Post: #1
Title: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: Adam Mousa
Date: 08-15-2009, 09:13 PM
Parent: #0
بالنتيجه التى انتهت عليها مباراة المريخ وزيسكو الزامبى يبقى الفريق الزامبى هو الفريق الوحيد
فى البطوله حتى الآن يحرز نتيجه ايجابيه خارج ارضه..فحتى الآن كل فرق دور الثمانيه تكسب داخل ارضها
ويبقى المريخ هو الفريق الوحيد الشاذ حتى اللحظه بخسارته فى ارضه..وهو ما يقوى حظوظ الفريق الزامبى
فى الوصول الى الدور نصف النهائى ,,بافتراض أنه سيلعب مباراتين داخل ارضه ضد المريخ والهلال..
وستكون المباريات فى رابعة نهار رمضان..والذى يجعل نسبة هزيمته للفريقين كبيره جدا.. مما يكسبه 6(سته) نقاط
وحينها ستكون محصلته النهائيه 10 (عشره)نقاط وهو ما يضمن تأهله مباشرة..لذا يمكننا القول ان المريخ بهذه النتيجه نظريا
يمكن ان نقول انه أول المودعين ما لم تحصل معجزه بفوزه فى باقى مبارياته القادمه..فهى ليست مستحيله ولكن نظريا صعبه
لان من فرط داخل ملعبه فليس من السهل ان يعوض خارجه سيما وانه سيلعب مباراتين فى رابعة نهار رمضان..
الهلال بهذه النتيجه تعقد موقفه لان زيسكو قد دخل فى دائرة التنافس كأقوى الفرق حظوظا فى المجموعه..
|
Post: #2
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: محمد عادل
Date: 08-15-2009, 09:26 PM
Parent: #1
الحبيب ادم
دعنى اختلف مع فيما ذكرته
اولا اصبح الترتيب كالاتى
الهلال7 كانو 4 وزيسكو4 والمريخ 1
الجوله القادمه الهلال وكانو والمريخ وزيسكو الاولى فى كانو والتانيه فى لوساكا
الهلال لو اتغلب نسال الله يكضب الشينه الهلال بكون 4 وكانو 7
زيسكو لو غلب المريخ ونسال الله ادينا الفى فى مرادنا زيسكو بعمل 7 والمريخ نقطه
الهلال حيقابل المريخ وباذنه الله نغلب حنعمل 10 وكانو لاعب مع زيسكو فى كانو ولو غلب حيعمل 10 يبقى زيسكو فى 7 نقاط
تجى الجوله الاخيره الحاسمه
الهلال حيلباعب زيسكو لو اتغلب ونسال الله يكضب الشينه حيعمل 10 وزيسكو 10 بعد كدا نرجع للمواجهات المباشره بين الهلال وزيسكو ولو زيسكو فاز على الهلال باكثر من الهدف الهلال مابخش
حتى المريخ لو غلب كانو
حنمشى للمواجهات المباشره مابين الهلال وكانو وزيسكو
|
Post: #3
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: Adam Mousa
Date: 08-15-2009, 10:36 PM
Parent: #2
شكرا يا محمد عادل على المرور والتعليق..
|
Post: #4
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: محمد البشرى الخضر
Date: 08-16-2009, 07:06 AM
Parent: #3
آدم يا عمك سلامات
امس بعد القونين الأوائل رغم الشماتة لكن اتمنيت المريخ يتعادل لحسابات تاهل الهلال
كونو زيسكو يدخل المنافسة بقوة معناها ح يتعبنا شديد في مباراتو معانا
و ضلّنا الوقف ما زاد - ولا ح يزيد - طبعا لو قنع من خيرا فيها فحيلعب معانا حياة او موت بقصد تعطيلنا
المهم بعد القونين شجعت المريخ بضمير لمن استغربت في روحي
لما الحكم نقض قون ايداهور سبيت ليه تصور
اها لما جابو البلنتي يا زول منظر لعيبة المريخ فرحانين بالهدف تور علي الضرس وغلبتني القعدة
لما الزامبيين جابو القون التالت الشماتة غلبتني
ياخ منظر اكرم بجيب الكورة من جوة عجييييييب ياخ
اتوكلت و شجعت زيسكو عديل بخشم الباب و قلت الله كريم لي قدام
شماتة زي دي آخر مرة شهر حداشر الفين وسبعة مع الصفاقسي
ما بتتلقي باخوي واخوك
اما قون الدافي اسكت ساي من مغستو التقول جابو في المعز
|
Post: #5
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: Adam Mousa
Date: 08-16-2009, 09:40 AM
Parent: #4
Quote: اها لما جابو البلنتي يا زول منظر لعيبة المريخ فرحانين بالهدف تور علي الضرس وغلبتني القعدة
لما الزامبيين جابو القون التالت الشماتة غلبتني
ياخ منظر اكرم بجيب الكورة من جوة عجييييييب ياخ
اتوكلت و شجعت زيسكو عديل بخشم الباب و قلت الله كريم لي قدام
شماتة زي دي آخر مرة شهر حداشر الفين وسبعة مع الصفاقسي
ما بتتلقي باخوي واخوك
اما قون الدافي اسكت ساي من مغستو التقول جابو في المعز |
هو الدرون 3/3 فى زاتها شماته لكنها بتخدمنا فى ضمان الوصول لدور الاربعه
بنسبة تصل الى 90% اما هذه النتيجة اعطت زيسكو نسبة وصولها الى دور الاربعه بنسبه 99%
واعطت المريخ تأشيرة خروج نهائيه من المنافسه,,
______________________________________
تحياتى يا ودالبشرى والعيال وكده ومنتظرين شوفتك فى ابوظبى..
|
Post: #6
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: سيف الدين علي محمد الفاضل
Date: 08-16-2009, 10:48 AM
Parent: #5
الريخ بنسبة 90% خرج وودع اللهم إلا إذا
حدثت كبرى المفاجآت وإنتصر المريخ في باقي
مبارياته الثلاثة فيصبح بذلك 10 نقاط ودي طبعا تكون
علامة من صغرى علامات يوم القيامة . أما الهلال
إذا حصد 3 نقاط فقط أو نقطتين فقط بتعادله مع كانو وزيسكو
فسوف يتأهل بجانب المريخ وطبعا ده إحتمال والإحتمالات كثيرة
في خروج الهلال والمريخ معا والعكس أيضا خروج كانو وزيسكو
أيضا فالمطلوب أولا فوز المريخ على كانو في الخرطوم والهلال
على زيسكو أو كانو وهنا يصبح الأمل الضعيف قويا بتأهل الهلال
والمريخ . لكن تأهل الهلال 100% لأن لقاء الهلال بالمريخ أصبح مضمونا
نسبة للأوضاع التي سيعيشها المريخ إعتبارا من اليوم وتتمثل في
إقالة مازدا ونفسيات اللاعبين بعد الهزيمة النكراء التي تلقاها بالأمس
في الرد فاشل .
مع تحياتي للمريخاب بحياة ملؤها الحسرة والندم وشق الجيوب والفنايل
ونزيف الدموع التي بللت أرضية الملعب بالأمس بدءا بفيصل العجب الذي
زرف الدمع سخيا وهو يحاول تهدئة جماهير المريخ وأطفال الحجارة ..
|
Post: #7
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: Adam Mousa
Date: 08-16-2009, 11:37 AM
Parent: #6
|
Post: #8
Title: Re: المريخ عقد المجموعه وجعل حظوظ زيسكو هو الاقوى للتأهل دون سائر فرقها...!!!!
Author: Adam Mousa
Date: 08-16-2009, 12:27 PM
|
|