Post: #1
Title: الكيزان بحلفوا النسوان كذب
Author: مناهل ابراهيم
Date: 08-13-2009, 08:12 AM
ونحن نتوسط حوش بيتنا فى الكلاكله الوحده جاءت بنيه من بنات المؤتمر الوطنى شايله دليل سياسى لحصر النساء للتحضير للقائمه النسويه فى الانتخابات القادمه دهشنا من الوعى التنظيمى للجماعه ديل بدوا يبصوا اليات عملنا واكتشفنا انو قبلها بشهر تقريبا ودو النسوان الجامع بحجة استخراج بطاقات تامين شامل وخلوهم يملوا استمارات عضويه للمؤتمر الوطنى وحلفوهم قسم بانهم ينتموا للمؤتمر الوطنى وسيصوتوا للمؤتمر الوطنى نساء جزء كبير منهم ليس لهم اى حد ادنى من السياسه وبالمناسبه اليومين الجايين حيعملوا يوم صحى فى الكلاكله صنقعت شفتوا الحمله الانخابيه كيف لمن قال الترابى تعلمنا من خلايا الحزب الشيوعى العمل السياسى ما كضب والدليل متين الكيزان بعرفوا الدليل السياسى المهم لاذم نتحرك ونعاين للبحصل ده بعمق سياسى
|
Post: #2
Title: Re: الكيزان بحلفوا النسوان كذب
Author: DKEEN
Date: 08-13-2009, 12:09 PM
Parent: #1
مزيدا من الرصد يا مناهل..
مزيدا من الوعي..
تحياتي وانتي ترصدين هذه الظواهر..
توجد نقاط لمثل هذه التجاوزات الخاصة بالتحضير للانتخابات ..تجدين وسيلة الاتصال بهم في جريدة الميدان..
لقد درجت الجريدة على التوعية بمثل هذه الامور لرصد هذه التجاوزات ..
دمتي ولك من الود اجمله..
|
Post: #3
Title: Re: الكيزان بحلفوا النسوان كذب
Author: نصار
Date: 08-13-2009, 12:20 PM
Parent: #2
مرحب بيك يا مناهل
مصحصة و واعية
|
Post: #5
Title: Re: الكيزان بحلفوا النسوان كذب
Author: فايزودالقاضي
Date: 08-13-2009, 12:32 PM
Parent: #3
مناهل سلامات ...
اغلبيه الشعب السوداني مازالت تحكمه طوائفه الدينيه واداراته الاهلية ومع الاسف كل هذه الكيانات قد تم شراءها بثمن بخس ودون مقابل غير الوعود الكاذبة ..وضيقوا عليه عيشته وهينت كرامته واهونها اصبح الهروب اليهم ...ده غير الغشوهم باسم الدين ...
حزب قادر ومعارضة لا ترقي لأن توصف بالهزلان ...
الله غالب ...
|
Post: #4
Title: Re: الكيزان بحلفوا النسوان كذب
Author: omer osman
Date: 08-13-2009, 12:23 PM
Parent: #1
| Quote: شفتوا الحمله الانخابيه كيف |
تيب ومالو ؟ لكل مجتهد نصيب والا ما كده ؟
|
Post: #6
Title: Re: الكيزان بحلفوا النسوان كذب
Author: Hussein Mallasi
Date: 08-13-2009, 12:44 PM
Parent: #4
| Quote: الكيزان بحلفوا النسوان كذب |
بحثت في الهجص المكتوب فوق عن الكذب فلم أجده!
|
Post: #15
Title: Re: الكيزان بحلفوا النسوان كذب
Author: مناهل ابراهيم
Date: 08-13-2009, 03:38 PM
Parent: #6
شكرا للكل على المرور. يا ملاسى كذب اكتر من انو يحلفوا نسوان كبار فى السن بعضهم ليس له باع فى السياسه وفى( جامع) ده اسمو شنو فهمنا كل الزيف فى الطرقات رغم راينا فيو لكن الكذب والاحتيال جوا المساجد حكايه تانيه (حيكومة الكضبن والصهينه) يواصل الكيزان مسلسل استغلال العاطفه الدينيه.
