Post: #1
Title: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظهم
Author: عبد اللطيف السيدح
Date: 08-09-2009, 10:39 AM
أكملت ولاية نهر النيل استعداداتها لاستقبال السيد رئيس الجمهورية لافتتاح العديد من المشاريع التنموية والخدمية بالولاية يوم غدالثلاثاء ويأتي في مقدمة هذه المشاريع جسر الدامر الرابط بين منطقتي أم الطيور- العكد والذي نفذته وحدة تنفيذ السدود حيث يعتبر الجسر رابطا اقتصاديا واجتماعيا بين مدن الولاية فيما بينها وبين وولايات السودان كافة 0 بروفيسور احمد مجذوب والي ولاية نهر النيل أكد جاهزية الولاية لهذا الحدث الكبير مشيرا إلى أن جسر الدامر (أم الطيور- العكد) سيحقق معاني للعبور الاقتصادي والاجتماعي, مبشرا باتساع فرص الاستثمار بالولاية, مضيفا أن الجسر أصبح الآن حقيقة ماثلة للعيان بعد أن كان حلما يراود مواطني المنطقة الذين كانوا يعانون في عبور النهر ، وأوضح المجذوب أن الجسر يمثل رسالة قوية لأعداء البلاد الذين يتربصون بها الدوائر, مفادها أن السودان ماض في مشاريع البناء والأعمار والتنمية مهما كان حجم الاستهداف الخارجي ، وعقب اجتماع اللجنة العليا للزيارة والذي انعقد أمس بولاية نهر النيل أكد م. محمد سليمان جودابي وزير الحكم المحلي بالولاية رئيس اللجنة العليا أن المشير البشير رئيس الجمهورية سيفتتح جسر الدامر (أم الطيور- العكد) إضافة لمستشفى الحوادث بعطبرة ومستشفى السلام بأم الطيور ومستشفى العقيدة مشيرا إلى أن الولاية أعدت العدة لاستقبال قائد الأمة ، فيما قال الأستاذ عمار باشري معتمد الدامر إن الجسر لا يربط الضفتين فحسب وإنما يربط ولايات نهر النيل والشمالية والبحر الأحمر, مشيرا إلى انه يأتي في وقت تشهد فيه البلاد اعمارا وبناءا وتنمية مبينا أن الجسر يعتبر إضافة اقتصادية كبيرة للبلاد عامة وولاية نهر النيل خاصة ، من جانبه أوضح الأستاذ كمال إبراهيم معتمد عطبرة أن الجسر مفخرة لكل أهل السودان مشيرا لترقية العمل الصحي بالولاية عبر ما سيفتتحه رئيس الجمهورية من منشآت صحية تمثل انجازا لحكومة الوحدة الوطنية0 يذكر أن جسر الدامر (أم الطيور- العكد) يبلغ طوله 856 مترا كأطول جسر على النيل فيما يبلغ عرضه 20.5 مترا ويتضمن مسارين بكل منهما ممرا للمشاة ويربط الجسر الطريق القاري القادم من مروي لعطبرة ومنه لبور تسودان.
المصدر/ سونا
|
Post: #2
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: حليمة محمد عبد الرحمن
Date: 08-09-2009, 10:59 AM
Parent: #1
يموتوا ام يموتون؟
ياتو فيهم الصحيح وبعدين نستعدل للمباركة..
يا السيدح..جيب علبة الحلاوة معاك..
|
Post: #3
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: ود الباوقة
Date: 08-09-2009, 11:07 AM
Parent: #2
والاعداء يموتوا
لا اعتقد بان اي عدو يكره ان تكون
هناك تنمية في السودان ...
مبروك لاهلنا في ولاية نهر النيل افتتاح هذا المشروع
العملاق الذي يوفر على اهلنا الكثير من التعب والعناء
وهدر الوقت في انتظار بنطون لقطع مسافة 200 متر تقريبا.
|
Post: #4
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: ود الباوقة
Date: 08-09-2009, 11:12 AM
Parent: #3
ماشاء الله تبارك الله .
وقد تحول الحلم الي حقيقة ماثلة للعيان .
|
Post: #5
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: وليد شريف
Date: 08-09-2009, 11:15 AM
Parent: #3
| Quote: والاعداء يموتوا بغيظ |
ياربي الاعداء ديل منو.
