Post: #1
Title: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-13-2009, 04:33 PM
افيدونا يا ناس التكنلوجيا ...
|
Post: #2
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-13-2009, 04:34 PM
Parent: #1
والحلاقين ..
|
Post: #3
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-13-2009, 04:36 PM
Parent: #2
أصلاً المخرج انا قنعااان منو لأنو بيكون خاف من نهرة نهرتين من السر قدور فخلاهو يجي منكوش كما الشيطان ..
|
Post: #4
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-13-2009, 04:41 PM
Parent: #3
كالعادة والمعتاد تظل البشتنة هي الثمة والصفة الملازمة للبرنامج ..
فإن حاول عصام تصليح ما افسده دهر الحلقات السابقة فاجأنا صاحب اللبس الرايق عاصم البنا بي لبسة مخيييفة ..
وإن انقذنا البكلاريوس من ازياء اسرار الصارخة مرة والشاترة مرات فاجأتنا أفراح عصام بالأسوأ والأصرخ والدنيا تحمرر وتخضررر ياخ لبسة احححححمر من الحماااااار (فتح الحاء واووعكم تضموها)..
|
Post: #5
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-13-2009, 04:52 PM
Parent: #4
إتذكروا كلامي ده كوييييييييييييييييييييييييييييييييس تظل البت منار صديق اللي صوتها زي الفنانة عائشة الفلاتية هي من أجمل الأصوات النسائية اللي مرت على السودان وأي حلقة حا تشارك فيها حا تكون هي الأجمل لكن ناس تمبس حا يجو يقولوا ليكم افراح عصام صوتا مبااااالغة ..
تابعو البت دي عليييكم الله ..
|
Post: #6
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: نعمات حمود
Date: 08-13-2009, 05:30 PM
Parent: #5
ومن عندي هدية ليكم ...
جهاز ليزر لازالة ...النخل (والسمبيب )..واي تشوهات جلدية ...
تعرف ...
في mbcبرنامج مجموعة الدكاترة قالوا حلقة كاملة كدا عن (حكاية النخل دي )اسبابه ومسبباتها وطلعوا اخر حاجة انها تراكمات احزان وهموم عشان كدا فهمت ليه كل الناس وشوشم مليانه ...
ويا زول اصلا نحن جننا تبرعات اها ...ورغم اني في حاجة اكبر من ناس التلفزيونات ديل لكن ...
لاني مغتربة (وغيورة على ناس بلدي ..عشان كدا ما خسارة على عمالقة الفن ديل ...
والخير يعم بعد تصلكم المكنة دي حوموها على ناس كتار وكلو في ميزان حسناتي ...
لك محبتي وعميق التواصل
|
Post: #7
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: محمد إبراهيم علي
Date: 08-13-2009, 05:36 PM
Parent: #6
ما ممكن لا نو الزول ده اطنو محرم (التشكيل: ضم الميم ، سكن الحاء ، اكسر الراء )
|
Post: #8
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عوض محمد احمد
Date: 08-13-2009, 05:59 PM
Parent: #7
رغم انو فى ناس خائل فيهم الشعر الكثيف
مثال: كمال شداد, د. مختار الاصم,
|
Post: #9
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمران حسن صالح
Date: 08-13-2009, 06:20 PM
Parent: #5
| Quote: إتذكروا كلامي ده كوييييييييييييييييييييييييييييييييس تظل البت منار صديق اللي صوتها زي الفنانة عائشة الفلاتية هي من أجمل الأصوات النسائية اللي مرت على السودان |
من أول حلقة قلت الكلام ده يا عمر وعااااادي بسمع لكل ما تتغنى باعتباره فلتة ...أضغط للإستماع لمنار صديق / التجني
|
Post: #10
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: Abdelmuhsin Said
Date: 08-13-2009, 06:43 PM
Parent: #9
| Quote: كالعادة والمعتاد تظل البشتنة هي الثمة والصفة الملازمة للبرنامج .. |
كالعادة والمعتاد تظل البشتنة هي الثمة والصفة الملازمة لكثير من السودانين
|
Post: #11
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر سعد
Date: 08-13-2009, 07:38 PM
Parent: #10
تلفزيوانته دى لو جيت بى سفنجه مقطوعه وشايل جوال بيرن مافى زول بيقول ليك حاجه
بعدين جل السودانين عندهم عقده من اللبس ما عارف ليه ........................
بيعتبرو الشياكه دى فلهمه ساكت والمصيبه ريسينا فاضيه يعنى لا لبس لا راس
هنا فى الاغتراب تعودنا انو الوظائف الجيده بياخدوها الشوام عموما واللبنانين خصوصا
ليس للكفاءه وليس للشهادات العليا .ولكن لانهم بيلبسو كويس وبيتكلمو كويس
انا كنت ماخد زمبه فى روحى كنت فاكر انو انحنا السودانيين ديل احسن ناس بنلبس واحسن ناس
بناكل واحسن ناس بنفهم ..............................................................
بعد ما قربته اموت خلاص اكتشفت انو ده كان وهم كبير جدا جدا
وانو انحنا الطيش فى الموضوع ده ...........................
