السفير جايينا وكيَة للمابينا.... زيارة ممثل المجموعة الحاكمة السودان.. لدى كندا

السفير جايينا وكيَة للمابينا.... زيارة ممثل المجموعة الحاكمة للسودان.. لدى كندا
(كلامات بالبلدي غير مترابطة حول الزيارة المرتقبة)

عملا بمقولة وراك وراك والزمن طويل!!....وتكملة لبرنامج محاصرة شعب السودان اينما كان .....قررت الحكومة الممجدة الخالدة ابدا.... بعد أن حسمت كل الاصوات المطنطنة بالداخل...قررت ارسال ممثل لها لحسم امور الامة (الرعية) العتيدة العنيدة...وحل مشاكل المواطنين الهاربين من المسئوليات الجسام....(زي جلد النساء وتشرد ناس دارفور ومشاكل التعليم والصحة) وجاي عشان يدعم الدورة الرياضية التي تقام بين مدن انتاريو..وهي المنشط الوحيد الناجح........لدورات ودورات.....وده كلو (عشان تآمنوا).
وطبعا يا أخوانا كما هو معروف ان السفير زول مهتم بالرياضة وجاااااي منننن مدينة أتاوا (حوالي خمسة ساعات بالسيارة الخاصة) وخاااالَي كل القضايا الجسام المتعلقة بحل قضايا الشعب (المذكور نذرا منها اعلاه).... وجاي يحضر ختام الدورة الرياضية كمواطن سوداني وبس!!؟؟؟
ليييييييه نستغرب.....مش ديل عودونا على الاهتمام بكل شؤننا؟؟... صح؟؟

زي::
الحريات والديموقراطية .. والاكل والشراب والعمل والمصانع والمزارع والمدارس والقوانين...وحتي العلاقات الشخصية والاديان وبالتأكيد حتى اللبس.........لأن التووب السوداني...زي اغلب نساء السودان والمميز لهن....صار مش نافع ولا بيغطي اي شئ..(وأكيد أماتنا وحبوباتنا كانوا غلطانين في اختيار زي غير مواكب لدولة التحضر)و ومافي اي شئ نافع ولو لبسوا زي لبنا حتى؟؟!!

وكدي خلونا شوية من ده كلللوا وخلينا النسأل::
ليه انحنا كده... وليه انحنا بنغفر دايما لكل المسؤلين (وعلى مر الازمان) بنغفر ليهم خطاياهم والبعملوا فينا.... وجعفر نميري مثل قريب جدا ...عمل العاوز يعملوا فينا ... وفي النهاية رجع ونفق في بلدوا معزز مكرم!!!؟؟؟
ده شنوا ده يا ناس؟؟

يارب هل نحنا شعب مختلف عن بقية شعوب الدنيا البتنعم بالحرية والديموقراطية (حتى ولو ما اتفقنا مع طريقة التطبيق)؟؟؟
وهل نحن العايشين في دول بتنعم بالحريات والديموقراطيات, (وهي قضايا اغلنا دخلنا هنا بنفتش فيها وبحسب الاوراق الرسمية في طلبات الهجرة...) صح؟؟
هل ما قدرنا نتعلم اي شئ من هذه القيم ؟؟
وهل حتى ما قادرين نحس يشوية غيرة و نتمنى أنو يكون حال اهلنا (ناس البيت وبس) يقارب الخير والوفرة والحريات والديمقراطية والشفافية البنعيشا هنا؟؟ (حتى ولو كانت مش بالطريقة العادلة البنتمناها)؟؟
هل فكرنا ولو مرة بعيد عن المهاترات والمكايدات والشتائم البتملأ مواقع الأنترنت... كيف ممكن اننا في السودان ممكن نحقق ولو البسيط جدا في القضايا الاساسية نحو تقدم وحرية وشفافية.....الى اخر قائمة العصر الحديث؟؟
طيب....
ممكن أسأل؟؟
كم من الارواح خسرنا في الحروب الاهلية؟؟
كم من الاحياء شرنا (داخل وخارج السودان)
كم من المواشي والاغنام والاشجار والنباتات قتلنا وحرقنا؟؟
كم من البلايين خسرنا؟؟
كم من السيادة الوطنية اهدنا؟؟
كم من الدول والمنظمات والشخصيات تدخلت في شأننا؟؟ (طبعا لما أهل البيت يختلفوا وصوتم يعلا بخلي الجيران تجي وتقول انشاء الله خير مالكم يا ناس) صح؟؟ و مابالكم في الباقيين المنتظرين الفرصة.
كم من الكفاءات والمهارات والمواهب في جميع أوجه الحياة خسرنا... وطبعا الكل عارف بركات الحكومة المباركة ....يدها الخضراء لما تهيش شئ..يتعمل المعجزات..

