28
Title: Re: مازلت اصر ان المريخ افضل من الهلال فنيا ..
Author: محمد عبدالرحمن
Date: 08-16-2009, 08:39 AM
Parent: #24
| Quote: الهلال رغم ضعف تكوينه |
الاخ بتكلم عن هلال نيالا يمكن ..تشابهت علينا
الاهله فى هذا المنبر ... فريق ضعيف التكوين
بخوض ثلاثة مباريات فى دورى الكبارى ولايدخل
مرماه هدف ..بينما اقل فريق دخل مرماه ثلاثة
اهداف واخرين وصلوا للرقم ستة ...
غايتو ...
|
Post: #35
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:56 AM
Parent: #28
Quote: الاخ بتكلم عن هلال نيالا يمكن ..تشابهت علينا
الاهله فى هذا المنبر ... فريق ضعيف التكوين
بخوض ثلاثة مباريات فى دورى الكبارى ولايدخل
مرماه هدف ..بينما اقل فريق دخل مرماه ثلاثة
اهداف واخرين وصلوا للرقم ستة ... |
نعم ضعيف التكوين
مع حارس مرمى ممتاز
ومدافعين يردون اثبات الذات وقد نجحوا
|
Post: #34
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:54 AM
Parent: #24
على مزمل حبابك
نقول الله يلزمنا الصبر
|
Post: #29
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 08:42 AM
Parent: #12
عارف يا تامبا
وانت قلت انك كنت قون
كما تعلم .. السبب الوحيد في ان يلعب حارس المرمى بيده .. هو تدارك اخطاء المدافعين
مافي سبب لوجود حارس مرمى في فريق ان كان لاعبوه لا يخطئون
حراس المريخ لا يتداركون اي خطاء لمدافع
عكس حارس الهلال
عمر ( بتاع كابتن ماجد ) كان بغالطني بقول لي في هلال مريخ الاخيره
المعز ما عمل حاجة
بس وقع والكورة دقت فيه ؟!
هاهاهاهاهاهاهاهاهاهاهاهاهااهها
اها في مباريات المريخ الاخيره
يا ريت لو حراس المريخ بعرفوا يقعوا زي معز عشان تدق فيهم ؟
احسبها معاي يا تامبا
اكرم شاتو ليهم كم كورة ؟
ثلاثته كور في الشبكة
دخلت التلاته
!!!!!!
حافظ الكورة الفاتت شاتو ليه كم كورة ؟
ثلاثته كور في الشبكة
دخلن التلاته
!!!!!!!!!!!!!!!!!!!!!!!
معز مرق كم قون ؟
في هلال مريخ براها مرق قونين مضمونات
بت الكلب
|
Post: #37
Title: Re: مازلت اصر ان المريخ افضل من الهلال فنيا ..
Author: محمد البشرى الخضر
Date: 08-16-2009, 09:01 AM
Parent: #29
ولّي يا شفت
الدافي دا معار يعني شهر اطناشر في السوق
والله ما تلحقوا تشتروه - وتبصّموه - من اسي إلا الارباب يسوي ليكم في صمرقع بالطريقة الصاح
|
Post: #38
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:05 AM
Parent: #37
Quote: ولّي يا شفت
الدافي دا معار يعني شهر اطناشر في السوق
والله ما تلحقوا تشتروه - وتبصّموه - من اسي إلا الارباب يسوي ليكم في صمرقع بالطريقة الصاح |
داير كلام البورد
ولا كلام لعيبة الكورة
كلام البورد لم تشوف حلمة ودنك
كلام لعيبة الكورة
كروته بتشبه الهلال حاليا اكتر من المريخ
|
Post: #48
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-16-2009, 09:51 AM
Parent: #38
| Quote: ان كرة القدم يلعبها رجالا اولا ثم تاتي فنياتها ثانيا |
وليد يابركة
والله كلامك جميل
وفعلا اثبت المقوله التي تقول كرة القدم ينظموهاناس الخرطوم ويلعبوها ناس بحري ويشاهدوها ناس امدرمان
واكيد بتكوت شاهدتة الكرة زمان في دار الرياضة امدرمان يعني والله لو ماراجل مابتقدر تخش الحوش ده
والله الان انا بتمنى العب عشرة دقائق بس في الدار عشان ابكي على ايام زمان
وليد ياخوي لاتعيب الهلال ولا تعيب المريخ ولا تفضل واحد على الاخر الكرة السودانية في خطر ولا تقول المعترفين كعبين اذا كانوا في الهلال اوالمريخ نحن اولاد كعبين وهذا ليس منهم من تركيبة اللاعب السوداني ومٌنذ القدم اللاعب السوداني ليس لدية قوه داخلية يعني الانطلاق بالكرة من مسافة بعيدة الى ان يدخل منطقة الجزاء ويسددها بنفس القوه ولو لاحظت القوه هذه تجدها عند الافارقة وشفت قدوين عندما كان في الهلال بالرغم من انه تم تصنيفة افشل صفقة كروية وافشل معترف في الدوري السعودي .
ياويلي
الكرة خيال واولادنا خيالهم ضعيف واخرج الان هيثم مصطفي والعجب والباقي لسع بدري عليهم .
وشوف الفرق بين كرة القدم زمان والان وامسك ناس حلتكم وانت ماشي بالحافلة وتشيل اي حداشر من الحلة يمشوا يجضموا ليك اولاد بحري والخرطوم وكذلك اولاد بحري والخرطوم . ياخي فرق كبير كبير .
وبمناسبة كرة القدم يلعبها رجال زمان كان المدرب سليمان فارس (السد العالي )كان بقول انا عايز حداشر راجل ومن طرائفة في مبارة بدار الرياضة امدرمان عندما اخرج الحكم لاعب من الفريق الخصم له فهو قام بنفس الدور واخرج لاعب من فريقة ( الزهرة ) وفي هذا حكمة .
ياوليد الكلام كتير في الكورة ولنا لقاء عشان ما نملاك كلام ساكت .
وعشان الشغلة ماتبقى ونسة انا بشوف ناس الهلال وناس المريخ يحاولوا معالجة القضايا الفنية في الاول .
ومن غير شماتة
بوست موفق يافهمان
سلام سلام
|
Post: #58
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:20 AM
Parent: #48
وليد سيد الاسم
يا حبيبي كلامك ده ما بفهموا الا زول لعب في دار الرياضة
ناس عمر الفاروق ديل بتاعين الدوافير
ما بعرفوا دار الرياضة الا من خلف السور
عشان كده ما بفهموا كورة
خمسة سنوات ( مغسة في عمر ) قضيناها في دار الرياضة وكت كان بجروا ترابها بالدرداقة
والكورة تجيك معكوسة بالضريسة حقتها
ايام يا ولي
|
Post: #39
Title: Re: مازلت اصر ان المريخ افضل من الهلال فنيا ..
Author: ابراهيم الرشيد عبدالرحمن وراق
Date: 08-16-2009, 09:14 AM
Parent: #29
الاخ وليد سلام
Quote:
لكن بالهلال رجالا ...
لكن للهلال طموحا ...
ان اهل الهلال عازمون واتمنى لهم التوفيق
ولكل مجتهد نصيب
|
ياسلام عليك يارائع, انت من القليلين الذين يتمتعون بالخلق الرياضى والذوق السليم
اتمنى للمريخ ان ينهض من كبوته بعد تشريح اصل الداء ففى قوته قوة للهلال
والله بقول الكلام ده من قلبى
لك مودتى
|
Post: #42
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:33 AM
Parent: #39
تسلم ابراهيم الرشيد
يديك العافية
|
Post: #50
Title: Re: مازلت اصر ان المريخ افضل من الهلال فنيا ..
Author: عبدالكريم أحمد الامين
Date: 08-16-2009, 10:05 AM
Parent: #42
** ود محمد المبارك
** صباحك خير..
** وهاردلك .. المريخ لم يكن فى يوم سعده بوجود المازدا الفاسده التى تتفاءل دائماً بالرقم 3 ولربما كان هذا الرقم إشتقاقاً من الماركه والموديل 303 ..
** أتفق معك أن اللاعبين لم يلعبوا بمسؤوليه وحماس للشعار ماعدا الدافى..
** ألا تتفق معى وأنت من لعب فى هذا الفريق العظيم ,, أن فريقى القمه فى حوجه ماسه قبل المدرب الاجنبى او الوطنى الذى يفهم فى علم التدريب الى طبيبب نفسى وأخصائى إجتماعى لتهئية اللاعبين قبل المباريات ,, (هذا ماتفعله كل الدول التى تعرف ماهية كرة القدم ) والتى اصبحت صناعه وعلم..
## سؤال لم أجد له أجابه :- لماذا يُعادى مازدا عبدالحميد السعودى ؟؟ من وجهة نظرى كلاعب كرة سابق أن السعودى بحماسه وتحركه الصحيح وفى وجود الدافى كان سيحقق الفارق الذى أفتقده المريخ بالامس.
## حارس المريخ محمد كمال من وجهة نظرى كحال عبدالحميد السعودى لم يجد فرصته وهو أفضل من الحارسين الحاليين.. (هل أنا مُصيب أم مُخطئ فى ذلك)
## الشكر لك على أخلاقك الرياضيه العاليه وعلى تحليلك ,, وإذا أراد المريخ أن يتمسك ببصيص الامل فعليه التخارج من المازدا ,, فلقد أثبت فشله فى كل فريق دربه..
(ودام الود بيننا)
(ابو محمد فؤاد - دبى)
|
Post: #68
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:01 PM
Parent: #50
مرحب عبد الكريم احمد
فعلا البلد كلها عاوز ليها مدربين اجانب
لكن مدربين اجانب على مستوى
محمد كمال عدو نفسه
عندما لعب محمد كمال
اكرم وحافظ ما كانوا في الريخ
شطب بهاء الدين ومحمد ادم
وفضل هو
قوامه قوم حارس
امكانياته كويس
لكنه جبان
بخاف يلعب
لانه لو ما كده
ما مفروض قونين جابوهم بعده
واحد يبقى الاول
والتاني يبقى التاني
وهو يبقى تالتهم
شكرا كتير ليك ياخ
|
Post: #69
Title: Re: مازلت اصر ان المريخ افضل من الهلال فنيا ..
Author: Talal Halfa
Date: 08-16-2009, 12:03 PM
Parent: #50
| Quote: لماذا يُعادى مازدا عبدالحميد السعودى ؟؟ |
مازدا لا يعادي السعودي .. وهذا ترويج فقط من الصحافة الرياضية وقد نجحت فيه !
في اعتقادي أن المنافسة الأفريقية تحتاج لاعب بنيانه الجسماني أقوي من السعودي .. عبدالحميد شاطر في ترجمة الفرص داخل منطقة الجزاء بشرط أن يكون في وضع مريح وهذا ما لا يجده في المنافسة الأفريقية لذلك حوجة المريخ في هذه البطولة لايداهور وطمبل وكليتشي أكثر من حوجته للسعودي الذي غالبا" يميل للعب الهين والأستعراضي !
|
Post: #43
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:36 AM
Parent: #39
| Quote: على العموم الأشبال اللعبو فيها بالكوم يا غالي ... |
ابدا
اللعبوا اشبال المريخ معدودين باصابع اليد
لكن
القالوا انهم مفروض يلعبوا في المريخ بالاكوام يا حبيب
اي زول بحلم بالليل يصحى الصباح يتصور حلمه ده حقيقي
وانا كنت وانا مفروض ...
المهم
الاشبال البي الكوم ديل
ما فيهم واحد لبس احتياطي لحامد بريمة في نهائي كاس السودان
وعمر 17 سنة الا 3 شهور ، ما فيهم واحد لعب فريق قومي عمره 16 سنة
| Quote: وأرجع لهاجز دكة الاحتياطي ... ممكن توريني تذبذب مستوى راؤول جوالنزاليس في ريال مدريد أيام النجوم زيدان ورونالدو وبيكهام وأوين ... |
نفس الاسباب الخلت رونالدينو كورتو تتذبذب
ويفالدو كورتو تتذبذب وتنتهي بسرعة
|
Post: #44
Title: Re: مازلت اصر ان المريخ افضل من الهلال فنيا ..
Author: الحاج حمد الحاج
Date: 08-16-2009, 09:37 AM
Parent: #39
وليد
تحياتي ، اتفق معك ان لاعبي المريخ ينقصهم اللعب الرجولي..لو لعب باقي لاعبي المريخ بنصف حماس الدافي لتغيرت النتيجة.
ناس الهلال ح يعرفوا صحة كلامك في المباريات القادمة..
من الناحية الادارية هناك تهاون مع لاعبي المريخ ، فرغم الحوافز الضخمة التي نالوها الا أنهم لم يقدموا ما يؤكد احقيتهم في هذه المبالغ الكبيرة..
من ناحية التدريب يجب أن يبعد مازدا و ابراهومة فهؤلاء لا يشبهون المريخ.
|
Post: #47
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:47 AM
Parent: #44
مرحب الحاج حمد الحاج
تحياتي
اتمنى ان يتدارك اداريي المريخ هذا الخلل
|
Post: #45
Title: Re: مازلت اصر ان المريخ افضل من الهلال فنيا ..
Author: هشام المجمر
Date: 08-16-2009, 09:39 AM
Parent: #39
Quote: فنيا لا يوجد في دفاع الهلال افضل من سفاري
لكن سفاري هش |
بتتكلم جد يا وليد ولا بتهظر
تعرف لماذا ترك الهلال سفارى ولم يسجله وكان فى متناول يده
لان شفوت الهلال الفنيين وضحوا لصلاح ادريس ان سفارى اكبر ثقرة دفاعية فى تاريخ المريخ
ممكن اجيب ليك بالارقام فشل سفارى المتكرر
بدأ من مشاركته المخيبة مع منتخب السودان و تسببه فى اغلب الاهداف التى ولجت مرمى الفريق مرورا بسبعة فريق الوحدة الاردنى و بهدف اتراكو و هدفى نيل الحصاحيصا وثلاثية كانو و زيسكو.
