إبليس راحلٌ عن بلادنا إلى غير ‏رجعة...

Quote: كان في ‏غرفته، يلملم ملابسه في حقيبة إلى جانبه وباقي متعلّقاته على المنضدة القريبة. كانت ‏استقالته موقّعة ومختومة حسب الأصول، وبجوارها تقبع ون-واي تيكت إلى جزيرة ‏مالطة. ‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست ‏بالقريبة مع الإعترافٍ بالعجز والفشل.... ‏إبليس راحلٌ عن بلادنا إلى غير ‏رجعة... فليفرح المؤمنون... - ‏وين يا زول؟ ليه بتلم حاجاتك؟ - ‏ياراجل مالي ومالكم قاعد عندكم، لي سنين لا شغله لا مشغله وقرّبتا أموت من ‏الجوع.. الاقي معاك سيجارة ياخوي؟ لا نافع معاكم لا وسواس ولا خنّاس!!!ـ كنت ‏زمان بوسوس للوحدة تسيب ولدا يبكي لمن يتشرط وهي شغاله قطيعه مع جاراتها، هسّة بقو برااااااااهم يرموا ‏اولادهم في الكوشه ولا ملجء أوّل مايتولدو! ‏كنت أوسوس للواحد ينسى يسمّي الله قبل ‏ماياكل، هسّة مافي زول لاقي شي ياكلو!!!! ياراجل إذا أنا إبليس وإتسمّمت ‏ب ا لبوش ‏كنت برضو بوسوس للعجوز يرمي ليهو كلمة على البنت وهي ماشية ‏في الشارع، بقو البنات يرمو الشباب بكلام أنا نفسي اخجل ‏أقولو‏ إنتو محتاجين ليكم ابليس انتو ؟! ـ خلوني أبعد عنكم وارتاح!!!ـ ‏بقا عندكم فايض في الفساد بكفّي 30 سنة لقدّام، بقيت أخاف على نفسي ‏منكم!!!!ـ ‏ياراجل مرّات بضطرّ أوسوس بالشقلوب وأقول للمسؤول إرحم، وللحرامي ‏كفايه خلّي شويّ للحراميّة اللي جايين ‏بعدك! ‏يعني إذا إنتو براكم بتعملوا كل البلاوي، أنا إبليس اعمل شنو؟؟؟؟ أشتغل سواق رقشه يعني ولاّ أفتح محل حلاقة؟؟؟؟ ما باقي عليً غير أ بقا واعظ أو إمام جامع!ـ ‏ثمّ فتح إبليس الباب وانطلق خارجاً بلا ‏رجعة!!!!ـ