وياربي ده منو.
|
Post: #6
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: قلقو
Date: 08-09-2009, 11:32 AM
Parent: #5
ماهى الأهمية او الأولوية الأقتصادية ليقام جسر يربط مابين العكد وام الطيور ؟
ياسادتى الموضوع لاتنمية فيه ولابطيخ كل مافى الأمر ان قرية ام الطيور مع احترامى لكل قاطنيها هى قرية وزير المالية السابق ووزير الطاقة الحالى الزبير احمد الحسن .فهناك كثيرا من قرى غرب النيل اكثر مناسبة من وجهة النظر الأقتصادية من قرية السيد الوزير .
بلا فلقة.
|
Post: #7
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 11:34 AM
Parent: #5
| Quote: يا السيدح..جيب علبة الحلاوة معاك.. |
حليمة بارك الله فيك وفي عيالك
وهل من حلاوة اكثر من اخبار التنمية الشاملة التي انتظمت كافة ربوع الوطن
|
Post: #9
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 11:42 AM
Parent: #7
Quote: ماهى الأهمية او الأولوية الأقتصادية ليقام جسر يربط مابين العكد وام الطيور ؟
ياسادتى الموضوع لاتنمية فيه ولابطيخ كل مافى الأمر ان قرية ام الطيور مع احترامى لكل قاطنيها هى قرية وزير المالية السابق ووزير الطاقة الحالى الزبير احمد الحسن .فهناك كثيرا من قرى غرب النيل اكثر مناسبة من وجهة النظر الأقتصادية من قرية السيد الوزير .
|
قلقو شكرا علي مرورك وابداء وجهة نظرك
لكن صدقني دراسة هذا الكبري موضوعة منذ زمن الانجليز
بعد اكتشاف اسمنت عطبرة بالجهة الغربية للنيل يعني الوقت داك الزبير محمد الحسن لم يكن مولودا اصلا
وبقي المشروع علي الورق الي ان جاءت وحدة تنفيذ السدود وازالت عنه الغبار وواحالته الي واقع معاش
ثم ان الجسر الجديد سيربط الشمالية بنهر النيل والبحر الاحمر ثم الولايات الوسطي والجنوبية
والغربية والشرقية.
يعني لا محاباة ولا يحزنون.
|
Post: #8
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: صديق الموج
Date: 08-09-2009, 11:37 AM
Parent: #5
| Quote: (كبري ام الطيور/ العكد |
ود السيدح...شوف ناسك ديل لو يسوه ام الطيور مكه ما يدخلو
راسنا الا اذا كان هنالك تحول ديمقراطى حقيقى وعدالة فى
كل شى وتنمية ومحاربة الفساد والمفسدين واطلاق الحريات
المقيده واستقلال تام للقضاء وتفكيك اوصال الدولة الشمولية
اقتصاد وخدمة مدنية ودبلماسية،،،
|
Post: #11
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 11:45 AM
Parent: #8
Quote: ماشاء الله تبارك الله .
وقد تحول الحلم الي حقيقة ماثلة للعيان |
ود الباوقة ارم قدام يا مجاهد
واردم . اردم . اردم
|
Post: #10
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: محمد فرح
Date: 08-09-2009, 11:43 AM
Parent: #1
الف الف مبروك للشعب السوداني
ومزيد من الانجازات ان شاء الله
مؤنة مئة عام من الود
|
Post: #12
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 11:50 AM
Parent: #10
Quote: ود السيدح...شوف ناسك ديل لو يسوه ام الطيور مكه ما يدخلو
راسنا الا اذا كان هنالك تحول ديمقراطى حقيقى وعدالة فى
كل شى وتنمية ومحاربة الفساد والمفسدين واطلاق الحريات
المقيده واستقلال تام للقضاء وتفكيك اوصال الدولة الشمولية
اقتصاد وخدمة مدنية ودبلماسية،،، |
ود عمي الموج
هذه مكابرة ليس الا
ومن ابجديات الديمقراطية
ان تثني علي نجاحات منافسك
قل يا اخي ولو مرة واحدة
ان مشروعات التنمية والاستقرار التي تنفذها هذه الحكومة الجادة ستفضي بالطبع الي الاستقرار السياسي
اليس كذلك اخي صديق؟
اعترفوا يا ناس بانجازات الاخرين
|
Post: #13
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 12:04 PM
Parent: #12
| Quote: ياربي الاعداء ديل منو. |
اعداء الوطن يا وليد
الا تعرفهم يا اخ العرب؟
هم بالداخل والخارج
لا يريدون للسودان واهله الا الفقر والتخلف والمرض
وهذه المشروعات التي يفتتحها قائد الامة هي طبعا امصال مضادة لهذا الثالوث ومضادة وقاتلة جدا
لاعداء امة السودان.
