Post: #1
Title: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 05:41 AM
يا سلالالالام !
زول جميييل و بشوش و حكاااااااي
( عنوان البوست من بنات افكار إنعام حيمورة في بوست سابق )
|
Post: #2
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 05:50 AM
Parent: #1
شكرا" بكري أبو بكر علي جعل المستحيل ممكنا"، شكرا" لكل الاعضاء علي
هذا التوادد الجميل ، و بالجد إحساس ما عادي إنك تلاقي عيانا" بيانا"
زول كل الجمعك بيهو في الدنيا دي عالم أسفيري يحتمل كل مداخل و مخارج
الدنيا بما فيها إحتمالات الخير و الشر .
|
Post: #3
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 06:02 AM
Parent: #2
د. كوجان حكاية تانية برااااها ، زول من أول كلمتين يقولهم قدامك
يجيك إحساس إنك بتعرفه مية في المية ، و هو ما بتردد ابدا في انه
يأكد ليك الاحساس دا بتصرفاته و أسترساله في القص و الرص وسرد الحكايات
و إطلاق الضحكات العفوية بصوت عالي ، و الونسة تأخدك شئ ذكريات من السودان
و شئ حكاوي الغربة و شئ حكاوي شقاوة الشباب ( ما تحمر لي يا كوجان انا عارفة
إنك لسة في السوق و كدا بس شباب دي قاصدين بيها ايام الصبا طيب )
و فجاءة تسأل نفسك سؤال خفي ( الزول دا منو ؟ يا ربي لاقيته وين انا قبل كدا ؟ )
و لما السؤال يطلع غصبا" عنك و تجئ الاجابة ياخي دا ما كوجان البكتب في سودانيزاونلاين
بالله ؟ طيب انا ما بعرفو كوووويس ، يلا من جديد إزيك الله يبارك فيك إزيك الله يبارك فيك
حمدالله علي السلامة واشنطن نورت والله !
|
Post: #4
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 06:15 AM
Parent: #3
يلا يا بورداب واشنطن ورونا همتكم للاحتفال بالزول دا و لانه هو ما قاعد
كتير لازم نتحرك سريع جدا" و نطلع لينا بي برنامج و لو بسيط خلال ايام
الاسبوع لانه راجع في الويك إند الجاي !
و إعتبروا البوست دا بمثابة دعوة لكل بورداب واشنطن و الحلال المجاورة
عشان ما يطلع لينا واحد بكرة بي عنوان بوست ( إنقسامات بورداب واشنطن ) !
و يا كوجان فضًي لينا نفسك بالله نص يوم بس خلال اليومين الجايات
ديل بالله ، و تحياتي للجميع
|
Post: #5
Title: Re: و لاقـيييييييت لـيـكـم ابـــراهـيـم كـوجـان
Author: محمد الجزولي
Date: 08-10-2009, 06:49 AM
Parent: #4
مرحب بكوجان في عاصمة العم سام ..
وبختكم الشوفتهو او حاتشوفهو عيان بيان ..
واجازة سعيدة
ــــ
قلت لي حكاوي من زمن الشباب ...يعني طلعتَ العم كوجان هههههههه
ــــ
| Quote: عشان ما يطلع لينا واحد بكرة بي عنوان بوست ( إنقسامات بورداب واشنطن ) |
يازولة انتي من زمن جِنس ده ... ناس بورداب الخرطوم صنعو الحل الناجع للحاجات الزي دي
اسئليهم بوروك كان حَلهم شنو ؟!
والسلام للجميع
|
Post: #6
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 01:24 PM
Parent: #5
مرحب ود الجزولي و حباب مرورك الكريم علي البوست
| Quote: قلت لي حكاوي من زمن الشباب ...يعني طلعتَ العم كوجان هههههههه |
يا زول ما تجيب لي الهوا مع الدكتور دا انا وضحًت قصدي بين
قوسين ما شفته يعني ؟ ( وش كيف كيف كدا )
Quote: يازولة انتي من زمن جِنس ده ... ناس بورداب الخرطوم صنعو الحل الناجع للحاجات الزي دي
اسئليهم بوروك كان حَلهم شنو ؟! |
شايفاهم بورداب الخرطوم ماشاءالله عليهم قدروا يستقطبوا كل التيم الكان نافر و شارد
ربنا يديم عليهم لمتهم و اجتماعياتهم الحلوة دي .
و الجميع بردوا ليك السلام
|
Post: #7
Title: Re: و لاقـيييييييت لـيـكـم ابـــراهـيـم كـوجـان
Author: انعام حيمورة
Date: 08-10-2009, 01:35 PM
Parent: #6
| Quote: ( عنوان البوست من بنات افكار إنعام حيمورة في بوست سابق ) |
والله يا هبة جيت من العنوان بس قلت اطالبك بي حقي فيهو ..
لكن طالما رجعتي الحقوق لاصاحبها فعافية ليك شديد هههههههههه
ياخ شفتي الدكتور دا لذيذ كيف وود ناس وانسان وراقي واي كلمة حلوة في الدنيا دي تتقال في حقوا
تحياتي ليهو واتمنى ليكم الفرح دائما
|
Post: #8
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-10-2009, 02:13 PM
Parent: #7
يا هبة ياخي بختكم ..
ودوهو حتات شعبية الزول ده ..
هناك بس ممكن يبتق و تمرق ليهو صفيقات ( بتعرفي يبتق يعني شنو ؟ ) و تشوفي ابراهيم الأصلي ..
عندكم حتات شعبية في بلاد عمكم سام دي ؟
جيبو ليهو راس نيفة مثلا .. كوارع .. أم فتفت .. مديدة العريس ..
أي شي كويس كده و عندو طعم بيسلك معاهو .
كمان كان دايرينو يطفش أعملو حركات الخواجات ديك :
جاطوووووه و تورتة و شوك و ملاعق و قصص ميته .
......
كوجان ياخي الوصية في الذمة ..
جيب لي معاك البتاعة القلتها ليك ..
تكون هناية أمريكي أصلية بالله .. طيب ؟
|
Post: #9
Title: Re: و لاقـيييييييت لـيـكـم ابـــراهـيـم كـوجـان
Author: محمد الجزولي
Date: 08-10-2009, 02:25 PM
Parent: #8
Quote: جيب لي معاك البتاعة القلتها ليك ..
تكون هناية أمريكي أصلية بالله .. طيب ؟ |
اشك في وجود مقاسك ده في امريكيا كدي شوف الصومال
ولا روسيا .... هيع هيع هيع ....
|
Post: #10
Title: Re: و لاقـيييييييت لـيـكـم ابـــراهـيـم كـوجـان
Author: salah ismail
Date: 08-10-2009, 07:17 PM
Parent: #9
نعم كوجان ذلك الكم من الود والبساطة ..يجعلك تستمع اليه ..وتصغي الي حد الدهشة..التقينا..به ...فكان هو المرحب بنا..جلسنا معه نستمع ..لم تكن الكلمات ...صوتا...بل كانت تتجول في الذاكرة..ابعد من المكان ...وتاتي بازمنة الالتقاء ..مدارس الوجد والحنين الي الوطن
والي الاصدقاء كانت تفتح النوافذ الي القدوم من مرافئ الرحيل بالكم من الود سباقا ..مع البقية من ضوء الشمس...وفرح الاطفال...التحيه ليك يا هبه ...
|
Post: #12
Title: Re: و لاقـيييييييت لـيـكـم ابـــراهـيـم كـوجـان
Author: Muna Khugali
Date: 08-10-2009, 09:51 PM
Parent: #10
ماشاء الله..
المؤتمر لسه ما بدا ولا شنو؟؟
سلام يا هبه..
ليك حق تندهشي من ابراهيم وونسته اللطيفه ومعرفته الكبيره بكل ما يطرق من مواضيع..
ابراهيم هايكون اخوكي وصديقك طوال العمر باذن الله ما دمتي راغبة في ذلك..
لانه زول اصيل في تعامله مع الناس..
اسه انا بعرف ابراهيم ده من 21 سنه وأصله ما اتغير..
يا بختكم بلمتكم كلكم ويا بختنا باقامة ابراهيم بلندن..
سلامي ليك ولكل البورداب بطرفك..
|
Post: #15
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 10:56 PM
Parent: #12
أووووه الملكة شخصيا" منورنا ! بركاتك يا شيخ كوجان
Quote: ماشاء الله..
المؤتمر لسه ما بدا ولا شنو؟؟ |
والله غايتو نحنا بنشدو بي جاي و المؤتمر يشدو بي هناك
و هو بي طريقته يتصرف هههههه !
Quote: سلام يا هبه..
ليك حق تندهشي من ابراهيم وونسته اللطيفه ومعرفته الكبيره بكل ما يطرق من مواضيع..
ابراهيم هايكون اخوكي وصديقك طوال العمر باذن الله ما دمتي راغبة في ذلك..
لانه زول اصيل في تعامله مع الناس..
اسه انا بعرف ابراهيم ده من 21 سنه وأصله ما اتغير.. |
حباب سلامك يا بت شيخ خوجلي
بالجد د. ابراهيم يستحق الثناء و الاطراء و معرفته و صداقته إضافة
حقيقية ليً ، و انا من امبارح كلمته إني لن اقبل بعد كدة بي مرتبة
أقل من صديقة و أخت طول العمر علي قولك ، و ربنا يديم المحبة و التوادد
بين الناس يارب ..
| Quote: سلامي ليك ولكل البورداب بطرفك.. |
سلامك يوصل للجميع بأذن الله
ولك وافر التحايا و مرفق ودي
|
Post: #14
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 10:38 PM
Parent: #10
Quote: نعم كوجان ذلك الكم من الود والبساطة ..يجعلك تستمع اليه ..وتصغي الي حد الدهشة..التقينا..به ...فكان هو المرحب بنا..جلسنا معه نستمع ..لم تكن الكلمات ...صوتا...بل كانت تتجول في الذاكرة..ابعد من المكان ...وتاتي بازمنة الالتقاء ..مدارس الوجد والحنين الي الوطن
والي الاصدقاء كانت تفتح النوافذ الي القدوم من مرافئ الرحيل بالكم من الود سباقا ..مع البقية من ضوء الشمس...وفرح الاطفال...التحيه ليك يا هبه ... |
مرحب بيك يا أستاذ صلاح و حقيقة واحدة من إشراقات د. كوجان علينا
أني إتعرفت عليك و إطلعت علي الكتاب بتاعك ( رغم انه د. ابراهيم
إتغاتت علًي و رفض يديني نسخة من عنده ) و عليه ممكن تعتبر البوست
دا طلب نسخة عدييييل كدة لو أمكن !
