Post: #1
Title: من جوة القلب ..
Author: طلحة عبدالله
Date: 08-12-2009, 03:41 PM
أتمني أن يتاهل الهلال لنصف نهائي أبطال أفريقيا ..
يتبع .....
|
Post: #2
Title: Re: من جوة القلب ..
Author: طلحة عبدالله
Date: 08-12-2009, 03:45 PM
Parent: #1
لأنو تأهل المريخ هو مسألة وقت ليس الا ..
وبهذه المناسبة ارجو أن ازجي الشكر للباشمهندس الذي اعادني مشتاقا يسعي لمشتاق ..
يتبع ...
|
Post: #3
Title: Re: من جوة القلب ..
Author: محمد عبد الماجد الصايم
Date: 08-12-2009, 03:49 PM
Parent: #2
حمدلله على السلامة ياخ!
ما بترد التلفون مالكـ؟
|
Post: #4
Title: Re: من جوة القلب ..
Author: محمد البشرى الخضر
Date: 08-12-2009, 03:53 PM
Parent: #3
سلامات تنظير يا عمك
مشتاقين والله
|
Post: #5
Title: Re: من جوة القلب ..
Author: طلحة عبدالله
Date: 08-12-2009, 03:58 PM
Parent: #3
وأرجو أعتذر لكل من رأي أنه يستحق اعتذاري ..
ويشمل الاعتذار أخوكم مهدي الصادق مع الاعتراف انني اغلظت عليه ساعة انفعال مبرر...
وهذا الأخير أطالبه وبهدوء شديد أن يثبت ما رماني به من اتهامات ...
وهو حقي الذي سأعمل على نيله بالتأكيد ..
يتبع ...
|
Post: #6
Title: Re: من جوة القلب ..
Author: عبدالكريم الامين احمد
Date: 08-12-2009, 04:01 PM
Parent: #5
هلا يا طلحة
وبعيد عن الهلال سيد البلد والمريخ الوصيف..
والله مشتاقين
وبعودتك ستعود الي الملاعب الحان وموسيقي الخرخرة المريخية العتيقة
ومرحب
|
Post: #7
Title: Re: من جوة القلب ..
Author: طلحة عبدالله
Date: 08-12-2009, 04:21 PM
Parent: #6
ودو يا عمك
انت غيرت تلفونك واللا شنو ..؟
لانو ما جاءني رقمك اصلو ..
وبعدين ظاتو انا كنت مشغول بالجرسة لعمك الكبير عشان كدا
حتى لو جاءني ما فاضي ليك ..
على صعيد مختلف
متابع تنصيبك الكذوب واستقبالاتك الخنفشارية
والله اشتقت لي دردرتك كزول ملطشة .
الوشوش ماشغالة عندي عشان كدا خت الوش البريحك
|
Post: #8
Title: Re: من جوة القلب ..
Author: طلحة عبدالله
Date: 08-12-2009, 04:26 PM
Parent: #7
جرجير ( من جرجرة) والمعروف هنا بود البشري
الفيك اتعرفت ياصاح
حاول كفر نذر من سيئاتك ووريني :
بعد ما تكتب رد بتعود كيف للصفحة الرئيسة
هذا وقوم لف .
|
Post: #9
Title: Re: من جوة القلب ..
Author: طلحة عبدالله
Date: 08-12-2009, 04:29 PM
Parent: #8
هلا والله بوحش الأسافير ومجضم حكاوي الحواري المدعو كيكي
كل الأشواق يا زول صنديد .
|
Post: #10
Title: Re: من جوة القلب ..
Author: طلحة عبدالله
Date: 08-12-2009, 04:34 PM
Parent: #9
جرجير يا عمك
براي وبذكائي المعهود عرفت كيف اعود للصفحة الرئيسة
عشان كدا اعمل ثابت مكانك واعتبرني كانو ما لاقيتك قبل كدا
عشان ماتجىء تنظر لي هنا
وان لم تلف لسع برضو ساعتبرك لفيت .
|
Post: #11
Title: Re: من جوة القلب ..