|
Post: #14
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: نادر
Date: 08-09-2009, 12:32 PM
Parent: #13
الواحد لما يكون موضوعو مصرج وهو ما عارف نفسو مصرج بيكون شكلو شيييين زي أخونا ده، يا زول انت راكب من وين ولي وين، مشاريع تنمية شنو وخرابيط شنو؟؟ الله يكملك بي عقلك يا أخ السيدح، أنت لسه الحنك البيش ده قايلو بقسم مع السودانيين؟؟ والله إنك لمسكين !!!
المشكلة إنك كمان طارح نفسك صحافي، ما عارف دي تركب كيف وبي ياتو وش مصدقها وقادي لي قدام بتاعتك دي عااااادي !!!!
بالله عليك إنته جادي كده ومتصالح مع نفسك وقايل نفسك صاح؟؟؟
|
Post: #15
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: جعفر محي الدين
Date: 08-09-2009, 12:44 PM
Parent: #14
كدي يا السيدح كلم لينا قائد الأمة دا
يردم لينا كبري الدويم
الدويم دي عاصمة مديرية النيل الأبيض من زمان خلاص
ليست قرية وادعة على النيل
|
Post: #16
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: صديق الموج
Date: 08-09-2009, 12:55 PM
Parent: #15
| Quote: ان مشروعات التنمية والاستقرار التي تنفذها هذه الحكومة الجادة ستفضي بالطبع الي الاستقرار السياسي |
هل من حقك ان تحاسب وتسال كم كلفت هذه المشروعات؟؟
|
Post: #17
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 01:04 PM
Parent: #16
| Quote: هل من حقك ان تحاسب وتسال كم كلفت هذه المشروعات؟؟ |
عندك المعارضة موجودة في المجلس
بقيادة فاروق ابو عيسي
وتراقب كل كبيرة وصغيرة
بعدين دي مشاريع تابعة
لرئاسة الجمهورية مباشرة
يعني مسئول منها البشير وسلفا وشيخ علي
ويتفذها اسامة صاحب اليد الطاهرة
طريقة ملعبة مافي تب
اطمئن يا ود الموج
|
Post: #18
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: هشام هباني
Date: 08-09-2009, 01:07 PM
Parent: #16
نحن الطيور ايها الانسان بذي الكباري خصناالرحمن
وطاف في المنابر(ام بلول) السيدح الهيمان
ولا زال للانقاذ الملمع الدلقان
|
Post: #19
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 01:10 PM
Parent: #18
Quote: نحن الطيور ايها الانسان بذي الكباري خصناالرحمن
وطاف في المنابر(ام بلول) السيدح الهيمان
ولا زال للانقاذ الملمع الدلقان |
نحن عندنا امرئ القيس السوداني في امريكا وما عارفنوا
اللوم والعتاب عليكم يا اهل المربد ويا د/عمر صديق رئيس مجمع عبد الله الطيب للغة العربية.
|
Post: #20
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: أيمن جبارة الله الخضر
Date: 08-09-2009, 01:36 PM
Parent: #19
بالله ما حاجة تزعّل لما تشوف ((سوداني)) بيزعل ويتضايق ويرتفع ضغطه لما يشوف خبر إنجاز زي دا؟؟؟
ديمقراطية تطير كان كدة!
|
Post: #21
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: jini
Date: 08-09-2009, 01:55 PM
Parent: #20
| Quote: ويربط الجسر الطريق القاري القادم من مروي لعطبرة ومنه لبور تسودان |
اول مرة اسمع بى طريق قارى يكون داخل قطر واحد!
تكون قاصد قارى بمعنى مصنوع من القار!
القطران والزفت والنيكوتين!
جنى
|
Post: #22
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: Hamid Elsawi
Date: 08-09-2009, 02:25 PM
Parent: #21
هم قدروا يعملوا كبري فوق المويه
و ما قادرين يوصلوا المويه للناس في بيوتهم؟
حتي الساكنين في مقرن النيلين ما لاقين مويه؟
لمن طلعت مظاهرات ...