سعيدة جدا" بالتعرف عليك و لو من علي البعد و أتمني تمتد أواصر
المعرفة الي مساحات أرحب إن شاءالله
وافر التحايا و مرفق ودي
|
Post: #13
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 10:31 PM
Parent: #8
| Quote: يا هبة ياخي بختكم .. |
بختنا شديد يا عمدة مش كدة ؟
بس النصيحة ليك يا الله سيرتك ما فارقت ونسته معانا ولا ثانية !
و حكاوي الشباب الفوق دي كانت شاملك هههههه بس ما تشيل هم ما ( فتاك ) شديد !
Quote: ودوهو حتات شعبية الزول ده ..
هناك بس ممكن يبتق و تمرق ليهو صفيقات ( بتعرفي يبتق يعني شنو ؟ ) و تشوفي ابراهيم الأصلي ..
عندكم حتات شعبية في بلاد عمكم سام دي ؟
جيبو ليهو راس نيفة مثلا .. كوارع .. أم فتفت .. مديدة العريس ..
أي شي كويس كده و عندو طعم بيسلك معاهو |
ليك علًي ادوخو ليكم السبعة دوخات البقولوها ديك بس هو كيف يفضي لينا شوية
برًي وحاة الله ما بعرف ( يبتق ) دي يعني شنو النبي تشرحها لي ...
Quote: كمان كان دايرينو يطفش أعملو حركات الخواجات ديك :
جاطوووووه و تورتة و شوك و ملاعق و قصص ميته . |
حركات الخواجات دي ما معانا أصلو نحنا ناس صحروايين و بتاعين دواس ساي
شوك و ملاعق دي زاتها ما بنعرف ليها !
Quote: كوجان ياخي الوصية في الذمة ..
جيب لي معاك البتاعة القلتها ليك ..
تكون هناية أمريكي أصلية بالله .. طيب ؟ |
انا زاتي برسل واحدة هدية من عندي بس الهناية دي ما تطلع بتاعات !
|
Post: #11
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-10-2009, 09:47 PM
Parent: #7
| Quote: والله يا هبة جيت من العنوان بس قلت اطالبك بي حقي فيهو .. |
معقولة بس يا نعومة تقيفي لي في حلقي كدا !
| Quote: لكن طالما رجعتي الحقوق لاصاحبها فعافية ليك شديد هههههههههه |
ما بين الخيرين حساب يا نعومة ياخي !
Quote: ياخ شفتي الدكتور دا لذيذ كيف وود ناس وانسان وراقي واي كلمة
حلوة في الدنيا دي تتقال في حقوا |
والله يا انعام د. ابراهيم دا زول لذيييذ و وناااااس و كاااااوي
بالجد وجوده في واشنطن عمل إضافة في البلد !
| Quote: تحياتي ليهو واتمنى ليكم الفرح دائما |
تحيتك وصلت بأذن الله و الفرح لينا و ليكم جميعا"
|
Post: #16
Title: Re: و لاقـيييييييت لـيـكـم ابـــراهـيـم كـوجـان
Author: نوفل عبد الرحيم حسن
Date: 08-10-2009, 11:28 PM
Parent: #11
بختكم
وان شاء الله دائما مبسوطين وملمومين في الخير
ارشحك لعمودية بورداب واشطن يا هبه
بعدين ياخ ما تنسي قريبي نزار كروم من الدعوه
شايفو يظهر علي مرآة الاحداث مره ويختفي اكثرها
دمتم
|
Post: #17
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-11-2009, 00:31 AM
Parent: #16
Quote: بختكم
وان شاء الله دائما مبسوطين وملمومين في الخير |
تشكر يا نوفل علي زيارة البوست و الطلة الحلوة و شكرا" علي
الدعوات الطيبة و جمعا" يا رب .
| Quote: ارشحك لعمودية بورداب واشطن يا هبه |
شرف كبير يا نوفل ، معقولة بس انا ابقي في مقام ناس العوض المسلمي
و الناس الكُمل ديل ! يديك العافية علي حُسن ظنك ..
Quote: بعدين ياخ ما تنسي قريبي نزار كروم من الدعوه
شايفو يظهر علي مرآة الاحداث مره ويختفي اكثرها |
ياخي نزار كروم دا عشان بس نتكلم معاهو في التلفون ساي عاوزين
لينا حجز مسبق و تأكيد للحجز قبل اسبوع ! طبيعة شغله حارمنا منه
و حارمهو من البرامج كلها و زيادة علي مشغوليته دي كمان اليومين
ديل طالع ليهو في برنامج بتاع تجديد خلايا و إستعادة حيوية هههههه
يعني الاجازة بتاعة اخر الاسبوع دي بمشي فيها التمرين و يلعب كرة
و ما عنده لينا زمن بتاتا" ! لكن رغم كل ذلك اكيد ح نبلغه ولو عشان
خاطرك انت بس ..
دام فضلك و الدوام لله يا ولدي !
وافــر الـتـحـايـا
|
Post: #18
Title: Re: و لاقـيييييييت لـيـكـم ابـــراهـيـم كـوجـان
Author: سامى عتبانى
Date: 08-11-2009, 01:08 AM
Parent: #17
Quote: يلا يا بورداب واشنطن ورونا همتكم للاحتفال بالزول دا و لانه هو ما قاعد
كتير لازم نتحرك سريع جدا" |
والله يا هبه يا اختى ان شاء الله يتحركو ويعملو ليهم
شويه همه بكسر الهاء
واتمنى انهم يطلعو من حكاية فوره اللبن دين
حنعمل وحنعمل وحنعمل
انشاء الله يعملو
|
Post: #19
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-11-2009, 01:23 AM
Parent: #18
مرحب بالسيد العريس النفض الكيس ، البوست زارته البركة والله
قالوا فيك الملائكة اليومين ديل ، حبابك
Quote: والله يا هبه يا اختى ان شاء الله يتحركو ويعملو ليهم
شويه همه بكسر الهاء
واتمنى انهم يطلعو من حكاية فوره اللبن دين
حنعمل وحنعمل وحنعمل
انشاء الله يعملو |
شنو ياخي شابكنا يتحركوا و يعملوا و مطلًع نفسك من المجموعة
الاخ أصبح من بورداب بنسلفانيا ولا شنو قرقرقرقر !
وافر التحايا يا ود العتباني
|
Post: #20
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-11-2009, 02:05 AM
Parent: #19
أخيرآ إبراهيم كوجان في بلاد العم سام....ألف حمدآ لله علي السلامة يا حبيب....وشكرآ هبه الماحي علي الترحاب والتكريم وإشراكنا في كل هذا الجمال.....إبراهيم كوجان....ياخي جننت بنات البورد جن.... شايل معاك عروق محبة وله شنو...نحن غايتو لينا الله....مافي زول مهببو لينا كلو كلو.....عليك الله أدينا شوية من عروقك القوية دي....ودي وحبي يا جميل
راشد
|
Post: #21
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-11-2009, 02:29 AM
Parent: #20
مرحب بيك يا أستاذ راشد في محضر تكريم د. أبراهيم كوجان
Quote: إبراهيم كوجان....ياخي جننت بنات البورد جن.... شايل معاك عروق
محبة وله شنو...نحن غايتو لينا الله |
كمان أولاد الغرب ديل بسألهم من العروق ما طوااااالي في جيبهم هههههه
( مافي زول يقول علًي عنصرية دا مجرد هزار بين اصحاب )
حبابك يا أستاذ راشد و ياريت لو في طريقة تشرفنا في برنامجنا المقام علي شرف
د. كوجان صديق الجميع
|
Post: #22
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-11-2009, 03:21 AM
Parent: #21
| Quote: ما طوااااالي في جيبهم هههههه |
 يجازي محنك يا هبة....مالك عايزة تجيبي لي الهوا مع صاحبي كوجان دا....
راشد
|
Post: #23
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-11-2009, 05:11 AM
Parent: #22
| Quote: يجازي محنك يا هبة....مالك عايزة تجيبي لي الهوا مع صاحبي كوجان دا.... |
ياخي كوجان دا ما بزعل من زول يا راشد ما تشيل هم ..
______________
السؤال الفارض نفسه الان : أين هو المحتفي به ؟
فاااااتح لينا تماما" الدكتور دا و فاتح للمنبر كله و داخل
في برامج فنية مع تاج السر الملك !
الله يهديه و يجئ يرد لينا هنا عشان ننسق معاهو برنامج الاحتفال ..
ماذا و إلا ما ح نشتغل كتير بي ظروفك مع المؤتمر ولا مع ناس ريشموند
و بنحدد زمان و مكان الاحتفال علي كيفنا ! رأيك شنو يا دكتور ؟
|
Post: #24
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-11-2009, 06:18 AM
Parent: #23
| Quote: داخل في برامج فنية مع تاج السر الملك ! |
شنو ؟؟؟
أها كان كده .. الترابة دي في خشم واشنطن .
......
إبراهيم .. ياخي المجاسفة لزوما شنو ؟؟؟
خليك عاقل و زح مِنو .
|
Post: #25
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-11-2009, 05:14 PM
Parent: #24
Quote: شنو ؟؟؟
أها كان كده .. الترابة دي في خشم واشنطن .
|
و الليييييلة ! هو في شنو ؟
Quote: إبراهيم .. ياخي المجاسفة لزوما شنو ؟؟؟
خليك عاقل و زح مِنو . |
يا عمدة ياخي وقعًت قلبي انا قلت حصلت مصيبة ! تاج السر
الملك دا أجمل و أروع زول ممكن تتعامل معاهو في منطقة
واشنطن الكبري كلها ، بس شكله كدا ما ناوي يفًك لينا
الدكتور دا إلا نمشي نقالعو فيهو .. و قالوا الكترة
غلبت الشجاعة و نحنا حاليا" كمجموعة بورداب واشنطن
العاوزين يحتفلوا بهذا الكوجان اكثر عددا" من تاج
السر الملك و أصحابه .