Author: عبد اللطيف بكري أحمد
Date: 08-12-2009, 04:55 PM
Parent: #10
فقدناك والله أخي طلحة ، وحمدا لله بسلامة العودة،،
بالله التحكيم كيف اليومين دي؟؟
نورت بيتك ياحبيب،، (عفا الله عما سلف) هذا القول الجميل والمعنى السامي سيلقى عندك موقعه بإذن الله،،
سلام وأسف على التقصير،،
|
Post: #13
Title: Re: من جوة القلب ..
Author: heba Elmahi
Date: 08-12-2009, 05:06 PM
Parent: #11
مرحب بعودتك يا طلحة يا أخوي و حوشنا نوًر
عليك الله تعال سكًت لينا الرشاشات ديل شوية أصلو
من يوم ما انت مشيت نحنا ما قادرين عليهم !
مشتاقين بالجد كدة !
|
Post: #12
Title: Re: من جوة القلب ..
Author: عبدالوهاب علي الحاج
Date: 08-12-2009, 05:06 PM
Parent: #10
المرة دي بنمشيها ليك
وحمد لله على السلامة
ومشتاقين
|
Post: #14
Title: Re: من جوة القلب ..
Author: طلحة عبدالله
Date: 08-12-2009, 06:01 PM
Parent: #12
جدير بالاضافة انو الإجازة الاجبارية بتاعت بكري دي حاجة ما كويسة ابدا
وانا مستغرب الجماعة ديل كانو محتملنها كيف ..؟
وعليه
ما بوصي عزيز انو يتعرض ليها ..
يتبع ..
|
Post: #15
Title: Re: من جوة القلب ..
Author: طلحة عبدالله
Date: 08-12-2009, 06:06 PM
Parent: #14
عزبزي السمح خلقة واخلاق عبداللطيف بكري
ولا يهمك يا حبيب
تحملت مسؤولية ما قلت هنا بيد انني كنت متقين
ان انفعالي ساعتئذ ح يوديني التوج
لكن كنت في حالة غضب شديد بسبب التجني الذي حاق بي يومها
ومن دون أي سبب .
كل الشكر
|
Post: #16
Title: Re: من جوة القلب ..
Author: طلحة عبدالله
Date: 08-12-2009, 06:10 PM
Parent: #15
هبة المريخ بت الماحي
شكرا كثيفا لسعيك الانيق هنا
تأكدي ان الأمبراطور المريخي يتحكر في قمة عالية
بحيث لا تصل الي اسماعه رجة الرجرجة .
|
Post: #17
Title: Re: من جوة القلب ..
Author: على محمد على بشير
Date: 08-12-2009, 06:15 PM
Parent: #16
حمد الله على السلامه يا طلوح ..
والله ما كنت عارف انك كنت موقوف او باسووردك ضائع
والا كان عملنا حمله لعودتك .. اصلو كنت فاكرا زنقة شغل وكدا
عموما حمد الله على السلامه يا حبيب ..
|
Post: #18
Title: Re: من جوة القلب ..
Author: طلحة عبدالله
Date: 08-12-2009, 06:15 PM
Parent: #16
صديقي اللدود وهبة
سلامات يا زول مميز
وبعد
لا تستطيع يا عزيزي ان تجردني انا الزعيم الصفوي النخبوي خالص
من سمة متأصلة كونني سليل وطن النجوم حيث يحتشد كل عباقرة البلد
وعليه :
مشتاقين كتير والله
|
Post: #19
Title: Re: من جوة القلب ..
Author: خالد عبد الله محمود
Date: 08-12-2009, 06:25 PM
Parent: #18
طلووووووح
ياخ والله الشوق كميات ..
كنا بنسأل عليك زي الحاجة السمحة ..
كنت غاطس وين أنت ؟؟
|
Post: #21
Title: Re: من جوة القلب ..
