Post: #1
Title: رابطة أبناء البراري المقيمين بدولة قطر
Author: محمد أبوالعزائم أبوالريش
Date: 08-13-2009, 05:49 AM
Parent: #0
إنعقد بالأمس إجتماع اللجنة التنفيذية لرابطة أبناء البراري المقيمين بدولة قطر. ناقش الإجتماع بصورة أساسية أنشطة الرابطة للفترة القادمة وصولاً للم شمل أبناء البراري وتوحيدهم تحت ظل الرابطة.
تهيب اللجنة التنفيذية بأبناء البراري المقيمين بدولة قطر، واللذين لم يسجّلوا أسمائهم في الرابطة، المسارعة بالإنتساب للرابطة، وذلك بالإتصال بالأرقام أدناه:
5808532 محمد أبوالعزائم
4991353 ناصر عباس
5595962 أيمن عبدالرازق
|
Post: #2
Title: Re: رابطة أبناء البراري المقيمين بدولة قطر
Author: محمد أبوالعزائم أبوالريش
Date: 08-13-2009, 11:11 AM
لمزيد من الإطّلاع
|
Post: #3
Title: Re: رابطة أبناء البراري المقيمين بدولة قطر
Author: إبراهيم عبد الحليم
Date: 08-13-2009, 04:12 PM
Parent: #2
أخى محمد أبو العزائم
مزيد من التوفيق للرابطة
----------
نعم المقطوعة من تأليفى والشغل سودانى ألمانى على الكيبورد تجدها بموقعى
www.ibrahimsud.net
إبراهيم عبد الحليم
|
Post: #4
Title: Re: رابطة أبناء البراري المقيمين بدولة قطر
Author: عبدالرحمن عبدالله أبوشيبة
Date: 08-13-2009, 08:23 PM
Parent: #3
أخي أبو الريش ،،
نبارك لكم قيام رابطة أبناء البراري ونبدي استعدادنا للمساهمة في النشر الصحفي فأنا أنتمي وجدانيا لهذا الكيان ولهذه البراري فقد درست المرحلة الأولية هناك ببري المحس وقضيت سنوات من عمري مع أخي عبدالقادر أبوشيبة رحمه الله وهو والد عباس وأحمد جمال وعبدالعزيز ومامون وطارق وإقبال.
لذلك فإنه يسرني التواجد معكم في أي فعالية تقيمونهاويمكنكم التواصل معي عبر الهاتف: 5291913 ولكم مودتي وتقديري.
عبدالرحمن أبوشيبة
|
Post: #5
Title: Re: رابطة أبناء البراري المقيمين بدولة قطر
Author: حيدر امين
Date: 08-13-2009, 09:55 PM
Parent: #4
بالغت يا ابوشيبه هو انت محتاج لتعريف ولا قايل ناس محمد ابوالريش ديل صغار ,, كيف حالك
طيب عشان اوقع ليك الصورة لو تايه عليك,,,,
الله يرحمه عبدالقادر لمن يوقف عربيته الفيات فى طل البيت جهة الجامع والفسحة الساعة 3 ظهرا
الركن المقابل ليه من الشرق ياهو حوش حسن الضو وديل نحنا وناس ماضى وابوالريش, عبدالله المبشر (مويه)
وبالمناسبه اخونا محمد يحى سليمان اصيب بالم اثناء عقد زواج ابنه فى الايام الفائته وبعد نقله الى المستشفى
تقرر بتر رجله وللاسف هذا ماحصل . (معليش على الاخبار المحزنه دى )
|
Post: #7
Title: Re: رابطة أبناء البراري المقيمين بدولة قطر
Author: عبدالرحمن عبدالله أبوشيبة
Date: 08-14-2009, 07:49 PM
Parent: #5
حيدر أمين كيف حالك ،، والله زمن طويل ما اتقابلنا ،، أنا قاعد أقابل أسامه على طول بس إنت مسجل غياب ،، ،، بالطبع تلك أيام خوالي الواحد لا يمكن ينساها خاصة ضرب الجير أيام الاجازات والعلقة النضيفة الأكلناها من والدتكم لمن مشينا البحر ،، تحياتي لك وللأسرة عموماً وألف كفارة للأخ محمد يحيي ربنا يواليه بالعافية.