وافر التحايا ليك يا استاذ تاج السر و عليك الله باصي
لينا الزول دا قبل ما أيامه تكمل في البلد دي
|
Post: #29
Title: Re: و لاقـيييييييت لـيـكـم ابـــراهـيـم كـوجـان
Author: عوض حمزة
Date: 08-11-2009, 11:37 PM
Parent: #25
احم احم ... احم تانى
قلتو كوجان ؟
يا طير يا ماشى لى اهلنا اقيف واحمل رسااااااااااااااااااااايلنا
والشووووووووووووووووووق ما تنسى يا كوجان ... لكل البسئلك عنا..
سلام دوحاااابى اصيل ...
وشوق اهوج يااااا عمدة
هبوية هبشيك سمح ..
واصلى
|
Post: #30
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:22 AM
Parent: #29
Quote: احم احم ... احم تانى
قلتو كوجان ؟ |
شخصيا" تصدق ؟
Quote: يا طير يا ماشى لى اهلنا اقيف واحمل رسااااااااااااااااااااايلنا
والشووووووووووووووووووق ما تنسى يا كوجان ... لكل البسئلك عنا..
سلام دوحاااابى اصيل ...
وشوق اهوج يااااا عمدة |
حباب الدوحاب جميعا" و تشكر علي المرور الكريم نورتا البوست
| Quote: هبوية هبشيك سمح .. |
شكرا" علي الاطراء
حــاضـر
وافر التحايا
|
Post: #26
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-11-2009, 05:14 PM
Parent: #24
عذرا" للتعديل بسبب التكرار
|
Post: #27
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-11-2009, 08:28 PM
Parent: #24
قلت لى مدير شنو في دال؟؟؟؟
|
Post: #28
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-11-2009, 08:37 PM
Parent: #27
مش كوجان ده
هسسسسة تعالو شيلوهو، من يوم جا الحر ضرب البلد و الصواقع، تقولي مشاريع فنية؟؟
نحنا من يوم جا نصلح في السباليق، و نشق في الخيران،
بعدين انت داير شنو من امريكا يا عماد؟؟ اسبير؟؟
هسة قلبنا يضرب رب رب رب ، ما يكون ادوك تأشيرة ، نلقاك بكرة بعد بكرة بى جاى
لا بالجد ياعماد، داير شنو انت من هنا؟؟
|
Post: #32
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:33 AM
Parent: #28
Quote: مش كوجان ده
هسسسسة تعالو شيلوهو، من يوم جا الحر ضرب البلد و الصواقع، تقولي مشاريع فنية؟؟
نحنا من يوم جا نصلح في السباليق، و نشق في الخيران، |
هههههه مش كدا بالله ! كوجان دا طلع كراعو حارة فعلا" ّ!
| Quote: بعدين انت داير شنو من امريكا يا عماد؟؟ اسبير؟؟ |
شمار شديد ! ( وش شمشار )
Quote: هسة قلبنا يضرب رب رب رب ، ما يكون ادوك تأشيرة ، نلقاك بكرة بعد بكرة بى جاى
|
ياااااريت والله دا يكون يوم المني
| Quote: لا بالجد ياعماد، داير شنو انت من هنا؟؟ |
تااااااني !!
|
Post: #35
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-12-2009, 08:19 AM
Parent: #32
الولد سغير و جاهل ..
بس .. دي كل الحكاية . و كمان صاحبي ..
أها .. ( أجاسف ) يعني و أعاين ليهو يضيع قدام عيني و أسكت ؟؟؟
.....
إنت زاتك ود قبايل و زول كويس برضو ..
كوجان ده ما أخوك ؟؟؟ يعلم الله أخوك .. و عارفك ما بتدور ليهو الكعب ، طيب ليه ياخ ؟؟؟
شيطانك اب قرينات زحو من الزول ( البريء ) ده الله يرضى عليك ..
و سألتك بجاه النبي كان خليتو لاقى منعم الجزولي .. أرجوك لأأأأأ .
.....
و إنتي ... أقعدي إتضاحكي كده .
|
Post: #40
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 05:33 PM
Parent: #35
Quote: الولد سغير و جاهل ..
بس .. دي كل الحكاية . و كمان صاحبي ..
أها .. ( أجاسف ) يعني و أعاين ليهو يضيع قدام عيني و أسكت ؟؟؟ |
الود شديد علي روحه ما تشيل همه ولا حاجة !
Quote: إنت زاتك ود قبايل و زول كويس برضو ..
كوجان ده ما أخوك ؟؟؟ يعلم الله أخوك .. و عارفك ما بتدور ليهو الكعب ، طيب ليه ياخ ؟؟؟
شيطانك اب قرينات زحو من الزول ( البريء ) ده الله يرضى عليك ..
و سألتك بجاه النبي كان خليتو لاقى منعم الجزولي .. أرجوك لأأأأأ . |
انا الحأوديهو لي منعم الجزولي عشان يأمن ههههه و الشافو ساب لندن و جاء سكن حدانا
ما كضب ، انت قايل ود الجزولي دا هين ولا هين ؟
( لكن بيني و بينك كدا ما بنوديهو لي عمك كوستاوي عشان ما يطفش مننا ههههه )
و تاااااني قرقرقرقر
|
Post: #31
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:25 AM
Parent: #27
| Quote: قلت لى مدير شنو في دال؟؟؟؟ |
قرقرقرقر
|
Post: #33
Title: Re: و لاقـيييييييت لـيـكـم ابـــراهـيـم كـوجـان
Author: هواري نمر
Date: 08-12-2009, 06:43 AM
Parent: #31
بنت الماحي ازيك,,,,
سلامات و عوافي
الاخبار و كيف انت عاملة؟؟
وين من ديك و عيـــــــــــــــــــك؟
اها و الله كان مفروض نكون معاكم في الويك اند الفات(حفلة شرحبيل و..وكده)
بس ربنا ما سهل!!
معاي ضيوف ..
وناس الشغل ما ادوني يوم اجازة..
لكن نحاول نجيكم فريب ان شاء الله
وتقولي برضو قابلته ليكم هواري!!
ههههههههههههههه
|
Post: #34
Title: Re: و لاقـيييييييت لـيـكـم ابـــراهـيـم كـوجـان
Author: Abdlaziz Eisa
Date: 08-12-2009, 07:02 AM
Parent: #33
سلامات هبـــــة
مبرووووك عندكم كوجان
تحياتي لكم سوا
سلام
|
Post: #36
Title: Re: و لاقـيييييييت لـيـكـم ابـــراهـيـم كـوجـان
Author: شول اشوانق دينق
Date: 08-12-2009, 08:31 AM
Parent: #34
بالله بلغو تحياتى يا بت الماحى هذا الكوجان
|
Post: #43
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 05:51 PM
Parent: #36
| Quote: بالله بلغو تحياتى يا بت الماحى هذا الكوجان |
وصلت يا شول تحياتك و ليك مننا برضو وافر التحايا و كل الاشواق
|
Post: #37
Title: Re: و لاقـيييييييت لـيـكـم ابـــراهـيـم كـوجـان
Author: esam gabralla
Date: 08-12-2009, 08:31 AM
Parent: #34
لاقيتى شنو ?
عليهو العوض و منو العوض
بت و ضاعت
لكن واضح القصة دى عاوزة ليها حل سريع ... المصيبه ده آثاره بقت تتمدد و عابره للقارات بمساعدة بعض خونة واشنطون ...
فكو دربنا و جعنا كلبنا
|
Post: #38
Title: Re: و لاقـيييييييت لـيـكـم ابـــراهـيـم كـوجـان
Author: esam gabralla
Date: 08-12-2009, 12:48 PM
Parent: #37
الناس دى طفشت مالا ...
انا طبزت ولا شترت - اكثر من المعتاد -
هبه معليش ياخ لكن كوجان ده بينى و بينو في تارات بايته
|
Post: #39
Title: Re: و لاقـيييييييت لـيـكـم ابـــراهـيـم كـوجـان
Author: سفيان بشير نابرى
Date: 08-12-2009, 02:31 PM
Parent: #38
اقري المعوذتين وآية الكرسي
يا ياهبوية واعملي ساتر
كوجان شنو كماااان محمد
معانا ما تغشانا ولا تمحنا
ولا تبلنا .
هسي كان زولاً اسمو عديل كان
شفتي ود التوم مع اصاحبو
ناس عماد وود جبر الله ديل
ياخ اقلاها كان اسماً بتشكر
كان جاب دكين أو خضر حسين
بس انتو الغشاوه في عيونكم
أنسينا منو بالاهي .
Quote: الناس دى طفشت مالا ...
انا طبزت ولا شترت - اكثر من المعتاد -
هبه معليش ياخ لكن كوجان ده بينى و بينو في تارات بايته
|
أنت يا خينا بل رأسك سااااااي
التسنامي ده قالو واصلك واصلك
سمع أضاني دي .
|
Post: #48
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:18 PM
Parent: #39
سفيان نابري يا فردة كيف حالك و حمدلله علي السلامة و بركة الشوفنك
حايم طيب بي حاي .. و حشتنا بالجد
Quote: اقري المعوذتين وآية الكرسي
يا ياهبوية واعملي ساتر
كوجان شنو كماااان محمد
معانا ما تغشانا ولا تمحنا
ولا تبلنا . |
ليه كدا يا سفيان ياخي والله كوجان دا زول كويس
أي نعم بلاويهو كتيرة و شكلو كدا جايب لي هوا
لكن برضو صاحبنا و مجبورين عليهو ..
تحياتي شديد و أخبار الجهاز شنو لو سلك أدينا خبر
|
Post: #47
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:05 PM
Parent: #38
Quote: الناس دى طفشت مالا ...