سفارى مدافع لين والليونة تتطلب الحرفنةالتى لا تدع المهاجم يستلم الكرة داخل او حتى خارج خط 18 والليونة والحرفنة ميزة كان يتميز بها المرحوم شيخ ادريس كباشى مدافع الهلال السابق والتىجعلته من اميز المدافعين فى تاريخ الفريق
اما سفارى فاى مهاجم يستطيع انيتلم فى وجوده و يمررو يهدف وكانه ليس موجودا
فى مباراة اتراكو استلم المهاجم الكرة و سفارى خلفه ولف من سفارى وهدف و اصطدمت الكرة بالعارضة
المرة الثانية استلم و سفارى خلفه ومرره بارتياح للقادم من الخلف وسدد هدفا فى شباك المريخ
ان سفارى اقل امكانيات من اى مدافع فى الهلال
لايمكن اى يقارن بسامى عبد الله المقاتل الصلد
ولا باحمد الفاضل الحريف
ولا بخليفة المجتهد
ولا حتى بمنير امبده الذى لايدع المهاجمين ابدا الاستمتاع باستلام الكرة
سفارى مدافع اقل مستوى من قامة المريخ وطال ماهو موجود ومعه دامر البطئ ستنوء شباك المريخ بالاهداف
|
Post: #46
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 09:44 AM
Parent: #45
Quote: لايمكن اى يقارن بسامى عبد الله المقاتل الصلد
ولا باحمد الفاضل الحريف
ولا بخليفة المجتهد
ولا حتى بمنير امبده الذى لايدع المهاجمين ابدا الاستمتاع باستلام الكرة |
هي كدي خليهم يتموا سنة في الاول
بعدين اكتب فيهم الشعر ده
يعني كل زول لعب ليك كورة واحده بس
عملتو تنقا
وسفاري البلعب ليه قريب 6 سنوات
طلعتوا في السهلة باخر كور
|
Post: #49
Title: Re: مازلت اصر ان المريخ افضل من الهلال فنيا ..
Author: هشام المجمر
Date: 08-16-2009, 09:54 AM
Parent: #46
Quote: وسفاري البلعب ليه قريب 6 سنوات
طلعتوا في السهلة باخر كور |
فى الستة سنوات دى الهلال اخد الدورى 5 مرات متتالية لييه؟
طبعا وجود سفارى كمدافع جزء من الاسباب يا وليد
انا بتكلم جد و نصيحة والله من القلب من لاعب سابق لكرة القدم وعاشق لها
طالما سفارى موجود المريخ لن يذق طعم العافية
سفارى لا يشبه المريخ يا وليد
اما امير دامر فحدث ولا حرج
|
Post: #52
Title: Re: مازلت اصر ان المريخ افضل من الهلال فنيا ..
Author: humida
Date: 08-16-2009, 10:22 AM
Parent: #49
بوســـت بتاع زمزغة ساي ..
ما في حاجة اسمها المريخ افضل فنيا ..
دا كلام جرايد ساي ..
في المريخ اسماء كان يفترض انه مستواها احسن من كدا .. و ما حصل ..
نجومية لاعبين المريخ دي ما شفناها ألا في الجرايد ..
خليك من دوري الابطال الجديد عليكم دا .. وين النجوم دي في الدوري الممتاز ..
مش هم نفس النجوم الفاقدين 8 نقاط تعادلات و لا غيرهم .. و مع منو .. مع ناس زعيط و معيط ..
المشكلة الكبرى في المريخ .. الفكة الزايدة عن الحد ..
90% من تسجيلات المريخ مكايدة في الهلال ..
حتي ماذدا لمن رجعتوهو قلتو و الله دا احسن مدرب بس الهلالاب كان قاصدنو وهو في المنتخب ..
برر لي يا لاعب المريخ السابق .. جلوس قلق و العجب في دكة البدلاء .. عشان شنو .. عشان تثبتوا للهلال انه وارغو ما ماسورة ..
أهو طلع و هو زاتو ما راضي عن نفسه .. بدليل انه حتي زميله ما داير يسلم عليهم .. و ترك الملعب بصورة مخجلة ..
بتقولوا انه جمهوركم جمهور صفوة .. و اتفرج العالم كله امس بكمية المضاربات بين الجماهير الواعية في المدرجات ..
شماعة تحكيم ما في .. اكرم يستحق الطرد و معاهو كف .. و دا اكرم البتعرفوهو .. المشكلة وين ..
ليه الفليق و الجرسة و قلة الادب .. فضحتونا الله يشرط عينكم ياخي ..
مزمل ابو القاسم اكبر مطبل لجمال الوالي بدل ما يركز في مشاكل الهلال شبكنا انتظروا حووووصة .. حووووصة جاي .. عوارة عوارة لمن غلط ..
صحفيي المريخ جميعهم بدون استثناء عبارة عن منافقين و ناس جارية ورا قروش الوالي .. عشان كدا النصيحة ما بتمرق منهم ..
..
..
فريق المريخ الحالي هو اسوأ فريق يمر علي النادي .. ( الدليل النتائج الهزيلة في الدوري .. مهزلة سيكافا .. مهازل دوري الابطال ) ..
جمهور المريخ هو الاسوأ في الدورة .. ( فليق - جرسة - بكى ) ..
مدرب المريخ .. ( ساقط بجدارة ) ..
وارغو .. ( ماسورة و ان أبت ) ..
ريتشارد .. ( مهما كان اللون الاحمر ما بشبهك ) .. و مبروك البلنتي يا عمك ..
الدافي .. ( مكسب كبير ) ..
بقية اللاعبين ( ضقل لاقى التيوه ) .. !!
|
Post: #60
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:28 AM
Parent: #52
Quote: فريق المريخ الحالي هو اسوأ فريق يمر علي النادي .. ( الدليل النتائج الهزيلة في الدوري .. مهزلة سيكافا .. مهازل دوري الابطال ) ..
جمهور المريخ هو الاسوأ في الدورة .. ( فليق - جرسة - بكى ) ..
مدرب المريخ .. ( ساقط بجدارة ) ..
وارغو .. ( ماسورة و ان أبت ) ..
ريتشارد .. ( مهما كان اللون الاحمر ما بشبهك ) .. و مبروك البلنتي يا عمك ..
الدافي .. ( مكسب كبير ) ..
بقية اللاعبين ( ضقل لاقى التيوه ) .. !! |
يا حميده انت حلمان
نتائج المريخ في سيكافا افضل من افضل نتيجة ليك فيها
مدرب المريخ معاك فيه
وارقو ماسورة 50000 بوصة
بقية اللاعبين
هاهاهاهاهاهاهاهاهاهاهها
في الكورة الفاتت
نبذت ضقل والتيوه ساااااااااااكت
|
Post: #92
Title: Re: مازلت اصر ان المريخ افضل من الهلال فنيا ..
Author: Talal Halfa
Date: 08-16-2009, 01:38 PM
Parent: #60
| Quote: وارقو ماسورة 50000 بوصة |
وليد انت زعلان ونحن مقدرين و كلنا ما رضينا الهزيمة داخل ملعبنا .. بس ده مامعناه تشكك في مقدرات اللاعبين .. تشكيكك ده ما قلتو ليه لما غلبنا الأتحاد الليبي تلاته ولما صعدنا دوري المجموعات بلا هزيمة ولما أحرجنا الهلال مرتين أول الموسم محليا" وكدنا نغلبو في افتتاح المجموعات لولا سوء الطالع !! لو عايز تشرح أصل الداء .. في كذا نقطة ممكن نتناولها:
1. ماهي الأسباب الفنية التي أدت لأقالة رادان في هذا الوقت ؟ وهل كان رادان بهذا السوء كما صوره الصحفيون المحسوبون علي المريخ ؟
2. لماذا تمت الأطاحة بكروجر أصلا" وهو بطل للدوري والكأس ؟ هل لأنو أشتجر مع السعودي ورفض ادخالو القائمة ؟
3. وعند الأطاحة برادان ، لماذا لا يتولي صلاح مشكلة مقاليد الأدارة الفنية بدلا" عن مازدا المقال مع كروجر ؟ أليس هو من قاد المريخ للفوز علي الأتحاد الليبي ؟
4. لماذا يبدأ دائما" مازدا بالتشكيل الغير مناسب في المباريات الحساسة ؟ هل تصيبه حمي المباريات هو الآخر ؟
5. لماذا دائما" ينصاع مجلس الأدارة لهتافات الصحافيين في تغيير الأجهزة الفنية ؟
6. من يقود المريخ ؟ الصحافة الرياضية أم المجلس ؟
7. ما ذنب اللاعبين ومازدا يورطهم بتشكيل غير مناسب ومواقع غير مناسبة ؟
8. منذ متي يلعب الدافي طرف أيسر ؟ ومن هو لاعب الطرف الأيمن أمس ؟
--------
عزيزي .. المشكلة فنية وليست مشكلة لاعبين .. لا أحد يشكك في مستوياتهم ولكنا نشكك في مقدرات الجهاز الفني ! فهو من يحرك اللاعبين وهو من يعالج الأخطاء في التمارين والا لا داعي لوجود مدرب !
ستيفن وورغو أتي المريخ هدافا" لدوري الأبطال ووجد بيئة غير صالحة للأبداع .. تعاقب عليه أربعه مدربين في 8 أشهر (كروجر ، مشكلة ، رادان وأخيرا" مازدا) .. تتغير عليه التشكيلة كل مباراة وفوق هذا وذاك يطالبه الجمهور أن يكون رجلا" خارقا" وبه تنفك عقد الفريق فقط لأنه أتي هدافا" برغم أنه في الأصل لاعب وسط ! الضغط النفسي الذي يعانيه هذا اللاعب فوق الأحتمال يا وليد وأنت لاعب سابق وتدرك هذا المعني !
البيئة الرياضية السودانية غير صالحة لأن تقدم فريقا" للبطولات الا عن طريق الصدفة ! القوانين الرياضية مكبلة وغير واقعية ، الأندية مقيدة بالأفراد وانطباع الأعلام الرياضي ، لا تخطيط و تعصب أعمي !
سفاري في يوم من الأيام عرض عليه الهلال مبالغا" فوق الوصف للتوقيع لهم وهاهم الآن وجدوا الفرصة لتحطيمه نفسيا" ، أكرم الهادي صفقنا له جميعا" يوم أن أهدانا الدوري وكأس السودان في أول موسم له مع الفريق ، عمر بخيت وصفوه بالتواطؤ لمجرد ارجاعه لتمريرة قصيرة أحرز منها ايداهور هدف الفوز ، مهند الطاهر وصفوه بالخائن يوم أن أخفق أمام المريخ .. القضية هلال مريخ وحرب عصبية أزلية أبدية فلا تنجر وتنساق وراء غضبك لمجرد هزائم كرة قدم وتصف لاعبينا بما ليس فيهم ..
الأهلي المصري انهزم في البطولة الأفريقية أمام فريق مغمور بالنسبة له وكذا الحال خرج من الكونفيدرالية أمام فريق آخر مغمور بل وانهزم أمام حرس الحدود في نهائي الكأس وحاز علي الدوري بعد مباراة فاصلة مع الأسماعيلي وذهب الي بطولة ويمبلدون وانهزم فيها بالأربعات والخمسات ولم يحدث أن رأينا ردود أفعال كالتي عندنا بسبب واحد .. أنهم يتعاملون مع كرة القدم بفكر وليس أرتجال !
لاعبنا يلعب ضد منافس وضد ضغط عصبي ونفسي وأعلامي وضد تحكيم ظالم وأيضا" ضد مدربه الذي لا يعرف كيف يستخدم قدراته فتراه يستخدم دائما" سلاح الحلول الفردية كما يفعل الدافي و وارغو !
المريخ حتي الآن لم يجد جهاز فني يطوع المقدرات الفردية الهائلة عند اللاعبين لمصلحة اللعب الجماعي لأنه حتي الآن يغلب علي آداء المريخ اللعب الفردي المظهري غير المجدي فتراه يضعف أمام فرق منظمة جماعيا" فقط ويساند كل لاعب الآخر لتدارك الأخطاء الفردية ! شاهد فريق مازيمبي الآن وتأكد من صحة كلامي
-----------
العلاج يكون بالتحليل لأصل المشكلة وليس بقذف الحجارة والكلمات كما حدث أمس .. ودمت يا عزيزي
|
Post: #57
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:10 AM
Parent: #49
يا المجمر
وجهة نظر برضو
عموما انا كان عندي رائي في انو سفاري بخاف من المباريات الخارجية
|
Post: #51
Title: Re: مازلت اصر ان المريخ افضل من الهلال فنيا ..
Author: عمر الفاروق
Date: 08-16-2009, 10:06 AM
Parent: #46
كابتن وليد:
كللل يوم بتثبت لي إنو إنت فعلاً ما عندك علاقة بي الكورة وبتكتب فيها باندفاع زييي كتابتك عن ناس لبنى ..
عنوان بوستك المريخ افضل من الهلال فنياً !!!!!!
ولحدي اسة انت بتطرطش في كلام اقل ما يقال عنو انو فاااارغ المحتوى والمضمون ..
لحدي اسة ما جبت لينا سيرة فنيا دي قاصد بيها شنو وانت بتنبز في اللاعبين وعايز تقنع روحك انو القصة خناعة ..
وفي النهاية للاسف لخصت كلللل الموضوع في الهلال على ضربة جزاء!!!!!
جيب كراسك وتعال اتربع يا فالح عشان شكلك نسيت الدرس الفات..
فنياً دي الهلال ما جا فيهو ولا قووون بعد ده تقول لي قضاء وقدر تقول حماس والله ماااا شغلتي انا بعرف فنيا كده ..
فنيا دي الهلال جايب 3 اقوان بعد ده تقول لي بلينتي تقول لي فاول تقول لي من جدعة ما شريعتي..
فنيا دي انا بعرف انو اي حداشر بيخشو يلعبو بعد ده تقول لي منير امبدة تقول لي التعاون تقول لي سادومبا تقول لي امبيلي والله ما شريعتي..
فنيا دي انو العب 3 كورة اجيب سبعة بونت من 9 بونت واكون الأول على راس المجموعتين ولحدي نهاية الجولة الاولى ماف فريق في المجموعتين واصلني يا وهم ..
فنيا دي لمن يغيب سيف مساوي ويلعب علاء الدين وعااادي ..