|
Post: #7
Title: Re: الكيزان بحلفوا النسوان كذب
Author: mayada kamal
Date: 08-13-2009, 12:52 PM
Parent: #1
الاخت منال
| Quote: اليومين الجايين حيعملوا يوم صحى فى الكلاكله صنقعت شفتوا الحمله الانخابيه |
وليه ما تحسبيها انها صابة في طور السعي لتقديم تنمية حقيقية للمواطن
بعيدا عن الانتخابات
وانتو المعارضين .... لا بعجبكم العجب ولا الصيام في رجب
يعني الانقاذ لو عملت تنمية.... ما عاجب
ولو ما عملت تنمية ...... برضو ما عاجب
انتو دايرين شنو طيب ؟؟؟؟؟؟؟؟؟؟؟؟؟؟؟؟؟
تخريمة :
مع العلم انو لا اعتقد المؤتمر الوطني عنده مشكلة في خوض الانتخابات بل واحراز تقدم فيها
الدور والباقي ماذ في جعبة احزابنا المعارضة لتقدمه للمواطن وللوطن...
|
Post: #8
Title: Re: الكيزان بحلفوا النسوان كذب
Author: فايزودالقاضي
Date: 08-13-2009, 12:59 PM
Parent: #7
ميادة ...سلامات ..
Quote: مع العلم انو لا اعتقد المؤتمر الوطني عنده مشكلة في خوض الانتخابات بل واحراز تقدم فيها
الدور والباقي ماذ في جعبة احزابنا المعارضة لتقدمه للمواطن وللوطن... |
فاقد الشيئ لا يعطيه ...المعارضة الماموجودة هي سبب وجود هؤلاء .. الانقاذ قاعدة تشتري الناس لعدم وجود البديل .. وعدم وجود بديل لايعني ابداً ان الانقاذ هي الافضل ...ولكن ربما الشعب يقول كلمته ..
|
Post: #9
Title: Re: الكيزان بحلفوا النسوان كذب
Author: mayada kamal
Date: 08-13-2009, 01:09 PM
Parent: #8
اهلا يا اخي ود القاضي
| Quote: فاقد الشيئ لا يعطيه ...المعارضة الماموجودة هي سبب وجود هؤلاء .. الانقاذ قاعدة تشتري الناس لعدم وجود البديل .. وعدم وجود بديل لايعني ابداً ان الانقاذ هي الافضل ...ولكن ربما الشعب يقول كلمته |
أيواااااااااا دا مربط الفرس
ليه الناس ما تتكلم عن عجز المعارضة
ليه الناس ما تتكلم عن عدم قدرة المعارضة على تقديم نموذج بديل للمؤتمر الوطني
بدل ما يبكوا على الانقاذ..... الليقدروا يقدموا نموذج فعلي يجعل الناس يلتفوا حولهم
ويتركوا شمااااااااااعة الانقاذ وتعليق اخطاهم عليها
|
Post: #10
Title: Re: الكيزان بحلفوا النسوان كذب
Author: ود الباوقة
Date: 08-13-2009, 01:33 PM
Parent: #9
عنوان البوست متزمزغ .
وما بداخله اكثر زمزغة ..
انصراف . على اليمين شمال دور ...
افندم ...
|
Post: #11
Title: Re: الكيزان بحلفوا النسوان كذب
Author: ود الباوقة
Date: 08-13-2009, 01:49 PM
Parent: #10
الملف الشخصي ل مناهل ابراهيم
اللقب: مناهل ابراهيم
: .
عدد البوستات: 6
تاريخ التسجيل: 10-08-2009
محل الاقامة:
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: مناهل ابراهيم
التلفون:
الجامعة/المعهد: جامعة الخرطوم
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Female
الهوايات المفضلة:
الوظيفة:
تاريخ الميلاد: 2/11/1983
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل:
عدد الاطفال:
معلومات اضافية:
مكان العمل:
مكان الميلاد فى السودان:
صورتى:
العاجبني فيك يا منال لا لفيتي ولا دورتي..
