Offense sell tickets, Defense win champions

هذه قاعد ذهبيه ومعروفه في كره القدم الامريكيه
ولكنهاتنطبق ايضا علي كره القدم التي يعرفها بقيه العالم
وتنطبق ايضا علي كل انواع الرياضات الاخري

والقاعده ترجمتها
ان الهجوم الجيد يجلب الجمهور للاستاد فقط
لكن الدفاع الجيد هو الذي يجلب البطولات

المريخ رغم تعادله مع الهلال في المباره الاولي وهزيمته في المباريات الاخري الا انه ديناميكي للغايه في ثلثه الهجومي ومكابر من ينكر ذلك
فالمريخ يتحرك حركه ايجابيه جدا ويزعزع دفاعات الخصوم بتنويع اللعب من العمق ومن الاطراف ويخلق فرص كثيره للتهديف والمتابع لل 21/2 التي لعبها المريخ (ساستثني الشوط الثاني لمباره زيسكو لان الفريق الخصم لعب ناقصا)
نجد ان المريخ خلق حوالي ال 13 فرصه حقيقيه للتسجيل هي كما يلي
1- ثلاث فرص حقيقيه امام الهلال
2- 5 فرص حقيقيه امام كانو
3-4 فرص حقيقيه امام زيسكو في الشوط الاول
( الاحصائيات اعلاه من الذاكره)
سجل من كل هذه الفرص ثلاث اهداف والباقي ضاع بالشفقه والتسرع وسوء الحظ وهذه اشياء عاديه في كره القدم وجزء اصيل منها
في الجانب الاخر فان دفاع المريخ اقل ما يوصف به انه في حاله مزريه من حيث التنظيم والتكتيك وحتي نوعيه اللاعبين

من الواضح ان المريخ في بدايه الموسم رسم استراتيجيته علي ان يبني فريق مرصع بالنجوم في ثلثه الهجومي و لايهتم كثيرا في شقه الدفاعي فقام بتسجيل وارغو وكلتشي ومصعب وراجي - والاخيرين رغم انهم لعبو في وضائف متععده في المريخ الا ان وظائفهم الاساسيه هي لاعبي وسط متقدمين
وظن اهل المريخ انهم بنو فريق بطولات ولكنهم نسو القاعده الذهبيه - Offense sell tickets, Defense win champions او لم يسمعو بها

ياعمر بوب ..

ياخ كان ماتبالغ انت ..البورد دا فيهو ناس عمر الفاروق
وبهاء بكرى ..اكتب العنوان بالعربى عشان يدخلو ليك ..
مابكونوا عارفين فى ترجمة بالداخل ...طبعا بهاء بكون
جاهو احساس انو العنوان اغنية لبوب ولا جاكسون ..

قالو عن الأمس القريب:

* المريخ يودع اكلينكيا

* البركة في الهلال والعاب القوي

* انشغلوا بسادومبا وتركوا ساكواها فسجل الهاتريك وسواها

* مازدا إستلما نقطة وحيسلما نقطة

* جاتكو فضيحة يا صفوة مهزومة .. عاملة فضيحة وجايبة العار

* من غيركم أعطى لهذا الجمهور معنى أن يخش لينكسر ؟

* في المبتدى .. أحبتي قراء صحيفة الصدى .. سؤال ولا سببو العدا .. ترى ما هذا الردى ؟

خبر عاجل ومنقول ومضحك:
مريخاب يعلنون هلاليتهم بعد مباراة الامس مباشرة
• اقتحم ثلاثة مريخاب نادي الهلال امس عقب نهاية مباراة المريخ وزيسكو الزامبي التي خسرها المريخ بثلاثة اهداف مقابل هدفين داخل استاده واعلنوا هلاليتهم وطالبوا بمنحهم شعار الهلال وعضوية النادي وهم: محمد ميرغني - نزار عبدالله ومحمد ادم وقاموا بحرق شعار المريخ ووجدوا ترحيبا حارا من روادالحلقة بنادي الهلال بقيادة الاستاذ المحامي ماجد اسماعيل وابدي الهلالاب الجدد استياءهم من اداء فرقة المريخ وقالوا ان الهلال يملك لاعبين يلعبون بدافع الغيرة والولاء للشعار وعلي النقيض ان لاعبي المريخ لم يقدروا تاريخ واسم المريخ العريق وقام رواد نادي الهلال باستلام عناوينهم وتصويرهم وتم اعتمادهم كاعضاء في نادي الهلال وسيتسلمون بطاقاتهم خلال اليومين القادمين وقال محمد ميرغني بانهم جاءوا لنادي الهلال بقناعة تامة معلنا بانهم يعشقون الموج الازرق ابتداء من اليوم (امس)