فنيا دي لمن فريقك يتسقبل 6 اهداف ويجيب هدفين ويبقا عليهو ماينس اربعة اقوان يا فارة ..
فنيا دي يا وليد خلتك عاينت لي الفريق كللللللللو ف يلاعب واحد بس اسمو الدافي سجلتو قبل اسبوعين بس !!!!!
تعال وريني يا ابو فنيات وانت ماسك لي في فرمالتك حقت الناس القدادين بتاعين انا مارست السياسة وانا صغير ..
اسة عليك الله انت فرقك من محمد عادل شنو ؟؟؟؟
شابكنا لعبت في المريخ وانا عمري 16 سنة وعشرة شهو ويومين و طلطاشر ثانية ..والمحصلة بيييق زيرو !!!!!
كلامك كلام ونسة ساي يا وليد ما شوفناك اصلو لعبت كورة رسمية مع المريخ وزول بيقول كان احتياطي لي بريمة مفروض يكون لعب ليهو كورة كورتين ف يالدوري لكن شغل الاشبال داك ما تجي تحسبو لي تعل قول لي انا لعبت كورة المريخ والعباسية في الدوري الأولى لكن ما تقول لي قعدت احتياطي !!!!
تعال اسة اسة وريني منو من لاعبين المريخ امبارح كان كويس عشان تقول لي فنيا دي واوووعك تقول الدافي ده ما حاسبنو عشان لاعب وااااحد وجا ليهو اسبوعين تعال فنيا اتكلم عن الباقين ال عشرة !!!
وليد عليك الله قاصد شنو بي فنيا دي لانو بالجد احترت معاك ..
|
Post: #54
Title: Re: مازلت اصر ان المريخ افضل من الهلال فنيا ..
Author: humida
Date: 08-16-2009, 11:00 AM
Parent: #51
| Quote: وليد عليك الله قاصد شنو بي فنيا دي لانو بالجد احترت معاك |
يكون قاصد الملاكمة الفي المدرجات ..
و الله في واحد دقوه دق العيش ..!
|
Post: #56
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:05 AM
Parent: #54
لالا قاصد البلنتي الفي الجعبة
|
Post: #55
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:03 AM
Parent: #51
عمر عليك الله خليك في شروق احسن ليك
نحن بنتكلم عن فرق كبيره
موش فرق بتلعب في درة اسطوانه
| Quote: فنياً دي الهلال ما جا فيهو ولا قووون بعد ده تقول لي قضاء وقدر تقول حماس والله ماااا شغلتي انا بعرف فنيا كده .. |
عشان اوريك انك جاهل وما بتعرف كورة وبتاع دوافير ساكت
الهلال الما جابو فيه قون ده
لعب 3 كور في المجموعات
الدفاع لعب فيه منو في التلاته كور دي ؟
| Quote: فنيا دي الهلال جايب 3 اقوان بعد ده تقول لي بلينتي تقول لي فاول تقول لي من جدعة ما شريعتي.. |
الهلال جاب 3 اقوان جابهم كيف وجابهم منو ؟
| Quote: فنيا دي انا بعرف انو اي حداشر بيخشو يلعبو بعد ده تقول لي منير امبدة تقول لي التعاون تقول لي سادومبا تقول لي امبيلي والله ما شريعتي.. |
انا موش قلت ليك اخير تخليك في شروق ابو الناس
| Quote: تعال وريني يا ابو فنيات وانت ماسك لي في فرمالتك حقت الناس القدادين بتاعين انا مارست السياسة وانا صغير .. |
ما مارستها صغير وده الحاصل
انت زعلان مالك ؟!
والله جنس حقد
انا الخليت ليك كورتك حبه ؟
كان عجبك كان غلبك كان تطرشق
مارستها صغير وبفهم فيها احسن منك
| Quote: شابكنا لعبت في المريخ وانا عمري 16 سنة وعشرة شهو ويومين و طلطاشر ثانية ..والمحصلة بيييق زيرو !!!!! |
اللهم لا حساده
يعني انت يا عمر زعلان عشان انا كنت بعرف كورة وانت لا ؟
ياخ خلاس انت كنت زول لعاب
| Quote: كلامك كلام ونسة ساي يا وليد ما شوفناك اصلو لعبت كورة رسمية مع المريخ وزول بيقول كان احتياطي لي بريمة مفروض يكون لعب ليهو كورة كورتين ف يالدوري لكن شغل الاشبال داك ما تجي تحسبو لي تعل قول لي انا لعبت كورة المريخ والعباسية في الدوري الأولى لكن ما تقول لي قعدت احتياطي !!!! |
لعبت المريخ والخرطوم 3
لعبت المريخ والنيل
لعبت المريخ والاملاك
اها شن ليك يا حاقد
| Quote: لكن شغل الاشبال داك |
شغل الاشبال ده ما حفيت وراه وغلبك عشان كورتك حبك
فياخ ما تسقط فشلك فيني
| Quote: تعال اسة اسة وريني منو من لاعبين المريخ امبارح كان كويس عشان تقول لي فنيا دي واوووعك تقول الدافي ده ما حاسبنو عشان لاعب وااااحد وجا ليهو اسبوعين تعال فنيا اتكلم عن الباقين ال عشرة !!! |
شوفت جهلك
انت وكت ما بتحسب الدافي الليه اسبوعين
الدافي ده لاعب اكتر من منير امبده الذاكره لي فوق
اكتر من حموده الجابوه بالصدفة
اكتر من خليفة اللعب ليه كورتين
عليك اللها يا عمر انت م مؤهل تتكلم عن كورة .. خليك في اسطوانة وشروق ابو الناس
فنيا دي انت ما بتفهما
انت قايلها موسيقى
|
Post: #53
Title: Re: مازلت اصر ان المريخ افضل من الهلال فنيا ..
Author: طارق عبد اللطيف نقد
Date: 08-16-2009, 10:54 AM
Parent: #46
وليد يا شفت
الجاتنا في مريخنا سامحتنا
شوف باختصار علة المريخ في الاتي
1-التهاون الاداري ودلال النجوم مماجعلهم يلعبون باطراف اصابعهم0
2-مدرب الفريق للاسف المريخ بعد اوتوفستر بدل ما يمشي للاحسن تدهور فاتى بكروجر
وتمت اقالته واتو بردان الذي طلع ماسورة ذي وارغوثم اقيل وجاءوا بمازداالذي تسبب في السبعة الشهيرة وتسبب في اقالة كروجر000مازدا ما بنفع مع المريخ000المريخ عاوزر مدرب حازم ومنضبط وصاحب سيرة ذاتية وبطولات0
3-حراسة المرمى وهي اكبر معضله في المريخ وكيف تحل الله اعلم كل حارس اسواء من الاخر وبي كورة امبارح دي مفروض اكرم ده يتشطب لا كورة لا اخلاق لا فكر كروي0
4-عمق الدفاع ريتشارد ودامر تقال وسفاري مستواه في النازل في الموجودين ديل احسن حاجه المريخ يلعب بي الباشا قشاش وسفاري ودامر مساكين وممكن الشغي والسعودي برضويلعبوا مساكين والزومه وبله اطراف0 وديل الاثنين عندهم مشكلة كبيره في الفهم الكروي والكروت وقلق في الطرف اليمين افضل من بله0
5-الارتكاز احسن من يلعب في الارتكاز لاسانا ورتشاردلانهم بلعبوا باص صاح ودي اهم حاجه في لاعب ارتكاز0
6-صناعة اللعب الدافي مافي غيرو ووارغو ده يديها صنه شوية في كنبة الاحتياطي ووجود العجب كمان مهم0
7-الهجوم ما فيهو مشكلة ايداهور كلتشي طمبل السعودي0
علة المريخ الحقيقية في الحراسة والدفاع0
|
Post: #59
Title: Re: مازلت اصر ان المريخ افضل من الهلال فنيا ..
Author: محمد عبد الماجد الصايم
Date: 08-16-2009, 11:21 AM
Parent: #53
| Quote: الذي طلع ماسورة ذي وارغو |
يا شفت!
ما معقول أجانب الفريق يلعبو بغيرة على الشعار أكتر من أبناء النادي؟
بعدين أكرم الهادي عمل شنو جديد
ما ياها كورتو الحبة وحاجتو التانية دي؟
|
Post: #64
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:45 AM
Parent: #59
| Quote: ما معقول أجانب الفريق يلعبو بغيرة على الشعار أكتر من أبناء النادي؟ |
تقول شنو يا ود الصايم !
بالنسبة لي اكرم
كان عندي بوست فيه تقييم لللاعبين الهلال والمريخ
مدي فيه اكرم الهادي 4.5 من عشرة
يعني مسقطو عديل كده
ودي معز 8 من عشرة
لو متذكر صاح
|
Post: #61
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:31 AM
Parent: #53
يا نقد انت شخصت لموضوع صاح
مختلف معاك في رتشارد فقط بالنسبة للارتكاز
الباقي كله متفق معاك فيه
خصوصا موضوع الباشا قشاشا
وسفاري ودامر مساكين
|
Post: #67
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 11:57 AM
Parent: #62
يا عمر عثمان الله يدي الصبر
|
Post: #65
Title: Re: مازلت اصر ان المريخ افضل من الهلال فنيا ..
Author: عبدالكريم أحمد الامين
Date: 08-16-2009, 11:52 AM
Parent: #61
** ود محمد المبارك
** صباحك خير..
** وهاردلك .. المريخ لم يكن فى يوم سعده بوجود المازدا الفاسده التى تتفاءل دائماً بالرقم 3 ولربما كان هذا الرقم إشتقاقاً من الماركه والموديل 303 ..
** أتفق معك أن اللاعبين لم يلعبوا بمسؤوليه وحماس للشعار ماعدا الدافى..
** ألا تتفق معى وأنت من لعب فى هذا الفريق العظيم ,, أن فريقى القمه فى حوجه ماسه قبل المدرب الاجنبى او الوطنى الذى يفهم فى علم التدريب الى طبيبب نفسى وأخصائى إجتماعى لتهئية اللاعبين قبل المباريات ,, (هذا ماتفعله كل الدول التى تعرف ماهية كرة القدم ) والتى اصبحت صناعه وعلم..
## سؤال لم أجد له أجابه :- لماذا يُعادى مازدا عبدالحميد السعودى ؟؟ من وجهة نظرى كلاعب كرة سابق أن السعودى بحماسه وتحركه الصحيح وفى وجود الدافى كان سيحقق الفارق الذى أفتقده المريخ بالامس.
## حارس المريخ محمد كمال من وجهة نظرى كحال عبدالحميد السعودى لم يجد فرصته وهو أفضل من الحارسين الحاليين.. (هل أنا مُصيب أم مُخطئ فى ذلك)
## الشكر لك على أخلاقك الرياضيه العاليه وعلى تحليلك ,, وإذا أراد المريخ أن يتمسك ببصيص الامل فعليه التخارج من المازدا ,, فلقد أثبت فشله فى كل فريق دربه..
(ودام الود بيننا)
(ابو محمد فؤاد - دبى)
|
Post: #72
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:29 PM
Parent: #65
عبد الكريم
سلامات ياخ
فعلا المريخ والهلال والفريق القومي محتاجين لمدربين اجانب على مستوى عالي جدا
وفعلا كرة القدم اصبحت علم
ويمكن ده المخليهم ماسكين في مازدا
لانو مازدا لول على الشهادات من اكفاء المدربين الافارقة
لكنه قاعد يشلف مرات في الميدان
| Quote: سؤال لم أجد له أجابه :- لماذا يُعادى مازدا عبدالحميد السعودى ؟؟ من وجهة نظرى كلاعب كرة سابق أن السعودى بحماسه وتحركه الصحيح وفى وجود الدافى كان سيحقق الفارق الذى أفتقده المريخ بالامس. |
السؤال ده ما عندي ليه اجابة
لانه شايف حتى المدربين الاجانب التانين
ما كانوا بلعبوا السعودي
احتمال يكون في التمارين ما بادي جادي .. مما يدفع المدرب لعدم الاعتماد عليه
غايتو ما عندي سبب مقنع
| Quote: حارس المريخ محمد كمال من وجهة نظرى كحال عبدالحميد السعودى لم يجد فرصته وهو أفضل من الحارسين الحاليين.. (هل أنا مُصيب أم مُخطئ فى ذلك) |
ما مطئ
محمد كمال( نظريا) مفروض يكون افضل حراس المريخ والسودان
قوامه قوام حارس
طوله مناسب وجسمه خفيف ومرن
لكن ثقته في نفسه ضعيفة
تسلم يا ابو فؤاد
|
Post: #66
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-16-2009, 11:53 AM
Parent: #61
كما قالد ود الصايم
| Quote: ما معقول أجانب الفريق يلعبو بغيرة على الشعار أكتر من أبناء النادي؟ |
ياوليد يابركة
ياخي انت ود امدرمان
وفعلا صدقت المقوله التي تقول الكرة ناس الخرطوم ينظموها وناس بحري يلعبوها وناس امدرمان يتفرجوها
واكيد بتكون دخلت الدار زمان وزي مابتقول والله لو ماراجل ما بتقدر تدخل الحوش ده
ياوليد انا ما عايز احسب كل اولاد امدرمان سابقا ولا باقي اللاعبين وانا بحراوي
ولكن ياوليد لاتخدعوا انفسكم لاخير في هذا ولا ذاك
يعني بالمختصر لو انسان بعرف كورة مايحدث حاليا بملاعبنا ليس له علاقة بكرة القدم .
يعني شنو لو المريخ افضل من الهلال فنيا او العكس .
حبيبي ويلي
حقوا الناس تقعد وتشوف الحل شنو لنهاية مهزلتنا الكروية ياخي حتى لو فرقنا منتصره تشوفهم داخل الملعب وكأنهم مهزومين بعشرة .
ياوليد الان اخرج هيثم مصطفى والعجب والباقي انسى .
الكرة خيال خيال ياوليد خيال
من طرائف الدار زمان
مره المدرب سليمان فارس ( السد العالي ) عندما الحكم اخرج لاعب بكرت احمر من الفريق الخصم فهو فعل نفس الشي وسحب لاعب من فريقة( الزهرة ) في نفس الوقت ودي سجلها في ارشيفك وكان فيها حكمة كروية
الكلام كتير معاك ياباشا
بوست موفق ياويلي
سلام سلام
|
Post: #70
Title: Re: مازلت اصر ان المريخ افضل من الهلال فنيا ..
