Post: #1
Title: ..........حلم..............
Author: salah ismail
Date: 08-15-2009, 01:46 PM
اصحي قبل النوم يشيل
من بين جفون عينيك
وطن...
امشي في الدرب الحكايه
اسمع تراتيل المغني البقري شوقك
أيه...أيه
امشي رتب جدولك
راجع دفاتر رحلتك
فضي العيون الاتملن
سال الحلم...
صور المأسي الفي السكون
اتوزعن
وما تنسي ايقاع الزمن
من بين خطاك في السكه
تتنفس مسامات الحلم
جوه الخلايا وتحتقن...
لم الحروف
قبل ما الفة كلامك ولهفة
الشوق تحرقن..
خلي العيون تقدر تشوف
جوه القلوب النابضة خوف
لون الشوارع والمدارس...
تملي الخيال ريحة الغرف
تصبح مدن..
واتشوفك ابواب البيوت
وتجر اصابعك تمسكن..
وتشد ايديك
من حولهن..
يتفتحن..
يتقفلن..
ويتفتحن..
ويتقفلن..
اصحي قبل النوم يشيل
من بين جفون عينيك
وطن..
|
Post: #2
Title: Re: ..........حلم..............
Author: ibrahim kojan
Date: 08-16-2009, 09:34 PM
Parent: #1
صلاح هذا الحلم أراه قادما لا محال....
بل أنه قد أتي ...
تركت له الباب مفتوحا..
وبعض من قلبي مشرعا اما البعض الاخر ليس له باب أصلا!
حتما سياتي
|
Post: #3
Title: Re: ..........حلم..............
Author: سلمى الشيخ سلامة
Date: 08-16-2009, 11:32 PM
Parent: #2
وما تنسي ايقاع الزمن
من بين خطاك في السكه
تتنفس مسامات الحلم
جوه الخلايا وتحتقن...
لم الحروف
قبل ما الفة كلامك ولهفة
الشوق تحرقن..
Quote: خلي العيون تقدر تشوف
جوه القلوب النابضة خوف
لون الشوارع والمدارس...
تملي الخيال ريحة الغرف
تصبح مدن..
واتشوفك ابواب البيوت
وتجر اصابعك تمسكن..
وتشد ايديك
من حولهن..
يتفتحن..
يتقفلن..
ويتفتحن..
ويتقفلن..
اصحي قبل النوم يشيل
من بين جفون عينيك
وطن.. |
اتذكر الان بوضوح ما نادى به الرجل الذى حول التاريخ فى امريكا وربما العالم
مارتن لوثر حين صاح "عندى حلم "
لم يكن حلمه باقل من حلمك يا صديقى
ولن يكون
لان الحلمين فى حق الانسانية
لاجل الانسانية
احلم ودعنا نحلم معك
ما اجمل ان نحلم يا صديقى اللدود
مااعظم ان نخلق حلما ثم نورده الى موارد الواقع
|
Post: #4
Title: Re: ..........حلم..............
Author: salah ismail
Date: 08-17-2009, 02:10 AM
Parent: #3
يا حبيبنا كوجان مرحب بيك والله مشكور علي الطله الجميله..عايز منك طلب....خاص ياخي رسل لي بالبريد تلفون عادل...طبعا كانت امسيات جميله ورائعه ستظل في الذاكرة بنفس الطيب...والروعه... تحياتي لكل افراد الاسرة الصغار والكبار...الي ان نلتقي
|
Post: #5
Title: Re: ..........حلم..............
Author: salah ismail
Date: 08-17-2009, 02:25 AM
Parent: #4
العزيزه سلمي سعيد بحضورك.. دائما.. لك الشكر كله
|
Post: #6
Title: Re: ..........حلم..............
Author: أبوذر بابكر
Date: 08-17-2009, 06:07 AM
Parent: #1
لون الكحل
روح الحليب
روح الكحل
لون الحليب
ممزوجة فى دم البلد
والريد حداهن منسجم
خت الحلم
سواهو ضل
لفحة هجيرك همبريب
لون الكحل
روح الحليب
ولامن نشيدك ينصلب
يزعل يفوت
يختا الدرب
يحرد يلون ليل صفاك
الريشه أصبع غنيتك
واللوحة تتحدى السكوت
ترقص تصفق بى قفاك
والمعنى شهقات الوتر
صلاح المٌلاح
كيفنك يا زول يا سما
تعرف
لو ما الأحلام يا صاحبى
الليل، ومعاه النهار كمان، كانو وقعو على رقبتن وكسروها
مغسه ساى وحرقة بس
خلينا نحلم، نسوى شنو عاد
المقطع الفوقانى ده
حتة من حلم طويييييييييييييييل
بحكيهو ليك يوم
|
Post: #7
Title: Re: ..........حلم..............
Author: rosemen osman
Date: 08-19-2009, 04:53 PM
Parent: #6
+
|
Post: #8
Title: Re: ..........حلم..............
Author: salah ismail
Date: 08-19-2009, 07:55 PM
Parent: #7
الي الصيف والشمس وبخار الماء
وانفاس الشجر...