المريخ لم يسجل اي مدافع يمكنه ترك بصمه في الفريق والدليل ان دفاع المريخ لم يدخله اي لاعب جديد حتي عندما كان الفريق في امس الحاجه لمدافعيين وقت ان كان سفاري ودامر مصابيين قام المريخ بتوليف احمد الباشا وسعيد السعودي ونصر الدين الشغيل ليسدو خانتهم وعندما غاب بله جابر وموسي الزومه قام ايضا بتوليف لاعبي خط الوسط ليملأو الفراغ
حتي في التسجيلات التكميليه ورغم الحوجه الظاهره لمدافعيين قام المريخ بتسجيل عبد الكريم الدافي
ورغم ان اللاعب اثبت انه لاعب كبير واضافه حقيقيه للمريخ الا ان الحكمه كانت تقتضي تسجيل مدافعيين في هذا الوقت
فيما قام بتسجيل ريتشارد منتهي الصلاحيه كاضافه للمدافعيين

Quote: ياخ كان ماتبالغ انت ..البورد دا فيهو ناس عمر الفاروق وبهاء بكرى ..اكتب العنوان بالعربى عشان يدخلو ليك .. مابكونوا عارفين فى ترجمة بالداخل ...طبعا بهاء بكون جاهو احساس انو العنوان اغنية لبوب ولا جاكسون ..

يا محمد عبد الرحمن يا خي عمر الفاروق ده عمل بيت بكي هنا لمايكل جاكسون .... يعني فردتو عديل كده وينظم في الرجال والنساويين الداخليين والمارقيين ويفتي في نوع حنتهم وكده
تقول لي اكتب ليهو العنوان بالعربي
اما اخونا بهاء بكري والذي يصيف علي ضفاف نهر السين وانا الكاتب العنوان ده مصيف في دنقلا المفروض اكتب ليهو العنوان باللاوندي حقت مدير الجمارك داك مش بالانجليزي

برضو منقول:

الوالي: الفريق غير جدير بالاستمرار في البطولة الافريقية

• تحدث السيد جمال الوالي رئيس نادي المريخ للاذاعة الرياضية مساء امس عن هزيمة فريقه من زيسكو الزامبي بثلاثة اهداف مقابل هدفين حيث تحدث جمال الوالي بكل صراحة مشيرا الي ان فريق المريخ غير جدير بالاستمرارية في المنافسة الافريقية معتبرا ان دفاعه مكشوف حيث دخلت شباكه


هدفين في ثلث ساعة مؤكدا حزنه العميف للجماهير الوفية التي اتت للمؤازرة والتشجيع.
وذكر جمال الوالي بان حظوظ فريقه ما زالت قائمة اذا انتصر في زامبيا.
محملا الاعلام الرياضي ما حدث في ليلة الامس حيث ضخم نجوم المريخ اكثر من اللازم واعتقد الوالي ان الاجهزة الفنية التي تعاقبت علي المريخ لم تحسن الاصلاح في فريق كرة القدم مشيرا الي ان الاموال التي صرفت في المريخ لم توظف بالطريقة المثلي.
وفي ختام حديثه اكد انها سنة الحياة وسوف يمضي العمل في نادي المريخ ولا يتوقف لهزيمة عابرة

سلامات يا طارق
شكرا علي النقل لكن خف العيار علي الناس ديل شويه
وقالوا عشان خاطر عين ما عارف شنو شنو كده



_________________________________________
كامل تضامني مع اميره الشيخ الكانت ضاربه الجرسه قبل المباره ما تبدأ باربع ساعات