Post: #1
Title: الحب وداد
Author: ذواليد سليمان مصطفى
Date: 08-13-2009, 01:27 AM
الحب وداد
الحب وداد
كلمات /ذواليد سليمان مصطفى
18/12/2002م
الحب وداد يا ناس
الحب لطافة وانسجام
رقة وجمال فتان
ثغرك ضحوك بسام
انت الجمال يا ناس
حبك خصال انسام
القليب بيك انتشر
*** لما اصبح بيك هام
كلماتك عبر واحكام
فاضت بالريد والحنان
الشوق كتير وكتير
والاشتياق زاد كمان
همسه منك تسعدنى
وتدخلنى فى اجمل جنان
يلاك نملك كل العواطف
*** ولى ضميرك حبك امان
بالجد نور العيون
نور يشتل الافراح
والرشاقة الفى عيونك
ضاوية زى نور الصباح
ما جمالك اصلو ايه
لابسه لافنان وشاح
ياالشعورى معاك ديمه
وقلبى بيك زاد انشراح
|
Post: #2
Title: Re: الحب وداد
Author: حبيب نورة
Date: 08-13-2009, 01:49 AM
Parent: #1
و سعاد يا ذو اليد
ما عندك فوقها قصيدة
اخبارك أيه !
|
Post: #3
Title: Re: الحب وداد
Author: ذواليد سليمان مصطفى
Date: 08-14-2009, 02:41 AM
Parent: #2
| Quote: و سعاد يا ذو اليد! |
والله يا حبيب نورة مشكلة كبيرة
بس يحلوها كيف!!!!
نحول الموضوع لخبراء الرومانسية
كده نفتش يحتمل نلاقاه واقفة فى شارع النيل
ولا حايمة فى عفراء
الحب وداد نحكيها ليك فى ما بعد
تحياتي على المرور
|
|