حجيتِــك فاطنـــه وبجيتِـــك

حجاكِ الليل بي باكر ..

لمالِك نجمو وسمَّاكِ

بجاك بالحلم المتواتِر

والخير الجاهُ وما جاكِ

يا فاطنه خطاكِ البتعافِر

في وحل الهم المسَّاكِ

يا صابره ولادك بتذاكِر

في حِصص الغم الأمّاكِ

مُصلايتِك ساهيه وبتدافِر

في غبش الزيف العمّاكِ

ممحونه سواعدِك بتباصِر

في غُلباً قاصِر همّاكِ

زمّوكِ الكانوا قواصِر

يالوجعِك رسناً زمّاكِ

لا بُورِك نيلِك بتجاكِر

لا جرفِك فرهد ضمّاكِ

حددتي غيابك في الخاطر

مددّتي سماكِ اللمَّاكِ

صبيتي سحابِك ها الماطِر

صديتي عوارضِك والكاكي

عشّيتي قبيلةً بتخاطِر

حاشاها الرجعه وإلاّكِ

يممتِ ضميرِك والحافِر

لي ناقص الليل التمّاكِ

لا بالِك جالِك ها الطافِر

لا ليلِك روَّح وجمّاكِ

Quote: حجيتِــك فاطنـــه وبجيتِـــك

خيراً جانا و لفاطنة و ليك انت كمان يا ود ابو حوه

اخ من كلماتك القاتلة

Quote: خيراً جانا و لفاطنة و ليك انت كمان يا ود ابو حوه اخ من كلماتك القاتلة

حافظ يا صديقي ..

هذه الفاطنة الفطنه .. لها الله

وخيرها متي يأتي ..؟

الله وحده هو الذي يعلم ..

وبيقي الأمل في غدٍ نضر هو كل الأماني

نتمني لها الخير الذي يأتي علي جناح السرعة.. لا الإبطاء..

هي أمنيات يا حافظ بأن يسلم (جنياتها) وكل واحدٍ منهم يتأبط مهجرا ومحنه.


كل الود والأمنيات السمحه

*

*

قطع برقك رحط غيمك
طمح موجك
عرج للشط تساب القلب
قدح قزحك
رزاز اللون
مرق منخم
شهيق الكون
فتح طاقة شجونو .النم
دخل
طاعم
الدعاش
للحب.