انا طبزت ولا شترت - اكثر من المعتاد -
هبه معليش ياخ لكن كوجان ده بينى و بينو في تارات بايته |
ما طفشنا ولا حاجة يا عصام ياخي بس علي السادة المشاهدين مرأعاة فروق
الوقت و كدا ههههه
|
Post: #44
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 05:58 PM
Parent: #37
أووووه مرحب بي ود جبرالله أخو البنات ( الانا واحدة منهم مش كدة ؟ )
نورتا البوست و مرورك أسعدني جدا"
Quote: لاقيتى شنو ?
عليهو العوض و منو العوض
بت و ضاعت |
ياخي ما تخوفوني منه كوجان دا هههههه انت تقول عليه مصيبة و راشد
يقول عروق و ما عروق الحكاية شنو ؟ يعني نعمل انسحاب تكتيكي
ولا شنو ؟
خليك قريب يا عصام عشان نشوف حل سوا !
|
Post: #42
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 05:44 PM
Parent: #34
أهلا و مرحب يا عبدالعزيز تشكر علي المرور الكريم
Quote: مبرووووك عندكم كوجان
تحياتي لكم سوا
|
نبارك ليك السمح يا ولدي و تحياتك وصلت
|
Post: #41
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 05:41 PM
Parent: #33
Quote: بنت الماحي ازيك,,,,
سلامات و عوافي
الاخبار و كيف انت عاملة؟؟
وين من ديك و عيـــــــــــــــــــك؟ |
هواري يا صديقي كيف حالك والله مشتااااااقون
انا موجودة في دنيا اللخمة دي و بيني و بينك كدة
مزنوقة زنقة كلب في طاحونة في القراية ام دق دي
دعواتك بس يا صاحب ...
Quote: لكن نحاول نجيكم فريب ان شاء الله
وتقولي برضو قابلته ليكم هواري!! |
ياااااريت والله تنور فريجينيا و الحلال المجاورة
و بدل البوست نفتح ليك عشرة بس انت تعال !
تحياتي كميات
|
Post: #45
Title: Re: و لاقـيييييييت لـيـكـم ابـــراهـيـم كـوجـان
Author: Kostawi
Date: 08-12-2009, 06:03 PM
Parent: #41
| Quote: لكن بيني و بينك كدا ما بنوديهو لي عمك كوستاوي عشان ما يطفش مننا ههههه |
هوووووي يا بت الماحي
كمان عملتيني عم?
ليه أنا عماد ولا ود الجزولي ولا تاج
خلاص
جيبي كوجان دا نعمل ليه interview
نشوف الفيه و العليه
لأنو تزكيتك مشكوك فيها
و كمان بقيتي تشيلي لافتات المناضلين....ليه الحصل شنو?
|
Post: #50
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:27 PM
Parent: #45
Quote: هوووووي يا بت الماحي
كمان عملتيني عم?
|
هههههه ضحكتني والله يا خردة ياخي
مش كويس ما قلنا جدو ؟
Quote: خلاص
جيبي كوجان دا نعمل ليه interview
نشوف الفيه و العليه
لأنو تزكيتك مشكوك فيها ? |
بالجد أتصل عشان نتفق معاك علي موعد
و نخليك تقابل هذا الكوجان و تورينا
رأيك رغم حيكون رأي خردة لكن مضطرين
نعمل ليهو إعتبار برضو في النهاية
أسمك كبيرنا ( قرقرقرقر ) وش مدردق
| Quote: و كمان بقيتي تشيلي لافتات المناضلين....ليه الحصل شنو? |
انا من زمااااان مناضلة بس ساي انتو فاهميني غلط هههههه
وافر التحايا يا خــــردة
|
Post: #46
Title: Re: و لاقـيييييييت لـيـكـم ابـــراهـيـم كـوجـان
Author: صديق الموج
Date: 08-12-2009, 06:04 PM
Parent: #41
بختنا شديد يا عمدة مش كدة ؟
ياهبه والله شهتينا نشوف الزول ده ونلاقيه
لكن كان بشبه عمده يكون الرماد كال حماد
لانو عماد ده مواطن عادى ياكل الطعام ويمشى فى الاسواق،،،
|
Post: #49
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-12-2009, 06:19 PM
Parent: #46
سفيان و كوستاوي و ود الموج ؟؟؟؟؟!!!
-: ( كلباً كَلَبَكْ , ربّاً خَلَقَك , دَنقِر راسك و ارفع ضَنَبَك ) .
.....
ح توديهو لمنعم الجزولي يا هبة ؟؟ .. حليل كوجان .
صاحب الوداعة أخد وداعتو .
|
Post: #52
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:49 PM
Parent: #49
| Quote: سفيان و كوستاوي و ود الموج ؟؟؟؟؟!!! |
أتكالبوا علينا آل قريش ( لا سمح الله ولا حاجة ) ؟
Quote: -: ( كلباً كَلَبَكْ , ربّاً خَلَقَك , دَنقِر راسك و ارفع ضَنَبَك ) .
|
طبعا" بس بدون تعليق ههههههه لانه الجيران فتحوا ابوابهم عشان يشوفوا
دا منو الجاتو هستيريا الضحك في الحلة دا ( الله يديك العافية ياخي انا
لي سنتين بالضبط ما ضحكتا بالطريقة دي )
Quote: ح توديهو لمنعم الجزولي يا هبة ؟؟ .. حليل كوجان .
صاحب الوداعة أخد وداعتو . |
منعم الجزولي دا بعًضي ولا شنو يا جماعة ؟ ما تتصلح معانا شوية يا عمدة
ياخي ..
خليك قريب عشان تشوف النتيجة أول بي أول
|
Post: #51
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 06:34 PM
Parent: #46
Quote: ياهبه والله شهتينا نشوف الزول ده ونلاقيه
لكن كان بشبه عمده يكون الرماد كال حماد |
مرحب مرحب بي الناس القيافة ، نورت البوست ، مرورك علينا
أسعدني جدا" و صدقني كوجان دا لو شفته أكيد ح تحبه !
وبعدين عماد دا مالو يا ود الموج ياخي ما لذيذ برضو
| Quote: لانو عماد ده مواطن عادى ياكل الطعام ويمشى فى الاسواق،،، |
و بقول كلبا" كلبك ههههههه والله عمدة دا ما نصيح كتلني بالضحك
|
Post: #53
Title: Re: و لاقـيييييييت لـيـكـم ابـــراهـيـم كـوجـان
Author: Amjed
Date: 08-12-2009, 10:18 PM
Parent: #51
شفتي النبي
|
Post: #54
Title: Re: و لاقـيييييييت لـيـكـم ابـــراهـيـم كـوجـان
Author: esam gabralla
Date: 08-12-2009, 10:24 PM
Parent: #53
| Quote: ح توديهو لمنعم الجزولي يا هبة ؟؟ |
ح يفتلو ... زيادة
كابيلا صعب ....
|
Post: #55
Title: Re: و لاقـيييييييت لـيـكـم ابـــراهـيـم كـوجـان
Author: خضر حسين خليل
Date: 08-12-2009, 10:54 PM
Parent: #54
كوجان
عييييييييييك
|
Post: #58
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 11:20 PM
Parent: #55
خضر حسين العريس نوًرتاالبوست
Quote: كوجان
عييييييييييك |
و كوجان نوًر واشنطن .. شفت كيف !
|
Post: #56
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-12-2009, 10:57 PM
Parent: #54
أها يا هبة....كلامي وقع ليك وله لسه....شوفي كمية الحبايب الدخلوا البوست بتاعك دا عشان ينصحوك يا هبوية ....وده حالتو البطل لسه ما ظهر....وحات الله الشغل دا ما شغل نصاح....غايتو زي ما قلت ليك ...يا عروق يا كجور يا كتابة ....كدي المرة الجاية أهبشي جيوبو ديل ..شوفي فيهن شنو...يا زولة... الله دا شافوهو بالعين وله عرفوهو بالعقل!!!أرقدي عافية...بس عين مغمضة وعين مفتحة...
راشد
|
Post: #59
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 11:30 PM
Parent: #56
راشد كيفنك ؟ و مالك طوًلت علينا الغيبة
| Quote: أها يا هبة....كلامي وقع ليك وله لسه |
برًي والله يطرشني !
| Quote: شوفي كمية الحبايب الدخلوا البوست بتاعك دا عشان ينصحوك يا هبوية |
دي بركات شيخ كوجان لانه البوست دا جاب لي ناس كدا من زمان نفسي اتونس معاهم
| Quote: غايتو زي ما قلت ليك ...يا عروق يا كجور يا كتابة |
ما قلت ليك عرووووق و انا متاكدة منهم !
| Quote: أرقدي عافية...بس عين مغمضة وعين مفتحة... |
صااااحية انا لي اللون و كوجان دا الحبة ما بتجيني منه صدقني
و خليك متابع ...
|
Post: #57
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-12-2009, 11:17 PM
Parent: #53
دكتور أمجد مرحب بيك
إن شاءالله يارب نزور النبي سوا
|
Post: #60
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-12-2009, 11:38 PM
Parent: #57
| Quote: راشد كيفنك ؟ و مالك طوًلت علينا الغيبة |
وكيفنك يا هبة ....والله قاعد...وبقرا في كلامك كل يوم وميت من الضحك....ما عندي كيبورد عربي وما بقدر أكتب كتير....بلغي التحايا للكل بطرفك...دمتي
راشد
|
Post: #61
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-12-2009, 11:51 PM
Parent: #60
وهذا ما بعث به عبد المنعم الجزولي في شأن زيارة كوجان
Quote: صاحبك هذا قابلته فى حفلة شرحبيل
تأملته ( قـَلَبـَة ) ثم ( عَدَلَة ) فلم أجد فيه شيئا يستاهل التصوير سوى هذى!!!؟
والأدهى والأمر اننى صادفت بالقرب منه وليفا له يقال له خطاب ...وكان يتلبسه ( كبك ) فنظرت فيهما ساعة متأملا افضل المخارج لتـِصْواراتى فلم أخرج منهما معا الا بهذى!!!؟
ابعدوا كوجانكم عنى
انا ماناقص ياولد عبد الله ... كفاية على تى إم
كوجانين فى الراس بيعملو ( قـُوْبَة ) آه |
|
Post: #62
Title: Re: و لاقـيييييييت لـيـكـم ابـــراهـيـم كـوجـان
Author: Yassir Tayfour
Date: 08-12-2009, 11:56 PM
Parent: #61
__
كامل تضامننا مع واشنطون..
|
Post: #64
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-13-2009, 00:04 AM
Parent: #62
Quote:
__
كامل تضامننا مع واشنطون.. |
حتي أنت يا ياسر .. !