الي قارورة تكورت حول البقية من عصير النبتة
الخضراء من خلف الزجاج...
الي عروق الضوء تحبو يكسرهااهتزاز
وحذر...
كان الحلم...في وعي بالوان الربيع مدثر
ومزمل في دفيء حضن هاربا من وحي صمتي
وجبريل الرسائل والصور...
مثني
ثلاث
ورباع...دون اجنحة تكون من فضاء تواجدي...
يلقي حقائبه خلال نوافذي ويعدل الطرقات يكتب وحده
ويعد خارطة التنقل والسفر..
لو كان يدري انني احببت رفقته الي حيث الشموس بلا مدار
او سماء سقطت نجوم الليل عنهاواختفت
مرة اخري يلاحقها القدر..
الحلم يحكي قصة الشعراء وانبياء الحس من رهف تنادو
يلتقون ظلالهم يتسامرون علي البقية من ضياء الفجر
ليلا يحتضر...
وكم احتفال لم يغني فيه غير الوجد والشجن الاناشيد الحزينة
والتساؤل...
قصة صارت تعاريجا
ورسم ساحئب عجلي تسافر او تجاعيد
علي وجه القمر...
تقول للاطفال والشعراء ماذا تفعلون باحرف الكلمات اذا ابت
ان تلتقي ...
او تعتذر...
|
Post: #9
Title: Re: ..........حلم..............
Author: salah ismail
Date: 08-19-2009, 08:12 PM
Parent: #8
ابو ذر ح ارجع ليك
ياخي شوفتك بالدنيا...الدنيا؟؟ كلمة غريبه شويه...!!!
|
Post: #10
Title: Re: ..........حلم..............
Author: salah ismail
Date: 09-03-2009, 07:13 PM
Parent: #9
09-02-2009
قاعد افتش في الامل في اللحظة بين
فجر الشموس الما بتغيب
وبين شفق لّّّّّّّّّّّّوّّن محطات الغروب
اتفقّد اتحسس خطاي
القاها سابت لي علي الرمله
الخريطة
واتجاهات السفر وقت الرحيل
شقيانه تصنع في الدروب
شقّت طريق بين الصباحات المنوّرة
في السما وبين نجوم ليل انتظر
حاضن قمر
خلي السواد يصبح غريب
ولما تطلع ضحكة الناس من عيونا
وتبدي تمشي تفتش ارزاقا الحلال
وتودع اطفالا وتدس
دمعه وقفت بين جفونا
تتلاشي في لحظه الشوارع والشجر
تتساوي دقات القلوب
وانا زي غريب
قاعد افتش في الامل
في اللحظه بين
فجرالشموس الما بتغيب
اتفقّد اتحسس خطاي..
وفيني هاجس من حلم
يفتح ويقفل في شبابيك الندم
اصلو شاف جوة القلوب
وجاني راجع منهزم
يشهق الم
ويزفر الم
يسمع سكون الحرقه
ويتلافي الصدي ويقفّل ابواب التراجع
والتخاذل والهروب
اديني لحظة من الزمن
بقدر اجيب من صوتي لون
وارسم بشوق الفرشه احزان العيون
بتبين هناك صورة وطن
واحسب معاي
مرة ايقاع المطر
ومرة اوراق الشجر
ومرة الوان الصور
قاعد افتش في الامل في اللحظة بين
فجر الشموس الما بتغيب
وبين شفق لوّن محطات الغروب
|
Post: #11
Title: Re: ..........حلم..............
Author: ibrahim kojan
Date: 09-06-2009, 08:55 AM
Parent: #10
*****
|
Post: #12
Title: Re: ..........حلم..............
Author: salah ismail
Date: 09-16-2009, 02:52 PM
Parent: #10
اسمو القدر
ماهو زول ولاحتي قِدْرت زحمة الوان
الحضور ترسم صور
سايقني من زمنا بعيد مندسّي بين اهات غناي
قفل تجاويف الحروف..
خلاني اكتب في الشعر..
مرات يفارقني ويسيب جواي فراغ..اقول اغادر..
وانتحر..
وهم الزمن والعيشه في هامش ضياع
غربه تشرب من سراب
ولحظه تلبس في المعاطف
وتنتظر...
تعبت من رفقة طريق رافض خطاي
ومن ريحة انفاس المحطات والمطارات
ومن تفاصيل الترقب والحذر
ومرة يرجع في العيون ينبش حقول الذكريات
يحفر قبر..
مرات يقيف يسكن مسافات النزول بين كل
قطره من المطر..
ماسك من الشمس الشعاع لاويهو يلعب بالظلال..
يرميها في وش القمر..
ومره يزرع فيني يحصد في الحلم
يملاني غابه من العدم..
ومن سهول رقص السراب
ومن تباريح الالم..
اقول اقاوم وانتقم..
القاه فات اصبح بعيد..
شايفو زي ضحكة نجم...
اسمو القدر..
واصلوا لازم ينتصر...
|
|