اذا انت بتتكلم عن مقدرات الحكومة في الانجاز احسن تتكلم
عن الضروريات مويه, كهرباء, صحة, تعليم بعدين نطير للكباري
تذكرت مثل يردده جدي عليه رحمة الله
عريان من .... و لابسلو صديري
|
Post: #23
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: NEWSUDANI
Date: 08-09-2009, 03:07 PM
Parent: #22
| Quote: نحن الطيور ايها الانسان بذي الكباري خصناالرحمن |
هاهاهاهاها والله فعلا يا هشام نحن طيور !!!!
دي ذكرتني واحد ضابط في الجيش ومتقاعد الآن بيحكي عن عبد الرحيم أب ريالة وكل مرة مصر (بضم الباء) يقول أب ريالة نط واحد زهجان قال ليه أب ريالة هو ولا أنتو القاعدين يوم الخميس جو طشوا بالبلد وانتوا نائميين
والله فعلا نحن طير
|
Post: #24
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: ghariba
Date: 08-09-2009, 03:20 PM
Parent: #23
فوق
|
Post: #25
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: Mohamed Yassin Khalifa
Date: 08-09-2009, 05:39 PM
Parent: #24
ياتو أمة؟ وياتو قائد؟؟
قصدك المتهم المطلوب في معظم دول العالم بجرائم أرتكبها بحق الأمة السودانية!
مبروك الكبري... وعقبال نبارك ليك القبضة
|
Post: #27
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 05:48 PM
Parent: #26
| Quote: اختلاس 200 مليار جنية (على ذمة اخر لحظة) |
وعلاقة ده ايه يا بشاشا بوحدة تنفيذ السدود؟
نحن نحتفل جميعا كأبناء نهر النيل العظيم
بتشريف قائد الامة لديارنا صباح غد الثلاثاء وافتتاحه لكبري
ام الطيور العكد
قول مبروك يا اخي وبس ما عايزين منك حاجة تانية
|
Post: #28
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: Bashasha
Date: 08-09-2009, 05:55 PM
Parent: #27
| Quote: وعلاقة ده ايه يا بشاشا بوحدة تنفيذ السدود؟ |
الامننجي الارزقي السيدح،
علاقة ده شنو؟
هم اصلا قلبوها ليها؟
مش للخم والنهب؟
مافي مشروع في المشروع الافسادي، مامشروع لغف يا ارزقي ياعميل!
لما غلبو اليقولو، قال علاقة الهبر الفوق ده، شنو، بي هبر السدود، الاودي بحياة المغدور م.طه!
افحمناك؟
|
Post: #29
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: زهير عثمان حمد
Date: 08-09-2009, 06:08 PM
Parent: #27
السيداح
طبعا نموت بغيظنا الكبري للسيد /الزبير محمد الحسن وأقربائه وهو الذي سعي في جلب القرض وكل التسهيلات بحكم أنه وزير مالية الكبري هذا مهم ولا توصيل المياه للبيوت ولأهلنا في الغرب والشرق
السيداح القائمة تطول من أنجازات المفاخرة التي لاتخدم غير جيوب فئة محددة ونملك الدليل علي أن من هم المستفدين من فوضي الاعمار العجيبه والفساد ضارب بأطنابه حتي في مشروع توطين العلاج ومن هم الذين ينفذون هذا المشروع حتي تسليح القوات المسلحة أصبح في يد مجموعة من كبار رجالات النظام وكذلك جهاز الامن والمخابرات أضحي أكبر من مجموعة شركات تعمل في قطاع الاعمال لا نريد أن نفضح ولكن الانجاز أقل كثير من المال المنهوب سمعت ياصديق وكلم الجماعة والله بالمستندات وصور الاتفاقيات ونسب العمولات في المشاريع التي تم تنفيذها و عمولات أرباح الدين علي القروض غير جرائم الخصصه المالية ليس لدي عداء مع أحد أنما أتكلم كمواطن
|
Post: #30
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-09-2009, 06:25 PM
Parent: #29
Quote: بالله ما حاجة تزعّل لما تشوف ((سوداني)) بيزعل ويتضايق ويرتفع ضغطه لما يشوف خبر إنجاز زي دا؟؟؟
ديمقراطية تطير كان كدة! |
شفت وجع القلب ده كيف يا أيمن
وظلم ذوي القربي اشد مضاضة:: علي المرء من وقع الحسام المهند
ديل اخطر من اعداء الخارج اغرب شئ تجد انسانا يحسد وطنه علي الانجازات التي يحققها.