Author: omer osman
Date: 08-16-2009, 12:12 PM
Parent: #66
Quote: ## سؤال لم أجد له أجابه :- لماذا يُعادى مازدا عبدالحميد السعودى ؟؟ من وجهة نظرى كلاعب كرة سابق أن السعودى بحماسه وتحركه الصحيح وفى وجود الدافى كان سيحقق الفارق الذى أفتقده المريخ بالامس.
|
الزول ده بقول كلام زي الفل ....... تعرف ياابو محمد السعودي ده مظلوم ظلم الحسن والحسين وانا شخصيا فتحات 3 بوستات في المنبر
ده بتكلم عن السعودي .. انت لاعب كورة والاخوان وليد عبداللطيف وليد المبارك برضوا لعيبة كورة ويمكن بتعرفوا احسن مننا المارسنا
الكورة على سبيل الهواية لكن اتفرجنا في الكورة لمن قامت لينا شبكة في عيونا ...... الزول اللعاب ده انا لو لقيتو لابس بنطلون
وقميص في شارع الجمهورية بعرفوا وعبدالحميد السعودي من النوع ده ، لكن يجيك منظراتية الكورة ويقولوا ليك المهاجم داك كويس
لانو بمسك المدافعين وبسك الكورة وبرجع يشيل لمن طيب المهاجم يخلو شغلته في احراز الاقوان البجيب القون منو ؟؟؟؟؟؟؟؟؟؟؟
اها جيب البقون ده البعرفوا عبدالحميد السعودي
|
Post: #71
Title: Re: مازلت اصر ان المريخ افضل من الهلال فنيا ..
Author: عمر الفاروق
Date: 08-16-2009, 12:23 PM
Parent: #66
كابتن وليد :
كويس جداً إنو ااات ليييست اديتني حاجة اركز عليها ..
فعلاً يا عمك انا كورتي حبببة وحببببة شديد لكن والله ما تشوفني كده احسن زول بيتفرج كورة وماااافيكم اييييي زول مالي عيني في الحتة دي منننن باكمباور هناااك لحددددددددي الجنيد بتاع الطبلة حقكم ..
ولحدي اسة انت ما قادر تتكلم عن فنيا دي لانك قشرت بيها وللان بتفتش في مخرج ولا حنك ترتب بيهو اوضاعك عشان تدخل كلمة فنيا في جملة مفيدة ..
عفيتك يا وليد زي كل مرة لانك بديت تنطط ..
بس شكراً لي معلومة انك لعبت دوري ومباريات رسمية كده بقدر اعتمدك لاعب في المريخ بس لسة مصر هل تم تصعيدك ضمن الكشف ولا كنت من الستة البستعينو بيهم ولا هم كم ديلك ؟؟
|
Post: #73
Title: Re: مازلت اصر ان المريخ افضل من الهلال فنيا ..
Author: عمر الفاروق
Date: 08-16-2009, 12:36 PM
Parent: #71
| Quote: سؤال لم أجد له أجابه :- لماذا يُعادى مازدا عبدالحميد السعودى ؟؟ |
أقووووووووووووول يا جانبو ؟؟؟
الشلغانة كده بتجيب ليها جلد ..
|
Post: #77
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:45 PM
Parent: #73
| Quote: بس شكراً لي معلومة انك لعبت دوري ومباريات رسمية كده بقدر اعتمدك لاعب في المريخ بس لسة مصر هل تم تصعيدك ضمن الكشف ولا كنت من الستة البستعينو بيهم ولا هم كم ديلك ؟؟ |
ابدا ما تم تصعيدي
وكنت الخمسة - ما السته- البستعينوا بيهم ديك من 91 -لحدي 94
95 سنة كاملة ما مشيت لا كورة ولا تمرين ولا جيت جم استاد المريخ زاتو
اها شن ليك
موت بغيظك
|
Post: #75
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:41 PM
Parent: #71
Quote: ولحدي اسة انت ما قادر تتكلم عن فنيا دي لانك قشرت بيها وللان بتفتش في مخرج ولا حنك ترتب بيهو اوضاعك عشان تدخل كلمة فنيا في جملة مفيدة ..
عفيتك يا وليد زي كل مرة لانك بديت تنطط .. |
هسع انا البديت انطط ولا انت
انت جايب سيرة لعبي في المريخ وصغير وكبير مالك وكد ما مهم بالنسبة لي تقيم الكورة عندك
انا سالتك منو ؟
قلت ليك قيمني ولا قلت ليك ده كريدت في تقيمي للكورة ؟
ما سيرة كورتي ولعبي في المريخ جات ردا على زول فرحان فوق ؟
اتغالطنا في اون لاين
قالي بالحرف | Quote: معليش أخي وليد لعبت كورة وكان ممكن ألعب في المريخ ولكن !!!!!!! |
انا رديت ليه وقلت ليه
معليش انا لعبت في المريخ زاتو
تاني رد لي وقال لي
Quote: ولم أسمع بوليد محمد المبارك في المريخ ...
على العموم الأشبال اللعبو فيها بالكوم يا غالي ... |
انا رديت ليه
Quote: ابدا
اللعبوا اشبال المريخ معدودين باصابع اليد
لكن
القالوا انهم مفروض يلعبوا في المريخ بالاكوام يا حبيب
اي زول بحلم بالليل يصحى الصباح يتصور حلمه ده حقيقي
وانا كنت وانا مفروض ...
المهم
الاشبال البي الكوم ديل
ما فيهم واحد لبس احتياطي لحامد بريمة في نهائي كاس السودان
وعمر 17 سنة الا 3 شهور ، ما فيهم واحد لعب فريق قومي عمره 16 سنة
Quote: وأرجع لهاجز دكة الاحتياطي ... ممكن توريني تذبذب مستوى راؤول جوالنزاليس في ريال مدريد أيام النجوم زيدان ورونالدو وبيكهام وأوين ...
نفس الاسباب الخلت رونالدينو كورتو تتذبذب
ويفالدو كورتو تتذبذب وتنتهي بسرعة |
انت جيت ناطي واستلمت الموضوع
تخرموا من المواضيع
وكت يخرموا معاكم
تقعدوا تخرخروا
|
Post: #82
Title: Re: مازلت اصر ان المريخ افضل من الهلال فنيا ..
Author: أحمد ابراهيم عثمان
Date: 08-16-2009, 12:57 PM
Parent: #75
امير دامر... ريتشارد..... سفاري
ده مش دفاع زمان دااااااك بتاع الفريق القومي!!!!
بله جابر... موسي الزومة... الشغيل
(ما لاقي ليهم حاجة تربطهم بكرة القدم اصلا)
و الغريبة مدرب يشمي و مدرب يجي
مــــا تظلمو هجوم المريخ سااااااااااكت
نعم يهدرون الاهداف لكنهم يسجلون....
و الدليل تمكن المريخ من احراز 3 اهداف زيو و زي الهلال في المجموعات دي و كمان واحد منها خارج ارضو وواحد نقضو الحكم(ليه م عارف)
اما صناعة اللعب في المريخ فهي الافضل بلا منازع و الديل الاهداف المهدرة بالجملة في جميع مباريات المريخ في الفترة الاخيرة
المشكلة في الدفاع و الارتكاز
|
Post: #83
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 01:01 PM
Parent: #82
مرحب احمد ابراهيم
| Quote: المشكلة في الدفاع و الارتكاز |
وحراسة المرمى اولا
|
Post: #85
Title: Re: مازلت اصر ان المريخ افضل من الهلال فنيا ..
Author: أحمد ابراهيم عثمان
Date: 08-16-2009, 01:10 PM
Parent: #83
Quote: ãÑÍÈ ÇÍãÏ ÇÈÑÇåíã
| Quote: ÇáãÔßáÉ Ýí ÇáÏÝÇÚ æ ÇáÇÑÊßÇÒ |
æÍÑÇÓÉ ÇáãÑãì ÇæáÇ |
صح لا كورة ولا اخلاق
وجودو في كشف المريخ جرية في حق الجمهور
|
Post: #80
Title: Re: مازلت اصر ان المريخ افضل من الهلال فنيا ..
Author: كمال عباس
Date: 08-16-2009, 12:54 PM
Parent: #71
سلام وليد
الهجوم الاقوي هو الذي يحرز في المباريات الأصعب!! والهجوم الافضل محصلته
أهداف!!
الهجوم لايختزل في (إمبيلي /كاريكا) و( إيداهور كلتشي)
وأنما يشمل حتي قلبي الدفاع في حال الضربات الثابتة والكورنات والتقدم!!
ويشمل الاطراف وصناع اللعب ولوسط المتقدم..الهجوم هو الضغط علي الخصم وإجباره علي التراجع وإستثمار الفرص!! والهجوم أيضا خطة وعقلية وحالة نفسية!! ...الفريق الجيد يبدأ من الحراسة والدفاع الصلب والتنظيم والأنضباط
واللاعب القائد في الميدان وليس فقط زحمة نجوم وصنبور متدفق من المال
وصحيفة تنفخ وتضخم في الفريق وتستهين بخصومه وصحفي ولج دهاليز الادارة
وصاريسجل ويشطب ويسير الادارة ويخدع الجماهير ويصرف الفريق عن معالجة
السلبيات بالادعاء أن ليس في الأمكان أحسن مما كان!!
ووارغونا أفضل من ماردونا!!
كمال
|
Post: #81
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:56 PM
Parent: #80
Quote: سلام وليد
الهجوم الاقوي هو الذي يحرز في المباريات الأصعب!! والهجوم الافضل محصلته
أهداف!!
الهجوم لايختزل في (إمبيلي /كاريكا) و( إيداهور كلتشي)
وأنما يشمل حتي قلبي الدفاع في حال الضربات الثابتة والكورنات والتقدم!!
ويشمل الاطراف وصناع اللعب ولوسط المتقدم..الهجوم هو الضغط علي الخصم وإجباره علي التراجع وإستثمار الفرص!! والهجوم أيضا خطة وعقلية وحالة نفسية!! ...الفريق الجيد يبدأ من الحراسة والدفاع الصلب والتنظيم والأنضباط
واللاعب القائد في الميدان وليس فقط زحمة نجوم وصنبور متدفق من المال
وصحيفة تنفخ وتضخم في الفريق وتستهين بخصومه وصحفي ولج دهاليز الادارة
وصاريسجل ويشطب ويسير الادارة ويخدع الجماهير ويصرف الفريق عن معالجة
السلبيات بالادعاء أن ليس في الأمكان أحسن مما كان!!
ووارغونا أفضل من ماردونا!!
كمال |
مرحب كمال
ده كلام خارم بارم
يعني حنك بتاع سياسة
|
Post: #76
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-16-2009, 12:45 PM
Parent: #66
ياشفت ذي ماقال عمر انت بتكتب كلام ساكت كلام ونسة وكلام خارم بارم ليس له علاقة بكورة القدم
* اصلا الكورة لو كانت قوة ومدافرة كان مشينا جبنا لينا 11 عتالي وقلنا ليهم تعالو العبو كورة
* الذيك ده كتير مابعرف ولا بفهم في الكورة وعامل فيها مدرب وبتكلم عن الفنيات .
بدل حارس مرمي احتياطي وكمان بتتباها انك كنت احتياطي كان احسن ليك تدخل كورس بتاع تدريب
عشان تعرف الفنيات في كورة القدم شنو ., اي واحد لعب كورة عن طريق الصدفة ومااكثر الناس
اللعبو صدف في السودان في هلال مريخ الواحد يجي يعمل لينافيها محلل رياضي وهو كوعو من بوعو
مابعرف لو ده تشجيعنا وده فهمنا في الكورة الرماد كال حماد ,,,,كرهتونا الكورة وام الكورة
ذاتها,,,,, قوم لف بلا شفت بلا لمة
|
Post: #78
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:47 PM
Parent: #76
بدر الدين يعقوب
بلا يخمك انت واي صعلوق حايم في المنبر
|
Post: #79
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 12:52 PM
Parent: #66
مرحب وليد عبد اللطيف
يا حليل الدار يا ابو اللول
مصنع الرجال وعرين الابطال
وكت كانت الكورة تنعس بالضريسا
يا حليلها
|
Post: #84
Title: Re: مازلت اصر ان المريخ افضل من الهلال فنيا ..
Author: Hani Arabi Mohamed
Date: 08-16-2009, 01:08 PM
Parent: #79
|
Post: #87
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 01:12 PM
Parent: #84
مرحب يا هاني عربي
ظريفة لكن قديمة
دي ما حقت المريخ
دي حقت الفريق القومي
|
Post: #86
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 01:11 PM
Parent: #79
Quote: اي واحد لعب كورة عن طريق الصدفة ومااكثر الناس
اللعبو صدف في السودان في هلال مريخ الواحد يجي يعمل لينافيها محلل رياضي وهو كوعو من بوعو
مابعرف لو ده تشجيعنا وده فهمنا في الكورة الرماد كال حماد |
والله الحاقدين كتار خلاس
طيب وكت اللعبو صدفه ما عندهم حق يقيموا
نفسهم من كلامك انك منقطها وما لعبتها صدفة عشان كده قادر تقيم
غايتو المنبر ده فيه جنس فرح
|
Post: #88
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 01:17 PM
Parent: #86
انا مارق من الشغل
وبخش بكره
العاوز يكتب بادب يكتب العاوز يقل ادبو
منعول ابو ام حلتو من هسع
لحدي ما اجيه بكره واقولها ليه في وشو
|
Post: #90
Title: Re: مازلت اصر ان المريخ افضل من الهلال فنيا ..
Author: كمال عباس
Date: 08-16-2009, 01:23 PM
Parent: #88
سلام وليد
Quote:
ده كلام خارم بارم
يعني حنك بتاع سياسة |
وليد برضو معذور علي الكلام الفوق دا وهو مابيشبهك !!
عموما لو أخد الكلام دا وديتو لمدرب أو محلل رياضي متخصص لأختلف معك
وستجد أن هذه المقولة سليمة
Quote: الهجوم الاقوي هو الذي يحرز في المباريات الأصعب!! والهجوم الافضل محصلته
أهداف!! |
وين الغلط?