Author: حسين يوسف احمد
Date: 08-12-2009, 06:33 PM
Parent: #19
يا حبيب والله العظيم أنا رجعتك دي ما عندي
ليها غير الكلام دا ، أقرأ ، وقس ، وقارن :
Quote: بمناسبة عودة المريخ لعد قرار إلغاء قرار الرياضة الجماهيرية
كتب محب المريخ الكبير د / أبو عبيدة المجزوب مقالاً يمجد فيه عودة المريخ ..
(( ها انت تعودين يا نجمة السعد ))
* يا نجمة السعد ها انت تعودين ملئ السمع والبصر لحناً في وتر .. وضياءاً في بدر .. وأصالة وفناً وشباباً وحماساً وتحكماً وقتالاً ..
* ها انت تعودين نجمة باهرة ومتعة ساحرة .. فتياناً ثائرة وخيلاً جامحة ..
* تعودين حلاوة في الملعب . وقتالاً في الحرب .. عوداً صلباً .. تسلبين الألباب .. تفرحين القلوب .. تشرحين الصدور وتسحرين العيون ..
* تعودين وفتيانك الميامين أناشيدهم مسموعة ورؤوسهم مرفوعة .. خطواتهم محسوبة .. باصاتهم غير مقطوعة وضرباتهم غير مردودة ومرماهم محروس ..
* لقد عاشت جماهيركم راضية عنكم وباتت مطمئنة بكم وستبقي وفية لكم علي ان تحملوا النجمة في قلوبكم وتفدوها بأرواحكم وأنفسكم ..
* وانتم يا جماهير المريخ الوفية الصامدة .. هاهم اولادكم يقاتلون في جسارة ويدافعون في ضرواة ويهاجمون في حرافة .. فشدوا من أزرهم وأعينوهم وقفوا وراء ظهورهم فهم حماة النجمة وأبطال المعارك ..
* ها إنت يا نجمة السعد تعودين مؤسسة رياضية وطنية معقود عليها اللواء ..
* رجالك هم أباؤك فشاخور وزروق وناس السوق والولهان والنعمان وحاج حسن في عرينه يجود .. |
|
Post: #22
Title: Re: من جوة القلب ..
Author: طلحة عبدالله
Date: 08-12-2009, 06:48 PM
Parent: #20
علي محمد علي
سلامات يا زول نخبوي
ما تفقد عزيز ياخ
كل الود والتقدير
|
Post: #23
Title: Re: من جوة القلب ..
Author: طلحة عبدالله
Date: 08-12-2009, 06:52 PM
Parent: #22
خالد محمود ابو الخلد
صدقا من انت واحد من الذين اشتقت ليهم من جوة القلب
تسلم يا حبيب
واتمني هلالك يتأهل
لكن لا اتوقع ..و
هاهاهاها
|
Post: #24
Title: Re: من جوة القلب ..
Author: طلحة عبدالله
Date: 08-12-2009, 06:58 PM
Parent: #23
العزيز حسين المريخ الأشهب
كل الحب والتقدير يا زول وامض كالعادة
المرحوم الدكتور ابوعبيدة المجذوب بلدياتنا وأظنه قريب نسب
له الرحمة بقدر ما أجزل من عطاء
ولك الشوق العظيم
|
Post: #25
Title: Re: من جوة القلب ..
Author: طارق الكوتش
Date: 08-12-2009, 08:49 PM
Parent: #24
مرحب طلحه و الشوق كميات
وفقدناك بالجد رغم عكننتك وعذابك لنا
لقد ناديت وهتفت كثيرا لعودتك فى عدة بوستات
والحمد لله انك رجعت لعشاقك من اللون الاحمر
ولعذابات معجبيك من اللون الازرق
ولا يحلو تشجيع هلال مريخ الا بالعكننه
وخصوصا اذا كانت صناعة طلوحيه خالصه
تانى الف مرحب و بيتنا نور
تحياتى و احتراماتى الاكيده لشخصكم
|
Post: #26
Title: Re: من جوة القلب ..
