Post: #1
Title: مبروك يارشاشات وا اسفاي يا المريخ !
Author: ALZOLZATOO
Date: 08-16-2009, 06:43 AM
مبروك ياهلالاب الفوز مع انو مستواكم كان غير مطمئن في المباراة الاخيرة
المريخاب شرطو عينا ناس لاعبين بي عشرة لعيبة من نص الشوط التاني وماقادرين نعمل حاجة
على العموم الحصل حصل واتمنى انو المريخ يلعب مباراته مع الهلال بكل هداوة حتى لا يتعرض اي لاعب من الهلال للاصابة ونضمن مواصلتو في البطولة ماتمشوا تغلبوا لينا الهلال وتطيروا الاتنين
ده غايتو راي شخصي مع اني بكره في الدنيا دي حاجتين الكضب والهلال لكن طالما المنافسة دولية ونحن خلاص ضمنا طيش المجموعة بي جدارة احسن ندي مجال لي جيرانا ولا فوزهم بفرحني ولا تعادلهم بريحني وفي الحالتين انا ضايع
زاتوووو
|
Post: #2
Title: Re: مبروك يارشاشات وا اسفاي يا المريخ !
Author: tmbis
Date: 08-16-2009, 07:41 AM
Parent: #1
| Quote: على العموم الحصل حصل واتمنى انو المريخ يلعب مباراته مع الهلال بكل هداوة حتى لا يتعرض اي لاعب من الهلال للاصابة ونضمن مواصلتو في البطولة ماتمشوا تغلبوا لينا الهلال وتطيروا الاتنين |
.. يا كمال ترباس لوووول ..
أنا غايتو الليلة تضامنا مع اساسي .. ما ح اشمت في المريخ .. يكفيني ما امطرته به ليلة البارحة من رسائل قصيرة وما رد عليها لحدت الآن سلبا كان أم ايجابا قرقرقر قر ..
ما تحته خط دا سيناريو واضح للمفترض يحصل .. ثقافة اللاعب السوداني أو المريخي في التعامل مع الند التقليدي ظاهرة ..
كلاتشي دا قبال ما يمشي ليكم .. بله جابر واللا منو ما عارف .. والله كان بيرفع رجلو الواحدة فوق لي راس كلاتشي وبنزله تاني .. ويرفع التانية .. وينزله تاني .. وبعداك برفع رجلينو الاتنين دفعة واحدة .. التقول هاشم بدرالدين ومرات مرات كنت بعتقد انو .. بروس لي ..
السبب في المسالة دي ما ثقافة اللاعب بس .. حتى ثقافة التشجيع .. وثقافة الصحفي الرياضي .. بالرغم من انو هلال مريخ دي منافسة قايمة بي ذاته يتحكم في مزاج اللعيبة في الميدان الصحفي الرياضي والمشجع
وفي الحالة القلتها بتاعت يطيروا الاتنين دي .. ماف كلام بالشكل دا .. والحسابات لسه قايمة .. حتى ولو فقد المريخ فرصتو في التأهل .. ح تبقى المباراة بين الندين في اعلى غليان وفوق صفيح ساخن ..
وياخوفي على لعيبة الهلال ابتداء من هيثم انتهاء بي (سا سااادوبما وبا امبيلي).. والموية تكضب الغطاس يا زووول ..
لكن في النهاية .. نعشم في وعي اللعيبة وتكون المنازلة شريفة والحشاش يملى شبكتو .. (والميدان ولد)
|
Post: #3
Title: Re: مبروك يارشاشات وا اسفاي يا المريخ !
Author: ALZOLZATOO
Date: 08-16-2009, 03:05 PM
Parent: #2
ياتامبا
اول حاجة مبروك السبعة نقاط
لكن ياحبيبي كل شئ وارد يعني ممكن تتهزموا في مبارياتكم الجاية وتتعادلوا مع المريخ يكون عندكم ثمانية نقاط والشباب ديك من هلال مريخ ح يعملوا عشرة نقاط عشرة نقاط وكده يكون الهلال والمريخ راحوا شمار في مرقة
الفريقين بالمناسبة ماساهلين وانا اعتقد انهم افضل حالا من الهلال والمريخ عشان كده ماتتمقلبوا زي المريخ يوم ضيع الكاس في ارضو لانو داخل وخاتي الكاس في جيبو لانو فاز على نفس الفريق نص دسته
اها ياتامبا لا عذر لمن اندر وانا والموردة على الهلال وانا والهلال على كانو كااااااااااااااك
اتمنى انو على الاقل فريق واحد يكون موجود في النهائي
تحياتي الاكيدة
زاتوووو
|
|