وستجد أن هذا الكلام والذي أقوله كمشجع يقال في محاضرات التدريب
Quote: الهجوم لايختزل في (إمبيلي /كاريكا) و( إيداهور كلتشي)
وأنما يشمل حتي قلبي الدفاع في حال الضربات الثابتة والكورنات والتقدم!!
ويشمل الاطراف وصناع اللعب ولوسط المتقدم..الهجوم هو الضغط علي الخصم وإجباره علي التراجع وإستثمار الفرص!! والهجوم أيضا خطة وعقلية |
........أرجو أن تتعامل معالمادة المكتوبة بإحترام وتفندها بإحترام
فما أسهل أن ياتي محاور مثل بدر الدين يعقوب ويصف ـكلامك بأنه
| Quote: ياشفت ذي ماقال عمر انت بتكتب كلام ساكت كلام ونسة وكلام خارم بارم ليس له علاقة بكورة القدم |
مع أنو كلامك فيه الغث والثمين والايجابي والسلبي
وسلام ياـوليد
|
Post: #101
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 02:59 PM
Parent: #90
معليس يا كيمو
امسحها في وشنا
بس الطيره الغربال الجديد ده مرقنا من طورنا
حرقية تحرق اي زول فرح
الواحد يجيبوه يجي خاشي البوست بنمرة خمسة
ما مصدق دخلوه زاتو
عالم بيض
فرح
|
Post: #89
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-16-2009, 01:20 PM
Parent: #79
Quote: بدر الدين يعقوب
بلا يخمك انت واي صعلوق حايم في المنبر |
ياهو ده فهمك يابتاع الفنيات ,,, خلي روحك رياضية ياشفت يااحتياطي بريمة
* ياشفت هاك دي ... وسط الهلال كان مليان لعيبة كل واحد احرف من الثاني
بقيادة الرشيد استرليني والرشيد المهدية وكوكبة من النجوم ,,,,, في نوعية من الزيك ده مابتعرف في الكورة بدخلو الاستاد بس عشان يتناكفو وياكلو القصب ........ يهتفو ويكوركو ويقولو
( ياكتش النص فاضي )
|
Post: #91
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-16-2009, 01:28 PM
Parent: #89
Quote: انا مارق من الشغل
وبخش بكره
العاوز يكتب بادب يكتب العاوز يقل ادبو
منعول ابو ام حلتو من هسع
لحدي ما اجيه بكره واقولها ليه في وشو |
دي الصعلقة وقلة الادب بزاتها,,, الشفتنا دي اعملها جنب السنما ولا جنب الفرن الانت شغال
فيه ده هنا مامحلها
|
Post: #100
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 02:56 PM
Parent: #91
Quote: دي الصعلقة وقلة الادب بزاتها,,, الشفتنا دي اعملها جنب السنما ولا جنب الفرن الانت شغال
فيه ده هنا مامحلها |
انت شغال في فرن يعني ؟
بتنادي اجيك اتصعلق عليك هناك
ولا كيف ؟
علبه
|
Post: #98
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 02:52 PM
Parent: #89
| Quote: بقيادة الرشيد استرليني والرشيد المهدية وكوكبة من النجوم ,,,,, في نوعية من الزيك ده مابتعرف في الكورة بدخلو الاستاد بس عشان يتناكفو وياكلو القصب ........ يهتفو ويكوركو ويقولو |
رشيد المهدية ده انا فرجة ساكت في الحلة بكون اتعلمت منو كورة
انت نوعك ده .. علاقتو شنو بيها
|
Post: #93
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-16-2009, 01:45 PM
Parent: #79
Quote: بدر الدين يعقوب
بلا يخمك انت واي صعلوق حايم في المنبر |
يا ويلي انت اكبر من كده
وهل اثنين يختلفون في موهبتك سابقا
واذا لم تعرفني انا بعرفك
ومافي داعي للكلام المكتوب فوق ده
ودع اي واحد يقول العندو والكبير كبير يابطل .
عمر عثمان (ياعمك )
تسلم عيونك ياخبير والمثل بقول ( لو مامتنا شقينا الترب ) ومن حقك تتكلم وتقول رايك ونحن شايفنك ومتابعنك وارمي قدام ياحبيب .
وليس كل من لعب كرة يستطيع ان يكون محلل او مدرب وافضل المدربين على مستوى العالم لم يمارسون لعب كرة القدم وفعلا كلامك ياخي ايطاليا لما جابت اسكلاتشي عشان الاهداف فقط وحساسيتة مع الشباك وكلامك مظبوط
والمهاجم اذا لم يحرز الاهداف اخير عدمو .
هاك الشمار ده ياعمر
في مره تم ترشيحي لنادي المريخ وانا كنت هداف الدوري في بحري ولما دخلنا السنتر ليق المباراة الاولى والثانية اخوك كان بصنع في الاهداف الجماعة سألوا مازذا رايك شنو في اللاعب ده قال ليهم وليد ده ماقاعد يجيب اهداف .ها هاها شوف المحن بعداك بقيت هداف السنتر ليق و عمك نايل ايدام يوقف التسجيلات ويريحنا من مازدا وامثاله .
طيب مازدا وقت بيعرف الكلام ده السبب البخليهو يضع عبد الحميد السعودي في الاحتياطي شنو ويتفلسف
بس كمان ياعمر عبد الحميد له عيوب بسيطة واذا تلافاها بالمدرب المرشد ممكن يلعب خارج السودان .
ياعمر صاحبك وليد المبارك ده فنان فنان بس يطول بالوا شوية مع الجمهور .
سلام سلام
|
Post: #94
Title: Re: مازلت اصر ان المريخ افضل من الهلال فنيا ..
Author: omer osman
Date: 08-16-2009, 01:55 PM
Parent: #93
Quote: بس كمان ياعمر عبد الحميد له عيوب بسيطة واذا تلافاها بالمدرب المرشد ممكن يلعب خارج السودان .
|
كلام زول خبرة وبفهم في الكورة ......... زمان انا قلت لمصلحة السودان زي عبدالحميد السعودي ده بوديه للهلال السعودي او
العين الاماراتي او الوحدة او الاهلي المصري وبقول ليهم الزول ده شيلوه بدون قروش بس يتدرب صاح ويتغذي صاح وبعد سنتين
ادونا ليهو ..........
كان في لاعب في العين الاماراتي اسمو (رامي يسلم) نحيف وحريف ومظلوم زي السعودي ده أول ما المدرب الساحر برانو ميتسو استلم
فريق العين خلي الولد ده اساسي في التشكيلة ................... لمن العين شال كأس اسيا في انجاز يعد الاول لفريق اماراتي
|
Post: #95
Title: Re: مازلت اصر ان المريخ افضل من الهلال فنيا ..
Author: كمال عباس
Date: 08-16-2009, 02:07 PM
Parent: #94
وهكذا وبلا تذ ويق يكتب الموضوعي عبد المجيد عبد الرازق واضعا النقاط
فوق الاحرف :
Quote: من جديد أقول بكل شفافية من حق جمهور المريخ أن نعتذر له بعد أن خدعناه بأن موسم 2009 هو موسم المريخ، وأن لقب دوري ابطال افريقيا ستوشح باللون الأحمر كما توشح من قبله كأس مانديلا وان النجوم الذين انضموا للقائمة هم الأفضل في أفريقيا وطالبنا الجمهور أن يحلم كما يشاء، فقد وجد المريخ الكوكبة التي تستطيع تحويل الحلم الى واقع مهما كانت قوة المنافس.
من حق جمهور المريخ الوفي ان نعتذر له لاننا تخيلنا ان اكرم الهادي هو بريمة وان دامر هو كمال عبد الغني وان سفاري هو ابراهيم عطا وان موسى الزومة افضل من عاطف القوز وان بلة جابر لا يقارن بعبد السلام حميدة وان الباشا والشغيل وقلق وراجي يتفوقون على عادل امين وجمال ابوعنجة وابراهومة المسعودية وان جميع المحترفين الاجانب اكثر غيرة وامكانيات من سامي عزالدين وسانتو رفاعة والدحيش وباكمبا ودحدوح وسكسك.نعتذر لاننا خدعنا مثل الجمهور بعد أن اكتشفنا اننا كنا نتعامل مع نجوم من ورق يلعبون بلا روح وبلا ولاء للمريخ الذي أعطاهم كل شئ وحقق لهم ما لم يحلموا به وهم يمتطون آخر موديلات السيارات ويقيمون إقامة دائمة في افخم الفنادق ويتقاضون حوافز بالدولار واليورو |
!
كمال
|
Post: #104
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 03:08 PM
Parent: #95
مرحب كمال عباس
| Quote: يلعبون بلا روح وبلا ولاء للمريخ الذي |
ما ده الكلام البنقول فيه من قبيل
|
Post: #96
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-16-2009, 02:12 PM
Parent: #94
زمان انا قلت لمصلحة السودان زي عبدالحميد السعودي ده بوديه للهلال السعودي او
العين الاماراتي او الوحدة او الاهلي المصري وبقول ليهم الزول ده شيلوه بدون قروش بس يتدرب صاح ويتغذي صاح وبعد سنتين
يامعلم كلام في محلو اذا شفت الدوري السعودي وحسب ترتيبة في العالم وليس قارة اسيافقط تجد عبد الحميد وسعيد وناجي الذي يلعب في قطر ويحمل الجنسية القطرية ازهلوا السعوديين بمستواهم. واديك سر بس ماتكلم زول لم ينجح عبد الحميدالسعودي وسعيد السعودي في الكرة السودانية نسبة للكرة البطيئة .
بدر الدين يعقوب
ياخي ياراقي براحة علينا وانت رياضي مافي داعي للمهاترات ياطيب وبنفس القدر لاخونا وليد المبارك
طبعاانت ذكرت اثنين من اعظم لاعبي الهلال وهم الرشيد استرليني والرشيد المهدية
ويوم الثلاثاء بملعب النجوم الدوليين ديم الخرطوم امشي شوف الرشيد استرليني والله زي النحلة للان وفي مره ضحك وقال انا سجلوني بتاعين الاورنيش في الهلال وشطبوني بتاعين الاورنيش بالله شوف ياخي حليل الكورة .
سلام سلام
|
Post: #97
Title: Re: مازلت اصر ان المريخ افضل من الهلال فنيا ..
Author: كمال عباس
Date: 08-16-2009, 02:32 PM
Parent: #96
كتب الاستاذ عبده قابل عن لعيبة الهلال:
Quote: رغم غياب عناصر اساسية الهلال قدم ما هو مطلوب:
* مدرب الهلال البرازيلي كامبوس يحسب له انه استطاع وفي خلال فترة قصيرة ان يبني فريقا متكاملا وذلك بمنحه فرص اللعب لكل اللاعبين وهذا ما ادي لان يكون كل اللاعبين مستعدون وجاهزون لدفع ضريبة الهلال وهذا ما تمخض عنه ان الهلال اليوم اصبح كل لاعبيه اساسيون من منطلق المستوي المتقارب الذي ظلوا يؤدون به المباريات وهذه محمدة تسجل لهذا المدرب الذي استطاع ان يهييء لاعبين ليتحملوا المسئولية في الوقت الذي كان الكثيرون يعتقدون ان اولئك اللاعبين يحتاجون لفترة طويلة حتي يكونوا جديرون بتمثيل الفريق.
* اذا نظرنا لفريق الهلال نجد ان هناك لاعبون احتياطيون مستواهم لا يقل عن الاساسيين وهذا ينطبق علي المدافعين ولاعبي الوسط وبصورة اقل في الهجوم وكانت حراسة المرمي هي الوظيفة الوحيدة التي تشكل هاجسا ومخاوفا بحكم ان المعز محجوب هو الحارس الوحيد الذي يمكن ان نضع فيه الثقة في البطولات القوية سواء محلية او خارجية.
وقفات قصيرة:
* حقيقة اشفقنا كثيرا علي الهلال في شوط المباراة الاول الذي جاء فيه الاداء دون المستوي المطلوب.
* الحشود الجماهيرية الغفيرة التي امتلا بها استاد الهلال كان يمكن من خلال تشجيعها القوي ان تبعث تلك الحمية في نفوس لاعبي الفريق ليحسموا المباراة من شوطها الاول الا ان لاعبي الهلال يبدو انهم فضلوا ان يجيء الحسم بعد عشر دقائق من بداية الشوط الثاني.
* لاعبو كانو بيلارز عمدوا ولجاوا لتاخير اللعب في الشوط الاول اما بتصنع الاصابة او تاخير الكرة وهذا ما اثار حفيظة جمهور الهلال الذي استنكر ذلك بالهتاف والصفير المعتاد.
* ما كان يمارسه لاعبو كانو بيلارز في الشوط الاول من تاخير في اللعب فعل بعض لاعبي الهلال نفس الشيء بعد احراز الهدف الاول خاصة من جانب المعز محجوب ليكون الجزاء من نفس العمل!
* امبيلي عند دخوله سبب ازعاجا كبيرا لدفاع كانو بيلارز وعدم مشاركة امبيلي من البداية كانت محل تساؤلات من كل الجماهير.
* حمودة بشير كان النجم الاول في المباراة اذ استطاع ان يظهر بمستوي جيد للغاية رغم ابتعاده الطويل عن اللعب خاصة في البطولات الافريقية.
* حكم المباراة الزيمبابوي ادارته للمباراة اتسمت بالموازنة.
* رغم النقص الكبير الذي كان يعاني منه الهلال في عدد من لاعبيه الاساسيين الا ان اي احد لم يشعر او يحس بان هناك نقصا في صفوفه نسبة لان اغلب اللاعبين قاموا بالواجب المطلوب منهم والمهام الموكولة لهم. |
كمال
|
Post: #99
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-16-2009, 02:52 PM
Parent: #96
Quote: بدر الدين يعقوب
ياخي ياراقي براحة علينا وانت رياضي مافي داعي للمهاترات ياطيب وبنفس القدر لاخونا وليد المبارك
طبعاانت ذكرت اثنين من اعظم لاعبي الهلال وهم الرشيد استرليني والرشيد المهدية
ويوم الثلاثاء بملعب النجوم الدوليين ديم الخرطوم امشي شوف الرشيد استرليني والله زي النحلة للان وفي مره ضحك وقال انا سجلوني بتاعين الاورنيش في الهلال وشطبوني بتاعين الاورنيش بالله شوف ياخي حليل الكورة . |
ياريت لو كنت في الخرطوم كنت مشيت الملعب ,,,,, لست انا من دعاة المهاترة ولا احبها ولا احبذها ولكنني ضد الاستخفاف بالعقول والزج بانفسنا في تخصص لسنا به علاقة لمجرد الحديث وكفا .