اعوذ بالله من الشيطان الرجيم
|
Post: #31
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: ود الباوقة
Date: 08-09-2009, 07:12 PM
Parent: #30
هل من حقك ان تحاسب وتسال كم كلفت هذه المشروعات؟؟
عمي ود الموج ..
وكمان نبارك ليك جسر البشير .
المتمة شندي وشوف عيني كنت حضورا في افتتاح الجسر
اهلك الصلوعاب ما قصروا ( لافتة ) طولها عشرة امتار وعرضها ثلاثة
ترحب بقائد الامة وباني نهضتها وتبارك افتتاح الجسر
وانت قاعد هنا تبخس في الانجازات ..
|
Post: #32
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: وليد شريف
Date: 08-09-2009, 08:19 PM
Parent: #31
| Quote: وظلم ذوي القربي اشد مضاضة:: علي المرء من وقع الحسام المهند |
يعني انت مقتنع بالبيت ده
لو مقتنع تبقي مشكلتك مشكلة كبيرة
لأنو ذو القربى بتاعينك ديل يا اخ السيدح ظلموا كل الشعب السوداني
|
Post: #33
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: NEWSUDANI
Date: 08-09-2009, 08:36 PM
Parent: #32
دولة بدائية فعلا
أم الطيور /العكد ؟؟؟؟؟؟؟
والله مبروك ولو ياهو ده فهم الأنقاذ للتطور والتنمية ألف مبروك ليكم أنشاء الله يعجبكم؟؟
|
Post: #34
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: Manal Mohamed Ali
Date: 08-09-2009, 08:56 PM
Parent: #33
التنمية مابناباها لاهلنا ام الطيور والعكد
وفرحنا بي الكبري ده شديد
وقبال كباري كثيرة تسهل على اهلنا الغبش في كل نهر وخور في بلدنا
___________
الا يا الاخو في زمتك العزيزة دي الكلام التحت ده انت جادي فيه ؟؟
| Quote: ويتفذها اسامة صاحب اليد الطاهرة |
_____________
مبروك لأهلي في ام الطيور والعكد
|
Post: #35
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: ود الباوقة
Date: 08-09-2009, 08:58 PM
Parent: #33
دولة بدائية فعلا
أم الطيور /العكد ؟؟؟؟؟؟؟
قصدك شنو يعني ما بستحقوا الكبري .....؟؟
ليه التعجب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #36
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: NEWSUDANI
Date: 08-10-2009, 07:37 AM
Parent: #35
لا بتستاهل أنشاء الله يعملوا ليها محطة فضائية كمان !!
فعلا جهل وتجهيل !! الرد ده ما فاهمه والفهم قسم،،
دورها شنو في التنمية التي يحتاج ليها أهل أم الطيور ذاتهم؟؟
أحسن ليهم كبري ولا محطة موية نقية؟ومحطة كهرباء معتمد عليها؟؟ولا مستشفى يتعالجوا فيها دون الذهاب للخرطوم؟؟
ولا مجاري لتنظيف البيئة؟
الله يهديكم للفهم
|
Post: #37
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: محمد الشيخ أرباب
Date: 08-10-2009, 07:41 AM
Parent: #36
بالمناسبة اخبار سد مروي شنو تصدير الكهرباء ماشي كيف
|
Post: #38
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: الرفاعي عبدالعاطي حجر
Date: 08-10-2009, 08:02 AM
Parent: #37
Quote: يموتوا ام يموتون؟
ياتو فيهم الصحيح وبعدين نستعدل للمباركة..
يا السيدح..جيب علبة الحلاوة معاك.. |
زمااااان قلنا :
واخو الجهالة في الشقاوة ينعم
..................................حجر.
|
Post: #39
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: كمال ادريس
Date: 08-10-2009, 10:04 AM
Parent: #38
واااااااااااااو .... دي قوية يالسيدح.
|
Post: #40
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-10-2009, 10:32 AM
Parent: #39
| Quote: واااااااااااااو .... دي قوية يالسيدح. |
اقوي هي ام الطوب؟؟؟
|
Post: #41
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عمر صديق
Date: 08-10-2009, 10:33 AM
Parent: #39
الف الف مبروك للشعب السوداني عامة ولمواطني المنطفة خاصة ومزيدا من الانجاز
|
Post: #42
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-10-2009, 10:39 AM
Parent: #41
| Quote: الف الف مبروك للشعب السوداني عامة ولمواطني المنطفة خاصة ومزيدا من الانجاز |
شكرا يا عمر علي مرورك الانيق
واتمني ان تكون هذه اللحظات وسط اهلنا بنهر النيل شاهدا علي الانجاز وناقلا بالصورة والقلم ملحمة
العبور الي سودان العزة والشموخ واستقلال القرار.
