رغم الخسارة و الاخطاء القاتلة ، لن نتخلى عنك يا مريخ السودان

لم يكن الفريق الزامبى يحلم حتى فى خيالة بالتعادل ، لكنها كرة القدم و خيبة دفاعنا المكشوف ومن ثم الفضيحةالتى كملها اكرم الهادى ، خروج مذل لفريق فى هامة وقامة المريخ ، نتمنى للهلال التوفيق ومواصلة المشوار .

بداية الاخطاء كانت اقالة كروجر ، هو من رمرم دفاعات المريخ ، و يبدو ان الوالى و ابوجريشة يريدمدربا فى شكل خاتم يلبس ويخلع فى اى وقت . حتى عندما احضر المدرب ردان كانت نتائجة مخيبة فى كل دول الخليج .

الاخ الكريم كمال عباس كيفك ، مش مرة صلاح غوش ده اتبرع للهلال بمبلغ ضخم ، الظاهر شالوه عشان الموضوع ده .

سلام هجو قرط علي دي:

Quote: نتمنى للهلال التوفيق ومواصلة المشوار .

والمريخ بحالو دا أقنع من خيرا فيهو مادام زمام أمرو عند مزمل أبو القاسم!!
أوف سائد:(رأيك شنو في موضوع صلاح قوش?)

فى كل الاحوال المريخ هو المريخ الذى نحب

هجو يا عمك

Quote: لن نتخلى عنك يا مريخ السودان

ما تنسى لن تهوززنا هزيمة و لن يبطرنا نصر
طبعا لن يبطركم نصر دي اكيد ما فيها غلاط لأنكم طولتو من قصة النصر دي
المهم
عندكم شنو الدورة تطووه تاني
حقو تطووا موضوع الشكوى

ود البشرى كيفك و الاسرة ، المريخ فعلا فى وضع غريب بل وغير متوقع بالمرة ، يا عمك برضو دى كورة ، المهم على رجالات المريخ التكاتف للنهوض مرة اخرى . المريخ هو المريخ رغم المحن و الاحن . و الله يا ود البشرى كما ذكر بعض الاخوان ان هزيمة المريخ هذا اليوم بكل المقايس ليست فى مصلحة الهلال .

يا هجو عشق المريخ دة ما خاضع لي قانون الربح والخسارة
دي حاجة بتجري في الدم (((الاحمر))) اكسير الحياة

اخى الكريم ، طارق جبريل صدقت ، وان احزنا اليوم فقد افرحنا المريخ مرات ومرات ، القومة لى يا مريخنا .

هجو/سلامات
بالله شفت المغصة دى كيف؟؟ بعد كل هذا الاعداد والامكانيات يهزمونا فى بلدنا
غايتو الله اكون فى العون

تحياتى