|
Post: #8
Title: Re: رابطة أبناء البراري المقيمين بدولة قطر
Author: حيدر امين
Date: 08-14-2009, 09:18 PM
Parent: #7
ابوشيبه
عاد فى لزوم للفضائح دى
شوف بالله البلد كانت كيف وبقت كيف
وتبقى القصة كلها حكى لاطفالنا والاجيال الجايه
ترابط الاسر والتداخل فيما بينها,,, الله يرحم كبارنا الاحياء منهم والاموات
العلمونا عادات وخصال جمبلة وانشاء الله اولادنا يسيروا فى الدرب
ياخى ماتجونا فى مسقط مره ,,, ولا ايه رائكم الاربعاء الجاية عندنا سهرة كاربة
مع قناة النيل الازرق وفرقة النادى الفنية بقيادة السنى ابوالعزائم, البث حيكون
خلال ايام عيد الفطر ,, بإذن الله الواحد الاحد ,,و فكروا المشوار ما بعيد,,
|
Post: #11
Title: Re: رابطة أبناء البراري المقيمين بدولة قطر
Author: محمد أبوالعزائم أبوالريش
Date: 08-16-2009, 12:18 PM
Parent: #5
Quote: وبالمناسبه اخونا محمد يحى سليمان اصيب بالم اثناء عقد زواج ابنه فى الايام الفائته وبعد نقله الى المستشفى
تقرر بتر رجله وللاسف هذا ماحصل |
يا سلااااام .. والله خبر مؤسف .. ياخ محمد يحي ده لي زمن طويل شديد ما شفتو، وأظنه مقيم في السعودية .. يعني الواحد بعيد عن البلد .. وبيمر على حاجات زي (عقد زواج إبنه) ويبلعها لأني طبعاً ما بعرف أولادو .. لكن حكاية بتر رجلو دي بالجد مؤلمة. .. الله يكون في عونو.
|
Post: #9
Title: Re: رابطة أبناء البراري المقيمين بدولة قطر
Author: محمد أبوالعزائم أبوالريش
Date: 08-15-2009, 04:05 PM
Parent: #4
| Quote: يسرني التواجد معكم في أي فعالية تقيمونهاويمكنكم التواصل معي عبر الهاتف: 5291913 ولكم مودتي وتقديري. |
الأخ أبوشيبة ..
لك أن تعتبر نفسك عضو أصيل في الرابطة .. ومرحباً بك.
كما أوضح لك الأخ حيدر فإن أبناء المرحوم عبدالقادر أبو شيبة هم أبناء خالتنا "صفية" عليها رحمة الله.
تحياتي.
|
Post: #10
Title: Re: رابطة أبناء البراري المقيمين بدولة قطر
Author: عبدالرحمن عبدالله أبوشيبة
Date: 08-15-2009, 08:51 PM
Parent: #9
الأخوين - حيدر أمين وأبو الريش
بالفعل أنا منكم وفيكم ويسرني الإنضمام إليكم ففي بري كان مهد الصبا في هذا الحي الراقي ولا زلت أذكر جيدا الدافوري في ميدان الجامع واللعب ليلا مع أصدقاء العمر ماهر سليمان ومجدي الأمين ومجدي سكرنج وأسامة أمين ومصطفى هاشم وكمال أمين نادر البداني وكمال عوض وعادل وكمال حمزة وعبدالله جاموس وعبدالله لفت ووو القائمة تطول.
طبعاً يا حيدر إنتو أكبر مننا وأضيف ليك عباس وأحمد جمال ويوسف الامين وصلاح يحيي ،، تتذكر استديو التصوير العملوه في حديقة الحيوانات.
حيدر أمين والله مسقط ما بعيدة والشوق ليكم بحووووووووووور بس ماسكنا القوي الشديد وبالمناسبة أنا بكرة الأحد عندي سهرة لتلفزيون السودان عن أطفالنا في رمضان أرجو أن تشاهدها ،، طبعاً قريبك مراسل للتلفزيون القومي.
|
Post: #6
Title: Re: رابطة أبناء البراري المقيمين بدولة قطر
Author: محمد أبوالعزائم أبوالريش
Date: 08-14-2009, 05:42 PM
Parent: #3
د. إبراهيم
جزيل الشكر ..
وشكراً على الموقع .. حأشوفه وأجيك راجع. مع إني سألت عنو في بوست تاني .. لكن المهم إنو وصل.
تحياتي،
|
Post: #12
Title: Re: رابطة أبناء البراري المقيمين بدولة قطر
Author: محمد أبوالعزائم أبوالريش
Date: 08-17-2009, 06:20 AM
Parent: #6
لمزيد من التواصل .. وتسهيلاً لإتصال أبناء البراري المقيمين بدولة قطر .. يمكن - إضافة للأرقام أعلاه - التواصل عبر البريد الإلكتروني أدناه:
[email protected]
|
|