مبروك لاهلنا بعطبرة والدامر والعكد وام الطيور والفاضلاب والتميراب والفحلاب والغبش وناس كدباس
وكل القري بغرب وشرق النيل ,ومزيدا من مشاريع التنمية والاعمار
|
Post: #45
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: مجدى عمر بابكر
Date: 08-10-2009, 12:09 PM
Parent: #42
Quote: هم قدروا يعملوا كبري فوق المويه
و ما قادرين يوصلوا المويه للناس في بيوتهم؟
حتي الساكنين في مقرن النيلين ما لاقين مويه؟
|
قائد الامه قال....... يقودوك لي حبل المشنقه قول امين
ليس الانجاز ان تفتتح كبري او تفتتح مصنع او او او................
لان كل هذه الاشياء من ضمن واجبات الدوله للمواطن (ولا كتر خيرها) حصل شفت اوسمعت خبر بيتكلم عن رئيس دوله في العالم ده كله بيحتفل بي افتتاح كبري
وللا شارع زلط مع انه العالم ده كله فيه شوارع ظلط وكباري عملاقه وبي مواصفات ممتازه اشمعنا هنا في السودان, نحن بحاجه الى التفريق بين الواجب المفروض
تنفيذه وبين الانجاز لان من اخذ الاجر حاسبه الله بالعمل ..
يا استاذ السيدح...............
مافائده الكبري ؟ اذا كان اصحاب المنطقه يعانون من سوء وتردي اساسيات الحياه من ماء شرب نظيف ومستشفيات اشبه بالزريبه وتيار كهربائي غير مستقر مع العلم انها منطقتي التي انتمي اليها .
|
Post: #43
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عثمان جلال الدين
Date: 08-10-2009, 10:56 AM
Parent: #1
قال السيدح
| Quote: يبلغ طوله 856 مترا كأطول جسر على النيل |
وقال ود الباوقة
| Quote: في انتظار بنطون لقطع مسافة 200 متر تقريبا |
ده شنو ده؟؟؟
ياخي حكومة عشرين سنة وتتفاخر بأشياء هي صميم واجباتها
موية مافي وكهرباء مافي وخدمات مافي ، وكل شئ مافي تعليم وصحة بالقروش لأبناء النخبة من الكيزانو...
بفضلهم السودان صار أغلى دولة في العالم، تعددت الجبايات وأرهقت الشعب وأذلته والنهب والفساد مستمران.. وذهب بخير العباد والبلاد نفر لا ضمير ولا وازع ديني أو أخلاقي لهم..
وبعد ده دايرننا نفرح ونهلل ..
ياخي لفوا كده
ود الباوقة أخبار الكهرباء شنو؟؟ وان شاء الله سد مروي اشتغل..
تحياتي
|
Post: #44
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: محمد عبد الماجد الصايم
Date: 08-10-2009, 11:23 AM
Parent: #43
يا عمكـ
سمعت نكتة الزول العندو بواسير ومشى يتعالج في المستشفى الصيني؟
|
Post: #46
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-10-2009, 12:21 PM
Parent: #44
Quote: قائد الامه قال....... يقودوك لي حبل المشنقه قول
امين |
ليس علي المساطيل حرج.
|
Post: #47
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: مجدى عمر بابكر
Date: 08-10-2009, 12:52 PM
Parent: #44
يا ود الصايم ممكن تسمعنا النكته ؟
|
Post: #48
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: BAKTASH
Date: 08-10-2009, 02:04 PM
Parent: #47
Quote: ود الباوقة ارم قدام يا مجاهد
واردم . اردم . اردم |
يا حليلك يا محمد ود جمعة الله يطراك بالخير ...
|
Post: #49
Title: Re: قائد أمة السودان يفتتح أطول جسر علي نهر النيل (كبري ام الطيور/ العكد) والاعداء يموتوا بغيظ
Author: عبد اللطيف السيدح
Date: 08-10-2009, 04:20 PM
Parent: #48
صوراً مي خمج ماشة عليكم في الطريق
دار جعل سدوا عين الشمس امام قائد امة السودان
|
|