هو في إيه ؟( وش مطيًر عيونو )
|
Post: #63
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-13-2009, 00:01 AM
Parent: #61
شفتا كيف يا عماد عبدالله أها كوجان ولا مستنيني عشان أوديهو لي
منعم الجزولي براهو أتشالق و مشي لاقاهو في حفلة شرحبيل
طبعا" كوجان لما قلت ليهو سلامة صباعك الحاصل شنو ؟
قال لي قرصتني نملة هههههه ( غايتو عالم مساطيل بس ) هههههه
|
Post: #65
Title: Re: و لاقـيييييييت لـيـكـم ابـــراهـيـم كـوجـان
Author: Amira Elsheikh
Date: 08-13-2009, 00:08 AM
Parent: #63
هبة كيفك ؟؟
حظكم ...
ضحااااااااااااك ..... وبغرق فى شوية غنا ومزيكا
عليكم بالغنا بس ..
تحياتى ليك ول كوجان الشين
|
Post: #66
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-13-2009, 00:14 AM
Parent: #65
يا هلا بالاميرة بت الشيخ
| Quote: ضحااااااااااااك ..... وبغرق فى شوية غنا ومزيكا |
ضحااااك و ونااااس و حكاااااي و كاااااوي
جنو غنا و مزيكا و شعر و رسم و الوان و كمان بفتًي في الفن العالمي
يعني نظًار !
تحيتك وصلت بأذن الله و تشكرات
|
Post: #67
Title: Re: و لاقـيييييييت لـيـكـم ابـــراهـيـم كـوجـان
Author: خضر حسين خليل
Date: 08-13-2009, 00:17 AM
Parent: #57
انت ياكوجان واشنطون دي برضو فيها (عوارات وشاش طبي)
بالغت ياتاجو سئيلي الله
حكمة اليوم
لن نذل ولن نهان
ولن نعاين كراع كوجان
ليكم تسلحنا
وهكذاا وكدة وكدة وكدة
|
Post: #68
Title: Re: و لاقـيييييييت لـيـكـم ابـــراهـيـم كـوجـان
Author: esam gabralla
Date: 08-13-2009, 00:30 AM
Parent: #67
قلنا ليكم كابيلا ببشتن عدايلو
لكن يا منعم انت اشتغلت في الصورة بي فوتوشوب ? لأنو الزول ده شكلو اتصلح كتير جدآ .... سبحان الله
|
Post: #69
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-13-2009, 02:37 AM
Parent: #68
يا جماعة الخير ...سلام يغشاكم جميعآ....عندي طلب صغير والله....عايز واحد من أولاد الحلال وله بنات الحلال ديل يفتح ليهو بوست بإسمي....بالسمح طبعآ.....ماهي المواصفات المطلوبة.?....أكان علي الشاعر محمود درويش....بحبو والله ومن بكرة دي حألقط ليكم كتبو من المكتبات....مظفر النواب ما بناباهو....ومن هسع يا جماعة الخير أعلن إنضمامي لحركة حق...وكان عايزني أبقي شيوعي تب ما بنختلف...أعمامي الإتنين شيوعيين....أها تاني في شنو....ياخي لي خمسة سنوات في البورد دا مافي زول إضطراني كلو كلو وله فتح بوست بإسمي....الحكاية شنو يا جماعة....الناس دي نست العشرة وله شنو....منتظرين عروق المحبة يا كوجان..الحقنا وأنجدنا....
راشد
|
Post: #70
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-13-2009, 04:55 PM
Parent: #69
| Quote: اشتغلت في الصورة بي فوتوشوب ? لأنو الزول ده شكلو اتصلح كتير جدآ .... سبحان الله |
أنت يا عصام جبر الله يا حاقد انتظر لمن ينزل بوست ( لاقيت ليكم شذى بلة)
و الصور ما ح يشوف زول الا نرسل ليه نضارات ( الثري دي) بتاعة جورج لوكاس
و للبيع كمان ‘ نضارة واحدة لكل أكاونت
قريبا
|
Post: #71
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-13-2009, 05:06 PM
Parent: #70
| Quote: عندكم حتات شعبية في بلاد عمكم سام دي ؟ |
عماد عبد الله ياخي
انت ما بتشوف افلام؟؟
ياخي ( الغيتو) هنا‘ ما يعادل ( فريق بردب بردب)‘ الناس ببلعو فيه الرصاص عديل
ياخي ما بتتذكر ناس ( شافت) و ناس ( جيم براون)‘ قاعدين عجااااايز‘ ما فيهن زول
تاب ولا حج‘ يتموها نبز
تقولي يبتق؟؟
يجيهن بأصبعو ده يفتكروه شارد من حراسة‘ نبقا في ( باك قراوند تشيك)‘ ياخي
ده من جا‘ في سيرة( درمة) و ابو الكيلك‘ لمن جاني اكتئاب‘ لمن جاب سيرتك‘ تلاتة يوم أنا في الأنعاش
خلينا نتم قعدتو دي زى ما قال ( المسل) ..بالفي و بالمافي نفديك يا قذافي
هبة ياخي خليها في سرك
شرحبيل زاتو طنطن قال متخارج
|
Post: #72
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-13-2009, 05:09 PM
Parent: #70
| Quote: لاقيت ليكم شذى بلة |
منو ده اللاقيت ليكم شذى بله ده ؟؟؟ آآآآآآ .. ؟!!!
....
ياخواننا الهظار الزي ده ما كويس ..
منو ده اللاقيت ليكم شذى بله ؟؟
|
Post: #76
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-13-2009, 06:42 PM
Parent: #72
و الله يا عماد يا دوب اتأكد لى
انو الصورة الفي بروفايلك دي بتاعة
( النعام آدم) في شبابو‘ لقيتا وين؟؟
|
Post: #90
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 06:16 AM
Parent: #70
| Quote: ( لاقيت ليكم شذى بلة) |
و انا زاااااتي .. !!
و الاهداء موصول للاصدقاء بالخرطوم ( وديدي و إبراهيم و أمجد و ناجي )
و بالقاهرة ( سفيان نابري ) و كل من لف لفهم بأفتقادهم لي صديقتهم
الانيقة شذوية ( وش ماااادي لسانو ) ههههه
|
Post: #73
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-13-2009, 05:34 PM
Parent: #69
| Quote: يا جماعة الخير ...سلام يغشاكم جميعآ....عندي طلب صغير والله....عايز واحد من أولاد الحلال وله بنات الحلال ديل يفتح ليهو بوست بإسمي....بالسمح طبعآ.....ماهي المواصفات المطلوبة.?....أكان علي الشاعر محمود درويش....بحبو والله ومن بكرة دي حألقط ليكم كتبو من المكتبات....مظفر النواب ما بناباهو....ومن هسع يا جماعة الخير أعلن إنضمامي لحركة حق...وكان عايزني أبقي شيوعي تب ما بنختلف...أعمامي الإتنين شيوعيين....أها تاني في شنو....ياخي لي خمسة سنوات في البورد دا مافي زول إضطراني كلو كلو وله فتح بوست بإسمي....الحكاية شنو يا جماعة....الناس دي نست العشرة وله شنو....منتظرين عروق المحبة يا كوجان..الحقنا وأنجدنا.... |
و الله حننتني يا راشد
مواصفاتك ناقصة ياخي
داير التمومة اتصل بى نديك شوية وصايا
البرغوتي مالك ما نزلتو؟؟ و غارسيا ماركيز؟؟ و عبد الرحمن منيف؟؟ علا ( الا) درويش ده الصباح الصباح‘ تقل فيه على الريق
بعدين شوف ليك اغنية اغنيتين منيحااات‘ او مليحات‘ ادقش موريتانيا كده و الحتات ديك
جيب ليك حاجة اصلو ما في زول شافا‘ أحمد مطر ياخي‘ و علاء الدين الفرحوطي‘ و سعد الدين لبش
راغب زغبي‘ وسيم طبارة‘ ميشيل شلهوب و هكذا
هممتنا ياخي‘ يعني احتمال نمشي حتة و البورداب ما يقولو لاقونا؟؟
عموما خليك انت الكبير برضو
و ما يغرك الحصل لعصام و كوجان‘ ديل دافعين‘ تدفع فيلمك بمشي
و السلام
|
Post: #74
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-13-2009, 06:26 PM
Parent: #73
الحبيب تاج السر ....
Quote: مواصفاتك ناقصة ياخي
داير التمومة اتصل بى نديك شوية وصايا
البرغوتي مالك ما نزلتو؟؟ و غارسيا ماركيز؟؟ و عبد الرحمن منيف؟؟ علا ( الا) درويش ده الصباح الصباح‘ تقل فيه على الريق
بعدين شوف ليك اغنية اغنيتين منيحااات‘ او مليحات‘ ادقش موريتانيا كده و الحتات ديك |
قلت كدي ...?!!...أنا يا زول ما عندي مانع في أي حاجة...بس حقنا ما يروح مع الجماعة ديل......البرغوتي بقدر عليهو....غارسيا ماركيز عايز ليهو سفرة لأمريكا اللاتينية....عبد الرحمن منيف شايف الجماعة بيعملوا داون لوود لكتبو يعني قصتو منتهية.....درويش ده خليهو علي أنا ما بتوصي بيهو ...دا أهم زول في اللعبة وكان المفروض تختو أول حاجة....قلت لي درويش دا حبة بالصباح علي الريق وحبة بالمساء قبل النوم...وقع لي تب....