سوف استجيب لنداء الا اذا دعة الحاجة للرد ( ولكم مني العتبي جميعا حتي ترضو )
|
Post: #102
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 03:00 PM
Parent: #99
| Quote: ياريت لو كنت في الخرطوم كنت مشيت الملعب ,,,,, لست انا من دعاة المهاترة ولا احبها ولا احبذها ولكنني ضد الاستخفاف بالعقول والزج بانفسنا في تخصص لسنا به علاقة لمجرد الحديث وكفا . |
طيب انت لو عارف كده
الحاشرك هنا شنو ؟
| Quote: سوف استجيب لنداء الا اذا دعة الحاجة للرد ( ولكم مني العتبي جميعا حتي ترضو ) |
قوم لف بلا عتبى بلا وهمة معاك
بلا يخمك تاني
|
Post: #105
Title: Re: مازلت اصر ان المريخ افضل من الهلال فنيا ..
Author: كمال عباس
Date: 08-16-2009, 03:19 PM
Parent: #102
سلام بدر الدين يعقوب
| Quote: ياريت لو كنت في الخرطوم كنت مشيت الملعب ,,,,, لست انا من دعاة المهاترة ولا احبها ولا احبذها ولكنني ضد الاستخفاف بالعقول والزج بانفسنا في تخصص لسنا به علاقة لمجرد الحديث وكفا .سوف استجيب لنداء الا اذا دعة الحاجة للرد ( ولكم مني العتبي جميعا حتي ترضو ) |
تعاملت مع وليد بقسوة وعنف لا داعي له وتعامل وليد معاك بمنطق
رد الفعل والدفاع عن النفس...والموضوع لا يستحق كل هذه الحدة
...وبعدين تخصص بتاع أيه? نحن هنا مجرد مشجعين كورة - يكتب معظمنا
من منطلق الانتماء الرياضي- أنا شخصيا ما محايد في الكورة يعني لو الهلال
هبط درجة تانية برضو حاأ شجعه !! وكلو واحد فينا بكتب الشايفو صاح
وينتقد الشايفو غلط ولكن مافي داعي نغلط علي بعض ...
|
Post: #108
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 03:34 PM
Parent: #105
Quote: نحن هنا مجرد مشجعين كورة - يكتب معظمنا
من منطلق الانتماء الرياضي- |
عليك نور يا كمال
يعني ما كان في داعي للكلام ده كله
الزمان داك تلك ايام مضت بخيرها وبشرها
هنا كلنا مشجعين نكتب راي
قد يصدق وقد يخيب
لكن يجيك جنس البيض ديل يخلونا نغلط مع ناس زوق زيك
خلوني كلامي الكنت عاوز اقولوا ما قلت
المفيد
العزيمة والروح والاصرار اهم من الموهبة والتنظيم احيانا
من 1985 - 1990
فريق الهلال تنظيماوفنيا وموهبة ونجوم كان افضل من المريخ في تلك الفترة
لكن المريخ كان يتفوق عليه بالروح العالية
المريخ جاب اساته كلها في الفترة ديك
والهلال ما جاب اي شي
نفس الشي هسع معكوس
ولو الهلال شد حيلو
ووصل دوري الاربعة بالروح دي
بشيل الكاس
انتهى البيان
|
Post: #103
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 03:06 PM
Parent: #93
Quote: يا ويلي انت اكبر من كده
وهل اثنين يختلفون في موهبتك سابقا
واذا لم تعرفني انا بعرفك
ومافي داعي للكلام المكتوب فوق ده
ودع اي واحد يقول العندو والكبير كبير يابطل . |
معليش يا ابو اللول
في حيوانات في المنبر ده الا يتعاملوا معاهم كده
موهبتي في الكورة ما بحكم عليه زي فصيح المنابر ده
ولو ما في زول جاب سيرة المريخ وعاوز يقشر بيه علينا ما كان جبنا سيرتو
لكن لانو في زول فوق اختلفنا معاه
قال لينا ( كنا حا نلعبها في المريخ )
قلنا لو ده بدي كريدت في ونسة مالو نمرق ورقنا
وهو ورق مشرف موش حنك بورداب زي الوهم الفوق ديل
الكورة لعبنا وكت كنا شفع
وبطلناها وكت حصلنا العشرين عشان نشوف امور اهما منها
شكرا كتير يا زوق
فما تخت في بالك
لكن المنبر ده مليان
مفروض كل زول توزع ليه حسب صنفو
تحياتي
|
Post: #106
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-16-2009, 03:22 PM
Parent: #103
| Quote: لالا قاصد البلنتي الفي الجعبة |
العشوائية والسوقية ظاهرة في ردودك ياشفت ياغير لائق فنيأ
|
Post: #107
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 03:29 PM
Parent: #106
| Quote: العشوائية والسوقية ظاهرة في ردودك ياشفت ياغير لائق فنيأ |
مالك ما ضربت في جعبته
يعني اقولها ليك بالعربية الفصحي ما بتنحرج
خلاص ضربت في اليتو
كده كيف معاك
او اقول ليك ضربت في كفلو
كده كويس
يا جماعة دي عباطة شنو الوقنا فوقها دي
|
Post: #109
Title: Re: مازلت اصر ان المريخ افضل من الهلال فنيا ..
Author: طارق الكوتش
Date: 08-16-2009, 04:14 PM
Parent: #107
| Quote: مازلت اصر ان المريخ افضل من الهلال فنيا .. |
النبى
|
Post: #110
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 04:18 PM
Parent: #109
وحاة فنيلتك
|
Post: #111
Title: Re: مازلت اصر ان المريخ افضل من الهلال فنيا ..
Author: humida
Date: 08-16-2009, 04:28 PM
Parent: #110
|
Post: #112
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-16-2009, 04:32 PM
Parent: #111
غايتو بس شغل نفرات الانقاذ ديك
|
Post: #113
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-16-2009, 09:51 PM
Parent: #112
كابتن وليد
شكلك نمت ياخي تعرف الان بشاهد في تحليل لمباراة المريخ في قناة النيل الازرق والضيوف
انتصار = 9 من عشرة لانها اجتهدت
الساده = صفر
عبد المجيد= 4 درجات
اسماعيل= صفر
الرشيد بدوي = صفر
تعرف ياكابتن لو الكورة كلام مافي واحد بشيل مننا كاس
والله التحليل يُحزن وديل انا بعطبرهم من اسباب تدهور الكرة في السودان وانت عارف تاريخهم كويس
قالوا شنو استحواز والضغط على حامل الكرة
ضربة الجزاء على المريخ = خطا
الهدف المنقوض للمريخ = صحيح
الحكم الطاهر = 10 من عشرة
نرجع نقول ياوليد مشكلتنا في الكورة مشكلة دوله وانا بقول الكلام ده في اي مكان لازم الدوله توقف استلاب ميادين الروابط وانشاء اشبال للفرق حتى ولو عمل مدارس سنيةعشان تتوفر نواه مثل (ياسر ابوورقة واولاد معني وكرار وابراهومة )
بعدين ياوليد الكورة دي ما عايزة لياقة ياخي والله الناس في السودان جعانة وماشى ترجف اسألني انا
تعرف ياوليد نفس الضيوف ديل لو جابوهم لكورة الهلال التي انتصر بها يعملوا ليك منو بطل وفي حين لايوجد بينهم فرق غير ان المريخ مهزوم والهلال منتصر ولكن الاداء نفس الاداء .
ياوليد انت معاي انو المريخ اكبر من مازدا واكبر من ابراهومة
فنان حلتكم صديق الكحلاوي كان بغني زمان .
داك زمن مابحيي من تاني البعيدو
العمر ساقو ومشابو
واللي كان كان وين زمان
سلام سلام
|
Post: #114
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 06:12 AM
Parent: #113
مرحب ابو اللول
حبابك ياخ ما نمت
لكن الشغل كبس
اكيد المريخ اكبر من مازدا وابراهومة
ولو ناس المريخ عاوزين يدربهم مدرب وطني
يرسلوا ابراهومة خالد اي زول تاني
يعمل كورسات بره لكم سنة
الكلام البقى بتقال في الفضائيات ده اصبح كلام مسحوق ومكرر
نفس الكلام في مواقف مختلفة
لا جديد
لانهم ما عندهم جديد
خالص الود
|
Post: #115
Title: Re: مازلت اصر ان المريخ افضل من الهلال فنيا ..
Author: omer osman
Date: 08-18-2009, 06:33 AM
Parent: #114
صباح الخير ياوليد & وليد
| Quote: مدارس سنيةعشان تتوفر نواه مثل (ياسر ابوورقة |
ياسر ابورقة ود حلتنا (نمرة 2) هو واخوه ناجي وده كان ممكن يبقي حامد بريمة لو واصل في الشغلانة دي ، طبعا هم رحلوا بحري
لكن قرينا الابتدائي سوا ولعبنا سوا غايتو انا ماكنت حريف لكن برضوا ما كيشة ، ياسر ابورقة موهبة نادرة ونحن شفع صغار اولاد
الحلة الكبار بسوقوهو يلعب معاهم لمن يكون عندهم كورة مع اولاد حتة تانية ، كثير من اولاد حلتنا كانوا موهوبين وفنانين عديل
كده لكن حكاية الاستمرار في الكورة دي ماكانت من اولوياتهم ، عندنا كان (عبدالله الجامعة) او كما نسميه في الحلة (عبدالله كسلا)
زول فنان شديد هو وانور صنعوا تاريخ فريق امدوم وكلية الهندسة جامعة الخرطوم ، وكان عندنا عبدالعزيز نبقة (لانو رأسو صغير)
انا ما شفت زول بجبد الناس زي جبيد الزول ده في صحن شاي بجبدك ، اولاد النفيدي عندهم واحد اسمو عماد بنفس المهارات + مهارة
لاحدود لها في انو يبيض ليك الكورة ودي متعتو الحقيقية اكتر من انو يجيب قون.
|
Post: #116
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 07:03 AM
Parent: #115
يا جنابو
والله اشبال الهلال في الفترة قبل 87 وكت وقفوا الاشبال ديك
كان فيها ناس لعابين خلاص
ابو ورقة
احمد ابو الجاز
فايز نصر الدين
الدبو
الدبو ده احرف من لعب كورة في السودان حتى الان
لكنو صعلوق كورة شديد
عشان كده ما مشى فيها
|
Post: #117
Title: Re: مازلت اصر ان المريخ افضل من الهلال فنيا ..
Author: عبدالله كع
Date: 08-18-2009, 08:12 AM
Parent: #116
وليد . سلام
| Quote: : مازلت اصر ان المريخ افضل من الهلال فنيا |
يا قريبك .. فنيا دي انا مختلف معاك فيها تماما .. وانسي اصرارك !
اولا يا مان كورتنا في السودان ...........قدر ده ( حبه ) اظن دي ما فيها جدال :
1 - فنيا يا وليد ... هل تعني بفنيا .................... هي فنيات ومهارات اللعيبه ؟
2 - ام فنيا .................. في الحركه والتمركز السليم اثناء المباريات والفهم العالي مع ظروف المبارايات والتنفيذ الخططي الاحترافي ؟
( الاحترافي دي مافي نهائيا )
اذا انت قاصد فنيات اللعيبه .............يلا قارن وخليك منصف !!
واذا بتقصد فنيا نمرة ( 2 ) ............................ النتائج خير برهان وانسي يا حبيبي !
،، كدا خلينا من الفلسفه دي .. الكورة الجايه ..(3) ومتعوده داااااااااااايما ولا عندكم راي ؟ 
|
Post: #118
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 08:24 AM
Parent: #117
| Quote: ،، كدا خلينا من الفلسفه دي .. الكورة الجايه ..(3) ومتعوده داااااااااااايما ولا عندكم راي ؟ |
ايامكم يا كع
عارف يا كع
الهلال عنده اعمده ثابته بتعرف تلعب كورة لو استمرت في مستواها ..
هيثم مصطفى ما مقصر .. لكن خلاص مروتو قلت شديد
عمر بخيت الكروة الفاتت كان افضل لاعبي الهلال .. وانا بفتكر انه غلب الهلال 2 صفر سببو عمر بخيت .. لكن هل يا ترى حا يفضل كده لي قدام
ناسنا هنا بشجعوا يا كع البعرف يجبد والبعرف يجيب قون
لكن زي عمر ده ما بتذكروا
عمر في الكورة الفاتت ذكرني دونقا في البرازيل
المعز محجوب .. يساوي 50% من مجهود الهلال مؤخرا
اها الكرة الفاتت غلب الهلال سببو عمر بخيت والمعز محجوب
هيثم مصطفى كمان مع قلت مروتو شايف شغلو
الهلال جايب ثلاثته اقوان
اتين منهم كورنر
الاتنين ملعوبات من هيثم مصطفى
دمبا مدافع ممتاز لكن لسع ما لاقى البجهجهو
باقي لاعبي الهلال في الكورة الفاتت
لا يعتمد عليه على المدى الطويل
المريخ افضل حالا
لكن فيه عيب كبير جدا
ما عنده حارس مرمى بتاتا
ودفاعه انكشف مؤخرا بسبب هشاشة نفسيات سفاري
الكوتش لو مفتح مع ضعف الدفاع ده
يلعب بي 3 في متوسط الدفاع
العجب رجع وحا ترجع للمريخ الروح
العجب زي هيثم بالنسبة للهلال
هجوم المريخ ما فيه كلام
صحيح ضيع كتير
لكن عللا الاقل بشوت بخلف فرص وبضيعها
شوف هجوم الهلال
لا جاب قون
ولا خلق فرص
|
Post: #119
Title: Re: مازلت اصر ان المريخ افضل من الهلال فنيا ..