وطيب السفير ده ما هو ممثل لي نفس الناس العملوا فينا ما عملوا.... واليوم هو بيؤكد انوا جاي يحضر خنام الدورة الرياضية المقامة في مدينة هاميلتون أونتاريو.....كمواكن سوداني!!؟؟ أممممممم
طيب..
مش انحنا كلنا جينا بسبب موفقة الامم المتحدة على اعطاء اهل شمال السودان حق اللجوء بنفس قدر الحق المعطى من قبل لاهل الجنوب بعد مجهود المنظمات والحكومات ومواطنين سودانيين عاديين...... زي فاروق ابو عيسى ود. كتور حمودة فتح الرحمن.. وناس تانيين) مع حوجة الدول لمهاجرين (امريكا .. كندا استراليا)
مش سياسات الحكومة دي هي السبب في كل هذا.
وهذا السفير وهو (مواطن سوداني عادي)
كما يتدعي؟؟
مش برضو حرب الجنوب وقسمة السودان وتفككه ودعم حماس ومحاكمة لبنى وتشرد وتجويع وقتل اهل دارفور هي بسبب نفس هؤلاء؟؟
وانشاء تكونوا عارفين الرد على تساؤلات العظيم الطيب صالح؟؟؟
من اين اتى هؤلاء؟؟

مواطن سوداني عادي .................

طيب اذا كنت انا ياسر ود بسطاوي ادريس النجار وشيخ الطريقة القادرية ببحري... وود زينب نقد.. المرة النوبية المشلخة مطارق (رغم انوا الشلالية ما بيتشلخوا .. بس هو جزء من التمازج الرائع بين أهل السودان) وهو نفس ياسر الإتربى (بكل اعزاز) على يدين حبوبتوا ستية عبد الله حسنين بائعة الفطور...(الله يرحمهم) وعلى يد خالتوا زبيدة حامد على.. العاملة الشريفة الله يديها طولة العمر والصحة والعافية.......اللي ما نال اي تعليم فوق الثانوي... وساكن في بيت من الطين وبالايجار في مدينة الحلفايا............ الزول ده (اللي هو أنا طبعا) في بعض صباحات يوليو الحارة في مطلع التسعينات.... رسلوا ليهو (الحكومة المذكورة أعلاه) رسلوا لي 5 ناس!! من أمن الثورة (حسب ما عرف اصغرهم ويبدوا انه ضابطهم) جوا عشان يعتقلوني ....!!؟؟ بس طبعا انا خفت وهربت منهم..........هاهاها.......ايوة خفت وتلبت بالشباك لي بيت الجيران ثم للشارع .... ولغاية الليلة ما لمَوا فيني....؟؟؟

خسمة كلاب علي أنا براااي........!!!!؟؟؟

وبرضو ممثل الناس ديل بيقول
مواطن سوداني و عادي؟؟................؟؟

كدي النفكر....في حل
خلاسسس ده كلو من الماضي وعيش وانسى..................
أوكي نعيش وننسى ونرحب بالراجل الجاي من هناك في الهجيرة دي وشايل معاهو بطيخة كمان وجاي يسالمنا ويطايبنا..........
اوكي

ومليون سلام يا شعبنا
ومليون حباب
والاغتراب يا أبونا... ما طول الغياب
الاغتراب فال اليخونك ويزدريك
...........................
وسلام يا سودان