Quote: شوف ليك اغنية اغنيتين منيحااات‘ او مليحات‘ ادقش موريتانيا كده و الحتات ديك
جيب ليك حاجة اصلو ما في زول شافا‘ أحمد مطر ياخي‘ و علاء الدين الفرحوطي‘ و سعد الدين لبش
راغب زغبي‘ وسيم طبارة‘ ميشيل شلهوب و هكذا |
ياخي إنت موديني حتات بعيدة خلاس.....لكن عشان خاطر الحبايب نستحمل...ناس لبنان ديل بقدر عليهم....إلآ موريتانيا دي صعبة شوية...قالوا البمشي هناك ما بجي راجع...ربك يستر....
| Quote: هممتنا ياخي‘ يعني احتمال نمشي حتة و البورداب ما يقولو لاقونا؟؟ |
دي بقي بتعتمد عليك شكلآ وموضوعآ...إن آند آوووت....وبرضو دايره ليها شوية حظ....خصوصآ إذا كانوا معاهم شيكس....وله رأيك شنو يا تاج.?..
| Quote: عموما خليك انت الكبير برضو |
قلت كدي..?...سمح...لينا الله....نحن بلا الكلام الزي ده الكاتلنا شنو يا تاج السر..?..لكن الله في....ولك الود والمحبة
|
Post: #75
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-13-2009, 06:37 PM
Parent: #74
Quote: ياخواننا الهظار الزي ده ما كويس ..
منو ده اللاقيت ليكم شذى بله ؟؟ |
هووووووووي يا عماد عبد الله.....الكلام دا كلام عذابة......إنت عذابي ?...ما تضايق الناس في رزقها.....عالم عجيبة والله..!!!(وش يشتاط غيظآ)...
راشد
|
Post: #77
Title: Re: و لاقـيييييييت لـيـكـم ابـــراهـيـم كـوجـان
Author: ibrahim kojan
Date: 08-13-2009, 08:37 PM
Parent: #75
بسم الله الرحمن الرحيم..
أخاطبكم من قاعدة التاج ملتي ميديا..
ومعنا الاخ عثمان موسي وفي الطريق المناضله الحسوره( ش ب)
ولان قد تكاثر علي الاوغاد من كل فج وصوب فإنني أترفع عن الرد حاليا ....... ولكم مني رجعه واحدا تلو الاخر والفي السودان يبل راسو .... ( راسو دي ما عايزه شرح)......
عماد لم مني دراب العالم و الازبير شنو والمقاس ... تاج ملتي ميديا يعمل في كل الاشياء وهو مدير الرحله بشقيها الاكاديمي والترفيهي ؟؟؟؟؟؟
اولا شكرا لهبه الماحي رغم عدم سماعها لرئيي وتهديداتي بارسال قاتل ماجور علي وزن دجانجو ابسفه....
راشد يا حاقد لي معك كلام
عصام ابو الحاقدين بلاقيك بالدرب
الجزلوت الخرده البوتاسيوم بتاعو داقي في السما وانقلب لكلوريد البوتاسيوم و بقي يشوف الدنيا مقلوبه والدليل صورة صباعي يا فارات...
ياسر طيفور اللسع عندو قجه بقصها ليك لامن الاقيك وياريت قبل العرس وسنطلب لك ازبير ايضا ... قصرت معاك ..
برجع ليكم كلكم بالصوره الرسميه للرحله والنعام ادم في شبابو يركب نضارات جديده عشان يقدر يشوف .....
الي اللقاء يا جبناء ........
|
Post: #78
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-13-2009, 09:21 PM
Parent: #77
The official portrait of
Kojan
|
Post: #80
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-13-2009, 09:50 PM
Parent: #78
إلا الله .
خلاص ؟؟ لحقتو بقيتوهو كده ؟؟؟
....
ما قلت ليك يا هبه ..!!!
عايني الراس .. الراس ده مااااااا ياهو ..
ماشي لي فوق ياخ .
ما عافي ليكم تعذيب هذا الفتى الغض النضير و شلهتته بهذه الكيفية مره في صباعو الكبير و مره في راسو يا زنادقة يا اولاد اللزينا .. يا حطب النار .
وجابت ليها كمان غرودة عوينات و إبتسامة " مبهمة " !!؟
وااااا كوجاناه .
|
Post: #88
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 05:01 AM
Parent: #80
Quote: إلا الله .
خلاص ؟؟ لحقتو بقيتوهو كده ؟؟؟ |
والله العظيم يا عمدة و ما طالبني حليفة الناس البعرفوهو من زمااااان
كلهم أجمعوا إنه الزول دا ياهووو حاله من سنة شختة و نحنا ما عملنا فيهو
أي شئ زيادة كان كويسة و كان كعبة !!
Quote: ما عافي ليكم تعذيب هذا الفتى الغض النضير و شلهتته بهذه الكيفية مره
في صباعو الكبير و مره في راسو يا زنادقة يا اولاد اللزينا .. يا حطب النار .
وجابت ليها كمان غرودة عوينات و إبتسامة " مبهمة " !!؟ |
يا زول صحبك دا جانا من أهلو معذب و مشلهت ما تعملها فينا !
بعدين كلو كوم و غرودة العيون دي كوم تاني هههههههه بجيك راجعة و أحكي
ليك ولا أقول بحكي ليك بالكروباوي (ماسنجر داخلي وات إيفر ) !
وااااكوجاناه جد جد لكن بالشارع الخلفي ههههه ( ما زي ما انت قاصد )
|
Post: #79
Title: Re: و لاقـيييييييت لـيـكـم ابـــراهـيـم كـوجـان
Author: Yassir Tayfour
Date: 08-13-2009, 09:50 PM
Parent: #77
| Quote: ياسر طيفور اللسع عندو قجه بقصها ليك لامن الاقيك وياريت قبل العرس وسنطلب لك ازبير ايضا ... قصرت معاك .. |
يا كوجي، محمد المرتضى حامد الأيامات دي معانا في تورونتو، لاقيناهو لسويعات معدودة وعلى أمل أن نلتقيه مرة تانيَّة وتالتة قبل ما يرجع، أها قبل ما ترجع بلاد "الحركة يمين" تعال غاشي وقت أصلك قريب..
___
الأصبع ده ضربتو وين وكيف؟؟؟
|
Post: #81
Title: Re: و لاقـيييييييت لـيـكـم ابـــراهـيـم كـوجـان
Author: خضر حسين خليل
Date: 08-13-2009, 09:59 PM
Parent: #79
والصلعة ياعماد
الصلعااااااااااااا
|
Post: #82
Title: Re: و لاقـيييييييت لـيـكـم ابـــراهـيـم كـوجـان
Author: esam gabralla
Date: 08-13-2009, 10:51 PM
Parent: #81
بطلو الكضب ... الصورة دى ما عندها اى علاقة بالزول الانا شفتو - شاحد الله ما اقابلو تانى - واضح انو تأخير انزالها بسبب محاولات تحسين الخلقة و تقليل الشناة خوفآ على قلوب و أعصاب الجمهور ..
خلقة الله بنعرفا وخلقة الفوتوشوب بنعرفا ... الراس حالتو استعدلوهو شوية
في ميزان حسناتك يا الملك
|
Post: #83
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-13-2009, 11:02 PM
Parent: #82
معقولة يا عصام?!!...دا حالتو كوجان بعد التعديل?...يا كوجان إنجلترا دي عملت ليك شنو ياخ.....ما زمان كنت وسيم وقيافة ولذيذ...لازم أرسل تقارير لأصحابك ناس عاطف وهدي وبقية الشلة عشان يشوفوا الزمن وعمايلو معاك....والله ياخ...
ما دوامة...الدنيا ما دوامة..
يا الدنيا ما بتنقدري...
شالت صغيرآ قدري...
وفي المنام دموعي بلن سدري...
ما دوامة...الدنيا ما دوامة..
بركب الكركابة...
بدلي في أم روابة..
جاهل صغيرآ دابة ...
الجنني وجنن العذابة..
ما دوامة...الدنيا ما دوامة..
|
Post: #84
Title: Re: و لاقـيييييييت لـيـكـم ابـــراهـيـم كـوجـان
Author: Yassir Tayfour
Date: 08-13-2009, 11:07 PM
Parent: #82
الصورة جميلة وتكسوها البراءة من كل جانب..
___
لكن أمر الأصبّع ده غريب! أين وكيف حصل ذلك؟
|
Post: #85
Title: Re: و لاقـيييييييت لـيـكـم ابـــراهـيـم كـوجـان
Author: نزار كروم
Date: 08-14-2009, 00:30 AM
Parent: #84
مرحب بالاخ كوجان في بلاد العم سام
شكرا يا نوفل يا بن عمتي اهو هبة الماحي عملت بوصيتك بس كلمتني في الزمن ضائع الضائع
لكن يا نوفل قلت شنو ؟؟ هبة الماحي تبقى عمدة واشنطون !!!!!
والله كلام (( بلدا ما فيهو تمساح بقدل فيهو الورل ))
مره اخرى مرحب بيك يا كوجان ونتمنى ليك اقامة طيبة
شكرا هبة الماحي
|
Post: #86
Title: Re: و لاقـيييييييت لـيـكـم ابـــراهـيـم كـوجـان
Author: Osman Musa
Date: 08-14-2009, 04:09 AM
Parent: #85
والله يا كوجان لاهسع بضحك
فى قصة لابتوب خميس مشي....
|
Post: #87
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 04:15 AM
Parent: #86
Quote: والله يا كوجان لاهسع بضحك
فى قصة لابتوب خميس مشي.... |
انا زاتي لسة بضحك والله يا عثمان لكن عليك الله
كوجان دا نصيح ؟
|
Post: #95
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 07:12 AM
Parent: #85
نزار كروم البركة في الشوفة يا أخوي
Quote: شكرا يا نوفل يا بن عمتي اهو هبة الماحي عملت بوصيتك بس كلمتني في الزمن ضائع الضائع
|
حقيقة والله و تشكر كتير علي إجتهادك في الحضور بالرغم من ضيق الزمن
| Quote: لكن يا نوفل قلت شنو ؟؟ هبة الماحي تبقى عمدة واشنطون !!!!! |
عندك إعتراض ؟ If So ما نشوفك يوم الاحد .. ( وش تحذيري )
| Quote: والله كلام (( بلدا ما فيهو تمساح بقدل فيهو الورل )) |
هسة منو التمساح و منو البتاع التاني دا ؟
حدد لينا عشان نحدد بناء" علي تحديدك نشيل اسمك من علي اللستة بتاعة يوم
الاحد ولا نخليها !