عفيت منك ...
|
Post: #14
Title: Re: الكيزان بحلفوا النسوان كذب
Author: عبدالمجيد الكونت
Date: 08-13-2009, 02:16 PM
Parent: #11
Quote: الفنان المفضل:
اللون السياسى:
Quote: شيوعيه
|
البوليس صاقع شيوعية وفاكر نفسه بنبذ فينا
ايا بوليس امك مسكينة
بغض النظر عن انتماء الاخت او توجهها السياسي يظل الحزب الشيوعي رقم في السياسة
السودانية نتفق او نختلف معه علينا ان نحترم وجوده ويظل الشيوعيون السودانيين من اقوى المناضلين المحترمين
|
Post: #12
Title: Re: الكيزان بحلفوا النسوان كذب
Author: رأفت حسن عباس
Date: 08-13-2009, 01:51 PM
Parent: #8
المؤتمر الوطنى ما عنده مشكلة فى خوض الإنتخابات و إحراز تقدم فيها ؟
و الله دة سبق صحفى كبيير( ادى كدة اهو ) يا ميادة إنتى أكيد بتحضرى دكتوراة فى الإعلام!
+ لكن ما وريتينا ما هو مصدر هذا الخبر الخطير؟
+ و بأمارة شنو المؤتمر الوطنى ( بتاعك ) ضامن التقدم ( آل تقدم آل )
+ أكيد بأمارة إنه الأحزاب التانية ( ممنوعة ) من النشاط السياسى ( بالقانون )
+ متابعة الأخبار فى ماليزيا ولة متفرغة للدراسة؟
على فكرة:
- الحزب الإتحادى ( المسجل ) بفتح الجيم منعوه من إقامة ليلة سياسية- فى الشهر دة
- الحزب الشيوعى السودانى أيضاً منع من إقامة ليلة سياسية- الشرطة احتلت موقع الندوة( بالقانون طبعاًما كل شىء بالقانون)
+ ولة رأيك شنو يا ( دكتورة )؟
+ عقبال درجة الأستاذية
|
Post: #13
Title: Re: الكيزان بحلفوا النسوان كذب
Author: معتز القريش
Date: 08-13-2009, 02:12 PM
Parent: #12
تاااني (هنادي) 
أتمنى لك التوفيق في انتخابات اللجنة المركزية القادمة 
|
Post: #16
Title: Re: الكيزان بحلفوا النسوان كذب
Author: اسعد صلاح البدري
Date: 08-13-2009, 07:11 PM
Parent: #12
حبيبنا رافت كيف حالك
عزيزي الانتخابات نتيجتها معروفة
الحل الامثل المقاطعة
ياخي مشتاقين والله
|
Post: #17
Title: Re: الكيزان بحلفوا النسوان كذب
Author: معتز القريش
Date: 08-16-2009, 03:05 PM
Parent: #16
| Quote: ونحن نتوسط حوش بيتنا فى الكلاكله الوحده جاءت بنيه من بنات المؤتمر الوطنى شايله دليل سياسى لحصر النساء للتحضير للقائمه النسويه فى الانتخابات القادمه دهشنا من الوعى التنظيمى للجماعه ديل بدوا يبصوا اليات عملنا واكتشفنا انو قبلها بشهر تقريبا ودو النسوان الجامع بحجة استخراج بطاقات تامين شامل وخلوهم يملوا استمارات عضويه للمؤتمر الوطنى وحلفوهم قسم بانهم ينتموا للمؤتمر الوطنى وسيصوتوا للمؤتمر الوطنى نساء جزء كبير منهم ليس لهم اى حد ادنى من السياسه وبالمناسبه اليومين الجايين حيعملوا يوم صحى فى الكلاكله صنقعت شفتوا الحمله الانخابيه كيف لمن قال الترابى تعلمنا من خلايا الحزب الشيوعى العمل السياسى ما كضب والدليل متين الكيزان بعرفوا الدليل السياسى المهم لاذم نتحرك ونعاين للبحصل ده بعمق سياسى |
يا أخوانا ناس الكلاكلة
الكلام دا حصل مع حبوباتكم
أفيدونا أفادكم الله
|
|