Author: عبدالله كع
Date: 08-18-2009, 09:23 AM
Parent: #118
| Quote: الهلال عنده اعمده ثابته بتعرف تلعب كورة لو استمرت في مستواها |
هل المريخ هسي عندو اعمده ثابته يعتمد عليها ... ؟؟؟ وبعد موقعة ذات الوادع التي اصابة معظم اعمدة المريخ بالاحباط وكميات من النفسات
العجب - وبدر الدين قلق - حتي الماسورة الحريف ( جدجد ) وارقو .... ما ظنيت المريخ فنيا له شي .... بعد هبوط نفسيات وروح القتال
لهؤلاء القوم .
| Quote: عمر بخيت الكروة الفاتت كان افضل لاعبي الهلال .. وانا بفتكر انه غلب الهلال 2 صفر سببو عمر بخيت .. لكن هل يا ترى حا يفضل كده لي قدام |
عمر بخيت زول حريف ... يعمل من خلف الكواليس ... زي دونقا - والشغيل عندكم ( انا ما مقتنع بيهو ) .. لكن نسيت اولادكم - حموده بشير وعلاء الدين جبريل لم يكون اقلة من عمر شأنا ..
| Quote: ناسنا هنا بشجعوا يا كع البعرف يجبد والبعرف يجيب قون لكن زي عمر ده ما بتذكروا |
والبعرف يردم ( كشووووووووووهو) كشاهو البلاء .. كورتنا حبه يا وليد يا خي ..... لكن زي العسل عندنا .,, كمان لمن المريخ يكون منتهي ومرشوش بتكون امنقه حاجه ( العكس ما صحيح ولا حاجه )
| Quote: لا جاب قون ولا خلق فرص |
فعلا الهجوم لا فلع لا جاب الحجار ..... بما فيهم مهند الطاهر .. ولكن كان في شغل كبير من جانب كاريكا في موقعة ذات الجعاب 
|
Post: #120
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 09:46 AM
Parent: #119
| Quote: هل المريخ هسي عندو اعمده ثابته يعتمد عليها ... ؟؟؟ |
حقيقي مافي
والتعويل كله على العجب يعمل توازن نفسي للفريق
الاتين اليعتمد عليه اجانب وبلعبوا في الهجوم
الدافي وايداهور
ما فيه زول مؤهل انه يكون قايد للفريق
عكس الهلال
هيثم قائد ممتاز مع انه في فترة علاء الدين يوسف هدى فيه من شخصيته واصبح نيرفز جدا
لكن شايف توازنوا رجع ليه
عمر بخيت بجيد الدور ده برضو
| Quote: حموده بشير وعلاء الدين جبريل لم يكون اقلة من عمر شأنا .. |
قصدك حموده وعلاء الدين يوسف
علاء الدين يوسف كورته اليوم داك كانت عادية
اما حموده فلعب كورة كبيره
لكن حموده يوم في السماء ويوم الارض
لا يعتمد عليه
هاهاهاهاهاهاها
|
Post: #121
Title: Re: مازلت اصر ان المريخ افضل من الهلال فنيا ..
Author: omer osman
Date: 08-18-2009, 10:12 AM
Parent: #120
بمناسبة الاعمدة الثابتة في زول في المريخ انا بقيت اشعر بالخطر على مستقبله (احمد الباشا) الود ده حريف وبفهم كورة لكن
مدربي المريخ مصرين على انو يودوه في سكة (احمد السيد) مهاجم المريخ السابق و (جوليت) مدافع الهلال .......... جهجة وكل
يوم في خانة لمن في النهاية يروح شمار في مرقة ، مفروض يثبتو الولد ده في خانة واحدة وشوف ح يبدع كيف
|
Post: #122
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 10:22 AM
Parent: #121
| Quote: يوم في خانة لمن في النهاية يروح شمار في مرقة ، مفروض يثبتو الولد ده في خانة واحدة وشوف ح يبدع كيف |
يا جنابو
يخ ده من شدت ما معتبرنو جوكر
لعبوه قون بعد طرد اكرم الهادي
سفاري كان عاوز يلبس هو
حموه ولبسو ود الباشا
|
Post: #123
Title: Re: مازلت اصر ان المريخ افضل من الهلال فنيا ..
Author: أحمد ابراهيم عثمان
Date: 08-18-2009, 10:39 AM
Parent: #122
مريخنا عارين انو فيهو مشكلة…
لكن انتو يا رشاشات الفرحانين ليها شنو….
الموقف بتاع قونين سريعات بداية الكورة ده جربو الهلال مع صن داونز في البلد دي بس الحكم كان ود حلال ما نقض ليكم قون ولا ادي صن داونز قون تالت…..
يعني لو الحكم لو كان عندو ذمة و ما ادي ضربة الجزاء الوهمية و ما نقض قون ايداهور كان الامور مشت عادي……
بس لانو الامريخ كبير و طموح و امكانياتو اكبر من كده نحن زعلانين……
خليكم انتو في غيبوبتكم دي يا رشاشات تيمكم السجمان ده و غلبكم الكلو ضربات جزاء مشبوهة….
دايرين ليكم تلاته نقاط تاني فتشو ليكم حته تجيبوها منها…
|
Post: #125
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 11:05 AM
Parent: #123
مرحب ااحمد ابراهيم
فعلا الهلال تيمو لسع ما انكشف ولا اختبر بحق
|
Post: #124
Title: Re: مازلت اصر ان المريخ افضل من الهلال فنيا ..
Author: السمؤال بدرالدين
Date: 08-18-2009, 10:47 AM
Parent: #122
طبعا الرشاشات ديل لازم يعكننوك يا وليد
دائما استمتع برايك وقوة حجتك
عيك الله لوما البلد سايبة تجار السوق المحلي تلقاهم في دائرة الكورة
والناس بالبتعرف الكورة قاعدة في البيت
ده سبب بلاوينا كان مريخ كان هلال
|
Post: #127
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 11:21 AM
Parent: #124
يا سمؤل
هاهاهاهاهاهاهاهاهاها
الله يديك العافية
لكن عليك الله ما تدخل كورة تاني
هاههاهاهاهاهاهاها
هسع لو جابوا قون
بتحضر اعادتو وين
هاهاهاهاها
|
Post: #130
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-18-2009, 11:48 AM
Parent: #124
Quote: عمر بخيت الكروة الفاتت كان افضل لاعبي الهلال .. وانا بفتكر انه غلب الهلال 2 صفر سببو عمر بخيت .. لكن هل يا ترى حا يفضل كده لي قدام
ناسنا هنا بشجعوا يا كع البعرف يجبد والبعرف يجيب قون
لكن زي عمر ده ما بتذكروا
عمر في الكورة الفاتت ذكرني دونقا في البرازيل
المعز محجوب .. يساوي 50% من مجهود الهلال مؤخرا
اها الكرة الفاتت غلب الهلال سببو عمر بخيت والمعز محجوب
هيثم مصطفى كمان مع قلت مروتو شايف شغلو
الهلال جايب ثلاثته اقوان
اتين منهم كورنر
الاتنين ملعوبات من هيثم مصطفى
دمبا مدافع ممتاز لكن لسع ما لاقى البجهجهو
باقي لاعبي الهلال في الكورة الفاتت
لا يعتمد عليه على المدى الطويل
المريخ افضل حالا
لكن فيه عيب كبير جدا
ما عنده حارس مرمى بتاتا
ودفاعه انكشف مؤخرا بسبب هشاشة نفسيات سفاري
الكوتش لو مفتح مع ضعف الدفاع ده
يلعب بي 3 في متوسط الدفاع |
كلام الطير في الباقير ........كيف يكون الاصرار الماليهو منطق ان المريخ فنيا أفضل من الهلال ومجمل حديثك الخاوي من الفكر الكروي ان المريخ متهالك دفاعيا ومنهار نفسيا وليس له مدرب شاطر
او كما يحلو لك شفت او مفتح لا يلعب بتوازن بين الدفاع ووسط الملعب .
وايضا ذكرت في حديثك الذي ليس له مبرر ان يكون المريخ افضل من الهلال فنيا وانت تمجد في وسط الهلال بقيادة الكابتن هيثم مصطفي وعمر بخيت ومتوسط دفاع باري دمبا وحارس المرمي المعز محجوب , يعني الهلال وسط ودفاع 100% ومايقابله في الطرف الاخر دفاع مفكك وحارس لا حوله ولا قوة له وكوتش غير مفتح او شفت ؟ كيف يستقيم هذا الامر والعود اعوج ياشفت .
|
Post: #131
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 11:56 AM
Parent: #130
روح يا بيض
داهية تخمك
|
Post: #126
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-18-2009, 11:11 AM
Parent: #121
Quote: بمناسبة الاعمدة الثابتة في زول في المريخ انا بقيت اشعر بالخطر على مستقبله (احمد الباشا) الود ده حريف وبفهم كورة لكن
مدربي المريخ مصرين على انو يودوه في سكة (احمد السيد) مهاجم المريخ السابق و (جوليت) مدافع الهلال .......... جهجة وكل
يوم في خانة لمن في النهاية يروح شمار في مرقة ، مفروض يثبتو الولد ده في خانة واحدة وشوف ح يبدع كيف |
ياجنابو انا رسلت ليك في الخاص
لكن والله الليله ذكرتنا ناس اولاد ابورقة ياسر وناجي تعرف ياعمر في يوم من الايام ياسر لعب مع ناس رابطة الدناقلة بحري وهو لسه في الرابطة ومشوا بورتسودان صاحبك ضرب كفر بورتسودان حملته وهتفت وقالت ده خليفت الطاهر حسيب .والله ايام .
انت معاي ياعمر ان البياكل حاجة حلوة مازي لمايشوفها اويسمع بها وطال ما انت لعبت مع ابورقة اكيد تكون تمتعت
ياعمر كلامك سليم في ما يخص الباشا لان له اخطاء دفاعية واضحة وهي تغطية المدافع ومنعة مواجهت المرمي او الدخول لمواجهة المرمى .ولكن صراحة ولد موهوب
واحمد السيد وفي حلتنا لقبة (حمادة الدود)انا تكلمت معة اكثر من مره ووجهتو وهو من شطب نفسة ولكن ككورة لاغبار علية هو وصديقة الصغير المكير (شيبة لاعب المريخ ) السابق .
عبد الله كع
انا ما بقول كلامك غير صحيح ولكن كلام وليد ود المبارك منطقي وفعلا روح هجوم المريخ افضل من الهلال يعني على الاقل بيصل المرمى وهذه مفقوده في الهلال لان لعب وسط الهلال كله للخلف والتمرير العرضي ونحن ياعبد الله كع زي مابتقول كورتنا حبة وبطيئة ده كلام عين العقل ولكن ياعبد الله كع والله ووالله في واحد من اولاد حلتكم 0 الامتداد ) اسمو (تنقو) لعب للنيل ومعنا زمان في الاتحاد البحراوي وكان مدافع قصير وذكي جداتخيل في مباراة ضد الهلال وفي كورة معكوسة من جهة الكورنر امتصاها ليك بصدره وبطريقة غريبة جدا وسط ناس وليد طاشين واسامة الثقر وعتاولة الهلال والحكم يقوم يصفر ضربت جزاء لان العقل لايصدق مثل هذه الموهبة واعلن الاعتزال ثاني يوم اخونا (تنقو ) كرة القدم وهذا الكلام تم انزاله في الصحف .
يعني انا عايز اصل ليك اليوم كل المدفعجية باردين وتغطية ضعيفه مع عدم توجيه من المدربين .
وليد ود المبارك
والله الليله هيجتو لينا اشجانا وذكرتونا ايام زمان وزي ما عارف لاعب الكورة لما يكبر بقضيها ذكريات وونسة واليوم انت ذكرتنا (مامون الدبو ) شقيق عطية
فعلا كلامك الدبو معجزة كروية وكثيرا كان ما يتم استدعاءة للدورات الرمضانية في ابوضبي
ياخي كنا بجي دوراة في امدرمان وبالزات في الثورات العاشرة والثامنة والساتة والخامسة في جهة حلة ناس( عادل امين ) لكن اصحابك ناس اسطوانة خرخارين شديد المهم كنا بنشوف شباب بتلعب بتلعب كورة
ولاتنس الدبو شاركنا في صعود نادي الرابطة امدرمان الى الدرجة الاولي وازيدك من الشعر بيت انا من احضر برهان تية لنادي الرابطة شفت كيف ياشفت كنا لعيبة كورة واداريين تعال شوف الان .
وبهذه المناسبة برهان تية افضل من مازدا وتم ترشيحة قبل كده لنادي المريخ .
معليش ياعبد الله كع ووليد وعمر جنابو شغلناكم باشياء من الامس ونسينا الاشياء الفنية .
كده نفك الربطة دي ونرجع ليكم تاني والله كلامكم جميل .والله دسترتو بينا .
سلام سلام
|
Post: #128
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 11:29 AM
Parent: #126
او اللول
حبابك ياخ
| Quote: ياخي كنا بجي دوراة في امدرمان وبالزات في الثورات العاشرة والثامنة والساتة والخامسة في جهة حلة ناس( عادل امين ) |
هل تصدق انو عادل امين لامي تيمو داك لحدي هسع
بتمرنوا في ميدان السادسة الجم كشك محمد احمد عوض
ناس عادل امين
وفيصل ابو عكر ( الان في ماليزيا)
وكره
وباقس الشباب
لي هسع عادل امين ياهو عادل امين
يقفل كورتو الميدان بي جمهوره ما يقلعها
الا يفكها براه
|
Post: #129
Title: Re: مازلت اصر ان المريخ افضل من الهلال فنيا ..
Author: omer osman
Date: 08-18-2009, 11:35 AM
Parent: #126
Quote: معليش ياعبد الله كع ووليد وعمر جنابو شغلناكم باشياء من الامس ونسينا الاشياء الفنية .
|
ياوليد هي كان ما شلاقة مننا ننضم نحن وانتو في ، زيدنا من ذكرياتك وخبرتك نحن في الانتظار.