تشكرات علي الحضور
|
Post: #89
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 06:08 AM
Parent: #69
راشد بالجد أفتقدناك في جلستنا الجميلة هذا المساء
| Quote: أكان علي الشاعر محمود درويش....بحبو والله ومن بكرة دي حألقط ليكم كتبو من المكتبات....مظفر النواب ما بناباهو....ومن هسع يا جماعة الخير أعلن إنضمامي لحركة حق...وكان عايزني أبقي شيوعي تب ما بنختلف...أعمامي الإتنين شيوعيين....أها تاني في شنو |
دا كلو ما مهم و ما بجيب نتيجة تُذكر ...
| Quote: منتظرين عروق المحبة يا كوجان..الحقنا وأنجدنا.... |
بسسس رًكز علي ديل و شوف ليك دال كدة طايرة ختها قدام إسمك أممممم تاني
شنو تاني شنو أيواااا ما تنسي كلمتين تلاتة بالانقليزي وسط الونسة و خلاص
صدقني أمورك بتسلك مية مية و ما بتسأل في أي كوجان تاني !
أها أديناك المفاتيح السحرية قصرنا معاك ؟
سلام شديد
|
Post: #91
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-14-2009, 06:21 AM
Parent: #89
الجميلة هبة...تحياتي وأشواقي....ياخي دايمآ عامرين...لازم تحكي لي عن كل الحصل في هذه الأمسية الرائعة بالله....بعدين ياخ إنتي ما عارفة?...أنا بدل الدال عندي دالين قدام إسمي ...لكن ما بحب الهناي....يعني لازم الواحد يوري?...يا ستي أنا ...MD.MS.PhD وكان ما مصدقة أسألي كوجان ....منتظرين التفاصيل وعروق المحبة... مع الود..
راشد
|
Post: #92
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 06:33 AM
Parent: #91
| Quote: لازم تحكي لي عن كل الحصل في هذه الأمسية الرائعة بالله |
حيجئ تاج السر الملك بعد شوية و يحكي للجميع عن هذه الامسية حكاوي الصور
أما الشمارات الدقاق دي انا بحكيها ليك بالكروباوي ...
| Quote: بعدين ياخ إنتي ما عارفة?...أنا بدل الدال عندي دالين قدام إسمي |
يطرشني والله ! ما شاءالله بس بعد كدا رًكز لي في البتاعات ( ما بتاعات بورداب الخرطوم
و الرياض ديك ) بتاعات المحبة !
|
Post: #93
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-14-2009, 06:49 AM
Parent: #92
يا سلام يا هبة...والله ما قصرتوا....الوحد كان يتمني يكون معاكم....لكن الرايحات أكتر من الجايات ....
Quote: بس بعد كدا رًكز لي في البتاعات ( ما بتاعات بورداب الخرطوم
و الرياض ديك ) بتاعات المحبة ! |
بتاعات المحبة ديل ما عند كوجان لكن.....ما بتقدري تسرقي لي منو إتنين وله تلاتة?...في إنتظارك
راشد
|
Post: #94
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 07:04 AM
Parent: #93
| Quote: لكن الرايحات أكتر من الجايات .... |
لاحوووولا انت روحتنا كلو كلو !
الحالة انا من قبيل أوصي فيك رًكز رًكز و انت ما مرًكز نهاااائي !
انا ياااادوب عرفتا انت صاحب كوجان ليه ! أتاري الطششان
وااااحد و صدق من قال المرء علي دين مين كدا مش عارف
غايتو بس الله في ...
| Quote: .....ما بتقدري تسرقي لي منو إتنين وله تلاتة? |
ما كان تقول من بدري ياخي ! ما شفتا صاحباك ساعة الاكل قلع النضارة
و كفكف القميص و كان بس مرًكز في العضة ! خسارة فرصة و راحت
|
Post: #96
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-14-2009, 07:18 AM
Parent: #94
والله ضحكتيني يا هبة..يا دوبو كلامك وقع لي يا هبوية.......بعدين أنا اللماني شنو مع كوجان ده ?.......هسع الرحلة الجاية متين عشان نجهز ليكم من بدري...طبعآ بعد رمضان !!!
|
Post: #97
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 07:34 AM
Parent: #96
| Quote: والله ضحكتيني يا هبة |
إن شاءالله دايما" يا رب
| Quote: بعدين أنا اللماني شنو مع كوجان ده |
أي هو كوجاااان و أي شئ لكن كمان ما لي درجة إنك تنكر صحبته !
| Quote: هسع الرحلة الجاية متين عشان نجهز ليكم من بدري...طبعآ بعد رمضان !!! |
لا لا قبل رمضان إن شاءالله نظام خم رماد و كدا !
تعال أحضرها معانا ( وش حنااااس )
انا ماشة انوم أقفل معاك باب البوست و طفًي الانوار و انت طالع !
ســلام
|
Post: #98
Title: Re: و لاقـيييييييت لـيـكـم ابـــراهـيـم كـوجـان
Author: عبدالوهاب علي الحاج
Date: 08-14-2009, 08:49 AM
Parent: #97
بت الماحي
كيفنك اختي
جيت اسلم عليك بس
وتحياتي لكوجان
|
Post: #99
Title: Re: و لاقـيييييييت لـيـكـم ابـــراهـيـم كـوجـان
Author: خدر
Date: 08-14-2009, 09:25 AM
Parent: #98
| Quote: ( راسو دي ما عايزه شرح)...... |
عماد/عصام/راشد
الخلاقة ده جلوهو شايفو بسخن اسه ,
الزول ده بعد شوية حا يطفشنا من المنبر بعد ما طفشنا من الفيسبوك
___
كوجان ما تنسي جيب معاك الحرجل
|
Post: #100
Title: Re: و لاقـيييييييت لـيـكـم ابـــراهـيـم كـوجـان
Author: Dania Elmaki
Date: 08-14-2009, 02:43 PM
Parent: #99
Ma kalmtoona malkom?
|
Post: #119
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 11:11 PM
Parent: #100
دانـيـة سـلام
فاتحة البوست دا ليهو أسبوع و بقول يا بورداب واشنطن تعالوا
نحتفل بالزول دا ، لكن ولا تزعلي ح نحتفل برضو يوم الاحد بوداع
شعبان و إستقبال رمضان و وجودك معانا من البديهيات إن شاءالله !
الـف تـحـيـة
|
Post: #121
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 11:14 PM
Parent: #98
Quote: بت الماحي
كيفنك اختي
جيت اسلم عليك بس
وتحياتي لكوجان |
وهبة يا أخو الناس كلها
كيفنك و كيف جو الخرطوم علي حسكم ؟
تشكر يا سيدي علي المرور و التحية و أبقي واصل
ما تفوت مننا ..
تحيتك لي كوجان واصلة إن شاءالله
سـلامـي و إحـتـرامـي
|
Post: #101
Title: Re: و لاقـيييييييت لـيـكـم ابـــراهـيـم كـوجـان
Author: سامى عتبانى
Date: 08-14-2009, 03:35 PM
Parent: #97
Quote: نظام
خم رماد و كدا ! |
كلام مـــــــــــــؤســس
|
Post: #102
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-14-2009, 04:35 PM
Parent: #101
أول الغيث
|
Post: #103
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-14-2009, 04:41 PM
Parent: #102
أمك ...
الضرس مرق
|
Post: #106
Title: Re: و لاقـيييييييت لـيـكـم ابـــراهـيـم كـوجـان
Author: خدر
Date: 08-14-2009, 04:54 PM
Parent: #103
|
Post: #104
Title: Re: و لاقـيييييييت لـيـكـم ابـــراهـيـم كـوجـان
Author: Osman Musa
Date: 08-14-2009, 04:48 PM
Parent: #102
جابو جابو .
حالتو ده أول الخريف .
الزول ده يقوليك عاين عاين صورة كندى وكك يصور .
( صورة كندى 1960 )
|
Post: #105
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-14-2009, 04:52 PM
Parent: #102
كيل يا ميكاييل ..
.....
كان في شوربه ؟ .
|
Post: #107
Title: Re: و لاقـيييييييت لـيـكـم ابـــراهـيـم كـوجـان
Author: خدر
Date: 08-14-2009, 04:57 PM
Parent: #105
كلو من راسكـ المدور ده يا ود التوم
وديت للناس ديل كارثة كبيرة
يا تاجو
لو عاوز تسعد في حياتكـ دي , خلي كوجان ده يعمل ليكـ حلة كوارع
مُبالغة
كوجان .. ارفع راس الجزيرة بلاهي
|
Post: #108
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-14-2009, 05:05 PM
Parent: #107
إنا لله ..
تحت نظر إنشتاين و .. محاسن ؟؟
.....
خدر ..
ما بلقى عندك طَلقَه زايدة ؟؟
|
Post: #118
Title: Re: و لاقـيييييييت لـيـكـم ابـــراهـيـم كـوجـان
Author: Yassir Tayfour
Date: 08-14-2009, 10:51 PM
Parent: #108
ـــ
يا عمدة صاحبك ده أكيد ما قال: "بسم الله" وكمان بياكل بشماله؛ إذا كان الكأس، الكأس المعروف ده مجراهو اليمينا؛ غايتو، إن شاء الله ينفعو..
|
Post: #109
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-14-2009, 05:51 PM
Parent: #107
| Quote: لو عاوز تسعد في حياتكـ دي |
في سعادة اكتر من دي
|
Post: #110
Title: Re: و لاقـيييييييت لـيـكـم ابـــراهـيـم كـوجـان
Author: Emad Abdulla
Date: 08-14-2009, 06:05 PM
Parent: #109
عين السمكة دي جات لكوجان من وين ؟؟
جبتو ليهو حمار من وين في امريكا دي عشان كوجان يعفص بولو و تجيهو عين السمكة ؟؟
هو عفصو كيف .. لما جات في الصباعين الكبيرين الأملحين ؟؟ ..