Author: سيف الدولة كامل
Date: 08-12-2009, 09:04 PM
Parent: #25
عودا حميدا يا مريخابي يا اصييييييييييييل
|
Post: #27
Title: Re: من جوة القلب ..
Author: haroon diyab
Date: 08-13-2009, 05:59 AM
Parent: #26
الحبيب الغالي / طلحة
سلامات
واشواق كيمان.....كيمان
ومكان شاغر في كل الامكنة والازمنة
وعاد احمد والعود احمد
صدقني.....
في كل زنقة اتزنقتها هنا....بتذكرك
شكرا.....بكري
فامثال طلحة تضاء بهم الاماكن
عودا حميدا مستطاب
وبشري بعودتك سينتصر الاحمر لامحالة
في معركة العودة يوم السبت .
كن بالف خيييييييييييييييييييييير
مودات
|
Post: #28
Title: Re: من جوة القلب ..
Author: طلحة عبدالله
Date: 08-13-2009, 11:22 AM
Parent: #27
طارق يا كوتش
متشكر والله على الترحيب الشفيف كونك راجل نقي
لا عيب فيك إلا ضلالك الأزرق حيث لا هادي لك
كن بخير وما تعمل حركات هناك تاني.
|
Post: #29
Title: Re: من جوة القلب ..
Author: أيمن دياب
Date: 08-13-2009, 11:32 AM
Parent: #28
ولدنا الزعلان طلحة.. (يعني في الأصل هلالابي)..
حمد لله على سلامة العودة..
أمانة ما مريخك اتبشتن في غيابك..
جار عليه الزمان ومازدا وأصحاب الأقلام الصفراء..
ـ قال مسألة وقت قال ـ
|
Post: #30
Title: Re: من جوة القلب ..
Author: ممدوح أبارو
Date: 08-13-2009, 11:32 AM
Parent: #28
ياعمك بركة الجيه
يمين فاقدنك وفاقديين تنظيرك
|
Post: #31
Title: Re: من جوة القلب ..
Author: طلحة عبدالله
Date: 08-13-2009, 11:36 AM
Parent: #28
الاستاذ سيف الدولة الكامل
شكرا لمرورك المشرف
ودمت بخير وصحة
|
Post: #32
Title: Re: من جوة القلب ..
Author: طلحة عبدالله
Date: 08-13-2009, 11:47 AM
Parent: #31
الحبيب الصفوي هارون دياب
دام مريخك شامخا كإيحاء الجسور
شكرا بديعا للترحيب الدسم .
|
Post: #33
Title: Re: من جوة القلب ..
Author: طلحة عبدالله
Date: 08-13-2009, 12:06 PM
Parent: #32
سلامات يا أيمن دياب
الواقع أنك قلت نصف الحقيقة
المريخ جني عليه أهله في الفترة السابقة دا صحيح
لكنه لم (يتبشتن )بعد..
المريخ عملاق يمرض ولا يموت يا عزيزي
ستري كيف هي عاصفة الاحمر الواهج في مقبل الأيام .
شكرا للترحيب .
|
Post: #34
Title: Re: من جوة القلب ..
Author: طلحة عبدالله
Date: 08-13-2009, 12:09 PM
Parent: #33
ابارو يا حبيب
ما تفقد عزيز يا بركة
انا ذاتي إشتقت لتنظيري .
|
Post: #35
Title: Re: من جوة القلب ..
Author: طارق الكوتش
Date: 08-16-2009, 04:10 PM
Parent: #34
Quote: لأنو تأهل المريخ هو مسألة وقت ليس الا ..
وبهذه المناسبة ارجو أن ازجي الشكر للباشمهندس الذي اعادني مشتاقا يسعي لمشتاق ..
يتبع ... |
يتبع
|
Post: #36
Title: Re: من جوة القلب ..
Author: شول اشوانق دينق
Date: 08-16-2009, 04:16 PM
Parent: #35
حمدلله على السلامة وكفارة الضفر الحصل أمبارح يا طلحة
|
|