وكجزء من البشتنه السودانيه الضاربه الاطناب ..............
والجو البائس عموما الما بخليك تقشر كويس والمكنات الكتيره
لانو حتى فى دول الاغتراب تلقى السودانييين مبشتنين من لبسهم ومن عرباتهم السايقنها
والله تلقى ناس الجلابيه تفتكره سمنيه اللون اصلا بعد شويه تلقى ليك بياض كده يحيرك فيها
فعادى جدا ان يكون الاعلام والاعلاميين مبشتنين والبستضيفوهم مبشتنين
والحال من بعضو ..اصلو السودان روكه وفوضى والفوضى لا تعالج الا بالفوضى ...
قومو لصلاتكم يرحمكم الله .
|
Post: #12
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: دينا خالد
Date: 08-13-2009, 09:13 PM
Parent: #10
يا شيخو يا حااااااااااااااسد
بس عينك على سبايب الناس؟؟
لازم تعدم الناس السبيبة عشان انت صلعة ؟؟
ـــــــــــــ
تصدق مافى امل ؟ لانو الراجل دا عمر بث ما بسمع خااااالص بنضم بس
والفلسفة واللغة العربية ما خايلة عليك والله اسمها سمة سمة
وليست ثمة .. ثمح ؟؟
|
Post: #13
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-14-2009, 10:00 AM
Parent: #12
نعمات يا محمود:
Quote: ومن عندي هدية ليكم ...
جهاز ليزر لازالة ...النخل |
اها مش رسلتيهو ؟؟ شوووووفي كان ما ودوهو الشمالية وافتكروهو جهاز لي إزالة النخل اللي هو البلح !!!!! :)
يا زولة وشنا نحن السودانيين ديل عبارة عن البصرة بس والله نخل طن جهازك ده مااا اظنو يفيد في حاجة :)
الغريبة ناس المكياج عندنا عندهم فهم كده إنو الضيف ده بس اووول ما يجي لااازم يردموهو ليك بدرة وكريم اساس (او كما تقولون يا حنكوشات الفاونديشن) بالله الضيف بيبقا زي البعاتي..
|
Post: #14
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: خدر
Date: 08-14-2009, 01:05 PM
Parent: #13
| Quote: إتذكروا كلامي ده كوييييييييييييييييييييييييييييييييس تظل البت منار صديق اللي صوتها زي الفنانة عائشة الفلاتية هي من أجمل الأصوات النسائية اللي مرت على السودان |
و ناس طارق ابوعبيدة بقولو ليكم اجمل صوت نسائي( اداء + امكنيات ) طلع من عباية نجوم الغد كان عافية حسن
|
Post: #15
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-14-2009, 02:11 PM
Parent: #14
ابوحميد:
| Quote: ما ممكن لا نو الزول ده اطنو محرم |
ياخ ما بيناتنا خليهو يحلق وانا علي الخروف (الهدي)..
|
Post: #16
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: مريم بنت الحسين
Date: 08-14-2009, 02:37 PM
Parent: #15
والله يا عمر الفاروق، امس دي من بين حمى بتاعت نزلة الصيف الكعبه دي، صحصحته.. وقلت لنادر بصوت "مخنف" من الجيوب الانفية.. وقلت ليه.. الزول ده ما يحلق ياخ!
الدقن زاتو داير ليه صنفره...
لكن قصة خوف المخرج دي معاك فيها.. السر قدور ده شخصية صعبة.. بتخيل اني لو لاقيته حأكون برجف من الخوف... عنده نظرة من تحت النظارة كده.. لا حوله!
|
Post: #17
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: بت قضيم
Date: 08-15-2009, 01:34 AM
Parent: #16
يا عمر السر ده ما أصلع؟؟؟
واللا اناحوصة؟؟
البرنامج حلو ياخي انت بس اسمع ما تشوف
انا بشوف صوت أسرار أجمل الأصوات النسائية السودانية
(ثمة) شئ مميز جداً في صوتها
|
Post: #18
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: Hatim Yousif
Date: 08-15-2009, 05:51 AM
Parent: #14
| Quote: ناس طارق ابوعبيدة بقولو ليكم اجمل صوت نسائي( اداء + امكنيات ) طلع من عباية نجوم الغد كان عافية حسن |
نُثني .. وبشدة يامولانا ....
مع إضافة / رماز ... ومن ثم /أفراح عصام .......... ياتمبس
...
|
Post: #19
Title: Re: في أمل نخلي السر قدور يحلق شعرو قبل بث برنامج اغاني واغاني؟
Author: عمر الفاروق
Date: 08-15-2009, 11:12 AM
Parent: #18
اخونا عوض:
Quote: رغم انو فى ناس خائل فيهم الشعر الكثيف
مثال: كمال شداد, د. مختار الاصم, |
المشكلة إنو السر قدور ما عندو شعر كثيف الراجل مصللللع ولاحقنا وجاي..
الحاصل حالياً في الحلقات المسجلة يدخل في باب البشتنة المتعمدة ويدخل في باب المخرجين الخوافين ..
|
|