عفصو جنباوي ؟
كمان بقيتوهو يمشي جنباوي ؟؟
جنباوي و شوكة و سكين و غرودة عيون و ابتسامة ؟؟
ههههههههه .. و الليييييييييييييييييييييييييييله .
|
Post: #112
Title: Re: و لاقـيييييييت لـيـكـم ابـــراهـيـم كـوجـان
Author: Tagelsir Elmelik
Date: 08-14-2009, 07:35 PM
Parent: #110
انت يا عماد كان بقيت فالح
بنرسل ليك الفيديو
و الله بعيدا عن المناكفات
هذا الكوجان طلع عندو شعبية فاتت اوباما
ح نفقدو لمن يمشي‘ لكن ليك على انا لو أتبناه ( زى قصة نبيل فوزي) الا
اجيبو البلد دي نهائي‘ ياخي الجرسونة الحبشية ما زحت من التربيزة شابكاهو ليك
( حبشتا... امهركا) ‘ و زى ما شفت البسمة‘ و الغرودة ( الحاجات دي طبيعية بالمناسبة) ما تمثيل
انا و عثمان موسى و نزار و متولي و حتي محاسن ما عرفنا نتصرف كيف ( شذى ما كان عندها مشكلة)
و دي جاية في بوست (لاقيت لي شذى)
و سنعود بمزيد من الصور
|
Post: #113
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-14-2009, 07:51 PM
Parent: #112
والله يا تاج....السواهو كوجان في إسبوع أنا لي خمستاشر سنة في أمريكا غلبني أسويهو.....كوجان ما زول فلتة وحبوب وأكيد حاتفقدوهو........عماد عبد الله... يوم بجيك هارت أتاك...عليك بالفاليوم ودرويش.....
راشد
|
Post: #114
Title: Re: و لاقـيييييييت لـيـكـم ابـــراهـيـم كـوجـان
Author: Ishraga Mustafa
Date: 08-14-2009, 07:54 PM
Parent: #112
وكت جابت صور كلنا بنزل ورقنا,
بالله شوف الزول ده,
شجر فيينا اليوم داك وقف طابور
لود امى وابوى الزول المكوجن ده,
خائفة انزل باقى الصور تقوم القيامة هنا وما تعقد كتاحاية
|
Post: #115
Title: Re: و لاقـيييييييت لـيـكـم ابـــراهـيـم كـوجـان
Author: Ishraga Mustafa
Date: 08-14-2009, 07:57 PM
Parent: #114
الزول ده مغرم بالموية والنوافير حتى لو كانت صغيرونة
اها ياتاج, فضى كل بواخركم من مويتها
باقى هبشه واحدة خلى قلبى فى يدى,
قمت فضيت الموية منها وفصلت الكهرباء وخليتو يتم باقى لعب الطفولة,
برىء ياخ اخوى ده, ربنا يغطى من العيون السودا بتاع صلاح احمد عيسى
|
Post: #116
Title: Re: و لاقـيييييييت لـيـكـم ابـــراهـيـم كـوجـان
Author: Ishraga Mustafa
Date: 08-14-2009, 08:02 PM
Parent: #115
ازيك ياهبة
وتلاقى النبى يابت امى,
ده كوجاااااااااااااااااااااااااااااان, اسمو كوجاااااااااااااااااااااااااااااان
ماتشوفوا بس الزول ده اللى وسط الزهور متصور ده؟
----------
لكن ياكوجان ليوم الليلة عفصة النجيلة دى فى قلبى,
ياخ فى زول يعفص الخدرة,
|
Post: #122
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-14-2009, 11:28 PM
Parent: #116
مرحب بيك و حبابك يا إشراقة البوست نوًر و أشرق
| Quote: وتلاقى النبى يابت امى, |
سوا سوا إن شاءالله
Quote: ده كوجاااااااااااااااااااااااااااااان, اسمو كوجاااااااااااااااااااااااااااااان
|
والله جنس كوجااااان هو بس خليهو ساي ! الود التقول معجون بي موية
الجن هههههه
______________
الصورة مبااااالغة و المكان مدهش عديل كدة
|
Post: #123
Title: Re: و لاقـيييييييت لـيـكـم ابـــراهـيـم كـوجـان
Author: Yassir Tayfour
Date: 08-14-2009, 11:35 PM
Parent: #116
Quote: لكن ياكوجان ليوم الليلة عفصة النجيلة دى فى قلبى,
ياخ فى زول يعفص الخدرة, |
يا دكتورة إشراقة زول عفص أصبعو، كيف ما يعفص النجيلة..
___
هبة الماحي أخبارك ياخ، ما سلمنا عليك..
|
Post: #124
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-15-2009, 00:53 AM
Parent: #123
| Quote: يا دكتورة إشراقة زول عفص أصبعو، كيف ما يعفص النجيلة.. |
مش كدة بالله يا ياسر ! غايتو موضوع الاصبع دا حمدو في بطنو هههههه
كل ما زول يسألوا يزوغ بجاي و بجاي لمن ساورتنا الشكوك زاتو !
| Quote: هبة الماحي أخبارك ياخ، ما سلمنا عليك |
انا بخير و عافية أحمد الكريم و سلامك واصل بالنية
|
Post: #117
Title: Re: و لاقـيييييييت لـيـكـم ابـــراهـيـم كـوجـان
Author: Osman Musa
Date: 08-14-2009, 10:32 PM
Parent: #114
جيت المرسم لقيت .
دلاليك خلف الله حمد خافته
تنبعث من التسجيل. والاضاءة محسوبة والفنان التاج الملك
فى داك الهدوء وصفاء الذهن والقدرة العجيبة على التركيز والتأمل .
والا دخل علينا د/ كوجان .
يا سلام
يا ناس عليكم أمان الله ضحك هو نان ضحك نصاح .
لا لا لا يا تاج الزول ده لابد تشوف ليك ليه سوشل سكيورتى .
|
Post: #120
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-14-2009, 11:13 PM
Parent: #97
قبل رمضان بتبقي صعبة يا هبة....لأني مرتبط بأشياء أخري ....سلامي للجميع
راشد
|
Post: #125
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-15-2009, 01:05 AM
Parent: #120
Quote: قبل رمضان بتبقي صعبة يا هبة....لأني مرتبط بأشياء أخري ....سلامي للجميع
|
خسارة بالجد يا راشد ! وجودك معانا اكييييد كان حيكون إضافة جميلة
|
Post: #126
Title: Re: و لاقـيييييييت لـيـكـم ابـــراهـيـم كـوجـان
Author: ibrahim kojan
Date: 08-16-2009, 10:16 PM
Parent: #125
انا الان في البيت وبرجع ليكم بي مزاج..
امسكو الخشب!!!
اولا شكرا كتير لهبه... وكل الواشنطونيون..(كدا صاح) والملعون جزلوت القام جاب حكاية الاصبع من الاساس...
اللعنه علي الاوغاد عماد عبدالله والذين لفوا لفه... الوغد ياسر طيفور لي معاك كلام وبوريك الاصبع حصل ليهو شنو!!!
انا هسع معسم من السفر وراقد حمبك وبجيكم بعد ما اسدد فروقات النوم...
( أمشي في الاسواق واكل كما ياكل الناس.... وحاجات تانيه) ما محتاج لعروق محبه يا راشد......!! رايك شنو!!!!!!!!!!!
تاج السر الوصايا وصلت يا مجنون ولي معاك كلام.. الكورس حازاكرو بمزاج يصعب غسله كما قلت قبلا!!(فاهم كما يقول عصام جبرالله)
والاخير دا عندي معاهو كلام السنين.......
لي عود... عودة ديجانجو!!!
|
Post: #127
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-17-2009, 02:48 AM
Parent: #126
| Quote: انا الان في البيت وبرجع ليكم بي مزاج.. |
حمدلله علي السلامة و بركة الرجعتا بيتك طيب
ممكن نعرف علاقة الخشب بالموضوع شنو ؟
غايتو عالم بتاعة شبك بس !
| Quote: اولا شكرا كتير لهبه... وكل الواشنطونيون |
لا شكر علي واجب ، شرفتنا كتير وسعيدين جدا" بمعرفتك
شكرا" علي الاتصال يا ذوق ..
|
Post: #128
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-17-2009, 03:34 AM
Parent: #127
ياخي ألف حمدآ لله علي السلامة....فاقدين مشاغلتك.....ما تنسي تتصل بهدي بالله...وبرضو يا كوجان رسل لي عرق عرقين أخوك حالتو صعبة...
تسلم يا أمير...
هبة...خم الرماد كان كيف الليلة ?...
أخوكـ راشد
|
Post: #129
Title: Re: و لاقـيييييييت لـيـكـم ابـــراهـيـم كـوجـان
Author: heba Elmahi
Date: 08-17-2009, 04:18 AM
Parent: #128
مرحب يا راشد
Quote: هبة...خم الرماد كان كيف الليلة ?...
|
شوووويت اللحمة براااااي و اتونست مع روحي دي أصلي لي
زمن ما لامة فيها و شربت لي عدد 2 علب بيبسي رغم محاولات
الريجيم و هكذا انتهي البرنامج ..
اليوم فاشل فشل ذريع ( ذريع ديك بتاعة كتب الثقافة )
|
Post: #130
Title: Re: و لاقـيييييييت لـيـكـم ابـــراهـيـم كـوجـان
Author: Rashid Elhag
Date: 08-17-2009, 04:34 AM
Parent: #129
شفتي يا هبة..ولا يهمك....زي ما قلت ليك أنا إن شاء الله حأجيكم بعد العيد...وحا نعمل برنامج ظريف مع تاج السر وعثمان موسي وبقية الأحباب...وتسلمي ...
راشد
|
Post: #131
Title: Re: و لاقـيييييييت لـيـكـم ابـــراهـيـم كـوجـان
Author: rosemen osman
Date: 08-17-2009, 11:28 AM
Parent: #130
أيامك أيام يا كوجان يا مروق..وخائن برضو
ما تقول ماشى ياخي ,يا تاج كانت جاياك كرتونى مدنكلة ,غايتو اتفاهم مع صحبك
شكرا يا هبة
|
|
