Post: #1
Title: سرير نوم .. فى مكتب المدير العام !!
Author: bushra suleiman
Date: 08-11-2009, 12:17 PM
Quote: كانت تتصبب عرقاً وهى تقف أمام باب مكتب (المدير الكبير) فى تلك الشركة المرموقة .. فهى مقبلة على معاينة أخيرة تمثل لها المستقبل بحاله، بعد أن تخطت كل المعاينات الابتدائية "المملة" التى تمارسها تلك الشركة.
بأصابع مرتجفة طرقت على الباب مرتين .. ليأتيها صوت المدير الأجش صائحاً: (اتفضل)!
ادارت رتاج الباب وانفاسها تكاد تخلع قناع الهدوء الذى كانت تحاول جاهدة أن تحافظ عليه .. وما أن لامست قدماها (موكيت) غرفة المدير الفاخرة ، حتى نهض المدير من خلف مكتبه راسماً على وجهه ابتسامة لم تستطع أن تحدد (لونها) فى ذلك الوقت وهو يقول : (اهلين .. اتفضلى يا استاذه..) مشيراً لها بالجلوس .. لكنها توقفت متسمرة تماماً وهى تحدق فى ذلك المكان الذى أشار عليها بالجلوس عليه.. وما أن تأكدت من ذلك الشئ حتى أدارت ظهرها للمدير ثم ولت هاربة .. تاركة ذلك المدير غارقاً فى الدهشة .. فهو لم يقل لها شيئاً يستدعى أن تفر منه بتلك الصورة .. فكل ما طلبه منها هو أن تجلس على ذلك (السرير) الذى توسط مكتبه وقد تدلت اطراف (ملايته) على الارض فى بلاهة !!
|
هذه بداية التحقيق الذى قام بأجراءه الصحفى /احمد دندش فى جريدة الرأى العام بتاريخ 10 اغسطس 2009 بعنوات (سراير فى المكاتب .. أكثر من علامة استفهام!!) وذلك عن ظاهرة وضع الأسّرة فى المكاتب وضرورتها لبعض المسئولين فى الدولة:
أصلاً هل هناك داع لوجود هذة الأسّرة فى بعض مكاتب الدولة والبنوك والشركات الكبيرة؟!!
الا يمكن ان يكون وجود الأسّرة فى المكاتب مدخلا لممارسات خطيرة وقبيحة؟!!
|
Post: #2
Title: Re: سرير نوم .. فى مكتب المدير العام !!
Author: سلمى الشيخ سلامة
Date: 08-11-2009, 12:36 PM
Parent: #1
الشاعر الجميل بشرى
دى جديدة
تطور سريع فى المشروع الحضارى
|
Post: #3
Title: Re: سرير نوم .. فى مكتب المدير العام !!
Author: dardiri satti
Date: 08-11-2009, 12:46 PM
Parent: #2
| Quote: تطور سريع فى المشروع الحضارى |
حضارة عصر الإنحطاط
تحت قيادة أحط المنحطين.
تحياتي
|
Post: #4
Title: Re: سرير نوم .. فى مكتب المدير العام !!
Author: omer osman
Date: 08-11-2009, 01:03 PM
Parent: #3
| Quote: الا يمكن ان يكون وجود الأسّرة فى المكاتب مدخلا لممارسات خطيرة وقبيحة؟!! |
يعني لو مافي سرير خلاص المدخل للمارسات الخطيرة والقبيحة اتقفل ؟؟ خلاص شيلوا السراير تعم الفضيلة !!
|
Post: #16
Title: Re: سرير نوم .. فى مكتب المدير العام !!
Author: bushra suleiman
Date: 08-12-2009, 03:37 PM
Parent: #3
|
Post: #17
Title: Re: سرير نوم .. فى مكتب المدير العام !!
Author: bushra suleiman
Date: 08-12-2009, 03:43 PM
Parent: #3
|
Post: #18
Title: Re: سرير نوم .. فى مكتب المدير العام !!
Author: bushra suleiman
Date: 08-12-2009, 09:42 PM
Parent: #3
Quote: حضارة عصر الإنحطاط
تحت قيادة أحط المنحطين.
تحياتي |
الدرديرى .. ايامك خير وبركة
قالو تصوم رجب .. تشوف عجب ، ونحنا لى هسى ما صمنا لا رجب لا شعبان!!
وشايفين العجب العجاب
|
Post: #5
Title: Re: سرير نوم .. فى مكتب المدير العام !!
Author: omer osman
Date: 08-11-2009, 01:08 PM
Parent: #2
Quote: الشاعر الجميل بشرى
دى جديدة
تطور سريع فى المشروع الحضارى |
الاستاذة سلمي
الجديدة شنو ؟ حكاية السراير ؟ ابداً والله قديمة ومن زمن الانجليز خصوصاً في الشرطة والوحدات العسكرية وكمان معاها نظام ضروة
او قول ستارة مكتب وتطلب من المخازن والمهمات عااااااادي
|
Post: #6
Title: Re: سرير نوم .. فى مكتب المدير العام !!