وعلي ذكر المدافعين بتذكر مرة طارق احمد ادم زنق ليهو مهاجم جنب راية الكورنر وكان ما اخاف الكضب اقول المهاجم المالي او السنغالي
الشهير (موسي نضاو) طبعا صاحبنا داك ما بعرف طارق (زي نظام مسكين ارب ما ارف قوة الرومان) المهم فكر انو يخبت الكورة في رجلين طارق
عشان تطلع كورنر او اوت ، في لحظة الضربة طارق فتح للكرة مرت بين رجلينو وقبل استلمه ومشي خطوتين عمك موسي ضرب لخمة حاول يجي يختف
الكورة اتحاور زي السلام عليكم وعمك طارق شقه طريقه خلاهو .......
|
Post: #132
Title: Re: مازلت اصر ان المريخ افضل من الهلال فنيا ..
Author: بدرالدين يعقوب
Date: 08-18-2009, 12:22 PM
Parent: #129
Quote: روح يا بيض
داهية تخمك |
شكلك ياشفت كنت بتمشي ميدان ابو جنزيزاوسوق الناقة كتير لذلك كل الفاظك سوقية وليس لها معني
مشكلتي الوحيدة ليس لي وقت كافي لكي استفيض معك في الحديث يادوب انا بسرق الوقت لكي اتصفح سودانيز اون لاين لاجد بعض من غيض بما يفيض به كتاب مميزون في هذا المنبر الذي هو بمثابة صرح سوداني
نتشرف به نحن كسودانين داخل وخارج الوطن .
وانا امني النفس بكل هذة الاشياء فجاة تجد هنالك طرح بعنوان بارز وعند اطلاعك عليه تجده خاوي الفكر والمعني بالخارج ليس كما بالداخل ,,,, يصيبك الزهول وتتفقع مرارتك وتجد من هو كاتب الموضوع يكتب لمجرد ذيادة الرصيد بتاعه في دفتر سودانيز اون لاين .(وهذة النوعية مثل الولد الشفت ).
|
Post: #134
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 12:25 PM
Parent: #132
عيك الله
يا ولد انت بسحروك
طيب ما تقطع وشك وتشوف المواضيع المناسب ليك يا سخيف
| Quote: شكلك ياشفت كنت بتمشي ميدان ابو جنزيزاوسوق الناقة كتير لذلك كل الفاظك سوقية وليس لها معني |
بعدين ميدان ابو جنزير وسوق الناقة مالهم
عيبهم لي
انت شايف نفسك احسن من الناس البمشوا هناك ؟
لي يعني عشان لقيت ليك لجو ولا كفيل بره البلده
بلا يخمك
بيض نرجسي
|
Post: #133
Title: Re: مازلت اصر ان المريخ افضل من الهلال فنيا ..
Author: عبدالله كع
Date: 08-18-2009, 12:24 PM
Parent: #129
Quote: انا ما بقول كلامك غير صحيح ولكن كلام وليد ود المبارك منطقي وفعلا روح هجوم المريخ افضل من الهلال يعني على الاقل بيصل المرمى وهذه مفقوده في الهلال لان لعب وسط الهلال كله للخلف والتمرير العرضي ونحن ياعبد الله كع زي مابتقول كورتنا حبة وبطيئة ده كلام عين العقل ولكن ياعبد الله كع والله ووالله في واحد من اولاد حلتكم 0 الامتداد ) اسمو (تنقو) لعب للنيل ومعنا زمان في الاتحاد البحراوي وكان مدافع قصير وذكي جداتخيل في مباراة ضد الهلال وفي كورة معكوسة من جهة الكورنر امتصاها ليك بصدره وبطريقة غريبة جدا وسط ناس وليد طاشين واسامة الثقر وعتاولة الهلال والحكم يقوم يصفر ضربت جزاء لان العقل لايصدق مثل هذه الموهبة واعلن الاعتزال ثاني يوم اخونا (تنقو ) كرة القدم وهذا الكلام تم انزاله في الصحف .
يعني انا عايز اصل ليك اليوم كل المدفعجية باردين وتغطية ضعيفه مع عدم توجيه من المدربين .
|
طيب يا وليد .. معناها انو هجوم الهلال احسن من هجوم المريخ بدليل كمية الاهداف التي تحرز .. في الافريقي او الممتاز .. وحتي ولم يحرزو الاهداف المهاجمين الصريحين .. وبكل تاكيد لهم دور في احرازها حتي ولو بتحرك (خاطئ ) ..
المريخ يا عاني من عدم الجماعيه واللا توازن في الهجوم وفقدان حاسة شم الشباك  . و الدفاع لا يختلف اتنين انه ( شواااارع ) بما فيهم سفاري ويعانو من تقل دم في الارجل ... والاضنين لانهم لا يسمعون صرااااخ الجمهور المغلوب علي امرو ..
اذن يا وليد المبارك لا مقارنه فنيه بين الهلال والمريخ حاليا ..الهلال هو سيد الموقف الان, وفي جميع النواحي .. فلاتصر علي اشياء ان تبدو ليكم تسأكم ..
وليد عبداللطيف .. يا خي انت زول كدا 
يا سلام علي كمال تنقو .. يا خي تنقو ده فلته زمانو.. وما ظنيت يجي مدافع بنفس فهمو للكورة .. المشكله الوحيده عندو كلامو كتير كترة وما بنتهي ( من النوع البنقنق في الكورة من تيت لي تيتتيرت حتي الكورة في رجلو ) بزكرني طرف برشلونا الايمن
|
Post: #135
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 12:27 PM
Parent: #133
| Quote: اذن يا وليد المبارك لا مقارنه فنيه بين الهلال والمريخ حاليا ..الهلال هو سيد الموقف الان, وفي جميع النواحي .. فلاتصر علي اشياء ان تبدو ليكم تسأكم .. |
ابدا يا كع
انا سالت سوال هنا مافي زول رد عليه
في اخر تلات مباريات
لعب في دفاع الهلال كم نفر ؟
|
Post: #136
Title: Re: مازلت اصر ان المريخ افضل من الهلال فنيا ..
Author: عبدالله كع
Date: 08-18-2009, 12:44 PM
Parent: #135
1 - سامي عبدالله
2 - كابوندي ( المصاب )
3 - اسامه التعاون ( مصاب )
4- منير امبده ( لعب 4 مباريات متتاليه )
5 - حموده بشير
6- باري ديمبا
7- خليفه
8 -احمد الفاضل
وهذا هو دفاع الهلال..الذي لعب في المباريات الاخيرة
|
Post: #137
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 12:55 PM
Parent: #136
8 يا كع
8 لاعبين
في حين انو الهلال بلعب 4 في الدفاع فقط
وبرضو تقول لي فنيا
حكمتو عليهم فنيا كيف
وهم في 4 كور افريقية ما فيهم زول كملهم كلها خلاف ديمبا
في خمسة من الـ 8 ديل
دي اول مباريات ليهم
يعني ممكن تكون حكايت الغربال والشدة
زي اقجي
|
Post: #138
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-18-2009, 01:06 PM
Parent: #129
| Quote: ياوليد هي كان ما شلاقة مننا ننضم نحن وانتو في ، زيدنا من ذكرياتك وخبرتك نحن في الانتظار. |
العفو ياجنابو
ولكن لاعب الكرة بيتفرج بطريقة والمشجعين بيتفرجوها بطريقة ولكن احيانا تجد في التحليل المشجع يمكنه ان يحلل افضل من لاعب الكرة لان الان زي ماعارف الكرة اصبحت تدرس ولها خطط .
ولكن ارجع واقول ليك والله لعبنا مع ناس علمونا الادب قبل الكورة كفيت اتكفتنا زي المافي شي في الملعب عشان نكون رجال قبل الموهبة وهل تصدق زمان في ضابط شرطة (اسمه نبيل فتح الله ) تخيل يوم المباراة كان بيجبوهو من المعسكر في رابطة الشعبية تعرف اول ما اشوف العربية وقفت بجنب الملعب طوالي اخوك يحترم نفسه ويخلع الفنيلة له لاني مقتنع جدا انا اكعب واحد داخل الملعب يعني ما منتظر المدرب يقول لي غيّر . ايام ايام ياجنابو لكن صاحبك المكسر ( ربيع )بيجلد الكورة زي ما الله خلقهاوكنا بنستعين به لما نتحدى اولاد امدرمان .
ياولّّي
عادل امين وما ادراك ماعادل امين وطبعا عبد الباسط سبدرات زي ماعارف متزوج شقيقتة وكان ساكن في حلتنا عشان كده طوالي كان عادل امين في حلتنا ياخي كان عامل فريق في حلتهم خليه في سرك بس
اما ابوعكر حبيبنا ووليد عباس وحموري (المريخ ) ومحمد كديرو والساده حبايبنا ياخي زمان لنا تحديات منتهى الروعة عشان كده لما تتقابل رابطة الثورة والمهدية ضد رابطة بحري بجامعة القاهرة فرع الخرطوم كانت بتكون مباراة في قمة المتعة .تعال شوف بعد المباراة ناس وليد عباس يكتبو لينا اغاني محمد احمد عوض ونشيل ونقول لجمال فرفور غني .
شايفك قلت اسم ( كره ) اكيد تقصد عماد كره صاحبك الان اصبح قدر كشك محمد احمد عوض ولو لا اصابتة لكان له حديث في كرة القدم .
تعرف ياوليد الونسة كانت عايزة دار الرياضة امدرمان مع كباية شاي (دم دكاترة ) زي مابقولوا .
تخيلوا ياوليد وياعمر في اجازتي فتشت الحلة كلها عشان اشوف لاعب موهوب ونقدر نساعده ونسجلة في فرق الدرجات عشان يمشي لقدام ولم اجد .
من الطرائف ياولّي
مره اخوك مطعمين بيهو اولاد العاشرة حلة ناس(صديق كشة) لاعب بيت المال لو تعرفة
ومسجلين اسمي مزور باسم بخاري والدورة تقريبا في الثامنة وين في حلة ناس عاكف عطا ياخي حصلت لقطات ياخي الواحد من الضحك الان ما قادر يحكي .
المهم الونسة معاكم جميلة ياشباب .
سلام سلام
|
Post: #139
Title: Re: مازلت اصر ان المريخ افضل من الهلال فنيا ..
Author: وليد محمد المبارك
Date: 08-18-2009, 01:14 PM
Parent: #138
يا ابو اللول
وليد عباس بقى طيارة بس
يوم والتاني يا في الصين ولا في دبي
هاهاهاهاهههاهاهاهاههاهاهااههاها
وطبعا كرشتو مغطيا وشو
ابو عكر محافظ لسع
حموري ياتو فيهم ود العاص
ولا حموري بكري
طالما قلت وليد عباس معناتا قاصد ود العاص
اها حموي ده ياه الصعد الفريق القومي لي ايطاليا
خالد احمد كامل
زول لعاب وقوي
هسع ماسك السكيورتي لمستشفي مكه للعيون
امبارح كان معاي في التلفون
وكت باعرف ديل معناتا بتعرف ماهر عابدين
ود ابروف
|
Post: #140
Title: Re: مازلت اصر ان المريخ افضل من الهلال فنيا ..
Author: وليد عبد اللطيف
Date: 08-18-2009, 02:22 PM
Parent: #139
Quote: وليد عباس بقى طيارة بس
يوم والتاني يا في الصين ولا في دبي
هاهاهاهاهههاهاهاهاههاهاهااههاها
وطبعا كرشتو مغطيا وشو
ابو عكر محافظ لسع |
نعم اقصد حموري ماسة الايطالية
ياخي جماعتك ديل عليهم محن الدنيا والعالمين ياخي ديل مع الكورة زايدنها خاجات تانية
في مره ياعمك
ركبت معاهم بص رابطة الثورة والمهدية وكنت ماسي العاشرة
يقوموا اصاحبك يقولوا لي دي اجمل بنت في البص والجامعة ( فعلا كلامهم )
وقالوا البت دي البص او ما يصل محطتهم بقيف براهو حتى البنات في الباص موافقنهم على هذا الكلام
وفعلا ماحصل في نفس المحطة اشوف البص وقف والبنت الجميلة نزلت
وتعال شوف تقوم بنت تانية تصل محطتهم والباص ما يقيف ليها
تقوم تزعل ومع الزعله فكت نكته (والله حِكم ناس تنزلوهم في بيوتهم وناس تفوتوهم محطاتهم )
وهي ضحكت قبل الشباب وكانت نفسها جميلة وطيبة رغم زعلها حبت تضحك الناس .
ياولّي
ماهر ود ابوروف لم اذكرة
ولكن لعبنا قبل كده دورة المرحوم بشير عتيق
في ملعب صغير بابروف جنب البحر وكان متخبنا يضم هيثم شوشة والصادق كابوكي (حارس الزهرة ) والرابطة
وابوصليب ونادر عزالدين الدحيش وكم واحد من شفوت امدرمان ملعب لكن ياعمك لو مابتعرف كورة تشيل شيلتك بتتحاور وتضحك الناس فيك المهم جضمنا ليك منتخب على الكوارتي وقلعنا ليك منهم الكاس
بصراحة اللعب في امدرمان ومع اولاد امدرمان ممتع وجمهورهم يزيد الكورة حلاوة .
بالله ياوليد تحياتي لكل من تجده من الشباب .
وان شاء الله برسل ليك صور تخص اولاد امدرمان في تلك الايام
ياعمك الونسة جميلة ولكن انتبه لتحليلك الرياضي
بوست موفق
سلام سلام
|
Post: #141
Title: Re: مازلت اصر ان المريخ افضل من الهلال فنيا ..
Author: أحمد ابراهيم عثمان
Date: 08-18-2009, 03:38 PM
Parent: #140
اصحو يا رشاشات
المريخ فيهو خلل ما معناها انت تيمك ده كويس
هلال 2009 اكعب من هلال 2008 و هلال 2008 اكعب من هلال 2007
الاختبار الحقيقي للهلال كان في مريخ هلال الاخيرة
الهلال بوضعو الحالي ما بيقدر يجيب ليه 3 نقاط من كورتين بره و كورة مع المريخ الا ضربات جـــــــــــــزاء (النوع ابو ألية)
و اهم مافي الموضوع دفاع الهلال بالرغم من الروح و الحماس لكن خبرة مافي و المباريات الخارجية الحماس ده بيكون مافي و الروح براها ما بتغطي
و بكره لناظره اصلا ما بعيد...
|
|