Author: HAIDER ALZAIN
Date: 08-11-2009, 01:15 PM
Parent: #5
Quote: الجديدة شنو ؟ حكاية السراير ؟ ابداً والله قديمة ومن زمن الانجليز خصوصاً في الشرطة والوحدات العسكرية وكمان معاها نظام ضروة
او قول ستارة مكتب وتطلب من المخازن والمهمات عااااااادي |
دا كان بالشرطة والجيش البيغيب عنها كان العنصر النسائي والفيها نظام ورديات وسد خدمة مرهق يستمر مرات 16 ساعة لكن في مكتب مدير شركة او بنك او مسئول الداعي شنو .. ؟
يآخي اصلاً الفضيلة ما بتنتشر لو شالو السراير من المكاتب لكن ما حايكون انتهاكها تحت الانظار عينك يا تاجر للكبار .. ويطاردو البنيات بالشوارع في لبس هدومن ..!
|
Post: #7
Title: Re: سرير نوم .. فى مكتب المدير العام !!
Author: omer osman
Date: 08-11-2009, 01:23 PM
Parent: #6
Quote: لكن في مكتب مدير شركة او بنك او مسئول الداعي شنو .. ؟
|
مش برضوا المدير ده احتمال يكون مرهق ؟؟
بعدين ياحيدر اخوي اصلوا لوحصل التجاوز القصة ما دايرة ليها سراير
|
Post: #9
Title: Re: سرير نوم .. فى مكتب المدير العام !!
Author: bushra suleiman
Date: 08-11-2009, 09:19 PM
Parent: #2
تعرفى يا بت الشيخ .. انا كل يوم القى ليكى اعلان بتاع اثاثات شى صينى وشى تركى وانواع من ماليزيا واقول الناس بالله قاعدة تشترى الاثاثات دى بى ياتو قروش (طبعاملايين)!! اتاريهم اولاد الكلب بودوها المكاتب ، قال شنو عشان بتعبو شديد فى الشغل لازم يختو ليهو سرير للراحة .. لا وكمان لقيت ليكى واحدين بطلبو فطورهم من الهيلتون (طبعاً على حساب الحكومة) .. ان شالله بالسم الهارى
قولى آمين
|
Post: #8
Title: Re: سرير نوم .. فى مكتب المدير العام !!
Author: abubakr
Date: 08-11-2009, 01:25 PM
Parent: #1
يابن خالتي ..قلبوها Office Home بدل Home Office وبالعكس وبس ...
|
Post: #10
Title: Re: سرير نوم .. فى مكتب المدير العام !!
Author: ALazhary2
Date: 08-11-2009, 09:23 PM
Parent: #8
.
.
الله يستر البوست ده مايقع في يد واحد لبناني ولا خليجي ويقوم ينشروا على الشبكة العنكبوتية تأكيداً لكسل السودانيين .
هسع المترجم بتاع كتاب بوزان في مكتبة جرير يستغل البوست ده دليل براءة .
شر البلية مايضحك :)
.
.
|
Post: #11
Title: Re: سرير نوم .. فى مكتب المدير العام !!
Author: BAKTASH
Date: 08-11-2009, 09:44 PM
Parent: #10
الغضروووووف يا جماعة , الناس دي عندها غضروووووف يعني ما بقدرو يقيفو اويقعدو كتير .. فهمتو ؟؟؟
واحد عندو غضروف في مكتبه..
|
Post: #12
Title: Re: سرير نوم .. فى مكتب المدير العام !!
Author: حافظ حسن ابراهيم
Date: 08-11-2009, 10:24 PM
Parent: #11
سلام يا بشري وكل المتداخلين واحدواحد....
تعالوا هنا يا أخوانا مالكم علي المدير ابو سرير ... ما تنسوا الراجل كبير و كرعينو ما شايلتهن داير ياخدو ليهو حبة انبطاحة يعني فيها شنو دي ...طيب سؤال للصحفي الشليق دا هو هو مالو و مال سرير المدير الله اعلم بالسرائر .....
يعني امة لا ترحم لا تخلي رحمة الله تنزل.....
ياخي لكن عجبتي فكرة الشفت دا .... سرير مره واحدة؟
تعيش رجباً تري عجباً ... واللهم احفظ كبرنا و كل المؤمنين؟؟؟؟
يا بشري والله جاتني فكرة بوست هسي رأيك شنو اسميه (سرير في مكتب المدير, والله اعلم بالسراير)
يا شباب والله ما قصدي اخستك بالبوست و بجي صادي اناقش بشكل جادي شوية والله اعلم بما في السرائر
|
Post: #14
Title: Re: سرير نوم .. فى مكتب المدير العام !!
Author: رهف
Date: 08-12-2009, 09:26 AM
Parent: #13
مالكم يا جماعة الناس ديل بقيموا اليل فى المكاتب فى العبادة والاعتكاف ولابد من مساحة للراحة والدين يسر ما تخلوا فهمكم ضيق يعنى يساهروا فى العبادة وبالنهار فى السياسة والبزنسس والصفقات وما ينوموا عليكم الله فى جهاد اكتر من كدا ومتابعة مشاكل المواطن السودانى من خدمات وعلاج وتعليم مجانى وسك البنات اللابسات البنطلون الذى يوذى مشاعرالمجاهدين منهم
|
Post: #15
Title: Re: سرير نوم .. فى مكتب المدير العام !!
Author: محمد ابراهيم قرض
Date: 08-12-2009, 11:06 AM
Parent: #14
اطالب بنقل السرير من المكتب
لغرفة منفصلة مجاورة للمكتب
وأتكفل بمصاريف العتالة منعا
للشبهات !!!
|
|